يوم السبت
فيصل:يالله هيام بسرعه اليوم وراي شغل كثير ويناظر مريم الي تاكل بشراهه انت هيه حومت كبدي يالله قومي وبصوت عالي انا استناكم بالسياره
فهد نازل:وصلني معك بطريقك سيارتي خربانه
فيصل:ياحبيبي انا ناقص
على الطاير فهد اخذ سندويشه مريم وهرب
مريم:ياربي انا اوريك فهيدان
فهد عند الباب:وجع قليلة ادب
هيام:اخلصي
ــــــــــــــــــــــــــــــــــــــــــــــــــ ـ
بالجامعه
الجوهره:هيام دريتي بكره عندنا اختبار
هيام:ياربي لأيش
وعد وهنوف مارات رايحين للكفتيريا
وعد:السلام عليكم
الكل:وعليكم السلام
وعد قالت لهنوف عن الرحله
هنوف:احسن
وعد:حرام عليك ليش
هنوف:عشانها مغروره
وعد:هنوف بديت اخاف منك بجد
هنوف:وعد انا مره خايفه على ريم من امس بالمستشفى ولااعرف عنها شي
ــــــــــــــــــــــــــــــــــــــــــــــــــ ـــــــــــــــــــ
جراح دق على الجوهره:يالله اطلعي انا عند البوابه
الجوهره:ان شاء الله وسكرت الجوال
وبسرعه دق جوال جراح الي يناظر الأسم وهو مو مصدق
جراح:هلا
فيصل:هلا فيك جراح والله اني داق وطالبك كان تقدر
جراح:انت تامر ماتطلب
فيصل:عندي اجتماع هام جدا ومااقدر اطلع وفهد سيارته خربانه اذا تقدر توصل اختي هيام مع اختك للبيت
جراح فرحان يس مابين:ماعندكم سواق مو قصة اني مااقدر بس اتوقع انها مابترضى تستحي
سوتها اختي مره بالمدرسه
فيصل:لالا ماعليك انا قلت لها بالبدايه قالت تستحي وبعدين رضخت لللأمر الواقع
جراح:اويلي من ذولي البنات يدلعن علينا
فيصل:تصدق يازين دلعهن اقول ترا انا عندي شغل
جراح:هههههه يالله مع السلامه
طبعا جت الجوهره ومعها هيام وهي مره مستحيه دخلت الجوهره:السلام عليكم
ووراها هيام:السلام
جراح طبيعي ونبضات قلبه اسرع:وعليكم السلام
الجوهره:جراح طلبتك
جراح:والله اني داري انك بتطلبين اسكريم باسكن روبنز
الجوهره:يما وش دراك
جراح:اصلا بكون غبي لو مادريت
هيام بصوت واطي تضحك
الجوهره:تضحكين هاه انا اوريك تحسبين ماسمعك الا اسمعك يعني تستحين،اي وجع عورتيني ياعلك ياهيام
جراح يقطع كلامها:هيه وجع قصدي لا تدعين مو زين
الجوهره:على مين
جراح:عليك وعليها ومافيه ايس كريم اوكي
الجوهره:يوه كل هذا علشان هيام
جراح استحى وعصب:الجوهره
الجوهره:يما تخوف الله يعين الي بتاخذك
جراح يتنهد:خلاص اسكتي
الجوهره:الله يخليك
طبعا جراح يدري ان هيام ماراح تتكلم لو ايش :خلاص اذا هيام تبي امر اخذلك واذا ماتبي ماني رايح
الجوهره:شف النذاله هيام صح تبين
هيام استحت مره وشوي وتنزل دموعها من الحيا
الجوهره:ياويلك من الله تخليه بنفسي
جراح اشترى الأيس كريم الي تبيه الجوهره لها ولهيام
الجوهره:يماااا جراح سياره قدامك
جراح ضرب بريك قوي مره طاحت شنطة الجوهره تحت وشماغ جراح ورى وكتب هيام على الكشن
جنبها جت هيام تلم كتبها ويد جراح تاخذ شماغه الي يسوق وبدون مايناظر ومسك يد هيام يدينهم تلاقت وانسحبت بنفس الوقت
جراح:هيام قصدي الجوهره اعطيني شماغي
لمت هيام كتبها ودفاترها بالشنطه وهي بغى يوقف قلبها من سرع نبضاته وجراح مستحي وفرحان
الجوهره:ياخي بغيت تذبحنا
جراح:سم الله عليك يالبي
الجوهر وهيام:ههههههههه
الجوهره:والله اخليك تدفع الديه
جراح:شف هذي يالله جيبي الأيس كريم جيبي
الجوهره:لالالا كلش ولا الأيس ياحياتي انت
جراح:ايه اعقلي كذا الكلام
وقفت السياره عند بيت هيام ونزلت :يعطيك العافيه
جراح بهدوء:الله يعافيك
امل:هيام وش فيك تاخرتي قلقت عليك
سلمى:مادام مره قلقانه وليه مانتظرتيها
هيام:يما انا عندي محاظرات زياده
امال تناظر بعيد نظرات ماتعجب سلمى
سلمى تقلد وهي ماشيه
امال نقعت ضحك وتجر هيام من يدها امش بسرعه بقولك حاجه
----------------
وعد:السلام
بشاير هلا وعليكم السلام
وعد:وش فيك بشاير وجهك كذا
بشاير:مافيني شي
دخل بندر:السلام
الكل:وعليكم السلام
طلال:نفسي تجي مره بدري ذبحني الجوع
ام طلال:يالله قايمه اسكب الغدى
طلال:ياربي انا الولد الكبير وتحب ذا الفصعون بندر اكثر مني
ام طلال:صدق انك ماعندك سالفه
الكل:هههههههههههههه
بعد الغدى طلعت وعد لغرفة بشاير ونامت وعد نومها ثقيل لكنها هالمره حست على الصوت
بشاير:يما لو يملي يديني ذهب مااخذته يمه انت تحسبين الي صار هين حتى لو محد يدري احس كلهم يدرون احس اني غير كل
البنات هذا الأحساس وحده يدمرني يما الهم الي شلته من يوم فهمت وبلغت وصارت الرجال تخطبني لو تحطونه على جبال هدته
ام طلال ودموعها على خدها:يابنت هذا اخر امل لك ان مشعل يصلح الغلط الي مالك ذنب فيه وطلعت وراحت قالت ردها
لأبو طلال
دخل بندر على بشاير:بشاير ابوي يبيك فيه شي ابوي شكله متضايق
بشاير وجهها اصفر
بندر:قومي بسرعه
بشاير قامت بسرعه عشان ماتبين
وعد لحد الأن مو مصدقه الي سمعته ومنصدمه هي فهمت شي واحد من هالكلام كله معقوله بشاير ضامه كل هذا بقلبها
كل هذا ولا ادري ولاباين عليها وان الي حاسدتها ان ماعندها مشاكل ولا تعب
فجاه دخل طلال ويجي ويجلس على طرف السرير وعد تحسبه بشاير وسوت حالها نايمه
طلال:بشوره بشورتي حياتي اليوم ليه مارحت استلمت مكافاتك اكيد ماخذتهم قبل صح يالله عفيه الشاطره اختي
الحنونه قومي عطيني بس مية ريال واذا بتزوديني ترا مابرد الكريم الا اللئيم
وعد ماردت عليه وطلال راح وجاب منديل ولفه ويدغدغ رجولها وعد ماتحب هالحركه وقمزت على طول من القهر والفشله
طلال:هههههههههههه
وعد:طلالو
نط طلال مثل المهبول وهو مستحي:يما انتي وش جابك فراش بشاير يما جنيه
وعد:انا جنيه هاه انا نايمه هنا انت وش جابك
طلال وهو طالع:اذا جت بشوره خل تكلمني
-----------------
هنوف تتصل بسلمان الي مايرد عليها لأنه نايم (في احد يتصل الظهر)طبعا ازعاج لين صحى من النوم ورد عليها
بدون مايناظر الرقم لأنه قايل مابيرد عليها مره ثانيه
سلمان:نعم
هنوف:هلا والله بالهصوت وراعيه
سلمان:انت وحده متفضيه في احد يتصل الظهر
هنوف:ايه انا وبالمناسبه الحمد لله على سلامة حبيبة اخوي بغيت تموتها كانت تبي تنتحر علشان اخوي عربون محبه
سلمان سكر الخط وهنوف ماتت قهر حتى مارد عليها
سلمان ماقدر ينام من الأتصال المزعج
----------------
طقت بشاير الباب وفتحته شوي شوي وعيونها ماتدري وين تحطهم وطبعا ابو طلال مايدري وش يقول كل الي بباله انه لازم يقنع بشاير
تتزوج ولد عمها مشعل عشان السمعه والشرف وما الى ذالك اول ماطاحت عين بشاير بعين ابوها سبقت دموعها اشر لها تجلس جنبه
بس هو وقف وحضنها وماقدر يتكلم وشوي جلس ومسح دموعه ودموع بنته
ابو طلال:انا يوم جيتي كنت سعيد وفرحان لأن قبلك عيال اثنين وان امك ماتقدر تجيب عيال اكثر من كذا لأنها مريضه
كنت اتباها فيك بين قرايبي بجمالك ودلعك غير كل هذا اعجاب الناس فيك وبطفولتك وببرائتك فجاه وقف وناظر بشاير:انا
ابي اتطمن عليك ابيك تاخذين ولد عمك وهو يبي يصلح خطاه
بشاير قامت لأنها مستحيه مره:يبه انا لو اظل طول عمري عانس ولا اتزوجه
ابو طلال:بكره ابي ردك بخليك تفكرين مو علشاني علشانك المساله ماهي زواج وماادري ايش انت ادرى واذا تبين رضاي اتزوجيه
بيسعدك وبيستر الي صار من قديم واذا تبين تفرحيني وافقي
بشاير طلعت من الغرفة تجر معها اذيال الخيبه والقهر ودخلت غرفتها وهي تبكي وعد كانت جالسه على السرير قمزت وراحت لها
وعد:حبيبتي بشاير ليه تبكين احد مهاوشك
بشاير:لا مااحد قالي شي بس انا مضايقه
وعد:قومي صلي ركعتين وادعي فيهم وبترتاحين
بشاير استغربت ان وعد تقول هالكلام
---------------
هنوف:لالالالالالا ريم وينك حرام عليك رحتي وخليتيني
فواز:ابي ماما وين ماما ودوني لها
نواف الي كان بحاله يرثى لها بين الصاحي والمجنون جالس بالمجلس ولا كلمه ومتلثم بشماغه وفي نفسه :ريم ريم وينك ياريم
خليتيني لحالي خليتي عيالك وتركتي وراك طفل رضيع مين يربيه من بعدك
سنا:بابا بابا ويناظر لها وين ماما قولها ماعاد اضرب فواذ(فواز)
نواف يسمع بنته تقول كذا ومو قادر يرد عليها واجابته كانت دموع بللت شماغه
---------------
بعد مرور اسبوع
راحت هنوف للمستشفى وخذت بنت اختها الي سموها "روز"الي كانت نسخه من ريم
نواف:اعطينياها واخذها بسم الله الرحمن الرحيم كان يناظر لها وعيونه مليانه دمع ويبوسها ويشمها ويجلس على الكرسي
ام هنوف شافته كذا راحت بسرعه وخذت منه البنت
سنا:بابا ليه تبكي
نواف يناظر لسنا الي ماتعرف شي ضمها وجلس يبكي
----------------
بشاير:يما تعالي ابيك شوي
طلال:ياسلام (بالمصري)هو فيه اسرار ولا ايه ياسعدت الماما
ام طلال:انت اسكت ومالك دخل
طلال:افأ
بشاير تسكر باب غرفتها :يما انا موافقه
ام طلال:كلولولولولولولوش الف مبروك يابنت
بشاير تخبي دموعها :الله يبارك فيك
---------
وعد:يما شخبارك الحين والله قلبي مو مطمن عليك وانا مااقدر اجيك كل يوم بعيد واستحي من عيال عمي وعمي كل يوم يجيبوني
وطلال مايرضى اروح مع سواق خالتي ام جراح او تكسي
ام وعد:يابنت انا راح اطلع ان شاء الله ولا عاد تجين وعندك اختبار
وعد تبوس راس امها
بندر يدخل ويبوس راس امه:شخبارك يالغاليه
-----------
بعد مرور شهر بعد الأختبارات
اخبارهم
سلمان تعقد والسبب هنوف كل يوم متصله تبرد حرت موت اختها برحاب وردة فعل سلمان قد تكون مبالغ فيها لأنه حساس جدا
فاعتذر سلمان من رحاب انه عنده اختبارات وهي بعد ماوده يكون سبب في سوء النتايج بالجامعه طبعا مامشت عليها بس عدت على خير
--------
تحدد زواج بشاير من مشعل وهي رافضه قطعيا تكلمه او حتى يسوون حفلة ملكه فارسل مشعل طقم الشبكه مع امه خواته والعذر تستحي
------------
سامي يتصل كل اسبوع يطمن عليها لأن هي ماودها يتكلمون كثير قبل العرس
------------------
في الأستراحه
فهد ومشاري:السلام عليكم
الكل:وعليكم السلام
متعب:هلا بالطش والرش وينكم مختفيين
فهد:هههههههه كل هذا لي
متعب:مو لك بس حتى مشاري
مشاري :جزاك خير
متعب:الا بتسوونها من ورانا ومابتعزمونا على عرسكم
مشاي:من قالكم
متعب:افأ عليك هو فيه شي يستخبا
دقت بسمه على فهد وطلع يكلمها
متعب نقع ضحك قام مشاري وطلع
فهد:يالله حبيبتي مع السلامه
مشاري معصب مره:فهد يالله امش محنا جالسين
فهد:وش فيك
مشاري:امش الحين
--------------------------
طلال:افأ يابشوره تبين تروحين وتخليني منو يونسني منو يسلفني
بندر :شفيك انت ناوي تبكيها وان بكت مو باحسلك
وعد تحضن بشاير:مو تنسيني زوريني
بندر:انت وامي بتسكنون عندنا
وعد تناظر طلال الي انتبه عليها وهي على طول شتت نظرها :لا اول اجلس مع بشاير اذا راحت باجلس مع منو
طلال تضايق مره:يعني مو مالين عينك
وعد تحب المناقر:يعني تصير بنيه
طلال:ليش انت بنت انت ولد ولا هذا شكل بنت
وعد تناظر نفسها صحيح جرحها كلامه بس ماحسست احد بهالشي
بشاير :طلال
طلال حس انه مصخها بس هو يبيها تتغير وتصير مثل البنات
---------------
نواف يجي كل يوم يشوف عياله لأنهم قاعدين عند جدانهم اهل ريم لأنه ماعنده الا اخت وحده ومتزوجه وامه ميته
اجتمع ابو نواف وابو هنوف وقررو انهم يلقون حل لنواف
ابو نواف:نواف تعال جيت بوقتك انت كل يوم تجي لعيالك ومابينامون عندك انت لازم تلقى حل اما انك تتزوج او تجيب مربيه
نواف:يبه انت تتكلم كذا عادي وانت ادرى بغلا ريم الله يرحمها مستحيل اتزوج ومستحيل اجيب احد يربيهم
ابو ناف:اسمع اتفقنا انا وعمك انك تتزوج هنوف كذا سكيتي بس علشان العيال مايتشتتون
نواف:ايش
ابو نواف:فكر ومابتلقى احن لهم من خالتهم
----------------
قرب موعد عرس العيال
سلطان:اسمعوا ندخل من الكبير للصغير وسامي اول بنخليه يدخل
سامي:لا عادي انا اخر واحد
سلمان شايل هم وباين عليه
سلطان:سلمان ترى العروس الي تخاف مو المعرس
الكل:ههههههههه
----------------
فهد وفيصل يتناقشون
سلمى:يافرحتي ولا واحد من عيالي تزوج على كيفي
ابو فيصل:خلي العيال على كيفهم واخذها للحديقه برا
فهد:نخليه بعد عرس العيال باربع ايام علشان يحضرون عرسنا ويسافرون
فيصل:والله انك جبتها
فهد:ليه مايصير زواج مشاري معنا ليتنا نقوله
فيصل:لالا مو حلو العيال ماشاء الله اربعه واحنا ثلاثه
فهد:بالعكس وناسه
اتصلو على مشاري
مشاري:والله اني مستحي منكم ماني عارف وش اقول
فهد:قل تم
مشاري:فيصل وش قال
فهد:قل تم هذا فيصل جنبي
فيصل حس ان مشاري مستحي خطف الجوال من فهد:مشاريون تتدلل علينا ماعليك بندفعك معنا اجل مسوين عرس ببلاش
مشاري بفرحه:هههههه خلاص تم
--------------
بعد مرور 3 ايام
مشاري ودخل بشركه يعرفها زين بس ماقد دخل للهمكان وعند سكرتير ابوه
السكرتير وعيونه شوي وتطلع على مشاري مسغرب الشبه الي بالعيله:في موعد
مشاري:انا ماخذ موعد من عشرين سنه
السكرتير يناظر بتعجب اكثر
مشاري:انا مشاري ولد 00000 وابيك تخبره ان واحد يبيه وبس
دخل مشاري لمكتب كبير وواسع تسوده التحف والأوان الجميله وشايب جالس على الكرسي ومنزل راسه يدقق بالأوراق الكثيره
قدامه مشاري وقف قباله ويناظر له ينتظر لما يخلص
ابو مشاري:نعم وش بغيت ومن انت
مشاري:السلام عليكم
ابو مشاري:وعليكم السلام
مشاري:افأ عليك ماعرفتني ودمعه بعينه يبه انا 000انا ولدك ولدك مشاري والا نسيتني ومد يده واعطاه كرت زواجه(عرسه)
وجا يبي يطلع انا ابغى حضورك بس لا اقل ولا اكثر مابي منك شي
ابو مشاري مصدوم فعلا وخاصه انه يشبهه بالحيل وبنفسه هذا ولدي مشاري الي تركته قام بسرعه قبل مايطلع وسكر الباب
وحضن مشاري:سامحني يابوك
مشاري:انا بس كنت
ابو مشاري:كنت ايش تعال اجلس
مشاري:لالا ماابغى اجلس بس ابيك ماتنساني في يوم عرسي مثل مانسيتني في صغري وطلع
--------------
اليوم المنتظر "يوم العرس"
الجوهره:بسمه الله يخليك مكياجي حلو
بسمه:ياي جوهره انت قمه في الجمال
هيام:ايه يالخايسه سويتيها قبلي مااقول الا الله يعين سامي اليوم كيف يتحمل هالحسن
---------
سميه:رحاب ليه كذا وجهك لا تخافين انت عروس منتي رايحه حرب
ابتسام وتخقي ارتباكها:رحاب انا اصغر منك وماسويت الي تسوينه
رحاب وفيها بكي:اقول اسكتو شوي ماني قادره استوعب
ام سامي:الله يستر بس منك وتجلس تقرا عليها
ام سلطان:كلولولولولولوش وتسلم على ام سامي يالله السياره جاهزه
الزفه كانت فظيعه ووناسه اربع سيارات كل زوجين بسياره ووراهم سيارات ياكثر ودق يازامور وصار الي يشوف الزفه يمشي وراها
لين صارت ما اطولها
بعد ماصار كل واحد بجناحه الخاص
1(سامي والجوهره)
الجوهره بتموت من الخوف سامي جلس على الكرسي بعيد شوي وبعدين قام نزت الجوهره وسامي قام يعلق بشته
سامي :بسم الله عليك حبيبتي مسك ايدها ترجف وجلس يقرا عليها علشان تهدا الجوهره كل هالقد مرعوبه ويناظرها ارفعي راسك
الجوهره تناظره وترفع راسها وتبعد نظرها عنه
سامي:ياويلي انا من هالعيون ويناديها:جوهرتي
الجوهره وبعد جهد جهيد:هلا
سامي:قولي امين
الجوهره:امين
سامي بصدق :الله لا يفرقنا
------------
2(سلطان وسميه)
سلطان:افأ ماتاخذينها من يدي
سميه:مااقصد بس شبعانه
سلطان:يالله بس وحده
سميه تكره الجمبري كره العمى اما سلطان يموت فيه سميه كلت اللقمه وحامت كبدها شوي وطرش
سلطان:وش فيك
سميه بحيا:مافيني شي
----------
3(فارس وابتسام)
قاعدين يشوفون المباراه
ههههههههه امزح
ابتسام اصغر وحده بالعرايس صحيح كانت شوي مرتبكه بس واثقه وثقتها ساعدتها كثير على انها تبدو اجمل بالأضافه
لجمالها وتناسق جسمها وطولها
فارس:يالله مو حرام عليك حارمتني من هالوجه الحلو
ابتسام صارت حمرا
فارس:ههههههههههه اكيد جوعانه ولا تكذبين علي من هالسوالف شبعانه وماادري ايش بسرعه قولي وش تبين نطلب عشا
ابتسام:كيفك
فارس:لا حلوه انا اسالك انت
ابتسام:مو مشتهيه اكل
فارس:مو برضاك غصب عنك ولا مالي خاطر عندك
ابتسام:خلاص جيب المنيو(القائمه)وانا اطلب بس مو تقول الفاتوره تراها عليك
فارس:هههههههههههه
-------------
4(سلمان ورحاب)
سلمان:اخيرا صرنا لوحدنا وقام للثلاجه الي مجهزها بنفسه وجاب الكيك والعصير باكواب شكلها رايق(ضعيفه من تحت
وكبيره من فوق )
رحاب جالسه على الكرسي وجا سلمان واخذها من يدها للصاله رحاب شافت السفره جلست تضحك
سلمان بابتسامه:حضرة جنابك على ايش تضحكين
رحاب:ولا شي بس كنت مرتبكه من الناس والقاعه والحين شوي ارتحت
قريب صلاة الفجر يشربون موكا بارده دخلت رحاب (للحمام )اكرمكم الله)
كان اسعد ايام سلمان وفتح الجوال لأنه مغلق جاته على طول مكالمه من رقم غريب :الو
هنوف:هلا سلمان
سلمان:نعم وش تبين
هنوف:لا بس ابشرك ان صور مرتك عن قريب بتنتشر بالبلوتوث في كل المملكه وعلى طول سكرت الجوال قبل لايقول اي كلمه
هنوف ماعندها لاصوره ولاشي بس كذا علشان تكدر عليهم هاليوم الحلو
بهذي الأثناء طلعت رحاب ولاحظت انه فيه شي سلمان جالس على السرير وحاط راسه بين ايديه وهذي مو حالة معرس في يوم عرسه
رحاب:سلمان فيك شي
سلمان بصوت عالي:مافيني شي
رحاب خافت عليه وجهه تغير 180 درجه :سلمان الله يخليك فيك شي قولي لاتخليني كذا متروعه عليك
سلمان بقهر يصرخ:قلتلك مافيني شي يعني غصب فيني شي ولبس ثوبه وشماغه وطلع
رحاب مصدومه ورمت نفسها على السرير تبكي ومو عارفه سبب كل هذا
---------------
وعد ماجاها نوم منسدحه على السرير وتلعب بخصلات شعرها الي يادوب طولانه شوي وتفكر بصوت عالي ياترى بكره
كيف عرسي يصير ؟
بشاير:انا الي عرسي بعد كم يوم مافكرت وبعدين خل يجي المعرس اول وبعدين فكري
وعد:ياربي حتى في احلامي تخربون علي؟
بشاير:الا صدق ماطليتي على خالتي قبل تنامين ؟
وعد:قبل شوي شفتها نايمه بس امشي معاي نروح نشوفها
بشاير لابسه بيجامه بيذنجاني(بنفسجي غامق)ببيج ووعد نفسها بس لونها احمر ببيج هديه من بشاير البيت كله نايم الا بندر وطلال
طالعين وعد طلت على امها ولقتها نايمه
بشاير:وعد مادام عرسي قرب وباافقد هاليالي الحلوه مع جنابك امش نروح المطبخ نسوي شاي وعندي مكسرات وفصفص(حب)
وعد:وانا وش وراي غير حضرة جنابك امش طبعا بشاير ووعد جالسين بالمطبخ وكلماله صوتهم يرتفع بالضحك والسوالف
المهم طلال جامع خوياه بالمجلس والمجلس بالحوش وقريب من المطبخ وعصب طلال لأن الصوت واصل عندهم ودخل معصب
يهاوش واول مادخل المطبخ سكت وماتكلم لأنه ماتوقع ابد ان وعد تجي بعد الكلام الي سمعته ذاك اليوم وانبهر اول مره يشوفها
بلبس بنات واعجبته مره وظل يناظر لها وساكت شوي
بشاير:هيه هيه انت يالأخو يالحبيب "طلال انتبه "وش تبغى
طلال:قصرا حسكم عندي خوياي لا اسمع صوت
بشاير:زين زين احنى طالعين يا عنتره
ظلال فيه ضحكه على شكله يوم دخل بس يعنني ماسوى شي
------------------
في اليوم التالي
سلمان صلى الفجر ورجع نام بالأصح تنيوم لحد مانام ولا قال اي كلمه والظهر قام وتهاوش مع رحاب على سبب تافه وطلع
---------
سامي والجوهره طلعو يتغدو برا
ابتسام وفارس نايمين وماقامو للعصر فافطرو بدل الغدى
سميه وسلطان راحو يتمشوون بعد الفطور
-------------
دق الجرس من بدري
سلمى للخادمه :مين
الخادمه:مايدري ماما هذي نفر يبي فهد
سلمى:رجال روحي قولي لفهد
الخادمه:لا ماما هاذي نفر هرمه
سلمى:طيب خلاص روحي وراحت لفهد
سلمى:فهد قوم قوم فيه وحده تبيك عند الباب
فهد:يمه خليني انام
سلمى:اقولك قوم الله يستر منك بس
فهد:يعني مين صديقتي في الجامعه ولا جايه تخطبني قوليلها مخطوب
سلمى:اقول عن المصاخه وقوم ماني فاضيه لك فهد قام بعد هالزن وين ينام
سلمى وهي نازله لمحت المره ومعها ولد وبنفسها شف الغبيه مدخلتها للفله :نعم ايش تبغين
فهد وهو نزل وظل ساكت واخذ هاذي المره للمجلس وسكر الباب
فهد:انت ايش جابك
ليست هناك تعليقات:
إرسال تعليق