آه يادنيا عيال عم ولا يتعارفون - الجزء التاسع عشر

وبعدين فتحت دفترها...ويوم كانت تبى تكتب..يلست تصييييييييح..وتزاعج..يبا يعطيها إياها..
موزه:لالالالالالالالالا....والله بخبر عليك أبويااااااا اااااا...أماياااااا ..تعالى..شوفيه..
حمد ميت من الظحك عليها:موزه إلا قطوة ....مافيها شىء.. شوفي حليلها..فديتها محلاتها..
موزه وصيح:ااااااااااااااااااااااااا....والله بخبر أبويا عليك...ما ريد شلها عنى....
حمد:ههههههه...إنزين هي في إيدية ما يت عندج...
موزه:حمد الله ينطبك..وااااااااااي..ما أحب القطاو إتينى حساسية منهن..دخيلك شلها بعيد..
حمد يظحك عليها:شوفي حليلها شو تبين بعد لونها أسود......
موزه ومتمسك بالشيرة عن تطيح....:حمد والله بطيح شلها بعيد عنى..أخاااااااااف من القطاو ولا بعد لونها أسود..
حمد:إنزين أنتى فوق وأنا تحت..
موزه:أماااااااااااياااااااا..أمااااااااااااااياااا اااا..أأأأأأأي..
حمد:ههههههههه..ماحد كلهم راقدين...
موزه:ماريد..أأأأأأكرهك...سيرعنى....وااااااي..أمااا ااااااااااايااااااااا.
حمد:أصصصصصصصصص...اليران بسمعونج..
موزه ودموعة على خدودها: حمد..دخيلك ...شلها بعيد..والله إتينى حساسة منها وأخاف منهن..
حمد:أمممممممم..إنتى شو تسوين فوق يالسة قلن الأماكن؟؟
موزه معصبة علية وعلى برودته: جببببببببببببببببب..ما يخصك...أمااااااااااااياااااااا
حمد يبى ينزل القطوه:ما علية مسودة ويه ما خليتها تسير عندج..
موزه:لالالا..خلاص ..آسفة....أنا كنت أرقا الشيرة يوم كنت صغيرة وقلت برقاها الحين.. بس مليت ما عندي شغلة....
حمد ورفع نضارتة وخلاها على راسه..وشل القطوة على جتفة..ويمسح على شعرها:شو سبال ترقين الشير؟؟
موزه تفره بدفتر...:جاااااااب...والله أنك سبااااااال وخااااام.. أمااااااااااايااااااااااااا.. حمداااان....سلطاااااااان..تعالو ..ساعدونى.....
حمد يظحك من الخاطر:على شو يساعدونج..جيه شو أنتى في حرب.....
موزه إصيح:حراااااااااااام عليك..أقولك إتينى حساسية منهن...بعدها..
حمد:ههههههههه..يابنت الحلال هى مش عندج أنتى فوق وهى تحت..
موزه:إنزين بعدها شلها بعيد..ماريد...اااااااااا...
حمد:أوكية بعطيج ..أمممممم..5 دقايق وتنزلين بسرعة لو ما نزلتى بخليها هى ترقا صوبج..
موزه:لالالالالالالالالالا..بنزل بسرعة..والحين بعد بس بعدها عنى..
حمد:أوووووووووه..ذكرت شو بسيرين ويانا ولالا؟؟
موزه:تهبي أسير وياك..ماعندي مونة أسير وياك..
حمد:عيل بتشوفين...ونزل القطوة على الأرض..
موزه:توووووووبه بسير بسير...
حمد:ههههههههههههه...القطوة من نزلتها شردت طول زيغتيها..
موزه تفرة بالقلم:أحسن..يعلنى بلاك..يا الخام..
حمد ويشل الدفتر والقلم إلى فرتهن:حشة ما خليتى شىء ما فرتيه..

موزه:جااااااااااااااااااااب......أنت من وين يايبنها؟؟؟
حمد:أنااااااااا جااااااب...ما عليه...ويزقر على القطوة....ويته..
موزه:لالالا..حرااااااام عليك.....بعدها عندي..
حمد ويلعب بشعر القطوة......:شو كنتى تقولين قبل شوي..
موزه:أناااااااااا ..أماااااااااااااايااا..أماااااياااااا..تعالو شو فو الوحش شو يسوي فينى.......
حمد:أنا وحش؟؟؟..سكتى لا تقولين جيه ..أمج بتقول شوياها بنتى إستخفت....
موزه:تعرف أنك سخييييييف..وخاااااام...بخبر عليك أبويا وبقوله أنك يالس تعذبنى......
من سمع كلمت تعذبنى ظحك عليها: (يقلد صوتها) بخبر عليك أبويا وبقوله أنك يالس تعذبنى..ههههه...شو سويت لج عشان أعذبج.....
موزه:حرام عليك..والله أنى ما أحب القطاو وأتينى حساسية منهن أفهم ما ألعب وياك...
حمد:هههههه...حد إييه حساسية من قطاو؟؟؟
موزه:لو ما صدق دق للدكتور وبخبرك..
حمد:أمممم...ما علية بعدين بدق له وبقوله..
موزه:يالله حمد عن البياخة وشلها عني بليز..
حمد:صبري بشاورها..
موزه معصبه:والله أنك خااااااااااام...عديم الأحساس..
حمد يكلم القطوة:بوسي تشوفينها خايسة ما تحبج..
موزه:أنا خايسة..؟؟...خايسة ريحتك..
حمد يشم ملابسة:لا حرام ظلمتينى ريحتى كلها دهن عود ..تونى مسبح..صح بوسي...
موزه:خااااااايس..تفهم..بس خلنى ما خبرت عليك أبويا وخليتة يهزبك..بتشوف.......
حمد يدور في مخابي جاكيتة:تبين تيلفونى؟؟؟؟؟؟؟......صبري بدور وين خليتة....
موزه:هيه هاتة.....والله بدق لأبويا.......
حمد يشوفها ورفع واحد من حياتة:للأسف ما يبتة في البيت......
موزه:لالا..حمد والله تعبت من الوقفة..والله بطيح....الشيرة فيها ماي بطيح....والله بردة الجو بارد.....أريد أنزل..
حمد:تبين جاكيتى بعطيج..
موزه:أنااااااااااااااا ..موزه بنت سالم...تلبس جاكيتك شو تخبلت..
حمد:إنزين برايج...خلى لسانج هو إلى ينزلج...
موزه:أأأأاي منك...والله أنك باااااااااايخ ...وسخيييييف...أمااااااااااااايااااااااااااااااا..
حمد:شكلج الصراحة يباله حد يصورج....ويخليج في الجريدة...ويكتب..(كيف تقلد السبال عند المدربة موزه بنت سالم حركات وتصرفات)....ويظحك..
موزه صاحت :والله يا حمد لأخليك تندم على هاي الحركة ..
حمد:أناااااااااااا؟
موزه:يا ويل حالى...أنا شو سويت لك عشان تسوي فينى جيه؟
حمد يفكر:ما أدري....بس أنتى إلى بديتى..
موزه:أأأأأأااااي....الله شو بلانى بولد عم مثلك..
حمد:حمدي ربج..ويا ويهك..ناس يتمنونى...بس أنا ما أعطيهم ويه وأنتى كل يوم مجابلتنى...وتتكلمين وياي..
موزه:والله ما عندهم سالفة...ووووووع...شو لاقين فيك..
حمد:إلى ما يطول العنب حامض عنة يقول...
موزه:إنزين فهمنى شو فيك غير عن الناس.....؟هاااااااااااااااه
حمد:أولا ....شخصية..ولا ماعندج عيون...ثانيا...راعى سوالف......ثالثا.....رجل أعمال...ورجل غني...رابعا...وحيد ماعندي إخوان..خامساوأهم شىء....عندي غمازة وحدة ويوم أظحك..أسمع التفدي من مسيرة يوم..وظحك.......عشان يغايضها..
موزه:ههههههههههه..ظحكتنى...ولا تسمع تفدي من مسيرة يوم؟؟...أوكية أنا عندي ثنتين مب وحدة....ودلع بلسانها عليه..
حمد:ووووووع...أحلى وحدة..عشان تلفت النظر أكثر...وبعدين مالتى تنبان وايد..أنتى أشوف ظحكى...وع ما لتج مب مبينات....
موزه فاجة عيونها:أنااااااا..ما يبينن حليلك...والله يبينن..وتظحك عشان يشوفهن...
حمد:هههههههه...صدق مقصة أنتى...
موزه معصبة : ليش يعنى؟؟؟؟؟؟
حمد: كنت أغايظج عشان تظحكين وظحكتى.........
موزه: أأأأأأأاااي والله أنك سخيييييييف...سمعت سخيييييييييييييف...
حمد: أهااااااااااا..أنا سخيف؟؟
موزه: هيييييه سخيييييييييييف..أمااااايااااا....
حمد يحك راسه:سمعى لو شافتج أمج بتهد عليج....وحمدان وسلطان ..صح ولا؟
موزه :لالالا..ماحد يروم يقولى شىء..بخبر عليهم أبويا....
حمد:أهاااااااااا.
موزه:وأنت بخلى أبويا يهد عليك ويعلمك كيف تحترم السنيوريتا موزه بنت سالم.....
حمد:ما عليه منشوف..
موزه:أقول ...أنت شويايبنك اليوم من الصبح..شعندك؟
حمد:قلت بسير أطمن على بنت عمى من أمس ما شفتها..
موزه:أففف..والله هبتنى هبوب العافية يوم ما أشوفك..اليوم إلى ما اشوفك أكون فرحاااانة وأحلى شىء يستويلى...ممكن تعطينى مقفاك..وتروح عنى....
حمد:ماعليه مسودة الويه..ولا أظهر هذا بيت عمى ما حيدة بيتج..وخلى عاد إلى ينزلج اليوم ..
موزه وتخلى شكلها ينرحم..عشان تعرف أنة ما بخليها تنزل ..لأنة يحب يغايض وراسة يابس ويريد يغايظها..مزاجة رايق اليوم..ولا لقى غير موزه حليلها:حمد حرام والله ملابسي خاسن ماي بمرض..خلنى أنزل..توبه ما بسبك والله..وبخليك على العين والراس..
حمد يكلم القطوه:بوسي إنخليها تنزل..ميااااوووو...خلاص تقول نزلها..لأنها ملتج..وملت حنتج..
موزه تكلم عمرها:ماعلية يعلنى بلاك أنت وقطوتك.
حمد:شو تقولين......
موزه:أناااااااا..سلامتك......بس يالله زولها عن ويهى.
حمد:إن شااااء الله عمتى..
موزه:إلا من وين لاقطنها؟؟؟؟
حمد يطالعها بإستغراب:الحين هاي ملقوطة؟!!!!...ههههه...هاي مالتى.....مالت البيت مش ملقوطة..وبعدين شكلها ملقوطة...هههههههه..مشكلة ألا ما يعرفون يفرقون بين التشردة ومالت البيوت..
موزه:إنزين زولها عن ويهى..بليييز..
حمد سار ونزلها وعلى طول سارت البيت ..
حمد:حليلها ...مأدبة سارت البيت على طول..
موزه:هيه حليها ..الله يخليكم لبعض..(تسايرة عشان ما يردها مرة ثانيه ولا هى بتموت من الغيظ عليه بس تبى تنزل وبعدين بتراويه شغله(
حمد يطالعها:هاه...شو عيبتج اليلسة فوق..
موزه:إنزين ممكن تسير بعيد عشان أنزل بهدوء ...
حمد:هههههههه..من بونى ما بيلس بسير عند وردكم بشوفه..
موزه ما علية والله بتشوف..عنلاتك..ونزلت ومشت وراه شوي شوي...وشلت الفوز مال الزراعة ورشته بالفوز وشردت ..
حمد:اااااااا.ماعلية مسودة ويه...بتشوفين..مبردة.
موزه عند باب البيت...:آآآآء..آآآء.آآآآء..ودل بلسانها..ليش تتسبب لى..
حمد:ما علية بخبر عليج..حمدان وسلطان..وبقوله..أنج رشيتى بالماي علية وبقوله بعد أنج طولتى لسانج علية...وأنا حليلى بودركم بعد أسبوع...
موزه:فكة والله بتفكنى من حشرتك..
حمد عاد أونة زعل منها: أوكية ....بس عاد أنا ما رشيتج بالماي جيه..أنتى سبحتينى.....
موزه:طفرتنى..وعشان تعرف أن موزه بنت سالم ماحد يغايظها....
حمد:أوكية..مع السلامة بس أترياج عشان نسير ...
موزه:في المشمش....
حمد:إنزين..منشوف..
وسارت موزه فوق..تفكر في حمد....ههههه..يستاهل...بس أخافة يخبر قوم حمدان وقوم سلطان..بس ما أظن أنة بخبر...وسارت وتسبحت مرة ثانية...ولبست قميص هاي نك لونه زهري وتنورة جينز لونها أسود وفوقه جاكيت أسود..ورفعت شعرها فوق...وخلت شوي قلوس..وظهرت برا ويلست في الصاله..عشان تتريا أهلها يقومون ...تذكرت سلامى...وسارت فوق وشلت التيلفون عشان تدق حق سلامى..ونزلت تحت في الصاله ودقت حق سلامى..
الساعة 9:15 الصبح..
رد البيت حمد هو يظحك على موزه حركتها..هههه..حتى أنا ما قصرت فيها..حليلها..كل ما تشوفنى لا زم نهاد ونظارب..الله يعينها..بس حليلها..والله رحمتها..بس أحب أغايظها.. أموت وأشوفها متغيضة..ولا تصيح..شكلها يظحك..ودخل الغرفة وتسبح...وسار تحت عند أمة وأبوه...بس ما لقاهم..قالت له البشكارة أنهم سارو عند يدته..فسار عند سعيد....عشان يقوله بروحون..
الساعة9:40الصبح..
أففف يا سلامى ردي تراج خبلتيبى بسج من الرقاد.....وبعدين ردت....
موزه:بنجوووو......
سلامى:ألووووو..
موزه:عثرة بسج قومى......
سلامى:هاااااااااااه..منو؟؟؟
موزه:شووووووو؟؟شو منو؟؟؟
سلامى: هيه موزه....أنتى ؟؟؟شو تبين...حرام عليج والله تعبانة..
موزه:شعندج....؟؟؟يعلنى بلاج..قومى بسج من رقاد..يالله..الساعة 9
سلامى:موزوه..والله تعبانة ..ماريد أقوم خلينى بعد شوي وبقوم..
موزه:أقول خمس دقايق وألقاج مخلصة..فاهمة الحين بييكم..
سلامى:لالالا..الساعة10ولا 11..
موزه:أقولج خمس دقايق وبكون عند الباب...فاهمة..
سلامى:أففففففف..إنزين...إنتى لازم تصدعين براسي...
موزه:هههه..أوكية باااي..
سلامى:باااااي...
وسارت سلامى تسبح...ويوم سكرت موزه من عند سلامى سارت المطبخ..وشلت كوب نسكافيه وسارت عند قوم سلامى...وظهرت من البيت...سايرة بيت قوم سلامى وتشرب ..جافت بعد حمد ساير بيتهم...مشت شوي شوي..عشان ملته..وملت غياضة
حمد:ههههههه..أنا ما كنت أعرف أنج هالكثر تشتاقيلى..
موزه:سخيف تعرف..
حمد:شو سوين؟؟ وين تبين؟؟
موزه:ما يخصك..سوفاج...
حمد:أناااااااا؟.. وأنتى ما عندج بيت تشربين فيه يالس تمشين تشربين...
موزه:أفففففف..الله يعينى منك...ودخلت داخل البيت وهو وراها...
حمد:موزه..تسلم عليج بوسي...
موزه:الله لا يسلمها من الشر....
حمد:ههههه..لا تقولين جيه ..تراها عندي...ولفت موزه بسرعة لورى
موزه:أأأأف منك تراك بايخ والله زيغتنى..
حمد:ههههه..حليلها لقيتها في بيتها ما سارت بقعة زيغتيها...
موزه:أنااا الحين زيغتها..خيبتها....
حمد:الله يعينها منج....
موزه:تراك من الصبح تغلط وأنا ساكته عنك...
حمد:أفففف الله شو بلانى بهاي الياهل ...
موزه:فقت ويهك..زول عنى لا أخبر عليك سعيد وخليتة يهزبك...
حمد:هههاااااي..سعيد!!!!!يخسي..أنا ماحد يهزبنى..
موزه:ما علية منشوف...
حمد:هاه ما خبرتى أبوج..
موزه:تصدق ذكرتنى....الحين بخبره..
حمد:هههههههه..قوليله(ويخلى صوتة مثل اليهال) باباتى حمد ولد عمى زيغنى بالقطوة....تعال وهزبة..
موزه تظربة على جتفة:خاااااس والله أكرهك..تعرف أكرهك..
حمد:هههههههه..وأنا عاد أموت فيج..أم لسانين..
موزه:أنا ليش يالسة وياك؟؟...بسير أحسن...
حمد:وأنا منبونى ما يالس وياج ويا ويهج أنا ساير عند بوعسكور...
موزه ودق الباب...ماحد فتح.....
حمد:ههههههه..ماحد يباج ليش ياية....
موزه:أنا ما يايه عندك ياية عند سلامى....
حمد:هيه حليلها والله أنى إشتقتلها هاي البنت تجنن..ياليت البنات مثلها....ماتت موزه من سمعتة يقول جيه....شو ما عايبتنة..وبعدين براية أحسن..
موزه:لا والله..ليش أنا مامالية عينك؟؟
حمد ويطالعها من فوق لتحت:أنتى؟؟؟؟...الحين أنتى تخلين عمرج ظمن البنات؟؟
موزه:لا والله...عيل أنا ظمن منوو؟؟؟
حمد رد لورى شوي:سبلااااااااان....وشرد عنها....وفرت بالكوب إلى كان في إيدها بس ما ياه ونكسر تحت..
موزه:والله بخبر أبوية وبقولة أنك تقولى سباله.....خااااااايس..
حمد:ههههههههه ..أنا ما قلت شىء أنتى إلى يبتيه لعمرج..
موزه:بايخ وسخييييف..
حمد:سيري ردي البيت محد بيي وبفج الباب مادام أنتى موجودة ما يرودون سبلان في بيوتهم....ويهاااااااااال..
موزه حاست بوزها:أنت سبال أوكية مب أنا وكل الناس يتمنونى...
حمد:هيه ويايد باين..
وفج محمد الباب...ويطالعهم بإستغراب..
محمد:أصبحنا وأصبح الملك لله ..شبلاكم؟
موزه بدلع..وتأشر على حمد: محمد شوف حمد يالس يقولى ياهل...و......جان تسكت..
حمد: كملى قولى شو بعد؟
محمد: حمد حرام عليك شو تباها؟
حمد ويطالع موزه: محمد ما خبرتك اليوم شو كانت تشوى؟
موزه بسرعة: محمد وين سلامى؟
محمد: فوق راقدة.....
موزه: بسير عندها..أحسن من يلسة ويا هذا السخيف...وسارت......
محمد: لا إله إلا الله شو تباها؟
حمد: أناااااااااا..ما قلت شىء حقها هي بروحها تغايض....
محمد: لا حليلها موزه ما تقول شىء إلا أنت...
حمد: هههههه..شحالك أنت شخبارك؟
محمد: بخير يعلك الخير........
حمد: عيل وين سعيد؟؟؟؟؟
محمد: بعدة راقد....ماحد قايم غيري أنا وأمايا وسارت أمايا تشوف الريوق شو مسوين...
حمد: يالله تعال منروح عند سعيد ومنوعيه..بسه من الرقاد متى يبانا إنسير؟؟؟
محمد بإستغراب :وين؟؟؟؟؟؟؟
حمد: منسير الحديقة ومنتحوط وبسير ويانا أمايا شيخة...كلنا ...
محمد: والله!!!!!!..زين عيل ...مادام أمايا شيخة بسير.....
وسارو عند سعيد...والحمد لله الباب مب مقفول....
دخل حمد ومحمد داخل الغرفة وكانت باردة وهو لاف اللحاف على عمرة ....وما ينشاف غير رويلاتة..
محمد:ههههههههه...حشة وين هذا يروم يتنفس؟
حمد:ههههههههه..ريولة بيتنفسن عن خشمة...ما تشوفة مظهرنهن..
محمد فتح الكبت...وظهر الكيمرا..ويتكلم بصوت واطىء: قوم منصورة..ويالس يصورة..
حمد بصوت واطىء: محمد تعال ..ظهر ويه..سار محمد ويصور ويهه...
حمد يالس عداله..ويقلد صوت الذبابة وماسك الكنينكس ويخليها على ويه..وهو يخوز ويه...ويظحكون علية..وبعدين سار محمد بعيد.ويلس حمد يطفره ويشل اللحاف عنة..وقام وشافهم أنهم يصورونة..
سعيد ساير إييب اللحاف وهم عند الباب يظحكون: والله إن ما صطلبتو لأصفعكم تفهمون..يظحكون عليه...ورد ورقد.محمد عند الباب يصور وحمد يمط اللحاف ويشرد....
سعيد:والللله لأصفعكم..يوزو..تفهمون خلونى أرقد..
بعدكم ميتين من الظحك عليه...سار حمد ويمط اللحاف وبعديد طرحة من الشبرية وشرد...وسار سعيد وشل الجودتى ويفره عليهم ويترابعون ويربع وراهم ونزلو من الدري..ومن شافتهم موزه خازت عنهم لا يطرحونها من الدري..وأمهم تزاعج عليهم..
أم سعيد:سعيييييد........يالله بستر شعنة تراوغ أخوانك؟؟؟
سعيد:أمايا تشوفينهم يالسين يصورونى وأنا راقد وكل شوي يمطون الحاف ..
أم سعيد:محمد شو تياه أخوج..وأنت بعد حمد......؟
حمد عند الباب هو محمد وبعدة محمد يصور :عمتية ما طاع يقوم ..شو إنسويله...وقام سعيد عندهم..وهم شردو الحديقة..
سعيد عند باب الصاله:وين بسيرون إلا بتون...ما عليه..
حمد:ههه..خلاص يالله تلبس منسير....
سعيد:خيبتك....
محمد:سعيد أمايا شيخة بعدين يوم بتسأل عنك شو منقول ؟
سعيد:أصصصصصص..أنت بتشوف شغلتك بعدين..
حمد:محمد يالله إنسير عند أمايا شيخة ونقولها سعيد ما بسير..
سعيد:نفدو يعلها سيرتكم..
حمد :أوكية ...تراك بعد هذا الأسبوع بروح عنكم..يالله بااااااي.
سعيد تلوم على الكلام إلى قاله..لأنه تذكر حمد بس هذا الأسبوع بكون وياهم بعدين بسوي العملية....الله يغربلنى أنا شو سويت.
سعيد:حمد صبر بسبح وبسير وياكم..
حمد يغمز لمحمد:هههه..يالله منترياك هنيه في الحديقة..جلدي كاروه..
سعيد:خمس دقايق..وحليلك يا سعيد ما تعرف أن حمد ما فيه شىء بس يالس يغلس عليكم..ويتغلاااااا..بس ما علية يا حمد شو بسوي سعيد يوم بعرف...هو شل الدنيا يوم ما درا أنك مريض كيف الحين؟؟..وأنت بخير..وكل شىء ظهر سوء تفاهم..الله يعينك يا حمد..ويا سعيد..
الساعة10:15 الصبح..
دخلت موزه عند سلامى..وشافت الحجرة مظلمة مسكرة الستاير..سارت وفجت الستاير عشان تنور الحجرة والدريشة..
موزه:سلاااااااامى....سلاااااامى وينج؟
سلامى ظهرت من غرفة الملابس.......:هنيييه..
سارت موزه عندها..
موزه:شو سوين؟
سلامى:أشوف أريد ألبس شىء ثجيل الجو بارد..
موزه:هههههه..عادي الجو حلوة .
سلامى:عيل ليش لابسة جاكيت؟؟
موزه:هذا عادي لزوم الكشخة وبعدين مب شتوي يعنى عادي..
سلامى:أوكية أريد جاكيت طويل لين الركبة...
موزه:عندي...تبين أييبة؟؟
سلامى :ياليت..
موزه:أوكية بسير البيت بس أريدج تكونين جاهزة ويوم بييج تكونين مخلصة وتتريينى في الصاله
سلامى:أوكية...
ونزلت موزه تحت ..وشافت أم سلامى وسلمت عليها...
أم سلامى:أمج بتشل قهوتها وياها؟؟؟
موزه:والله يا عمتية ما ادري يمكن...
أم سعيد:قوليلها أتشلها عشان منتقهوي في الحديقة ..يدتج دق تيلفون وتقول تبى تتقهوي هناك ويا العيال .
موزه:إن شاء الله بقولها ..
أم سعيد:و لا أقولج أنا بدق تلفون حقها وبشوفها..
موزه:أوكية ..عيل مع السلامة..
أم سعيد: قوليلها تفتح تلفونها..
موزه:إن شاء الله..
أم سعيد: فمان الله...

وظهرت من عندها ..وهى ظاهر الحديقة شافت حمد ويا محمد..وفي إيد حمد القطوة.. ومن شافتها تيبست..الحين هذا شو يسوي ويا القطوة..حرااااام عليه ليش جيه يسويبي؟؟ وسارت ومشت بخطوات سريعة...وكأنها ما تشوفه...لأنهم في الطرف الثانى..فحمد كان مندمج ويا محمد بالسوالف وما شافوها...وبعدين يوم مشت شافت القطوة جدامها وطالعها..موزة تيبست مارامت تمشى ولا تتكلم...وهى طالعها ودموعها على خدودها..القطوة ماطاعت تسير واقفة جدامها..وموزه واقفة ..وصيح...وتتنفس بصعوبة عشان ما تتكلم وبعدين القطوة تسير عندها ولا تقفز في ويها..حمد لف ويه وشاف موزة طالع شىء تحت..وواقفة..تذكر القطوة وربع إشوف ..ليش موزه يمكن القطوة عندها..ربع لأنة يعرفها أنها ما تحبهن ..بس ليش ماتتكلم؟؟...يوم سار صح القطوة جدامها وموزه ما تتحرك..ربع وشل القطوة..ويوم شاف موزه..كانت تصيح..وصدق عيونها محمرة ولا تكلمت..ولا شافت حمد...تتحسب حمد هو إلى مطرشنها لموزه.. الحين هو ليش ما يصدقنى أنى إتينى حساسية من القطاو وأخاف منهن...حمد مستغرب منها..ما تكلمت ولا قالت شىء..
حمد مبتسم:موزه آسف ما أنتبهت للقطوة...وسارت عنى..
موزه منقهرة منه وبعد يجذب..بس حمد صدق ما أنتبه لها:...........
حمد شافها أول مرة جيه معصبة وصيح..كسرت خاطرة...وعرف أنها معصبة ودموع في عيونها:موزه والله بذمة ما إنتبهتلها..
موزه عطته نظره وسارت بسرعة وصاحت وسمعها يوم كانت تصيح..تلوم فيها..بس هو ما كان منتبه أن القطوه بسير عندها....رد عند محمد..
محمد:هاه حمد شوفيها موزه؟؟
حمد يلس وحزين:والله محمد ما إنتبهت للقطوة يوم سارت عند موزه..
محمد:إنزين شو إستوى؟؟
حمد:تراها تخاف منهن وإتيها حساسية..
محمد:والله..حليلها...وأنت يوم تعرف ليش تخلى القطوة تسير عندها؟؟
حمد:والله ما خليتها كنت وياك ولا إنتبهت أنها سارت عند موزه..
محمد:إنزين شو سوت؟؟
حمد:يلست تصيح...ولا قالت شىء وسارت بيتهم..
محمد:حمد أنت شو سالفتك وياها؟؟؟حرام عليك شو تباها؟
حمد معصب:والله ما بينا شىء ..وأنا ما كنت قاصد..
محمد:إنزين ...سير فهمها مب تخليها تصيح..
وياهم سعيد.....
سعيد:هلا..
محمد:أهلين..
حمد خلا عمرة عادي :تو الناس بدري جان يلست..
سعيد:جب جب..يالله وين الريوق؟؟
حمد:لا وبعد ما متريق؟؟
محمد:قوم بتتريق عند قوم حمدان منسير عندهم..
سعيد:يالله بستر ليش ما عندنا ريوق؟؟
حمد:وشو بيستوى يوم تتريق بيت عمك ؟؟يالله عن المصاخة...وسارو بيت عمهم (بيت قوم موزه..(
الساعة10:30 الصبح
ربعت موزه البيت وكانت تصيح..ويوم دشت البيت شافت حمدان وأمها..ويوم زقرتها أمها ما كلمتها وكانت تصيح زقرتها مرة ثانية بس ماسارت عندها..
أم حمدان:شبلاها؟؟
حمدان:شدرانى..من وين هي ياية؟؟؟
أم حمدان:يوم سألت أم وديع قالت سارت عند قوم سلامى..
حمدان عصب:لايكون شىء قالولها..
أم حمدان:شو بقولون لها بعد..هاي شرات بنتهم..
حمدان:عيل ليش تصيح..لو ما قالولها شىء ما بصيح..
أم حمدان:شدرانى..
حمدان:أمايا سيري شو فيها..
وسارت أمهم تشوفها ليش تصيح...بس موزه قفلت الباب وسارت ودقت حق أبوها....وصيح..وبعد شوي تخلت عمرها عادي..
موزه:ألو.....
سالم:هلا والله بهاصوت..
موزه تعدل صوتها:شحالك أبويا؟
سالم:بخير يعلج الخير شحالج أنتى؟؟؟وشحال أهلج؟؟
موزه:بخير كلهم يسلمون عليك..
سالم حس أن بنته متغيرة يوم تكلمة تكلمه بدلع وتم تتفداه:موزه الغالية شبلاج؟
من قال جيه صاحت...:.........
سالم إستهم ببنت ليش تصيح:موزه شو فيج؟؟أهلج شىء فيهم...
موزه مشت دموعها:لا أبويا كلهم بخير....الحمد لله..
سالم ضحك عرف أن حد هد عليها لأنها تسوي جيه يوم حد يهد عليها ولا يوم تزعل : حبيبى منو مزعلنج؟؟قولى وأنا بهد عليه..
موزه تظحك وهي تصيح لأن ماحد يفهمها غير أبوها: أبويا ماريد أيلس أكثر ...أريد أرد عندك..
ظحك سالم:حبيبي ليش أنتى قولى منو مزعلنج ..وأنا بهزبه وبخليه يتأدب..
موزه:حمد........
سالم متفاجأ :حمد!!!!!!!
موزه:هيه ......صاحت....أبويا دومة يغايظنى ويصيحنى وأنا ما قوله شىء..
سالم ظحك يعرف حمد دومة يغايض وهو جيه طبعة: حبيبي حمد هو جيه ..يحب يغايض وراعى سوالف..حتى أنا يوم أيلس وياه إيلس يغايضنى أنا عمة بس لا زعلين بهد عليه..
موزه:لا ما ريدك تهد عليه...أنا ما دقيت لك عشان تهد على إلى زعلنى بس أريد أرمس ويا حد..
سالم حزن على بنته:إنزين حبيبي وين سلامى عنج وأمج؟؟؟؟بنات عمج؟؟
موزه:أنا ما ريد أكلم غيرك بسسسسسسسسس..
سالم يبا يهديها: سمعى موزه...خذيها بروح رياضية..ولا تزعلين ..صدقينى أنا أعرف حمد أكثر عنج..حمد ريال طيب ولا يقصد يضايقج ولا شىء وبعدين حليلة مريض.. (من قال أنة مريض صاحت زيادة) سمعي حبيبي لا صيحين جان تبين أكلمج (تحاول تسكت) موزه والله حمد طيب وهو ما يقصد شىء..وبعدين قولى شو سوابج..
موزه:اليوم الصبح ياب قطوة مالتة وأقوله شلها عنى عشان فينى حساسية منهن وما أحبهن وهو يغايض ولا يشلها ويلس جيه يمكن ساعة ويوم سرت بعدين عند قوم سلامى خلا القطوة إتي عندي وأنا خفت منها ويلس أصيح..مارمت أتكلم أخافها تنقز في ويهى..تشوفة يبا يعذبنى بهاي القطوة..وهو يعرف أنى ما احبهن..
ظحك أبوها ..لأنة يعرف طبع حمد وحمد مثل ولدة يعنى يعرفة مثل ما يعرف عياله..
سالم يظحك:هههههههه..موزه يبا بس يغايضج ...صدقينى...وبعدين شو قالج..
موزه تقلد صوت حمد: موزه آسف ما أنتبهت للقطوة...وسارت عنى..
سالم :هههههههه..الله ينطب بليسج.شفتى ..حرام ظلمتى الريال...القطوة سارت عنة..وبعدين تأسف..
موزه:أأأأكرهه...ماريد أريد أرد اليوم ..ماريد أسير وياه..
سالم:موزه...لا عيب شو بقولون أهلج؟؟ وبعدين ما عليج من حمد أنا بكلمة وبقوله مالك خص في موزه ..
موزه:لالالالالالالا..لا تقوله...أنا ماريدة يعرف.
سالم:إنزين ما بقوله...بس أريدج يوم أنتى تتضايقين منة لا يلسين وياه.. ولو كلمج كلميه عادي...ولو ضايقج لا تردين عليه..
موزه:إن شاء الله..
سالم:موزه ما وصيج غدي بنت راكزة ..ولا تغدين خريش..وغدي ذربة..
موزه:إن شاء الله...
سالم:يالله عاد حبيبى ... إنسى ولا تخلين في خاطرج...ولا زعلين..
موزه:إنزين..بس ضايقنى مرة ثانية بضارب وياه...
سالم:هههههه..أنا شو أقول لا تقولين شىء عنة سكتى عنة..
موزه:إنزين ..
سالم:هيه جيه أباج..ماريدة يقول بنت سالم يهاد وتعلى صوتها على رياييل ولا مربيتها....
موزه:يخسى......
سالم:مووووزه...أنا شو أقول؟؟
موزه مستحية:أوكية ما بقول شىء بس عشان خاطرك..
سالم:أتمنى أنج ما تقولين شىء...الحين سلمى عليهم كلهم..وايد وايد وعلى خوانج..وحمد بعد.
موزه:يبلغ..
سالم:يالله الحين مع السلامة ولو تبين شىء دقي ولا تستحين..
موزه:إن شاء الله مع السلامة..
ويوم كلمت أبوها إرتاحت وسارت وغسلت ويها ..حطت غلوس وسارت غرفة الملابس وظهرت الجاكيت لسلامى..ونزلت تحت في الصاله..
الساعة 10:45الصبح..
وشافت قوم حمد عند أخوها حمدان..وسارت عند أخوها عشان تبلغة سلام أبوها وتخلى حمد يعرف أنها دقت لأبوها..
حمدان:هاه موزه شو فيج ليش تصيحين؟؟
موزه وطالع حمد:لا بس سلامى يلست تغايضنى..
حمدان:ليش؟؟؟
موزه:ماشىء سوالف بنات..
محمد يطالع حمد: ما عليه موزه لا زعلين بنازعها وبخليها تتأسف منج...مسودة ويه ليش تغايضج..
موزه:لا عادي خبرت عليها أبويا ..وكان أبويا بهزبها بس أنا قتله لا عادي سوالف بنات..
حمدان:وأنتى ما تستحين تسيرين تخبرين أبويا بكل شىء؟؟
موزه بدلع: وأنت شعليك؟؟؟أبويا وأخبره بكل شىء وهو ما يقولى شىء..
حمدان: بسج من البزى...
حمد مستحى أنها خبرت أبوها..الحين شو بقول عنى عمى أغايض بنته ..وأنا ريال شكبري..
محمد:وشو قالج أبوج؟؟؟
موزه تبا تغايض حمد: قالى ابويا خذيها على قد عقلها...
محمد ظحك..أما حمد أحمر ويه ..يا الفضيحة ...أما سعيد وحمدان الأطرش في الزفة ما يعرفون شىء...
موزه:أوووووه نسيت..حمدان أبويا يسلم عليك وااايد وأنت بعد محمد وسعيد..وطالع حمد..حمد عاد أبويا يسلم عليك أنت واااااااااااااااايد ...حمد فهم قصدها...الله ينطبج يا موزه إمرة سرتى وخبرتى عمى..بس أنا ما كان قصدي..بس ما عليه بتشوفين...
موزه وطالع حمدان:حمدان متى منسير؟؟؟يالله أنا زاهبة..
حمدان:أنا إلا من شوي قالولي..
موزه:يعنى؟؟؟؟
حمدان:ما أدري سيري شوفي أمايا..
موزه:أووووووه..عمتية قالتى أقولها تفج تيلفونها..إنزين يالله تزهبو بسرعة متى تبونا إنسير.. وطالع حمد....حمد مفول عليها وعلى حركتها البايخة.....
إبتسمت إبتسامة سخرية على حمد عشان يموت من الغصه..وسارت عند أمها ويلسو يسولفون وبعدين سارو عند سلطان ويلسو شوي وياه لأنة كان راقد..كانت أم حمدان جاهزة وهى في الصاله ويا موزه....
أم حمدان: حمدان.........حمدان..
نزل حمدان ويا عيال عمة...:عونج...
أم حمدان: عانك الله...يالله نروح...عمتية محتشرة من متى تتريانا..وبطينا عليها.....
ونزلو كلهم...
سلطان:أيه موزه..شعنة شاله جاكيتين هالكثر برد..وبعدين كيف بتلبسينة فوق العباه؟؟
موزه ما دزة ويه له:أفففففففف..شو يخصك...
سعيد:إيه إنتى يكلمج أخوج ليش جيه تردين عليه..
حمدان خلا إيدة ورى رقبه موزه:شوفو إن ما سكتو عنها والله بتنظربون فهمتو...
موزه تدلع بلسانها عيهم..
سعيد: أيه أنتى نحن مب رياييل عندج تدلعين بلسانج؟؟؟
موزه بدله: أناااااااااااا؟؟؟؟؟حمدان تشوفهم يتبلون عليه.....
حمدان يطالع سعيد بعين:أنا شو أقول؟؟؟
موزه تظحك عليهم ويوم شافت حمد..شافتة ولا يخصة بشىء كان ساكت ولا يتكلم.. أفففففف فكة والله فكنا من حشرتة..وسارو كلهم عند بيت عمهم (قوم سعيد)ولقو سلامى وأمها يتريونهم برى..
الساعة11:15 الصبح
سلامى سارت عند موزه :عنبوه موزه تأخرتو..
حمدان مستغرب ما كانن مضاربات وموزه تصيح منها: أحيدكن مضاربات والحين ولا كأن شىء مستوى..
موزه قرصت سلامى عشان ما ترد بسرعة: لا عادي منبونا جيه نضارب ونصارح بسرعة..
سلامى وتسايرها بالكلام ما عاد أنها ما تعرف شىء:هيه عادي تعود علينا..
وبعدين سارت وياهم أمهم وكلهم سارو عند بيت عمهم منصور ..
سلامى:إيه شو السالفة؟؟؟
موزه:بعدين بتعرفين..سكتى عن حد يسمعج..
دخلو بيت عمهم منصور....ويلسو يسلمون على أبو وأم حمد ويدتهم إلى تهد عليهم لأنهم تأخرو....وبعدين سارو كلهم يمشون لأن الحديقة مب بعيدة...عن بيوتهم ..
الساعة11:20 الصبح..
أول واحد ظهر حمد ويا يدته..وبعدين وراهم موزه ومى ونورة وسلامى..وبعدين شوي تأخرو قوم عمهم وعيال عمهم..وبعدين الحريم ..يلس حمد ويا يدتة أول شىء ووراهم قوم موزه وموزه ميت من القهر منه..
كان مخلى إيدة ورى راس يدتة وهى قصيرة يعنى راسها يوصل عند صدر حمد..ويظحك وياها ..هى تهاد .
حمد:أمايا عادي بعد ما تعوتى؟؟
حمد:أقول أمايا أريدج ...بسالفة..
أم سالم:أي سالفة؟؟
حمد:أمايا طريتى حق حد أنى بخير وما فينى شىء؟؟
أم سالم:لا ولدي ما طريتة لحد..
حمد:زين لا تطرينة لحد..
أم سالم:شعنة ولدي؟؟؟حرام هالك وبفرحون ..
حمد:أمايا ماريد حد يعرف..وبس ...وبعدين أمايا وابويا وانتى تعرفون وبس ..
أم سالم:وابوية عليك..هلك ولازم يعرفون..
حمد:ورفجة ما تقولين لحد..
أم سالم:وشعنة؟؟
حمد:بس ...طلبتج لا تردينى..
أم سالم:على هواك...بس بزعلون..

حمد:أنا بقولهم وما بزعلون..
أم سالم: برايك..
حمد:أمايا شو رايج يوم نوصل أسمعج قصيدة ..
أم سالم تظحك:قصيد....هذا إلى أباه..إشتقت لقصايدك..
وموزه تطالع حمد يوم يظحك..هذا الريال يجتل بظحكتة..صدق والله ظحكتة حلوة وبعد غمازتة..إلى يتخقق بها..الله ينطبك محلاتك..موزه تموووت فيه ..بس مشكلة إلى تكابر.. والمشكلة الكبيرة ..ما تصدق عمرها..أنها تحبه..تبعد هاي الفكرة ومعادة أنها صدق.. تحبة.
سلامى:شوفن..شوفن..
نورة:شو.....
سلامى:شوفن حمد يوم يظحك....
موزه: عيب عليكن شو تبن بريال......
سلامى: أنتى شو لج؟؟
موزه: أففففففف..
سلامى: الللللللله...تعرف شو أحلى ما فيه هذا الريال...
نورة: ههههههههه..تعرف سلامى يوم بتوصف حد كيف توصف ..وصفها دقيق..يالله سمعينا كيف بتوصفين حمد..
مى: ما شوف شىء زود فيه..
سلامى: جب أنتى..منو يكلمج..
مى: أنااا جب..؟؟
سلامى: نورة كلمى أخت لا الحين أسدحها وأدوس في بطنها...
نورة: هههههههه..عن الفضايح....
مى برطمت وسكتت لأنها ما تستبعد هشىء عن سلامى...
نورة: أنزين سلامى كملى..
موزه: ياحبكن إلا حق هالسوالف..
سلامى: يعنى الحين بذمتج ما تهتمين؟؟عن المكر...
نوره: إنزين سلامى بسج من المهاد..كملى..
سلامى: نورة حبيبى بس أنتى إلى فاهمتنى...
مى: تولفتن..وع...
سلامى: مى أنا شو أقولج...
موزه: إيه إصطلبي هاي بنت عمج...
سلامى: قولى حقها..كيف هاي البنت تحب ترز بويها..وأنتى وياها انا أكلم نورة وأنت يالسات تقاطعنى ..ما تبن تسمع زولن عنا..
موزه: مشكووووووووورة ..وإي منج أكثر...
سلامى: نورة ما عليج منهن....سمعى..وتمسك إيد نورة....شوفي ..
موزه: بس عيب عليج يالسة توصفين الريال...ما تستحين...؟؟
سلامى: ولد عمى وكيفى أنتى شو يخصج؟؟
نورة: إيه بس عن يسمعكن ...
سلامى: موزه...شو تغارين؟؟؟؟؟؟
موزه: أنااااااااااااااا؟؟ليش حبيبتى؟؟
سلامى: عيل جب..وسمعى ...أففففففف..تراكن خبلتبي...خلنى أوصف...
نورة: أصصصص..خلنا نسمع وصف سلامى في ولد عمها...بلبلى يا سلامة.
سلامى: أحم أحم..تعرف أحلى شىء في هذا الريال..كشختة...ولا مرة شفتة مب أنيق..تقول عارض أزياء..شوفن شولابس قميص رمادي هاي نك وبنطلون أسود وجوتى رمادي وجاكيت لين الركبة أسود ورمادي...أفففففف محلات لبسة كشخة..وشوفن من وصلنا كل يوم ساعة وكل ساعة أكشخ من الثانية واليوم شوفن لابس لونها رمادي.. ههههههه...كيف ذوقة رهييييييييييييييب...ولا تناسق الألوان ..حرام لازم يكون مصمم أزياء..أفف بعد طولة لا تنسن شوفن محلات طولة...ولا جسمة رياضى....ويوم يمشى كيف راكز مب يراكض تقول أهبل...شوفن شعرة....
موزه:سلامى حرام عليج ماخليتى شىء ما طريتيه حتى سوعه.. والحين شو تبين بشعره تطرينة..؟؟؟
سلامى:أفففففففف..ممكن تسكتين ..إنزين..شوفن محلات شعره ..أسود ومحلاتة يوم يحرك بشعرة...وشوي طويل بس مش وايد...بس يخبل...بس أحلى شىء فيه غمااازتة..شوفن يوم يظحك...كيف تكون واضحة...ولا عيونة ....محلاتهن كبار وسود.. وناعسات..وخشمة محلاتة تقول سيف صدق وصف السيف ينطبق علية...ولا محلات لحيتة .. تجنن..كل ويهه متناسق...ويوم يظحك وايد يحمرن خدودة ...وينبانن أن خدودة محمرات من بياضة ..صح مب أبيض أبيض بس بياضة حلو....
موزه:هيه عن قلت الأدب...فصفصتى الريال عيب عليج...بس عن يسمعج...
سلامى:موزوه.خلينا نوصف عيل نشوف هالجمال ولا نطريه..
موزه تبا تغايضها وعشان تسكت سلامى:أقول سلامى مادام ماء شاء الله تحبين توصفين وصفيلى سلطان.....من طرت موزه سلطان عصبت سلامى ..
سلامى تبا تظرب موزه:أنتى شو تبين سلطان هاه..وتربع موز...عشان سلامى ما تظربها..لأن سلامى تموت في أخوها سلطان وموزه تبا تغايضها..وموزه تربع وسلامى وراها..لين ما يلسن يترابعن جدام يدتهن..
أم سالم تزاعج عليهن:أييييييييه..مسودات ويه..شو يربعكن..هااااااه..
موزه:أمايا شيخة سلامى تبا تظربنى..
سلامى:أمايا تشوفينها يالسة تغايضنى..
أم سالم:تعالن يعلكن النفاد...مب منكن من أمهاتكن ما معلميكن الأدب..هظلن..وابويا عليكن كم مرة قلت لكن البنت ما تربع؟؟؟
يت سلامى وموزه عند يدتهن..
سلامى و موزه:آسفين أمايا ويحبنها على راسها..
أم سالم:وابويا عليكن...شو هرقيص هاااااااه...مب عيب عليكن تربع ؟؟...عنبوه كم كبركن يالسات تتراوغن في الشوارع شو بقولون عنا العرب..بناتهم ما مربيهن يترابعن في الشوارع..
حمد :أمايا أي عرب عادي إنقليز..
أم سالم:أص.أقطع أنت..
يلست موزه تظحك عليه عشان هزبتة يدتة: وأنتى شله تظحكين ...يعلج تظحكين بلا ظروس.
عاد الحين ظحك حمد عليها ولا رام يسكت..وهى تثور من الغيظ...
أم سالم:حرام إن شفتكن مرة ثانية تربع لأظربكن ولا علية من أهلكن..مسودات ويه.. عنبوه غدينا زطيات......وخلن أشوف أمهاتكن ما هزبتهن..
سلامى:آسفين أميا ثانى مرة ما منركض..
أم سالم:قصوركن إلا تربع مرة ثانية لأنفدكن...
موزه:إن شاء الله أمايا آسفين السموووووحة...ويبن إيسيرن..
أم سالم:سلامى سيري عند بنات عمج ..وأنتى أم لسانين تعالى عندي ...
موزه فجن عيونها..أفف..يعنى لازم أيلس ويا حمد...؟؟؟ ..حمد يطالعها بنظرة يقول فيها بتيلسين وياي ..ههههههه..وحليلج هزبوج.. يلست يدتهم تسولف ويا حمد وموزه ساكتة بس تسمع ويالس تدعى على سلامى كل هذا من تحت راسها..
مى:ههههههههه..بعض الناس هزبوهم..
سلامى:والله أن ما سكتى لأصفعج..
مى :ههههههه..بخبر عليج أمايا شيخة..
سلامى تقلد صوت مى:بخبر عليج أمايا شيخة..
نورة:بس أنت شو فيكن تتحاكن تقول يهال...أصطلبن..
سلامى:ما عليه يا موزه ما رديتها..بتشوين...
الساعة 11:35 الصبح..
ووصلو الحديقة....وسارت يدتهم وقالت لحمد أنها تبى تيلس تحت هاي الشيرة بعيد عن الناس عشان ما دانى تيلس عدال الأجانب..وفرشت خديجة ويلس يدتهم ويا حمد وموزه.. أما البنات ما يبن إيلسن ويا يدتهم ويبن إشوفن العيال يوم يلعبون ويلاعبون شموه وسارة فيلسن شوي بعيد عن الألعاب فسارن شو بعيد هن وأمهاتهن..وشباب ويا عمهم سارو شو داخل في الحديقة يتمشون ما يريدون إيلسون..
يلست موزه ويا حمد ويدتها وهى ما تبى تيلس وياهم..تبى تروح تلعب ويا قوم سلامى بس يدتها ما خلتها..عشان ما تضارب ويا سلامى..وهى تتحرطم على سلامى وبعدين رضت بأمر الواقع ويلس وياهم وسولف..بس مش وايد عشان أونها زعلانة من حمد.. وحمد ويا يدته يالسين يتقهويون...
أم سالم وتمسح على شعر حمد إلى مخلى راسه على ريولها:هاه حمد ويت قصيدتك..ما سمعتنى إياها..
حمد إبتسم ويطالع موزه..لأنها هي إلى مجابلتنة..وهى ما عاطتنة ويه: الحين تبينها أمايا؟؟
أم سالم:نعاااام...
حمد:فالج طيب....وعدل يلستة..الله يسلمج تقول القصيدة..وهو يعد القصيدة يطالع موزه وموزه كل شوي تتلفت يمين يسار عشان عيونها ما إتى ويا عيونة..
يوم شفتك قلبي ارتاح....يا عزيز النفس يا الغالي
مالي على فرقاكم يواح...والقلب عنكم هوب سالي
انته نظير العين يا صاح..لا تلومني في عد الامثالي
وين ذاك الوقت لي راح..بينى وبينك باعتدالي
شوفتكشفانى وقلبي ارتاح..ودوم طرواكم على بالي
يا كم قلبي في الهوى راح..مصطاب من حلو الدلالي
وللي يحب الزين سماح..يسمح بروحه والحلالي
هذا المثل والكل يرتاح..وتعيش في دنياك سالي
ولا تستوي يا زين شحاح..وساير خوييك باعتدالي
وتم جيلي عد ما باح..منى أنا بعد الامثالي
وسلامتكم....
أم سالم:الله يسلمك.. غاويه قصيدك إلا حق منو هاي؟؟
حمد :حد وحدة غرشوب..
أم سالم:يا لله بستر ..وشعنة ما قلتلى عشان أخطبها لك..
حمد:ههههههه...لا أي غرشوب مب حق حد..
أم سالم:يا المكر لا حق حد قول لمنو؟؟
حمد:هههههه...ماحد ..
ويلست موزه ساكتة..حق منو هاي كاتبنها؟؟..معقوله يحب وحدة؟؟..بس وين يحب.. جان تذكر أنة بس هذا الأسبوع ما بكون وياهم..جان تسكت ولا تكلمت.ودموعها في عيونها..حراااااام ليش يا حمد؟؟كل يوم اتعلق فيك أكثر من اليوم إلى بعده..لا تروح عنها..وبعدين يه سعيد يكلم يدتة ويلس يقولها شىء ويوم كان يكلمها..
حمد بصوت واطى عن تسمعة يدتة:أيه أنتى ليش ما تتكلمين؟؟
موزه :............
حمد:من زمان ما سمعت شىء من إبداعاتج الشعرية..
موزه نزلن دموعها دموع حزن ودموع لفراق الإنسان إلى تكابر عشانه وعشان ما يلاحظ هذا الشىء.. بس هو ما شافها لأن سعيد سار عن ويدتة كلمتة ..
حمد:ها أمايا شو يباج سعيد؟؟
أم سالم:يشوفنى متى أبا أرد...
حمد:هاه أمايا شو متى تبين تردين ولا ما عيبتج اليلسة؟؟
أم سالم:لا حلوة اليلسة وجوهم حلوة.بس قتلة ما منبطى..ورانا صلاة ظهر
موزه يالسة وطالع الناس وتسمع يدتها ويا حمد يوم يسولفون ويظحكون وهى أونها .. يالسة ترسم عشان ما يلاحظونها..وبعدين كل أفكارها لحمد وهذا الأمر غصبا عنها وأنة هذا الأسبوع بس إلى بيلس وياهم وهى تطالع كيف يظحك ويسولف..والله حرام ليش جيه ويوم تحسة أنه يطالعها تنزل عيونها عشان ما يلاحظ أنها تصيح ودموعها خاننها ونزلن..وبعد هاي المرة ما شافها..وبعدين قامت تكتب قصيدة..عشان لمنو بتشكى الحال غير لقلمها ودفترها...آآه يا دنيا كيف تظلمين الإنسان..وكتبت..
قال لى وينـــــــــك وين حرفك والقصيد..جيت اجـــــاوب عن سؤاله واسبقتنى دمعتي
جيت بمسحها ولكن سال دمعي من جديد..وما قدرت اكـــتم دموعي يوم تاهت صرختي
وحار فكري في مصابي وضاع منطوقي السعيد..والــــــحزن حل وتمكن في حنايا دنيتي
آه ويلى من عذابي لان به حتى الحديد ..ضـــــــــاقت الدنيا بعيني واخنقتني عبرتي
من بشاكي في همومي غير خلاق العبيد..الله العــــــــــــالم بحالي يوم قفت فرحتي
من نشدني من عربية قلت مستانس سعيد..واظحك بوجه المصاعب واخفي همي بضحكتي
والحزن نوخ ركابه وصار محبوبي الوحيد..وين اهــــــــرب من همومي والمسافة وحدتي
جمرة داخل فوادي وبه لهايب تستقيد..لو تناست الــــــــــــــمآسي ذكرتني حيرتي
والليالي سرمديه والفجر نوره بعيد..وانعدم طفل الســــــــــــــــــعاده في مشاهد قصتي
ياللي تسأل وين حرفي ذا جوابي في القصيد واحتسب امري لـــــــــربي هو عليم بشكوتي
وسكرت الدفتر وتنفست بعمق حتى حمد لاحظها ولاحظ خشمها أحمر وشكلها كانت تصيح..وبعدين يوم شافتة يطالعها نزلت عيونها..ليش تصيح؟؟..أنا ما قتلها شىء.. بعدين..
موزه:أمايا شيخة بسير عند أمايا..
أم سالم:برايج بس هب تضاربين ويا سلامى..
موزه إبتسمت ومن التوتر أن حمد يطالعها ..نست تشل الدفتر..وسارت..سار حمد يوم شافها وشل الدفتر عشان يعرف شو كتبت لأن إللى فيها بتكتبه في الدفتر وهو مستهم منها ليش كانت تصيح..
سلامى:هلا والله بلى يانا..جان ما يتى؟؟
موزه:مب منى أمايا شيخة ما خلتنى وقالتلى لا ضارب وياج..عشان جيه بسويلج طاااف..
أم حمدان:موزه بس شو بلاج ويا بنت عمج؟؟
موزه:أمايا هى بادية..مب أنا..
أم سعيد:قومن سيرن تمشن فكنا من حشرتكن أكيه مى ونورة يلاعبن خواتكن سيرن وياهن..
وقامت سلامى وموزه..يتمشن في الحديقة..
سلامى:ما عليه مسودة الويه..
موزه:يا ويل حالى شو سويت؟؟
سلامى:سلامتج..
موزه:أوكية خلاص آآآآآسفة..
سلامى:خيبتج آسفة..
موزه:أوكية ..سوي طاف..
سلامى:عشان أمايا بس..ولا أنتى ما تستاهلين..
ويلسن يتمشن وشافن البحيرة فيها عيال يلعبون لأانها مثلجة يالسن يتزلجن.
موزه:لو دريت يبت جوتية وياية..
سلامى:هههههههه..عشان أمايا شيخة تمحيج من الوجود..
موزه:عادي أبويا ما يقول شىء ولا أمايا..
سلامى:أهلج..بس أمايا شيخة ما عندها هالسوالف..
موزه:إنزين خلينا نمشي..
سلامى:ما عندنا جواتى..
موزه:عادي بس منمشي شوي ومنظهر..
وسارن يمشن ...فوق الثلج....واليهال ويا أهلهم يزلجون...وكل شىء سلامى تتمسكن بموزه عن تطيح ويظحكن..
سعيد:أييييييييييه المخبل يوم ما عندكن جواتي شو مسيرنكن هناك؟؟
موزه: أنت شولك؟؟
محمد: أيييييييييييه ظهرن لا أقول حق أمايا شيخة تظهركن...
سعيد: محمد ما أتخيل أمايا سايره وراهن تربع وهى ماسكة العصا تبا تظربهن..
محمد: ههههههههه..تخيل لو تطيح......؟؟؟؟
سلامى: ما علية بخبرها.......
حمدان: موزه تعالى لا سيرين هناك بعيد تعالى....
موزه بدلع: حمداااااااااني شو بس ...والله من زمان ما تزلجت..
سلطان: يوم بطيحن لا صيحن ..وبعدين ما فينا على المستشفيات..
سلامي: شو تتحسبون أول مرة نزلج نحن من زمان نزلج من كلنا صغار..
سعيد: ظهرن فشلتونا الله يفشلكن..حد يزلج بجواتيه ؟؟يوم تبن هاتن جواتيكن وياكن..
سلامى:أنتو ليش مخلين دوبكن ودوبنا ..يا خي سيرو عنا الحديقة كم كبرها....
حمدان :موزه ...بسج ظهري..

موزه:حمدااااااان حرام شوي بعد..
وبعدين تغير الجو شكلة بي مطر..فنزل أول شىء رذاذ..فمن شافت موزه الرذاذ تمت تناقز ..فرحانة هى وسلامى..وتمو يظحكون عليهم ..
سعيد:إيه المخبل بسكن من الخبال ..أول مرة تشوفنه..
سلامى:يااااااااااااي..حلو شكلة..شوف كل اليهال مستانسين..
موزه ما أنتبهت إلا أن الثلج إلى تحت ريولها تكسر وطاحت وخاست ماي ويربع عليها حمدان وسلطان يشلونها..وكانت خايسة ماي..ويلست تصيح من البرد وريلها عورتها..كلهم زاغو ..لا يكون شىء ياها..بس الحمد لله ما ياها شىء سار سلطان محمد إييبون سياريرهم عشان الجو بارد والمطر بدى يزيد وموزه خاست ماي لين ما توصل البيت بتموت من البرد وبتمرض..من شافت أمها حمدان يقود موزه وهى متخيسة من الماي خافت ..لايكون شىء ياها..
أم حمدان:شو ياج؟؟
حمدان:ماشىء مشول أقولها لا سيرين ظهري ما تسمع الكلام لين ما انكسر الثلج وطاحت وخاست ماي..وهى من البرد تصيح..
أم حمدان:بنتى عن تموت من البرد..
حمدان:الحين سلطان ومحمد سارو إيبون السيايير منروح..
موزه:حمدان بردانة بمووت..
حمدان:شو أسويلج..ما عندي جاكيت..
شافت عمهم منصور كلهم متولفين شىء فيهم..
منصور:شو بلاهم ؟؟متولفين؟؟
حمد:شدرانى خلينا إنسير عندهم لا يكون شىء ياهم..
أم سالم:لا يكون شىء ياهم..
وسار عمهم منصور ويا يدتهم وحمد عندهم..
أم سالم:موزه.. شو ياج؟؟؟
منصور يطالع موزه إلى كانت عند أخوها: موزه شو فيج؟؟
عاد هم ما يرومون يقولولها أنها كانت تزلج لأنها بتهد عليهم..وهى توها هاده عليها...
حمدان :يالسة تلاعب شمة وسارة وتخرطفت وطاحت وتخيست ماي..
حمد ما أقتنع..سأل سعيد بصوت واطى..:سعيد شو سالفة؟؟
سعيد يظحك: بنت عمك الخبيل يالسة تلعب ويا سلامى سكيتنق وتكسر الثلج تحتها وطاحت..
حمد :بس...
سعيد:هيه بس ما يريدون يخبرون أمايا شيخة عشان بتهد عليهم..
حمد:بتموت من البرد خلونا نرد..
حمدان: الحين بي سلطان ومحمد ومنرد بسايير..
ويشوف موزه تنتفض وماسكه أخوها ..وخدودها حمر من البرد جان يفسخ جاكيتة ويعطيها إياه..
حمد يعطي حمدان:عطها تلبسه عن تمرض..
حمدان:مشكور..
وعطاها موزه..ولبستة..وكان حمد يشوف عيونها وهى رفعت عيونها لحمد..وكانت تقول بنظراتها..مشكووووورة حمد..إبتسم حمد....
منصور :يالله يو...يالله إنسير...
وسارو وكانت موزه عند أخوها حمدان وركبت وياه..وهى ساكتة ولا رايمة تقول كلمة بعد إلى إستوى..
الساعة 12:15 الظهر
نزلو كلهم بيت قوم موزه..وسيدة من نزلت سارت حجرتها وفصخت الجاكيت والعباه وسارت وتسبحت...أما هم يلسو يسولفون ويا يدتهم..
منصور:أميا شو رايج باجر إنسير المزرعة ؟؟
أم سالم:ما أدري والله..
سعيد:يا لله أمايا خلينا إنسير المزرعة خاطري أشوفها من زمان ما شفناها..
مى بتموت كل ما تكلم سعيد..تيلس تشوفة ومن يشوفها تنزل راسها وسلامى فاجة ثمها.. شو سالفتهم هالثنين...
سلامى: إنزين أنتو سيرو وأنحن منيلس..
سعيد يبى يصفعها..لأن المزرعة كلهم بيلسون في بيت واحد بيتهم إلى في الزرعة وايد كبير وجيه بروم يشوف مى كل وقت ..وبيلسون ويا بعض: ليش ما تبون إسيرون؟؟
سلامى:لا والله ..هي تبا تغايضة..
سعيد:أنا أقول حق أمايا وعماتى مب لج ..ويا ويهج..
سلامى:كلهم من رايي..
أم سعيد:لا والله أريد أسير المزرعة من زمان ما سرتلها..
سعيد:جب ..خلاص قفطوج..
سلامى:عادي سيرو أنتو أبيلس هنيه..
سعيد:ما عندنا بنات إيلس رواحن في البيت..
محمد:صدقة سعيد...شو إيلسج بعد ؟؟؟
أم سالم:بسم الله كلتو البنت..
سعيد: ما تشوفينها أمايا مسودة ويه تبا تيلس..
أم سالم: عيب سعيد هاي أختك...
سلامى: وع ...الله بلانى بهذا الأخو..
مى: يحظج عندج أخو مب أنا ما عندي أخو...وبعدين أستحت كيف رامت تقول جيه..
سلامى وطالعها بنص عين هي وسعيد:شليه..عطية ما لها جزيه..
سعيد يفرها بالمخدة:فقتج يا الدبة..
سلامى تطالع مى:ههههههه..الكلام موجة لج..لأنج أنتى الدبه..
مى بدلع:أبووووووياااااا قول حق سلامى أنا مب دبه..
منصور:سلامى شو تبينها؟؟؟؟
سلامى تقلد صوت مى: أبووياااااا قول حق سلامى أنا مب دبه...عيل كم وزنج؟؟
محمد معصب:سلامى.......ما تستحين بس عاد..
ويلسو جيه سلامى من ينب وسعيد من ينب..أما حمد يفكر في موزه.. وسلطان يطالع سلامى كيف تغايض..آآآآآآه يهالبنت كيف تحب تغايض..حشة الله يعينى منها..ومحمد يطالع نورة إلى من وصلو ما تقول شىء بس ساكته لو ظحكو تبتسم..هب أختة من وصلو ما لمت ثمها..
أما بنسبة لموزه ..يلست ساعة في الحمام..تفكر في حمد..وشوي تبتسم وشوي تصيح..على أنة بييلس بس أسبوع وياهم ولا أقل من أسبوع..وظهرت من الحمام وسارت عند جاكيت حمد ويلست تشم ريحتة..آآآآآآه ما حلات ريحتة..تجنن..أصلا هو بكبرة يجنن..وخلت فوق الشبرية وسارت تتلبس وبعدين شلتة عشان تردة ويوم حطت إيدها في مخبا الجاكيت يلست تصيح..ومن كثر ما كانت تصيح ما رامن توقف يلست ..لالالا.. حمد ليش؟؟؟..ليش؟؟