للحين احبهـــا ولاني قادر أنساها ..
صورتهــا دايم في بالي ماتفارقني ..
كل شي حاولي يذكرني بذكراها...
خلت لي في كل شي ذكرى تذكرني ..
احين تطري علي وقول مقساها ...
واحين ماتطري ولقى الشوق جنًنـي..
كل يوم أقول من هاليوم بنســاها...
واكذب على روحي بالنسيان لاكني
للحين أحبها ولاني قادر انساها ..
ابو سلطان يدق على جوال سلمان والكل كان مجتمع والكل واقف الي تبكي والي تدعي وابو سامي وجهه صار احمر واخذ حبة ضغط
سامي:يبه لااحد يدق على جوال سلمان ناسيه بالبيت
لحضة ياس من الجميع انهم ما يعرفون مكامهم ولا حتى وش صار
ـــــــــــــــــــــــــــــــــــــــــــــ
في المستشفى
سلمان جالس على الكراسي ويحاول يضبط نفسه طلع الدكتور وطمنه على رحاب وسمح له يدخل بعد شوي
راح واتصل على جوال ابو سامي :الو
سلمان:هلا عمي انا ابي اطمنكم على رحاب صارت بخير ان شاء الله
ام سامي تخطف التلفون :وش فيها لاتكذب علي
سلمان:لاياخاله رحاب بخير ومافيها شي
في غرفة رحاب جالس سلمان بكرسي جنب سريرها ويمسك يدها ويمسح عليها ووقف يناظرها وباس جبهتها مو مصدق انها قدامه
رحاب انكسرت رجلها وجبسوها ولافين شاش على بعض الجروح في الركبه والأكواع والراس
سلمان في اخر الليل جلس يصلي ويدعيلها
--------------------
سميه وهي تبكي:طيب يارحاب على الرعب الي عيشتينا فيه زين بس تجين لأضربك وعلى اللقافه الي فيها دوم مسويتلي رعب
ابتسام وهي تبكي ضحكت
الجوهره:خلاص سوي الي تبين بس اسكتي
بسمه بتغير الجو:خلاص وبعدك الدور علي
الكل:ههههههههه
-----------------
سلمان صلى الفجر وجلس على الكرسي يقرا الأذكار ومن التعب نام على الكرسي
صحت رحاب مع بزوغ الشمس وحست على الممرضه الي تغير المغذي لها رحاب قطبت حواجبها يوووه انا وين اف تذكرت
وتناظر الممرضه:انا متى جيت هنا
الممرضه سعوديه:امس الظهر
رحاب:اف من امس الحين ايش المغرب ولا الفجر
الممرضه:لا تو الساعه سته الصبح
رحاب تناظر لسلمان :يوه ذا منين طلع
الممرضه:هذا زوجك
رحاب:ايه
الممرضه:صراحه حسبته جن عليك انت لو تشوفينه كيف كان يركض واحنا وراه ماقدرنا نلحقه وكيف دموعه وخوفه عليك
وجالس من امس انتهى دوامي وهو مانام والممرضه المناوبه تقول انه صلى الفجر ونام
رحاب تبتسم :لاانا بس باتغلى عليه
الدكتور دخل الساعه عشره وصحى سلمان
الدكتور:ازيك دلوأت يابت
رحاب:الحمد لله
الدكتور:حاسه بحاقه كده ولا كده
رحاب:لا
الدكتور:على العموم احنا عملنا الأشعات اللزمه والفحوصات وكل حاقه سليمه ان شاء الله
الظهر وقع سلمان على الخروج وطلع وطلعها بكرسي
في السياره
سلمان:رحاب
رحاب مستحيه من الي صار بس فرحانه:هلا
سلمان: اي مطعم تبين ؟
رحاب:لالاوديني للبيت
سلمان:والله مو بكيفك انا قلت بنتغدى يعني بنتغدى ولا بتحرميني وانا ماصدقت على الله نصير لحالنا
----------------------
جراح:يبه ترى قلت لمشاري وهو بالطريق حرام تركناه لحاله بالشرقيه
فهد:الله جابه علشان بنطلع بعد شوي كلنا للحكير لاند (مدينة العاب)
جراح:والبنات يضلون لحالهن
فيصل:حتى البنات بيروحون حرام لازم نونسهم
جراح:كيف رحاب للحين ماطلعت وكيف ناخذها معنا
سامي:ماعليك ندبرها
--------------------
هنوف:ريم وش فيك
ريم:مافيني شي مغص خفيف
هنوف:ريم وجهك اصفر وعيونك ذبلانه قولليلي وش فيك
ريم وعلى غير المعتاد:اقولك مافيني شي ودق جوالها هلا نواف ايه زينه مافيني شي وبصوت متضايق ايههه زينه
هنوف:وش فيك انهبلت تكلمينه كذا تراه يسال عنك وانت تصارخين
ريم:هنوف قومي روحي غرفتك احسلك
هنوف:استغفر الله العلي العظيم وقامت
--------------------
في المطعم
سلمان:ابفهم انت كيف طحتي
رحاب بحيا:طحت زي كل الناس الي يطيحون
سلمان بابتسامه:اها قلتيلي اجل مين الي راكب النخله
رحاب بحالميه:تدري اتمنى اني كل يوم اطيح وانكسر علشان اشوفك قالت كلمتها الأخيره بعبره خانقتها وهي تتذكر صعوبة
الفتره الي مضت بينهم
سلمان حاس بالذنب:سم الله عليك ليته فيني ولا فيك يابعد عمري ليه تقولين كذا انا كنت مشغول واختبارات
----------------
مشاري:السلام عليكم ورحمة الله وبركاته وهو يصافحهم
ابو سلطان:هلا ياولدي حياك تفضل
مشاري:الله يحيك ياعمي
ابو سامي:اهه هذا هو سلمان تو الناس وينك من اليوم
سلمان:قضيت شغل وبعدين جبت بنتك المصون الي هي زوجتي
ابو سلطان:وش شغله يعني تبي تقول انه من المستشفى للمزرعه سيده
سلمان:اف ياذا الشيبان الي يسالون عن كل شي
الكل:ههههههههه
------------------------
سلمى:الا صدق ياام سلطان انت ماعندك بنات
ام سلطان :لاوالله ماعندي بس بنات اختي معوضاتك
سلمى:اصلا حريم العيال عله على القلب
ام جراح تناظر امل من تحت لتحت تشوف ردها امل تضايقت وانحرجت مره وبسمه بان عليها الغضب
ام سلطان:والله انهن مثل عيالي ماافرقهن عنهن
هيام انقهرت من امها:ترى امي تمزح ماقصدها
ام سامي:لاوالله حنا عمرنا ماغثينا خالتي الله يرحمها وتغمز لها الا انك غثيت خالتك هذا شي ثاني (مزحه بردحه)
الكل:هههههههههه الا سلمى مو عاجبها
ام سامي :تراي امزح موتاخذين بخاطرك مني والله انك اصيله وبنت ناس
سلمى بغرور :اكيد اكيد
الكل كان بيموت من هالمخلوقه ثقيلة دم ومغروره
ام جراح:يالله يابنات يقولون مشينا بسرعه لااحد يتاخر
سلمى:وين
ام جراح تدري:وانا وش يدريني مدري المهم نروح نتمشى ومشت وخلتها
----------------
بحديقة الألعاب
ابو سامي:خليكم مع بعض تتمشون مو كل واحد لحاله
فهد:لالاانا عندي اعتراض كل واحد وزوجته
ابو جراح:تو بعدكم ماصرتو
جراح:لايبه حرام خليهم مساكين
سامي ينغز عمه :عمي الله يخليك عشان يفضىلي الجو
ابو جراح:ياولدي مو وقته
فيصل:عندي حل بالبدايه كل واحد ومرته وبعدين قريب الساعه تسعه نجتمع ونتعشى ونسولف ويالله مع السلامه
ابو فيصل:شف شف العيال الملقف وراهم مايعقلون
ابو جراح:هذي المره وبس بعدها مافيه
فيصل اخذ امل من يدها ومشى وبعدها الكل تشجع وراح وهو ومرته حتى الشيبان
ضلت رحاب لحالها كان سلمان يناظرها يدري انها راح تدوره فيبي يشوف ردة فعلها لو تاخر
رحاب تتلفت يمين وشمال وتطلع الجوال وتدخله وقرب منها بدون ماتحس عشان يشوف وش جالسه تسوي ماسكه الجوال وحاطه
على اسمه(سلمونتي)وفي دمعه بعينها منقهره ومحتاره تتصل ولا لا وفجاه ايد تمسكها شهقت سلمان وينك ليه تاخرت
والدمعه الي بالعين صارت على الخد كلهم راحو وخلوني وانا ضليت بلحالي
سلمان بضحكه خفيفه وينزل لمستواها:يابعد عمري انا من اليوم وراك ابشوفك تتصلين فيني ولا لا
رحاب تمسح دموعها:مو انت قلت لاتتصلين الا اذا فيه شي ضروري
سلمان يتالم من هالكلمه:يابعد عمري انا اسف وين تبين نروح
رحاب:اي مكان بس معك
وهم يتمشون كانو يوقفون عند كل لعبه لأنهم مايقدرون يدخلون علشان رجل رحاب المكسوره
سلمان واقف يتامل كل حركه من رحاب وبنفسه احس اني غبي ولا احد يشك بهالملاك معقوله رحاب تحب غيري
رحاب قطعت تفكيره:سلمان خلينا نروح نجلس ماتعبت مني
سلمان بحنيه:لا انا اتعب من كل شي ولا اتعب منك
رحاب:بس انا ابيك تجلس بلا مجاملات خل نروح هذيك الطاوله
جلسوا وجاب كوب شيبس وعصير لهم
----------------------
فيصل:امولتي وش تبين فشار ولا كوب ذره
امل:اي شي
فيصل اخذ كوب ذره يدري ان امل تحبه وقاعد يتمشوون
فيصل:امل تركبين قطار الموت
امل:نعم وشو ليه مجنونه وش قالولك عني بايعه عمري
فيصل:هههههههه صحيح اثرك خوافه
امل:قول الي تبي دخله ماني داخله
فيصل :ياربي وبصوت واطي وقريب منها امل احبك امووووت يالدلوعه
امل استحت وتضيع السالفه :انا دلوعه اجل انت وش
------------------------
سلطان :لا والله ولدي وانا الي بسميه
سميه:انا الي جايبته واثنينا نسميه
سلطان:طيب وش رايك باسم صقر
سميه تناظره :صادق انت ليه وين رايحين فلم بدوي
سلطان:عشان يصير مثل الصقر
سميه:لاعز الله رحت فيها
سلطان بحالميه:ياويلي انا الي رحت فيها ولا احد يشوف هالعيون ومايروح فيها
--------------
مشاري:ههههههههههه اجل لو شايفه شكلك يوم دخلت كان صحيح عذرتيني انا اتوقع من اي عروس ابتسامه اما انت
قابلتيني بدموع ياشيخه روعتيني قلت اكيد ماتبيني
امال:يوه مشاري خلاص تنكت علي من اليوم
مشاري:يابعد عمري اسف انا الغلطان المفروض ماارسلك الورد والبطاقه تعرفين عاد مطفوق ويحب هههههههه من الصدمه
صدمت بباب غرفتي
امال:هههههه ياحضك بباب ولا بمرت عمي بغيت امووت من القهر يوم صدمت فيها حضرة جنابها ماتحب احد يلمسها
مشاري:ههههههههه
------------------
ابتسام:ماشاء الله انت سويتها (الصوره الي بالأيميل)
فارس:افا اجل تبين احد يشوفها علشان اقتله بمكانه ولا يشوف قطعه منك
ابتسام بحيا:شكرا
فارس:شف ذا البنت تقول شكرا
ابتسام:اجل وش اقول اسفه
فارس يناظرها بأبسامه:لاقولي يعطيك العافيه ياحبيبي يابعد عمري
ابتسام:لا والله
فارس:ليه مااستاهل
ابتسام ساكته ويتمشون
فارس:ابتسام مارديتي مااستاهل هالكلام
ابتسام بغنج :فاااااارس وش هالكلام استحي
فارس:خلاص قوليها مره وحده عمري ماسمعتها منك
ابتسام:مو لازم تسمعها اهم شي تكون موجوده
فارس:صدق اجل قوليلي وش خسرانه
ابتسام:ياحبيبي يافارس تو لاحقين على هالكلام
فارس:نعم وش قلتي
ابتسام شهقت
فارس:هههههههههه
------------------------
سامي والجوهره طول الوقت ساكتين ويمشون
سامي:الجوهره
الجوهره:هلا
سامي :ليه ساكته ليه ماتتكلمين
الجوهره:00000
سامي:انا صحيح غلطان اني ماجيت حتى مااسلم عليك ولااعطيك هديتك بس انتي تعرفين الظروف ولا انت ماغبتي عن بالي
اغمض عيوني وانت فيهن وافتحهن وانت فيهن بس خايف ماتعذريني
الجوهره بدون نفس:لالا معذور
سامي:يمسك يدها وهو ماشي:يابعد عيني انا عارف انك زعلانه وصلني "الجوهره استحت"بس والله انك لو تدرين
شقد احبك وافكر فيك انتظر بس اليوم الي راح اشوفك فيه احس اني يوم افكر فيك اني بعالم ثاني كثير حسيت انك رافضتني
الجوهره باندفاعيه :انا لالا والله مو قصدي كذا بس كان ودي اتعرف عليك اكثر
سامي حس بارتياح وكملو كلام ومشي
----------------------
فهد الي مو بالدنيا الناس تناظرله يضحك بصوت واطي بس واضح السعاده الي تشع من عيونه
بسمه:واو الرياض اهلي
فهد بتنهيده:اه ياانتي ياهلي
بسمه تضحك :فهد لا تفشلني
فهد نقع ضحك :وذي بعد من قايلها لك
بسمه زعلت :تضحك علي تحسبني مااعرف لكلامكم
فهد:لا مااقصد من فمك زي العسل
-------------------
ابو سلطان:وش بك جلستي تعبتي ليكون عجزتي
ام سلطان:اسكت عاد يالشباب
ابو سلطان:صدق الزمن تغير اول اتحداك تقولين هالكلام الحين ماعاد احد يخاف زي اول
ام سلطان:لك الهيبه والقدر ياابو سلطان
ابو سلطان يجلس :تبين الصدق من قبل وانل ابي اجلس كبرنا ماعاد فينا حيل
------------------------
وعد تمشي مع ابو جراح وام جراح وجراح وجوري
جراح:تعالي جوري انت ووعد خليني العبكم
وعد:لالا انتم روحوا انا بضل هنا
جراح:افا بس ومن قال بنخليك يالله قومي بسرعه
جوري:ايه والله
جراح يقصد جوري:هيه هيه انت يالولد اشوف تمشين قبلي الي يقول بمعسكر تعالي تعالي بس
جوري:مقبوله وش حادك على المر الا الي امر منه
وعد:ههههه
---------------
سلمى:اف ياربي انا وش جابني
ابو فيصل:ياام فيصل عيب عليك تقولين زي هالكلام وانت مره كبيره المفروض ماتقولين هالكلام
سلمى :اولا انا ماني كبيره وثانيا انت شعليك جالس ومستانس وانا داخل مع هالعجز
هيام:يما حرام عليك والله انهن حبيبات ليه ليه انت ماتحبينهن
مريم:هيام لاتتدخلين
هيام:انت حسابك بعدين عند فيصل
------------------
ابو سامي :وش عندهم تاخروا
ام سامي:خلينا نجلس لسا ربع ساعه
----------------
هيام وهم يتمشوون وراجعين لمكانهم المتفقين عليه شافت جراح يلعب مع جوري ووحده ثانيه هيام ضلت واقفه وتناظر بقهر
لين خلصو اللعبه ومسكت جوري :جوري جوري تعالي
ناظر جراح بطريقه غريبه مين تنادي اخته
هيام:جوري تعالي انا هيام
جراح سمع اسمها على طول التفت بس بادب نزل راسه وعد انتبهت وجراح الي يناظر بطرف عين وفكره وقلبه عندهم
هيام:جوري مين هاذي الي معكم
جوري:هاذي وعد بنت خالتي
هيام:ايه خلاص روحي احسبها الجوهره
جوري ليه ماشفت الجوهره راحت مع سامي
هيام طنشت السؤال وراحت بس هي ضيعت اهلها الي مانتبهوا انها مامشت معهم ورجعت لمكان اللعبه الي كانو عندها
جوري وجراح ومالقتهم
جراح:جوري وش تبغى منك الحرمه
جوري ترص على يد جراح بمعنى بعدين وضلت ساكته
هيام تمشي خايفه ودموعها كب وتمشي بدون انتباه
الكل موجود عند النافوره
ابو سامي:العشى تصويت ياداخل المنتزه يابرى باي مطعم
ابو فيصل :انا اقول لو نصوت على كم مطعم احسن
ابو سلطان:اي والله احسن داخل المنتزه كل شي غالي
ابو فيصل:اسمعو عاد الصراحه البنات عندهن ذوق في الأكل نسالهم اول
الكل:ههههههههههههه
ابو فيصل:هايابنت هيومه وش تبين اي مطعم وينك
مريم بخوف:يبه هيام مو معنا مو موجوده
ام فيصل:كيف مي موجوده
ابو فيصل:هيام هيام
ابو فيصل وفيصل وفهد وجراح لحقهم مايقدر يضل واقف راحو يدورونها
مريم تبكي وسلمى تهوشها مرتبكه مو قادره تفكر
الجوهره خايفه مره مو قادره توقف على رجولها اجلست على الأرض
بسمه:الجوهره شفيك
سلمى:عن العياره بترد ان شاء الله لاتوخوني انا من الأول مدري وش جابني معكم ليتني
سكتتها ام جراح:صدق انك فاضيه خلينا نلقى البنت اول وبعدين تفخفخي حضرة جنابك
ام فيصل:يوه حنا قلنا حريم العيال طلعن لنا امهاتهن
------------------
فهد في جهه وفيصل في جهه وابو فيصل واقف ويناظر بدقه يدور وجراح كان بيطير من كثر ماهو مطير عيونه بين الناس
هيام تمشي تايهه ماتدري وين توجه الحين لو تشوف اي حارس امن عشان ينادي باسمها والمشكله انها بعد نست جوالها
ابو فيصل يدق على جوال هيام وماترد كان بينفجر من الخوف والقهر وفجاه ردت وحده من الخادمات بالمزرعه
هيام ميته من الرعب وبنفسها هذا زول ابوي لالا مو هو يالله وش جابه لأبوي هذا بعد وتمشي بسرعه علشان تتاكد هذا
جراح والله جراح
جراح يشوف وحده تجي بسرعه لمه معقوله هي وصار يمشي لها بسرعه ايه هذي هي وهذي شنطتها الا والله وبنفس الوقت
جراح :هياام \ هيام :جراح
هيام ورجعت تبكي:جراح وين اهلي انا خايفه بغيت اموت من الخوف
جراح:لا يا وسكت وبنفسه لا يابعد حياتي كلش ولا هالكلمه :امشي وراي بنروح لهم واتصل بجواله على العيال
وخبرهم وعلى ابو فيصل بعد
اول ماشافو جراح وهو جاي ووراه شوي مسافه هيام طار لعندها فهد هيام تحسبه يهاوشها
فهد:وين رحت روعتينا عليك
هيام تبكي:صدق
فهد بفرحه:هههههههههه انت كله تبكين
فيصل:جراح وشلون عرفتها
جراح:قل هي الي عرفتني ماشاء الله عليها
المهم اتفقوا على مطعم اورشال والي اختار هيام والجوهره
بالمطعم
سلمى تنغز بنتها:عسى ماسوى لك شي
هيام بصوت اوطى:يما لااحد يسمعك جزاه خير حتى مامشا وراي او جنبي مشى قدامي وجراح اخلاقه عاليه مايسوي هالسوايا
امل كانت جنبهم:فشله لا احد يسمعك هيام
عند الرجال
ابو فيصل:كفو ياولدي جزاك الله خير
جراح:ماسويت الا الواجب ياعمي والله يشهد اني اخاف واحافظ عليها مثل اختي
فيصل منتبه وبنفسه جراح ليه ماقال انها مثل اخته قال انه يخاف عليها مثل اخته
فهد:فيصل وين رحت
فيصل:قريب ماابعدت
جراح حس ان فيصل مو عاجبه الي صار عشان كذا امسكه لما طلعو :اسمع يافيصل انا عارف انه من الغريب اني القاها
بس والله انها هي الي عرفتني وبتكون غبيه لو ماعرفتني
فيصل يقطع كلامه:وش فيك يارجال بدون حلف انت رجال وقد افعالك وكلامك وانا اعلم بااخلاقك الي ماتسمح لك تسوي شي غلط
جراح:تسلم وهذي هقوتي فيك
--------------------
لما رجعوا للبيت الكل نام الا البنات والعيال بعد نامو الا جراح يحسبونه نايم بس هو صاحي
البنات كلهم اجتمعن في غرفه وحده علشان تضبط السهره على قولتهن
وعد:ههههههههه الحين يوم انك تهت ليه تبكين كل هالكبر وخايفه والناش حولك وحواليك
بسمه:وعد ياويلك من الله لو انت شتسوين
وعد:يوه انا تعودت على المواقف هذي
الكل سكت شوي وبعدين بسمه:شرايكم انا جتني فكره حلوه وفجاه رن الجوال
الجوهره:هلا جراح ان شاء الله طيب وسكرت جوري يبغاك جراح
جوري:يوه مو وقته
بسمه:يالله بسرعه روحي وبس تجين اقول الفكره
جوري بسرعه راحت لجراح:هاه وش تبي
جراح:هلا والله بجوريتي
جوري:الله الله قول قول وش تبي
جراح:جوري وجع انا اخوك الكبير ليه كذا تكلميني
جوري :زين اسفه
جراح:ايوه يابت اتعدلي كده امال
جوري:يالله بسرعه جراح وش تبي
جراح:اقول اليوم هيام اليوم وش سالتك؟
جوري:اها كذا
قطع كلامها جراح :وجع اخلصي
--------------
بسمه:خلاص نام
جوري:نام
رحاب:يانذلكم بتخلوني
سميه:طبعا لا هذي عباتك جبتها
هيام:يمه انا خايفه والله مكشوفين
وعد:ماعليك مابنطول
ابتسام:بسمه لاتورطينا تعرفين تسوقين
سميه:بسمه انتبهي هاذي سيارة ابوي لو درى بنروح فيها
جوري:يمه يمه وتمط بوجهها بوجه رحاب خايفه
رحاب:انقلعي
طلعو البنات كلهم الي لابسين ثياب وعد وهيام وبسمه
بسمه:اقول
قاطعتها الجوهره:كلمتي لا تسرقينها
الكل:هههههههه
هيام:الله يستر من ورا هالضحكه
وعد:الي مو قد الثوب ترميه
بسمه:يعني شلون
الجوهره:يعني منتي كفو
سميه:لا حيل فهمت
بسمه:لا كفو
الكل:ههههههههههه
بسمه:تعلمت لا تضحكون
المهم في جمس ابو سامي
هيام بصوت رجولي :ها يابنات وين تبون نروح
رحاب:السوبر ماركت
سميه:الأفضل ماننزل
ابتسام:يوه اجل وش قام منها
امل:وناسه لو اكون ولد
امال:وع لا والله
وعد:بسمه قربي من السياره الي فيها بنات و يسوقها السواق
بسمه تقرب وهي تضحك ووعد تفتح الشباك :ايوه ياحلو عطنا وجه طبعا وعد مو باين الا عيونها البنت على طول فتحت الشباك
وعد غمزت لها البنت على طول جت مجاوبه بضحكه وتناظر الي معها
السواق:ياكليل الأدم ماتستهي
الجوهره:ههههه هلا والله
بسمه بضحكه:الجوهره هذا نفسي لا تتكلمين عليه
رحاب:وعدووه بسك الحين ننكشف
وعد رمت عليهم ورقه وبعدها السواق اسرع بعيد
الكل:ههههههههههههههه
سميه:ياخبله رقم مين
وعد:سواق بالجامعه
الكل:ههههههههههههه
هيام:انا بدون غطى احس اني مو لابسه شي
بسمه:بننزل شوي وبسرعه نرجع للسياره قبل ماننكشف
وعد نزلت اول وحده طبعا وعد الي مظبطه الدور في السوبر ماركت قشو البنات قش على حساب بسمه الي رجعت نص الأغراض
لأنها مو جايبه فلوس كفايه
امل:خلاص كفايه ان شافو كل هذا بيعرفون انه فيه شي
جراح ماقدر ينام ينام شوي ويجلس شوي بعدين
قرر يطلع يتمشى
سامي:جراح وين رايح
جراح:بطلع اتمشى شوي وانت شصحاك
سامي:بروح لدورة المياه وبرجع انام
جراح:اجيبلك شي معي
سامي:لا شكرا
جراح تمشى شوي وبعدين وقف عند السوبر ماركت وهو نازل انتبه لسيارة جمس تاكد من رقمها سيارة عمه مين ماخذها
لالا مو معقوله سامي لحقني اكيد احد ثاني ودخل وشاف جوري ومريم والشله واقفين يحاسبون جراح انصدم وماقال ولا كلمه
وطقها لطمه عشان مايعرفونه المهم بسرعه وعيونه عليهم اخذ الي ييبي من مكان قريب من الكاشير ووراهم على طول ومن طلعو
مسك وحده من الي لابسه ثياب بطريقه ماتلفت الأنتباه :مين انتي وفك اللطمه عن وجهه البنت الي ماسكها حاولت تتفلت وبشهقه
جراح:اكيد الجوهره واخيرا حققت امنيتك ناظريني
البنت لافه وجهها لأنه لو ناظر عيونها الرمادي بيعرفها على طول
جراح ابعد الشماغ من وجه البنت وانصدم:هيام
هيام نزلت دمعه سريعه وجراح للحين مو منتبه انه ماسك ايدها
هيام: الله يخليك جراح لا تقول لأحد
جراح:وش اقول اقول لقيت بناتنا تتمشى بالشارع ولابسين لبس رجال ولا بعد تصير المواقف هاذي كلها بيوم واحد اكيد متفقين
هيام:جراح اترك يدي لو ضليت شوي بتكسرها
يناظر جراح ليده وبسرعه يترك يدها ويرجع لثمتها ومو باين غير عيونها
جراح:مين معك
هيام:كلهم
جراح:ومين لابس غيرك ثوب
هيام:وعد وبسمه
جراح:بسمه ماهقيتها منك وسكت انا لازم اقول لفيصل
هيام باسف:جراح شهالنذاله والله لو يدرون بقطعوني
جراح:بشرط
هيام:اطلب الي تبي
جراح:ابيك تجاوبين على سؤال واحد بس
هيام:وش السؤال اكيد مين جاب الفكره
جراح:لا بلين يناظر عيونها اذا جيت اخطبك توافقين
هيام مصدومه :جراح ونزلت عيونها الجارحه
جراح:جاوبي ومابزعل من الجواب انا خلاص مليت نفسي مره اكلمك بصراحه وعفويه بس مااقدر وماعندي الجراه
والخوف من رب العالمين كان اكبر من اني اسوي شي زي هذا وانا عندي خوات لازم احافظ عليهن وبقولها لأول واخر مره
وماعاد اشوفك ولا اكلمك هيام انا فعلا همت "وبتنهيده"في حبك راح جراح بدون مايسمع رد
اشر للسواق بسمه تمشي وراه
ركب السياره وهو يفكر ان هذا الشي صح ولا غلط وحاس بالذنب والحيا يعني لازم اكلمها كذا لالا لازم تعرف مقدارها عندي
في سيارة البنات دخلت هيام وجهها مقلوب
جوري:اف وش قالك جراح
هيام:ايا الخايسات مافيه وحده منكن جت تطلعني من هالموقف طبعا جلس يهاوش ويحقق
بسمه:انا مستحيه منه وخايفه
الكل:يمه خاف يعلم علينا
هيام:لا تخافون وش بيقول الله يستر بس
الجميع وقف عند باب الفله وهات ترزيله من جراح :صدق انكم ماتستحون ولا هاذي سواة والله لو احد ماسكم من الشباب او الشرطه
صحيح تصير فضيحتكم بقلاقل وانت ياوعد امك مامنتنا عليك وش بنقولها لو صار لك شي وناظرهم وتخيلو لو صار لكم شي
لاسمح الله شيبقالي من الدنيا اذا اعز الناس غابو
جوري لاشعوريا:كمل وحبيبتي
جراح بصدمه مسك جوري من اذنها :انت نص نصيص من قالك تكملين عني فوق شينه قوات عينه وبصوت واطي يالله قدامي قبل
لا احد يصحى على المصيبه المهببه
جوري:متاثر بالدكاتره المصريين
الكل:ههههههههههه
جراح:خليكن عاقلات احسن ولا ترى بكره
الكل :لالالالا اسفين
جراح:ايه خليكم مؤدبين
هيام مو قادره تنام تفكر في الي صار اليوم اكيد انجنت عشان تسوي كذا والله لو يدري فيصل ليذبحها
الفكره ارعبتها وبصوت عالي:يماااااا
مريم:وش فيك
هيام:انتبهي احد يدري ترى بنروح بستين داهيه
مريم:لا ماعليك المره مشتركين يعني اطمني
---------------
امل:تتوقعين جراح شقال لهيام
امال:املوه خلي البنت بحالها
امل:انا احس انهم يحبون بعض
امال:ياخبله وين راح يشوفون بعض بالحلم ولا بالصوت ولا بالأسم
امل:كل هذا وارد
امال:نشرة اخبار صايره وتقلدها"كل هذا وارد"نامي احسلك نامي انت وهالأفكار
---------
جراح:سامي قوم قوم صلاة الفجر
سامي بتثاقل:يارب انا كل ماافتح عيوني انت بوجهي
ابو سامي:لااله الا الله ،يالله ياعيال قوموا اذن الفجر
سامي:جراحوه وش عندك مانمت عيونك بتنفقع
جراح:اقول امش لا افقع عيونك
فهد يمسح وجهه بفوطه:لا ياماما مش كده لحسن اختك تزعل عليك
جراح:فهد يمه متى صحيت مانتبهت عليك
فهد:طبعا كنت سرحان بس وين ماادري قمت قبل الأذان على المنبه في الجوال انت اليوم مو على بعضك شفيك
والله جد ماامزح فيه شي مضايقك؟
جراح:كبرتو السالفه كل السالفه ومافيها اني مرهق وعندي ارق متعود على كذا خاصه بوقت الأختبارات
فيصل وهو قايم:جراح انا شفت بشعرك شيبه واول الشيب شعره مشيبه
جراح:شف هذا وش يقول انا اوريك وانت وين شفت شعري
فيصل سفهه وطلع
مشاري:يارب حتى على الصلاة تتهاوشون ويرفع راسه لهم وعين مفتوحه والثانيه مغمضه الا صحيح صلاة الفجر ولا المغرب
سامي:مافيه مشكله انت تختار
الكل:هههههههه
سلمان:يالله صدق انكم مزعجين اطلعو برا واضحكو
جراح:هي انت قم بسرعه راح تروح عليك الصلاة قومو سلطان فارس يالله عاد
سامي يقوم ويحط فاين باذن فارس لأنه ثقيل نوم
فارس وهو نايم وشكله عصب كفايه :سلمانوه ابعد احسلك تراي متعلم كم حركه من فهد وشكلي بطبقهن
الكل:ههههههههههههههههههههههه
سلمان وهو قايم:فارس قم ترى فهد بيحط فاين بين اصابع رجليك وبيولع فيهن
سلطان يسحب البطانيه ويتغطى وفهد يسحبها منه
ابو جراح:يالله ياعيال للحين ماقمتو
سلطان:يالله قايمين
فهد:تكلم عن نفسك يابو الشباب
سلطان:طيب انا اوريكم اف يكرهون الواحد بالنوم
الكل:هههههههههه
-----------------
هنوف:ريم ريم وش فيك تونين قومي لاتروعيني عليك
فواز :ماما انا دوعان"جوعان"
هنوف وهي مره قلقانه على اختها:قوم انا اروح اسويلك توست
سنا:وانا انا ابي
هنوف:اووف وانا فاضيه لكم
طلعت هنوف من غرفتها :يما ريم تعبانه
امها:عجزت عنها ابيها تروح المستشفى وهي رافضه
وفجاه سمعو صياح ريم الي كان قاعد والي نايم الكل صحى وجا واخوها وداها المستشفى مع امها
فواز وسنا يبكون ورا امهم وهنوف تبكي وماسكتهم
----------------
سلمان:يالله تفضلو للفطور
ابو جراح:اليوم بعد صلاة الجمعه بنمشي ان شاء الله
ابو فيصل:وانا معكم
ابو سامي:لكل حادث حديث وقام انا باكل وانتم بكيفكم
الكل:ههههههههههه
وعلى الفطور جراح باين عليه التعب والأرهاق وعيونه حمرا والكل كان يتكلم الا هو من كثر التعب وفجاه قام
جراح:مافيني شي بس تعبان صابني ارق وخلاص مااقدر افتح عيوني وراح والكل منتبه عليه
ليست هناك تعليقات:
إرسال تعليق