يوم العيد
فهد:كل عام وانت بخير حياتي
بسمه:وانت بالف خير ياعيني
فهد زعلان:بس عين وحده
بسمه:لا مو بس عين وحده كلي انا تحت امرك
فهد:اه ياقلبي بتذبحني خلاص بطلت ماابي اروح لأحد ببلط عندك
بسمه:هههههههههه اول قم سلم على اهلك وبعدين بلط
فهد:ياهلي وناسي وكل احساسي الله طلعت شاعر وانا مدري انا من يوم عرفتك وانا صاير شاعر
بسمه:هههههههههههه
----------------
بشاير صحت الظهر :يوه ميته جوع بافطر وبعدين بتحمم ونزلت تحت وعايدت على الكل وقعدت تفطر معاهم
ام مشعل:يالله يابنات من الحين تتجهزون مشعل قال رايح المزرعه وراجع
طلعت بشاير غرفتها وبنفسها"الله وناسه بتحمم على كيفي مطول مشعل على مال يجي من المزرعه ودخلت الحمام سيده يمكن قعدة
ساعه وهي بقمة الأستمتاع بالأستحمام وريحة عطر الشور جل
مشعل:بشاير يالله استعجلي بنروح بدري اليوم عند اهلك
بشاير تروعت:انت متى جيت
مشعل:من زمان من يوم كنت تغنين
بشاير جت تبي تطلع وشهقت انها نست تاخذ روب الحمام معها نسته برا
مشعل:يالله بشوره اخلصي
بشاير:مشعل حياتي ابغى فوطه
مشعل:اطلعي مافيه احد غريب
بشاير بنفسها "قليل ادب"
مشعل:هههههههههه اعترفي وش قلتي بنفسك اكيد قلتي قليل ادب صح
بشاير اشهقت:وش دراك وسكتت درت انها فضحت نفسها
مشعل:هههههههههههههه طق الباب واعطاها فوطه حقت شعرها لأنها ماتحب المناشف المخصصه للشعر
بشاير:مشعل ابي روب الحمام
مشعل:يابشاير اي شي بس ابي اتحمم
لفتها على نفسها وهي مستحيه تطلع بهالمنظر طلعت وهي شبه مرخيه راسها هي بيضا وعليها فوطه لونها احمر مغطي من صدرها
الين نصف فخذها وشعرها منسدل ويقطر مي رفعت شعرها وناظرته وابتسمت ونزلت خصله مبلله على وجهها
مشعل اخذ نفس وهو يناظرها:ليه تبتسمين
بشاير:مشعل ابعد وبنفسها"شكلك يهبل"
مشعل:ماراح ابعد لمن تقولين ويقرب لين صار يسمع انفاسها المتسارعه ونبضات قلبه طوقها لين صار وجهه بوجهها
ورفع بيده راسها
مشعل:حطي عينك بعيني
بشاير رفعت نظرها وشافت عيونه بعدين نزلتهم مشعل يقرب اكثر ويشم عبير شعرها وغمض عيونه وبحركه خفيفه نزل الفوطه
--------------------
في بيت ابو جراح الكل يسلم ويعايد
ام سلطان:الله واكبر العيد الي طاف كنا بس قرايب الحين قرايب ونسايب
ام سامي:الحمد الله على نعمته
الجوهره عند البنات:هيام للحين ماترد على جوالها
رحاب:انا حاسه انها فيها شي
الجوهره:بكره ان شاء الله بروحلها
بسمه:كل مااجي مااشوفها الا مره وانصدمت يوم شفتها متغيره ذبلانه ووجهها اصفر
ابتسام:تذكرون السياكل
الكل:ههههههههه
سميه:ولا المسبح
الكل:ههههههههههههههههه
رحاب:ههههههه تصدقون عاد للحين سلمان يذكرني
ابتسام:شريط الذكريات حافل بالأحداث الصاخبه والنخله الي روعتينا عليك علشان ينقذك الفارس الملثم
الكل:هههههه
رحاب:انقلعي اقول انكسر عشان ينقذني الفارس الملثم
الكل:هههههههههه
-----------------
بشاير:وعد شخبار صديقتك هنوف
وعد:تمام ماتلاحضين انها متغيره
بشاير:يوه من هالناحيه كثير جمالا واخلاقا
وعد:حتى انت بشاير
بشاير:ههههه ليش وش تغير
وعد:مدري احس انك اليوم غير
عايشه:الله يديم السعاده علينا يارب
ام طلال جتهم :يالله يابنات العشى
وعد:خاله وين امي
ام طلال:تقول راسها يوجعها تبي تنام قاعده من الصبح
مشاعل:بشاير مشعل يبيك عند الباب
بشاير راحت بسرعه ودخلته بغرفه جنب الباب
مشعل:بشاير خليك عند اهلك انا طيارتي الفجر اذا بغيتي شي روحي خوذيه من البيت اسبوع وان شاء الله راجع
بشاير دمعه نزلت على خدها:ترجع بالسلامه
مشعل يمسح دمعتها:ليه تبكين
بشاير:خوفتني عليك
مشعل:بشاير الأيام ىالي قيناها مع بعض اسعد ايام حياتي واليوم بالذات غير كان احلى
حمرت خدود بشاير وانصدمت يوم باسها على00000
مشعل:مع السلامه
بشاير:مع السلامه
ناظر بعيونها وده يقولها انه يحبها يموت فيها بس هي رافضه من الأساس طلع وعيون بشاير تتبعه وبنفسها :احبك والله احبك بس
انا الي عذبتك وعذبت نفسي معاك ماتوقعت تكون دوا جروحي
-----------------
في اليوم التالي
راحت الجوهره لصديقة عمرها هيام تتطمن عليها
ام فيصل:نعم وش بغيتي
الجوهره حست بخشونة الرد:حبيت اعايد هيام واطمن عليها
جت امل ورحبت وسلمت على الجوهره وودتها لغرفة هيام
الجوهره طقت باب هيام بس ماردت
هيام:مابي اشوف احد
الجوهره:ولا انا هيام
هيام سمعت صوت الجوهره وبدت تدمع عيونها مسحت دموعها وهي تركض تفتح الباب شافتها الجوهره وبدت تدمع عيونها
من زمان ماشافتها ضمو بعض كأنهم مضيعين بعض وتويلقون بعض دخلتها وامل سحبت نفسها وراحت وسكرت الباب وراها
وهيام قفلته
الجوهره:ياحياتي ياهيام ليه كذا مسويه بحالك
هيام تبكي والجوهره تحاول تهديها وضلت حاضنه الجوهره
الجوهره وهي تمسح دموعها:ترا انا الجوهره مو جراح
ناظرتها هيام وبقلب جريح وحال يرثى لها ودموع تهل كما السيل الغزير
الجوهره:اسفه وربي مااقصد طيب اذا كنت تحبينه ليه ترفضينه مع ان هذا ماله اي علاقه بصداقتنا فضفضي هيام انا الجوهره
هيام تمسح دموعها:خلاص انا رفضت وخلاص بس والله اني 00000000احبه خبريه وقوليله اذا يحبني لا يقرب ناحيتي
ولا يخطبني انا خايفه عليه
الجوهره:ومن ايش هيام تكلمي
هيام:وعد ماتخبرين احد
الجوهره:وعد
هيام:حتى جراح نفسه
الجوهره تهز راسها بمعنى ايه:اوعدك
هيام قالتلها عن الحكايه وولد خالتها الي ماخلا احد يسلم من شره لدرجة القتل ويطلع منها مثل الشعره من العجين وانها رفضت
جراح علشانها تحبه
--------------
جراح :الجوهره هذا كلامها هي
الجوهره:ايه جراح خلاص مالك نصيب فيها
جراح:زين مع السلامه وبنفسه الغاز الغاز ياهيام مافهمت شي
-----------
ياأعزالناس أتعبني جفاك
الجفاوالصد ماظني يفيد
التغلي والغرور ذابحني معاك
ليش تتغلا وبعنادك تزيد!؟
لابغيت الهجر باحقق لك مناك
قولها يازين:أبي أرحل بعيد
بتركك مجبور ومابعشق سواك
لاتعذبني وأناوافي بغلاك
لاتخلي الهجر يقطع لي الوريد
لاتحرق اعصابي وتوريني الهلاك
ارحم ابحالي وخذكلمـــــــاتريد
أعشقك وأهواك ياأغلى ملاك
ومن غلاك القلب يكتب لك قصيد
غصب عني أتأسف وأرجي لقاك
شوفتك راحة يالخل الفريد
مستعد أموت لوموتي رضاك
مستعد أموت لأجل تبقى سعيد
الصراحة حز في نفسي قساك
تبتعد عني وتتركني وحيد
هي ظروفك تجبرك تنسى مناك!؟
أوذا طبعك تتغلا أكيد!؟
ماتبيني قول عادي وش وراك!؟
تستحي مني وتبقالي عنيد
الهوى قسمة ومامنه فكاك
كل واحد ياخذ نصيبه مايزيد
يحرسك ربي ويغفر لك خطاك
مشعل:اه يامشعل شلون حبيتها وهي تكرهك وتبي الطلاق منك طيب ليه خايفه علي مستحيل لالا هي تكرهني بس يمكن اشفقت
علي ويتذكر الي صار يوم العيد لا يامشعل كيف سويتها انت تعلقت اكثر بها بس هي ماتبيك ياه يامشعل هربت منها
ولا قدرت تقاومها بيوم هروبك القرار صعب وقربها الأصعب
---------------------
بعد مرور اسبوع
بشاير رجعت البيت علشان اذا مشعل تكون موجوده كانت كاشخه ولابسه تبي تعترف له بحبها بس هو يمكن كرها على تصرفاتها معه
وصل مشعل وكان مره تعبان خلاص بكره بيروح المحكمه يطلقها هذا الي تبيه فتح الباب وشم ريحة البخور والعطور والأضواء
الخافته فجاه طلعت بشاير وهي لابسه وكاشخه وبابتسامه:الحمد الله على السلامه
مشعل بنفسه"يالله وش تفسير هذا كله اكيد خايفه اموت ايه ماتحبك يامشعل
مشعل:الله يسلمك بشاير انا 0000000 بحاجه للتفكير وابيك تلبسين اوديك بيت اهلك
بشاير انصدمت شوي وتبكي وهو على طول طلع
مشعل:انتظرك بالسياره
بشاير فعلا لبست ملابس عاديه وغسلت وجهها من الماكياج والدموع وراحت وهي تجر نفسها جر"هو مل مني ومن حركاتي البايخه ماراح ابين له ضعفي صدق انا احبه
بس هو تزوجني علشان اسامحه والحين صار يكرهني"
طول الطريق كانو ساكتين تقريبا الا من بعض التنهدات جهز كل واحد وش يقول للثاني وعند بيت ابو طلال وقفت سيارة مشعل
الطريق فاضي
مشعل:بشاير انت الحين حره اسبوع وتجيك ورقتك هذا الي انت تبينه
بشاير جت تبي تتكلم ومشعل قاطعها:بشاير لا تخافين على مشاعري انت تكرهيني ومايحتاج تبررين موقفك انا ادوس على نفسي
بس انت ترتاحين
نزلت بشاير وهي تشاهق من البكي
نزل وراها بسرعه وعند الباب مسك يدها ودخلها للبيت وبالحوش:بشاير انتبهي على نفسك
بشاير ساكته وتبكي
مشعل:ابي اطلبك طلب اخير
بشاير هزت راسها بمعنى ايه:لايعرف جنس مخلوق بالي بينا وانسيني انسي معاناتك ضمها بين احضانه كأنه يودعها للأبد
كأنه ماراح يرجع وباس جبينها ومسح دموعها
مشعل:بشاير دايم اذكريني بالخير ترى الأنسان مايدري متى يموت ماتدرين لو تكونين ارمله مو مطلقه
بشاير من بين دموعها وشهقاتها حطت يدها على فمه:حرام عليك تقول كذا حرام والله تعذبني راحت تركض لداخل وهي تبكي وتمسح
دموعها وطلعت لغرفتها ودفنت راسها تحت المخده تخفي خوفها ودموعها وحبها :غبيه والله غبيه ليه ماقلتله اني امووت بحبه
مو بس احبه
مشعل ركب سيارته وهو معصب:غبي انا ليه تسرعت ليه اسوي بنفسي كذا كلمتها ترن براسه وش تقصد يمكن ماتبي تصير مطلقه
لالا مو بشاير الي تفكر هالتفكير اه وحط راسه على السكان ولأول مره تعرف عيونه الدموع نزلت دمعه جريئه ومسحها اسرع
من انها تنزل صار يسرع اكثر واكثر من الغيض والنار الي فيه طلعت فجاه شاحنه واعترضت طريقه
مشعل يدوس بريك قوي اصدر صوت قوي جدا الا ان الأصتدام لا محاله
---------------
سلمان وهو منسدح على رجول رحاب ويناظر التلفزيون
رحاب:سلمان ترى عندنا دوامات بكره
سلمان:اه ياقلبي يوجعني
رحاب:يوه سلمان صاير تسهر كثير امس بالمحاضره نمت وكنت بانطرد البنات قامو يعلقون علي اني حامل وماشابه
سلمان تكدر خاطره انهم تاخروا:طيب وين المشكله
رحاب:لاعز الله بكره مطروده من المحاضره لا محاله
سلمان:ياحياتي اتحداها تطردك
رحاب:حنا بنات مو عيال
سلمان:متاكده والي يركبون النخل مو بعيال
رحاب شهقت:وش ذكرك
سلمان وهو قايم ويمد يده لها ويمسكون ايدين بعض ويمشون لغرفتهم:هو انا أدر انسى
ليست هناك تعليقات:
إرسال تعليق