نواف بقلبه"انساها انساها يانواف حرام عليك الي تسويه في البنيه احس انها متغيره والسبب انا سكت والله اني ماخذ بنفسي مقلب
انا ماراح انساك ياريم بس راح اعاملها بالحسنى وراح لهنوف الي تبكي ومن شافته وتمسح دموعها مسكها من ايدها وطلعها من
غرفة العيال عن يجلسون وراح لغرفته وسكر الباب وقعدها على السرير
نواف يمسح دموعها الباقيه:ليه تبكين انا قلت شي غلط
هنوف تهز راسها بمعنى لا
قعد جنبها واول مره يحط يده على كتفها تشابكت نظراتهم نواف يحسها زي الأطفال ابتسم لها واخذها بحضنه
-------------------
بشاير:مشعل شفيك تبغى بس تتهاوش
مشعل:انا حر يالله خلصي انا برا انتظرك
بشاير:ان شاء الله ونزلت وراه بسرعه
مشعل ياكل لحاله بعد مافك الجبس والكل يفطر وهو ساكت
ام مشعل:بشاير وش فيك تعبانه ؟وجهك اصفر كذا لتكونين حامل
بشاير برد وجهها تقولون راشين عليها مويه ناظرت لمشعل الي عصب وقام :لا حامل ولا شي دلع بنات وطلع انا انتظر 5 دقايق بس
الي ماتطلع امشي واخليها
مها وهي تركض تجيب عباتها :وش فيه زوجك
بشاير تهز كتوفها بمعنى مدري
---------------
هيام على نفس الحاله طاحت عليهم من السهر وعدم الأكل والتفكير واعطوها مهدئات ومغذي
--------------------------
من يوم فرقانا الى يومنا iiاليوم ii
مافات يوم الا وهي مشغلتني
إليا غفيت اشوفها في حلا iiالنوم ii
واليا صحيت بكل الافكار جتني
عشقتها من قلب ميس iiومحروم ii
وتركتها يوم انها iiعاندتني
نار تشب بداخل القلب iiبسموم ii
حاولت اطفي ضوها iiواحرقتني
دنيا ثقيلة كلها هموم iiبهموم ii
كني حملت جبالها فوق متني
جراح مايرد على اي اتصال ورجع الرياض والخميس والجمعه في جده عند البحر
--------------------------------
هنوف ونواف تقريبا تقربو من بعض شوي
مشعل وبشاير هواش والسبب مشعل الي يحاول يكرها او حتى ينسى
وعد وطلال فقط اطمئنان وسلام
احمد وطلال كملو شغلهم بالمطعم ليفون باقي احتياجاتهم
برتني تموووت على طلال الي صاقها ومو معطيها وجه
رحاب وسلمان مايفارقون بعض الا نادرا
فيصل وامل كل مالهم يزيد حبهم
فهد وبسمه الي راحو الهند ورجعوا
مشاري وامال الي سابحين بالعسل
فرح الي توفت بسبب مرضها
عائشه بدأت تتماثل للشفاء وبندر الي ماتركها ولا لحظه
بعد مرور شهر وبدا شهر رمضان
على الفطور في اول ايام رمضان
-------------
الكل موجود
فيصل وجنبه امل
وفهد وجنبه بسمه وابو فيصل وام فيصل ومريم الا هيام مو موجوده
ابو فيصل:وين هيام ليه ماتجي تفطر
ام فيصل:مارضت تجي معنا تفطر
ابو فيصل:يبه امل روحي شوفيها وديلها تمر وقهوه مو زين عليها
امل وهي قايمه:ان شاء الله عمي
---------------
ابو جراح وام جراح وجراح وجوري الكل قاعد وياكل بصمت
جراح:اف ياجوري ضلينا لوحدنا
جوري:وانت الصادق يبيلنا تحويله
الكل:ههههههههههههههه
وطبعا جراح نادر يضحك
------------
ابو سامي وام سامي وسامي والجوهره
ام سامي:وراك يمه ماتحليت
سامي يناظر الجوهره:والله يمه يكفيني حلا اخاف يصير فيني سكر زياده
ام سامي ببرائه:ايه والله ياولدي كل مااسمع فلان صاير به سكر الله يحفضنا
الجوهره الي قلبت حمرا من كلام سامي
سامي:هههههههه والجوهره داست رجله قام يغسل وقامت وراه تبي تهاوشه عند المغسله
سامي:يابنت الحلال عادي
الجوهره:لامو عادي ياحياتي ياخالتي مو فاهمه عليك
سامي يحط وجهها بين يدينه ويبوسها 000
الجوهره شهقت:لو احد شايفنا وش يقول علي
سامي نقع ضحك:يقولون تلحق ورا رجلها تبوسه قبل يطلع ويركض بسرعه وهو عند الباب يبه انا رايح المسجد
ابو سامي:يالله جاي وراك
------------------
على طاولة الفطور الكل موجود مشعل وجنبه بشاير وام مشعل بالنص والجهه الثانيه مها ومشاعل
مشعل:ماشاء الله الثلاثي المرح ساكتين
مها وبشاير ومشاعل يناظرون بعض وبصوت واحد:حنا
الكل:هههههههههههه
مشعل وهو ياكل:ايه انتو
بشاير:الله وناسه في احد يقول انا مرحات
مشعل يناظر بشاير:ايه بس مع بعض واذا تبون تغثون احد جاهزات
بشاير بلعت ريقها وبصوت واطي:ايه مو بس انا
مشعل:الا صدق الحين منو مساعدك بالفطور
ام مشعل:انت قول اي شي على السفره وانا اقول لك من الي مساعدتني فيه
مشعل:الصراحه بدون مجامله انا عاجبني كل شي بس المكرونه بشمل غيـــــــــــــــــر شكل اكيد انت يمه مسويته
ام مشعل:لا والله الغاليه بشاير مسويته
مشعل يناظر بشاير باعجاب وتفحص:يعطيك العافيه
بشاير بحيا من نظراته:الله يعافيك
مها:اخس والله ان طعمها رهيب
مشعل:وجع لا تكلمين زوجتي كذا
مشاعل:اظن انها مدحتها ماسبتها
مشعل:هي مدحت الطبخه وسبتها هي
الكل:ههههههههههههههههه
دخل ابو مشعل وركضوا مها ومشاعل يسلمو عليه "ابو مشعل اغلب وقته مسافر صفقات رجال اعمال مؤتمرات وما الى ذلك
او يروح مع احد اصدقائه يتونس"
مشعل قام وباس راس ابوه:الحمد الله على السلامه
بشاير:الحمد الله على السلامه وسلمت عليه وقعد يفطر معاهم
بعد الفطور والصلاة اخذ يد بشاير وطلعو برا بالحديقه وقعدوا بالمرجيحه المضلله ماتكلمو خلو المنظر هو الي يحكي
---------------------
في بيت ابو مشاري
ناصر:مشاري انت وش تشتغل
مشاري:الحين ولا قبل
ناصر:ليه كنت تشتغل قبل
مشاري:يوه اعجبك تاكسي وقت الزنقات يعني بالأجازات اشتغل بالشركات بس الحين انا مدرس وبالشركه مع ابو صديقي فهد
ولد عم مرتي
ناصر:ماشاء الله عليك
-------------------
امال:حنان الحين تسمين هذي الحوسه غرفه
حنان:يوه امال لا تحبطيني
امال:ههههههههه
حنان:امال تصدقين احسك مثل اختي
امال:ياحياتي وحتى انا
حنان:تعالي بوريك وتوريها اغراض البنات وحوستهم اكسسوارات على ملابس مذكرات
طق الباب وفتحت حنان كان مشاري الي كان اسعد الناس بهالحضه يوم يشوف حنان وامال مع بعض
هو يدري ان امال تحتاج لأحد يحبها بهالعائله
مشاري:يوه ياحوستكم يالبنات
امال تناظره بابتسامه ويوم انتبه شبت خدودها حمرا
حنان:ماشاء الله مشاري احلويت عن يوم شفتك اول
مشاري يغمز للأمال:محليني هالقمر الي قدامي
الكل:هههههههههه
امال لاتسالون عن حالها ابتسامه عذبه مع احمرار ماتصير الا على الملاك
مشاري:حنون يالخايسه ماتضيفينا شي وحنا بغرفتك
حنان ببرائه:اسفه من فرحتي فيكم والله نسيت ثواني واجي
مشاري:لا خذي راحتك
امال فهمت:حنون خوذيني معك
مشاري:لالا ويناظر لحنان اخواني تحت
حنان وهي طالعه:ياعيني على الغيره
الكل:ههههههههههه
حنان طلعت من الغرفه مشاري يناظر فيه احد وسكر الباب ويناظر امال
امال:لالا مشاري لا تفضحنا
يقرب مشاري:لا حبيبتي نجرب المغامرات
امال ضحكت من قلب
مشاري:ياويلي ياويلي على هالضحكه الي وتنهد ووووطوووووووووط
امال تبعده:مشاري اسمع جت
مشاري راح ابعد عند المرايه يسوي حاله يتضبط
فتحت الباب حنان:يوه كل هذا علشان امال محد يشوفها
مشاري بابتسامه:اكيد لازم هذي امولتي انا وبس
------------------
تمر ايام رمضان سريعه جميله على اناس وكئيبه على اناس
هيام اعتاد البيت كله على وجهها الحزين الكئيب وعلى عدم حضورها وعلى دوخاتها المتكرره
وماترد على اي اتصال وحذفت الترم بالجامعه
-----------------------
مها:ياي بكره العيد وناسه
مشاعل:الحمد الله اشتريت كل اغراضي للعيد
بشاير:كل عام وانتم بخير
الكل:وانت بخير
ام مشعل:مافيه سهر بكره بنروح بيت عمكم مثل كل سنه
دخل مشعل وشكله تعبان يكسر الخاطر شماغه على كتفه وعيونه ذبلانه
ام مشعل:سم الله عليك ياولدي وش فيك
عيون بشاير بتنط من الخوف ماتدري وش تقول نظرات مشعل الكسيره تخنقها واخيرا نطقت:مشعل انت تعبان
مشعل:صداع وبيروح وطلع
بشاير ودها لو تركض وراه تحضنه وتحتويه وتمتص الأم الي بعيونه بس استحت
ام مشعل:روحي يابنت لزوجك شوفيه وش فيه
بشاير بدون ماترد راحت ركض
كان توه يمشي على الدرج بطء مشت وراه فتح غرفته ودخل:بشاير
بشاير:هلا
مشعل بتنهيده:تعالي اعطاها شماغه وثوبه وعلقتهم وقعد على السرير واستند على راس السرير تعالي ابيك بسالفه وخفتي الضو راسي
يوجعني خل تهدأ اعصابي
بشاير:مشعل لا تخوفني ابوي فيه شي اخواني طلال اتصل خالتي ام وعد فيها شي
مشعل:يعني كل ذولي يهمونك وانا
بشاير:اشو مافيهم شي خوفتني وجت تقعد مشعل انا من شفتك قلت فيه شي
مشعل اشر على السرير جنبه يعني تعالي اقعدي
بشاير بحياها الي يخليها اجمل قعدت جنبه
مشعل بابتسامه:ترى زوجك مو خطيبك
بشاير تضرب يده بخفه
مشعل:ااه ياراسي
بشاير:اجيب لك بندول
مشعل:لا يابشاير الي بقوله اهم ،الصداع من السهر والتعب يناظرها صارلي كم يوم مااقدر انام افكر فيك
بشاير بضحكه:الله ياحضي
مشعل:بشاير انا خايف اموت وانت ماسامحتيني
بشاير شهقت:مشعل ليه تقول هالكلام
مشعل:ليه خايفه علي
بشاير:هاه لا ايه لا مااقصد بس اهلك بحاجتك
مشعل:وانت
بشاير ارخت راسها وطاح شعرها على وجهها
مشعل:دايم احس الموت قريب مني يلحقني حتى في نومي
بشاير من بين دموعها:يعني انت متزوجني علشان اسامحك
مشعل:يوه لا تفهميني خطا ورفع شعرها ولمس دموعها وبسرعه بشاير انت تبكين
بشاير وسط امواج من المشاعر المتضاربه حضنته وزادت بكي
مشعل طوقها ويمسح على شعرها:ابكي عشان ترتاحين وتنفسين عن الي فيك
رفعت راسها وهي تمسح دموعها وترفع خصلات شعرها ومشعل مد يده يمسح دموعها وهي رفعت تمسح دموعها صارت يده على يدها
مشعل:ريحيني بشاير انا صادق بكل كلمه اقولها انا حلمت اني اركض ورى عمي الله يرحمه
بشاير:مشعل لا تقول كذا حرام عليك
مشعل تنهد:كل ياخذ نصيبه وكل يموت بيومه
بشاير:مشعل انا سامحتك قبل لاتقول هالكلام الي يعور القلب ويجيب الهم
مشعل:ياه الحين ريحتيني ابتسم لها
بشاير:مشعل لا تقول كذا انت قبل تكون زوجي انت ولد عمي
مشعل:بغض النظر عن الكلام الي كنت تقولينه قبل انا اسعد انسان بالعالم
---------------
مشاري وامال على البحر يتمشون وماسكين ايدين بعض
مشاري:تذكرين ممول يوم ملكتنا
امال:هههههههههه رجاء لا تذكرني كنت بموت من اني تزوجت احد غيرك
مشاري:ياحياتي انت ياي شعوري يوم حضنتيني
امال:ياي ياشعوري بالفشيله ماينوصف
الكل:ههههههههههه
مشاري يمسك ايدها الثانيه:انت كل شي بالنسبه لي حياتي قلبي وعيوني
امال بحياها:مشمش انا ماتوقعت اني راح احبك هالقد يوم قريت الكرت توقعت بعرفك لا اقل ولا اكثر
مشاري وهو يعض شفايفه:ودي اخمك الحين
امال:هههه
---------------
هنوف قاعده ترتب البيت ولبسه جينز وبلوزه ابيض واطرافها وردي وسنا وفواز يلعبون مع روز الي صايره تضحك بصوت خلصت
وطفت الأضواء وشغلت بس الأبجورات بالصاله والغرف كانت تستمتع بهالشي تحس بالهدوء وصارت تلاعبهم
فواز معلي صوت التلفزيون السعودي كله احتفالات العيد
هنوف:هيه فواز لسل رمضان ماخلص
"ملاحضه بعض الناس بس برمضان مايسمعون اغاني هي اصلا حرام برمضان وغيره "
فواز سكره طيب اردصي لنا
هنوف صارت ترقص وتضحك وهم ناقعين ضحك وياشرون وراها وناظرت وراها ونقعت ضحك يوم شافت نواف متكي على الباب
ومتكتف وبيده كيس
نواف:هههههههههه ياعيني ياعيني وسكت كل عام وانتم بخير
الكل:وانت محير
هنوف ونواف:ههههههههه
نواف يبوس الكل واحد واحد حتى هنوف ولعب معهم شوي وبعدها راحو لغرفتهم يلعبون وروز نامت
نواف بغرفته:هنوف تعالي
هنوف:هلا
نواف دخلها وسكر الباب ومسك ايدها وجرها وقعدها على الكرسي
نواف:شريتي للعيال وخلصتي صح
هنوف:صح
نواف:ولك وانا بعد خلصت بس مو كأنك ناسيه شي
هنوف:لا مانسيت شي
نواف:ناسيه اني زوجك
هنوف استحت ونواف مد لها كيس:افتحيه
هنوف فتحته وطلعت الي فيه قميص نوم روعه من نعومي هنوف زادت حيا
نواف:تدرين انت تصيرين اجمل يوم تستحين هههههههههههه يالله قومي البسيه بشوفه عليك
هنوف:نوااااااف
نواف:بغمض عيوني واعد للعشره ان مالبست
هنوف :نواااف اطلع وانا بلبس
طلع واخذ المفتاح معاه
هنوف:هههههه خايف اقفله والله انها فكره
نواف:يالله بابدا العد وطلع
بعد ربع ساعه
طلعت هنوف ولابسه القميص الفيروزي وفيه نقوش ابيض ووردي طويل وعلى الجسم ومن ورا مفتوح ومن قدام الين الصدر وعلاق
هنوف حررت شعرها وحطت كحل وماسكار وحمرة خدود وردي وقلوس لامع وطبعا الأهم الأبتسامه
نواف كان قاعد بالصاله وساند راسه ويوم سمع صوت فتحت الباب ناظر للي طلعت
نواف:يوه يوه وغطى بيده وجهه وقام وهو مبتسم وجا وهي منزله راسها رفع راسها وباس جبينها ومسك يدها ودخل غرفته
ليست هناك تعليقات:
إرسال تعليق