توأم و لكن أغراب في جامعة أمريكية - الجزء 40‏

((للنفتتح ببطلتنا الجديـــــــــــــــــــــــــده ...
ميشــــو ... واقفه قدام طاولات الكافاتريا وهي تأشر للشلتها وتقول بصوت عالي
بدون خجل للي يطالعونها باستغراب ..
-انتي وياااها .. قومو لا أحوسكم .. أول مره أقوم أشتري لكم ...
وآخر مره ياشيوون ...
-(ساره (سوسو) بضحك :~ ميشوووو تعااالي خلي الفلبينو هي اللي تييبها ...
-(ميشو :~ فاضية لكم البنيه تييب لكم أكلكم يالمشافيح .. قومو بس قومو ..
بسرعه ولا وقسم لاااا (وهي تغمز بضحك :~ اسوي ذاكـ وذاكـ ...
-(ساره :~ تسويها بنات وربي تسويها ..
-(ليندا :~ أي ولله صج قومو بس ..
(وهم رايحين للميشو ... ساره صدمت كافي بنت وانكب كله
على بلوزة صاحبة الكافي ..
-(ساره برفعة خشم :~ هيه انتي ماتشوفين جدامج ...
-(ليندا وهي تستند على كتف ساره وتقول بوقاااحه :~ وانتي شلج 
تحاجين هالأشكال .. بالله شوفي شعرها اللي تلاقينها من أمس وهي تحرق فيه بذالاستشوار 
وموب طالع منها أي شي ... 
-(ريم :~ هاهااااي ... هيه انتي يالحولا .. المره اليايه طالعي جدامج
عدل قبل لا أخلي ميشو حبيبة قلبي تحوس اللي يابوووج ..
-(ميشو بصوت عالي :~ اقول تعالوا لبنيه بتبجي خلو عنكم ...بعد لين واحد ..
-(ريمو :~ هههههـ أكيد يعني لين واحد دامك بتعكسين العد ..
-(ميشو :~ لا شدراج يمكن اتكرم لكم يوم من الايام واقول لين صفر ..
-(سوسو بطرف اصبعها وكأنها متقرفه تبعد البنت عن طريقها وهي تقول بشمئزاز :ْ
روحي روحي بس اقرفتينا بريحتج .. غيري قميصج ..
-(ليندا :~ ؤفففـ خيستينا يالوسخه ...
(البنت كانت ساكته لأنها عااااارفه زييين هالشلة ماتنتحارش ... لو بتحارشهم راح
يضيعونها ضيااااع للآخر درجه ...لفت عنهم وراحت ...
وهم يشيلون مع ميشو ...
-(ميشو :~ يلعـ### بليسكم متوحشااات بسم الله علي مدري شلون ييت
بينكم ..
-(ريمو بدلع :~ واااااي شوفو من يتحجى .. انتي راس الحيه ..
-(ميشو :~ لا تعيدينها هاه ...
((بهاللحظه أميره وقفت جمبهم بتشتري ...
-(أميره وهي تمد فلوسها :~ لو سمحتي .. موكا كراش ..
(ميشو بسرعه :~ لو سمحتي وين الطلب بسرعه ترى موب حاله هاي كل يوم
انطرج جذي ... بسرعه وين رايحه تاخذين الطلبات .. ييبي طلبي ثم خذي الطلبات ..
انا ناقصتج بعد ....
-(أميره رفعت حاجب والتفتت ببطئ على ميشو ودها تعطيها كف ... بس كملت :~
لو سمحتيييي ييبي طلبي بسرعه ..
-(ميشو :~ هييييه انتي خلصي علي .. ناقصني فلبينيات أنا .. اخلصي علي ..
(الفلبينيه ملت من لسان هالبنتين اللي كل وحده أطول من الثاني .. بس ميشو على وقاحه ..
فعشان كذا لفت بتروج تجيب طلب ميشو ...
ميشو التفتت على صاحباتها .. مامداها بتتكلم .. بس أميره قاطعت عليها وهي تقول
بقهرررر :~ هيه هيه هيه انتي .. ؤه ولا تدرين انتي وشعرج ... هيييه انت
مينونه ولا شلووون ..
-(ميشو مالقت أميره وجه وطنشتها ... أميره وصلت معها .. قربت من ميشو وقالت 
بحقد :~ هيه يالصقهى احاجيج ..
-(ميشو وهي تطالع صاحباتها وتقول بصوت عالي :~ هاهاااي بنات بنات ..
الجامعه الظاهر صارت تتقبل تدرس مبزره طولهم نص اصبعي ..
أميره حقدت لأنها تدري انها تقدها ... 
-ويقولوووون ... أحذرو المقريبن للأرض ... 
-(ميشو فقعت ضحك :~ هههاااااااي ... ياربييييه مالي خلق أضحك اليوم
.. ريمو حبيبتي روحي دوري على ناس مضيعه بزرتهم ... ترى مره قلق ..
ومسجينه ماتدري هي منو تحاجي الظاهر ..!!
-(أميره صرخت بأذنها :~ هيييييييييييييييييييييييه ..
-(ميشو نقزت من الروعه ... مسكت أذنها وهي تطالع أميره بقهر ...
كشرت :~ مينونه ... صج ياهل انتي ... خير تصارخين بأذني ..
روحي من ويهي قبل لا احوسج ...
-(أميره :~ ترى مره صجيتينا .. كل شوي احوسج وأحوسج ... ؤحلى ياشديييد ..
خلاص درينا انج قويه ..
-(ميشو ابتسمت بخبث ... وكان بيدها عصير مثلج فراوله ... بسرعه كبته
على ملابس أميره ثم شهقت بشكل واضح انها تتريق :~ ؤه ؤه سورري حبيبتي ..
لا يكون هاللبس توج شاريته .. قولي لي من أي محل ابو ريالين وبحاول الرسل الخدامه
تشتريه ... 
-(أميره كانت فاتحه فمها مصدومه وبنفس الوقت بداخلها تشتعل ناااار .. التفتت على 
موكا كراش اللي تو العامله جابته .. بسرعه كبته على ملابس ميشو 
وهي تقول بنفسسس طريقة ميشو وبشهقتها :~ ؤه ؤه .. سوررري ايقلبيييي ...
ماقصدت اخرب لج ملابسج اللي واضح انها يديده <~ تقصد من لونها الأبيض ...
باللاهي أي من أي محل تقليد ..!!! ودي الرسل وحده من صاحباتتج اللي مثلج
يشترونه لج .... لأني ماأطب غير ابو ريالين اللي هو أغلى من تقليدج ..
(ثم قالت بجديه :~ روحي زيييييين ... لو سمحتي ييبي موكا ثاني ..
-(العامله :~ بس جيب انتي فلوس هازا موكا أول ..
-(ميشو ماوضح كيف هي انقهرت من أميره .. التفتت على سوسو ثم خذت
منها عصير ... التفتت على أميره اللي كانت معطيتها ظهرها ماتشوفها ..
بسرعه كبته من فوق شعرها ببطئ ....
أميره جمدت مكانها تحاول تستوعب اللي ينكب من فوقها ...
ثم مرت من قدامها ميشو ورمت العلبه عند أميره وهي تقول :~ المره اليايه شوفي عدل
انتي منو تحارشينه وعبالج تستقوين وياه ..!! فاهمه ياشطوووره ..
(بهاللحظه راكان كان يطالعهم وهو توه داخل الكافي ... سمع آخر الكلمات 
بس ماأهتم ... راح بيجلس ويطلب له أي شي ...
ميشو عطته نظره وقحه ...
وبنفس الوقت لاحظت راكان اللي مالقاها وجه ... يمشي بغرور ومو ملقي أحد وجه ..
بس راكان طلع منديل وراح عند أميره وعطاها ....
أميره منزله راسها تشب نااااااار .. بس ماتقدر تتحرك نفسها متقرفه من اللي يتلزق بشعرها ..
ميشو لفت عنهم وراحت بكبريائها ...
-(سوسو :~ يالعيـ### ولله منتيب سهله موليه ...
-(ليندا :~ بالله شفتي شلون صار ويه البنيه ..
-(ريمو :~ ههههههـ قصدكم ماعاد قدرت ترفع راسها من العصير اللي سبحها ..
-(وحده ثانيه :~ وربي رحمتها .. بس ميشو كفو ولله ...
(أميره راحت بسرعه للحمامات وحاولت تنضف ملابسها بأي طريقه ...
دقت على جراح وقالت له يجيب لها أي لبس على طريقه قبل لا يروح للدوام ..
صحيح هزئها وقال لها موب فاضي لج .. بس اميره بغت تنهبل عليه لو ماقال طيب ..
أميره وهي تطالع شكلها وتحس نفسها راح تنجلط من القرف اللي هي متسبحه فيه ..
وتتوعد ميشو بقلبها ...
""""""""""""""""""""""""""
فيصل جالس مع الشله بمكانهم المعتاد ..
-(فهد :~ فصول تصدق أمس قابلت واحد بالشارع .. قال ايش قال تحداني
قبال شارع ..............
-(فيصل وقف لما شاف جينفر جايه لعندهم راح تدخل المبنى ...
فيصل وهو يبعد برهوم بسرعه اللي جالس يبي يلحق عليها ..
لما وصلها .. مسك يدها وسحبها للحديقه ...
جينفر مصدومه منه أول مره يكون مثل هالجديه ..
((بهاللحظه جراح توه داخل ...لما مر من عندهم ...
فتح فمه خااااق على جينفر ...
فيصل وهو يتكلم مع جينفر حس بنظرات جراح لها ..
عقد حواجبه وهو يطالع جراح...
جراح ابتسم للفيصل وغمز له وكأنه يقول نيالك عالبنت اللي انت معها ..
فيصل بقلبه يقول ...
واللي يعافيك لو بيدي عطيتك اياها هالعلج ...
((جراح دق على أميره وهو يهاوش :~ بسرعه وينج موب فاضي لج تراني ..
-يوووه ماقدر أطلع ولله .. تعال بالدورات المياه اللي عنـ
-(قاطعها :~ لا لا تستهبلين انتي وياي .. اقول بسرعه طلعي برى وخذي 
الجيس مني .. امي اللي مزهبتها لج ... بسرعه ..
-(شوي وتبكي من القهر :~ ولله مقدر اقولك كلي عصير .. من فوق لين تحت
صعبه اطلع عند الطلاب جذي .. تكفى تعال انت ..
-لا أحسن قولي ادخل بدورات البنات ... بتطلعين الحين ولا شلون ..!!
-ياربييييه جروووح تكفى وللـ....
-(قاطعها :~ ؤكي بسرعه أي دورات ..
(وهو يدخل المبنى قابل بالصدفه الدكتور طلال ...
أميره كانت توصف له أي دورات بس الأخ جراح نزل الجوال من أذنه وهو يسولف 
مع طلال ..
-(طلال :ْ له له له ولله ماني مصدق انك هني ..!! شعندك ؟؟
-لا بس ياي ابي اختي ...
-أميره ..!!!
-لا بنت عمها .. شرايك يعني ..
-هههههـ الله يخس بليسك طيب ماتعرف تسلك ياريال ؟؟
-يعني بس لحدود ههههـ ..
-طيب يالبايخ ليش أمس مامريت علي 
-أي يوم خطبت ... ولله ماقدرت من زحمة الشارع ... بس ماقلت لي شصار عليكم ..
-يعني جنك ماتدري عن السالفه ولا قلت لك عنها امس ..!!
-ههههـ مدري بس خفت لا ترفضك البنيه ..
-أي هذي بعيده عن الواقع ..
-ياعييييني عالواثقين ... طيب ماعندها أخت تزوجني اياها ؟؟؟
-ليه وانت ويهك ويه زواج ؟؟
((بهاللحظه مرت تولين من ورى طلال بحيث جراح يشوفها بس طلال 
مايشوفها ..
جراح ماقدر يشيل عيونه عن تولين اللي تمشي بكل غرووووور ...
جراح سبه وهو يطالع تولين .. 
-(طلال :ْ هيه انت احاجيك .؟؟ هييييه ..
-هاه وش تبي انت ياخي .. محد قد قالك انك قلق ...
-مدري عنك قاعد احاجيك ومطنش ..!!! وين سرحت فيه ..!!
-خلاص انا ابي اتزوج مثلك ..
(تولين تسمعهم لأنها واقفه وراهم تنتظر جوجو ...
-(طلال :~ هههههـ شصار لك انت ؟؟ استخفيت ؟؟
-يمكن الصراحه ؟؟؟ 
((للحين جراح ماشال عيونه عن تولين اللي ماتطالعه ... بس منزله راسها وتسمعهم بسبب القرب بينهم وهي ورى طلال ..))
-(طلال التفت يبي يشوف جراح من سبه عليها ؟؟ لما التفت لقى تولين وراه ..
تولين طاحت عيونها بعين طلال ...
بهاللحظه قلبها صار يدق بقوووه وكأنها راح تضعف قدامه مره ثانيه ...
خنقتها العبره وهي قبال طلال وجه لوجه .. بس بعدين ماراح تقدر تقابله كذا لأنه راح يكون زوج
أعز صاحباتها ..
-(طلال ابتسم وهو يقول :~ هاي اسمها تولين وحده من طالباتي اللي غاااااثيني حيييييل ..
-(جراح بزلة لسان :~ ياعمي أحلى غثى .. دام هالزين قبـ ..
-(طلال وطى رجل جراح يبي يسكته ...
التفت طلال على تولين وهو يقول :~ وين جواهر ؟؟
-(تولين نزلت راسها .. بس بهاللحظه جت جوجو وهي تركض للتولين 
وتقول بدون ماتنتبه للوجود طلال وجراح ..
-ياربيييه نفسي انقطع ... تأخرت عليج صح .. ولله سور........
-(سكتت فجأه لما شافت طلال يطالعها بعيون كلها شوق وبابتسامه جذاااابه ..
تولين رفعت عيونها على جوجو وطلال وهي تطالعهم كيف كل واحد واضح عليه الحب
الكبييييييير بداخله ...
-(طلال باتسامه :~ شحالج جواهر ..؟؟
-(نزلت راسها بخجل :~ بخير عسى ربي يسلمك ...وانت ..؟؟
-بخير ...
-(جراح بصوت واطي :~ الحين هاي خطيبتك مدري بنت عمك ؟؟
-(وطى رجله مره ثانيه وهو يقول بنفس الصوت الواطي :~ شرايك تسكت لين بعدين ..
((من جهه ثانيه .. أميره جلست على الأرض قدام المغاسل وهي حدها مقهووووره من جراح اللي طنشها وانقطع الخط ..
أميره :~ الله ياخذ ويهك جراحوه ... ولله ماخليك ... انا عفادك بالبيت ...
((نرجع للتولين ...اللي تطالع جوجو وطلال وقلبها يحترق غيييره ...
-(تولين قطعت عليهم وهي تقول :~ يالله عن أذنكم ... جوجو انطرج بالكافتريا ..
-(جوجو :~ لا لا بروح وياج ...
-(تولين من طرف خشمها وهي تطالع طلال بنظرات ماقدر يفهمها :~ لا انتي خليج ويى خطيبج ..
اللي مو حاس انه بالجامعه موب برى ...
-(جراح عقد حواجبه .... مستغرب من ردة فعلها واللي مستغربه أكثر ان طلال ماعبر كلماتها ابدا
واللي هو متأكد انها تدل على مغزى ... ياهي يكرهه أو فيها شي ثاني ..
جراح يفهم هالأشياء بسهوله بما انه خبير بالبنات ..
-(طلال رفع حاجب مستغرب من تولين وهو يطالعها يبي يفهم نظرتها ...
تولين بهاللحظه بعدت نظراتها عن طلال وراحت ...
-(جوجو :~ عن أذنكم ...
(لما راحو ... جراح قال بسرعه :~ تعال تولين اللي تقول عنها ..
شفيها تطالعك جذي .. شوي وتطب فيك من الحقد..
-حقــــــــــــد !!!! لا ماأتوقع .. ليش انا مابيني وبينها شي ..
-متأكد .. ياخي انت ماتشوف كيف كانت تطالعك ؟؟؟
-(بملل :~ طيب وليش اقعد افكر بنظراتها وأهتم فيها وانا مابيني وبينها أي شي ..
هي وحده من طلابي لا راحت ولا يت ... خل عنك وماتلاحظ انك سحبت على
اميره أختك ..
-(صقع وجهه بقوه وهو يشهق :~ ياويييليييي منها ولله ماراح تخليني بحالي ..
(رفع جواله وهو يقول :~ آلو آلو ... أميروه انتي على الخط ..
-(طلال سحب الجوال وهو يضحك :~ انت من صجك تبيها تنطرك ؟؟ روح روح
انت وويهك .. ولله من الدلاخه اللي انت فيها ..
-لا يالعاقل اقول وخر عني بس أدور هالخبله ..؟؟
(جراح راح وطلال كان يطالعه وهو يضحك بقلبه عليه ...
من جهه ثانيه ...
تولين كانت جالسه بالكافتريا ...
جوجو وهي توها واصله عندها :~ تولين ليش رحتي جذي ؟؟
-(تولين حطت رجل على رجل بملل وهي تقول بدون ماتطالعها بكبرياء :~ وانتي ليه تركتي 
حبيب قلبج وخطيبج وزوجج بالمستقبل وييتيني ؟؟ روحي موب محتايه حد وياي ..
-(جوجو عقدت حواجبها مستغربه هالأسلوب الجاف وهالطريقه الغريبه ...
مامداها بتتكلم الا وجو بنتين ...
-(البنت الأولى :~ ؤهووووه شنو هالخبر اللي سمعناااه !!! عيل الدكتور طلال خطبج ..
-(البنت الثانيه تقول بغييييييره :~ أنا مدري شلاقي فيج زود عننا !!!!
-(البنت الأولى :~ ولله انج صاجه ... بالله هذي تستاهل واحد مثل الدكتور طلال ..
-(البنت الثانيه :~ آآآآآه بس الدكتور طلال حلم كل بنت بهالجامعه ..
-(تولين وقفت وهي توقف قدامهم وتقول بسخريه :~ للهدرجه الغيره قاطعه قلوبكم
.. بعدين بالله قولو لي .. انتو شفيكم زود عن جوجو عشان طلال يفكر فيكم ..
(بهاللحظه البنات وجوجو استغربو كيف تقول طلال بدون الدكتور وكأنها متعوده على 
كذا ..))
-(تولين مالاحظت روحها وكملت :~ وبعدين الله وكبر ياطلال ... قال ايش قال حلم كل بنت
بالجامعه ... طيب وان صدقنا هالحجي ... ليش ماتقولي انو طلال حلمه 
الأكبر جوجو ؟؟؟ الحين اللي يسمعكم يقول ان جوجو هي اللي راحت وخطبته مو هو اللي راح بنفسه
وخطبها .... بعدين ليش غيرانين بحبه لها !!!! روحو شوفو لكم غير الدكتور طلال ..
.. بنات مثلكم همهم الوحيد تدوير بهالشباب .. روحو دورو
اللي مثلكم ..
-(البنت الأولى :~ احترمي نفسج ... احنا متربين ونعرف روحنا عدل .. 

((بهاللحظـــــه ... ميشو وشلتها دخلو بالكافتريا ...
-(ريمو بدلعها المعتاااااد :~ بنات بنات لا يفوتكم نقااش حاد بين البنات اللي هناك ..
-(ميشو بسخريه وهي رايحه تجلس على الكرسي :~ ؤحلى يانقاش حاد .. تسمعين بها
ريمو انتي والفصحى تبعج ... بعدين خليهم يتطاقون احنا شعلينا ..
-(سوسو بحماااس :~ واااي أحلى شي اشوف أحد يتطاق او نتطاق .. متعة الحياه
يابنت ..
-(ليندا :~ ميشووو حبيبي اللي يسمعج يقول ميشو مساااالمه .. مو جنك انتي 
ملقبينك المشكلجيه __^ ..
-(ميشو :~ اقو لانا يوعاااانه .. ريمو حبيبتي انتي اطلبي لي أي شي من ايديج ..
(ريمو أكثر وحده من الشله اللي تعز مشاعل بشكل زايد عن اللزوم ...
للدرجة انو بعض الأحيان يشكون لو تقول ميشو لها طبي النار ..راح تطبه ..
بس ريم من لما كان عمرها 11 سنه وهي مع ميشو ...
يعني من يلومها اذا صارت تعزها للهدرجه الكبيره ..
ريمو تعتبر ميشو صاحبتها الرووح بالروووح ..
بس ميشو ابدا ... صحيح تعز ريم بس مو لدرجة معزة ريم لها ...
-(ريمو بابتسامه :~ حاااضر ياأحلى ميشو ... جم عندي من ميشوووو ..
-(ميشو بضحك :~ دفعي بدالي ولا افتحي شنطتي وخذي البوك ... مشوار افتح الشنطه
واعطيج البوك ..
-(ريمو:ْ ~ مابيننا شي ... (ثم راحت تشتري لها بنفسها بس سوسو قالت :~
ريموووو واللي يعافيج بعد انا اشتري لي على طريقج ..
-(ريمو بدلع :~ هاهاااااي مسجييينه .. احلمي على قدج ياحلوه ...
انا غير ميشو مو فاضيه له ...
(ميشو تطالع سوسو وهي ترفع حاجب وتنزله زي اللي انقهري ..
-(سوسو برمت شفتها بقهر وهي تطالع ميشو وتقول :~ انا مدري شلاقيه فيج ريمو ..
-(ليند :~ لا لا قصدج ميشو ساحرتها انا متأكده ...
((نرجع للتولين ....
-(جوجو :~ تولين تعالي ماعليج منهم ... خليهم على راحتهم ..
طنشيهم ..
-(تولين وهي تطالع البنتين بحتقار :~ انتو طالعو اشكالكم قبل بعدين فكرو 
كيف تفكرون بشباب ....
-(البنت :~ هيه احنا متربين شنو شايفتنا كل يوم مع واحد ...
-(البنت الثانيه :~ بعدين حدج لا تتقطعين ... عبالج يعني حلوه ... واثقه من حالج مدري على
شنو يالمغرووووره ..
-(بدون ماتطالعهم :~ مغروره عاللي مثلكم .. يالله ظفي انتي ورفيجتج لوعتو جبودنا ..
((ميشو كانت بالطاوله اللي جمبهم تسمع كل اللي دار بينهم ...
بهاللحظه ميشو ابتسمت وكأنها اعجبتها تولين بوقاحتها ولسانها الطويل على البنتين ..))
-(ميشو تقول بصوت واطي لليندا :~ ليندوو ماتعرفين البنت هذي منو ؟؟؟
-(ليندا وهي تحاول تشوف تولين اللي معطيتهم ظهرها :~ لا ماتوقع اعرفها ..
-(سوسو :~ ليش شعندج وياها ؟؟؟
-(ميشو وهي تطالع تولين :~ لا بس جذي ... اسلوبها أعجبني ..
-(ليندا :~ هههه قصدج وقاحتها عيبتج ...
-(ميشو :~ ليندو ماودج تسكتين .. انتي أكبر لسان وسخ ...
-(ليندا ضحكت :~ طيب ماودج تقصرين صوتج وتغيرون السالفه ...
(طبعا ميشو ماشافت وجه تولين بس من ظهرها )
((نرجـــــــــــــــــــــع للجراح ...
أميره طلعت عليه وهي تشتعل ناااار ... سحبت الملابس بسرعه وبقهرررر ..
:~ ولله للأراويك بالبيت بس اانطرني انت ...
-(جراح يضحك :~ ههههـ ولله ماحسيت بالوقت ... بعدين منو اللي مساوي فيج جذي ..
هههههـ ولله خطير اللي ساوا لج جذي .... وينه ابي اشكره ...
-(أميره بتموت قهر عشان كذا سكرت الباب بوجهه ...
جراح اللتفت على الطلاب لحد شافه والباب تسكر بوجهه ...
يهمه لا يطيح وجهه عند هالبنات الحلوين بهالجامعه ..
وهو رايح بيطلع من الجامعه ... قابل هنديه مررررره حلوه ...
ابتسم بخبث وهو يفكر يشبك معها ...
راح لها وهي بين صاحباتها بابتسامه :~ هالاااااو قااايز ....
(الهنديه تطالعه وهو يطالعها ....
بس ماأمداه الا وقدر يشبك معها بطريقته ....)
((ليـــــــــــــــــــــــــــــــــــآن ...
وهي تمشي رايحه للكافتريا توها طالعه من محاظره ...
وقفت تبي تطلب ... بس رنا كانت موجوده بالكافتريا .. لما شافت ليان واقفه
تطلب .. بسرعه وقفت واتجهت لها وهي تقول بصوت عاااااااااالي :~
ياخطااااااافة الريايل ... انتي هيه .. عبالج تتمسكنييين لين خذتي مني حبيبي ..
((الكافتريا هي نفسها اللي كانت فيها تولين وميشو ... بس تولين وجوجو من زمان
طلعو من الكافتريا ... أما ميشو للحين فيها وهي ممدده رجولها فوق الطاوله ..
-(ريمو وهي جالسه جمب ميشو :~ يااااي شوفو فيه طقاق ثاني ...
-(سوسو :~ شنو صاير لهم البنات اليوم كل شوي يتطاقون ...
-(ليندا :~ هههههههههههههههـ هيه هيه انتو ماتلاحظون انفسكم تتحمسون بزياده ..
-(ميشو :~ ههـ ماعليج منهم ... هذولي يموتون لو يمر يوم ولا تطاقو مع أحد ..
-(ريمو :~ ياحراااااام شوفو كيف البنيه اللي تشتري منزله راسها ولا ترد على 
الوقحه ذيج ...
-(رنا وهي تسحب عباية ليان بوقاحه :~ هيه انتي ماتبين تردين ولا شلون ...
((الكــــــــــــــــــــــــــل كان يطالعهم ... حتى العاملات في الكافتريا ..))
-(ليان منزله راسها ولا ردت ....
لما جابت العامله طلب ليان ...
ليان رفعت يدينها بتاخذ الطلب اللي عباره عن عصير لأنه أرخص شي ..
بس رنا سحبته قبلها ورمته بالزباله اللي جمبهم ...
ليان نزلت راسها وهي مقهوره بس ماعندها الجرأه تواجه لا رنا ولا غيرها ...
ميشو لفتتها البنت اللي هي ليان ..
-(سوسو :~ الحين هذيج طرما شفيها متتحجى وترد على البنت .!!!!
-(فجر :~ هههههههههههـ لا لا قصدكم الؤط بلع لساااانها ...
((ميشو عقدت حواجبها وهي تطالع ليان .. تحاول تشوف وجهها بس ماقدرت لأن ليان منزله راسها ...
بهاللحظه دق جوال ليان ..... حتى كانت خايفه تطلعه قدام رنا ..
-(رنا :~ ؤهوووه ولله وتطورتي ... صار عندج موبايل ... أي صح ولا هذي وحده من صدقات
صقر عليج .... انتي هيه لا تصدقين ان صقر يحبج .. كل اللي يساويه وياج بس شفقه
لأن صقر طيوووب ويرحم .... بس انتي اللي تمسكنتي على صقور وخذتيه مني ..
عشان يضفج من الشارع يابنت الشوارع ... انتي اصلا وحده مالج أصل 
شلون تفكرين ان واحد مثل صقر يحبج ؟؟؟
((ميشو بهاللحظه نغزها قلبها ..... تحمست أكثر تشوف وجه ليان بس طفشت 
لانها مارفعت راسها ....
ليان ساكته ولا ردت بس منزله راسها ...
بهاللحظه رنا تعدت حدودها من القهرررررررررر لأن ليان ماترد عليها و
سافهتها ...
شدتها مع كتفها :~ هيه انتي تحجي .... شنو ماتسمعين ولا لسانج مقطووع ...
تحجي يالجبانه تحجي ... ياخطافة الريايل ...
(بلعت ريقها ليان اللي جف ....
وبقلبهــــــــــــــا:~ لو علي خليته لج .... بس هو اللي مبو تاركني بحالي ..
((رنا دفت ليان بقوووووه على الأرض ....
ليان تعورت من الطيحه على الأرض بس نزلت راسها تحاول تكبت الألم ...
-(سوسو بصوت عالللي :~ أوهوووووه برااااافوووو ....
-(ليندا :~ هييييه انتي يابنت .... وين لسانج ..!!! لا يكون بلعتيه هههههاااي ..
-(ريمو بصوت خفيف :~ حرام عليكم بدل ماتوقفون وياها تروحون تزودون
عليها ..!!!!!
((ميشو بلعت ريقها وهي تتذكر صاحبة طفولتها ... 
تحس انه البنت تذكرها بصاحبتها لما كانت صغيره ...
-(رنا وهي تضحك بسخريه :~ صرتي تريقه عند الكل وانتي للحين مصره ماتتحجين ..
ولا لأنج ماتقدرين تنطقين شي بسبب اللي ساويتيه للصقر وخذتيه مني ...
((رنا قربت تبي ترجف ليان .... بس بهاللحظه ميشو وصلت معها ...
وقفت بسرعه ودفت رنا بقوووه ... رنا ضرب ظهرها بالطاوله ...صرخت بألم ...
-(ميشو :~ انتي هيه .... عبالج يعني شريفه وطاهره .... تتهمين بنت 
بهالتهم !!!! البنيه ساكته ومحترمتج !! احترميها شوي يا####
((التفتت ميشو على ليان اللي منزله راسها وهي على الأرض ...
قربت ميشو بتوقفها بس بهاللحظه دخل صقر ...
-(صقر بسرعه جلس عند ليان وهو يقول بخوووف :ْ~ حبيبتي منو
اللي مد يده عليج ..!!!
(رفع عيونه على ميشو اللي واقفه عند ليان تبي تشوف وجه ليان بس عشان تأكد شكوكها ..
صقر وهو يطالع شكل ميشو بقررررررررف .. وقف وهو يقول بحقد :~
انتي شلون تمدين يدج عليها !!!!!
-(ميشو لفت عنه بملل وهي تقول :~ ؤففففففـ الأخ مساوي حاله روميو ...
((صقر كان بيرد عليها بس سمع ليان تقول وهي تطالع ميشو اللي ملقيتها ظهرها رايحه 
:~ شكرا ...
-(ميشو حست بقلبها يدق بسرعه ... التفتت وهي خايفه لا تكون شكوكها صح ..
ماتدري ليش خاااايفه ...
بس ليان كانت ملقيتها ظهرها لما وقفت بتروح ...
صقر التفت على رنا اللي قربت من عنده وهي تقول :~ صقر ممكن احاجيك شوي .؟؟
-(صقر التفت عليها وفهم علطول انها هي اللي دفت ليان ...
مسك يد ليان وهو يطالع رنا ويقول بشمئزاز :~ جم مره قلت لج لا تمدين يدج على ليان ..
خطيبتي اللي هي مثل زووووجتي الحين .. تعتبر زوووجتي فاهمه ولا شلون !!!
كيف تبيني افهمج اني ماأحبج ولا بيوم حبييييتج ...
انا فاهم كل اللي تفكرين فيه .. بس أنا مايشرفني احب وحده مثلج ...
لا أخلاق ولا حتى جماااااال ... من حلااتج عشان افكر فيج .... روحي بس عن ويهي ..
ووللله ولله لو اشوفج مره ثانيه ماده يدج على ليون ...
راح اتصرف تصرف ثاني وياج ....
((ليان رغم دفااااع صقر معها وكل هذا يسويه لها وعشانها الا انها كارهه يده
على يدها ... تحس نفسها مخنوووووقه بقربه منها كذا ...موب قادره تنسى عبدالمحسن ...
موب بيدها ابدا ابدا ...
((صقر سحب ليان وراح يطلب وهو يسأليها :~ يالله شتبين ...
-(ريمو بصوت عالي :~ ميشوووو حبيبيييي تعالي شفيج واقفه جذي ؟؟؟
-(ميشو حست بروحها .... تقدمت لليان وهي مصره تبي تشوف وجهها وتتأكد ...
لما قربت من ليان مدت يدها على كتف ليان بتردد كبيييييير ...
صقر التفت على ميشو مستغرب وش فيها على ليان ونظراتها لليان غريبه جدا ؟؟
ميشو بلعت ريقها اللي جف وقالت بالرتباك :~ لللللـ .... ليان !!!!
-(ليان عقدت حواجبها مستغربه .... مافي أي احد يعرفها ...
بس لما الفتتت تشوف من اللي يناديها .... ماقدرت تشيل عيونها عن مشاعل ..
تحس انه الوجه موب غريب عليها ابدا ...
مشاعل علطول عرفت ليان ..... حااااافظه ملامحها المميزه زيييين ....
بسرعه وبدون شعور من ميشو ....
سحبت ليان لها وضمتها بقوووووه وهي تقول :~ ليووون موب مصدقه عيوني وربي
موب مصدقه ... شلون شلوووون ... بعد كل هالسنين اشوفج .. مستحيل موب مصدقه موليه ..
ليوووون وحشتيني وربي وحشتيييييني ...
(صقر عقد حواجبه مستغرب كيف ليان تعرف مثل هالأشكال المقرفه والمنبووووووذه بين المجتمع
مثل هالأشكال الشاذه والغريبه والوقاحه ...
ليان للحين مجمده موب مستوعبه ان هذي مشااااعل .... عشان كذا قالت 
بتردد :~ انتي منو ؟؟؟؟
-(ميشو انصدمت شوي .... بعدت نفسها ثم قالت :~ شلون يعني ماعرفتيني ؟؟؟
-(ليان قعدت حواجبها وهي تقول :~ مشششـ .. مشاعل !!!!
-(مشاعل ابتسمت بفرحه من قلب وهي ترجع وتضم ليان مره ثانيه وتقول :~ أي يالبا قلبج
بس وربي وحشتيني ... متغيره يادوبا صايره تهبليييين .. مره حلوه ...
مثل ماأنا اعرفج ... أحلى وحده شافتها عيوني ... يالبا قلبج بس ...
يختي تهبلييييييين محد قالج .!.!!!
((شلــــــــــــــة ميشو مصدومييييين من مشاعل اللي اول مره تصير مثل هالشاعريه والحب
والحناااان ...
ريم حست بقهر من ليان .... لأنها تظن أنها هي أقرب وحده للميشو من بين صاحباتها
تعز مشاعل بشكل موب طبيعي كأقرب انسانه وصديقه لها ... 
بس فجأه تطلع لها هالبنت الغريبه وتاخذ منها مشاعل !!!! وقفت وراحت للمشاعل
وهي تقول :~ ميشو منو هاي !!!
-(ميشو بفررررحه وهي تمسك يد ليان وتقول :~ هذي أغلى بنت على قلبي ..
هذي ليونه لبا قلبها بس .... 
((ميشو رفعت عيونها على صقر وقالت :~ انت من صجك حجيك اللي قلته تو انها 
خطيبتك ؟؟؟
-(صقر كشر ولا عطاها وجه .... 
ميشو ابتسمت ولا عبرت تكشيرته فقالت :~ ليوون لا تقولين هالبغيييض خطيبج
مالقيتي الا هذا !!!!!
((كانت تبي تقهر صقر .. وبالفعل هي جابتها على الجرح بين كل الطرفين
لا صقر ولا ليان ...
-(صقر جى بيتكلم بس ليان قطعت عليه وهي تقول بابتسامه وأخيرا 
من زمااااااااااااااااااااااااااااااااااااااااان مابتسمت من بعد أمها وعبدالمحسن :~
مشاعل موب مصدقه اننا اجتمعنا مره ثانيه !!!!
-(ميشو سحبت ليان مع يدها وهي تقول للصقر :~ سووووووري بس 
باخذ ليون اليوم كله .... وااااااااحشتني هالدوبى ...بحاول استوعب انها جدامي ..
((صقر مايبي ليان تروح مع هالأشكال اللي باين عليهم الضياااع والحقاره ...
سحب يد ليان وهو يقول :~ لا ليان بتقعد مع خطيبها .... ردي مجان ماييتي منه ..
وهدي ليان بحالها لأنها مايشرفها تتعرف على بنت مثلج انتي وشلتج 
((ثم طالع شلتها بقرررف ....
ليان سحبت يدها من صقر وهي تقول :~ مشاعل خلينا نروح ..
-(ميشو ابتسمت بانتصاااار وهي تطالع صقر :~ يالله ياأحلى وأجمل بنت بهالدنيا ..
((ثم قصرت صوتها وهي تقول لليان :~ وييييع شلون متحمله هالغبي ...
-(ليان ابتسمت على جنون ميشو ... ابد هذي هي ميشو ماتغيرت ...
تكره العيال وتطاااق معهم من كانت صغيره وهم بالحاره مع بعض...
بس فجأه صار زوج أم مشاعل من أكبر الأغنياء وانتقلو بدون أي سابق انذار ...
وبكذا تفرقو ولا عاد قدرو يتقابلون مره ثانيه أو يدرون عن اخبار بعض ...
بس الدنيا جمعتهم مره ثانيه على أمل السعاده مع بعض ...
((لما راحت ليان وميشو اللي حاطه يدها على كتوف ليان بشوووووق ...
صقر كان مقهوووور من ميشو اللي طلعت له بهالحياه وشكلها راح تعكر
له حياته مع ليان ...
وكمان مقهور من ردة فعل ليان اللي طيحة وجهه قدام الكل ...
ريمو كانت تطالع ليان بقهرررر ...
والشله كلها مبهورين من ميشو اللي تغيرت فجأه مع هالبنت الغريبه اللي أول مره يشوفونها
ولا حتى ميشو قد تكلمت عنها عندهم ...
""""""""""""""""""""""" 

((نرجــــــــــــــــــــــــــــــــــــــــــع للنــــــــــــــــــــــــآرا ...
نارا بعد ماهدت من الدكتوره اللي نادتها نوف مره ثانيه ...
كانت جالسه بدون أي كلمه ...
الدكتوره تحاول تسحب منها حكي بس مافي فايده نارا طول الوقت ساكته ..
يزيد كان جالس برى لأن الدكتوره رفضت احد يدخل عليها ...
نوف وهي جالسه مع يزيد بنفس الصاله ..
بس بعيدين عن بعض ..
-(نوف بالرتباك :~ غريب ماشكيتني عند الجامعه من بعد اللي صار ؟؟؟
-(يزيد طالعها بنظره غير مباليه ثم طنشها ..
وكأنه يقول ماهميتيني وآخر شي أفكر فيه انتي ...
((بهاللحظه طلعت الدكتوره وهي تقول بيأس:~ مافي أمل البنت موب راضيه تتحجى موووليه ..
-(يزيد :~ انا بدخل وبشوف شنو فيها ..
-(نوف :~ لا وليش تدخل .. بالعكس راح تزود حالتها لللأسوء ...
-(يزيد مالقاها وجه ودخل بدون مايشاور أي أحد ...
لما دخل شاف نارا كيف ضامه رجولها وهي مسنده راسها على ركبتيها .. ..
-(تنحنح :~ احم ممكن أدخل ..!!!
-(نارا ماعطته وجه ولا رفعت راسها حتى )
-نارا ممكن احاجيج شوي بس !!!
-(رفعت راسها وهي تقول بكره :~ أطلع برى !!!
((نارا ماتدري مين هذا اللي قدامها بس اللي تعرفه انها تكره حاليا أي رجال
قدامها من بعد اللي صار ...
-نارا بس سمعيني شوي بس سمعيني .. انا يزيد عرفتيني ؟؟
-(صرخت :~ اقولك اطلع برى ...
-(الدكتوره دخلت هي ونوف ...:~ بليز اطلع برآ البنت راح تسوء حالتها لو 
تجلس انت اكثر من كذا .. باين عليها مصدومه من شي بس شنو 
ماأدري ...
-(يزيد بخوف :~ بس لازم نوديها للمستشفى .. شوفي يدها ماتقدر تشيلها ..
نارا يدج هاي تعورج ..!!!
-.........................
-(الدكتوره :~ أنا أدري بس لازم تطلع برى ...ونارا راح نوديها للمستشفى لأني
صرت متأكده من الكسر اللي بيدها ...
((بعد محاولات كبيــــــــــــــــره للنارا انها تتكلم ... أخيرا قالت :~
ودوني للشرطه ...
((الكل انصدم من اللي قالته .. يزيد بغى يقرب منهم بس الدكتوره محذرته وقالت خلك
بعيد عننا ...
-(نوف بخوف :~ نارا شفيج تحجي قولي احنا بنساعدج ...
-(نارا وهي بدت تنتفض مره ثانيه :~ ابي أسلم نفسي للشرطه .. لأني .. لأني ...
لأنــــــــــــــي قتلت شخص ماأدري منو ..!!!
((هــــــــــــــــــــــــــــــدوء ...
دقات القلب بدت تعلا من كل الأطراف ...
يزيد حس برعشه تسري في جسمه ... يتمنى لو أذانه تكذب اللي سمعه ..
نوف حطت يدها على فمها موب مستوعبه ...
((نارا وقفت بسرعه وهي تقول بكل شجاعه :~ قلتلك ودوني للمخفر بسرعه ..
-(الدكتوره :~ طيب اهدي شوي وقولي لنا شنو السالفه بالضبط ..
((يزيد وقف بسرعه وسحب يد نارا بقوه وهو يصرخ بوجهها :~
انتي مجنونه ... بسرعه جاوبيني على أسألتي .. فيه أحد اعتدى عليك .!!!
انتي قتلتي أحد !!! اشرحي لي كل شي بسرعه بســـــــــــرعه ..
((نارا سحبت يدها بقوه من يزيد وهي تصرخ بوجهه وبدت دموعه تنزل
وهي ترجع على ورى وكأنها خايفه من كل ذكر ...
-أي انا قتلته انا قتلتآآآآآآآآآه .. فهمت شلون يعني قتلته ... قتلتااااه ... انا مجرمه ..
انا وحده قاتله ... قتلته بالسجين ... قاصده .. أي قاصده ... بس لأني ابي ادافع
عن شرفي ... شرفي اللي كان راح يضيع بين يدين واحد متوحش ..
كلكم يالشباب جذي ... مافي قلوبكم رحمه ... همجيين ولا تفكرون فيننا ..
وبمستقلبنا اللي راح تضيعونه عشان تشبعون رغباتكم ..
أي انا قتلته لأني ابي ادافع عن شرفي ... 
وانا ابي اسلم نفسي للشرطه بدل ماتدور علي عالفاضي ..
مستحيل راح اسكت بعد كل هذا ...
كيف راح انام وضميري يعذبني اني قاتله شخص ..
((جلست وهي تبكي بصوت عاالي وكأن الدنيا تسكرت بوجهها ... الكل ساكت 
ويستمع لها بصمت وتوتر ...
نارا رفعت عيونها اللي غرقانه دموع :~ بس انا ابي اعرف شي واحد ..
منو اللي اعتدى علي ومنو اللي ضربني لأني قتلت ولده !!!
انا ماأعرفهم .. وحتى انتو ماعرفكم ..!!! 
وين اهلي .!!! ابي اهلي ... وين امي وأبوي ...
هو صحيح اني مالي أصل ولا أتوهم !!! 
انت بالله قول لي ليش يصير وياي جذي ..
انا شساويت بحياتي عشان يصير جذي ..
اذا انتو تعرفوني قولو لي ليش انا شساويت ... 
((ثم نزلت راسها وهي تبكي من قلب ...
نوف دموعها بدت تنزل طلعت من الغرفه وهي تبكي من قلب ..
الدكتوره خنقتها العبره من حال نارا الصعبه ...
يزيد كان جامد مكانه وهو مشوش التفكير ...
مايدري يفرح لأنها للحين بنت .... ولا يحزن على كل اللي قالته !!
تقدم بخطوات هاديه ثم جلس عندها وهو يقول
بحناااان وابتسامه تطمنها :~ 
نارا احنا معاك وماراح نتركك ولو لحظه .. انا بالذات راح اكون معاك
ومستحيل اتخلى عنك .... اذا انتي قلتي كل هالكلام اللي تو كدفاع عن نفسك
وعن شرفك ... صدقيني انتي موب قاتله ولا مجرمه ..
انتي وحد بس دافعت عن روحها بسبب شخص حقير مايخاف ربه ...
راح تطلعين برائه .. وهذا وعد مني لك ...
راح أوكل لك أكبر محامي بالبلد ... 
انا كم عندي من نارا ..!!!
انتي مالك ذنب بكل شي وراح تشوفين بعدين ...
بس ابي اقولك ان اللي ..... اللي مات ... انتي تكونين اخته بالتبني ...
واللي على قولتك ضربك هو ابوج اللي تبناج ...
ومن يلومه اذا تهور ... موب مصدق ان ولده مات ... بس انا متأكد اذا عرف
انه هو المخطي وموب انتي راح يتسامح منك ... وماعليك من أحد ولا تشيلي هم 
حتى لو الكل اتهمك بتهم باطله مثل هذي ...
يكفي انا راح اكون بجمك .. ولو تبين اكون جمبك للحياه كلها راح
اكون جمبك ...
((نارا كانت تطالعه بنظرات غامضه ...
بس اللي واضح عليها انها حست بالدفئ والحنان بمجرد هالكلمات البسيطه من شخص
عطوف وحنوون مثل يزيد ..
ابتسم يزيد ثم مد لها منديل :ْ~ يالله عاد مسحي دموعك ... ترى موب حلو عليك
الدموع ... متعودين عليك وحش ههههههـ ...
((نارا خذت المنديل وهي تحس بانجذاب لهالشخص اللي قدامها ..
وكأنها تتمنى من زمان لو يجيها مثل هالشخص الحنون واللي تحتاجه بحياتها ...
((يزيد قرر انه يوكل محامي ونارا تقعد كم يوم علبال مايوصل لهم تبليغ 
من المحكمه لأن أكيد ابو مشاري ماراح يسكت ...
بياخذ نارا عنده بالبيت مع أمه وأخته وهو بيروح ينام بفندق كم يوم علبال ماتنتهي 
سالفة نارا على خير ...
وهو متأمل بالخير وبقووووه ...
وبعد مرتاااح ان نارا موب من أي افكار سيئه جت بباله ...
((نــــــــــــروح للسعوديــــــــــــــــــــــــــــــه .. وبالتحديد الريـــآض يالبآ ...
بندر يفكر بسالفة العيال اللي تكلم عنهم ...
بنـــــــــــــــدر .... الورث صار موب لك لحالك !!!
يوووه واذا صار موب لي أهم شي العيال اللي توهم يطلعون وهم مالهم أي ذنب باللي صار ..
بس الورث يابندر الورث ماراح يكون لك لحالك .. اصحى يابندر الورث موب
لك انت لحالك ...
طيب واذا كان موب لي .... انا لازم انفذ أوامر ابوي مثل ماقال 
وأجيبهم للسعوديه يعيشون في بلدهم ..
حرام اتركهم بدون اصل ..
اكيد هم مالهم أي احد الحين ...
بس شلون بلاقيهم !!!
مستحيل راح اقدر ادور واحد واحد منهم ..
صعب ... جنون ... مستحيل ماأقدر ...
ؤفففففـ وش هالمصيبه اللي طلعت فجأه على راسك يابندر ..
آآآآآآخ يابدر .... لو تدري ان عيالك متشتتين الحين وش بتسوي !!!
بندر ...... لازم تلاقيهم قبل لا يموت ابوك ...
لازم تحقق رغبته الوحيده بهالحياه قبل لا يموت ...
بس ولله شي يقهر ... يعني هو اللي شتتهم بعدين يجي ويقول انت اللي دورهم !!
ؤففففففـ ولله شي غريب ...
((ملاحظـــــــــــــــــــــــــــه ...
عمر بندر (####### ) وليس بأواخر الثلاثينات ...
عذرا على الخطأ ))
((نــــــــــــــــــــــرجع للدبـــــــــــــــي ..
بالجامعــــــــــــــــــــــــــــــه ...))
تولين وهي جالسه وتطالع قلم طلال بين يدينها تفكر كيف ترجعه له ..
جوجو كانت تسولف مع بعض البنات لأن تولين ماعطتها وجه ..
سعد جالس ومو داري عن سالفة الخطوبه ...
دخل الدكتور طلال ..
-(طلال :~ السلام عليكم ...
((تولين رفعت عيونها على طلال وهي ساااكته ..
بس سرحانه بدون شي محدد في طلال ...
طلال طاحت عينه على جوجو ... لف علطول لجهة السبوره وهو يتجاهل المشاعر
اللي يشيلها لها بقلبه ...
جوجو نزلت راسها من بعد نظرته لها ...
تولين ماغير بس تراقبهم وتحترق من داخل بس ماتظهر أي شي او توضحه ..
-(واحد من الطلاب قال بكل جرأه :~ مبروووووك استاااز ... سمعنا بخطبتااك
ع رفيئتنا جوجو __^ ...
((الكل بدى يبارك ماعدا سعد وتولين ...
سعد ساكت ومصدوووووووووم ... موب مستوعب اللي قاعد يسمعه ...
بس التفت علطول على تولين يشوف هل هي تدري من قبل ولا لا مثله ...
بس انصدم اكثر ان تولين مو باين عليها أي ردة فعل غريبه ..
بالعكس جالسه وهي بأتم الهدوء وكأنه مو مهتمه ... مايدري انها تحترق من داخل ..
الدكتور طلال ابتسم علطول وكأنه كان ماسك ابتسامته من قبل ...
-الله يبارك بعمركم ... وعقبالكم انشالله نفرح فيكم __^ ...
-(بنت مصريه :~ بقد وللاهي فرحت لما عرفت هالخبر الحلو ..
-(بنت سوريه تقول من طرف خشمها :~ أي مابعرف على شو خاطبا !!
-(الدكتور عقد حواجبه ثم قال :~ شقلتي !!!
-(السوريه الرتبكت ثم قالت :~ لا ماألت شي بس هيك عم خربط ..
-(طلال حس ان فيه شخصييين مرررره هااادين بالوضع ..
التفت على سعد ثم تولين وقال :~ شنو يعني ماراح تباركون انتو بعد !!
-(سعد نزل راسه بضيييييقه وقال :~ مبروك ...
-(تولين لفت راسها للشباك وهي تطالع الحديقه ومطنشتهم ...
الدكتور طلال سكت ولا قال شي ...
براحتها اذا ماتبي تبارك ... 
-(طلال :~ طيب خلونا نبدى الشرح ..
((بهاللحظه دخل راكان ..
-(بهدوء :ْ سوري عالتأخير ...
-(الدكتور طلال طالع ساعة يده ثم قال :~ راكان جم الساعه عندك ؟؟؟
-(راكان التفت على طلال وهو يقول :~ سوري دكتور بس مانتبهت للوقت لأني كنت
بالمكتبه ... لهيت بقراية الكتب ولا انتبهت للوقت ... اتمنى تعديها لي هالمره ...
-(طلال اعجب بأدب وأخلاق راكان ومستغرب كيف بيسوي أي شي مع تولين 
وهو بهالأخلاق العاليه ... 
طلال أشر له على الكرسي وهو يقول :~ تفضل بس المره اليايه ياريت تطالع
الوقت ...
-(تولين حست بقهررررر لأنه ذاك اليوم ماسامحها .. بس راكان سامحه ..
<~ ماتدري ان الاسلوب له دور وهي كان اسلوبها وقح معاه ..
فمن يلومه على اللي ساواه معها ...
((طلال مقرر بنهاية المحاظره انه يسأل راكان عن سالفة يوم 
المطر ..... لأنه بدى يشك انه غلطان باللي توقعه بشكل سيئ في طلابه ..))
((من جهة فيصل ...
رجع للشلته وهو يقول :~ شباااااااااب يالله انا رايح للمحاظره ...
-(فهد :~ فصوووول شعندك ويى جينفر .... 
-(برهوم وهو يطالع جينفر من بعيد اللي مستااااانسه وشوي راح تطير من الفرحه :~
فصووول يادوب انت شقايل لها مخليها تفرح للهدرجه ..
-(متعب وهو يشوف جينفر :~ أي ولله صج .. حرام عليك البنيه ليش جذي
بتين من الوناسه ... شقايل لها بسرعه لا تتهرب ..
-(فهد :~ ولله وصرت موب هين ...
-(عمر :~ هههـ مو هذا فصول المغزلجي نمبر ون ...
-(فيصل :~ اقو لانت وياه ماودكم تسكتون .... واذا لهدرجه فيكم لقافه ...
راح تعرفون بعدين ..
((لف وهو منسده نفسه من الحياه بكبرها ...
وحالته فيها ...
بس وش يقدر يسوي غير اللي قرره ..
-(فهد يطالع الشباب :~شباب ماتحسون ان فيصل موب على بعضه ..
-(متعب :ْ أي انا ملاحظه من زمااان وهو مكتئب .... من يوم الامتحان ..
-(برهوم :~ ؤما يوم الامتحان مافي امل ...
-(فهد :~ لا لا صج.... المفروض مانهد فصول جذي ...
-(عبادي توه جايهم وقال :~ شعندكم مع فصول .. تحشون فيه هاه ..
طييييييييييييييب عنده ...
-(فهد ابتسم :~ اقول انت وينك اليوم كله موب مبين موليه .... ....
-(عبادي :~ هاهاااي ليشل لهدرجه مشتااااق لي ...
-(فهد كشر :~ أي مره ... اسمعو بس ... اليوم بنفلها ونغير الجو على فصول ..
ولله مايطاوعني قلبي اشوف فصول جذي له جم يوم موب على ب عضه وموب 
فيصل اللي نعرفه ...
-(عبادي :~ أي كفو ولله ... بس صج شفيه ...
(( الشباب طالعو بعض بملل ثم قال برهوم :~ اقول انا بألحق فصول قبل لا يدش
المحاظره ....
وانت فهود فكر لنا بأي شي ..
-(متعب :~ أي واللي يعافيك نبي افكار داااهيه .. نبي نخربها اليوم ...
-(فهد :~ هههههـ عيل لازم نستشير أميروه ...
-(متعب :~ يوووه اميره ولله هالبنت خطيره .. وينها وربي لا تييب لكم فكره
ولا ابدع منها ...
-(فهد :~ ليه مامليت عينك انا ابو الافكار ..
((مر من قدامهم اسباني وهو ماسك غيتار ويعزف عليه 
بطريقه اسبانيه ويغني بللغه اسبانيه سريعه <~ أكيد عرفتو كيف هي __^ ..
فهد ابتسم بخبث وهو يطالع الشباب ...
الشباب كلهم قالو مره وحده :~ لااااااااااااااااااااااااع والليرحم ؤمك ماعدا 
اللي ببالك ...
-(فهد نقز وهو يقول يالله يالله قومو قبل لا يروح ...
((فهد يعرف كيف يتكلم اسباني .. بسرعه تكلم مع الاسباني وطق صداقه معاه 
ووضح له اننهم يبون يجتمعون بالحديقه ويدقونها رقص وهباااال بعيد عن مبنى الجامعه عشان
محد يخرب عليهم من الدكاتره أو يهزئونهم ...
برهوم وهو جايهم وساحب بيده فيصل اللي مايدري شسالفه ...
كانو الكل مجتمعين على شكل دائره كبييييييره ..
غالبيتها اسبانيين ومع شلة فيصل ...
برهوم دف فيصل بوسط الدائره وهو يقول :~
يالله عليكم فيه ...
-(فهد وهو يعد بأصابعه :~ وان .... تو ... ثري ...
(( بدو بالعزف والغنى وهم متحمسين وضحك ...
فيصل رفع حاجب وهو يقول بستهزاء للأخوياه :~
باللاهي عاد .... لا أحسن عطوني فساتين البنات الاسبانيات وخلوني الرقص معهم ..
-(متعب قطع ورده ثم عضها بفمه وهو يقوم يؤقص رقص اسباني
تقريبا ... كان شكله تووحفه ...
فيصل ضحك بس ماله خلق ...
جلس وهو يقول :~ عبوود قوم الرقص وياه ...
((عبادي ماصدق علطول قام ... فهد صقع راسه من القهر وهو يقول /:~
الحين كل هذا علشانك وتقول مالي خلق ...
-(فيصل مسوي روحه مرتاع :~ انا قلت مالي خلق .. له له ظلمتني ...
((بهاللحظه فهد شاف أميره تمشي مع نجود ...
بسرعه نقز لها ... يوم وصل لها وفيصل كان يطالعهم باستغراب ...
-(فهد بدون نفس :~ شوفي صحيح انتي مالي خلقج انا بس شساوي 
بعض الاحيان الدنيا تحدنا على ناس ..
-(أميره تكتفت بملل وهي تقول :~ احلف عاد ... اقول اكسر الهرج وتحجى
زي الناس قبللا اموسطك لأني موب رايقه لك اليوم مولييييه ...
-أفاااا ليش الناس كلهم اليوم مالهم خلق لأي أحد !!!
-لأنك انسان تييب الهم من ويهك ....
-(فهد عض شفته وده يصفق هالبنت بس تحمل وهو يقول بقل صبر :~
بسرعه عطيني فكره ابي فيصل يغير مزاجه ...
اللي متعكر له ايام ...
-(أميره كشرت :~ وانا شكو فيه وفيكم ... اللي يسمعكم يقول 
فيصل يبته ونسيته ... اقول روح مناك دور لك غيري ... تتذكر
شنو قلت عن افكاري انها ماتساوي افكارك ...
يالله راونا كيف تشغل المخ يالعبقري ...
-(فهد بقل صبر :~ طيب انتي عطيني فكره وقولي لي شتبين يالله عاد بسرعه ..
طالعي جم الساعه الحين ...
((الساعه على ثمان الا ربع ...))
-(أميره ابتسمت بخبث :~ طيب كم تعطيني ...
-لا تقولين سلف ماراح اعطيج ..
-مسجيييين موب سلف .... الا دراهم بدون ترجيع ... يالله جم تعطيني ؟؟
-(بقل حيله :~ اللي تبينه ...
-(ضحكت :~ علباله كريم ... طيب نشوف .. يالله عطني ميتين ...
-هاهاااااااااااااااااااااااي باللاهي أي اصبع ...
-(مافهمت وش قصده بأي اصبع بس قالت وهي تأشر عالأبهام :~ هذا ..
(بحركه من فهد وهو مسوي يدغدغ بطنه يحاول يضحك عاللي قالته ...
بالمعنى يتريق عليها ...
-(أميره صغرت عيونها :~ انت الحين تحاول تنكت بهالحركه .. اقول وخر بس عني ..
-(فهد مسك ذراعها :~ طيب شرايج بخمسين بس ...
-لاء ميتين ..
-(بقل حيله وتوسل :~ طيب ميه !!!
-ميتييييييين ولا مافيه ..
-طيـ طيب (وهو يعض شفته وده يطقها من جد ذلته :~ شرايج بميه وخمسين ..
بالله عاد لا تردين وتقولين ميتين ترى منيب معطيج أي شي وانتي الخسرانه ..
-أي صح انا الخسرانه يالله بايات ياحلو ...
-(فهد تنهد بقهرررر ومسكها بقل حيله وهو يقول :~ امري لله بسرق من ابوي
ميتين لج شساوي يعني ...
<~ (قال كذا على أمل انها تهون وترحمه بس اشتعل نار لما قالت ..
-بس انتبه لا يكشفك ...
-(فهد لين هنا وهو يبي طقها يبي يذبحححححها ... بس حاول يتصبر 
عشان فيصل ..)
-(فهد خاف من نظرة وابتسامة اميره بخبث وكأنها ناويه على شي
موب طبيعي ...
-(أميره بعد ماقلت له .. قرصة أذنه وهي تقول :~ يالله نفذ ..
-(ماسك اذنه بعوار :~ اااااح انتي هيه موب جذي عاد تمعطين في اذاني ..
((وهو يقول بقلبه ... اصبري علي بس لين ماننتهي من الخطه .. انا براويج 
الشغل ))
-(أميره وكأنها فهمت نظراته :~ بس جني اشم ريحة خياااانه ...
-اقول خلاص مايمديج تهدديني انتي ياؤم خشم جلابه ..
-ؤلللللااااه .... لااااع هذي صج فيها قبايل وخيانه عيني عينك ... لاوتسب خشمي بعد ..
طيب يافهيدان انا الراويك ...
-(وهو يطلع لسانه :~ يعني شبتساوين .. خلاص مايمديج الخطه وعرفتها 
هاهااااي .. والميتين ابئي أآبليني اذا عطيتك اياها ...
((راح فهد بسرعه وهو يقول :~ شبااااااااااااااااااب قومو ..
عندي لكم حركه وربي شي موب صاحي ..
كلها من افكاري الله يخليها ....
-(فيصل :~ شعندك ويى أميره !!!
-(فهد :~ اقول لها تعالي ونفذي وياي هالخطه تقول لا يمه اخاف يكشفوني ادارة
الجامعه .. قومو قومو بس ماعليكم ...
((الشله بسرعه قامو وتركو الاسبانيين بعد ماطقو صحبه معهم وضحك ...
أميره كانت تسمعه وشااااااااابه نار وهي تقول بقلبها ...
انا اليوم طاحت كرامتــــــــــــي عند فهيدان وعند ذيج البنت الـ#### ..
<~ ؤحلى ياكرامه __^ ... ماتلعب أميره ...
((فهد لما قال لهم كيف اللي براسه ...
-(متعب بروعه :~ ولله انك دااااهيه من وين يبت هالأفكار يالزاحف ..
-(فهد يرفع حاجب وينزله :~ هاهاااي افا عليك انا ابو الافكار ولا نسيت يعني ..
-(عبادي بخوف :~ لا لا انا مالي شغل فيكم موليييييييييييييييه انسووووني مابي ادش وياكم 
بهالمواضيع .. بعدين لو يكشفوني الاداره يمكن يطردوني من الجامعه ...
-(فيصل أعجبته الفكره :~ ولله فكره مش بطاااااله موليه ...
-(عمر :~ وبعدين شنو بيساوون يعني الاداره لو كشفونا كلها كم تشطيب بملفنا 
ويالله تلايطو ...
-(عبادي :~ بس هالتشطيب اللي تقوله راح يكون بملفك الجامعي وراح يخرب عليك بالمستقبل
اذا ييت تتوظف ...
(( طبعا الكل عيال نعمه بما انهم بهالجامعه الغااااليه فما يهمهم الوظايف لأن فيه وظايف
شركات ابآئهم تنتظرهم ..))
-(فهد :~ فصول تكفى سكت عبادي قبل لا امردغه الحين ... صج دفره هالولد ..
-(فيصل يضحك :~ اقول حدك كلش ولا عبود ... يالله بس خلونا نبدى بالحركه اللي
مدري شبيصير فينا ..
-(عبادي :~ شاللي حادكم ..!!!
-(متعب :~ الآكشن ياعم الآآآكشن بالحياه لازم حتى لو كانت خطيره ...
(لما تحركو حسو بشخص صاااامت من بداية ماقال فهد الخطه ...
التفتو الكل على برهوم اللي مشبص مكانه ويطالعهم بانبهار ...
-(فهد قرب يدينه وحركها قدام وجه برهوم وهو يقول :~ بسم عليك برهوم
شفيك !!! برهوووووووووووم ...
-(متعب :~ استخف الولد ..!!!
-(فيصل :~ برهوم لا تقول خايف مثل عبادي ...
-(براهيم ابتسم فجأه :~ وش ذالأفكار الحلوه ..
((الكل فقع ضحك عليه ....
-(متعب :~ هذا اللي طلع معك ههههههـ ...
-(فهد سحب يد برهوم :~ ماعليك هذي افكاري محد يسرقها .. امش بس امش .. 

((أوضـــــــــــــــــــــــــــــــآع ابطالنا بالجامعه ...
تولين وراكان وجوجو وسعد بمحاظرة الدكتور طلال ...
ليان وميشو مع بعض طاقينها سوالف وهم جالسين بكافي ...
ريــــــــــــــــــآن ... تحت بالصاله المعروفه عندنا ... اللي دوم تكون خاليه وهااديه..
وتين بمحاظرتها ...
أميره جالسه بالحديقه على كرسي وتسمع أغاني بالآي بود .. ومعليه على
(آفريل لافين) آآآآآخر شي ...
صقــــــــــــــر برضو محاظره له ...
((فيصل وربعه دخلو المبنى وهم يطالعون بعض بنوايا خبيييثه وجنونيه ...
-(فهد يغمز لهم :~ يالله كلنا على فوق ...
((لما رقو ....
فيصل يأشر لهم بيده يعد بدون صوت ...
واحـــــــــــــــــــــــــد ...
ثنيــــــــــــــــــــــــــــــــــــــــن ...
ثلاثــــــــــــــــــــــــــــــــــــــــــــــ ــــــــه ...
((عبادي من جهه وفهد من جهه وبرهوم من جهه ...
-(بس عبادي أشر بخووف وهو يقول بصوت واطي :~ ماأقدر ولله خايف
يكشفوننا ..
-(فهد عض لسانه يبي يطق عبادي ... بس متعب فسخ كابه ورماه على عبادي
وهو يقول بصوت واطي :~ عبيد ولله بتتصفق ... يالله عاد اترك الخكرنه عنك ..
-(فيصل أشر لهم انه بيعيد العد.... 
واحـــــــــــــــــــــــــــــد ..
ثنيـــــــــــــــــــــــــــــــــــــــــــــن. .
ثلاثــــــــــــــــــــــــــــــــــــــــــــــ ـــــــــــه ...
عبادي بلع ريقه بخوف لأن الكل يطالعه بنظرات تهديد ... 
كلهم مره وحده كسرو قزاز صفارات الانذار ....
((الجامعه كانت تعم بالحيويه بين الطلاب ... اللي يذاكر واللي يضحك ويسولف واللي ياكل
ومتحمس بالاكل ... واللي يهايط واللي واللي واللي .....
بس فجأه ...
أصـــــــــــــــــــــــــــــــــــــــوات الانذار عااااااااليه بكل مكان في الجامعه ...
الكل سكت للثوانـــــــــــــــــــــــــــــــــــي ...
وفجأه الكل قام يصارخ بقوووووه ....
((شلة فيصل الـ(6) كلهم جلسو على الأرض ضحححححكـ ...
فيصل ماقدر يمسك ضحكه اللي راح يكشفهم ...
الكل منهم ماقوى يوقف على رجوله ...
خاصتا لما يتذكرون شكل عبادي وهو خاااااااايف ...
((من جهة قاعة الدكتور طلال ...
تولين وقفت بروعه وخنقتها العبره وكأنها ماتبي تنعاد سالفة ايام المطر
مره ثانيه ...
الكل اللي بالقاعه بدى يصارخ ...
-(الدكتور طلال بحزم :~ لو سمحتوووو التزمو الهدوء شوي ... كل شي راح ينحل بس 
اهدو .... 
-(بنت :~ بليز دكتور بدنا نطلع ...
-(الكتور طلال :ْ اكيد راح اطلعكم .. بس انتو اهدو ... مو حاله كل
مره ماعندكم غير الصراخ ...
((الدكتور طلال طلعهم بهدوء وعرف كيف يلزمهم الهدوء بأسلوبه ..
قرب من عند جوجو وهو يقول :~ خليج وياي لا تروحين لمجان ثاني ..
ابيج جدام عيوني .. اخاف يصير لج شي وانا مدري ..
((تولين كانت وراهم ... لما سمعت كلامه لجوجو ...
خلاص ماعاد تحملت النار اللي بقلبها والغيره اللي راح تموووت منها ..
بسرعه راحت من عندهم ..
-(طلال ينادي بعصبيه :~ توليييين وين رايحه توللييييييين ردي ..
-(راكان كان واقف ويطالع الضجه اللي صاير بالجامعه وهو مستغرب انه مايشم أي ريحة 
نار ... التفت على طلال وتولين ...
طنش الوضع ولا اهتم .... 
بس ظل يطالع اللي خايفين ويبكون ..
تذكر ايام المطر وكيف ان الناس بسرعه يخافون لا تنتهي حياتهم 
(الفانيه) ...
حياة راح تنتهي بيوم من الايام بس الغريب ان الكل خايف على حياته وهو يدري انه
بيوم راح يموت ويمكن يموت الحين ...
كذا الآدمي متمسك بالدنيا ..
البعض متمسك بها للهو والبعض يعمل للأآخرته ...
وانشالله كلنا نعمل للآخرتنا ...
((صقر أول ماسمع صفارااات الانذار طلع من القاعه بدون استأذان وهو همه على ليان 
لا يصير فيها شي ...
يركض ويدف الطلاب بين هالضجه وينادي بأسم ليان ....
ينادي بنبره واضح عليه الخووووف عليها ...
((ليان مرتاعه من اللي يصير وهي مع ميشو بالكافي ...
مشاعل وقفت بسرعه وسحبت ليان وهي تقول :~ خلينا نطلع برى احسن شي ..
(بس انصدمو لما شافو كيف التزاحم والخنقه والكتمه بين الطلاب اللي يدفون بعضهم بخوووف..
-(مشاعل :~ شلون الحين بنطلع !!!! ((التفتت على ليان وحصلتها مرره خايفه ..
ميشو موب هامها الموضوع بقد ليان اللي ترتجف يدها من الخوف ..
حست بخوف على ليان ومو على نفسها ..
مسكت يدها بقوه وسحبتها بين الطلاب ... لحتى وصلوا لبوابه المزحوووومه ...
ميشو دفت ليان للبوابه وهي تقول :~ انتي طلعي وانا بييج بعد شوي ..بس بروح للمكتبه شوي
وبرد لج .... طلعي بسرعه طلعـــــــــــــــــــي ...
((ليان ماكان ودها تطلع وتترك ميشو .. بس ماقدرت ترجع لأن الطلاب من الزحمه
طلعوها معهم غصب ...
ميشو تركض رايحه للمكتبه تبي تجيب كتاب غالي بالنسبه لها ونسته بالمكتبه ...
((من جهه ثانيه وتين مثل الباقي تبي تطلع بس موب قادره ..
اما ريان اللي جالس بالصاله تحت وموب هامه اذا فيه حريقه او لا ..
كل ماتذكر سالفته مع نارا يفقد الأمل بالاستمرار في الحياه ...
ريان جالس بهدوء وهو يسمع الضجه اللي فوق وصوت ركضهم يسمعه ..
تنهد بملل ثم انسدح على الدرجه بالدرج وهو يفكر بحياته وكيف 
يقدر يسلكها عالوضع اللي هو فيه ..
((أما أميره ابتسمت بخبث ووقفت بسرعه وهي رايحه بتدخل المبنى اللي الكل يبي يطلع منه.
بس هي تدري انو مافي لا حريقه ولا شي وهي اصلا صاحبة الفكره ..
تزاحمت بصعوبه لين قدرت تدخل ...
بسرعه وهي رايحه لأي دكتور ...
لقت بوجهها الدكتور طلال يحاول يطلع طلابه بهدوء ويطمنهم ..
-(أميره بابتسامه خبيثه :~ دكتور طلال ابي احاجيك شوي ..
-(طلال :~ اميره بعدين الله يخليج ماتشوفين الدنيا شلون صايره ؟؟
-(أميره ضحكت ... طلال استغرب ضحكتها ... راكان كان يطالعهم وهو جمبهم ويسمع أميره
:~ دكتور مافي لا حريقه ولا شي ... بس بغيت اقولك انو هذا كله مقلب
سخيف من شباب فاضين ..
وهم فهد وفيصل وبراهيم ومتعب وعمر ومساعد ..
-(بصدمه :~ شنـــــــــــــــو !!! من صجج انتي ولا تتغشمرين !!! ومنو هذولي
-(راكان ابتسم ونزل راسه علطول على شلة فيصل الزحفيشن ..)
أميره شافت ابتسامة راكان ...
حست انها من زماااااااان عن راكان ... ماسولفت معاه ...
-(كملت كلامها للدكتور طلال وهي تقول :~ دكتور تعال وياي انا متأكده انهم فوق..
((الدكتور طلال بحقد راح معها ...
لما رقو ... أميره طلت شوي الا وشافت الشله متسدحين من الضحك 
ويتريقون على الطلاب بأشكالهم ...
-(أميره بصوت واطي :~ دكتووور هذولي هم الشله شف كيف يضحكون ..
روح وخلهم يعترفون لك ... 
-وانتي شدراج ...
-(ببرائه :~ واحد منهم اسمه فهد هو راس البلا .. جاني وقال
أميره تعالي خلينا نساوي مقلب بالجامعه كلها ...
ولما قال لي فكرته انا رفضت علطول وحتى نصحته وقلت له 
ماتوقعت منك هالحركات الثقيله والسخيفه ...
وان هذي تعتبر الرواح ناس مايقدر الشخص يستهين فيها و....
-(طلال قاطعها :~ طيب طيب خلاص انتي روحي ...
-(أميره :ْ بس لا تقولهم انه انا اللي قلت لك ..
-ؤكي ؤكي بس انتي روحي الحين ونادي لي الدكتور عماد ...
(أميره بقلبها .. احسسسسسسسسسسسسن يافهدووون هذا
اللي يستهين فيني ...
بس حرام شذنب فيصل وربعه ... هههههـ يالله يستاهل فيصل ..
ليش يحب غيري وميت على هالخايسه وتينوه ... 
ياكرهي لها بس هي وجنيفر ... اللي مدري شلاقين في هالفيصلوه ؤفـففـ ...
<~ ابد ماكنها تحبه ..!!!
((عبادي لما شاف الدكتور طلال بسرعه وقف وانحاش بدون مايقول للأي أحد ..
الشباب لما شافوه انحاش استغربو وش فيه .. بس ماحسو الا بصوت وراهم ..
-(الدكتور طلال يصفق بسخريه :~ ماشالله ماشالله ... مستانسين انشالله ...
هاه عسى مقلبكم وسع صدوركم !!!
وكيف اشكال اللي تحت مرتاعين وهم مايدرون وش السالفه علبالهم
حريق ...
((صمــــــــــــــــــــــــــــــــــــــــت ))
-(الدكتور طلال بجديه :~ يالله كل واحد جدامي ...
((بهاللحظه جى الدكتور عماد :~ خير شسالفه ..!!!
-(طلال :~ لا بس تعال شوف طلابك شمساوين ... اسألهم وانت ادرى
شلون تتصرف وياهم ... موب شغلتي اتفاهم مع شباب كبار 
قدام هالتصرفات اللي مدري شنو اسميها !!!
((طلال لف عنهم بهدوء وراح بيفهم الطلاب وانشالله يقدر يرجع كل شي مثل قبل ..
((قروب فيصل كلهم ورى الدكتور عماد رايحين للأداره ...
لما نزلو تحت وهم يشوفون كيف اشكال الطلاب خايفين وأصلا المبنى صار فاااضي ..
ماعدا أميره واقفه عند الباب وهي مبتسمه وتطالع فهد بنتصار ...
فهد لما شافها عض لسانه لأنه الحين عرف شلون كشفوهم .. ومافيه غير هالفضيحه اللي
فضحتهم ...
ولله ماخليج ياأميروه ... أنا براويج اشغل شلون بعدين ...اذا مارديتها لج ..!! 

((راكان واقف وهو يطالع بأميره من بعيد ويطالع كيف نظراتها للشلة فيصل
وكأنها ورى هالسالفه كلها ...
ابتسم عليها كيف هي خبيثه وماتنتحارش ...
بس مايدري ان قلبها مليان حقد على ميشو ...
((الطلاب رجعو بعد ماأدكاتره والاداره فهموهم انو كله كان مجرد غلط
في اجهزتهم وانها رنت بشكل خاطئ ...
الكل رجع للقاعته ... والمبنى رجع نفس ماكان بحيويته ...
تولين كانت رايحه للمكتبه لأنها ماتدري وين بتروح له من النار اللي بقلبها 
والغيره اللي ذابحتها ...
تبي تهرب من نفسها هي بعد ولا حد ينتبه لحبها لطلال ..
بنفس الوقـــــــــــــــــــــــــــــت
((ميشـــــــــــــو وتوليــــــــــــــن ... رايحين للمكتبه ...
((من جهه ثانيه ليان توها داخله بالمبنى ..
ماحست الا بيد سحبتها بقوه ..
صقر ماسكها بكتوفها ويطالعها من فوق لتحت بخوف وهو يقول :~
صار لج شي .. فيج شي ..!! يعورج شي !!! تحجي ...
-(ليان نزلت راسها :~ لا ... بعدين مافي نار ولا شي ... عن اذنك ..
((لفت عنه وراحت للقاعتها ...
صقر واقف يطالعها وبنفس الوقت تطمن انها بخير ...
((بغرفة الاداره ...
-(الدكتور عماد واساتذه من الاداره يطالعون قروب فيصل ينتظرون
منهم اجابه وتبرير عن اللي سووه ...
...فيصل يطالع فهد وفهد يطالعه ثم يطالع برهوم ومتعب ..ومساعد يطالعهم
وكل نظراتهم للبعض تحمل الحققققد على عبادي اللي سحب عليهم وانحاش 
بدون ماينبههم ...
-(الدكتور عماد :~ يالله عطوني مبرر عاللي ساويتوه بسرعه ..
-(استاذ :~ أنا أعرف هالقروب زين جذي سواياهم من العام ...
وتوهم يردون للغثاهم مره ثانيه هالسنه ... لازم تلاقون حل لهم ..
وانا صراحبه برايي لو تفصلوهم احسن ..
-(فهد :~ حلوه هاي تفصلونا ولي شاحنا ندفع دراهم حق منو ..!!! موب عشان ندري
ونكمل دراستنا ولا عشان تفصلونا بعد كل هالتعب ...
-(عماد :~ بس انتو ماتركتو لنا أي حل ثاني من تصرفاتكم الطفوليه ...
((فيصل ابتسم ونزل راسه ..
فهد وهو يطالع فيصل وده يطقه ...
-(فيصل وهذا هو يرجع للنكراااانه وكذبه المحبك ....
وبوجه بريئ :~ دكتور صج احنا مساوينا أي شي .. بس لما رقينا فوق
كانت صفارات الانذار ترن ... وكان فيه مجموعة بنات 
بسرعه راحو لما شافونا ...
-(عماد :~ اذا انت صاج قول لي منو هالبنات ..
-(فيصل كان يدري ان هالفكره اكيد فكرة أميره لأنه شاف فهد وهو يتكلم
مع اميره بذاك الوقت فقال :~ شوف صراحه انا ماأعرف الباجي بس عرفت وحده
منهم ...
((متعب وفهـــــــد وبرهوم ومساعد يطالعون فيصل بدهشه ومن بيتهم !! ))
-(فيصل ابتسم عالخفيف وهو يطالع ربعه وقال بثقه :~ دكتور فيه وحده ... أمممممـ
على ماأظن واذا ماخاب ظني ان اسمها أمـ .... أمره أو شي زي كذا ..
((ثم التفت على اخوياه وقال بتعقيد حواجب :~ شنو اسمها ذيج البنيه 
<~ عاش نصاب ...
-(فهد ابتسم من قلب وهو يبي يضحك كيف جت على بال فيصل مثل هالفكره
الفرعونيه ...فقال النصاب الثاني :~ أي أي على ماأظن كان أسمها أمييـ ..!!
أي أي .. أميره .. الا الا أميره متأكد ...
هي مع واحد من ربعي بالمحاظره ويقول جذي اسمها لما 
قابلناها مره بس مانعرفها يعني كمعرفه .. بس مره قد سلمنا عليها من بعيد وبعدها
ماعاد شفناها الا اليوم ...
((ثم كمل بخبث :~ دكتور عماد بسألك بالله ...منو اللي قال لك عننا !!!
-(عماد عقد حواجبه ثم قال :~ ولله مدري شنو اسمها بس شكلها اعرفه ...
-(فهد كمل بخبث :~ أي نعم انا متأكد انها هي اللي قالت لك عننا ..
-(عماد سكت شوي ثم قال :~ طيب وين هالبنت ..!!!
-(فيصل ابتسم ثم قال :~ اذا تبيني الروح اييبها لين هني يبتها ..
-(الدكتور عماد قال :~ خلاص روح ييبها بسرعه واذا حسيت انك تأخرت
راح اعاقب ربعك وانت بعد وراح اتجاهل البنت اللي تتحجى عنها ..
طبعا بعد ما نتأكد منها اذا كل اللي قلتوه صح او لا ...
((فيصل طلع وهو يضحك ... يدور أميره بكل مكان بس مالقاها ...
لما شاف راكان جالس على كرسي ويقرى كتاب قال :~ سلاام ..
-(رفع راسه ثم رد بهدوء :~ وعليكم السلام ..
-معليش ازعجتك بس بغيت اسأل عن أميره ماشفتها اليوم انت !!!
-(سكت شوي ثم قال :~ اي ليش !!!
-أي ابي اعرف وينها الحين ؟؟
-(نزل عيونه وكمل قرايه وهو يقول :~ أسأل غيري ...
-(فيصل :~ شلون يعني ماتبي تقول لي وينها ولا ماتدري ..
-(راكان مارد على فيصل وكمل قرائه ... فيصل سكت شوي وهو اصلا من زماااان
ماهضم راكان ...
لف عنه وراح يدور أميره ...
أميره كانت جالسه مع نجود ويسولفون بضحك ..
فيصل لما شافها بسرعه ركض لعندها وسحبها مع يدها وهو مبتسم ..
أميره بلعت ريقها وهي تحس ان نبضات قلبها تعلا أكثر وأكثر ...
تطالع يد فيصل وهي ماسكه يدها ويسحبها ...
قربه منها كذا يخليها تضعف لحبه أكثر ...
للدرجة الرتباكها ماقدرت تسحب يدها وتسأله وين رايح بها ...
تحس انها استسلمت له ولحبها له ...
فيصل كان مستغرب ليش ماعارظته أو هاوشت كعادتها بس سهلت عليه الوضع
بصمتها هذا لين وصلو غرفة الاداره ...
فتح الباب بقوه وهو يدف أميره عالخفيف قدامهم ويقول :~ دكتور هاي هي البنيه
اللي قلت لك عليها ..
-(فهد يغمز للربعه ويقول :~ أي أي هاي هي ..
-(رغم ان برهوم ومتعب ومساعد للحين مافهمو وش السالفه بس قالو مثل ماقال
فهد لأنه غمز لهم :~ 
-(الكل :~ أي نعم هاي هي البنيه ...
-(عماد :~ أي نعم هاي اللي قالت لي عنكم ...
انتي شنوا سمج ..
-(أميره مستغربه وهي تطالع فيصل ماتدري وش القصه بس قالت بغير اهتمام :~
أميره ..
-(كل قروب فيصل بصوت عالي وكأنهم فاهمين بعض :~ ايييييييييييييييوه ظهر الحق ...
-(عماد :~ ممكن تسكتون انتو الحين ... اميره الشباب يقولون انه موب هم
وان انتي ومجموعة بنات اللي ساويتو هالحركه ... ولما شفتيهم شافوك 
رحتي وقلبتي السالفه عليهم واتهمتيهم انهم ورى السالفه عشان
تطلعين من الموضوع كله ..
-(شهقـــــــــــــــــــــت من قلب وهي تقول بروعه وتطالعهم واحد واحد :~
جذابين وربي جذابين ... ياربي عليهم جذب موب طبيعي .. لا وعيني
عينك هذا ويى وييه يسحبني من هنيك عشان يتهمني بهالتهمه ... وربي جذابين ياربي يقهرون
وش هالجذب القوي ...
((شلة فيصل ماسكين ضحكتهم على وجه أميره اللي صفر وزرق ونقلب مره وحده من الروعه ..
فهد وهو يطالع أميره يرفع حاجبه زي المنتصر ..
أميره طنقرت معها ماعاد قدرت تستحمل ...
-(أميره :~ ولله موب انا اللي ساويت جذي ... بس هم يتهموني ..
(( بنفـــــــــــــــــــــــــــــــــــــــــــــــ س هاللحظـــــــــــــــــــــــــــــــه ..))
((صفارات الإنذار علت مره ثانيــــــــــــــــــــــه بكل مكان ...))
الكل سكت بغرفة الاداره وحتى أميره اللي كانت تحلف من قلب ...
يطالعون فوق وهم مستغربين ...
-(عماد بغضب :~ لااااا هاي مهزله بهالجامعه ... ولله لو أدري ان هالأصوات 
من ورى روسكم وقسم بآيات الله لا افصلكم وتشوفون ..
((الجــــــــــــــــــــــــآمعه كلها ماصدقت الصفارات لأن تو قالو لهم مجرد 
عطل بالأجهزه وصارت تصفر من غير سبب ..
الجامعه على نفس الحيويه ولا ابدو أي اهتمام للصفارات ..
فيصل عقد حواجبه وهو يطالع اخوياه باستغراب ...
أميره ساكته مستغربه مين اللي عاد نفس الحركه ؟؟؟
((ريـــــــــــــــــان تملل من هالحاله .... 
أما وتين والباقي محد صدق الصفارات ولا حتى الدكاتره ...
راكان كان قريب من المكتبه ...
بعد هو ماصدق السالفه بس استغرب من هالريحه اللي تطلع ...
فجأه سمع صراخ طالبات وطلاب من جهة المكتبه ...
((بالاداره استغربو من هالصراخ ...
راكان بسرعه وهو يركض رايح للمكتبه ...
صقر وطلال بعد كانو قريبين من المكتبه ...
كانت الصدمـــــــــــــــــــــــــــــــــه عالثلاثــــــــــــــــــــــــــه ...
ان المكتبه تشتعل نـــــــــــــــــــــــــــــــــــــــآر ...
ليان برضو كانت قريبه من المكتبه .. لما قربت عندها انصدمــــــــــــت
من النار اللي تشتعل بشعل جنوني ...
((تذكرت كلمـــــــــــــــــآت ميشــــــــو ...
تقول :~ انتي طلعي وانا بييج بعد شوي ..بس بروح للمكتبه شوي
وبرد لج .... طلعي بسرعه طلعـــــــــــــــــــي ...
((ليان حطت يدها على فمها خايفه ومرتاعه ...
بدون شعور والكل كان واقفين بعيد عن الكتبه اللي تشتعل نار بقووه ولا يمكن يقدرون يدخلون
ويساعدون اللي بداخلها ...
ليان من غير شعور ركضت للمكتبه وهي تدف اللي قدامها وتصرخ بأسم 
مشـــــآعل ...
((وهي ماتدري ان أختها برضو داخل !!!! ))
ليان لما وصلت الباب راح تدخل بسرعه صقر مسكها بقوه وهو يهديها ..
بس ليان تبكي من قلب وتحاول تفكه تبي تدخل للمشاعل اللي مامداها توها تشوفها الا 
وتروح منها بهالبساطه مره ثانيه .. لا ماتقدر تتحمل ..
-(وهي تاحول تفك يدين صقر منها .. تبكي وتصارخ عليه :~ فجنيييي اقولك فجني ..
ماتفهم انت ماتفهم اقولك فجني ... مشاعل داخل مشاااااااااااعل ...
مشــــــــــــــــــــــــآآآآآعل .. آآآآآآخ مشاااعل ... مشاعل وينج مشاااعل طلعي ...
((راكان استوعب انه واقف بدون مايسوي شي ..
ومستغرب أكثـــــــــــــــــــــر ان الكل واقف يتفرج وبس ...
راكان ماقدر يمسك روحه ...
بسرعه راح للمكتبه ودنق راسه بقوه ثم دخل بشكل انتحااااري ...
طلال انصدم من راكان اللي باع نفسه للنار بسهوله عشان ينقذ اللي تقول
عنها ليان .. مشاعل ...
((بنفس الوقت طلال كان يطالع ليان باستغراب وهو متوقع انها تولين ...
راح عندها وقال :~ تولين !!!!!
(بس ليان ماعطته وجه وهي تبكي من قلب وتحاول تفك نفسها من بين يدين صقر اللي ماسكها بقووووه
مايبيها تروح وتتركه .... خايف عليها أكثر من نفسه ...
-(صقر أخيرا ماعاد تحمل ليان تبكي بهالشكل الجنوني ... التفت على طلال
وقال :~ امسكها عدل واللي يعافيك لا تتركها ابدا تدخل بهالنار ...
((طلال مافهم شي بس مسكها ....
صقر بسرعه وهو يطالع ليان وكأنه خايف تكون هذي آخر مره يشوفها فيه ...
بلع ريقه وهو يقول بصوت واطي ويطالعها ...
عشانج مستعد أموت وأخاطر بحياتي .. ولا اشوف دموعج ...
((بسرعه دخل للمكتبه اللي بدت تطيح أخشابها من النار ...
((بغرفــــــــــــــــــــــة الاداره ماعاد قدرو يتركون هالسالفه اللي برا لأنهم
للحين موب مصدقين ..
بس حصو ان الصفارات للحين ماسكتت وحتى الصراخ ...
الكل طلع بسرعه من الغرفه ... بس كانت الصدمه لهم لما
شافو الكل يطلع من المبنى وحتى المبنى صاير فاااضي ...
معقوله هالمره جد !!!!
أميره شمت ريحة نار ... والباقي برضو لأن الريحه كانت
قوييييييه ...
لما راحو من جهة المكتبه حسو بدخاااان كثير يطلع منها ..
لما وصلو كل واحد وقف مجمد مكانه موب مستوعب اللي يصير قدامه ..
النار تشتعل بشكل موب طبيعي ..
((فيـــــــــــــــــــــــــــصل مايدري ليش حس بقلبه يعوررررره
ويبي يدخل ويساعد اللي داخل المكتبه ...
بسرعه بحركه غير الراديه منه دخل للمكتبه ...
-(أميره صرخت بخوف :~ فيصـــــــــــــــــــــــــــــل لا تتدخل ...
((شوي بدت دموعها تنزل وشلة فيصل مستغربين من ردة فعلها ..
-(أميره وهي تركض للمكتبه وتنادي على فيصل ... 
بس ربع فيصل مسكوها ويحاولون يهدونها ..
طلال مايدري ليش متوترررررر مرررره للفكرة ان تولين بين يدينه ماسكها بقووه
وجسمها لازق بجسمه غصب عشان ماتفلت منه ...
حس بضيييقه وكبته جوآ صدره وده يبتعد عنها بس مايقدر 
يخاف تفلت وتروح للمكتبه ...
مستغرب لأنه أول مره يشوف تولين بهالحاله من الضعف ...
حتى وهو ماسكها حاس انه ماسك عصفور مو بنت ...
مرررره جسمها ضعيييييف ...
((داخل النار كانت تشتعل بشكل غير طبيعي ...
راكان وصقر وفيصل جوآ ...
راكان كان منزل راسه ومدنق عن النار ويدور على أي شخص جوآ ...
صقر كان يكح بقوه وكأنه دخل نفسه بمشكله ماهو قدها أبدا ...
فيصل لازق بالجدار ويمشي بحذر وهو مسكر بيده على فمه وأنفه ...
شاف تولين من بعيد طايحه عالأرض بدون أي حركه ...
بسرعه وبروعه بيروح يساعدها وبحركه منه غبيه ضرب في خشبه تشتعل نااار ...
صرخ بقوه لأن النار حرقت ساقه ...
((اللي خارج المكتبه سمعو صرخته ...
أميره حست انها راح تدوخ من بعد صرخة فيصل اللي متأكده انها
صرخته ...
من غير شعور طاحت على فهد ....
فهد بصدمه كان واقف يطالعها مايدري وش يسوي ...
برهوم مسكها بسرعه وهو يحاول يصحيها ..
-(برهوم بغضب :~ شلون يعني ماتبي تساعدني ولا شلون .. شلها وياي نطلعها برا
الكتمه والدخان ..
-(فهد بخوووووووووووووووف وصوت يرتجف :~ بسـ ببـ .. بس فيصل جـ جوآ ..
-(متعب ساعد برهوم وهم شايلين أميره للبرآ ..
لما طلعو برا لقو الكل واقف وهم مرتاعين ...
ريم لما شافت ان اللي طلعو موب مشاعل ... ركضت للداخل وهي تبكي وتنادي على مشاعل ..
عبادي لما شاف ريم دخلت .. ولا لقى فيصل مع براهيم ومتعب ..
ركض للمتعب وهو يقول بخوووف :~ وين فيصل !!! والباقي كلهم وينهم !!
-(برهوم بضيقه :~ ماأدري بس فيصل دخل جوا النار و.. وسمعنا صراخه
بس ماقدرنا ندخل لأن النار سكر عالباب ..
(عبادي وقفت الدنيا قدامه ...
بلع ريقه وحاس ان رجلينه ماتقدر تتحرك من الصدمه ...
يطالع المبنى بس مايقدر يتحرك ... الصدمه خلته يجمد مكانه ...
((نرجع للداخل المكتبه ...
راكان لما سمع صراخ فيصل من الجهه الثانيه ...
تقدم بيروح له بس طاحت خشبه قدامه كلها نار قويه ...
بلع ريقه اللي جف ..
صقر كان قريب من جهة فيصل ...
بسرعه تقدم للجهة فيصل ...
لما وصل له فسخ جاكيته وهو يحاول يطفي النار اللي على ساق فيصل
يحاول يشيل فيصل .. بس فيصل دفه وهو يقول بصوت عالي 
علشان يسمعه :~ روح ساعد البنت هذيك اللي عالأرض .. بسرعه ..
بســــــــــــــــــــــــــــــــــرعه ...
((فيصل مايدري ليش لهدرجه خايف على ذيك البنت ... وبشكل غيير طبيعي للدرجة
انه نسى نفسه والنار وتقدم لها .. بس كانت النتيجه ان ساقه احترقت ...
صقر يحاول يتقدم للتولين بحذر ...
من جهة راكان ينادي اذا فيه أحد يسمعه عشان يناديه ويعرف وينه !!
تذكر ليان تنادي بأسم مشاعل عشان كذا بدى ينادي بأسم مشاعل ..
-مشـــــــــــــــــــآآآعل ..!!! مشاعل تسمعيني !!!
مشاااااعل ...
-(مشاعل كانت ماسكه كتابها الصغير بقووووه للصدرها 
وواقفه بالزاويه وهي تطالع النار بدون أي حركه ...
بس حست ان أحد يناديها .... بسرعه ردت بصوت عالي :~
انا هنيييييي .... أن هنييييي ..
-(راكان سمع صوتها والتفت عالجهه اللي هي فيها ... راح لها بسرعه وهو 
يسحب روحه عالأرض الحاااااااره ...
أصابعه وأطرافه تحترق من الحراااااااااره بس يحاول بأقصى ماعنده
انه يتحمل هالآلام ..
((الكــــــــــــــــــــــــــــــــل بالخارج مقهوووور لأن المطافي للحين ماوصلت ..
وهم خايفين عاللي داخل ..
ريم لما وصلتهم وهي تبكي ..
بسرعه وهي تضرب الدكتور عماد :~
انت ليش واقف .. ادخل وساعد ميشو ... انت ليش جذي واقف لييييييييش..
ماعندك احساس تكون واقف جذي !!!! أحد يدخل ويساعد ميشو .. آآآآآه ياميشو ..
ميشوووووووووووووووووو ..
((جلست على الأرض وهي تبكي من قلب ...
باقي شلة مشاعل دخلو وهم يحاولون يهدون ريم ..
كل وحده منهم تمسح الدموع وهم خايفين على مشاعل ..
عبادي توه يحس بروحه ... دخل بسرعه وهو يركض للمكتبه ..
جى بيدخل المكتبه بس الدكاتره مسكوه وهم بقلوبهم 
.. يكفي اللي داخل متوهقين ويمكن يكونون ماتو !!!
((داخل ...
صقر لما وصل تولين ... لف وجهها له بس حس بصدمه ...
ليان قدامه موب وحده ثانيه ...
استغرب كيف .. ليان برا شلون دخلت !!!!
صقر ماقدر يستوعب لأنه توقع ان هذي ليان ..
صرخ بأسمها وهو يضرب وجهها ويناديها ..
-ليااااااان اصحي لياااااان ..
((شوي حس بدموعه تنزل بشكل غير متوقع ...
ليان قدامه بدون أي حركه ... يعني كيف ماتت !!!!!
-لا ليان قومي قوميييي ليـــــــــــــــــــآآآآآآآآآآآآآآآآآآآآآآآآن ...
((حس بقوه جته مايدري كيف ... شالها بسرعه واتجه للباب ونسى حاجه اسمها فيصل
مايقدر يمشي من رجله ...
لما وصل الباب مايدري شلون حذف نفسه من الباب للبرآ النار ...
((الكل كان يراقب الباب اللي مايشوفون منه غير النار يطلع منها ...
بس انصدمو من صقر اللي تشتعل ملابسه نار بسيط لأنه رمى روحه على النار عشان
يطلع من المكتبه ..
((البعض منهم كان يحاول يطفى النار بكم سطل مويه بس النار مو راضيه توقف ..
لما شافو صقر وتولين عالأرض عليهم نار بسيط ..
بسرعه كبو ليهم المويه وطفت النار بسرعه ..
((ليان ارتعشت لما شافت صقر وجهه اسسسسسود ومافي شي باين فيه ..
ومعاه بنت ..!!! بس هذي موب مشاعل !!
مشاعل شعرها بوي وماتلبس عبايه !!!
طبعا عباية تولين نصها محترقه ومتشققه ..
والطرحه مو على راسها ...
شعر تولين طوووووييييييييل .. بس الحين أطرافه احترقت ...
ليان دفت طلال وراحت للتولين وصقر ...
ليان ماتدري ليش قلبها يرتعش خووووووف على هالثنين اللي قدامها ..
وهي جالسه عند صقر وتقول بصوت واطييي بين دموعها :~ صقر 
انت بخير صقر تسمعني !!
((صقر مافتح عيونه !!!!!!!!!!!!!1
مافيه أي حركه ..!!!!!!!!!!!!!!!
شكله يخوووووووف كيف الأسود مغطيه ...
ليان بدت دموعها تنزل بمجرد تذكرت أمها ماتت..!!!!
بسبب هالشخص اللي قدامها ...
كرهته .. حقدت عليه ... بس الحين ماتبيه يموت ..!!!
رغم هو سبب تعاستها ..
مــــــــــــــــــآت مثل أمها !!!!
مستحيــــــــــــــــــــل ...
طـــــــــــــــــــــــــــــــــلال واقف مصدووووم
من اللي يشوفه قدامه ...
تولين هذي اللي عالأرض ولا هذي اللي تبكي !!!!!!
يحاول يستوعب اللي قدامه ..!!!
نسختين قدام عيونه ...!!!!!
تقدم بخطوات متردده ...
جلس عند تولين .. مد يده لليدها يبي يتأكد هي ماتت ولا لا !!!
طلال ماتحمل الوضع انه يفكر اذا هذي تولين او هذي اللي تبكي وكانت بين
يدينه ... شال تولين بسرعه وطلع برى المبنى رايح للسيارته ..
الكل كان برى المبنى ...
لما طلع الدكتور طلال ... الكل انصدم منه وهو شايل بين يدينه بنت ...
جوجو كانت واقفه من بعيد ...
بس حست بغيرررره وهي تشوف طلال بين يدينه بنت وشكله مررره خااايف عليها !!
لما شافت شعرها عرفت ان هذي اكيد تولين ...
بسرعه ركضت عنده وهي تقول :~ طلال تولين شفيها شصار عليها !!
((طلال مارد عليها وركب السياره بسرعه ثم راح ...))
جوجو واقفه منصدمه من اللي صار ...
كيف ان طلال خطيبها سفهها عشان تولين ...
وكل ماتذكرت وجهه وهو خااااايف حست بنار تشتعل بقلبها ...
رغم انها بنفس الوقت شايله هم تولين لا يكون فيها شي وهي ماتدري ...
كان ودها تروح معهم بس طلال مالقاها وجه وكأنه مادرى اصلا بوجودها
وانها تحاكيه ..
وفعلا طلال كله يفكر بالشبه اللي كان قدامه قبل لحظات ...
وكيف كان الوضع مرررره مخيف وهو يشوف تولين يمكن تموت لو مايلحق عليها ..
((نرجع للداخل المكتبه ...
فيصل يطالع النار بعيون نص مفتحه ....
حاس ان الدخان خنقه بشكل غير طبيعي ...
يزحف وهو يحترق ألم من ساقه اللي احترقت ...
بسرعه راح لجهه مافيها نار قوي ...
وهو يزحف بصعوبه ...
بسرعه شق بنطلونه بخشبه ...
لما طلع ساقه اللي محترق ..
مد يده للساقه بس حس بدواااااااااااااااار لما زلقت يده بجلده المااايع ..
فيصل زياده على ألم ساقه ...
حس بألم موب طبيعي رجع له بجمبه ...
مرضه اللي مايدري للحين شنو ... وخايف يروح يشوف شنو هالمرض اللي يزيد
معه كل مره ومره ..
خاصتا هالمره صاير بشكل مو طبيعي ..
فيصل كان رافع راسه يقاوم كل هالآلآم ...
طاح راسه بقوووه على خشبه بالأرض ... 
غاب عن الوعي وراسه ينزف من الخشبه الحاده وكيف طاح عليها بقوه بسبب الدوار
اللي ماقوى منه يرفع راسه أكثر ويقاوم ..
((من جهة راكان ... لما وصل للمشاعل ...
وقف يطالعها زين لأنه تذكرها ...
حس بشمئزاز منها بس حاول يبعد كرهه لها ويساعدها عالأقل
هالمره وبس ...
لما تقدم منها ...
هي بسرعه قالت :~ اقدر أطلع روحي موب محتاجه مساعدتك ..
((بنفس الوقت كل واحد منهم مخنووووق من الدخان ويصب عررررق من
الحر اللي حواليهم ...
راكان موب فاضي لها وتسوي روحها قويه قدامه عند الموت اللي يمكن يجيهم
بأي لحظه وهم بهالمكان ...
بسرعه سحب يدها ومسكها بقوووووه ..
مشاعل دفته بقوه من جهة النار وهي تكررررررررره أي شاب يلمسها ..
-(صرخت بوجهه :~ قلت لك ماحتاي مساعدتك ...
-(راكان كان بيطيح عالأرض من جهة النار .. بس بسرعه تسند بيده
عشان مايطيح على خشبه صايره مثل الفحم اللي مطفيه النار منه
بس صايره حمرررررا مولعه ...
راكان عض شفايفه بقوووووووووه للدرجة انها تمزقت من قوة الألم ..
رفع يطالع يده بسرعه .. بس أحترقت بسبب هالعنيده اللي قدامه ..
راكان بهاللحظه وصصصصلت معه ...
تقدم بيمسكها بس شاف خشبه بتطيح على مشاعل ...
بسرعه سحبها له عن الخشبه اللي تشتعل نار وطاحت على نفس المكان
اللي كانت فيه مشاعل ...
مشاعل رغم عنادها الا انها خاااايفه ...
فتحت عيونها ببطئ ... بس ماحست الا بشخص ضامها بقوووه وكأنه يحميها بأي
شكل ...
حست برجفه تسري بجسمها كله ...
راكان ماأهتم للهالوضع المخجل .. بس هامه يطلعون من هالنار وبعدين كل واحد بطريقه ..
بسرعه سحبها وهو للحين ماسكها بقوه ..
بس الغريب ان ميشو للحين ماقاومت وقاحته وهو ضامها بقوه له ..
لما وصلو للباب ..
راكان جذبه شي ... لما التفت لقى فيصل طايح بآخر المكتبه وبينهم نار تشتعل ..
التفت على ميشو ثم رد يطالع فيصل ....
-(قال بصوت عالي للميشو :~ غمضي عيونج ونزلي راسج ..
((ميشو سوت نفس اللي قاله لها .. بحركه من راكان دف ميشو بقووووه للخارج
باب المكتبه ...
ميشو وهي عالأرض برا المكتبه وبرا النار كله ..
علطول التفتت جمبها تدور راكان ..!!
بس انصدمت لما مالقته جمبها وكأنه ساعدها بس هو بقى داخل
عشان يساعد الولد اللي شافوه بآخر المكتبه ..
الكل لما شافها كبو عليها مويه بسبب النار البسيط اللي عليها ...
ميشو موب مستوعبه شجاعة هالشاب اللي انقذها !!!
((ماتدري انه دخل عشانها ...))
مجمده مكانه وهي تتذكر راكان ...
بسبب راكــــــــــــــــــــــــــــــــــــآن ...
ميشو غيرت نظرتها للكرهها للشباب ..
صحيح تكرههم للحين ... بس هذا ماتدري ليش تأثرت فيه من بعد اللي سواه
لها ..
ريم لما شافتها بسرعه وقفت وهي تركض لها وتبكي :~
ميشوووووو ... 
ضمت مشاعل وهي تبكي ... بسرعه كل صاحبتها يسحبون مشاعل ويضمونها
بقوووه وكانهم ماتوقعو رجوعها لهم ..
بس مستغربين شلون طلعت بهالطريقه للوحدها ...
الكل توقع انها هي اللي طلعت روحها بروحها ولا أحد انقذها ...
((بهاللحظـــــــــــــــــــــــــــــــــــه وصلت الاسعافات والمطافي ...))
شالو مشاعل اللي للحين مجمده مكانها وبس تفكر براكان ...
((بالداخل ...
راكان وهو لاااازق بالجدار عن النار يبي يوصل فيصل ..
حاس بألم مو طبيعي من يده اللي احترقت بسبب مشاعل ...
وأخيرا وصل للفيصل بعد وقت طويل وكيف يبعد عن الأخشاب اللي تطيح من كل جهه..
رفع جسم فيصل بصعووووبه بين يدينه ولف بيروح للباب ...
فجـــــــــــــــــــــــــــــــــــــأه ...
طاحت خشبــــــــــــــــــــــــــــــه كبيــــــــــــــــــــــــــــــــــره 
مولعـــــــــــــــــــــــــــه نــــــــــــار ..
عليهـــــــــــــــــــم ...

$$ صمــــــــــــــــــــــــــــــــــت بداخل المكتبه..
ولا وجود للأي حركه ..$$