آه يادنيا عيال عم ولا يتعارفون - الجزء الواحد والعشرون

سارت موزه المطبخ....ويوم كانت بتفج الباب...شافت حمد..يكح....بس هي ما فجتة كله..بس تبى تشوفة ..وتتأكد إلى شافتة في الكنينكس صح ولا لا....كان يفج الدوا وخذ حبة وسار وصب كوب ماي وخذ الدوا وبعدين يلس في كرسي..وخلا الكوب عداله وشرب شوي وبعدين يلس يكح ويلس يدور على كنينكس بسرعة في مخابي جاكيتة.. ولاإنتبه للكوب وطاح ونكسر ونكسر..وبعدين قام وسار عند الكبت وخذ كنينكس ويلس يكح ..وسار وغسل ويه ..وسار ولم الكوب المنكسر وعقة في الزباله...موزه تم قلبها يد بسرعة...حمد شو فيه؟؟..أكيد زاد مريض بسير أقول حق قوم حمدان..بس مارامت تدخل داخل المطبخ...عشان ما تشوفة ..بس يلست تشوفة شو يسوي لو أنها ما تشوف كل شىء لأن فتحة الباب مب وايد كبيرة بس تأكدة أنة بخير وكان بس ياخذ دواه وكل شىء بخير...ردة الصاله....
سلطان:وين الماي؟؟
موزه الحين شو أقوله؟؟:مالقيت ماي خلص...
سلطان مستغرب:خلص؟؟
موزه:هيه...
وكانو كلهم يشوفون الفلم مندمجين...لأن الأحداث بدن فيه...........وسحبت سلامى عشان بسيرن عند أمهاتن...وكانت سلامى لاصقة ماتريد تروح تبى تكمل الفلم......وردت موزة تربع ووقفت جدام حمدان وصيييييييييييح....حمدان من شافها قام....وكلهم قامو شو ياهااااااااااااا....توها مافيها شىء..ليش شو ياها...
حمدان يمسك موزه:موووزه شو فيج....موزه تأشر عند الباب.....وصيح.........
الساعة6:25 المغرب..
ربع سعيد ومحمد سارو يشوفون....وموزه ماسكة إيد حمدان وصيح عندة...وسلامى فاجه عيونها وطالع..نقع سعيد يظحك...وياه محمد...سار سلطان يشوف شو مستوي....
حمدان يصارخ: إيييييييه شو مستوي؟؟؟؟؟؟؟
كلهم يظحكون...وظهرو برى.....
حمدان: موزه قومى شوي بسير أشوف...شعندهم........
موزه تصيح......:لا..أخاف منهاا......ااااااااا
سلامى سارت عند حمد: هههههه..يالله يا ولد عمى ...شياك ترابع وراها....السلامة ما تشوف شر...
حمد معصب على موزه :هاي صرخت عليها..وظربتها..
سعيد سار إييب الفوط.....ومحمد وسلطان يظحكون علية...
حمدان معصب: ممكن واحد منكم يخبرنى شو السالفة؟؟...
حمد ينشف شعرة بالفوطة: أنا بفهمك.....الله يطول بعمرك...ربيعى مخلى قطوة عندي لين ما يرد..أنا سرت أشوفها لقيتها في البيت بروحها جان إييبها.....قلت ماحد في البيت غيرنا.. أختك وسلامى ما بكونن موجودات لأنهن قالن بسيرون عند أمايا شيخة..فيوم كنت عند الباب قلت إلى بيفتح الباب حد منكم جان أجدم القطوه على ويه الباب..أونى بفاجأكم بالقطوة..أخت الشاطرة فجت الباب ولاسوت سالفةيوم شافت القطوة في ويها من الزيغة..عطتها طراق...القطوة شمختنى في إيدي وشردت...رحت أربع أونى بمسكها.. ما أنتبهت للمسبح..دفففففف جان أطيح فيه..وإيدي كفخت الحافة وشوف كيف تشمخت..حشة يهلقطوة كيف نقزت ولا طاحت في المسبح...أفففف لو تشوف الماي ثلج..كح...كح...كح..وظهرت من المسبح....وشفتها عند الورد رحت أربع أونى بييبها جان إنزلق وطحت وعادة منو شافنى عيال عمك....والحين ما أدري وين سارت.. كح..كح..الماي جنى شربتة..حشة هب طيحة طحت....كح.كح..
حمدان تقرب من حمد.... :ههههههههه...عنبوه حمد أنت وين والقطاو وين؟؟؟.. هههههههههههه...شو إلى بلاك فيها؟؟؟
حمد يفصخ الجوتى..خاس كله ماي..: الحمد لله لابس جاكيت ولا هالشوج بشمخنى..لف لحمدان....يا الذكى أقولك ربيعى مخلنها عندي..مب مالتى..أمانة....
حمدان:إنزين وأنت ليش تخليها عندك؟؟؟ليش ما قتله أنك ما تروم ..ولا تعذرت بأي عذر...
حمد يفصخ الجاكيت:حليلة قال بسير يزور يدته ويدته ما تحب الحيوانات فقالى خلها عندك لين ما أيي وهو اليوم بيي بس يوم واحد أخليها عندي..الحين كيف بعطيه القطوة ولا أدري وينها؟؟؟أفففففففففففف.. شو هلحاله؟؟
حمدان:هههههههه..بتلقاها....ما بسير مكان.....
سعيد :حمد.....أقول أنا بسير أشتري قطوة بعد جان بتربيها ..ولا جلب..
حمد:جب أنت..عنلاتك..
محمد:ههههههههه...حمد أنا بييب سلوقي نحن ما نحب القطاو وبخليك في العزبه......شو قلت؟؟
حمد يفر سعيد ومحمد بلجوتى..من الضيجة .:عنلاتكم زاد يا الهروم..الحين بدال ما تقولون منسير ندور عليها يالسين تتطنزون؟؟
حمدان:بتلقاها يعنى وين بسير؟؟؟إستهد بالله..
حمد سار عند المدفأه ...:تعرف شو المشكلة؟؟
حمدان:شو؟؟؟
سعيد:قول ...شعندك؟؟؟
حمد ذكر موزه ولف يدور بعيونة بس ما لقاها خلا عمرة عادي عشان ما يلاحظون شو يدور.. جان يكمل:سمعو ..هاي القطو غير عن القطاو إلى تعرفونهن...هههههههه..أنتو ما تعرفون غير قطاو الشوارع...بس ما عليه...سمعو مرة قالى جيمس أن القطوة خربت المطبخ وصرخ عليها وشردت..ولا لقاها ويلس يومين يدور عليها..وبعدين سار وخبر الشرطة وبعد يومين لقاها...على قولته حساسة ما تحب حد يصارخ عليها...وحليلها ياها طراق وصريخ..يعنى ما بتظوي البيت طول..
سعيد يفكر:أقول حمد.....هاي هب قطوة ..لا حشا..
محمد يحك راسة:أقول شباب أول مرة أعرف أن القطاو حساسات..
سلطان: ههههههه..... إنزين خلوه يكمل..صدقة حمد شدراكم بالقطاو وايد عليكم جان تعرفون قطاو الشوارع...
حمدان:أقول حمد......
حمد:هاه شو؟؟
حمدان:أنت من الصبح يالس تخورط عن هاي القطوة...بذمتك بسير تدور عليها؟؟
حمد:هيه عيل جذب؟؟...اليوم بيي جيمس يبى قطوتة شو بسوي؟؟
حمدان:عطه فلوس بدالها.....بعد شو؟؟
سعيد :بعد كم فلوسهن هالقطاو؟؟
سلطان:مرة إستمتهن وحدة 20000ولا50000 .بس تراهن أنواع ..على حسب نوعها ..ومواصفاتها...

محمد:ول ..هالقطاو مب هينات..
سعيد:ههههههه..أقول أخوي شو رايك نتاجر بالقطاو؟؟؟
محمد:ههههههه..صدق والله أبرك عن الشركات...جان الوحدة ب20000ولا50000.
حمدان:هههههه..أتخيل شكلكم..يالسين في المحل...وتستقبلون الزباين..وتبيعون....
حمد :أييييييييييه..شو فيكم اليوم؟؟...ما أقدر أعطيه فلوس لأنها من زمان وياه من كان صغير..ولا بطيع يقبل فلوس....متعلق وايد فيها...تعرفون الإنجليز أنتو..
سعيد:ما عليك هالأنقليز يوم بشوفون الفلوس بينسون كل شىء..أهم شىء عندهم الماني..
حمد عصب:مشكووووووورين وما ريد شىء منكم...أنتو شو يفهمكم؟؟
سعيد:تعال ..وين تبى؟؟
حمد سار صوب الباب...:بعد وين؟؟؟.بدور عليها؟؟
حمدان:إنزين سير بدل ثيابك..بتبرد وبعدين مندورها..
حمد ماسك الباب يبى يطلع:لا وين أبدل لين ما أسبح وأبدل بتظربلها دار..بعدين وين بلقاها....وسار عنهم..
سلطان قام...:انا بسير أدور عليها...وسار ويا حمد..
حمدان:سعيد كيف شكلها هالقطوة؟؟؟شو هشغله؟؟
سعيد:شكلها جيه متينة تقول درام...ولونها سودة وعيونها خضر...تذكر توم وجيري.يوم كنا نشوفة؟؟
حمدان يظحك.:هيييييييه تشبه توم؟؟
سعيد ....يظحك.....:لا...تذكر وحدة كان توم يموت عليها مرة شافها في الزبالة تحوط يمكن لونها أبيض وجيه شعرها طويل.......وهي تبا الصدق حلوة..هههههههه
حمدان :ههههههه..سعيد زول عنى لا أفرك بالكنينكس...الحين وين أذكرها؟؟؟..من كم من سنة شايفة..ولا بعد ربيعت توم شدرانى بها؟؟
سعيد:ههههههه..ذاكرتك مب قوية..
محمد ..يفرة بالمخدة......:سعيد إسكت لا أظهر فضايحك..
حمدان ..قام......:إيييييييه بس .....يالله ندور عليها ...الله هداك يا حمد ولا أنت وين والقطاو وين؟؟
سعيد:ههههههه..أحلى شىء أونها حساسة...
محمد يفج الباب:يالله ..بس إنسير....
حمدان :بسير أشوف موزه وبييكم..
الساعة7:09 المغرب
موزه تصيح وتغسل إيدينها بصابون: والله سلامى يوم شفتها خفت منها كانت جدام ويهى وفاجة ثمها...لو تشوفين ضروسها..اااااااااااااي بسم الله....زياااااااااااااغ.
سلامى :ههههههه..عاد موزوه مب تظربينهااااا.. وتباغمين..
موزه:..والله تصدقين أول مرة يستويلى جيه...بس تعرفين إتينى حساسية من القطاو.. وبسم الله يوم أذكر شكلها كيف فاجة ثمها...من الزيغة ما عرفت أسوي شىء ...
سلامى:هههههه..والله لو تشوفين شكل حمد يوم يربع وراها والله مت من الظحك عليه ولا يوم طاع...هههههه..وحليلة ولا بعد طاع على الورد يوم سلم من الشوج.. ههههههههههه..الله لاهانة....
دخل عيلهم حمدان..
حمدان:هاه موزوه ...
موزه:والله حمدان أخاف منهن وإتينى حساسية..
حمدان:هههههههه..أدري...بس شردت القطوة منسير ندورها..
سلامى قمت من الكرسي.....:بسير وياكم..
حمدان:وين تبين ..؟؟نحن ما سايرين نلعب يلسي ويا بنت عمج...بروح برايكم.
موزه وصيح...كلة منى..أنا السبب:آآآآآآآسفة ما كان قصدي..
حمدان:ههههه..عادي ...إلا قطوة ما ترزا..
موزه:بس حمد معصب علية ولو ما لقاها بيزعل..
حمدان:ما عليج منه....ما بيزعل..يالله برايكن باااااااي..
سلامى مبرطمة :باااااااااي...حشة هذا أخوج ما خلانى أدور عليها......معوفة..
الساعة 7:10 المغرب.
في السيارة........على إلى يسوق.....
على لف صوب منصور......:أحس موقعة مب لين هناك..
منصور...إبتسم....:لا حلو....وبعدين ينشاف..لا تخاتي....
على ......إبتسم....:شفتة ما توقعتة جيه بكون كبير....
منصور:ههههههه...هيه والله كبير وتصميمة بعد حلو....
على:إن شاء الله يكون عاد زين..
منصور:إن شاء الله...
على:عيل خلاص عزمتو على المزرعة؟؟
منصور:هيه العيال يرودون يسيرون ...
على:عيل هبابنا نسير متى منوصل...
منصور:إن شاء الله منوصل....تذكر آخر مرة سرنالها؟؟
على:هيه والله..سبحان الله ...
منصور:أحلى شىء فيها موقعا...عدالها البحر..وكبيرة......
على:أحلى شىء فيها الخيول....ههههههه ..تذكر يوم طاح سعيد؟
منصور:ههههههه..أذكر..حليلة هذاك اليوم جبسوه..
على:ماء شا ءالله عليه هالولد مايقر..
منصور:هزرك البيت زين ؟؟....
على:هيه ..تراه العمال يشوفونة وبعدين أخلى حمد يسيرله كل تقريبا 8ولا9 أشهر ويشوف المزرعة ..ومرات يبات في البيت..ولو تشوفة غيرة حمد...لو تشوفة وايد حلو..
منصور :زين...تحسبت ماحد يعاودة من زمان..
على:لا وين ماحد يعاودة ...؟.بتشوفة ....
منصور :وصلنا....
نزل على ومنصور ....ويوم كانو بدشون البيت شافوهم يالسين برى...
الساعة7:10 المغرب...
سلامى:أريد أدور عليها بعد...
موزه:فقتج وين تبين ؟؟...إلا قطوة يعلنى بلاها من شفتها والمشاكلى منها.....
سلامى:أحم أحم..أونى أخاف حمد يزعل مني..
موزه:جب...
سلامى:حركااااااااااات هالبنات...
موزه:يعنى أنا إلى خليتها تشرد..
سلامى:لا ما عليج ..حمد مب من هذا النوع بس كان معصب لأنة مارام يمسكها وشردت عنه..
وظهرن الصاله عشان يتريونهم..لين ما يلقونها ..
الساعة 7:15 المغرب
منصور وعلى:سلام عليكم.......
الجميع:وعليكم السلام........
أم نورة (حرمت منصور):مرحباااااااااااااااا ملاااااااااااين ولا يسدهم....
منصور يبتسم:مرحب الباجي.......
أم حمد:هاه وين هالسيرة كلها؟؟؟؟....
على:إلا هنيه..أشغال وهذا الفرع من 2 سنين وأخيرا بفجونة....
أم حمد:على خير إن شاء الله ...
منصور: أشوفكم فارشين برى....مب جنة برد؟؟؟
مى:هو برد بس عاد مب وايد ملينا من داخل....
منصور:عيل وينها أمايا؟؟
نورة:توها كانت عندنا ودخلت ...
على:شياها..؟؟
أم حمد:بردت ودخلت...
منصور:مى سيري زقريها...قوليلها أبويا وعمى على برى تعالى...
مى:إن شاء الله ....
وسارة وشموه يالسات يلعب عدالهم....ويالسات يلعب بالتراب...
منصور يشل سارة ويحظنها:حبييييييييييييييييييييبي سارونة...ليش ماحبيتى باباه اليوم؟؟
سارة وإيدينها خايسة تراب:باااااااابااااااااااااتى في إيدي تراب بخيسك...
منصور ويفرها فوق:عادي حبيبى....
سارة:اااااااااااااااااااا..ماماتى بطيح...
منصور يمسكها :ما بطيحين.....
شموه تمسك كندورة عمها:أنا أريد تودينى فوق...ولا بخبر عليك باباتى....
منصور ينزل سارة:...تهديد؟؟إن شاء لله حبيبتى...ويفرها فوق ويمسكها..وتظحك....
سارة:باباتى بس ..خلنا نلعب....
منصور يطالع حرمتة:هاي البنت ملسونة...الله يعينا عليها...
أم نورة:ههههههههه...
سار ويلس عندهم.....ويت أم سالم ....والبشكارة شاله الكوار...ومى والبشكارة الثانية يايبات القهوه..
على ومنصور قامو وسلمو على أمهم ...........
أم سالم:علومكم؟؟
على :طيبة....
منصور:أمايا هلكوار إلى ينشل ويرد....
أم سالم:ما إيوز عنة..بموت من البرد...بردهم مختلف....
على:عادي أمايا ...بردهم حلو..
أم سالم:أقول عيالى..بعدكم معزمين اليوم على سيرت المزرعة؟؟..
منصور:هيه أمايا ما تبين تسيرين؟؟
أم سالم:يا ولدي أنا ماريد غير أرد دار بو خليفة...وبيتى..
على:ههههههه..إن شاء الله بترديلها.....
أم سالم:متى يا ولدي أنا ضايجة ..أريد أرد ..مليت هالدار يعلنى بلاها..
منصور:الحين بتشوفين المزرعة وبتغيرين جو......
أم سالم:أووووووووووووه أي جو بغيرة..إلا جان برد ومطر...عنبوه البرد في عظامى أهيسة..
على:هههههههه ..هذا إلا شوية...
أم سالم:أنتو عزمو باجر نرد وبسنا من هالحوطات ترانى مليت...ولا حرام لسير بروحى...
منصور:إن شاء الله ...فالج طيب...يوم منرد من المزرعة منرد....
أم سالم:لا باجر....
على:أمايا منشوف حلالنا ولاحقين على الردة..
أم سالم:يالله يا أنتو كيف ما تتعايون...
أم نورة تعطيها فنيان القهوة:عمتية بيخطف الوقت ولا منحسبة....
أم سالم:هالودية خذو إلى تبونة لكن الودية الثانية جان طعتكم ويت وياكم هالبقعة...حرام وحرم شديد أنة لو ينذكر أبوي يالس مايت..
على :ههههههههه..أمايا عثرج عايفتنها ...
أم سالم:يالله لا تتخبر........
منصور:عيل وين قوم موزه وسلامى؟؟؟؟
نورة:ما أدري قالن بيين ولا ين.....
أم حمدان:خلهن إيين ما هزبتهن من الصبح أدق تلفون حق موزه ولا هظلت..
منصور:يمكن عندهن شغل ولا شىء...
أم محمد:لا مسودات ويه من العصر ندق لهن ولا هظلن..
أم سالم:يالله بستر قومن شوفن بناتكن وينهن...حد يرغد بناتة ولا تعرفن وينهن..
مى:لا أمايا شيخة أنا ونورة سرنا عندهن ..كانت موزه تسبح..وبعدين كلهم في البيت عمى سالم..
أم سالم:أشوة تحسبت ماحد إلا هن في البيت...
أم محمد:لا كلهم في البيت ..بس قالن بيين ما أعرف ليش بطن..
على:بيين يعنى وين بروحن ....
ويلسو يسولفون ويا يدهم ...
الساعة 7:30 المغرب...........

سعيد:ياااااااااااااااااااالله يا لفضيحة ..رياييل وندور على قطوة.......
محمد:إسكت حمد بروحه معصب.......
سلطان وحمد جدام يمشون ...وسعيد ومحمد وحمدان وراهم..
حمدان:حمد ...........حمد......
حمد:هاااااااااااااه..
حمدان:حمد صبر خلنا ندور اول شىء في بيتنا وبيت قوم سعيد وبيتكم ...ولو ما لقيناها مندور في الحارة ولو ما لقيناها ومدق للشرطة....
سعيد:صح لأنها هي أكثر شىء في بيوتنا ما سارت بقعة غير....
سلطان:هيه ما أظن أنها بتروح مكان لأنها ما تعرف غير بيوتنا ...
حمد دخل بيت قوم سعيد....:إنزين.....حد يدور ورى البيت وحد يدور في البيت ..
سلطان :أنا بسير ورى البيت..
حمدان :أنا بسير داخل..
سعيد:أنا بسير فوق السطح...
حمد:هههههههه..والله أنك تحفة يعنى شو بسوي فوق؟؟؟....أنت بظحك إلى ما يريد يظحك..
سعيد:أنت ما تذكر توم وجيري...مرات يوم يزعلون يسيرون فوق السطح ولا في الزباله..أنا بسير فوق السطح وبشوف .....
محمد:سعيد دخيلك عن الفضايح......هذاك رسوم ....
سعيد:برايكم...بتشوفون إن ما لقيتها..
وسارو وكل واحد يدور في مكان......وسعيد سار فوق السطح.....ويوم وصل ..
سعيد....يوازن وقفتة..:اللللللللللللللللللله ..حلو الجو....
حمدان..يطالع فوق.......:سعععععععععععيد...سععععععععععععععيد...عن طيح...
حمد..صد صوب سعيد...:هااااااااااااااه سعيد لقيتها؟؟؟؟
سعيد سار جدام..:صبر خلنى أمشى..
محمد ..خاف عن يطيح......لأن سطح بيوتهم مثل المثلث... :سعيد لا...لا..بطيح...
سعيد..وقف..:شو تتحسبونى ياهل ما اعرف أرقى...؟؟؟.
محمد:سعيد شوي شوي..عن طيح..
ما خذين راحتهم يصارخون ويظحكون على سعيد ....وأصواتهم الحارة كلها تسمعهم..
الساعة7:59 المغرب....
سارت أم سالم تمشى شوي في الحديقة..عشان تحرك ريولها...
أم سالم:هذا مب جنة صوت سعيد...وعيال عمة؟؟..سكتو عشان يسمعون..
أم محمد:هيه والله....
على:وينهم؟؟؟؟
مى قامت طالع الصوت ومشت شوي وراسها فوق....صرخت:خيييييييييبة أبويييييييييااااا سعيد فوق بيت عمى خليفة.
كلهم قامو يطالعون لأن البيت عدالهم..
أم سالم:يالله بستر شو يسوي فوق؟؟؟
منصور يزاعج:سعييييييييييييييد....سعيييييييييييييييد.....
سعيد يسوي باي باي لعمة.....:هاه عمى .......شحالك؟؟
منصور:شو إسوي فوق؟؟؟؟؟
سعيد..يزاعج...:أدور القطوة.......
كلهم منصدمين.........
منصور:أي قطوة؟؟؟؟؟؟
سعيد يالس يكلم قوم حمد:أكيييييييييييه..أكييييييييه....ربعو ...شفتهااااااااااااااااااااا......
حمدان:وين؟؟؟؟؟؟؟؟؟
سعيد.... يأشر.......:جدام بيت عمى منصور......بسرعة..عن تشرد..
كلهم يترابعون....وسعيد نزل من فوق......وسار وياهم.......وكلهم يربعون وراها ...وهى من شافتهم ربعت ونقزت داخل.....عند قوم عمهم ويدتهم....وكلهم يربعون وراها.. هههههههه إستوا سباق المراثون..
حمد....يأشر لمحمد...:هناك هناك.....محمد.......سير ورى.....لحق ..
سلطان...:يت عندك حمد .........حمد........
حمد:هيه ..شفتها........وتربع القطوة عند يدتهم........
ويدتهم من شافتها زاغت.......وكلهم وراها ..
أم سالم:هبي هبي.....شو يابنها عندي.....أكفانا الله شرج..هبي هبي.. سودة..خلوهاااااااا..خلوهااااااااااا..لاتكون ينية..
حمد....من كثر ما يربع ويظحك..على عيال عمه.... يلس تحت تعب ما يروم يربع أكثر.. :ههههههههههه...مسكوها......عن تشرد عنكم..
سعيد وصل عندهم.........:وييييينها ؟؟؟؟؟؟؟؟؟؟؟؟
حمد:أكييييييييييه...عند محمد.......
سعيد ..تقرب منهااااااااااااااا....:مسكتهااااااااااااااااا..ورف عها فوق.....وحليلها خايفة.....
محمد:أووووووووووووووووووو...أوووووووووووووو..
حمد وحمدان يصفقون:أخييييييييييييرا.
حمد سار عند سعيد:هاتها.......هههههههههه..حشة أخيرا....أشكرك راعى توم وجيري..هدية بسير أشتري لك فلمهم..
سعيد:أأأأأأيه عن الفضايح هنيه قوم عمى.....وبعدين شو ياهل عنك؟؟
حمد:هههههههههه..أفاااااااااااااااا ..أنا شىء قلت؟؟؟؟؟؟؟
سعيد:هههههههه..
وسارو عند قوم يدتهم..
أم سالم:وااااااابوووووووياااااااااااا عليكم..شوفيكم؟؟ومن وين مهظلينها؟؟
على:حمد........شو هذا؟؟؟
سعيد:هههههههه..عمى لقيناها...يوم قتلهم بلقاها ...يلسو يظحكون..
منصور:إيه سعيد ....شو فيك..؟؟؟حد يرقى فوق السطح؟؟؟؟...شو تخبلت؟؟؟تبى تتكسر؟؟
سعيد:عمى كنا ندور القطوة..
على:إي قطوة؟؟؟
حمدان:ههههههههه..كانت عندنا سالفة .........وحليناها........صح شباب؟؟؟
كلهم:هيه.......
أم سالم:أقول عيالى ..خلونا نرد لا يتخبلون عيالكم زيادة......
سعيد:هههههه..ليش أمايا؟؟
أم سالم:والله....عيل ترابعون فوق البيوت..ومخلين عقولكم وعقل قطوة...أنا هاي ما كد سمعتها..
حمد:لا أمايا كانت غايبة ولقيناها....
أم سالم:سمعو شوري وخلونا نرد...أبرك ..
حمدان:أمايا خلينا نيلس شو ...وبعدين اليوم منسير المزرعة..
أم سالم:على كيفكم..أنا قلت لأبوك...خذو إلى تبونة هالمرة إلا ثانى مرة جان يت وياكم...حرام لو ينذكر أبوي ما يت...
سعيد:أفاااااااااااااااااااا....شعنة أمايااااااااااا...
أم سالم:بس....جيه...أشوفكم كل ما إيي يوم كل ما تتخبلون زيادة......
حمد:أنا بسير الحين بيي جيمس.......باااااااااااي....
أم سالم:أقول عيالى صليتو المغرب؟؟؟؟؟؟؟
سعيد يطالع عيال عمة....القطوة نستهم :أمااااياااااااا..تبين الصراحة.....لا
أم سالم:يالله بستر..حد يودر صلاتة؟؟؟
سعيد:الحين منسير نصلى..........والشردة سارو يصلون وبعدين ردو....
الساعة 8:30 الفليل
يلسو كلهم...ويلسو يظحكون على سعيد ويدته ...إلى كل شوي مخبلبها...وهى تهد علية...وهو يظحك....وحلفت يمين أنها مابسير وياهم مرة ثانية ..
أم نورة:مى....سيري هاتى عصير وهاتي ماي ..
مى:إن شاء الله..
سعيد:عمى..متى بسيرون؟؟؟
على.:الحين..يالله هبابنا........
أم محمد:يالله أنا بسير أجهز الأغراض.......
محمد:عمى منرد ولا من المزرعة لين المطار......
منصور:لا ماشىء ردة..سيدة بعدين المطار.......
حمدان:عيل يالله نسير.....
سعيد :أنا بسير اغسل ويهى وبلحقكم....
الرياييل... يلسو شوي يسولفون...أما الحريم سارن بيتهن يجهزن الأغراض...
الساعة8:40 فليل
في المطبخ ..مى يالسة ترتب الصينية وتغسل الكوبات..والبشكارة تعصر العصير..دخل سعيد وهو فاصخ الجاكيت عشان كان خايس تراب يوم طاح..ويوم دش المطبخ ..شاف مى والبشكارة شىء يسون...فكانت مى شوي شعرها من جدام ظاهر..فسعيد يوم شافها أنها ماإنتبهت لوجودة..
سعيد :أحم أحم..
مى من سمعت هالصوت عدلت شيلتها ولفت صوب الباب....آآآآآآآآآه يا قلبي سعيد موجود عندي...يا ويل حالى.....إرتبكت وشكلها بين وسعيد خايس عرفها وإبتسم لها.. وهى كانت تغسل الكوبات..والبشكارة تعصر...سعيد أأأأأأأأأأأأف يالهبشكارة يعنى لازم تكون موجودة....يبى يخوزها عشان على الأقل يكلم مى..
سعيد يعطى البشكارة الجاكيت:إندوج ودي الجاكيت البيت..
البشكارة علامات إستفهام على ويها:أوكيه بابه..
ظهرت البشكارة..أأأأأأأأأأأأأاااااي هذا شو يسوي؟؟؟؟...يا ويلى لو حد شافنى وياه بروحنا..أحسلى أظهر... لو حد شافنى يالسة وياه بروحى...بطيح كلة فوق راسي.. ياويلى...الحمد لله إفتكيت منها..الحين أقدر أسلم عليها... وأسولف وياها ..من أشوفها لازم حد يكون عندنا ..حشة طفرونى....مى خلت الصينية وتبى تظهر.....هاي وين تبى ..عنبوه تونى ياي..ما وحالى دقيقتين..
سعيد يلس على الكرسي ويطالع مى :أحم..شحالج بنت العم؟؟؟
مى..حالى ما تعرف حالى أنتفض من ساسى لراسي.....:بخير....وتبى تظهر...
سعيد :مى.......
مى لفت لورى وغادية طماطة... ونزلت راسها:..........
سعيد..لاحول هالبنات من حد يبى يكلمهن جيه يغدن...حشة أنا بس بسولف وياها ما بكلها وين تبي:وين تبين ؟....يلسى......
مى..آآآآآآآآه وين أيلس ..دخيلك خلنى أظهر :هااااااااه..
سعيد يبى شوي يغلس عليها:أقول مى...أريد ماي....
مى..فاجة عيونها...هذا صاحى؟؟:شووو..
سعيد: شبلاج؟؟.معتفسة..وحالتج لله.......أقولج أريد ماي...
مى بصيح..هذا ليش جيه يغلسبى مثل أخته:إن شاء الله..
سعيد هههههههه..الخطة الأولى نجحت:مشكوووورة...ترانى ما متعود أخدم عمري.. أحب حد يخدمنى..ومثل ما تعرفين الحريم يخدمن الرياييل..
مى..شو يقصد بكلامة؟؟؟.....هذا يمكن خرف:...........
يابت الماي وخلته جدامة.....سعيد بقصد أونة ما شاف الماي وطرحه وإنكسر......
سعيد أونة متفاجأ .وخلا عمرة.معصب: ااااااااااااا...جبيتى الماي علية..ما تشوفين؟؟
مى ...متفاجأه ..حليلها ما جبتة ولا شىء: أناااااااااااا..أنا ما جبيتة أنت إلى جبيتة...والله...
وحليلها شكلها بصيح..ومن الخوف إيدها تنتفض..أول مرة تخاف من حد جيه......وصاحت....من صاحت سعيد نقع يظحك عليها....
سعيد:ههههههه..ليش تصيحين..كنت أريدج بس تتكلمين..
مى عصبت:أنت سباااااااااااااااال..بخبر عليك أبوووووووووويااااااااااااااااااا.
سعيد ...ول خيبة السالفة فيها عمى:لالالالالالالالا...صبري لا تفهمين غلط..ما كان قصدي أصيحج..مى تعالى......مى....كنت أمزززززززززززززززززززح..
مى سارت عنة..وهو يلس متلوم....الله يلعن هالحالة...رحت أجحلها عميتها..أنا شو سويت....؟؟...بسير أتأسفلها...والله وحليلها ما توقعت جيه بسوي..وحليلج يا مى.. ههههههه جان عطت شوي من هرقه لاختى اللوح...في حياتى ما شفتها تصيح..إن شاء الله باجر بتأسف منها.....فديتها وفديت دموعها..
راح سعيد عند عيال عمة وعمومتة..برى..ويلس وياهم شوي وبعدين سارو يجهزون عشان بسيرون المزرعة بعد نص ساعة..
الساعة8:55 فليل
ليش سعيد جيه سويت؟؟...أنا غلطانة ولا أنت ماحد يعطيك ويه....أنا توقعتك غير.. توقعتك إنسان ثانى ...إنسان رقيق بتعاملة وسلوبه....ياليتك مثل حمد في كلامة وتعاملة...سعيد أنا أكرهك..أكرهك....ويلست تصيح..
نورة:مى ........مى........فجى الباب يالله منروح...
مى:ماريد ..أروح.......

نورة:مى.......شبلاج صوتج يقول أنج كنتى صايحة....
مى:أنا ما صيح....ماحد يستاهل في هالدنيا عشان تصيحيله....
نورة..عرفت أنها تصيح...بخليها الحين وبعدين بكلمها....وبفهم السالفة....:المهم مى ..يالله بعد شوي منسير...كلنا تحت يالله لا تبطين.......
من الظيجة أنها لازم تسير وبتشوف السبال سعيد فرت الطاولة بالجوتى وإنكسرت الطاولة..والله يا سعيد ما خليتك تندم ما كون أنا مى بنت منصور....وخليتك تندم على هالحركة..بتشوف....أنا مى تسويلى جيه......؟؟؟؟؟......والله إلا بتندم.........وسارت ومسحت دموع القهر...من ويها..وقامت وسارت وفرت الملابس في الشنط....ولبست عباتها ونزلت وقالت للبشكارة تكمل لم الثياب لأن الشنط ما كفن ..وخلت البشكارة تيب شنط كبار وسير تلمهن.......
منصور:خلاص خلصتو؟؟؟؟؟؟؟
أم سالم:هيه يا ولدي....
نورة بصوت واطي:شليتى كل شىء لأنا ما منرد مرة ثانية..........
مى:هيه...
الساعة8:20 فليل.......
حمد.......دخل بيت عمه سالم......وشاف موزه وسلامى يالسات في الصاله..
سلامى:ياااااااااااااااااي..أخيرا لقيتوها؟؟؟
حمد يدور الجاكيت وين كان فارنة:من زمان ........
سلامى:يا الخايسين ليش ما خبرتونى؟؟؟؟
حمد لف عند سلامى:ليش ؟؟؟شو بسوين؟؟
سلامى:لا ما شىء بس حليلها موزوه تحاتى ...تخاف ما تلقونها.
حمد إبتسم لموزه:وليش تخاف ما نلقاها؟؟؟
سلامى......... إلى ما تلم ثمها:تخافك لو ما لقيتها تزعل منها..
حمد :أنااااااا..أزعل من كل الناس إلا من موزه ما ازعل...........
جان تغدي حمرة من هرمسة....حمد كان تبى يعرف شو بتكون ردت فعلها..تأكد سكت ولا قال شىء..أكوووووووووووه لقيتة .....شل الجاكيت ..مرررررررررسى........وظهر من البيت..
سلامى :موزوه..سمعتى شو قال؟؟؟؟
موزه:لا ما سمعت......
سلامى:قتلج......بس انتى ما صدقينى........
موزه:هههههههه..ما قال شىء ..وإلى قاله ما يفسر شىء......
سلامى:أوكية.....خلاص..سكتناااااااااااا....
دخلت أمها وشموه....
أم حمدان:وإنتن شعنة ما هظلتن.؟؟؟؟؟؟؟؟كم مرة أدق تيلفون ؟؟؟؟؟
موزه:أمايا كلة من سلامى أنا ما يخصنى.......
سلامى:أنااااااااااااااااااااااا..حليلى ما يخصنى كلة من موزوه.......
موزه:أنااااااااااااااااااااااااااا..حليلى ..أنا ما يخصنى........كلة من سلامى....
أم حمدان:والله إن مايزتن...لأدبغكن بعصا.....عنبوه فضحتنااااااااا...يدتكن تسأل وحريم عمومتكن يسألن وعمومتكم..وأنتن يالسات هنيه شو تخدمن؟؟؟؟؟؟؟هااااااااا
موزه:أناااااااااااا ..حليلى......
أم حمدان:أصصصصصصص..قطعي...هالمرة سويتن إلى تبنة ....بس الحين أشوفكن عيدنها مرة ثانية....
سلامى:عمتية أنا ما يخصنى كلة من موزه......
أم حمدان:أنا ما يخصنى منج ولا منها......الحين منروح المزرعة وأشوفكن سون إلى سويتنه هنيه ..حرام لأظربكن بخيزرانة..
موزه:اااااااااااااا.....خيزرانة ..أمايا بس حليلنا نهون عليج.....
أم حمدان:تصرفاتكن تصرفات يهال.......
سلامى:حليلنا عمتية ..خلينا نتهنا بشبابنا حتى العشرين ما وصلناهاااااااااااااا...
أم حمدان:لا والله شكلكن حتى العشر ما وصلتنها.......عنبوه شموه أهدا عنكن وأعقل..والله أنى قلت هيه بتخبلبى بس حليلها ما تقول شىء إلى عند سارة وتلعب وياها ..حسها ما سمعناه...
موزه:أمااااااااااياااااااااااااااا...
أم حمدان:صاروخ يشلج..شعندج؟؟؟
موزه:حليلى.......أماااااااااياااااااااا متى منسير المزرعة.؟؟؟؟؟؟
سلامى:هيه والله متى منروح؟؟؟؟
أم حمدان:أنا قتلكن ...وهلسوالف لا سونها مرة ثانية..فهمتن؟؟؟
موزه وسلامى:وي مام.......
أم حمدان:سلامى يالله سيري جهزي كناديرج وقشارج...بعد نص ساعة منروح......
سلامى:أوكية.....
أم حمدان:خلي أم وديع توديج البيت لاسيرين بروحج.....
موزه:أمايا إلى يسمع جنة في الحارة الثانية ...إلا يدار بينا....سلامى لا سيرين لين الباب طفي من اليدار..
سلامى:هههههههه..جيه شو قطوة؟؟؟؟؟؟
موزه:سلامى تراج تشبهين القطاو......
سلامى:لا والله..فقت ويهج.......
ططططططططططخخخخخخخخ على راس كل وحدة..
سلامى وموزه:ااااااااااااااااااااي..عورتينا.........
أم حمدان: بزولن عن ويهى ولا لا..لا أخلى الخيزرانة تربع على ظهوركن؟؟؟؟؟؟
سلامى:إنزين الحين منسير.......أم وديع...أم وديع........وسارت وياها ....
دخل سلطان وحمدان.........
حمدان:بعدكن؟؟؟؟؟.......متى بتخلصن؟؟؟؟؟؟؟
أم حمدان:الحين سايرة...يالله....موزه يالله.....
سلطان:أمايا منو بسير وياي؟؟؟؟؟؟....
أم حمدان:شل أخواتك.....
سلطان:عيل يالله خلصن بسرعة........
حمدان:موزتى..عيل ما بسيرين وياي.........
موزه: أمايا أريد أسير ويا حمدان ما ريد سلطون...
سلطان: سلطون في عينج....أنا أسمى سلطان ما عايبنج؟؟؟؟؟
موزه :لا..سلطووووووووون..سلطووووووووون..
سلطان: أنا ليش مخلى عقلى وعقلج؟؟؟؟؟زولى خلصى قشارج..
الساعة8:60 فليل
وكلهم خلصو ونزلو تحت ..ودخلو كل شىء في السيارات...وظهرو...وسارو عند بيت عمهم خليفة...(قوم سعيد)....وسمعو حشرة عندهم....بعدهم ماركبو السياره..
سلامى:أنا ما بركب ويا ه.......ماريد....
أم محمد:سلامى عن الفضايح ويالله ركبي..
سعيد:أنا ماريدها..تركب وياي...بتوسخ سيارتى..
أم محمد:سعيد.....عنبوه فضحتونا عند الناس يوزو..
سلامى:أنا ما بركب ويااااااااااااه ..ماريد....
أم حمدان نزلت ...ويا حمدان..
حمدان:عمتية خليها إتى ويانا عندنا مكان..ما فينا على حشرتهم..بتمون يتناقرون طول الدرب والدرب مب قريب بعيد....خليها إتى عندناااااا..
أم محمد:إنزين ولدي سعيد عندة مكان ماحد عندة غير يدته..
أم حمدان:برايه.....بتركب ويا قوم موزه عند سلطان وشموه..مكان عنده ..بتيلس ويا موزه..
أم حمدان:هيه خليها ..ويا بنات عنها....بتفتكين من حشرتهم..
وسلامى الإبتسامة شاقة ويهاااااا..بتمووووووووووووت من الفرحة....أخيرا بتركب ويا سلطان..ياااااااي..من سمعت أنهم يبونها تركب ويا سلطان لأنة الوحيد إلى عندة مكان سكتت ولا قالت كلمة....
أم محمد:إنزين سيري وياهم....بس والله يا سلامى إن سويتى حشرة بعمرج...
سلامى مأدبة:إن شاء الله.....بااااااااااااااي أخوووووي العزيز أحبك...
كلهم منصدمين شياهااااااااا...
سعيد:يعلنى بلاج ما أحبج..........حبتج اليرادة..
ركبو السيايير..
الساعة9:10 فليل..
سلامى ركبت ورى سلطان..وكانت موزه جدام ..وعدالها شموه وسارة.....ويوم ركبت..
سلامى:السلام عليكم...
موزه:هههههههههه..من وين طالعه الشمس......
سلطان:وعليكم السلام......شحالج سلامه؟؟
سلامى ..ياااااااااااااااااااااااااي..بموووووووووت:بخير يعلك الخير شحالك أنت؟؟؟
سلطان: الحمد لله بخير..
موزه:ييييييييييييييييييييهااااااااااااااااا...أقول شو رايكم أنزل..
سلطان:موزوه..إن ما لميتى ثمج...بفرج..برى..
موزه:كل هذا لسلامى؟؟؟؟؟
سلامى بتمووووووووووووووت..ماتروم تقول شىء ولا سوي شىء......:.....
سعيد:أفففففففففف..........الحمد لله إفتكيت من حشرتها...وسار عند عمة منصور عشان بشل يدته...وهو ساير عندهم عيونة ترقص يبى يشوف مى.......
دق الباب..ودخل...
سعيد:هاه أمايا يالله نسير؟؟؟؟
أم سالم:يالله....مى.......مى........
سعيد..قلبة رقيص....الحين بشوفهاااااااااااا....
أم سالم:يالله مى..نسير...........
مى ولا طالع سعيد ومخلتة ولا كأنة موجود:وين أمايا؟؟؟؟
أم سالم:ويا سعيد........أباج تسيرين وياي......
سعيد..فاج عيونة..الله بسير وياي.......ومى بتموت من غصة..كيف بسير وياه؟؟..يعلنى بلاه...بس تبى تجتله ..وتخليه يندم على حرتكة...
مى :إن شاء الله .......
وسارت هي ويدتها وركبن السيارة وركبت ورى يدتها..وسعيد ميت ..جان ركبت وراي.. ويلس يسولف ويا يدته وهي ساكتة ولافة ويها صوب الدريشة ..
يلسو جيه ...هو يبالها تتكلم بس هيه ولا كلمة بس لو كلمتها يدتها...حتى ما لفت ويها عندة...أما بالنسبة..لسلامى..يييييييييييهاا دقت سوالف ويا سلطان...لأنة سلطان طيب..وراعي سوالف..وبعدين موزه..كانت كلة تغايض سلامى..وسلامى مستحملة لأنها تستحى تهاد وياها جدام سلطان..بس كان الجو حلو.....أما قوم حمد..كلعادة سوالف الشغل ويا أبوه..وأمه كل ما يتكلمون عن الشغل تغير الموضوع لأنها ملت الشغل وسوالفة..يمكن عشان ما تفهملة ..وأما محمد...يسولف ويا أمة ..وأمة كل شوي ترد لموضوعها إلى هو أنة يخطب نورة بنت عمة..وهو بعدة ما مقتنع بالسالفة..يقولها إن شاء الله وإن شاء الله..حليلها تعبت منة..وقوم منصور سوالف ويا اليهال..لأن عمهم منصور يحب اليهال وايد ويحب يوم يتكلم وياهم ..وكل شوي يغايضهن شموه وسارة ..وأمهم تظحك على اليهال..وبعدين رقدن ويلس يسولف ويا حرمتة وبنتة نورة..ونورة ما تتكلم وايد وياهم...كل تفكيرها بوضعها ويسير ويرد على محمد...وتفكر فيه..لو يدتهم أصرت على أنها تاخذة بس هي واثقة أن أبوها ما بوافق لو أنها ما وافقت..بس هيه بعدها يعنى هي مش أنها رافضتنة..ولا موافقة علية..يلسو على هالسوالف....لين ما وصلو المزرعة..
الساعة11:30 فليل
أول شىء قوم موزه وصلو...
موزه:اللللللللللللللللله..سلامى طالعى البحر محلاتة............ياااااااااااااااااي.
سلامى:موزه ..شوفي كم كبر المزرعة......مثل في الأفلام...
سلطان:ههههههههههه..ليش أنت من متى آخر مرة ياياتنها؟؟؟
موزه:ههههههههه..من زماااااااااااااااان..يوم كنا يهال.....
سلامى سارت تمشى ..
سلامى:موزه تعالى ........
موزه:شو؟؟
سلامى:الللللللللله شوفي محلاتهااااااا....طالعى النافورة محلاتهاااااااااااا...والشير مكبرة..والبببببببببببببيت.....مكبرة..
سلطان:أيه سكتن عن تفضحنا...ليش أول مرة تشوف مزرعة..
سلامى:بس وايد حلوة....ما توقعتها جيه..وايد تغيرت.

سلطان:حمد تراه وايد غير فيها..لو تشوفين البيت من داخل ..كيف معدلنة..
سلامى:بروحة!!!!!
سلطان:هههههههه..لا...مهندسين ...مب هو بس كلة هو إلى مسونة والألوان ..
موزه:الله ولد عمى مب هين....حلو ذوقة...
سلطان:ترانا نحن أكثر شىء كنا في المزرعة إنيي..يوم الإجازات..كنا كلنا ويا الشباب...
سلامى:جان ودوتونا نحن المزرعة أول..
سلطان:ههههههه..خلونا ندخل ....ويلسو يمشون لين ما وصلو النافورة...
سعيد:سلطاااااااااااااااان..سلطاااااااااااااااااااا اااااااااان......
سلطان لف عند سعيد: هاه وصلتووووووووووو
سعيد:تعالو وين تبون؟؟؟
سلطان:منسير البيت .....
سعيد:تريو ليش مستعيلين؟؟؟؟
سلامى:أنت شو تبانا ..منسير قبلكم..
سعيد:أنتى جب..أم لسانين...
أم سالم:أيه شعندكم تباغمون..صه..ماشاء الله كرله(ذكر الله)..غاويه..ما دريت أنها جيه غاويه..
سعيد:عيبتج أمايا؟؟
أم سالم:هيه عيبتنى...
سعيد:يالله نسير البيت..تعبان بوطى راسي......
مى:اااااااااااااااااااااا.....
لف سعيد صوبها.........:شبلاج؟؟؟؟؟؟؟
مى:ااااااااااا..خاس جوتية..
سعيد:هههههههه..ليش ما إنتبهتى ؟؟
مى:أأأأأأأأأأاااي.تراك أنت وقفت تحت الماي..
سعيد:سوري..
أم سالم:ما يرزا وصلناااااااااا...
مى قالت بصوت واطى عشان ما تسمع يدتها:فقتك..سباااااااااااااال..
سعيد رفع واحد من حياتة:ههههه..الله ما يظرب بعصااااااا..
مى:أكرهك....سبااااااااااااااااال..خيست جوتية..
سعيد:لو تبين بييبلج ألف بداله..
مى:ماحد يريد منك شىء..ويا ويهك..
سعيد:كيفج..
أم سالم:شعنكم...
سعيد:ماشىء أمايااااااا.
أم سالم:مى يالله إنحدري..
مى:كيف تحتى كلة مااااااااااااي ..ما أقدر أمشى..
سعيد ظحك ...بصوت واطى:تبينى أشلج.؟؟؟
مى من الظيجة فرتة بالشنطة الصغيرة ما لتهااا: سباااااااااااااااااااااااااال..وقح..تخسي..
سعيد:هههههههه..أعرض خدماتى.
مى:آآآآآآآآآآآآآآآآآآآآآي..ااااااااااااا......أماا ااااااااياااااااا قولى حق سعيد.......
أم سالم:واابوووويااااااااا شو سوي سعيد عندي ما سوي شىء....حليلها ما تدري عنهم....وسارت شوي عنهم جدام....
سعيد:ووووووووووو..
مى:والله بصيح.......أبا أنزل والله ..بس تعبانة..أريد أرقد.
سعيد ..بصوت واطىء: إنزين بجدم السيارة بس ..أول تتأسفين ..
مى فاجة عيونها: شووووووووووو؟؟؟؟؟؟...
سعيد تقرب من باب السيارة......:تتأسفين.........
مى:تخسي...والله ما بتأسف لك....وقامت ومشت وخاص جوتيها مااااااي..
سعيد: أشكرج والله...
مى:جببببببببببب....يعلنى بلاك......
سعيد: سويتى كل هذا بس عشان ما تتأسفين؟؟
مى سارت عند يدتهااا..ومسكتها من إيدها:أمااايا خلينا نسير بسرعة تراه راسي عورنى ولاعت جبدي..
أم سالم:شياج........
مى:أمااااااياااااااا....ناس لوعو بجبدي...
أم سالم :منووووووو؟؟؟
مى تبى تغير الموضوع.....:أمايا حلو البيت....وحتى البقعة....
سعيد ..رفع إيده:مى شنطتج..
مى ......سارت عنده عشان إتيب شنطتها:هاتهاااااااااا..
سعيد مد إيده ...ويوم مدة إيدها رد إيده:أول تتأسفين..
مى:سعيد عن الطفاسة وهاتهاااااا..
سعيد :تتأسفين أول شىء....
مى:يا ويل حالى أنا شو سويت عشان أتاسف...أنت لازم تتأسف مب أناااااااااااااا.
سعيد:أناااااااااااا أتأسف منج.......ههههههه....أنتى ليش تقولين تخسي...
مى:سعيد كلامج غيضبي..
سعيد سار عنها:أوكية عيل ما بعطيج....
وسارن داخل....وسعيد وراهن..
يو قوم حمد وعمهم منصور ومحمد........وكلهم نزلو...
منصور:حمد ..تعال....
حمد:هلا عمى........
منصور:شل شموه راقده..وأنا بشل سارة..
حمد:أوكية ..وشل شموه ووداها البيت..
وسارو كلهم البيت..