آه يادنيا عيال عم ولا يتعارفون - الجزء السابع والعشرون

موزه:أمايا عندهم بنت أسمها موضي؟؟
أم حمدان:هيه ...وبعد وحدة أسمها هند....
مى:يااااااااااااي....زين بتكون عندنا ربيعة..ومنسولف وياها.......
أم سالم:هيه بس خلنى أشوفكن تضاربن ولا تتناقرن.. ياويلكن...
أم نورة:يا ويلهن....شو يبن يفضحنا عند العرب......
سلامى:حششششششة...أمايا حليلنا نحن ما نسوي شىء....بريئات......
أم حمد:هههههه.. صدقهن ما يسون شىء ..حليلهن ظلمتنهن..
موزه:أمايا ..متى بيون؟؟
أم سالم:والله...يمكن بين جيه المغرب .
موزه:زين....أمايا كم كبرها موضي؟؟
نورة:موزوه..شبلاج؟؟...يوم بتى بتعرفين.
سلامى:يا رب تكون كبرنا...
مى:أنا حبيتها ما ادري ليش..جيه من أول ما سمعت أسمها..
سلامى:هيه حلو أسمها ..
أم محمد:أمهم كويتية ..ويمكن هذا من الكويت يايبتنة الأسم..
أم نورة:طيبة الحرمة..
أم سالم: أنا عرفتها من منطوقها رحيييييم ...حتى رمستها ذربة..
أم حمدان:تراها تتكلم كويتى..
موزه:الصراحة خاطري أشوفهم بسرعة..
سلامى:أمايا بس هي وبناتها بين؟؟
أم سالم:والله ما دري..بس يقول عمج منصور..بيتعشون وبعدين بسيرون عندهم شغل...والعيال ماحد سارو عند ربيع حمد ويمكن بيتأخرون..
مى:يااااااااااااااااي..الحمد لله..يعنى ماحد بكون في البيت.
سلامى:فكة...أبركها من ساعة..
موزه:بنات يالله نسير...
أم حمدان:وين تبين؟؟...
موزه:منسير نسمكر..أول مرة بشوفونا ..لازم نتعدل ونتكشخ..
مى:هيه والله ..
أم سالم:جيه وين بسيرن عرس؟؟
سلامى:أمايا لازم عيل جيه نظهر عند العرب منزيغهن.. يالله هوانم قاردن ستى...
أم سالم:يالله بستر بعد شو هاي ؟؟
سلامى:هههههه..ماشىء أهذرب بروحى..
سارن هوانم قاردن ستى .. قسمهن...ويلسن الحرمات يسولفن برى..
الساعة4:50.....العصر
بركنو سياييرهم..ودخلو النادي..
سعيد:هااا..حمد وينة ربيعك؟؟....إلى ما طايع تخبرنا أسمة؟؟
حمد:صبر..خلنا ندخل...
حمدان:عرفتة..........
حمد :أصصصصص..لا تخبرهم..
سعيد:خبرنى....
محمد:ليش مستعيل الحين بتعرف..
حمدان:عاد حشة يا سعيد ..مب فضول عليك.
دخلو داخل النادي..وهذا النادي للبولو..يلسو عند الكراسي..يشوفون المباراه.....
سعيد:هذا ذيااااااااااااااب..وحميييييييد..
حمد:ههههههههه..أخيرا عرفتهم..
سعيد:عنلاتك جان قلت من زمان..
حمدان:يالله نسير نسلم عليهم ..خلصو..
سارو كلهم عندهم....وهم نزلو من الخيل يوم شافو قوم حمد يايين عندهم.. وتوايهو..وتعرفو على خالد..
حميد:وشحالك خالد؟؟..شخبارك؟؟؟
خالد:بخير يعلك الخير..وخبر سعيد خالد أن قوم حميد يقربولهم من طرف يدتهم..يدتهم ويدت قوم حميد خوات وهم بعد يرانهم ..
سعيد:الصراحة ما توقعت .
ذياب:ههههههه..مفاجأه حلوة لا؟؟؟؟
محمد:نعااااااااااام..
حمدان:تحسبتكم رديتو..
حمد:هههههههه..لا هم ما يرومون على فراقنا ..
محمد:عشان جيه لحقتونا..
حميد:شو نسوي..تعودنا عليكم..
سعيد:تحبون تلعبون بولو؟؟
ذياب:ضقنا .. قلنا منسير النادي منلعب من زمان ما لعبت وركبت الخيل..
حمد:تعال المزرعة.... عندنا خيول في مزرعتنا....
حميد:وين إنى عندكم؟؟
سعيد: تعالو نيلس هناك...
كان يأشر على المطعم......وسارو كلهم المطعم......
حمدان:حميد.....تعالو المزرعة ....
حميد:وين إني ؟؟....
حمد:عنبوه..يا حميد...عندنا بيت للضيوف..تعالو...أنت وهلك..
ذياب:ههههه..وين ولا بعد وهلنا...
حمدان:والله إلا أتون..عنبوه..نحن أهل مب غرب..
حميد:إيه أستهد بالله ياريال..ليش تحلف....وبعدين وين إني عندكم ؟؟
حمد:ليش ما شفت مزرعتنا..تعال معدلينها شو محلاتها أحلا عن قبل..وسوينا بيت للضيوف..تعالو ..
خالد: والله صدقة حمد..مزرعتهم كبير ووايد حلو..الحين أنا بسير أسوي مثل بيتهم..شو أسوي غرت ...وبعدين أنتو أهل يعنى عادي..مب غرب..
حميد:ههههههه..عاد إنتو إلا جيه تعزمون ما خبرت الوالد وشاورتة..
سعيد :ما علية أنا بقنعه..
ذياب:يصير خير...
محمد:هاه..خلصتو..المباراه؟؟؟
ذياب:هيه..
محمد:عيل يالله سيرو غيرو..ونترياكم في السيايير..نريد نظهر ونتحوط..ليش يالسين هنيه.
ذياب:يالله.....سبقولنا والحين منبدل ويايينكم..
وسار ذياب وحميد يغيرون وكانو قوم حمدان يتريونهم في السيايير..وبعدين ظهروا..يتحوطون..
الساعة5:10........ العصر..
في غرفة مى..مى عند الكبت ..وسلامى منسدحة فوق الشبرية ..وموزه..تمشط شعرها..
موزه ..تخلى الشباصة في شعرها:أقول وينها نورة؟؟؟؟
سلامى...تفج المجلة:عند قوم أمايا..
موزه:هاي نورة ..ما تيلس وايد ويانا دومها عند قوم أمايا..
مى: على قولتها نحن راعيات مشاكل..وما فيها على المشاكل ..فتيلس ويا قوم أمايا ..
سلامى:ههههه..حليلها ..حشة يا سعيد طير حمامة فوادها....
مى:هههه..دومها نورة جيه..وايد تخاف..
موزه:أقول..
مى:هلا......
موزه:شو رايكن اليوم نسوي باربكيو؟
سلامى:تي كيه....
مى:نايس..واي نت؟
موزه:أوكية..عيل ما دام وافقتن يا هوانم قاردن ستى..عيل منشل الكيرم ويانا برى.. ومنيلس برى ..ومنسولف ومنعابل الباربكيو..
سلامى:وموضي؟
مى:ويانا..
موزه:بس لو كانت كبيرة مب كبرنا؟
مى:والله هي بتخسر ربعتنا....بعدين عادي منسحبها ويانا.
موزه:هههههههه..أسميها بتتخبل..
سلامى:عادي.بس ما قلتيلنا شو نسوي ويا الوحوش؟؟
موزه:أفففففففففف..بعد شو؟؟؟؟؟؟.....لبسيهم..
مى:تعرفين والله الرياييل ما يبالهم ..غير جيه.....عشان يحسون .
موزه:تعرفن والله إفتكينا اليوم من حشرتهم..
سلامى: ههههههه..عاد إلى يسمع إلى من كم من ساعة ما كلمتيهم أونة اليوم إفتكينا من حشرتهم..
مى:تصدقين هاي كم ساعة على قولتج تقول يوم عندنا..
موزه:ههههه..خيبة ..يوم؟؟.عيل باجر بتقولين تقول أسبوع..
سلامى: ما خليتهم يندمون على إلى سوووه..ما كون سلامى..بتشوفن شو بسويلهم...
موزه:وإنتى ليش مزاعلة سلطان بعد؟
سلامى:هيه عنلاته..يوم يلست عندة ..آخر شىء قالى مشكلة إلى يدزن بالوية...
موزه:ههههههه..والله!
سلامى:هيه..
مى:ما ظنى إيقول جيه لو ما قلتيلة شىء؟
سلامى:عنلاتج.....ما قتله شىء..
مى:مستحيل.....لا زم قلتى شىء..
موزه:صح ..أخوي ما بقول شىء لو ما قلتيلة شىء..
سلامى:أممممممممم..أمممممممممم..قتلة حمار..
موزه ومى:ههههههههههههه..بذمتج؟
سلامى:هيه والله عصبى..
موزه:حمار....قوية.....صدق قوية..
مى:هههههه لو قلت لسعيد جيه شو بسوي؟
سلامى:خخخخخ..ما ريد أتخيل.....أخوي كل شىء يسويه..
موزه:صح بقولكن شىء...
مى:شو؟؟
موزه:سمعن يقولون أحلى غرفة في المزرعة غرفة حمد..أريد أشوفها..
سلامى:هيه ..حتى أنا سمعت .أن مش بس غرفته قسمة كلة حلو..
مى:أنا الطابق الثانى لين الحين ما شفتة..
سلامى:يالله شو رايج نسير الحين؟
موزه:يالله....ماحد ..وما ظنى الحين بيون .إلا لين فليل..
سلامى:أقول كنسلت ما ريد أروح...
مى:ليش؟
سلامى:أخاف يستوي مثل سعيد..ماريد..
موزه:سلامى..إلى تتكلم..لا مش معقول..سلامى الشجاعة..وإلى ما تخاف حد ..ما تريد تروح..
سلامى:صدقها نورة..بتودنا في داهية..
موزه:ما عليج منسير بسرعة ومنرد..ما منبطي......
مى:بس صبرن..الحين منصلى ومنسبح ومنتكشخ وبعدين منسير ..
موزه:إنزين ..أنا جيه بعد أقول..
سلامى:إنزين يالله ..خلنا نشوف شو منلبس..عاد لازم نكشخ.....
موزه:أففففف كورس ماي سويتى..
يلست يتنقن شو بلبسن ..وشو بسون ..

الساعة 5:15.......
قامت شمة وسارت ووعت سارة..ونزلن سيدة الحديقة يدورن الأرانب....وبعدين لقن الأرانب عند الباب يالسات ياكلن العشب..سارن عندهن..ويلسن عند الأرانب ويتبعنهن..وين ما يروحن..
أم حمدان:يا ويل حالى على بنتى...حتى ما يت تاكل شىء..سيدة عند الأرنب..
أم نورة:هههه ..قايمات من رقادهن سيدة على الأرانب جما كانن يحلمنهن..
أم سالم:خلنهن يلعبن..بس عن يظهرن برى..
نورة:لا أمايا ما بظهرن ...إلا عند الباب يالسات..
أم حمدان :أنا بسير المطبخ بسير أشوف شو يخدمن..
أم نورة :عيل بسير وياج..
وبقن أم محمد وأم حمد ونورة وأم سالم..
أم سالم:وكم بقى لج نورة عن تخلصين الجامعة؟
نورة:والله أمايا بقالى سنة..
أم سالم:زين..
أم حمد:وشو تخصصج نورة؟
نورة:هندسة..
أم سالم:وااااااااابووووياااااااااا ..وشو هندسته بعد؟؟
نورة:..........
أم سالم:يا لله بستر..جان بتدخلين هندسة...
نورة:أمايا شو فيها كل البنات داشات هندسة..
أم سالم: أنف عليج..جان عيل بتشوفين البنات البنات بسون وايد..شو بسوين شراتهن؟
أم حمد:عمتية ما فيها شىء كل البنات يدخلن الهندسة زينة..
أم سالم:يالله بستر تستر علينا دنيا وآخرة..هالأيام البنات فسخنة المستحى..يوم كنا أول الريال يكلمنا بذمة ما رد عليه..كيف الحين بتشتغلين عند رياييل ؟؟
نورة:امايا شىء قسم حق الحريم..
أم سالم:والريال ما يهبطة طول؟؟
نورة:يدخل ..بس عاد مش أي واحد..
أم سالم:سمعى بوي...يوم تخلصين الجامعة.. مالج غير ولد عمج..
نورة إنصدمت ..وإعتفس ويها....:...........
أم سالم:سمعى ما عندنا بنات يشتغلن ويا رياييل وهاي هب سنتنا ولا سنة أهلنا..ولا جان تبين تفظحينا..عشان يقولون الناس شفنا نورة بنت منصور ويطراج إلى يسوى وإلى ما يسوى؟
نورة بصيح:أمايا ...مب جيه..
أم سالم:سمعى..الشغل إنسيه..وجان إبوج مقصر عليج..أنا كل شهر بعطيج المعاش إلى بيعطونج إياه في الشغل ..
أم محمد:عمتية.. حمد لله أبوها ما مقصر عليها بشى..بس عمتية في مكان بس للحريم.. والحين الدنيا تغيرت مش مثل أول..والبنت المحترمة ما بييها شىء...وإلى تبا تضيع بضيع بروحها..
أم سالم: هذا إلى يدمر البنات شو تغيرت ما تغيرت.. عيل الحين البنات فصخنها العباه.. شو بتفصخنها بعد إنتن ..تراها الدنيا تغيرت على قولتج..
أم محمد:لا عمتيه مب هذا قصدي..
أم سالم:سمعى نورة..أنا من الحين أقولج شغل لا تفكرين فيه..ما عندنا بنات يخالطن الرياييل ...وحق شو بعد تشتغلين...ولد عمج يترياج..
يت أم نورة وأم حمدان.....وشافن أم سالم معصبة ..ونورة معتفسة........
أم حمدان:عمتية شفيج؟؟
أم سالم..تكلم أم نورة: وشعنة بتخلون بنتكم تشتغل ؟
أم نورة: أي بنت؟
أم سالم:بعد منو؟؟؟؟؟؟.......نورة....
أم نورة:نورة!......بعدها ما خلصت من الجامعة..
أم سالم:سمعى..البنت يوم تخلص تراها محيرة لولد عمها والبنت يوم ولد عمها محيرنها خلاص حق شو بعد مأخرين ...البنت الحين بتخلص جامعة..
أم نورة ما تعرف شو ترد على عمتها..والبنت شكلها بصيح..وما تروم تتكلم لأن الشور شور منصور: عمتية خير لين هذاك الوقت..
أم سالم: خلى منصور إيي..وبشوفة ...
نورة..سارت عنهم بسرعة عشان ما صيح جدامهن.....
أم حمدان: عمتية ..الله يهداج...شاورتى الولد قبل؟
أم سالم: الولد يحمد ربة يوم بظوي بنت عمة..وماله شور...
أم حمدان: عمتية بتوزون الولد بالغصب..وبعد البنت لازم تشاورونها......
أم سالم: وابوويااااااا ..بعد حق شو نشاورهم؟؟.....وأنا بشوف منصور....
ويلست أم سالم محتشره..تبى تيوز نورة بولد عمها..وبعد محتشره على تخصص نورة..والله يعين لو درت بعد مى وسلامة وموزه كلهن نفس التخصص..ومن كثر الحشرة..نسن قوم سارة وشمة..وسارة وشمة طلعن برى..لأن الأرانب ظهرن برى المزرعة..وهن طبعا وراهن..والأرانب سارن بيت قوم خالد..وهن بعد دخلن البيت..
تحت الشيرة.....إلى عند باب قوم خالد..
موضي:عنلاتك إظهر...أففففففف من الصبح يالسة أترياه يظهر ولا ظهر.....
هند:مليت موضي..سيري مسكيه.......
موضي:وين أمسكة يوم أسير فوق ينزل تحت ويظهر برى ..تعبت من كثر ما أرقى...صبري بينزل تحت..
وإلا وشوي أرنبين داخلات بيت قوم خالد ووراهن قوم شمة..
موضي طالع الأرانب وقوم شمة: حبيبى من وين ين؟؟
هند:موضي.....بنات صغار كبري..
موضي سارت عندهن.......: واتز يور نيم؟
شمة :أنا شمة..
سارة:انا سارة..
موضي:أهاااااا ..تحسبتكن إنقليزيات..
هند:ههههه..غبية..
موضي:يا غبية شدرانى........إنزين وين بيتكم؟؟
شمة ..تأشر عند بيتهم...
موضي:أهاااااااا ..إنتو يرانا..أنتو من الإمارات؟؟؟
شمة:لا من العين..
سارة:من بو ظبي..
موضي:ههههههه..يعنى من الإمارات ...... نحن من دبي.........
شمة:إنزين بعد نحن من دبي.....
موضي:بس قلتى من العين......
شمة:عندنا بيت في دبي ..وبوظبي والعين.......
موضي:أهااااااااااااااا.....تعالن داخل..
شمة:لا ..منروح بيتنا....
موضي:تعالى ..ماحد داخل براويج أمايا ..
شمة:ماماتى تقولى لا سيرين ويا حد ما تعرفينة..
سارة:لأنهم حرامية..
موضي:ههههههههه..لا نحن مب حرامية......نحن يرانكم..لا تخافن ما منسرقكن..
شمة:ماماتى بدور علية ..ما بتلقانى بعدين بتنازعنى.
موضي:تعالى ..بقول لأمايا أنا بردكن البيت ..تعالن..وسارن ويا موضي داخل عند أمهن......وكانت أمهم في الصاله ..
موضي:أمايا .......أمااااااااايااااااااا..
أم خالد:هلا يمة..أنا هنيه..
موضي.....دخلت الصاله ويا شمة وسارة:أمايا هاي شمة وسارة بنات يرانا..
أم خالد:هلا والله..حياكن الله ...شلونكن؟؟وباستن..
شمة وساره :بخير..
أم خالد:يا حليلهن...ماء شاء الله ..حلوات.
موضي:أمايا ...بوديهن البيت ..عن يدورون عليهن..
أم خالد:خليهن..حليلهن ..ما كلن شىء....لا تخافين أنا بردهن..
موضي:لا أنا بروديهن..
أم خالد:إنزين خليهن شوي..ويلستهن عدالها ويابولهن كيك وعصاير وكافي..ويلسن قوم شمة وسارة يسولفن ويا أم خالد وموضي....وعاد شموه وسارة..ومنو يروم يلم ثمهن؟
الساعة 6:10.......المغرب..
منصور وعلي ..وبو خالد....ماحد مروحين ..وبيتعشون برى..عندهم شغل..يعنى بيتأخرون وما بيتعشون في البيت.
أم نورة:عمتية قوم منصور ما بيتعشون في البيت؟
أم سالم:والله يا بنيتية مادري بس قالى لا تتريون لأنهم بيتأخرون عندهم شغل ..وظنى بيتعشون برى..
أم حمدان:وين قوم سارة؟؟..وشموه ..ما شوفهن؟؟
أم محمد:يمكن سارن داخل عند خواتهن..
أم حمدان:والأرانب بعد ما شوفهن..ما بدخلنهن داخل..
أم محمد:..اليوم الظهر شفت الأرانب يتحوطن داخل البيت ..
أم حمدان:خيبة ..وشعنة مدخلاتنهن داخل..
أم حمد:خليهن يلعبن..
أم حمدان:عنبووه داخل...
أم سالم:يالله نسير نصلى .....
سارن يصلن ويتحسبن بناتهن عند خواتهن..ما يدرن أنهن عند قوم موضي..وأم خالد نست تدق تيلفون حق أهل قوم شمة..
الساعة 5:60.......العصر
في غرفة موزه........موزه تجحل عيونها..
سلامى..دق الباب.....:موزه ..
موزه..:مفتوح دخلى..
سلامى سارت عند موزه: ياااااااااي ..شو هالحلاوة..موزه خلاص بتلفتين الأنظار..حرام شو بتخلين حنا؟؟؟.....حلو مكياج عيونج..سويلى مثلج.....
موزه:ههههههه.. يا الغيارة.......
سلامى:ويا ويهج...خلاص ماريد.....
موزه:أقول سلامى..تراه الزعل مب حلو عليج.....
سلامى:شرب..
موزه:خيبة والله زعلت..تعالى كنت أمزح..
سلامى...سارت عند الدريشة:موزه...
موزه ..سارت عندها:شبلاج.....؟؟؟؟
سلامى:ماعرف أحس وايد مظايجة....
موزه:أهاااااااااا.....سلطان.....
سلامى:لالالالا..
موزه:عيل شفيج؟؟؟؟
سلامى:مادري..بس مضايجة...
موزه:أمممممم..سلامى...بعد عليج قصيدة سمعيها..وقوليلى رايج..فيها..
يا سلامة كل ناس ولها ناس...واللي رحل لا تصيح تبغيه
كانه موادع قول لا باس..باكر ترى الأيام تجزيه
من باع خله وجرح إحساس..هذي البداية كيف تاليه
شكله ذهب والباطن نحاس...كذاب في قوله ومعانيه
أتحسبه لي عون وساس...أثر الخيانة منة وفيه
وسلامتج...
سلامى...فاجة عيونها:حشة يا موزوه......شو هالقصيدة؟؟
موزة..تكمل تعديلها:شو فيها؟؟؟؟مب حلوة؟؟؟
سلامى:حلوة بس قوية..
موزه:عادي......شو يعنى....أنا أقول إلى في خاطري..وماحد يروم يمنعنى....يالله تعالى جان تبين أسويلج مكياج...
سلامى:أوكية.......

موزه..يالسة تخليلها المكياج: لا تحفلينة..تصدقين من بونى وايد أفكر في حمد..الحين عادي..إلى ما يبانى مرة أأأأأأأأأأأأأأأأأأأأأأأأأأأأأأأأأأأأأأألف ماباه..صدقينى سلامى...الحين يوم ما بتعطينة سالفة..والله بحس فيج..
سلامى:موزوه يعنى ما تحبين حمد...
موزه:آآآآآآآه...شو اقولج؟؟؟..أنا مب إلا أحبة أموت عليه..بس بعد ما بذل عمري..صح ولد عمى بس هذا مش معناتة يعنى أسير وأقولة والله حمد ترانى أحبك وأموت عليك.. لاللالالالالا حبيبتى عندي كرامة وعز نفس....ولا مرة بينت هالشىء..ولا خليتة يحس ..لأنة لو كان يحبنى ويريدنى يعرف درب أبوية ويخطبنى جان يبى أما أنا أسير وأبرهنلة ..مستحيل ..لو كان ما يحبنى شو بكون موقفة منى؟؟..بعد فكري في بعدين مب بس الحين..بس عنى أنا خلاص بس بكون حبي في داخلى..ماحد يدري به...أما حمد...وراس أمايا وأبويا ما برهنت ولا ببرهن..
سلامى ....منصدمة من موزه وكلامة:موزه ..اليوم غريبة شبلاج؟
موزه: هههه..بس شو؟؟..يعنى ما صدقينى ..صبري براويج الدفتر إلى أكتب كل إلى في خاطري.. (سارت ويابت الدفتر) قري شو كاتبة جان ما صدقين...
سلامى....فجت آخر صفحة...وكانت قصيدة........
محبوب قلبي كم اداريك...مدراة عينى دايم اداريك
ع البال دايم دايم اطريك...وافرح الى من مر طرواك
واحب اشوفك دوم وابغيك....ويرتاح بالى يوم بلقاك
حبك تشربك بي تشربيك....خذت العقل والروح جدواك
يا طير بوصل لك وباجيك...من كثر حبك مالي أفكاك
يا زين لي حلوه معانيك..والحسن لي كمل وغطاك
ببيع أنا عمري وبشريك...ماريد في حبك لي اشراك
عندي حبيبي من يساويك....ماحد أبد في الكون يسواك
اطلب عيوني والله اعطيك....وكل لي بغيتة كلة افداك
روحي غناتي شو بيرضيك....مني وانا لك عبد أملاك
ولو قامت العدوان تشنيك...عندي فأنا والله ما شناك
عزيز أنته عندي غاليك...يا من وسط الفواد سكناك
بد الدهر ما طنى اسليك .....قلبي يحبك كيف يسلاك
انته حياتي هوب ناسيك .....لا تفتكر باصد وانساك
من خافي في الروح بهديك...تحية من القلب يهواك
سلامى:ياااااااااااي..تخبل ..وايد حلوة......
موزه:مرسي....
سلامى:فديتج.....والله..هالكثر تحبين حمد؟؟؟؟؟؟؟...فديتج...ما دريتبج ..
موزه:حلفى إنتى بس؟؟؟؟......ويا ويهج..
سلامى:فديت ..موزتى..
موزه:بس عاد.......يالله خلاص خلصت .......زولى ..يالله نروح عند مى..
سلامى:مى أحيدها في الصاله...
سارن عند مى ..كانت مى منسدحة على الكرسي وتغنى غنية ميحد..(عسى عامك سعادة وحب...وتفرح بالهنا كلة......وكل الدنيا تظحكلك.. وتسعد يا نضير العين ..إذا قالوتحبة قلت كل العمر والله ..أنا مخلوق لعيونك..وأنت بعيونى الثنتين)..(بحتفل بعيد ميلادك ..للأسف بحييه من دونك..المهم ابقى عميعادك..وأحفظ التاريخ واصونة..الله يهنيك بعيادك.(
موزه:شفييييييييييج؟؟؟؟؟؟؟؟
مى مادة البوز: اليوم عيد ميلادي ولا حد قالى كل سنة وإنتى طيبة......
سلامى....فاجة عيونها:والله.......
مى:هيه..تريت حد يقولى ولا حد قالى..قلت أنا بقول ..ويالسة أغنى بروحى ..أحتفل بعيد ميلادي..
موزه سارت عندها هي سلامى: فديييييتهم..أونهم زعلانين..شدرانا ما نعرف..سوري (وباستها هي وسلامى) كل سنة وإنتى طيبة يعلة كل سنة وكل حول..وإن شاااااااااااااء تكون هالسنة زينة وحلوة عليج.....
سلامى:فكرة..شو رايكن اليوم منسهر ..ومنشوف كم من فلم ومنحتفل..صح أنة حرام بس عاد مب عشانج بس جيه أنا في خاطري أنسوي سمول بارتى..والحين إستوى سبب...
مى:صدق والله ...يعنى اليوم بعد منسهر؟؟؟؟؟؟
سلامى:أف كووووووووورس....
موزه:إإيه بس الحين خلونا نظهر اكيد العرب بعد شوي بوصلون........بييب شيلتى.. وسارت ويابت شيلتها........وظهرن..
سلامى:بتلبسين هالشيلة؟؟؟؟
موزه:هيه شو فيها؟؟؟...ماحد في البيت ..الوحوش كلهم برى..وما بردون إلا فليل.....
مى:حتى أنا بلس مثلها ....ماحد في البيت..
وسارن ولبسن شيلهن وظهرن الصاله ولقن يدتهن وأمهاتهن ..
أم سالم:يحافظ........شو هالغوى؟؟؟
موزه:ههههه....أخجلتى تواظعى أمايا شيخة..
أم حمدان:موزه وين أختج؟؟؟
موزه:شدرانى ...مب عندكم؟؟
أم نورة:وسارة مب عندكم؟؟
مى:لا أمايا .....ما شفناهن من العصر..
أم سالم:والخيييييييييبة ..عيل وين سارن؟؟؟
أم حمد:موزه سير الحديقة شو فيهن هناك ولا لا؟؟؟؟؟
موزه:إن شاء الله ....
سارت موزه دور عليهن في الحديقة ودور بعد الأرانب لأنهن هن بكونن هناك عند الأرانب....والباقى يدورون في البيت..
الساعة 6:30 المغرب...
يالسين في الكوفي..يسولفون ويالسين يظحكون وتقول في بيتهم ما تقول في الكوفي والناس كلهم يطالعونهم..من كثر ما شالين المكان على روسهم...بس هم ولا عليهم..
ذياب:سعيد...بطلب منك طلب.......
سعيد:أمرة تم..فالك طيب...........
ذياب:فالك ما يخيب..بس بغيت تعد علينا قصيدة..والله من زمان ما سمعتك تعد شىء....
سعيد:ههههه......بسمعكم آخر إنتاجاتى الشعرية....
محمد:ههههه لا الريال وايد مصدق عمرة ..إنتاجات بعد؟؟؟؟؟
سعيد:لم ثمك أنت........أحم أحم..
مولعة فيني وتقول إنها نستني....تبغي شعور المولع تستفزه
مادرت كيف بهواها ولعتني...لين صارت في خيالي بكل حزه
لو بقول جنون ..والله جننتني....تلعب بقلبي مثل طفل بمنزه
حيرتني في هواها حيرتني..ولا دريت إنه دلع والا معزه
آه يا قلبي صغيره ومشكلتني..كنت أظنك كالجبل ماشي يهزه
بس مالومك ولو هي تيمتني...فاتنه يا ويل من هو تستلزه
عينها خجلى وبالعين سحرتني... ويل من با عيانها الخجلى تخزه
بين كل الخود يا ناس فتنتني..تنفرد من زينها في كل برزه
اكتفي منها ولو هي ما كفتني..من غلاها كل غالي ما نعزه
وسلامتكم....
ذياب:لالالالالالالا الريال متخشع....
محمد:أفففففففف لا تتخبر......
حمد:هههههههههه...أخبر سعيد؟؟؟؟
سعيد:هههههه عن شو مسود الويه؟؟؟
خالد:أشوفة يقول...هالسنة بعرس...يا الخاين.......ونحن؟؟؟؟؟
سعيد:ههههههه..إلا قصيدة ..بس .....وين سار تفكيركم..
حمدان:عن اللوتاه ..
سعيد:إنزين ذياب........يالله أنا عديت لك قصيدة أنت يالله دورك...
ذياب:هههههههه....بشرط...
سعيد:يييييييييييييييهااااااااااااااا بعد ..تتشرط...
ذياب:كيفكم......تبون..عندي شرط ...
حمد:إنزين شو شرطك؟؟
ذياب:ترد عليها والحين ..
حمد:أناااااااااااااا؟؟
ذياب:هيه....
حمد:فالك طيب...........يالله
ذياب:فالك ما يخيب......أسمع.....
يا حمد جيتك باشتكيلك....عن قصتي عند الخليل
قم ثيبني تكفى دخيلك...يا ذا الخوي قلبي عليل
بالحل قم وافي زميلك...يا شاعر مالك مثيل
بالراي واعطيني دليلك..والحل من عندك جميل
انا ترى عاشق مثيلك ...من الحب انا طايح قتيل
من حرتي عاني اجيلك..شايل معي هم ثقيل
بالشعر جيتك واشتكيلك ..عن خل ما غيرة بديل
يا حمد من عينه وكيلك ..جذاب باطباعه أصيل
وسلامتكم..
حمد:الله يسلمك.....إنزين الحين إسمع الرد..
يا مرحبا واهلا بجيلك....يا ذياب الخوي الأصيل
لي تشتكي لي واشتكي لك...عن قصتك عند الخليل
ابشر وانا والله زميلك..ما دامني بامرك وكيل
لا بد من نوصل خليلك ..لو كان وصله مستحيل
بانسرح اخيولي وخيلك..حتى ولو دربه طويل
لازم ترى نوفي جميلك..وانت الاخو قبل الزميل
والحب يا الطيب وكيلك..ما يحمله غير الثقيل
اجرفتني بتيار سيلك..وقولك ترى أكبر دليل
ومن كل قلبي أدعي لك..بالخير والشي الجميل
وسلامتكم..
سلطان:ماشاء الله .......تعرف تعد في نفس اللحظة؟؟؟
حمد:نعااااااااااااام..
سعيد:أقول شباب ..بس عاد....أشوف اليوم بتخلونها امسية شعرية؟؟؟؟؟؟؟
حمد:صدق والله......يالله نروح.......
حميد:وين ..يلسو .........
حمد:شو وين البيت ..وأنت ويانا..بعد وين يقول؟؟
ذياب:ههههههه..وين وياك....إستهد بالله ..
سعيد:لا حول......كم مرة نقول..اليوم ماشىء بتباتون عندنا..تبا ولا ما تبى...
حميد:سعيد ..وين إنبات عندكم؟؟؟
حمد:حميد ....خلاص..تكلمنا في الموضوع ..بس اليوم..
ذياب:وأنتو رواكم تخططون؟
سعيد:حمد ما عليك منهم...يالله نروح..
وحميد وذياب..بعد ظرابة وافقو...كلهم ركبو السياريير بكملون السهر في المزرعة..في بيت قوم حمد..

الساعة 6:20.........المغرب
ويلست دور عليها..بس ما لقتها وسارت عند الشير يمكن هناك عند الأرانب لأن هناك بيوت الأرانب...ودور عليهن ....وداخل محتشرات الحريم ..ما لقنها..
أم خالد تحت في الصاله ..وموضي وشمة فوق...
أم خالد:يالله يمة..بعدج ما خلصتى.......؟؟؟
موضي:كانى خلصت.......يالله بلبس شيلتى وعباتى..
هند:يمة شو في موضى تهاوشنى..
أ م خالد:موضي يمة ..شو تبين أختج؟؟؟
موضى:شنو مو عاجبنج القميص......هذا أحلى..
هند:كيفى مو عاجبنى..
موضى:أففففففف عشان قميص تبجين .....خلاص لبسي إلى تبينة.
هند:ماريد خلاص بقطة..
موضي:يمة....يممممممممممه..تعالى شوفي هند....ما راضية تلبس القميص..
أم خالد:يمة خليها عكيفها.
موضي:يمة شنو على عكيفها متى منروح عند الناس؟
أم خالد:يمة ..حبيبتى هند ..لبسي القميص بس اليوم...بعدين كيفج..
هند:إنزييييييين...
موضي:صج أنج دلوعة..
ويوم خلصن ..من الضرابة نزلن تحت..
أم خالد:وايد صيفتن......من متى يالسة أنطركن..وهند شو هذا الدلع؟؟
هند:يمة...هاي موضي..كلة بتدخل فيه حتى اللبس...
أم خالد:يالله بسرعة ..صيفنا على العرب..
وسارن بيت قوم موزه وشمة وسارة وياهن..
أففففففففففففففف الله ينطبكن وين سرتن؟؟؟..ما علية والله من أشوفكن لأصفعكن.. حشة عذبنى من متى يالسة أدور عليهن..بعدين دخلت المزرعة سيارة ووراها بعد ثلاث سيايير..جان تندس ورى الشيرة..خيييييييييييبة الحين منو إلى ياي ..معقولة يرانا؟؟؟.. لالالالالالاا ما ظن ما بين بأربع سيايير..لالالالالالالالالا الوحوش أكيد.. أأأأأأأأأأأأأأأأأأهىء الحين كيف أروم أرد البيت ؟.البيت بعيد عنى..والمشكلة لابسة شيلة رفيعة...في الركن إلى واقفة فيه الإضاءة مب باينة فيها...فوايجت وين وقفن السيايير...فشافت..عيال عمها كلهم نازلين من السيايير..وسارو ويلسو برى..في الحديقة..خيييييييييييبة الحين كيف أروم أظهر ؟؟؟..أفففففففف شو هالحالة؟؟..يعنى لازم هالوقت إيون؟؟...الحين شو بسوي؟؟.. كيف بظهر؟؟؟..سلامى....وينها الحين؟؟؟؟؟؟.....عنبوه ما لاحظت إنى وايد بطيت؟..تظحكون ؟؟؟..يعلكم تظحكون بلا ظروس..لو أروم بس أكلم حمدان ..ولا أشوف سلامى ..عشان إتى وتيب شيلة غليظة..أوووووه أكيد ولد يرانا وياه..يا الفضحة....الله ينطبهم..قالو بيون فليل مب الحين....شو يايبنهم؟؟...عنلاتكم..أول سيارة دخلت المزرعة كانت سيارة حمد..وحمد شاف موزه يوم ربعت عند الشير..وإندست ورى الشيرة..وكان يالس وياهم في الحديقة..وهو يعرف أنها عند الشير وأنها ما بتظهر لأن خالد وياهم وقوم حميد..فيالس يفكر..كيف يظهرها من المكان بدون ما يشوفونها..وماحد غيرة شافها......
حمد:أنا بروح والحين بيي..
ذياب:وين تبى؟؟؟؟؟؟
حمد:بيي..دقيقة.........
هذا حمد..يارب ما إيي صوبي..يارب..لالالالالالالالالالالا..ليش ياي؟؟؟؟.. سارت بسرعة ....ولفت الشيلة زين...ومشت الروج بسرعة....وخايفة.......يا الفضحة..
حمد:شو سوين هنيه؟؟؟؟؟؟
موزه..مرتبكة ومنزلة راسها.:هااااااااه؟؟؟؟
حمد:موزه ....الحين كيف بظهرين؟؟
موزه منزلة راسها: ماعرف.....إنتو ليش قلتو بتون فليل والحين يايين.....
حمد: ههههههه...ليش مب بيتنا؟؟؟
موزه: بس عاد نحن تحسبنا ما بتون.......
حمد:أوكية..ينا..الحين كيف بظهرين؟؟؟؟
موزه:ما عرف........ولد يرانا وياكم صح؟؟؟؟
حمد:هيه وبعد ذياب وحميد.......
موزه..لفت عيونها عند حمد..:لالالالالالالالالالالالا..حرام..الحين كيف بظهر؟؟؟؟؟
يا ويلى ..
حمد من شافها ..تيبس محلاااااااااتهااااا..إبتسم: ليش إنتى خايفة جيه..عادي.....
موزه..بصيح:شو عادي..
حمد:شوفي ..هم بعيد شوي ومستحيل دخلين البيت لأنهم مثل ما شفتى هم يالسين في الحديقة ولو سرتى البيت لازم بيشوفونج..يعنى ما شىء غير برى المزرعة .. بظهرج من الباب الرئيسي ..ويوم بروحون دخلى..
موزه:لالالالالالالالالالالالا..يعنى بيلس بروحى برى المزرعة؟؟؟..أخاااااف الحين إختلط الظلام..
حمد:هههههههه..لا تخافين ..بيلس وياج..
موزه:شووووووووووو؟؟؟
حمد:شو ؟شو؟؟
موزه:لالالالالالالالا..ماريدك تيلس وياي..
حمد:أوكية مب منج منى أنا أونى بساعدج بس كيفج..باي..
موزه:لالالالالالالالا ...صبر..
حمد:شو؟؟؟؟
موزه:إنزين سيرو مكان ثانى..
حمد:وين إنسير..اليوم بسهرون عندنا في المزرعة وحميد وذياب بباتون عندنا ...يعنى تبينى أروغهم؟؟؟؟
موزه:أففففففففففففففففففف....والحل؟؟
حمد:مثل ما قتلج..بظهرج برى المزرعة ومنتريا شوي..وبعدين بقول لسعيد يدخلون بيت الضيوف ..
موزه:إنزين الحين أمايا بتيلس إدور علية ..يسد شموه السبالة ما لاقينها.
حمد:ههههههه..هاي دوم ظيعونها؟؟؟؟
موزه:والله متفيج..
حمد:أوكية ..هاه شو ؟؟؟
موزه:لا حول..الحاية بنت حرام.......يالله كيف بظهرنى..
حمد:إمشى جدامى..بس شوي شوي..يعنى ما بيشوفونج..بيتحسبون أنا بس أمشى ما بلاحظون أن حد جدامى يمشى لأنى أنا وراج.......فهمتى؟؟؟
موزه:هيه..أوكية يالله ..
وسوت إلى قالها حمد...وظهرت برى المزرعة..
موزه:والحين.....؟؟؟؟؟؟؟وين نروح؟؟؟؟
حمد:أمممممم..نروح البحر؟؟
موزه:البحر؟؟؟؟؟؟
حمد:كيفج....الحين ماحد بشوفج..........وين تبين ..
موزه:أوكية نروح البحر........بس صبر..عندك تيلفون؟؟؟؟
حمد:هيه..
موزه:بدق لسلامى..وبقولها تقول لأمايا أنى في المطبخ ولا في الغرفة أي شىء عشان ما تيلس دور علية.....لين ما رد..
حمد..يعطيها التيلفون.......ودقت لسلامى........وقالتلها..
سعيد:أقول شباب.......يالله نروح داخل البيت ..الضيوف..برد برى..
محمد:صدق والله بردت..
سلطان:سعيد....هات الدي في دي.......منشوف فلم...
ذياب:أنا عندي فلم حلو ..في السيارة بييبه..
حمدان :يالله نسير......
وسارو كلهم البيت عشان هناك يشوفون أفلام ويلعبون ورقة ...ويسولفون..بس حمد ما درى أنهم راحو....ماحد قاله...فيلس ويا موزه..وهم عند البحر..موزه معصبة وفولة .. وحمد مستانس أخيرا بكلمها..
الساعة 7:01.....المغرب..
دق الجرس وسارت جودي تفتح الباب ودخلتهن الصاله وكانت في الصاله كلهن ..يترين أم خالد وبناتها...ويوم دخلن سلمن على بعض ...وتعرفن على بعض...بعدين يت شمة وسارة وهند ودخلن الصاله لأنهن أول ما وصلن كانن يلعبن برى..
أم حمدان:شموووووه وين كنتى؟؟؟
أم خالد:والله يا أم حمدان..كانن عندي..
أم سالم:عندكم؟؟...شو سيرهن هناك؟؟؟
شمة:أمايا الأرانب سارن بيتهم وسرت أنا وسارة..نيب الأرانب..
أم خالد:فيلسن عندي..ونسيت أدق تيلفون وأقولكم..
أم سالم:برايهن ما دام عندج ..نحن خفنا عليهن قلنا سارن بقعة...
أم خالد:حليلهن ..قالن أن أمهن بدور عليهن وبرد البيت ..إلا آنى قتلهن يلسن شوي..