((بعد نص ساعه داخل كلاس طلال ...
الكل طلع ماعدا الدكتور طلال اللي قاعد يجمع أغراضه ...
تولين حاطه رجل على رجل وبس ماعندها الا تطالع في جوجو وفي طلال ..
وبقلبها سخريه عليهم وكيف هي غاشتهم ببعض ...
تولين ماتدري ليش صايره نذله من بعد الحادث وتتمنى لو تخرب عالكل ..
مو بس طلال .. ودها تخرب عالكل حياته مثل ماهي مو سعيده بحياتها
وهي لقيطه وتريقة الناس عليها ...
((جوجو تقدمت من طلال ثم قالت :~ شحالك اليوم __^ ..
((تولين ابتسمت ابتسامه خبيثه ثم تكتفت وكأنهم عرض لها ممتع ...
سعد طلع علطول ... راكان لما وقف شاف نظرات تولين الخبيثه للطلال وجوجو..
بس ماعبر الموضوع وطلع ...
-(طلال بدون مايرفع عيونه :~ بخير يالله سلام ..
-(جوجو استغربت بس بسرعه قالت :~ طلال ... أقصد دكتور طلال ...
حسيتك متغير اليوم ... سلامات فيه شي ؟؟؟
-(طلال طالعها بسخريه وهو متعجب كيف تسوي كذا من بعد الموقف السخيف اللي امس
عالمسن ....
لف بيروح ويطنشها الا وشاف تولين تطالعه بابتسامه خبيثه ...
عقد حواجبه شفيها ...
تولين وقفت بثقه ثم مرت من جمبه بعطرها اللي يفوح بشكل موب طبيعي ...
طلال كشر لما شم ريحة عطرها القوي وكأنها ماتدري من تعطر
بهالشكل عند رجال تعتبر زانيه ..
((جينفـــــــــــــــر مرت من قروب فيصل ...
لما سألت عن فيصل قالو لها متعب وفهد انه بمحاظره ...
راحت جينفر تدوره ...
-(فهد :~ ياخي هالبنت قلبي موب متطمن لها ...
-(متعب :~ وانت شلك فيها ..
-ياخي مدري وش عندها هي وفيصل .. أحس كل ماييتهم فيصل يختبص ويقطع السالفه بينه
وبين هالأجنبيه ...
-(متعب :~ اقول فهود والله انك فاضي ... ياخي جنك ماتعرف فيصل وحركاته مع البنات ..
لا تخاف عليه .. لو فيه شي هو قدها وقدود ... يعرف يحل مشاكله بنفسه ..
بالله انت قد شفته مره قال لنا عن مشكله من مشاكله وطلب مننا نساعده ..
تعرف فيصل يحب يسوي كل شي بروحه ... واذا فكر يقول للأحد علطول يقول للعبادي ..
-(فهد :~ طيب خلاص ترى صدعت راسي ... الظاهر انا قايل لك عطني
سيرة فصول كلها ...
((فيصل توه طالع من المحاظره الا وجينفر قدامه مبتسمه ...
مدت يدها بسرعه وسحبته للبرا في الحديقه ...
فيصل كارهها من بعد الموقف بس ساكت لها بما انها راح تكون أم ولده
مع الأسف الشديــــــــــــــد ...
راكان بهاللحظه كان رايح للكافاتريا بيرتاح
وهو حاس بتعب كبير ...
مالقى مكان يجلس فيه ...
بس حصل طاوله وحده جالسه فيه بنت ...
يالله عالأقل فيه كرسي ثاني وهي لحالها ...
لما تقدم عندها قال :~ ممكن أجلس ..؟؟
-(ليان بدون ماترفع عيونها له هزت راسها بالموافقه ...
-(راكان استغرب من وضع هالبنت ... بس جلس بدون مايقول أي شي ...
ليان دق جوالها .. لما طالعته لقت المتصل صقر ..
كشرت بكره ثم ردته بالشنطه بدون ماترد ...
شوي الا ودق مره ثانيه وثالثه ورابعه ...
لين ماقال راكان اللي صجه جوالها :~ حطيه عالسايلنت الريح لك وأريح لنا ..
((ليان ماردت عليه ولا حتى رفعت راسها عشان يعرفها راكان ...
شوي الا ودق مره ثانيه صقر ...
ليان توترت ماتدري شلون تسكته لأنها ماتعرف له ...
ماتدري شلون مدت يدها للراكان وقالت :~ سكته ...
-(راكان التفت عليها وهو مرفع حواجبه مستغرب ... وده يشوف وجهها بس هي
موب معطيته مجال ... خذ الجوال ثم حطه عالسايلنت ...
لما مد يده لها بيرجع الجوال ...
ليان رفعت يدها بتاخذه بس راكان وخر الجوال عن يدها وهو قاصد يبيها ترفع راسها
يشوف وجهها اللي موب راضيه ترفعه ...
ليان استغربت ثم رفعت وجهها له ...
راكان لما شافها ليان جمد مكانه ...
ليان انحرجت من نظارته اللي بتاكلها ...
تكره هالنوع من الشباب ...
عشان كذا قالت بسرعه :~ ممكن الجوال ..
-(راكان مايدري ليه حب يتكلم معها ولو شوي :~ طيب لو سرقت موبايلك ؟؟
-(ليان ماحبت تعطيه وجه :~ ممكن الجوال ...
-(راكان حطه على الطاوله بدون مايطول السالفه لأنو واضح على البنت ماتبي تكلمه
... بهاللحظه دخلو قروب ميشو ...
مشاعل تمشي معاهم وهي تغني بصوت عالي للنفس أغنية صابر الرباعي ..
ياأغلى .... بصوت عالي ...
-(ريم لما شافت ليان كشرت ... شوي الا وسحبت ميشو وهي تقول ..
:~ خلينا نطلع من الكافتريا ...
-(ميشو مالقتها وجه ... طلعت جوالها وشغلت اغنية صابر وبدت تغني معاه ..
شوي الا واللي معها قامو يغنون بهبال وضحك ...
بحركه من ميشو وهي تهز رقبتها وتغني بصوت مره عالي ...
ريم علطول لزقت في ميشو وتهز كتوفها بدلع ...
راكان التفت بقرف على ميشو ...
ليان عقدت حواجبها لما شافتها ميشو ...ماتوقعت ميشو لهدرجه فاللتها عشان تستهبل
قدام شباب الكافتريا ...
بهاللحظه دخلو قروب نارا ...
بنـــــــــــــــآت الإيمــــــو ...
راكان لما شاف نارا نزل راسه ثم قال بصوت تسمعه ليان :~ كملت ...
(ليان بس تطالعهم ببرائه ومعقده حواجبها ... تحس انها أول مره تشوف هالأشكال
الشاذه بالجامعه ...
نارا لما شافت ميشو وقروبها ... دخلت بينهم نحاسه تبي تقطع عليهم ...
شوي الا ودخلو وراها بنات الإيمو ...
((ميشو لما شافت نارا بحركتها اللي خربت عليهم بسرعه قالت بصوت عالي
بما انو الكافتريا ساكتين بس يطالعونهم ...
-(ميشو :~ هذا اللي تقدرين عليه ياحلوووووه ...
((نارا جلست بالطاوله اللي جمب طاولة ليان وراكان ...
راكان ابتسم على نارا كيف هي طنيشه وتحرق دم الواحد ...
ريم طول وقتها بين فتره وفتره تلتفت على ليان ...
تحس بكره لها عشان كذا ماعاد تحملت فعلطول قالت بدلع :~
علبالي بريئه ومسجينه ومتحجبه ... وهي اصلا من ريال للريال ...
<~ تقصد صقر وراكان ...
((ليان نزلت راسها ولا ردت ...
((ميشو التفتت على ريم مستغربه مين تقصد ...
لما شافتها ميشو علطول شدت قميص ريمو بقوه وهي تقول :~
الظاهر تبيني اقص لج لسانج ...!!!
((راكان كان يدور مكان مريح ... بس هذولي صدعو له راسه وهم
واقفين فوق راسه ومزاحمينه هو وليان ...
-(مها صاحبة نارا من بنات الإيمو :~ هاهااااااي بالله انتي جم مشبكه مع بنت ..!!
عبالي سوبرمان البنات يا ... ((وكملت بسخريه :~ يامحمد ...
<~ مقصد مها بالأسم .. أول شي انو يليق على مشاعل اسم أولاد بشكلها ..
((ميشو التفتت على مها ... شوي الا وضحكت بصوت عالي :~
ههههااااااااااااااااااااي ... طالعو مين يتحجى ... اقـ...
((ميشو انربط لسانها لما طاحت عينها على راكان اللي جالس قدامها وهي موب منتبهه
الرتبكت ماتدري وش تقول ...
((نارا التفتت على الشخص اللي تطالعه ميشو وواضح على وجهها اللي تغير فجأه ..
دققت بالملامح شوي الا وعرفت انه راكان ...
نارا ماطاف عليها نظرات ميشو للراكان وواضح عليها التغير قدام راكان ...
مها ضحكت بصوت عالي :~ شفيج ... وين لسانج لا يكون بلعتيه ...
((ميشو ولا كأن أحد يحاكيها ... خلاص اذا قدامها راكان تنسى الدنيا ومافيها ...
-(بهاللحظه ليان قالت :~ مشاعل تعالي يلسي وياي __^ ...
((ميشو اختبصت أكثر ... عشان كذا قالت :~
لا خليها المره اليايه ...
((راكان لما حس انو ليان تعرف وحده مثل ميشو كشر ثم لف بيقوم ...
بهاللحظه دخلو فهد ومتعب وبرهوم ...
-(فهد بصوت عالي :~ ياليييييييييييييييييل الكافتريا وراها جذي زحمه ..
لا يكون فيه أحد ميت هني ولا هني ... تراني اخاف من الأموات ...
-(برهوم بصوت بنيه :~ يااااااي ...
-(متعب :~ اقول امش والله انك فاضي تنكت ...
-(فهد خش جو بالاستهبال ثم رفع يدينه :~ لا ياعمي انت روح ...
بعدين يقولون فيه وحده هني بالجامعه قتلت اخوها ... انا شيظمني حياتي ...
((نارا نزلت راسها لما سمعت كلامه ...
ميشو ابتسمت بسخريه على نارا ثم لفت بتروح لكن ليان أصرت :~
مشاعل تعالي وين رايحه ...
-(برهوم بصوت واطي :~ ياخي الدعوه كلها بنات بالكافتريا ...
-(فهد ابتسم بخبث ثم قال :~ انت تفكر باللي افكر فيه ..؟؟
-(برهوم غمز له وهو يقول :~ قدام وكلنا وراك ....
((وقف راكان وهو يقول بهدوء للصاحبات ميشو :~ ممكن شوي ...
((فهد وبرهوم ومتعب وباقي القروب .. تقدمو بدفاااشه على البنات
وهم يضحكون ... وقاصدينه يزاحمون البنات نحاسه فيهم ...
ميشو بسبب دفة فهد وباقي العيال طاحت على راكان بقوه ...
راكان ماقدر يمسك روحه الا وضرب ظهره على الطاوله من ورى ...
((راكان حس بألام فضييييييعه وهو حاقد على ميشو السبب ...
ميشو بسرعه التفتت عليه وهي تقول بخوف :~ سوري ماقصدت ...
((ليان حطت يدها على فمها بصمت وهي تأشر على ظهر راكان اللي طلع منه
دم خفيف.. شي طبيعي دام الحروق والجروح للحين مالتأمت ابدا ...
:~ د دد ... دم ...
((ميشو بسرعه وبميانه لفت كتف راكان وشافت الدم اللي على تيشيرته في الظهر ..
عضت شفتها بغضضضضب ... بسرعه لفت على فهد وباقي الشله ...
شدت برهوم من ورى قميصه بقوه وهي تلعنهم وتسبهم ...
فهد بسرعه بعد يدها عن برهوم وهو يقول :~ نعم نعم خير انشالله ...
-(متعب :~ هيه انتي مينونه ؟؟؟
-(ميشو وهي ماتحس على روحها :~ يالـ ##### ماتشوف ..!!! علبالكم الحين
ظريفين بحركاتكم هاي ..!!! .. شوف شنو ساوييت للصبي يالـ### ...
تفوه عليكم واحد واحد ... قلة حيا وأدب ... يالـ####
((نارا تقدمت من راكان وهي تقول :~ انت بخير ..!!!
((ميشو لما لفت عليهم انصدمت من نارا ليش تقرب راكان ...
حست يقهرررر عشان كذا دفت نارا بقوه برجلها وهي تقول بصوت عالي :~
ماناقصني الا انتي بعد تكملينها علي ......
((راكان رفع راسه رغم انه يتألم ... مستغرب حركات ميشو ..!!!
ومو بس هو .. كل اللي بالكافتريا انصدمو من كلامها وحركاتها ...
اللي يشوفها يقول هذي من جد تحب الولد ...
بس اذا شافو شكلها كيف بووووي علطول يبعدون فكرة انها تحبه ...
نارا ماتحملت هالإهانه ...
بسرعه دفت ميشو بقوه على الطاوله اللي وراها ...
ميشو بهاللحظه ماعاد تحملت احد يمد يده عليها او يتجرأ ...
بسرعه تقدمت بتضرب نارا بس البنات مسكوها بسرعه ...
((فهد وباقي العيال قامو يصفقون وكأنهم يشجعونهم على الطقاق ويشبون النار
بين نارا وميشو ...
ريم بقهر التفتت على ليان وهي تقول :~ انتي السبب ...
((ليان رفعت حواجبها مستغربه ..!!!
وش سويت انا !!!((راكان كشر بقرف من ميشو ...
رغم الأآلام اللي بظهره الا انه وقف ثم سحب ميشو بقوه وهو يقول :~ هيه هيه انتي
من اليوم وانتي موب طبيعيه ...
لا يكون صدقتي روحك من بعد الحريق ..!!!!
((ميشو حست باإهانه لها ...
-(بسرعه قالت بصوت عالي :~ انت هيه منو مصدق روحك ..!!!
عبالك انت أكبر همي ..!!! روح زين مناك ..!!!
((تقدمت من راكان ثم قالت بهدوء ومحد يسمعها غيره :~
لا تقعد تمن علي بالمساعده ...
لأن سبب وجودك الحين أنـــا ...
((استغفر اللــــــــــه ... المفروض ميشو تقول ..
سبب وجودك الله ثم انا ...
بس مثل مانعرف ميشو موب لم الدين ابدا ...
وانشالله ربي يهديها قريب ..))
((طلعت ميشو وقلبها يشب نااااار ... راكان ماعبر كلماتها الأخيره لأنه بالحقيقه مافهم
وش تقصد ...
نارا طلعت من الكافتريا ...
ليان حست ان الجو توتر .. ودها تساعد راكان بس موب من حقها ...
عشان كذا طلعت هي الثانيه بتلحق ميشو ...
شوي الا وطلعو قروب ميشو ونارا ...
((ميشو رغم هذا الا انو ودها ترجع وتساعده ...
ليان وراها :~ مشاعل مشاعل ...
-(ميشو بغضب وهي ماتدري انها ليان :~ نعـــــــــــم ...
-(ليان سكتت مرتاعه ... صقر بهاللحظه شافهم .. بسرعه جاهم وهو يقول
:~ لا تعلين صوتج عليها ...
((ميشو طفشت .. من اليوم وكل واحد طالع لها ويدافعون عن اللي معها ...
لما شافت انها ليان قالت :~ سوري ليان مادريت انه انتي ...
((مدت يدها ثم مسكت ليان وراحو عن صقر وكأن ميشو تقول
لا تسوي فيها فاهم المره الجايه وبعد عننا ..))
(( يزيد وهو توه طالع من محاظرته ...
قابل ريان ....
-(ريان بسرعه قال :~ شف .. انت أحسن لك تبتعد عن نارا ...
((يزيد ماعطاه وجه وكمل طريقه ...
نارا كانت جالسه بالكراسي اللي برآ ...
يزيد كان طالع وريان بس يمشي معه ويذب عليه هالكلام ...
لما طلعو ... ريان ماتحمل ومسك يزيد مع كتفه بقوه وهو يقول :~
انت تسمع ... قلت لك نارا اتركها .. لا عاد تطلع لها بكل دقيقه ...
انا عارف انك تحبها .. علبالك غشيم انا ..!!!
احسن لك بعد عنها ...
((نارا كانت قريبه منهم ... وقفت وراحت لهم وهي تقول للريان :~
أنت اللي شتبي كل شوي طالع بكل مجان ...
((ثم التفتت على يزيد وقالت بابتسامه :~ شرايك أعزمك على كوب كافي ..
بس سمول __^ ...
((يزيد توتر وعلطول التفت على ريان لا يكون حس بشي ...
ابتسم بتوتر ثم قال :~ ؤكي يالله ...
((ريان تنح موب مستوعب وش اللي يصير قدامه ...
((بجلســــات الجامعه ...
نارا وهي جالسه وتطالع كوبها وساكته ...
يزيد بعد توتره أخيرا قال بابتسامه :~ وين سرحانه ..!!
-(نارا بدون ماتطالعه :~ اللي محيرني ليش انا ماأتذكر شكلك لما كنت صغير عدل ..!!
-(توتر بقوه ثم قال بسرعه :~ انسي لا تفكرين بشي ...
((يزيــــد انت لازم تقول لها انك موب ريان ...
-(يزيد رفع عيونه عليها مره ثانيه ثم فتح فمه بيقولها انه موب ريان بس بهاللحظه
طلع عليهم ريان بقهر وهو يقول :~
انت هيه لا تلعب على البنيه ...
((يزيد اختبص بقوه مايدري وش يقول ... توقع انه انكشف ...
ومثل ماقالو اللي على راسه بطحـــــى ..... __^ ...
يزيد مارد وينتظر ريان يكشف الكذبه بنفسه وكأن يزيد استسلم ...
-(ريان سحب نارا من يدها وهو يقول :~ انتي مدري شلون تيلسين مع واحد كنتي تكرهينه ..
((نارا سحبت يدها بقووه منه وهي تقول بشر واضح بعيونها :~
آخر مره أسمح لك تمسك ايدي ... فاهم ...
((ثم لفت عنه ورجعت ليزيد اللي ماتحرك من مكانه ...
لما جلست قالت بهدوء :~ اذا يى مره ثانيه هذاك .. انت تفاهم معه ...
-(يزيد ابتسم وكأنه عجبه ثقتها فيه ... لما وقف عندهم ريان وقال بقهر :~
نارا شصار عليج ..!!
((يزيد ابتسم عالخفيف ثم قام بثقه كبيره ...
خاصتا انو يزيد جسمه يخوف شوي ... عريض بقوه وطويل ...
فصاير ريان صغير عنده رغم انو ريان عادي حجمه ...
بس يزيد اللي متعدي حدود الطبيعه شوي __^ ..
-(يزيد بثقه :~ تدل الباب ولا أدللك اياه ...
-(ريان مالقى وجه يزيد وقال بقهر كبيييير من نارا اللي جالسه ولا على بالها :~
نارا ... ردي علي .. فهميني ... انا ساويت لج شي ...
نارا هذا الحقير قال لج شي ..!!!
سمعتي عني شي ..!!!
نارا اذا سمعتي شي عني صدقيني انا كنت بقولج بنفسي عن المرض ..
-(يزيد وقف قدامه :~ خلاص أنا برايي تنساها ... البنت بنفسها ماعاد تبيك
ياخي افهمها وروح ...
((ريان بغضب من يزيد دفه مع صدره بقوه وهو يقول بعصبيه واضحه من عيونه :~
انت تبي تاخذها مني ..!!! لا ياعمي .. بأحلامك ...
((يزيد مسك يد ريان بقوه وهو يقول بهدووووء وتهديد :~ انتبه لحراكاتك .. صدقني موب من
صالحك ... اذا سمحت لك تمد يدك علي هالمره .. المره الجايه ماراح اسمح لك ... فاهم ..
((ريان :~ ياعمي روووح .. عبالك تخوفني جذي ..!!!
((ريان بهاللحظه تغيرت حالته ثم التفت على نارا وعقد حواجبه ...
نارا رفعت حواجبها باستغراب .. تو معصب والحين انقلب هادي...
ريان التفت على يزيد وهو ساكت ... التفت ثم راح عنهم ...
يزيد بلل شفايفه وهو فاهم حالة ريان بين فتره وفتره ...
وشي طبيعي للإنسان فيه انفصام شخصيه يصير كذا ...
-(يزيد لما جلس قال :~ سمعي نارا انا بقولج كل شي ... من طأ طأ على قولتهم..
الى السلام عليكم ...
بقول لج أنا مين وريان شنو فيه ...
وأعتقد انو لازم تتذكرين كل شي ...
صحيح ماودي أخسرج تعاملج اللطيف معاي بس الحقيقه لازم تكون واضحه ...
-(نارا حطت رجل على رجل ثم قالت بدون اهتمام :~ صدقني موب مهتمه أعرف ماضيي ..
((ثم ابتسمت :~ بس اذا مصر تقول لي أي شي .. قول لي اشياء تشبع فضولي...
مثل منو أهلي الحقيقين ..؟؟
(( بهالحظـــــــــــــــه يزيد من جد أختبص ...
انقلب وجهه مره وحده ... نزل راسه بسرعه وهو يحاول يصرف الوضع
اللي حطته فيه ....
نارا حست عليه بس برضو موب مهتمه شفيه ...
لفت تطالع اللي رايح واللي جاي ...
هالبنــــت لو يقولون لها بتموتين الحين أتوقع تقول يالله قدام..
عادي توقعو منها أي شي __^..
نو بربلم هالبنت ... ماخذه حياتها ايزي ...
((دق جوال يزيد ... لما طالع مين حصله أمه ...
ابتسم لنارا بتوتر ثم قال :~ دقيقه بس أكلم الأهل ..
-(لف شوي عنها ثم قال :~ آلو هلا يمه ...
-(أم ليلى :~ وينك انت ... أحنا بنرجع للسعوديـــــه ...
-انتو بالمطــــار !!!!
((ليلى قالت للأمها :~ يمه عطيني بكلمه ...
لما خذت الجوال قالت :~
وينك انت تستهبل ..!!!
-مابيننا استهبال .. <~ ويقول مايستهبل ...
-اقول يالله بسرعه تعال خذنا للمطار ...
-طيب بجي بعد شوي ... ؤف الله يعني عليكم ..انا مدري وش اللي مخليكم تجوون
اصلا عندي ...
-نحبك وش نسوي .. اقول اها بس وتعال لنا ..
-شوفي بس احسبي لي نص ساعه ... ربع ساعه عندي شغل الحين
والربع الثاني الطريق ...
-مسوي بيزي انت ووجهك الحين ..!!! اقول اها بس .. ترى طيارتنا بعد نص ساعه بس .. يعني مايمدي
لفلسفتك ....
-خلاص خلاااص خلاااااااااص بسم الله علي اكلتيني ...
بجي بس والله لو أدري انكم ركبتو مع تاكسي بحش رجلك انتي لأني اعرفك بتحوسين
بعقل امي ...
-ؤفففف طيب مسوي رجال يالله تعال وورنا شلون انت رجال ...
-اقول بلا هبل يابنت ... شوي بس وبجيكم ..
((سكر بوجهها لما حس انها بتطول السالفه ...
ليلى تطالع الجوال بقهر وهي تقول بصوت بينها وبين نفسها :~
شف النذل سكر بوجهي .. طيييب طيب انا أوريك .. مااااالت ..
انا مدري شلون بتتصبر عليه البنت اللي بياخذها ...
((من جهة يزيد .. التفت على نارا ولقاها مبتسمه بما انها سمعت كللل شي ...
-(نارا :~ مشغول ..!!!
-هاه أي ... بروح ... جان ودي أطول معاج بس ...
-لا عادي __^ ...
((لما وقف بيروح التفت عليها :~ طيب اذا ماعندك مانع ابي رقمك ...
-طيب ممكن سؤال ...
-أي تفضلي ...
-انت لهجتك موب امراتيه ... من وين ..!!
-(يالييييييل السؤال هذا اللي موب مفتك منه ابدا .... ابتسم يزيد ثم قال بتصريفه :~
تذكري عدل وشوفي انا من وين ...
يالله سلام ..
-بس ماعطيتك رقمي ...
-هاه .. أي صح ...
((بعد مانقلته رقمها راح ...
نارا وهي تطالعه من بعيد ابتسمت ...
"""""""""""""""""""""""
((بعد الجامعه ...
جوجو دقت على طلال كذا مره ...
طلال حس انه طولها وهو مايرد عليها ...
-(بثقله المعروف :~ آلـــو ..
-(جوجو بسرعه قالت بضيقه :~ طلال شفيك علي ...
-لا عاد ... اللي يسمعج يقول هاي ماسوت أي شي ...
-قول لي بس وش سويت ...
-اذا انتي تحسين انج ماسويتي شي خلاص ماله داعي اقول أي شي ...
-..........................
-آلـــــو ...؟؟
-وياك ...
-شفيج سكتي ...؟؟؟
-ماعندي شي اقوله ...
يعني عارفه انج غلطانه من البدايه وان المقلب على قولتج مره سخيف ...
-.......................
-(بطفش :~ آلـــــــــــــــــــو ...
-وياك وياك ...
-يعني ماعندج أي شي ..؟؟
-طلال يهون عليك اللي تساويه فيني ..!!! والله انا موب فاهمتنك ..؟؟
-مايحتاج تفهمين شي لأني انا بعد صرت احس اني موب فاهمج ابدا ...
والله شي غريب عالموبايل غير وعالمسـ.....
-(قطعت عليه بدون قصد :~ طيب أقدر اشوفك ...
-مشغول انا الحين مع الربع ...
-طيب احاجيك الليل ..!!!
-يصير خير ...
-....................
-(طلال من جد مل من صمتها كل دقيقه ... يحس انها موب هاذي اللي يحاكيها
بالمسن ...
اللي بالمسن فرفوشه وتوسع الصدر ..!!!
ليش تتغير عالجوال ..؟؟؟
-(طلال :~ تدرين شلون انا لو انتظرج تتحجين بيجي بكره وانتي ساكته ...
صج غريبه انتي ... يالله فمان الله ..
((سكر بقهر منها ومن صمتها كل شوي وضعفها وكأنها هي المظلومه ...
<~ وبالفعــــــــــل هي مظلومه __^ ...
$$ الله يهداااااج ياتوليـــــن <~ قلبت أمراتيه __^ وه بص وه $$
""""""""""""""
(( ليـــــــــــــــــــــــــــــــــــان ....
وصل لها مسج ... لما فتحته :~
استعـــــدي بعد ربع ساعه بيي أمرج ...
((ليان بضعف أستجابت له وراحت تتجهز ...
بعد نص ساعه وهم بالكافـــــــي بعد صمت طال بكل الطريق ..
-(صقر ابتسم :~ أنا عدلت كل شي .... البطاقات .. والزواج .. وكل شي ...
وحددت الزواج .... كنت ابي اشورج بس انتي الله يهديج موب معطيتني ويه
أحاجيج بالجوال .. ماتردين عليه ابدا ...
-.........................
-بس قبل كل شي ابي أسألج سؤال ...
-...................
-طيب .... بس انا بغيت اسألج ... انتي للحين
حاقده علي ...؟؟
<~ والبيــــــــــــــــه :(
-..........................
- أنا متأكد ان كل شي راح يتغير بعد الزواج ...
انشـ....
-(قطعت عليه وهي خايفه باللي راح تقوله :~ بس انت مانفذت لي شرطي ..!!
-(اختبص وهو بالفعل نسى شرطها الصعب .... بس هو شاك بفيصل عشان كذا قال :~
انتظريني بس بعد الزواج أتأكد من اللي انا شاك فيه ...
-بس ...
-صدقيني انا قد جلمتي .... انا اصلا شاك بشخص وماأدري اذا هو فعلا
يقرب لج او لا ...
-(رفعت راسها بلهفـــــــــــــــــــــــــه واضحه :~ منو ..!!! قول لي منو ..!!!
-(ابتسم بحنان على لهفتها الواضحه :~ لا تستعيلين ... انا توني ماتأكدت __^ ...
-(هزت راسها بسرعه وهي تقول بنفس اللهفه :~ عادي عادي قول بس منو ...
-(توتر لأنه موب متأكد :~ بس انا ماأقدر أعطيج أمل وبالأخير يكون غلط ..!!!
-(ليان من غير شعور مدت يدها ليده على الطاوله ومسكتها بقوه وكأنها تتوسل له وهي تقول
من قلب :~ الله يخليك قول لي منو .... بس قول لي منو بس ... تكفى تحجى تكفى ...
((رجلينها ويدها صارت ترتجف بشكل واضح ....
صقر جمد مكانه لما مسكت يده ... للدرجة انه ماسمع كلامها اللي قالته تو ...
موب مستوعب .... ملامح وجهه لانت للإبتسامه الحنونه وبس يطالعها
بدون مايقول شي ....
ليان حست بنفسها وبسرعه سحبت يدها .... تلعثمت ماعاد تدري وش تسوي ...
صقر ابتسم لها وهو حاس براحه في قلبه من زمان ماحس فيها ...
-(صقر بابتسامه :~ شفيج ..!!!
-(ليان نزلت راسها ...
-(صقر بجرأه :~ فديت أنا اللي يستحون والله ...
((ليان بهاللحظه راح وجهها وحست بحراره ترتفع بجسمها من
الشعور اللي تحس فيه وهو شعور الكرررره للصقر لا أكثر ولا أقل ...
وقفت وهي تقول بصوت واطي :~ ردني للبيت ...
(( لما راحت بتطلع بسرعه وقف صقر ولحقها ...
بالشـــــــارع وهي رايحه للسياره مسك يدها صقر بقوه وهو يقول :~
ليان انا اسف اذا كنت ضايقتج .... ممكن نرد داخل ..؟؟
((سحبت يدها برعشة توتر من قربه ...
بس صقر أعند منها ... مسك يدها بقوه ثم دخلها داخل للكافي وكأنه يقول
اذا ماكنتي تجين بالطيب اجيبك بالغصب __^ ...
((ليان انقهرت منه بس ماتقدر تقول أي شي وماعندها حتى الجرأه تقول شي ..
لما جلسو قال :~ بغيت اقولج زواجنا بكره ...
((رفعت راسها بسرعه وبصدمـــــــــــــــــــــــــــــه ...
هذا من جده ...
كذا من الباب للطاقه ..!!!!!!!!!
عقدت حواجبها بنرفزه منه بس برضو ماتقدر تعارض ...
ماعندها الجرأه الكافيه تعبر عن رايها ....
صقر ابتسم بخجل :~ ادري بتقولين شعنده هذا مستعيل ... بس تدرين
ان المفروض زواجنا قد تم من زمااان __^ ..
-ممكن نرد ؟؟؟
((صقر حس انه البنت مافي منها فايده عشان كذا قال :~ ؤكي يالله ..
((وهم رايحين للسياره ابتسم ...
حست عليه ليان بس ماقالت شي ..!!!
((لما رجعو ... تفاجأت من صقر لما طلع المفتاح وفتح باب الشقه ...
يعني هو أصلا عنده مفتاح ثاني من قبل ..!!!!
حست بالحقد اتجاهه أكثر بس ماقالت شي ...
((لما دلخت الشقه وقفت مصدومه من اللي تشوفه ..
الشقــــــــــــــه انقلبت مليون درجه من لما كانت فيها قبل كم ساعه ...
الأثاث غير ... كل شي غير ...
شي خيال صارت الشقه ....
ابتسم صقر ثم قال وهو قريب منها :~ شرايج ..!!! أصلح
مصمم ديكور عندي ذوق صح __^ ...
((ليان من جد انبهرت .... خاصتا انها ماقد شافت خير من قبل ...
حياتها فقر بفقر ... وفجأه تكون كذا ...
لا جد موب مستوعبه ...
-(صقر استغل الفرصه ثم قرب منها أكثر وهو يقول :~
لعيونج مستعد أغير العالم كلها ... موب بس الشقه ...
((ليان حست بقربه منها وهو خلفها ...
بسرعه راحت عنه ثم دخلت غرفتها وسكرت الباب ...
صقر انقهر منها ...
صك اسنانه بقووووه وهو موب متعود على الصبر للهدرجه ...
من جد بينفذ صبره يوم من الأيام اذا ظلت على هالحاله وبقسوتها معاي ...$$ أهذا هو أسلـــــــــوبك كي تحببـــــها بكـ ..!! $$
فكل شيئ يأتــــــــــــــي بطــــــــــول البــــــــــــال صقــــــــر ..$$
((باليــــــــــــــــــــــل الســـــــــــــاعه 2 ...
توليــــــن جالسه على النت ....
بس تاركته وتصمم بالفوتيشوب ...لما شافت طلال سجل دخول ...
بسرعه قالت ...
********************...
مرررررررررررررراااحب ... (^__^)..
ْْْْْْْْْْْْ ((لما شاف كلامها طنشها ثم حط ؤف لاين ))
********************* (( ابتسمت تولين وهي تقول بقلبها ...
على انك ماعطيتني ويه .. الا اني فاهمتك ... ومتأكده انك للحين مسجل ...
بسرعه كتبت :~
-***********************
أممممممـ أبد صدقتكـ انك مسجل خروووج (^__^)..
-ْْْْْْْْْْْْْ ((لما شاف كلامها ابتسم ... أي هذي هي
جوجو اللي أحبها .... بس برضو حب يتغلى فكتب :~
-ْْْْْْْْْْْْْْ
أي تراني مسجل خروج لا تاحجيني ...
-**********************
ياعيييييني على اللي يتغلوووون .... خلااااص انت أكثر شخص تدري انك غااااالي
علي .... وش تبي اقولك بعد ياسي السيد...
-ْْْْْْْْْْْْْْْ
ماأتغلى ...
-********************
أدوووخ أنا ... أي هين .. عيني بعينك (فيس مبقق عيونــــه )
-ْْْْْْْْْْْْْْ (ضحك طلال :~
يعني خلاص ماعاد ينفع أتغلى أكثر .. الدعوه مكشوفه ..؟؟؟
-*********************
ايييوا ... بئه تسذا (فيس يرفع حاجب وينزله )
-ْْْْْْْْْْْْْْْْ
ههههههههه أنا أموت وأعرف... ليش صاير أحب أحاجيج عالمسن أكثر من الموبايل..؟؟
-*******************((بهاللحظـــــــه تولين ماصدقت اللي قرته ...
هذا دليل انه حاب تولين موب جوجو .... بما انه قال عالمسن مو على الموبايل ...
بسرعه كتبت :~
عيل خلاص حاجني بس عالمسن ...
-ْْْْْْْْْْْْْْ
طيب واذا اشتقت لصوتج (^__^) ...
-******************
يالله شغل المـــــــــــــــايكـ الحين ...
-ْْْْْْْْْْْْْ
ههههههههههـ لا اذا على جذي شغلي الكـــــــام مره وحده ...
ابي اشوف زوجتي شلون شكلها بالبيت .. يروع ولا حلو ...
-*****************
هاهاااااي أهبل وش زيني .... ماتحصل زيي يامسجيـــــن ...
بعدين ترى كلها خمس ساعات وبشوفك بالجامعه ..
<~ طبعـــــــا اختنا في الله تولين وهي تكتب تتكلم عن روحها يعني ناسيه شي اسمه
جوجو ...
-ْْْْْْْْْْْ
هههههـ لا تعرفين تحجرين لي عدل ....
-*******************
الا صحيح الاشاعات اللي تقول انك نمت ليله كامله بالمستشفى عند
باب غرفة تولين ..؟؟؟
-ْْْْْْْْْْْْْ
ههههههههههههههـ ؤما عليكم اشاعات ياطلاب ...
مدري من وين تألفونها .. بس المسأله اني وديتها وجلست شوي معها
بعدين انتي تدرين فليش تسألين ..؟؟
-*******************
طيب ليش ساويت جذي رغم انك تكرهها ..!!!
-ْْْْْْْْْْْْْْْْ
أكرههـــــــــــــــــــا ...!!!!!!! ..... وليش أكرهها اصلا ...
وش بيني وبينها عشان اكره بنت الناس ..!!!
-**********************
مدري عنك من حركاتك والله معها
<~ بدت بدت تخربها البنت وتطلع اللي بقلبها ...
-ْْْْْْْْْْْْْْ
ههههـ لا أكرهها ولا شي ... صحيح هي تنرفزني بالمحاظرات
بس ولو تظل طالبه مثلها مثل كل الطالبات ...
مافيه أحد بالنسبه لي غير طلابي الا انتي (^__^)...
-*******************(كشرت مقهوره منه وهي تقول بقلبها :~
كفوك جواهر ....
وأخيرا كتبت :~
طيب خذ هذا اهداء مني لك ...
((ثم شغلت له أغنيـــــــــــــــــة ..
عــــادل محمود مع منى أمارشى (حبيبي = حياتي )
((لما انتهت بسرعه كتبت :~
-********************
الله يخليك لمن يحبه قلبكـ ...
<~ كتبت هذي الجمله بضيقـــه كبيـــــــــــــــره ...
-ْْْْْْْْْْْْْْْ
((بدون مايرد عليها شغل لها هالأغنيــــــــه تبع (راشد الماجد = ياغـــداره )
((لما انتهت الأغنيه الرسل ضحكـــه طويـــــــــــــــله :~
ههههههههههههههههههههههههههههههههههههههههههههههههـ ...
اشوف ويهج طايح عندي ... القطه ولا تلقطينه ...
-******************(( مدت بوزها منقهره منه ... وهي تقول بقلبها :~
هذا شكله عارف اني تولين عشان كذا الرسل لي ياغداره مالت عليه ..
وينه ووين الرومانسيه هذا ...!!!!
(( مرت ثلاث ساعات وهم من سالفه الى سالفه ... شوي تكع تولين
وشوي ترقع لعمرها ....
بالمعنى كل شوي تغلط بغت تفضح روحها ....
-ْْْْْْْْْْْْْْْْ((طلال لما شاف الساعه شهق من قلب :~
يلعن بليس شلون مانتبهت للوقت ... بعدين شلون ماسمعت الأذان ..!!! ياليييل صلو عني
وانا يالس وياج ....
-*********************((تولين عقدت حواجبها ولما شافت الساعه شهقت الثانيه :~
يؤ يؤ يؤ يؤ يؤ يؤ والله بعد انا مانتبهت للوقت ... استغفر الله ماصليت ..
يالله باي ...
-ْْْْْْْْْْْْْْْْ
اصبري اصبري ...
-********************
هلا ...
-ْْْْْْْْْْْْْْْْْْ
عطيني بوســــــــه أول (فيس يرفع حواجبه ثم ينزله )
-*******************((شهقت تولين من قلب وهي تقول بصوت عالي :~
ويعوه هذا مايستحي .. والله عطيته ويه .... يؤ نسيت اني اعتبر
زوجته .. قصدي يحسبني جوجو ....
((بس تولين من زود الخبصه سجلت خروج بسرعه ....
طلال بهاللحظه رجع وتسند على الكرسي وهو ميت ضحك على هبالها ))
<~ والولـــــد يحسبها زوجته جوجو :( ... رحمته ودي أخف عليه شوي ..ولا__^..
""""""""""""""""""""""""""""
((تولين لما صلت وخلصت بسرعه راحت ولبست رغم انها مواصله بس حاسه
بنشاااااط وفرررررحه كبييرررررره ...
وتمنت لو هي بدال جوجو زوجته ...
وهي نازله بسرعه من الدرج بسرعه ضمت أمها بقوه :~ صباااح الخير
ياأحلى وأجمل وأرق أم بالدنيـــــا ...
-وه بسم الله علي ... شفيج ..!!!
-ههههـ يعني أول مره تشوفيني فرحانه ...
-لا بس ...
-طيب شرايج نطلع نفطر برآ بما انو محاظرتي الساعه تسع ..!!!
-لاااا انا بروح للمستشفى بعد شوي ...
-مامييييي بس هالمره ماتقدرين تتأخرين يعني ...
-خلاص بس ربع ساعه ناكل بسرعه ونطلع ... انتي على جامعتج وانا عالمستشفى..
-لا أنا مااعرف آكل بسرعه اخاف ياكل معي اليني ...
-سمي برحمن وموب ياينج شي ..
((برمت شفتها وهي تحاول تطلع عذر لو بايخ بس مافي مجال الظاهر ..))..
"""""""""""""""""""""""""""""""""
((في الجـــــــــــــــــــــــــــــــــامعه ....
صقـــــــر جمع شلته كلها ووزع لهم كل واحد مجموعة بطاقات زواجه ...
الشله باركو له بفرحه ماعدا رنا اللي كشرت وراحت عنهم ....
بنفــــــــــــــــس هالوقت ... من جهه ثانيــــــــــــــه...
جينفــــــــــــــــــــــر اللي رتبت أمور الزواج كلها وبدون ماتشاور فيصــــــــــل..
فيصل اللي توه واصل للجامعه مايدري وين ربه حاطه هو وشلته الملاحيس ...
جينفر من اليوم وهي توزع بطاقات زواجها هي وفيصل ...
فيصل أول ماوصل انسدح بين شلته وحط راسه على فهد
....غمض عيونه فيه النوم لأنه أمس تأخر بالمحطه ..
((صقر وشلته بس مشتغلين توزيع بالجامعه البطاقات ...
وبرضو جينفر وصاحباتها الأجنبيات مشتغلين توزيع بطاقات ...
وفيصل وليان مايدرون وش السالفه ...))
لكن زواج ليان اليوم وفيصل بالإجازه ...
((من جهه ثانيـــــــــــــــــــــــــــــــــــــه ...
بمطار دبــــــــــــــــــــــــــــــي ...
بنــــــــــــــــــــدر يمشي ووراه عامل يدف له عربية شناطه ...
لما طلع بالشارع بسرعه فتح له السايق الباب الخلفي ...
بعد ماحمل العامل الشناط بالسياره ...
حركو للفنــــــــــــــــــــــــــــــدق ...
الاثنين، 4 نوفمبر 2013
توأم و لكن أغراب في جامعة أمريكية - الجزء 44
الاشتراك في:
تعليقات الرسالة (Atom)
ليست هناك تعليقات:
إرسال تعليق