في المزرعه
مها:بشاير تعال هذا جناحك انت ومشعل
بشاير تذكرت مشعل :شكرا
وراحت مها ومشاعل لجناحهم وبشاير بعد
بشاير اول مادخلت الغرفه بنضامها الحديث بطابع ريفي حتى الشمعدانات بالغرفه شكلها من العصور الوسطى وحتى الثريات الي
على شكل فانوس ولا السرير كانه قصر شهريار "زوج شهرزاد"كان شكله مره حلو مستطيل وعريض شوي وبجوانبه زي الأعمده
الي مركب عليها مثل الستاره خمري مخمل مربوطه وطايح منها شيفون بنفس اللون والرباط ذهبي وطبعا السرير بتوصله بعد درجتين
وصاير بنص الغرفه يعني درجتين من كل جهه الا من جهة الراس فرحت كثير بس ماحبت تتعود على النعيم وقعدت ترتب اغراضها
بالخزانه واغراض مشعل باتقان بعد ماخلصت فتحت البلكونه تو مافيه احد يعني عادي بدون غطى كانت مره فرحانه بالمنظر لدرجة
انها ماحست يوم انفتح الباب
شافها واقفه تناظر والفرحه ماليه عيونها فرح لأنه يشوفها فرحانه جا مشتاق وده يحضنها بس على طول محى هالفكره من راسه بعد
الي صار ذاك اليوم انتبهت عليه وبعد صمت والتقاء النظرات
بشاير:مشعل تعال شف المنظر يذكرني يوم كنا بتركيا
مشعل تذكر كلامها عنه بتركيا ابتسم:احلى ايام حياتي
بشاير بنغمه حزينه :حتى انا وصدت بسرعه قبل لا تجيب العيد
مشعل لبس لبس ثاني علشان يركب الفرس حقته مسميها سندريلا
مشعل:بشاير ماتبين تشوفين سندريلا
بشاير وهي معصبه:ومنو هذي
مشعل شم ريحة غيره :ياويلي تهبل لو تشوفينها امش معاي بس غيري ملابسك خليها سبورت انتظرك عند الباب وطلع
---------------
طلبتك بس لو تسمح ... تناسى غلطتي واسمح
ترى والله مب قصدي ... أكدّر خاطرك وأجرح
أنا أحبك أنا أغليك ... أنا كلي متيم فيك
يا كيف ازعلك مني ... وأنا اللي همي بس أرضيك
تأكد أني ما أقدر ... على بعدك ولا أصبر
إذا تبعد أنا بجيك ... وإذا تزعل أنا أتكدّر
أوقّع وأعترف وأبصم ... بأنك في عروقي الدم
وفي كوني وتكويني ... حبيبي حبك الأهم
تقبّل يالغلا عذري ... جرحتك دوم أدري
سلمان دخل وشافها قاعده تقرا قران بعد ماصلت الظهر وبعد ماسكرته قامت
سلمان بابتسامه:اخبارك ايه حبيبي
رحاب ماردت تتصنع الزعل
سلمان:من تغلى تخلى
ولا مجيب
سلمان ويجي ويحضنها من وراها :لا عاد رحوبه حرام عليك هذي جزاتي اني اعترف لك بخطاي اقولك كنت بموت من الغيره
وانت تزعلين المفروض تفرحين لأن زوجك حبيبك يحبك اكثر من عيونه
رحاب بقسوه:ومن قال انك حبيبي
سلمان:اه وه ويبتعد عنها يالقاسيه
رحاب تبقق عيونها وشهقت:انا نسينا ماكلينا
سلمان:تدرين وش ودي اسوي
رحاب:ايه
سلمان:لا مو ودي الا بسويه ماخليه بنفسي وشالها ويدور فيها وباعلى صوت:والله احبااااااااااااااااااااااك
رحاب بضحكه:صمختني
سلمان وهو ينزلها وانفاسهم سريعه من الحركه ويقرب منها لين صارو واحد وطوقها بايدينه عن تبعد :امووت انا بهالعيون
رحاب بحيا وخدودها حمرا:تسلم عيونك
------------------
مشعل:اخيرا طلعت وبسرعه انتبه "لابسه بنطلون جنز فاتح وبلوزه عشبي"اخضر فاتح"جبنيز ولامه شعرها ذيل حصان
عجبه مره وهو كان لابس بنطلون اسود فيه خط رمادي وتي شيرت رمادي وعليه كتابات بالأسود جسمه الرياضي وطوله
خلاه جنان وهم يمشون وقربو من الخيل
مشعل:تعالي شوفي سندريلا
بشاير:ياسلام هذا وانا مرتك وتقولي عنها
مشعل نقع ضحك ودخل وجاب فرس جمالها سبحان رب خلقها بيضا ومحجله وشعرها الأبيض واطرافه الرمادي
مشعل باابتسامه:هذي سندريلا
بشاير بنفسها"اشو"ياي صدق سندريلا
مشعل ركب عليها وبدا يمشي خفيف وبدت تسرع لين صارت تلاعب الريح
بشاير تناظر ومتكيه على الحاجز :ياربي كل يوم يمضي وسكتت تناظر جماله مع الأسود ورشاقته ولا شعره ابتسامته
شافته قرب ومشعل انتبه لنظراتها:بشاير تعالي اركبي
بشاير:لا اخاف
مشعل:ماعليك تعال راحت وهو نزل صار قريب مره لدرجة تحس بانفاسه حطي يدك وامسحي عليه وبعد خوف ومحاوله
مسحت عليها وبدورها سندريلا قربت منها وبشاير تناظر لمشعل بفرحه الي ركب:يالله بخليها تمشي خفيف
بشاير:بس انت مشيها
مشعل بنفسه "ايه زين"وبسرعه ركبها بحضنه وبدى يمشي
بشاير:مشعل
مشعل:نعم وش بغيتي
بشاير استحت وسكتت يعني عشانها مستحيه من قربه تنزله من فرسه
بدت تسرع شوي اول مره تحس نفسها ماتخاف وبدت تلاعب الريح حست بفرحه وبانت الأبتسامه
مشعل يشيل بكلت شعرها وهي تناظره وشعرها الطاير وبقمت سعادتها وماتدري وش فيه يلمه بنفس الجهه
بشاير مصدومه واول ماوقفت الخيل وبدت تبطا بمشيتها:مشعل ابي انزل
مشعل:هههههههههههههه ادري وقف ونزلها وهو بعد نزل واخذ بيدها تعالي بوريك المزرعه ووراها جزء جزء لين وصلو مكان
لعب الأطفال جلست على المرجيحه وتناظره
مشعل يناظرها ويضحك
بشاير:ليه تضحك
مشعل:يعني حرام اضحك انا حر
بشاير سكتت وهي مبتسمه ومسحت فمها من بقايا بوسته الي انصدمت فيها
حست بارجحته هو يدفها مثل زمان ايه مثل زمان يدفها ويدفها وهو بكل سعاده
مشعل:بشاير تحبين المراجيح صح دايم انا الي كنت ادفها لك
بشاير:مانسيت؟
مشعل:وشلون انسى هذا الجزء من حياتي
--------------
نواف:هنوف انتبهي على العيال هو اسبوع وجاي يعني ان شاء الله مااطول ومصروف البيت والعيال ان شاء الله يكفي
واذا بغيتي شي اتصلي فيني
هنوف:نواف لو سمحت بروح اقعد عند اهلي علما تجي
نواف:بكيفك انت حره يالله مع السلامه وباس كل واحد من عياله وبعدين جا بيطلع بس رجع وباس هنوف
الي انحرجت وانصدمت بنفس الوقت وطلع
هنوف تضحك معقوله باسها وتقرص نفسها اكيد حلمانه
نواف وهو ماشي وبنفسه"انا كل يوم اتعلم درس منك ياهنوف وركب الطياره وهو قاعد ينتظر الأقلاع"انا لو
عندي اهلك ماعاد ارجع هذا دليل على قلبها المسامح
-----------------
بندر:عايشه شكلك مو عاجبني تعبانه فيك شي
عايشه:ياحياتي يابندر انت جاي من الدوام وتعبان وشايل همي انا بخير الحمد الله
وهو يبوسها:اذا ماشلت همك اشيل هم مين
عايشه بحيا:الله يخليك لي يارب
بندر:ويخليك لي يارب
---------------
كانو يشوفون التلفزيون قامت مها ومشاعل يقولون بيتمشون بس بشاير تقول تعبانه وضلت تناظر للتلفزيون هي ومشعل وامه
الي قامت تنام مشعل ماتكلم كان باين انه تعبان ماحس بنفسه الا منسدح وراسه على رجل بشاير شوي ونام بسابع نومه
على طول بشاير كسر خاطرها وبدت تلمع بعينها دمعه طاحت على وجه مشعل وهي تصحيه:مشعل قم نام بالغرفه اريح لك
مشعل:اممممم لالا بنام هنا
بشاير:يالله عاد مايصير بالصاله
مشعل انتبه وقام ووقف عند الدرج وناظرها:وانتى
وهي تقوم ويمسك ايدها وطلعو الدرج وعلى طول بدون كلام نام
بشاير بعد تعبانه لبست بيجامه ونامت
---------------
جراح كالعاده عند البحر وخاصه بعد ماتزوجوا خواته واصدقاءه ماعاد يشوفهم مره تذكر كلامه مع امه
ام جراح:ياولدي خذ بنت خالتك اقرب لك منها
جراح:بس انا مابيها احسها مثل اختي
ام جراح:يووه عاد جينا لهالخرابيط
جراح:انا احب هيام
ام جراح:افا ليكون تكلمها ولا شي مانرضاه على بناتنا مانرضاه على بنات الناس
جراح:لايمه تربيتك بس انا مره شفتها واعجبتني وماعدت افكر بغيرها ولو اخذ وعد بظلمها والله مااقدر
بتنهيده حس انها تفرغ القليل مما بداخله وحس بيد ترتب على كتفه:وش فيك ياولد العم
بفرحه يناظر وراه:وش دراك اني هنا
سامي:وهل يخفى القمر اتصلت عليك مارديت اكيد هنا وبعدين وش هالهم الي يخليك تتنهد كذا
--------------
صحت من النوم ياي يازين نومة السرير وشافت مكان مشعل فاضي قامت وخذت شور على السريع ولبست جنز ومعاه بلوزه ساتان
تركواز اخضر والكم جبنيز مخمل ومن عند الصدر بعد مخمل وفيها زرارات صغيره مشطت شعرها وحطت فيونكه بنفس اللون ونزلت
تحت وسلمت على عمتها والبنات وقعدو في المزرعه يفطرون مع بعض
ام مشعل:بشاير وين مشعل ماشفته اليوم وينه
بشاير:والله ياخاله صحيت مالقيته
ام مشعل:مااتصلت عليه شفتيه وينه، افطر ولا لا
بشاير وهي مستحيه:لا والله
مشعل وهو داخل:السلام عليكم
الكل:وعليكم السلام
ام مشعل:وينك يايمه افطرت ولا لا
مشعل وهو يناظر بشاير وبعدين امه :لا والله ماافطرت ورحت اشوف الفرس المصابه
مها:مشعل ياحياتي نبي نركب خيل
ام مشعل عطتها نضره:لا انا قلت لا البنات لا تطيحون وتتعورون
مشعل يرفع حواجبه بمعنى مااقدر غسل ايدينه وقعد جنب بشاير وتنهد بقوه:اه
ام مشعل:وش فيك يمه سلامتك من الأه
مشعل:فيه موضوع شاغلني ماني لاقيله حل
ام مشعل:ياولدي انت قضيت عمرك تفكير وهم افطر وتوكل على الله
مشعل وهو يمد يده ويسمي:ونعم بالله
بشاير حست بغصه"ايه انا السبب اه سمعتها مئات المرات منه تناظره وهو ياكل والله ودي بس كرامتي وخطتي يوه اي خطه
الي تفركشت احس بوجهه السموح طيبه وحنيه ليه يارب ليه
مشعل حس انها تتفحصه بنظره عميقه وتفكر حب يغير الموضوع لأنه شاف في عيونها الشفقه اخذ خبزه وحط فيها مربى وقشطه
ومدها لها انصدمت قطع عليها افكارها دوم كاشفها جت تبي تاخذها اشر براسه لا وقربها من فمها وهي بحمرة خدودها الي تزيدها
جمال وابتسامته العذبه فتحت فمها لا شعوريا وكلتها ويناظر هو ليده ويبسها اه
مشاعل:احم احم نحن هنا
مها:اه ياقلبي مشاعل دوريلي واحد رومنسي زي اخوي
مشعل:وجع عيب
مها:مدري عنك
مشعل بزعل:مهيوه عن قلة الأدب انا ماسويت شي حرام احسن من الي طايحين بالأفلام
مشاعل:والله ياخوي مية مره اقولك الفلم اذا مو زين مانطالعه
مشعل:زين زين خلاص غيرو الموضوع
----------------
رحاب:سلمان
سلمان بحب:هلا والله بقلبي ونور عيني وش بغيتي؟
رحاب بحيا:هلا فيك اليوم توديني لأهلي
سلمان:ياي على البخل
رحاب وتقعد جنبه على الكنب:سلمان
سلمان:ياروح سلمان وطوايفه
رحاب تحط راسها على صدره:اذا كنت انا روحك فانت روحي وكل مافيني ودوا جروحي
سلمان يطوقها:رحاب والله انك اخذتي قلبي ماتوقعت بيوم اني احب احد كثرك
رحاب:ولا انا
سلمان يحضنها بقوه:احبك
-----------------
نواف يفتح الباب ويدخل على باله انه مافيه احد والبيت ظلمى مافيه نور وتو بيفتح الضو الا انفتح مع صوت
هنوف وسنا وفواز :الحمد الله على السلامه
نواف بفرحه:الله يسلمكم وجا وباس عياله وشالهم كلهم وقف قبال هنوف وقريب منها:شخبارك هنوف
هنوف بحيا نادر وهي ترجع كم خطوه ورا:الحمد الله شخبارك انت
نواف بنفسه"تحرك ياحجر":بخير مادامني معكم انا قلت برجع البيت فاضي
هنوف:لا من امس جينا للبيت علشان اذا جيت نكون موجودين وهي رايحه للمطبخ :اصبلك العشى
نواف:ايه والله اي متقطع من الجوع ذبحني اكل المطاعم
هنوف بالمطبخ مسويه العشى ماتدري ليه تبي تلفت انتباهه يوه وش هالأفكار انا وين وهو وين جال براسها معاملته معها
بداية حياتهم يجرحها بكلامه بحركاته بكل شي غير الضرب صدق انه ماضربها الا مره بس يكفي التجاهل اه ياربي حياتي كلها
بؤس يمكن احسن شي صار لي "دور بذاكرتها"مافيه ماتتذكر شي زين بحياتها
كان واقف عند الباب ويناظرها يوم تاوهت كسرت خاطره ايه فيها شي متغير يمكن صايره تهتم بنفسها اكثر
قرب منها :هنوف وش فيك ليه تتاوهين
هنوف ماقدرت تحنق العبره اكثر تمسكها لكن جروحها كثيره غلبتها دمعه ونزلت بهدوء على خدها صار جنبها
ويمسح دموعها بحركه لا شعوريه حضنته
وهو مستغرب نواف:هنوف اهدي وش فيك
بعدة عنه وهي تذرف دموع وتمسح دموع وبصوت باكي:اسفه بس ماقدرت امنع نفسي من البكي انت مو فاضي لهالخرابيط
شالت الصحون وحطتهم على السفره الي مجهزتها قبل وجابت الباقي ونواف ساعدها
نواف:يعطيك العافيه من صدق سفره تفتح النفس
هنوف بابتسامه وتمسح بقايا دموعها:الله يعافيك صدق ولا مجامله
نواف:لاصدق وبدا ياكل وعيونه تسترق لها
هنوف تاكل وتأكل عيال اختها فواز وسنا
بعد العشى قعدو على المجلس العربي وسنا وفواز يلعبون وروز صحت جابوها عندهم وتلعب بايدينها والخرخاشه
هنوف جابت الشاي وهي تبتسم لروز الي عمرها اشهر وتصب الشاي وتمده لنواف:تفضل
نواف اخذها بابتسامه وياشر جنبه يعني تعالي اقعد جنبي هنوف الي قلبها صاير يرقع من تشوفه وقعدت جنبه ومسك ايدها بحنيه الأب
والزوج والأخ
نواف:ابسالك بس تجاوبيني
هنوف:طيب
نواف:بصراحه
هنوف:بصراحه اذا قدرت
نواف:ليه قبل شوي تبكين وتأوهت
هنوف بجديه:نواف مااحب اشوف نضرة الشفقه علي بعيون احد وتناظره ثم نزلت راسها خاصه انت
نواف مستغرب:اف اف قلبتيها شفقه لا مو قصد ياانسه لا قصدي مدام انا زوجك ودي اعرف الي مضايقك وبعدين مو عيب عليك
تنامين عند العيال لازم تنامين عندي "يعني عشان مايكسر بخاطرها"
هنوف بنفسها والله فيه تقدم :لا كذا اريح لي وتناظره ولك
نواف:ايه لا تضيعين الموضوع يالله قولي
هنوف:بس كنت اتذكر الماضي وادور على شي حلو فيه بس مالقيت كل حياتي بؤس وعذاب وتناظره
وبعدين انت شلك بعوار الراس والمغثه وقامت بشوف سنا وفواز راحت لقت سنا نايمه جنب العابها وفواز فاتح الفيديو وعيونه تفتح وتسكر
حطت كل واحد بسريره وغطتهم تاكدت انهم نامو رجعت لروز الي تلعب وبحركه سريعه فتحت شعرها وهي تمشي علشان تعدله
وهي داخله
نواف:خليه كذا احلى عليك ليه تربطينه
هنوف:انت مانمت
نواف:لا كنت العب مع هالخاينه ونامت وخلتني
هنوف:يالله قم نام تراك مزعجنا انا وعيالي
نواف ومره تعبان:والله اني تعبان يالله تصبحين على خير
هنوف:وانت من اهله خذت روز
نواف:هنوف تعالي نامي عندي بغرفتك
هنوف:لا يابابا تخاف ماعليك الموه ماتاكل
نواف:ياحبك لتصريف السوالف
هنوف:ههههههههه وراحت لغرفة العيال
----------------
لله يعيدك صحبة متون لمتون
يومه غفى برد الشتا بين الأمتان
طاح الحطب ماللحطب ورد وغصون
وهب الهوى كم للهوى حن خلان
ياللي عيونه لاشتهى كونها كون
ارفق على الي طاح فيديك ولهان
لاتقتله في ماقف بين الأجفان
والله احبك كثر ماجيت زعلان
قلي تهون وربك تهون وتهون
واقرب علي شوي كان انت بردان
طاح الحطب ماللحطب ورد وغصون
وهب الهوى كم للهوى حن خلان
مشعل وبشاير قاعدين بالمرجيحه الي مضلله في المزرعه برا ساكتين
مشعل:بشاير تدرين وش ودي
بشاير وهي مره نعسانه:وش ودك
مشعل:اعرف الي براسك
بشاير:حتى انا ودي اعرف الي براسي وقلبي وسكتت
كان يناظر قدامه وجمال المكان حس براسها يميل على كتفه فرحه لا تعادلها فرحه ناظر لها يبي يتكلم لقاها نايمه لو على كيفه
ظل الزمن كله كذا بس يخاف على عودها اللين يتعب حط يده
تحت رقبتها والثانيه تحت ركبتها وشالها وراح يمشي بشويش وحطها بسريرها وباسها وغطاها وقام يناظر من البلكونه هي حست بس تحسب انها حلمانه
ليست هناك تعليقات:
إرسال تعليق