آه يادنيا عيال عم ولا يتعارفون - الجزء الواحد والثلاثون

أم سالم:وشفيكم تتصاصرون ؟.؟؟؟؟؟؟؟؟؟؟
حمدان:ماشىء أمايا ....إلا أقولج أمايا شيخة ..شرايج اليوم أنا وإنتى نرد البلاد؟؟؟
أم سالم..مستانسه: بذمتك؟؟...والله بسوي خير فيني.....
حمدان:هههههههه ..عثرج إمرة عايفة .......
أم سالم:لا تتخبر ...عايفتنها...إلا شو أسوي مبتلية ......ولا حرام ما شبرت مرة ثانية أنى أموت في بقعتى ولا سير دار الكفرة ........
حمدان:أمايا صبري.....ما بقى غير ثلاثة ايام ..ومنرد .........
أم سالم:هاي المرة خذو إلى تبونه بس عاد جان سرت وياكم مرة ثانية ....
حمدان:أفااااااااااا....
أم سالم:حرام ما شبرت بلاد الكفرة ..أنفففففففف...منو إييهم؟؟..غير المخبل ...
حمدان:ههههههه يعنى نحن مخبل ؟؟..
أم سالم:نعم أنكم مخبل ولا دار بوخليفة أغوا عنها ...مادري شعايبنكم فيها؟؟....
الساعة 6:15 ..الصبح"الريف"".....
قام تسبح..نزل تحت وشل كوب جاي وسار عند الدريشة وشاف الجو روعة والكل شىء لونة أبيض.........سار غرفة سعيد...
حمد:سعيييييييييييييييد..سعيييييييييييييييد....
سعيد:هاااااااااااااااااا..
حمد:يالله ..قوم ..متى تبانا نوصل؟؟
سعيد:كم الساعة ؟؟؟
حمد:الحين 6وربع ..
سعيد:الساعة 6 بعدة شىء وقت .......
حمد:وين وقت يالله ..قوم أنا بنزل بخليهم يجهزون الريوق أترياك ..
سعيد:إنزززززين.....أكره حد يوعينى الصبح...خاطري يوم أرقد لين ما أشبع وبروحي أقوم...متى بيي هذا اليوم؟؟؟؟.... صدق أني بكتبة في التاريخ..
وقام سعيد ...يسبح ..وتلبس وصلى ونزل تحت عند حمد..
حمد:بتموت برد لابس هالبس..
سعيد:ليش؟؟
حمد:ثلج برى .......
سعيد:أففففففف...أسمنى أكره الثلج..
حمد:بلعكس حلو ..يوم نرد المزرعة منروح اليبال نزلج ..من زمان ما سرت ..
سعيد:هيه عشان أتكسر مثل ذيج المرة وترقد في المستشفي ..خل التزلج لأهله..
حمد:هههههه..سعيد ماحد قالك متخبل ..عيل أنت يوم توك تتعلم شو إلى يسيرك عند المرتفعات ؟
سعيد:قلت خلاص تعلمت وبجرب المرتفعات ..بس إن سرت مرة ثانية ..
حمد:أفاااااااااا ..بتخلينا بروحنا ما بسير ويانا؟؟...السيرة مب حلوة بلاك......
سعيد:معذر ما بسير سيرو أنتو ...
حمد:ما طيع......
سعيد:لا أطيع....تذكر مسود الويه يوم يت تزورنى أنت وربعك وتظحكون علية ..
حمد:شكلك كان يظحك ...الراس مربوط والإيدين مربوطة وكراع مربوط.. ههههههههههه
سعيد:لا والله ...تراه مكسور ...
حمد:مب إلا كراعك ...الحمد لله ماكان شىء صاحي...ههههههه
سعيد:وتظحك...بعد..عاد هذا ويهي أن سرت وياكم......
حمد:حراااااااااام..السموحة ما بظحك.....
سعيد:إنزين عندك جاكيت ....
حمد:هيه سير الستور ونق إلى تباه ......
سعيد:وقفازات ؟؟
حمد:كل شىء هناك شل إلى تباه ..
سعيد:زين..........
تلبس وخلص وتريقو ......وبعدين سارو لندن ..........
الساعة 8:30..............الصبح "المزرعة" ..
في الصالة ... حمدان ..مخلى راسة على ريول يدتة ..
أم سالم:ولدي متى بتعرس؟؟؟
حمدان:أمايا هاي السالفة مخلنها في اللستة ..لا تخافين..
أم سالم:بعد شو هاي سته ؟؟
حمدان:يعنى في القائمة..يعنى بيي دورها وبفكر فيها....لا تحاتين ......
أم سالم:والله يا وليدي ما حاتى حد مثل ما حاتيك أنت.....
حمدان :لا تحاتين ..إن شاء الله خير.......
أم سالم:أنا دورتلك وحدة ....
حمدان:مشكورة أمايا ما قصرتى ...بس والله ماريد أعرس..
أم سالم :والله دورتلك على وحدة غاوية دخلت قلبي من شفتها...
حمدان:أمايا حليلهم قوم حمد سعيد ومحمد..يبون يعرسون دوليلهم ..أنا ماريد....
أم سالم:ولدي ما حاتيهم بعدهم أنت الحين كبرة ..ما تبى تشوف عيالك؟؟
حمدان:جان الله كاتب أشوف عيالى بشوفهم عرست الحين ولا بعدين ...
أم سالم:وأنا ماريد أشوف عيالك؟؟
حمدان:إن شاء الله بتشوفينهم.....
أم سالم:يا ولدي الأيام تخطف وكلة من عمر بنى آدم ....
حمدان يبى يراضيها بأي كلمة عشان هيه من زمان تحاتيه..وهاي السالفة دوم تطريها: إن شاااااء الله ..عاد منو هاي إلى عايبتنج؟؟؟
أم سالم..إستانست لأنة أول مرة يسأل عن حد يدته أخارتله إياها..كان كل ما تقولة يسكت ويقول ماريد..الحين سأل: البنت ..هي بنت سلطان ..يارنا.....
حمدان ..رافع حياتة:أي سلطان؟؟؟؟
أم سالم:أخت خالد..موضي.....

حمدان.....إنصدم .....كل شىء توقعة إلا هذا ....مستحيللللللللللللللللللل:...........
أم سالم:ها أشوفك سكت ....شفيك؟؟
حمدان...قام من ريول يدتة ......:لا ما فيني شىء ....يبا يروح........
أم سالم:وين بها؟؟؟؟؟
حمدان:بسير عند محمد...........
أم سالم:وسالفتنا؟؟
حمدان:إن شاء الله خير........
يبا يسير............
أم سالم:حمدان ......
حمدان:هلا........
أم سالم:أبوي أباك تودينا عند قوم أم خالد ...عازمتنا على الريوق..
حمدان:الحين ؟؟؟
أم سالم:لا جيه الساعة 10.....
حمدان :إن شاء الله ......
بعدين ين الحريم ...........سار حمدان عنها .......
الساعة 8:50.الصبح..
كلهن في غرفة سلامي...
موزه:سلامييييييييي..سلامممممميييييي...
سلامي:عثرة ........
موزه:تعثر العدو ..هبي..شفيج؟؟؟؟
سلامي:بعد ليين 3 إن ما نفتن عنى والله بصفعكن ...
مى:سلامي ..بسج وايد رقتى ..قومي.....
سلامي:ماحيد عمري راقدة فوق راسج.......
مى:موزه..برايها ..خليها زول.......
سلامي:سيري عني أبركلج ..لا أرتكب جريمة .....
نورة :إنزين برايها يالله نسير ....
موزه:كيفج منسير عنج.........
سلامي:باااااااااااااي...
نورة :يالله نسير.............
ظهرن من غرفتها..وبعدين سارن الصاله الرئيسية لقن حمدان يطالع الجريدة..موزه سارت عنده ..
موزه.:هاااااااااااااااي...
حمدان :أهلين .......
موزه:شو سوي؟؟؟
حمدان:أشوف أخبار العالم..والدنيا ....
موزه:والله الأخبار تلوع بالجبد ليش تعكر مزاجك من الصبح ......
حمدان:الحمد لله مزاجي تعكر قبل لا شوف الجريدة ....
موزه:ليش؟؟؟؟
حمدان:ماشىء .....
موزه:لا قوووووولي.......
مى:موزوه عن لقافة ....
حمدان:أشوفك متلبسات وين تبن؟؟
موزه:منظهر برى ..
حمدان:عشان الثلج؟؟؟
موزه:هيه ..شكلة حلو ......
حمدان :لبسن قفازات ما بترومن تمسكنة من برودته ..
موزه:ذكرتنى بييب قفازاتي....
سارت موزه تيب قفازاتها ومى بعد سارت وياهن ....بعدين ردت ..
موزه:يالله نسير........
مى + نورة::يالله ..........
موزه:بااااي حمداني....
حمدان:باااااااي .....
الساعة 9:03..الصبح.....
في قسم الشباب..قام محمد..دخل غرفة سعيد مالقاه وسار غرفة حمدان بعد ما لقاه دخل غرفة سلطان ...لقاه بسابع نومة .....ظهر..
محمد:وين سارو ؟؟؟؟؟
ظهر برى ....في الصاله الرئيسية ..لقى حمدان يقرا الجريدة ......ماحد عندة ....
محمد:صباح الخير.........
حمدان :صباح النور ..شحالك؟؟؟؟؟
محمد:بخير...... يوم سرت حجرتك وحجرت سعيد ما لقيتكم قلت وين سارو ...ماشاء الله من الصبح قايمين ؟؟
حمدان:أنا ما شفت سعيد......
محمد:ليش ؟؟..مش وياك؟؟؟
حمدان:لا من أمس ما شفتة .....
محمد:عيل وينة ؟؟
حمدان :صبر أمس كان مريض...لا يكون شىء ياه ..
سارو يدورون علية ...بس ما لقوه ......بعدين سارو غرفة حمد...بعد ما لقو حمد ....
حمدان:وينهم؟؟؟؟؟
محمد:مادري.........
حمدان:تعرف يمكن باتو عند قوم حميد..وذياب....
محمد:ليش لا..؟؟..يمكن......
حمدان :بدق تيلفون لذياب.......
محمد:لا دق يمكن بعدهم رقود ..خلهم يرقدون ..بعدين منسير عندهم ..
حمدان :أوكية ...خلاص...
نزلو تحت ..سارو عند عمهم منصور وعلي ..كانو كلهم عند يدتهم يتريقون ......
الساعة 9:15.الصبح.....
موزه ونورة ومى ..يمشن في الحديقة ..بعدين يلسن في الكراسي.....
موزه:وايد ضباب.....
مى:صدق والله تصدقين ما ينشاف البيت زين......
نورة :هههههه أحب الضباب ..حلو .......
موزه:تصدقين ..الضباب كله مرض....الله يعين عن نمرض......
نورة ..تنفخ إيدها:برد......
مى:ليش ما لبستي قفازات؟؟؟
نورة:ما قلت جيه برد.......
موزه:أييبلج قفازات ؟؟
نورة:لا أنا بسير اييب....
موزه:لا والله عادي أنا بييبلج...
نورة:لا ..أنا بسير أييبهن..يلسي أنتى........
سارت نورة تيب قفازاتها ......
مى:موزوه تعالى نسوي رجل الثلج......
موزوه:لا ..كل وحدة تسوي واحد ومنشوف منو أحلى....
مى:أوكية .........
وشوي إلا سلامي متبادية عليهن..
موزه:ههههههههههه..سلامي شكلج يظحك....
سلامي:جب..والله ميتة من البرد....
مى:أنا تحسبت خيمة تمشي...
سلامي:أنا ما اقهر البرد ..شو تتحسبن مثلكن ....حديد..
موزه:بسم الله علينا .. بتاكلينا........
سلامي:عيل جب ولا وحدة تتكلم .......شو تخدمن ؟؟؟؟؟
مى:نلعب بالثلج تبين تلعبين؟؟
سلامي:أنا الثلج ما صكيتة ويدية أحسن متورمات وين أصكة ؟
موزه:مب بارد والله ..وإنتى لا بسة قفازات ..تعالى ....
سلامي:لا ماريد........
وسلامي يالسة تشوفهن ..وهن مستانسات كل وحدة سوت شىء..موزوه سوت حرمة ومى سوت ريال..
سلامي:أنا أحيدهم بعد يلبسونهم ..
موزه:إنزين منلبسهم بس خلينا نخلص....
سلامي:والله حلو سويتنة.....
مى:تعالى .......
سلامي:شكلى بعفد وياكن ....
موزه:هههههههه..من الصبح أقولج تعالى .........
مى :وينها نورة ..سارت ولا ردت........
سلامي:ليش كانت وياكن؟؟
موزه:هيه ..قالت بسير تيب قفازات ولا يت.......
مى:الحين بتي..........
يتهن نورة ..ويا دلة الجاي..............
مى:أقول وين سارت ..........
نورة :والله في خاطري جاي.........والجوي يساعد تشربين شىء حار......
سلامي:زين يوم يتى ..
نورة:وإنتى متى قمتى؟؟؟
سلامي:بوج ما خلنى أرقد ......حشرني......
نورة:هههههه..ترانى كنت وياهن......
سلامي:مسودة ويه وياهن بعد..........
نورة:هههه ..وحليلج............
سلامي:والله أحس وحدة من عينى مفتوحة ووحدة مسكرة..نعسااااانة أبا أرقد.......
نورة:عشان جيه ..بسج من رقاد.....
سلامي:والله أمس ما رقدت......
نورة:عادي الجو حلو ما يساعد ...بعد ثلاثة أيام منرد إستمتعي بالوقتج........
سلامي:يالله ...تصدقين الجو صدق روعة........
شافن واحد يركض ولابس لبس رياضة ولابس كاب وكان بعيد عنهن ..بس ملامحة مب باينة..أولا عشان الضباب وثانيا عشان بعيد عنهن...
مى:سلاااااااامي..سلاااااااااامي..
سلامي:خييييير...
مى: سلطان ..
سلامي.....:ويييييييينة ..وييييييينة؟؟؟؟
مى: أكوه يربع......وتأشر عليه.......
سلامي: ياااااااااااي..رياضي.........
نورة: هههههههههههههه..الله ينطبج.......
سلامي: أحب الرياضيين ....
موزه: زقريه خليه إيي ..
سلامي: استحي......
موزه: عادي ..قوليلة يشرب جاي ويانا.......
سلامي: إنتى زقريه..........
موزه: لا أنتى...........
سلامي: لا يتنى فكرة ....سيري عندة أنتى ونورة ....وقوليلة يشرب جاي ويانا...
نورة:إستريحي..مابروح.....
سلامي:فديييييييييييييييتج........سيري........
نورة:لا والله شو يخصنى؟؟؟؟؟
سلامي:سيري ويا موزه....أونكن تتمشن وبعدين زقرنة ...بس ..دخيلج...
نورة:وليش أنتى ما سيرين؟؟
سلامي:أونة زعلان منى......
نورة:هههههههههههه...عنبوه وحالكم.....
سلامي:سيري..
نورة:مى سيري أنتى......
سلامي:لا ماباها سير عند سلطان ..خليها عندي.........
مى:أنا من بوني ما بسير......
سلامي:يالله عن يسير..دخيلج.......يالله موزوه.......
نورة:أففففففففف..أنا لو يلست عند قوم أمايا أبرك لى....شيايبنى هنيه..
سلامي:إنزين سوي هالخدمة والله بردها..بليز يالله .......بسرعة..ذليتيني...
موزه:يالله ..........
سارن عنده......وكان هو ما منتبه لهن يوم هن يتقربن منة .
موزه:صبااااااااح الخيييييير......
......لف صوب قوم موزه..منو هاي.....؟
نورة..:وليش ما يرد؟؟؟؟؟
موزه:شدراني..........
موزه:تعاااااااااااااااااااال....بقولك شىء..........
......هاي شسالفتها؟؟؟؟...شو تبى منى؟؟؟؟...
موزه:أف طفرنى ليش ما يسمع؟؟
نورة:هههههه؟..يمكن عرف ان سلامي هي مطرشتنا ...وأنا ويانا عشان جيه..
موزه:صبري ...صبري......وقف..
موزه:تعال أباك ...دقيقة.........
...هاي اكيد تعرف منو أنا وتباني بشىء..بس أخافها تحسبنى حد ثاني........بعدين سار عندها....
موزه:صدقين ....يمكن مب سلطان.......
نورة:لا ما ظني....هيكل سلطان.......
تقرب منهن .....أكثر .......
حميد:خير اختى شو تبين؟؟؟؟
نورة:خييييييبة هذا منو؟؟؟؟؟؟..سيدة تغشت هي وموزه.......يا القفطة......
حميد..عرف أنهن كانن يتحسبن حد ثاني:السموحة .....
موزه.....مارامت تتكلم......
نورة:السموحة أخوي تحسبنات سلطان........
حميد: حصل خير....إسمحلي انتن.......
وسار عنهن.............وهن ردن عند سلامي......والويه احمرررررررر.....
سلامي:وينه ليش ما يه وياكن.......
موزه:عنلاتج .......تعرفين منو كان ؟؟؟؟؟
سلامي:منو؟؟؟؟؟
موزه:ربيع قوم حمدان.......
سلامي:جذاااااابة .........
موزه:والله ..........ياااااااااااااااااي يا القفطة......يا ويلى ......
سلامي:هههههههههههه..إنزين شو إستوى......؟؟؟
نورة:بعد شو إستوى؟؟..كلة من تحت راسج..
سلامي:عنبوه ما إنتبهتن له ؟؟..
نورة:شدرانا؟؟؟...الجو ضباب وبعدين لابس كاب ما ينبان ويه إلا يوم تقرب منا..يالفضحة ..
موزه...تقلدة:حصل خيييير....فقتك...
نورة:تعرفن .........
مى:شوووووووو؟؟؟
نورة:شكلة يخبل .........
سلامي:ههههههههههههه..هااااا الحبيبة لا يكون حبيتيه ؟؟؟
نورة:شو حبيتة ..يعنى حد يقول عن حد حلو حبة ؟؟؟؟؟؟
سلامي:عادي يستوي حب من اول نظرة ......
موزه:وااااااع من وين يتة الحلاه؟؟....
نورة:بالعكس شخصية......
مى:ومحمد؟؟؟؟؟
نورة:إيييييييييه ..شفيكن؟؟؟...تخبلتن ..ما قلت غير انة شخصية بس ....يعنى أنتن ليش تفسرن كل شىء غلط؟؟؟
سلامي:والله شكلج يقول غير هالكلام.......
نورة:أووووووووووووهوووووووو....خلاص مب حلو شيفة ..بس.....إرتحتن.....
سلامي:أكوه يه.......
نورة:وييييينة؟؟؟؟؟
سلامي:شفتى؟؟؟؟؟؟....يعنى ................؟؟؟؟
نورة:بتقهرني أنتن...
ويلسن يغايضنها...وهي بتموت منهن..عاد ما يصدقن لقن شىء يغايضنها فيه.....
الساعة 10:09 الصبح...."لندن"......
وصلو المستشفى.....دخل حمد وسعيد ....وسارو عند الدكتور.......عند الباب...
حمد:سعيد خايف....
سعيد:توكل على الله .. وإن شاء الله خير......
حمد:إن شاء الله .........
الساعة 10:10 الصبح...........
حميد..دخل البيت ..سار عند ذياب......ذياب بسابع نومة....
حميد:ذياب....ذياب......
ذياب:هااااااااااا...شعندك؟؟؟؟؟
حميد:آآآآآآآه ياذياب ..لو شفت إلى شفتة؟؟؟
ذياب:شو إلى شفتة؟؟
حميد:شفت وحدة محلاااااااااااااااتهاااااااااا..
ذياب:وين في الحلم؟؟؟؟؟
حميد:أي حلم؟؟؟؟؟
ذياب:تراك تقول شفت وحدة ......
حميد:شفتها في الحقيقة.....
ذياب:وين؟؟؟؟؟
حميد:توني شايفنها..تخبل يا ذياب.......
ذياب:حميد أنت صاحي؟؟؟
حميد:هيه ليش؟؟؟؟؟؟
ذياب:ومن وين يت؟؟؟؟
حميد:لو قتلك ما بصدق........
ذياب:شو؟؟؟؟
حميد:هي زقرتني...........
ذياب:هههههههههههههه..صدق أنك هب صاحي....بعد زقرتك ..وما زقرتنى؟؟؟؟؟
حميد:والله ما جذب عليك......
ذياب:يوم أقولك في الحلم قتلى لا........
حميد:إيه أتكلم جد........
ذياب:أخوي أعرف أنك تحب تألف قصص ..بس عاد هاي المرة يبتها غير..شياه مخك ظرب فيوزة؟
حميد:والله مب منك منى أنا إلى يالس اخبرك.......وبعدين متى أألف قصص؟؟
ذياب:عيل بعد كيف هاي اونها هي زقرتك......
حميد:أفهم يا ثور..كنت أركض برى...بعدين كانن بنتين زقرنى إستغربت منهن وما سرت عندهن وبعدين بعد زقرني مرة ثانية بعدين سرت عندهن ويوم شافنى تغشن وقالت وحدة تحسبناك سلطان..قتلها حصل خير..والسموحة ......بس.......
ذياب:والخيييبة..يمكن هاي وحدة من بنات عم قوم حمد.الله ينطبك أنت شو سويت؟؟؟
حميد:ما سويت شىء ...أمشي في حالى وهي إلى زقرتنى..مب انا ؟..أنا ما سويت شىء..يعنى من الصبح يالسة تزقرنى قلت بسير أشوفها شو تبي ..آخر شىء كانت تتحسب سلطان .....وبس.......
ذياب:الله ينطبك.......
حميد:الغالي ما سويت شىء ..وواثق من عمري........
ذياب:لو عرف حمد.............
حميد:يعرف..أنا ما سويت شىء غلط..لو كنت أنا إلى زاقرنهن بقول سويت غلط..وبعدين الغالى أنا مب من هالنوع أوكية..ثمن رمسك قبل لا تقولها..أنا حاشم أهل البيت قبل لا طيحة .....ولا تنسي تراهم يقربولنا......أوكية .....
ذياب:إيه أنا شو قلت ؟؟؟؟
حميد:شدراني بك؟؟؟؟؟؟
الساعة 10:15.....الصبح.........
يالسة تلبس االبوت يوم خلصت سارت الكبت ويابت القفازات والوشاح ..ظهرت من غرفتها وسارت غرفة هند..
موضي:هنوووووووووووووووووووود..قومي.....
هند:ماريد........
موضي:قومي والله لو تشوفين الثلج حلو.......
من قالت الثلج نقزت سيدة عند الدريشة .............
هند..تفرك عيونها:ياااااااااااااااااااااااااااااي..حلو .........تبا تظهر برى الغرفة .........
موضي:تعالى وين تبين ؟؟؟؟؟؟...
هند:عند الثلج أريد ألعب فيه.........
موضي:لا..........أول تسبحي وتلبسي..الجو بارد.......
وسارت وسبحت أختها ولبستها ....وبعدين نزلت تحت......في الصالة ..كان بوخالد وأم خالد ..خالد بعدة راقد.........سارن وسلمن على بوهن وأمهن....
هند :يالله بسرعة كلى ......
موضي:صبري....شويه....
أم خالد:ليش يمة ...؟...وين تبين؟؟
هند:يمة أريد أروح عند الثلج ألعب .
أم خالد:ماكو لعب لين ما تكملين ريوقج..
هند:مارييييييييد.....
بو خالد: حبيبتى تريقي وبعدين سيري......
موضي:هههههههههه..شكلها يظحك تشبة ..البنقوين ....
هند:وأنتى تشبهين البير..
بو خالد:بس بنات ..لا تيلسن تتغايضن......
هند:بابيتو ....تشوفها تقولي أنا أشبه البنقوين...
بو خالد:تمزح وياج.....
موضي:أنا شبعت ....شو ما خلصتي؟؟؟؟....
هند:ماميتو أنا خلصت ......أروح.....
بو خالد:خليها تروح......
أم خالد:روحي ...بس مو تيلسين وايد في الثلج..فاهمة....
هند:أوكية ماميتو .....
وسارن برى ..........

هند + موضي:الللللللللللللللللللللللللللللللللللللله .محلاته.....كل شىء لونة أبيض...
موضي:بسير أشوف السنجاب ...رد بيتة ولا لا....
هند:صبري بسير وياج......
موضي:الله حلو شكلة ......ويلست تقافز فوق الثلج....وسوي كور بالثلج وتضارب ويا هند......لين ما وصلن عند الشيرة ...
موضي:أقول هند....شو نسمى هالسنجاب؟؟؟
هند:ما عرف ....
موضي:شو رايج نسميه العنيد......
هند:حلو.....
تفصخ قفازاتها ......وعطتهن هند.......
موضي:أنا برقا الشيرة ..ماعرف أرقا والقفازات في إيدية ........
هند:بسرعة عن حد يشوفنا.........
موضي:أوكية .........
الساعة 10:30.الصبح............
أم سالم ..دور على حمدان ..........سارت الصالة لقتة في الصالة ....
أم سالم:حمدان ...يالله هبابنا..نسير ......
حمدان:وين ؟؟؟؟؟؟
أم سالم:يالله بستر تراني قتلك..عند أم خالد.....
حمدان:بروحج؟؟؟
أم سالم:لا وياي الحريم.......
حمدان:إن شاء الله بيب سويج السيارة من داخل ..
أم سالم:لا تبطي....
حمدان:إن شاء الله .........
سارت تيب عباتها.............وسار داخل إييب السويج لقى سلطان توه قايم...
حمدان:صح النوم..عنبوه عفنت...
سلطان:وين عفنت أمس مارقدت ...
حمدان:شياك؟؟؟
سلطان:من حشرت سعيد..يوم حيدنى رقدت سوى حشرة وقمت.. مرة يقرقع بالشنطة.. ومرة بالباب ..حشرنى لين ما راح......عاد بعدين طار الرقاد.......
حمدان:أي شنطة؟؟
سلطان:ليش ما تعرفون؟؟؟؟
حمدان:لا........
سلطان:سعيد وحمد ..سارو أمس فليل لندن عشان الدكتور دق تيلفون لحمد إييهم اليوم عشان الفحوصات..
حمدان:عنبوه ولا يخبرنون حد؟؟؟
سلطان:ماعرف بس على ما ظن ما يريدن حد يعرف..
حمدام:وهذا حمد لين متى بيلس يود مرضة عنا ..ليش نحن مب أهلة ؟؟
سلطان:لا..بس فحوصات ..بعدها العملية على ماظن ..
حمدان:أوكية..الحين بدقله تيلفون وبشوفه مسود الويه هو وسعيد عنبوه ما يقول عيال عمة لا يخبر ولا يقول..دق تيلفون بس كان مغلق ودق لسعيد نفس الشىء..وليش بعد مغلقينة؟؟؟؟؟
سلطان:حمدان ..بس فحوصات ..ليش محتشر؟؟؟؟؟
حمدان:محتشر ليش ما يخبر؟؟؟؟
سلطان:تراه خبرنى.......
حمدان:وأهلة ماحد يعرف ..أنا ومحمد من الصبح ندور عليهم ..قلنا يمكن رقدو عند قوم حميد......آخر شىء سايرين لندن.........أوكية ...برايك..بروح...
سلطان:وين؟؟؟؟
حمدان:أودي قوم أمايا عند قوم خالد.......
سلطان:أوكية ........
حمدان:سلطان تأكد ودو ريوق لقوم حميد ولا لا..أنا قتلهم بس عاد ..ماعرف ودوه ولا لا...
سلطان:أوكية ........وين محمد؟؟؟؟..
حمدان:عند قوم عمي منصور وعلى ......باااااااااي..
سلطان :بااااااااي..........
وسار حمدان يشغل السيارة .....ويلس يترياهن لين ما وصلن ....وركبن وشلن فوالتهن وياهن .........وبعدين سارو بيت قوم خالد......
حمدان:أمايا متى بتخلصن؟؟؟
أم سالم:والله ما دري يا ولدي ..
أم نورة:تعال ..جيه 11 ولا12...
حمدان:دقن تيلفون يوم بتخلصن...
أم سالم :إن شاء الله .....
الساعة 10:50...الصبح..........
موضي فوق الشيرة ..دور على السنجاب...
هند:لقييتيييييييييييه ؟؟؟؟؟
موضي:لا....مادري وين سار؟؟؟؟؟...
هند:دوري في الحفرة الثانية .........
موضي:صبري....أشوف ..شىء يتحرك........
قفز السنجاب.........وطاحت موضي من فوق الشيرة ........
موضي:الحمد لله شىء ثلج ولا والله عضامي بتتكسر من هطيحة........
وربعت وراه..وفي نفس الوقت قوم حمدان داخلين المزرعة ..حمدان ما إنتبهلها..وهي تربع ورى السنجاب ما إنتبهت للسيارة ..وبسرعة بريييييييييييييييييييييك..بعدين طاحت موضي..نزل حمدان بسرعة يشوفها..