فهد:انت ايش جابك هنا انا من زمان مطلق اختك وعطيتها كل حقوقها اتوقع انه مافيه شي ثاني ايش تبغين
جايه وهذا مين بعد
فرح:اختي ماتت والولد الي قالت لك انها اجهظته كذبت عليك هذا ولدك يافهد
فهد:ولدي وليه تكذب علي
فرح:لأنك انت بغيت هالشي وهي ماتبيه وانا صار لي سنتين راعيته بس الحين مااقدر وابغى اتزوج واهاجر انا
وزوجي استراليا والفيزه غاليه علينا وانا ماعاد ملزومه بولدك
فهد انحاست الموازين عنده كل شي في راسه زواجه بعد يومين هذا ولدي منين طلع:احلفي انه ولدي
فرح:اقسم بالله انه ولدك اجل ولد مين
فهد:يارب انا وش سويت بحالي
فهد حب انه يتاكد راح المستشفى واخذ فرح والولد علشان يتاكد انه ولده ولا لا
بالطريق فهد:شسمك ياشاطر
الولد:عبد الرحمن
فهد ضاقت فيه الوسيعه الحين وش بيسوي عرسه بعد يومين وطلع له ولد
بسمه:طيب جايه
الدكتوره:بسرعه نبغاك في الطوارىء
بسمه:اوكي ونزلت تحت لقسم الطوارىء والأطفال والمختبرات وهي ماشيه بسرعه لمحت فهد والحرمه والولد الي معاه
بس كملت طريقها للطوارىء وبعدها للأداره تاخذ اجازه عشانها عروس
-------------
امل :امال اصحي بياذن العصر وماصليتي الظهر
امال:صليت
امل:متى
امال:صليت ورجعت نمت
طق الباب امل:مين
هيام:انا
امل فتحت الباب
هيام:السلام
امل وامال :وعليكم السلام
هيام:اكيد ماافطرتو
امل:اكيد لسا صاحيين
هيام:امشوا نفطر بالمطبخ
امل:لا علشان اخوك يقزني ويخرب ستايلي
الكل:هههههههههه
هيام:خلاص انا اروح اجيب الفطور وبنفطر كلنا هنا بالغرفه وبخلي سونيا تسويه
تحت بالمطبخ
سلمى :ولمين الفطور يحسبن حالهن عرسان لسا بدري على الدلعع
هيام طلعت ولا ردت اي كلمه
دخل فهد والهم فوق راسه ومن شاف امه جايه له :ابريحك واقولك السالفه بدون ماتسالين
-----------
مشاري صحى على صوت الجرس:يوه الساعه كم الحين استغفر الله ماصليت الظهر بياذن العصر وقام بسرعه يفتح الباب
وهو يفرك عيونه فتح الباب يناظر وهو مو مصدق ولأول مره ينطقها بدون تفكير: يبه انت جاي عندي
ابو مشاري:ايش ماراح تدخلني بيتك
مشاري:لا تفضل سامحني لسا استوعب
ابو مشاري:انا جاي وابغى اشوفك اذا كنت محتاج شي للعرس او العروس
مشاري:لا شكرا انا اخذت سلفه من البنك ومشت الأمور والحمد لله
ابو مشاري متاثر مره:تعال ابيك تشوف شي من الشباك طلو من الشباك شايف هاذي السياره السماوي مدري ايش تسمونها
انتم الشباب الجديده شايفها
مشاري بابتسامه:ايه الفيروزي يبه
ابو مشاري:ايه ايه فيروزي قال مدري منين تجيبون الأسامي هاذي وناظه تراها هديه عرسك وهذا مفتاحها وبعد هذا مفتاح شقتك
تمليك باسمك وهذا عنوانها
مشاري:يبه انا مارحت لك علشان تعطيني كل هذا انا عشت كل هالسنين مدبر حالي بحالي انا ابي اب يفرح لولده يوم عرسه
اسف يبه مااقدر اخذ شي منك
ابو مشاري وخانقته العبره:ولا حتى علشاني
مشاري يبوس راس ابوه :منك السموحه
ابو مشاري:اذا مابتاخذهم ماني حاضر عرسك ولا انت ماتبيني احظر
----------
فهد:السلام بسمه
بسمه:وش اتفقنا مافيه مكالمات الأيام هذي
فهد:اسمعيني هذا شي ضروري ولازم تعرفينه
-----------
طلال:نفسي مره وحده احد ينفذلي طلب يما ابي سياره مثل الأوادم والناس ماهو يوم اسوقها وشهر بالمستشفى والله يستر
المره الجايه هي بالمستشفى ولا انا
ام طلال:ياولدي الله يهديك ممشيه الحال قل الحمد لله غيرك يتمنى حمار يركب عليه مو بعد سياره
طلال:لو راكبلي حمار اشوالي على الأقل ماعبي بنزين
بشاير:اذا توظفت اشتري لنفسك يعني بصريح العباره اجتهد بدراستك عشان تلحق
طلال:هذا انتم يالبنات دراسه بدراسه
بندر داخل وهو متضايق ولا انتبه لأحد وطلع الدرج
ام طلال:يمه بندر شفيك
بندر انتبه:اسف يمه مانتبهت السلام عليكم
طلال:الي ماخذ عقلك
بندر:وين ابوي
ام طلال:بغرفته ،يما بندر رد علي فيه شي
بندر:لا مافيه شي وطلع فوق بعد شوي نزل وهو يكلم الجوال يالله يالله شوي وجاي وينادي ابوه استعجل يبه نزل ابوه وطلعوا
ام طلال:الله يستر
وعد:بشاير وش شعورك وبكره عرسك
بشاير:بكره اقولك
وعد:بشوره عن الماصخه
بشاير وتصيح بوجهها:مرعووووووووووبه
وعد وتناظرها بتعجب:ليه تراك روعتيني كذا
بشاير:تستاهلين
---------
فهد دخل البيت مره زعلان ومتضايق
سلمى:وش فيك
فهد:بسمه زعلانه يوم عرفت
سلمى:احسن طلقها وانا ازوجك سيد سيدها
فهد عصب:يما انا احبها احبها تفهمين مستحيل في يوم اطلقها وبعدين وين عبد الرحمن
سلمى:نايم في غرفتك
فهد راح يمشي بشويش وهو يفكر ويطله الدرج درجه درجه ودخل غرفته
كان يناظر لولده عبد الرحمن بكل حنيه وانكسر خاطره مره انه انولد وكبر بعيد بعيد عنه وهو يحب الأطفال مره
-------------------
الجوهره:بسمه وش فيك
بسمه:فهد فهد ياجوهره عنده ولد
الجوهره فهمت كل شي:ياربي وهذا وقته وبعدين وش فيها عادي وحتى هو مايدري وانا جايه عندكم ساعه بالغصب وبيجي ياخذني سامي
بسمه:هنا المصيبه
جراح طق الباب ودخل :بسمه فهد تحت يبيك جراح ضاق خلقه مو على بسمه ولا على فهد على الولد المسكين الي ماله ذنب
بسمه:ماني رايحه
جراح:بسمه مايصير لازم تتفاهمون عرسكم بعد بكره ومسكها من ايدها ووداها للمجلس واول ماشافت فهد وبيده ولده
انقهرت بس كسر خاطرها الولد يهبل تخيلو شكل فهد يوم بسمه طنشته وماسلمت عليه وراحت للولد وخذته من يده ودخلت
وراحت للجوهره توريها عبد الرحمن
عبد الرحمن:انت مين
بسمه:والله مدري اسال بابا
الجوهره:يالخبله وتسال الولد :انت شسمك ياشاطر
الولد:عبد الرحمن
بالمجلس فهد وبسمه جالسين لحالهم وعبد الرحمن مع جراح
فهد:بسمه اظن انك اكبر من اني اعيد كلامي هذا شي صار وراح في ايام المراهقه والطيش عسى الله يسامحني عليه وهي بعد غلطانه
ماخبرتني طول هالسنين ان عندي ولد
بسمه:انت مو مجبور على الكلام هذا انا متفاهمه هذا الشي والله يسامحنا جميع بس انا مو قادره استوعب انه انت تسوي كذا
وعيونها تناظر لفهد وفيهن دموع
فهد قلبه يتقطع على الموقف البايخ الي انحط فيه :بسمه حبيبتي خلاص عاد ويناظرها صافيه لبن
بسمه:يعني كيف
فهد:هههههههههههههههههههه يابعد عمري يابسومتي يعني خلاص مو زعلانه علي مسامحتني
فهد يمسح دموعها اول مره يشوفها تبكي ويناظرها
بسمه تبتسم :مو علشانك علشان عبود
فهد:اها بدينا ترا انا بديت اغار
--------------
سلمان:رحاب قومي شوفي الساعه كم وبصراخ قومي اقولك
رحاب قامت مفزوعه:خير
سلمان:هو فيه احد يشوف الخير من وراك
رحاب منصدمه فيه معرس يقول كذا وين راح كلامه عن الحب وماادري ايش رحاب خنقتها العبره
سلمان:خير تطالعين فيني كذا
رحاب:لا سلامتك ومشت للباب وهي من دارت وجهها وتنزل دموعها وطلعت من الغرفه
سلمان جلس يفكر بالي يسويه:يارب والله انها ماتستاهل ماني قادر اناظر في وجهها ودق الجوال
سلمان:نعم وبنفسه"انا ليش ارد"
هنوف:اخوي ان صار له شي انت المسؤل يابعد عمري
سلمان:جعل عمرك للخافي زين وبعدين تراك ابلشتينا بااخوك جعله للموت وسكر التلفون
دخلت رحاب تنشف وجهها وعيونها حمرا
سلمان انتبه:ليه عيونك كذا
رحاب:مافيهن شي
سلمان:وليه تتكلمين من راس خشمك ولا مو عاجبك
رحاب:لاحول ولاقوة الا بالله عيوني كذا
سلمان:كذابه تبكين ليه تبكين وقرب منها بعصبيه ومسك شعرها بقوه وبحره
رحاب:اتركني اي عورتني
سلمان طلع وهو معصب بعد مارماها على الأرض ورحاب ضلت تبكي بمكانها
سلمان ركب سيارته وحط راسه على سكان السياره :حيوانه اكيد تبكي عليه ولا ليه اخته تقول لو صارله شي جعله للموت
الي ياخذه ورجع الكرسي لورى وتعوذ من الشيطان وراح للمسجد وجلس يقرا قران وهدت نفسه شوي وجلس يفكر براحه
وبنفسه واخوها ليه مايكلمني وبعدين انا اصدق هالكلام عن رحاب ولا مين رحاب حبيبتي الي انتظر العيد عشان ادق على بيتهم
واعايدها الي كنت اسمع دقات قلبي يوم اسمع صوتها ياربي وش اسوي وطلع من المسجد وهو يدعي ان الله يهديه للصواب
المهم دخل البيت مايسمع حس جات فكره براسه معقوله رحاب راحت لأهلها ودخل الغرفه رحاب منسدحه على السرير وتكتب
سلمان:رحاب
رحاب يوم اسمعت صوته نزت وسكرت الدفتر وحطته وراها وراحت عند درجها
سلمان:ايش هذا
رحاب:هذي خصوصيلتي وحطتها بدرجها لاتحاول حتى محاوله انك تفتحه لأنه مقفل
سلمان:ومين قالك اني ابغى افتحه بعد صلاة العشى تجهزي بنروح نتمشى
رحاب:بس انا ماني رايحه
سلمان انتبه على الكدمه الي بجبهتها وعلى طول استنتج :وش هذا
رحاب:سلامتك بس من الدزه الي اعطيتنياها ومشت
سلمان:وين رايحه
رحاب:نازله عند خالتي احسن مااجلس واتكفخ وانا عروس وطلعت
سلمان حس بالذنب مو معقوله الي يسويه احسن شي يطلع من البيت
----------
هنوف:والله لطلع كل حرتي فيك يارحاب انت وسلمان
ام هنوف تدخل:وين البنيه"تقصد بنت ريم الصغيره"
هنوف مرتعبه داخلها:نايمه
ام هنوف:ابوها يبيها واخذتها بشويش
نواف اول مامسكها تذكر ريم حس بغلا هالبنت هو كل يوم يجي لعياله عند خوالهم بس مايكفي لازم يتربون في حضنه
نواف:ياخاله وين عمي
ام هنوف:بالمجلس ماشفته
نواف:لا والله مامريت على المجلس واخذ البنت"روز"وراح المجلس يكلم عمه
نواف وهو داخل:السلام عليكم
العم "ابو هنوف":هلا وعليكم السلام
نواف:شف القمر تشبه امها صرت متعلق فيها اكثر من اخوانها "يقصد بنته روز"
ابو هنوف:الله يرحمها ياولدي لا تزيد المواجع علي
نواف:الله يرحمها وسكتو شوي بهذي الأثناء كان نواف ياخذ قراره
نواف:عمي انا موافق بس بشرط
ابو هنوف:انا كنت عارف انك جاي تقولي واعرف شرطك
--------------
هنوف:يما انت وش تقولين حرام عليكم
ام هنوف:يايما يابنيتي اجل عيال اختك مين يربيهم غيرك ومن يعرف لهم اكثر منك
الجدال طال لاكن بالنهايه وافقت هنوف على حساب نفسها وبتتزوج نواف بدون عرس
--------
سامي:الجوهره حياتي وينك
الجوهره متخبيه بالدرج
سامي:اطلعي وينك وهو يدورها في كل مكان الين وصل الدرج واول مافتح الدرج نطت عليه الجوهره :بووو
سامي نز :انا اوريك يعني كذا ويلحق وراها
الجوهره تركض:والله مااعيدها الله يخليك تعبت
سامي مسكها ويدغدغها ببطنها وهي ماتحب هالحركه هذي وتضحك:خلاص خلاص الله يخليك بس
سامي وقف:خلاص بشرط ويناظرها بطرف عينه ويحرك حواجبه
الجوهره عرفت الشرط:لا والله ويرجع يدغدغها خلاص طيب طيب وتبوسه خلاص
سامي:تضحكين علي ورع قالولك ابي وحده معتبره
----------------
كيف أنـام وبينـي وبينـك مسافـة
لا حشـا مقـدر أغمّـض ياعيونـي
مرنّي..لوكنـت ماارضـى بالكلافـة
مرّنـي بالحلم..طيّـب لـي ظنونـي
مابقـى بالدنيـا هــذي مانخـافـه
إلا رب(ن) عالم(ن)باللـي يكـونـي
صاحبي حتى الشعـر بعـدك معافـة
والمشاعـر والقصـايـد مايبـونـي
لو كتبت الشعر فـي غيـرك حسافـة
الحـروف إتمـوت ماتبغـى تخونـي
رحّـب الخافـق بحبـك وإستضافـه
وسكّر الباب القصي دونـك ودونـي
مثل حـاجّ البيـت لبّـى ثـم طافـه
جيت ألبّـي علهـم بـس يسمعونـي
ماسمعـت العـذل وأنـواع اللقافـة
راضية فـي كـل حـالات الجنونـي
كيف أنـام وبينـي وبينـك مسافـة
كيف أغمّض وأنت نايم في عيوني؟!
بعد منصف الليل رحاب صاحيه تنتظر سلمان ولحد الحين ماجا واذن الفجر رحاب من امس ماكلت ولا نامت صلت وهي خايفه
مره وضلت تنتظر رايحه جايه واول ماسمعت باب ينفتح وكانت تناظر لباب غرفتها واول ماشافت سلمان ارتاحت بس
خلاص كل مافيها تعبان وحست بدوخه:سلمان حرام عليك تاركني لحالي كل هالوقت روعتني عليك ادق على جوالك مقفل
وتمسك راسها وبدت تمسك باي شي علشان تجلس جاها سلمان يركض:رحاب رحاب وش فيك
------------------
وعد:بشاير قومي قومي صلي
بشاير:انت موكله فيني ابعد عني
طق الباب ودخل بندر:بشاير قومي
وعد:بندر متى جيت
بندر:وعد ابي اكلمك تعالي لغرفتي
بندر:وعد انا تزوجت عايشه
وعد:ايش وبدون ماحد يدري
وفجاه فتح الباب طلال ودخل وكان يبي يرمي قميصه مستعجل
بندر:هيه هيه انت
طلال:نعم وانتبه لوجود وعد اسف
وعد استحت مره وطلعت بسرعه
بشاير:وش يبغى منك بندر
-------------
بالمستشفى
الدكتور:انتم عرسان
سلمان:ايه ليه فيه شي
الدكتور:لا اصل العروسه يمكن تستحي ومابتكلش ومرعوبه حبتين عشان كدا نزل ظغطها شويه
سلمان:مشكور يادكتور
الدكتور:تادرا تمشو دلواتي
سلمان ياخذ بيد رحاب ويرص عليها حست كانه يجمع شتاتها ركبوا السياره وهم ساكتين وشغل السياره ورجع طفاها ناظر لقدام
ورجع يناظر لرحاب ويمسك ايدها:رحاب انت بخير
رحاب وبصوت خانقته العبره:زينه الحمد لله
سلمان بنفسه اسف ساعمري ماادري وش اقول وشغل السياره ويمشي خفيف خفيف لين زاد السرعه
رحاب خايفه:سلمان بشويش الله يخليك خلاص وصارت تبكي من الخوف
سلمان بدا يخفف السرعه :خلاص خلاص هديت
واول ماانزلو رحاب راحت تركض لغرفتها ومقعره من سلمان
شوي جا سلمان ومعه كيس :رحاب جبت لك فطور وينك فتح الغرفه ولقاها نايمه ويجلس على ركبه ويرفع خصلات شعرها
الناعمه لورا عن وجهها سلمان يناظر رحاب وهي نايمه كانها ملاك فيه دموع على وجهها يعني بكت لين نامت وانا السبب
يمسح دموعها ويمسح على شعرها ويبتسم رحاب فتحت عيونها وترجع تسكرهم وبنفسها انا بحلم ولا بعلم ورجعت بسرعه تفتحهم
سلمان على طول قام:رحاب انا رايح اتحمم جبت لك فطور بالصاله وبسرعه طلع من الغرفه
----------------
بشاير:ياحياتي والحين شلونها
بندر:اقولك البنت بغت تموت والله ماادري الحين عنها تركت ثامر عندها
وعد:طيب هي فجاه كذا تعبت وطاحت عليكم
بندر:يالخبله اقولك انا امس تزوجتها علشان اروح معها محرم للرياض وانا شرحت لأخوها اني كنت بخطبها قبل علشان كذا وافق
وهو مايقدر يروح لأنه يدرس للحين ويشتغل مع المدرسه
بشاير:شفتها
بندر:ايه وليتني ماشفتها
وعد:وليه
بندر:تعبانه مره يقولون مو عارفين وش فيها انا بحضر عرسك وبمشي للرياض عندها تحويل
بشاير:ياحياتي وشلون ثامر الحين
بندر:منهار مو عارف وش يسوي بس الحمد الله انقذت الموقف
وعد:طيب لو انا قلت لو لاسمح الله صار لها شي
بندر مندمج ويتخيل وبسرعه:اعوذ بالله منك وش هالأفكار تمحق الرزق وطلع
وعد:وانا شقلت هذي نهايتنا كلنا
بشاير:اف منك
وعد:بشاير انت
بشاير بسرعه:انا وشو
وعد:انت اول مو الحين كنت تحبين ثامر
نقزت بشاير وحطت يدها على فم وعد وشهقت يما تبي تفضحني
وعد تبعد يدها وتقوم تسكر الباب وتجي جنب بشاير:والله مااعلم احد
بشاير تعيب عليها وتقلدها بالسوالف :حب المراهقه وراح انا صرت اكره كل الرجال وانت ماشاء الله تلقطينها وهي طايره
وعد:ههههههههه وهي جالسه تضحك فتح طلال الباب وطبعا تروعن البنات
طلال:خير خير ان شاء الله وش هالضحك صوتكن واصل لجيرانا
بشاير:يما اسم الله ليه ماطق الباب هذي مو غرفة عزابيه وبعدين لازم تراعي شعوري انا عروس
----------------
فارس:ياربي منهم بس اخرونا على شهر العسل
ابتسام:يالله نحضر عرسهم ونمشي بعدها انا مجهزه كل شي بس ماقلت لي وين بنروح
فارس:كذا شلون تصير مفاجاه
ابتسام:خلاص اسال خواتي
فارس:هههههههه لهالدرجه فضوليه حتى خواتك مايدرون
ابتسام سكتت شوي تدور حل
فارس:زعلت
ابتسام:هو انا أأدر اعملها
فارس:يابعد عمري ويضمها له وعلى قولة الكويتي يابعد جبدي
ابتسام:صج "صحيح"
ابتسام وفارس:هههههههههههه
--------------
سلطان:ياربي يالله اخلصي ترا مابخليك تتاخرين عند اهلك نروح بدري
شهقت سميه :ليه حرام عليك
سلطان ويوقف جنبها وهي جالسه على الكرسي قدام التسريحه :اشتاق لك مااقدر
سميه بحيا:طيب اهلي ماعندهم احد تعال اجلس معي
سلطان:بعدين يقولون عني حريمه وخواتك يبون يتجمعون ويستانسون مو يتغطون
----------
هنوف تتصل على سلمان وهو مايرد
رحاب:رد ليه ماترد
سلمان:مو شغلك انت بس اخلصي
رحاب بدت الأفكار تدور براسها وتستعيد الذكريات وتناظر سلمان
سلمان:اخلصي لاتناظرين فيني كذا رن الجوال مره ثانيه وعلشان سلمان فاهم وش يدور براس رحاب بسرعه ظغط على رفض
وكلم وهمي:نعم خير وش تبي ازعجتني انا مو قايلك لا تتصل علي الا بعد شهر العسل ايه زين والله ماتشوفها بعد تبي هديه
يله يله توذلف وسكر الجوال "المكالمه كلها كذب بس يطمن رحاب"رحاب اطمنت وكملت لبس لأن العشى عند اهلها
-----------
هنوف:انا اوريك تسكر بوجهي اكيد عنده رحابوه خليني ازعجه اجل انا باتزوج سكيتي وبدون عرس ومين زوج اختي الميته
علشان اربي عيالها وتضيع كل احلامي بالزفه والثوب الأبيض وفارس الأحلام وفرحت انجاب اول طفل
سلمان:نعم تراك ازعجتيني وش تبين
-------------
وعد:وش فيك بشاير خلي الحرمه تخلص
بشاير:ياربي انا العروس ولا انت مسكتي مو كذا لونها
ام طلال:يابنت الله يهديك خلينا نخلص مابقى عن الزفه شي
بشاير:انا ابغى اتاخر شوي احسن
ام طلال:الحين يجون اخوانك يزفونك
بشاير:زين زين
وعد:بشاير مشعل احسن عيال عمي اخلاق وخلق وينضرب فيه المثل
بشاير:ياما تحت السواهي دواهي انت هيه كملي
------------
ابتسام:وعد ليه ماجت
الجوهره:اليوم عرس بنت عمها بشاير
سميه:بالله
رحاب مفهيه:وشو السالفه
ام سامي:يمه رحاب وش فيك سرحانه تبين سلمان اتصل عليه وروحي
الكل:ههههههههه
رحاب انحرجت:لا يمه اصلا مشتاقه لكم مره ولو على كيفي انام عندكم
ام جراح:علينا هالسوالف
الكل:هههههههههه
-------------------
متعب:اسمعي الحين نبدا المرحله الثانيه
فرح:تصدق ردة فعل المرحله الأولى ماجابت النتيجه الي نبيها ولد اختي مؤدب ماراح يسوي شي من ال نقوله له
متعب:المهم شوي نسويله سالفه قبل العرس
فرح:ماراح انساله الي سواه باختي بعد ماتعلقت فيه وحبته وصار كل شي بالنسبه لها طلقها وقالها تجهض الي في بطنها
الي تحلم به طول عمرها
متعب:تعالي خلينا نعيد الخطه عشان التنفيذ
---------------
ام طلال:الف الصلاة والسلام عليك ياحبيب الله محمد كلو لولولولولوش مبروك ياولدي
ام مشعل:الف الف مبروك
مشعل ماسك يد بشاير ويمشي والفرحه بتنط من عيونه اما بشاير يدها ترتعد اول مره او نقول ثاني مره تحس بالخوف
الغير طبيعي في حياتها تناظر مشعل من تحت لتحت وبقلبها يمه يخوف شكله ثقيل مره ياي يهبل لالا مايهبل وصلو غرفتهم
وهو مو عارف كيف وصلت لا مو معقوله لا امها بتتركها الحين وبتصير معاه في غرفه وحده لحالهم تناظر الغرفه
من حولها ذي مو غرفه الا قصر اول مادخلت الغرفه مثل الجلسه وفيها تلفزيون وكراسي وبعدها درجتين والغرفه وعلى اليمين
درجتين مغطس ومو اي مغطس لونه خيال اكسسوارات فضيعه وجدار المغطس زجاج الغرفه جدا رومانسيه
موزع بكل الأرجاء شموع ونوافير وتحف خيال لون السيراميك ولا اروع وقطع الفرش الحريريه روعه لالا كلش ولا المغطس
على جوانبه زي الرفوف الصغيره على كل رف شمعه ولا تحفه اشياء فظيعه هذا كله لاحظته بشاير من اول نظره
وتحاكي نفسها باتشجع وينك بشاير وين الخطط والأفكار
ام طلال تبوس بنتها:يالله يما مع السلامه وطلعت وسكرت الباب
مشعل:اخيرا صرنا لوحدنا مبروك ياعروس يااجمل عروس بالدنيا ومخفي بقلبه خوف قد الدنيا
بشاير قلبها بيوقف خلاص سحبت ايدها من يده وسط جو مرعب بالنسبه للأثنين من ردة الفعل
مشعل:بشاير وش فيك ماتبيني امسك يدك
بشاير قامت بسرعه وبتخرب التسريحه
مشعل:لالا خليها انت كذا حلوه
بشاير:انا ماابي اصير بعيونك حلوه وبدمعه مخنوقه نزلت غصب عنها
مشعل:ليه حرام عليك انا زوجك الحين
بشاير:بعد ايش ياولد العم
مشعل:انا ماتوقعتك كذا لهاالدرجه
بشاير ساكته ومشعل يقرب منها:بشاير سامحيني وخلينا نبدا صفحه جديده
بشاير صدمته:لا يمكن اسامحك ولا تحسب اني راح ارضى بغرفه من غرف الأمراء انا كرامتي وشرفي انهانو انا تزوجتك
علشان ابوي وبس ولا انا اتمنى الموت ولا اتزوجك وتمسح دموعها
مشعل منقهر مايدري وش يقول:اصلا انا ماخذك استر عليك ولا انت منتي قد هالزواج ومن زينك علشان اتشحتف عليك
ولا ابغاك وطلع من الغرفه ودخل الحمام"اكرمكم الله"يستحم وطلع لقاها تبي هي بعد تستحم وطلعت وكل هذا بدون ولا حرف
مشعل منصدم خواته يقولون انها مره حبوبه وحساسه ورومنسيه وين كل هذا بس انا اوريك يابشاير
------------
رحاب رجعت البيت ولا تكلم سلمان ولا كلمه وكانت كاشخه مره ولا عبرت ولا سالت عن كشختها مثل العاده غسلت وجهها
من الماكياج و لبست قميص للنوم ساتان طويل علاق وظهر مفتوح لآخره ولونه اصفر فاهي وهي جسمها حلو وحطت بس كحل
ومرطب من نكتار وحمرة خدود وردي وطفت الأضواء وانسدحت على السرير وفتحت الأبجوره الي جنبها وجلست
تقرا وهي تقرا نامت لأنها ماتنام كثير
سلمان:رحابوه تسوين حالك نايمه ويجي عندها وعلى شوي لللأبجوره فعلا نايمه شعرها الناعم الي على وجهها يرفعه ويشيل
الكتاب ويحطه على الطاوله ويوطي الضو ويطلع للصاله مع تفكير عميق ليه سوت كذا بس الحمد الله انها نامت ولا كانت علوم
هي اصلا بتوريني انها مو بحالي ومو مهتمه اف لو اعرف الي براسك يارحاب
----------
فارس وابتسام يسولفون ويلعبون اونو
فارس:احس ان سلمان ضايق خلقه ماادري ليه
ابتسام:حتى رحاب بس هي تسوي حالها طبيعي اختي واعرفها
فارس:تتوقعين متهاوشين
ابتسام:رحاب من النوع الي مايهاوش دايم تضحك وتقلد وتمزح
فارس:اسال سلمان
ابتسام:لالا مالنا دخل
-----------------
سميه:سلطان بعد عن التلفزيون
سلطان يطفي التلفزيون وياخذها من يدها ويقومها:والله انا مو جايب التلفزيون يشاركني فيك تناظرينه وتتركيني
سميه:ماعاش من يترك
سلطان:يابعد قلبي انتي تعالي وباسها امش نجيب عصير لك ولي من الثلاجه
------------
فرح:متعب صار لي سنه عايشه معك متى بنتزوج
متعب:خلينا كذا احسن احنا سبق وتكلمنا بهالموضوع
فرح:بس انت وعدتني
متعب:طيب بعد مانتخلص من فهد وندمر حياته بنتزوج
----------------
في اليوم التالي
وعد جالسه في الصاله هي وامها وام طلال
ام وعد:يما وش هالجلسه ذي مو جلسة بنت
طلال:ايه والله ياخاله
وعد ماعجبها:طلال مالك دخل
طلال:يما خوفتيني انا مع الحق وطلع بسرعه
وعد تناظر امها وبعيونها دموع وراحت تركض لغرفة امها تبكي ومره زعلانه وماكملت فطورها
--------------
صحت بشاير وتناظر الغرفه قامت بسرعه تعدلت بعد ماصلت ولبست دراعه حلوه ونزلت عند عمامها بنات عمها استانسو مره
لما شافوها مشاعل ومها تقريبا كبرها
بشاير:وين مشعل
ام مشعل:الحين يجي راح يكلم بالجوال
دخل مشعل وهو يكلم بالجوال وجلس على الطاوله يفطر جنب بشاير شوي ودخلت الخادمه ومعاها باقت ورد روعه
الخادمه:بابا مشعل وين هطي
مشعل:وديها غرفتي"مشعل موصي عليها مسبقا وماتخيل انه راح يندم انه وصا عليه"
مشاعل:صباحيه مبركه ياعرسان
مشعل غصب عنه يبتسم:الله يبارك فيك عقبالك
مها:امين وانا بعد
مشعل:شقلت الأدب
مها و مشاعل ماسكات الضحكه
ام مشعل:بشاير حبيبتي ليه ماتفطرين مشعل ليه ماتوكل العروسه يمكن مستحيه
بشاير هنا خدودها حمرت عاد هنا مشاعل بختها ضحكه
مشعل وقف وهو مستحي:وجع مشاعلوه ليه تضحكين
ام مشعل:امزح بس ابي اغير الجو اجلس
جلس مشعل وهو مبتسم شوي وقام مااكل وطلع لغرفته
مها تاشر لبشاير تقوم وراه وبشاير تستغبي
ام مشعل:بشاير روحي ورى زوجك انتم لسا عرسان وحتى لو ماكنتو
بشاير استحت وقامت وراه دخلت الغرفه لقته يلبس
مشعل :البس نبي نروح نتمشى شوي
بشاير:الأفضل مانروح
مشغل وهو طالع :انا قلت نروح وبس انا انتظرك علشان ننزل مع بعض
بشاير لبست ونزلو مع بعض مشعل مسك يدها
بشاير:مشعل
مشعل:قدامهم بس
نزلو مع بعض ومرو من الصاله :مع السلامه واول ماطلعو كل واحد سحب ايده بسرعه من يد الثاني من البيت لحد شاطىء
الخبر وهم ساكتين بعدها صارو يتمشون على البحر كان الجو فضيع مشعل برومنسيته وشاعريته يمسك يد بشاير الي استسلمت
ناسيه كان هو الي ماسك بس ولا شعوريا مسكت ايده مشعل حس بضغطة ايدها فرح من قلب وحس بالأمل
مشعل بنفسه"انا اوريك يابشاير ان ماخليتك غصب تحبيني قطع تفكيره يد بشاير انسحبت من ايده وسط موجه من الهدوء
وصوت امواج البحر المتلاطمه
بشاير:مشعل خلينا نرد البيت
مشعل:محنا رادين البيت لليل عشان نجهز شنطنا و بكره نسافر
بشاير:وين
مشعل:بخليها لك مفاجاه
----------------
بندر:عايشه حبيبتي لازم تاكلين مايصير كذا
ثامر:يالله عاد لاتتدلعين علينا
عايشه بابتسامه :ليتني اقدر ادلع بهالوقت
ثامر:انا بطلع اتمشى شوي ويغمز لبندر وطلع
بندر يناظر لعايشه ويبتسم:ياربي انا لو ادري ان الأخلاق تزين متزوج من زمان يابعد عمري ياعايشه ليته فيني ولا فيك
عايشه:سم الله عليك لا ان انشاء الله
بندر يناظرها ويجلس على طرف السرير جنبها ويمسك ايدها ويبوسها :بعد شوي الطياره ولازم تاكلين وانا الي بوكلك
عايشه استحت :بسم الله
بندر:تخلين شي بالصحن ياويلك اطب في بطنك الحين
عايشه:ههههههه
بندر:ان شاء الله ماننعدم هالضحكه
ثامر يدخل:امين يارب
-------
هنوف تلم اغراضها وتدخل عليها امها خلصتي زوجك ينتظرك تحت
هنوف:يالله خلصت بس نادي احد يساعدني بالأغراض نزلت هنوف ومعها روز نايمه وهي متغطيه ولابسه عباتها وجلست
بالصاله ونواف وسنا وفواز بعد
ابو هنوف:ماوصيك يانواف هذي هنوف شمعة البيت
جو خواته يودعونها واخوانها بعد بامر من الأب والأم تبكي على حظ بنتها
هنوف بصعوبه تتكلم وبعد مامشت وركبت السياره
فواز:بابا الحين خاله هنوف تصير ماما
سنا:بابا اختي روش "روز"تصير بنتها
نواف بطولة بال:ايه ايه
سنا:حتى انا وفواز نصير عيالها
نواف سرحان ومارد
نزلو للبيت سنا وفواز على طول لغرفة العابهم ونواف اخذ الأغراض ودخلهم هنوف نزلت عباتها وجلست
نواف تبرع بملابس ريم واغراضها الخاصه احتفظ فيهن في صندوق
----------
عرس فيصل وفهد ومشاري
اهل مشاري قامو بالعرس قومه غير شكل ابوه وخواته واخوانه
ابو مشاري قدم للمعرس هديه بأنه سدد القرض عن مشاري والعروس كانت هديتها طقم الماس بربع مليون ريال
وزفوا اول فيصل ثم فهد ثم مشاري
---------
فيصل:هلا والله بامولتي حبيبتي واخيرا ويجلس جنبها صرنا تحت سقف واحد
امل بحيا:هلا فيك
فيصل:ياه يااموله اشتقت لك مره
------------------
فهد يسكر الباب ونزل البشت ويناضر بسمه بعصبيه مصطنعه:بسمه شوفيني ماني كشخه
بسمه تضحك:لا مو كشخه
فهد:حتى انت مو كشخه
بسمه بشهقه:صادق
فهد:ياويلي عليك انت انا ماصدقت انك تصيرين معي انت الملاك والحور والألماس انت عيوني الي اشوف فيها
بسمه استحت
فهد:يازينك وانت مستحيه
------------------
امال ومشاري اثنينهم يستحون واول مادخلو البيت استغربو البيت فضيع متجهز فيه كل شي تحف واثاث راقيه وباقات ورد
في كل مكان من اهل مشاري واخيرا دخلو غرفتهم القمه بالفخامه
جلسو على السرير جنب بعض ومشاري ماسك يد امال :امال شفيك ترتعدين كذا متوتره
امال وجهها احمر من الحيا وماتدري وش تقول ردت بابتسامه
رفع يدها وباسها وحطها على قلبه هو بعد متوتر تناظر امال بابتسامه
مشاري:والله احبك
امال:مشاري انا حبيتك من قبل ماشوفك لأني عرفت قلبك الطيب ويدك الحنونه الي دايم الناس تتكلم عنك وتمدحك وكرتك وباقتك
تركت الأثر الي ماراح انساه طول عمري وافتخر اني انا الي حصلت على قلبك
مشاري:الله لايفرقنا
لكل:امين
------------------
في المطار الصبح
سافر الأخوان سلمان وفارس وسلطان
في الطياره الى ايطاليا
ابتسام:فارس خايفه ماحب الأقلاع والهبوط احس بمغص
فارس:ماعليك لاتخافين انا معك ويضم راسها في حضنه ويسولف عليها لين نساها
----------------
سلطان:سميه حياتي سكري الشباك اكره المرتفعات
سميه:سلطونتي حياتي لا تناظر ابغى اشوف
سلطان:يوه سميه انا الحين صرت سلطه ترا ازعل
سميه تسكر الشباك :لالا كلش ولا تزعل
----------
رحاب:سلمان ابغى جريده
سلمان:عيب تخيلي تتصفحين الجريده بالطياره مثل الرجال
رحاب:عادي مافيها شي
سلمان:رحاب
رحاب:من الحبه اوبه وتفتح الشباك وتتكي عليه
سلمان دايم يتعامل معها باندفاعيه وبعدين يندم
سلمان:رحاب تبين شاهي ولا قهوه
رحاب ماترد
سلمان:رحاب اخلصي
رحاب:مابي شي
سلمان يبي يكحلها عماها يبي يصلح الموقف بس زاد الطين بله
-----------
فهد:يوه لحد الحين مالقيت حجز
بسمه:لوين
فهد:كان ودي بجزر المالديف لأني حاجز فندق وكل شي بس الطياره مالقيت هذي الأيام الخطا مني ماحجزت من بدري بس كنت
مقرر المكان ليتني حاجز مع فيصل للبندقيه
فجاه رن جوال فهد:هلا متعب
متعب:اذا ماعليك امر ابيك شوي تحت برا الفندق
فهد:ابشر البس ثوبي واجي
بسمه:فهد تبي تروح
فهد:يابعد عمري دقيقه وراجع ونزل لمتعب يتكلم معه
فرح تاكدت ان فهد برا الفندق والي نازله هي ومتعب بنفس الفندق علشان الخطه وبسرعه راحت لجناحهم وفتحت الباب بهدوء
ومعاها رجال اثنين
تحت عند فهد ومتعب
فهد يسلم على متعب
متعب:اعذرني يافهد ماحضرت عرسك امي كانت تعبانه مره وديتها المستشفى "يخرب ام الصلخ امه ميته من زمان"
وماقدرت احضر وانا ابي اشوفك معرس وهذي عنيتك
فهد:لا والله ياعمري تراك مبالغ احنا اخوان ومابينا هالأشياء المهم بعد نقاش سريع بينهم اخذ فهد العنيه ودخل للفندق بالممر لغرفته
هاجموه رجال اثنين وضربوه طاح وهربو
ليست هناك تعليقات:
إرسال تعليق