مـن عـز نـومـي صـحـيـت وشـفـت فـي عـيـنـي
دمـع تـهـادى عـلى جـفـنـي وأنـا غـافـي
سـتـرت دمـعـي بـكـمـي قـبـل يـغـريـنـي
وأخـذت هـذا الـجـسـد مـن بـاقـي لـحـافـي
وسـريت تـايـه ورى خـطـوات رجـليـنــي
لا الوجـه وجـهي ولا أوصافي هي أوصـافي
أمـشـي وأقـول لـطـريـقـي لاتـوديـنـي
لـعـيـون نـاس تـبـي تـدري عـن الـخـافـي
أمـانـتك .. خـلـها مـابـيـنك وبـيـنـي
خـابـرك يـالـدرب خـوة عـمــر وسـنــافــي
مـاودي الـنـاس تـدري وش يـبـكـيـنـي
كـرامـة الـنـفـس ورث أبـوي وأســـلافــي
أمـشـي وأحـس الـخـنـاجـر فـي شـرايـيـنـي
والـبـرد يـمـشـي وراي ويـنـهـش أطـرافـي
وحـيـد والـلـيـل بـردونـه يـغـطـيـنـي
تـقـول كـن الـبـلد روح بـهـا الـســافــي
إلـيـن مـاأوحـيـت لـي صـوت يـنـاديـنـي
صـوت أعـرفـه مـثـل ما أجـهـل وش خـلافـي
قـمـت أتـلـفـت وأنـادي ... لاتـخـلـيـنـي
مـاغـيـره الـصـوت .. هـذا صـوتـه الـدافــي
ولـمـحـت زولـه مـن أقـصـى الـدرب لافـيـنـي
مـدري وش أقـول لـكـن حـي هـا الـلافــي
تـعـال .. شـف غـيـبـتـك كـيـف أثـرت فـيـنـي
تـعـال .. شـفـنـي وأنـا أغـرق عـقـب مـجـدافـي
تـعـال.. خـذنـي ورحـبـي مـن عـنـاويـنـي
تـعـبـت أعـدي عـلى جـمـرك وأنـا حـافـي
تـعـال وإقـطـف بـصـوتـك زهـرة سـنـيـنـي
كـل الـمـواعـيـد عـقـبـك شـمـعـهـا طـافـي
تـعـال وإزرع خـصـل شـعـرك بـكـفـيـنـي
بـضـمـهـا لـيـن أحـس بـلـيـلـك الـظـافــي
تـعـال وش فـيـك خـايـف ؟ أنـت نـاسـيـنـي ؟
قـطـعـت صـوتـي عـلـيـك وطـال مـيـقـافـي
حـتـى بـديــت أشـعـر إن الـحـب مـعـمـيـنـي
وإن أنـت حـلـم عـثـى فـيـنـي وأنـا غـافـي
لـكـن أمـانـه تـرى الـلـي فـيني كـافـيـنـي
إن رحـت مـنـك كـذا مـارحـت مـتـعـافـي
بـصـّدق الـحـلم وأحـذر لا تـصـحـيـنـي
فـي خـاطـري كـلمـتـيـن وإن قـلـتـهـا كـافـي
أمـانـة الـلـه عـلـيـك إن غـبـت عـن عـيـنـي
لا يـكـون قـلـبـك مـثـل قـلـب الـزمـن جـافــي
مـع كـل دمـعـه تـذكـر رعـشـة يـدينـي
ومـع كـل ضـحـكـه تـذكـر قـلـبـي الـوافـي
يسمع خرفشه بالشجر وصوت تنفس قريب منه يتقدم ويتقدم وداس برجله على شي ناعم وطري ناظر تحته كانت جالسه على الأرض
وضامه راسها وسط رجولها تراجع جراح ورمى شماغه عليها عرفها وبدا ينبض القلب الجريح وينزف الجرح ودموع العين بدت تهل
ايه هي والي خلقني هذي هي
هيام خذت الشماغ وتلثمت به وهي تشم عطره فيه
جراح:هيام
هيام:انا بروح وبخلي شماغك على الكراسي وبدخل وانت تعال خذه مشكور وجت تبي تروح
جراح:هيام لحضه ابي اكلمك
هيام:لو سمحت جراح"وترط عبراتها"مافي كلام بينا ومايصير احنا قاعدين بلحالنا كذا
جراح:سؤال واحد بس انت ليه رفضتيني وانا متاكد انك تحبيني مثل ماانا احبك
هيام:جراح اكرهك وصارت تبكي اكرهك
عيونها الي تذبح باينه من لثمتها بالشماغ وجراح مايقدر يناظر زود لأنه يتعذب بهالنظره
جراح:كذابه ليه ياهيام هذا وانت تحبيني سويتي كذا
هيام:جراح توعدني بعد كلامي هذا لاعاد تعيد خطبتي ولا تكلمني
جراح بألم:ليه ياهيام سكت شوي اوعدك
هيام:جراح انا رفضتك لأني خايفه عليك وانا احبك اموت ولا يلمسني لا انت ولا غيرك يكفيني عذاب يكفيني الي شفته بدنياي يكفي
وراحت تركض
مشى جراح للكراسي لقى شماغه على الكرسي وقعد واخذ الشماغ وشمه ريحة عطرها واثر دمعها حضنه وباسه ومسح دمعه
خاينه لتعانق دموع هيام
في خاطري كم كلمةٍ : عن تجافيك
وإن شفت دمعاتي إنزَلَت .. حط كمِّك !
إسمك حبيبي ويا كثِرها أساميك
وقلبي يفز .. لا جابوا الناس إسمك
ليتك تحس في ضيقتي يوم أحاتيك
أحرق لك أعصابي .. وما [حَس دمِّك
امنتـك اللّـهـ لا يطـول غيابـك
وش تنفـع الدنيـا بليـا وجودك
يمكـن غيابـي مايسبب عذابـك
لكن عذابي ياعذابـي صدودك
غالـي وتبقـى غالي في غيابـك
لكن يزيـدك من غلاتك وجـودك
وماعاد منك هروب ~ ضاقت علي كل الدروب
يأحلى خيال في ناظري }
آن الأوان .. جيت أعترف لأجل أنّـي
[ بفقـدك ! ]
اشتقت لك ~
يابعد دنيا غدت عقبك بدون / ـألوان }
اشتقت لك ~
يـ أطيـب بشر }
اشتقت لك ~ياصافي النيّـة }
اشتقت لك ~
يصرخ بهـا لسـاني بصوت منتهي / ولهان }
يرددها بكل شع ـور ..
اشتقت لك ~
للمرة المليون { 1000000 ..
اشتقت لك ~
فديتك ~
كلمة تعنـي فداك القلب والوجدان ..
معانيهـا غ ـلا وأشواق تموت بطيبهـا أحزاني }
فديتـك ~
في زمان شح فيه الصاحب الإنسان ..
فديتك ~
دمعـة عذبة تطفي نـار حرمـاني ..
فديتـك ~
يابعد عمـري ترجـح كفة الميزان ..
غ ـلاك بقلبي لو تدري تمكن وسط وجداني }
ليت مع سكوتي / ماتنطق عيوني }
ولا إذا مرّ طيفك أقدر اجفيهـ ~
بس المصيبة / أنـتَ عارف جنـوني }
لاصد قلبـك بدون شعور بأناديهـ ~
وأقول بشوق : تعـال خذ عيونـي
وشف من غلاك ! صـورة غيـرك مابيـه
تدري وش معنـى غيابك .. ؟!
يعنـي :
أسوء شـي شفتهـ / طول عمري }
تبدي ضحكاتـي [ هلا بك ]
وفـي ~ غيابـك
ماينـام الج ـرح .. بدري
وإنـتَ كيفـك .. !!
شوف وش نـاوي عليهـ .. ؟!
هاك قلبـي .
و
وهـاك سيفـك ..
و [ سو فينـي اللـي تبيهـ ] !!
رجاء ..!!
ومادام قلبي بسيط .. في مطاليبه ..
الى متى أندبك ياحظي .. وتندبني ..
ومادام زولي حضر .. ومحدن يهلي به ..
بامد يسراي ليمني .. تودعني
كانت من ورا الشجر تناظر له وتتألم والجرح العميق بدا ينزف من جديد قام جراح وعيونها تتبعه
هيام بعد ماراح جراح تبكي:الله يسامحك يايمه حرمتيني من امل حياتي حرمتيني من اجمل شي بحياتي
رجعت عند البنات وهي سرحانه والكل ملاحض وجهها الأحمر من البكي
دخل جراح وهو ساكت وقعد وشماغه على كتفه
فيصل غمز لفهد وسامي انتبه لهم
مشعل دخل:تفضلو على العشى حياكم
الكل قام الا جراح وسامي
مشعل:يالله قوموا
سامي غمز لمشعل وطلع
سامي:شفيك جراح
جراح:0000
سامي:جراح فيصل انتبه لك لاتخلي الناس كلها يدرون
جراح:0000000
سامي:زين قم قم معي
جراح:سامي قمنا للعشى انا هنا بادفن قلبي وبعيش حياتي حر وبتزوج بتزوج ياسامي مو انا الي يهدم حياتي الحب وتنهد
وناظر سامي بابتسامه:مشينا
سامي يحط يده على كتف جراح:مشينا
كانو يتعشون ويضحكون ويسولفون الكل استغرب من جراح قبل وبعد العشى
جراح يضحك وياكل وماحس احد بالحزن الي كاسيه ماحب احد يشفق عليه
----------
جوري:مريم وين هيام
مريم تاكل:مدري
جوري:ياهني قلبك لو انا كان رحت دورتها
مريم ناظرت فعلا هي ماتبين اهتمامها باختها بس تحبها وهي كبرت ماعادت مثل اول قامت وراحت لهيام طقت الباب بس هيام
ماردت خافت يكون فيها شي دخلت لقتها منسدحه على السرير وتبكي
مريم حضنتها:هيام ليه تبكين
هيام قامت بابتسامه وفرحه علشان اختها تغيرت وصارت تهتم بها:ولا شي شوي متضايقه
مريم نزلت راسها:ادري ماراح تقولين لي بس مايخالف وتغير السالفه ورفعت راسها اسمعي اذا مانزلتي تتعشين ماانزل رجلي
على رجلك
ابتسمت هيام:ياحياتي يامريم ماني مشتهيه
مريم:يمااااا جوعانه وتناظرها بتكسبين ذنبي
هيام:طيب بروح اغسل وجهي واجي معك
مريم:ايه بنات مايجون الا بالعين الحمرا
--------
بعد العشا
فيصل:شرايكم نلعب كوره
فارس:اي والله شوي نتحرك
فهد:لالا انا تو ماكل مافيني حيل
فارس:يوههو علينا الشايب تكلم
مشاري:اخاف تربطوني زي ذيك المره
الكل:ههههههههههههههه
سامي:شرايكم نجيب حريمنا تشجعنا
سلطان:ياي ياسامي اخيرا جبت شي ينفع
سامي:اقول ترا تزعل اختي
سلطان:لا كلش ولا اختك "ويسوي مثل الأطفال"ياخي انت احلى واحد
الكل:ههههههههههههههه
انقسمو فريقين
1(فيصل وفهد ومشاري وفارس ومشعل والحارس فهد)
2(سامي وجراح وسلطان وسلمان وبندر الحارس)
البنات كل وحده مع زوجها او اخوها والكبار جلسو ببيت الشعر يتقهوون ويناظرون للعيال
سامي يعطي الكوره لجراح كان الكل من البنات تصفق الا وحده ساكته وتناظر فيصل يركض وسجل هدف وبدا الحماس والتشجيع
بعد شوي سجل جراح هدف على الفريق الثاني بهذي اللحضه الكل كان يشجع من مشجعات الفريق ومعهم الساكته
الكل لاحض
فيصل:ام عيون شجعينا حنا مو هم حنا اخوانك
هيام:انا مع فريق صديقتي هي الي بقت لي
فهد:ياي احس نفسي بفلم هندي
الكل:هههههههههههه
سامي:الأخ متاثر بالهنود
الكل:ههههههههههههههه
انتهت المباراه 2:1لصالح فريق جراح
---------------
سلمان ورحاب يتمشون وجلسوا على المرجيحه
سلمان:رحاب انا قلقان مره
رحاب:ياه سلمان لاتخاف دايم فيه حل طيب يمكن مايكون فيه شي
سلمان:يارب
رحاب:متى طيارتنا لمكه
سلمان:اوه يازين مكه تحس براحه وامان
رحاب:اي والله
--------
فارس:ابتسام تعبت ماخلصتي
ابتسام:اخر اللمسات شوي :يالله انتهيت
فارس جا يشوف اللوحه :واو روعه لو مو انت واقفه من اليوم ماصدقت وناظرها بس حرام لازم نقطعها
ابتسام:لا وليش تعبت فيها كثير
فارس:ياحياتي ترضين تدخلين النار
ابتسام:صادق اوريها لهم وباقطعها
مشعل:صادق مرتك رسمتك تحفه هي ترسم دايم
فارس:ايه عندها بالبيت مرسم لوحاتها كثار بس ماترضى تعرضهم
مشعل:طيب واذا سوينا معرض
فارس:وازيدك من الشعر بيت تصمم ازياء لخواتها وصديقاتها والله روعه
مشعل:ليه ماتفتح مشغل او محل كبير وتصمم وتخيط وتخلي المحل نسائي
فارس:بقولها على افكارك وبس تاشر على انفذ
مشعل يشاوره:وانت الصادق مانقدر عليهن
مشعل وفارس:ههههههههههه
---------------------
بعد مرور اسبوع
ام جراح:كلولولولولوش
جراح:خليها توافق اول وبعدين
ام جراح:وين تلقى احسن منك الحين باتصل بخالتك واخطبها
جراح قام بضيقه وراح لغرفته وفتح دولابه واخذ شماغه وشمه وابتسم عطرها يحي شوفتها وياهني الي مايحب ولا يعرف الحب
طريقه وتنهد وتذكر منظرها يوم العشا وضرب الدولاب بيده جراح تألم من الضربه بس ماهي اكثر ايلاما من الم الجرح الي بقلبه
والي ينزف حزم لازم يتفادى ذكراها راح يتزوج لازم ينساها
--------
سكرت ام وعد التلفون وهي مره فرحانه
وعد:الله الله فرحيني معك هالقد خالتي فرحتك
ام وعد:وعد اذا تبين راحتي وافقي ابي اطمن عليك
وعد:يما شتقولين عسى عمرك طويل
ام وعد:ولد خالتك جراح خطبك وهذا الي طول عمري اتمناه لك وهو الي احسه بيصونك ويحافظ عليك
وعد بصدمه:يما شتقولين انا ماابي اتزوج الحين
ام وعد:ليه ياوعد لين اموت وماشوفك عروس
وعد وهي تبكي وتبوس يد امها:يما بعيد الشر عنك مااقصد بس انا
ام وعد:ريحيني يايمه ريحيني
بندر يدخل البيت:معي لكم مفاجاه تغطو ياحريم الكل جالس والصوت جاي من برا بالسوري:يالله يالله
وعد نبضها تسارع ودخل طلال وسلم على الكل
طلال بابتسامه ساحره:شخبارك وعد
وعد:الحمد الله
طلال:شخبارك عايشه
عايشه:الحمد الله
قعدو شوي ودخلت وعد غرفتها
وعد في غرفتها تبكي وش تسوي اما انها تفرح امها اوتفرح قلبها بحبها طلال وتنتظره
ام وعد دخلت ومسكت يد بنتها وباستها:ليه تبكين عشان جراح والله يابنت اذا اخذتيه ماتندمين طول عمرك فرحيني ياوعد انا
عمري ماطلبتك
وعد ماترد بس دموعها تنهمر حبها راح مع احلام امها
------------------
بعد مرور يومين
طلال يفطر مع امه وابوه دخل بندر ووراه عايشه متغطيه :السلام عليكم
الكل:وعليكم السلام
شوي دخلت وعد ويوم شافت طلال رجعت
ابو طلال:تعالي يابنت مافيه احد دخلت وعد ووجهها محمر وباين عليها السهر والتعب وانها كانت تبكي
ام طلال:سم الله عليك يابنت فيك شي
وعد تبلع العبره:لا ياخاله صداع خفيف
طلال بخوف:وعد فيه شي
وعد تناظره وتبعد عيونها عنه:لالا ولا شي
بندر:اوديك المستشفى
وعد:لا باكل بندول وبصير زينه
ام طلال:افطري بالأول
ابو طلال:تعالي افطري وبعدين البندول
طلال ووعد طول الفطور يتسارقون النظر لبعض طلال قلقان على وعد الي تلمع بعيونها الدموع قامت وعد وراحت
تركض لغرفتها والكل مستغرب
ام وعد:شفيك ياوعد
وعد وهي تبكي:انا موافقه
ام وعد حضنتها :الله يبارك فيك فرحتيني يابنت
--------
جراح:الله يبارك فيك يمه
الجوهره:ياخي اخيرا مابغيت طلع في راسك الشيب وانت ماتزوجت
جراح بابتسامه:غيرانه مني صح
الجوهره:ياحسره على ايش
جراح:احلى منك ودكتور واكشخ منك
الجوهره:يابيخك ياشيخ
الكل:ههههههه
---------
مريم تكلم جوري :والله صادقه الف مبروك ياعمري اكيد بحضر العرس زين خلاص بعدين اكلمك مع السلامه
هيام منتبه معاها:عرس مين
مريم:عرس جراح خطب وعد ووافقت
هيام راحت تسوي نفسها عادي ومن دخلت غرفتها قفلت الباب وصارت تبكي وتنحب بصوت
------------
ابو طلال:الف مبروك ياولدي
طلال ساكت ومصدوم وقام بسرعه
بندر:هي موافقه
ابو جراح:لو مي موافقه ماجينا نخطب رسمي
بندر لحق طلال بالحوش
طلال:اتصل عليها ماترد ليش ياوعد ليش
بندر:اهلا ياطلال وانا بعرف لك منها السالفه
بندر دخل على وعد الي شافته ومسحت دموعها
بندر:وعد انت موافقه صح
وعد تهز راسها بمعنى ايه
بندر باستفهام:وعد، وطلال
وعد:فرحة امي ابدى من فرحتي
بندر:خالتي بتتفهم
وعد:بندر لا تضغط علي اكثر
بندر:على راحتك وطلع
--------------------
طلال :انت وحده خاينه كيف توافقين انت ماتستحقين حبي لك
وعد:انت جاي تهاوش ولا تبارك
طلال:الف مبروك ياخاينه
وعد من بين دموعها:طلال هذي اخر مقابله لنا وبعدها بكون لغيرك انا وافقت عشان امي ماتتوقع فرحت امي بموافقتي حرام
احرمها من فرحتها امي خايفه علي
طلال:ولو كلميني قوليلي
وعد تبكي:خلاص كفايه محد حاس فيني وجلست على روجلها بالأرض
بندر:خلاص الحين بيجي احد ويسمعكم
قامت وعد وتمسح دموعها:طلال احلفك بالله ماتكرهني
طلال:وعد حرام عليك تظلميني
وعد ناظرته وراحت:اسفه طلال دايم الأحلام لاتتحقق ودخلت غرفتها
بندر:اعذرها ياطلال خلاص خل البنت في حال سبيلها
طلال بنفسه"والله مايلمسها غيري مادام خشمي يشم الهوا:بندر ممكن جوالك باتصل بااحمد طلال اخذ جوال بندر وسو نفسه
ينقل رقم جوال احمد ويتصل وهو اخذ رقم جوال جراح وحفضه بجواله
طلال:مشكور مايرد
في اليوم التالي
طلال:يارب وين القاه لا بالبيت ولا يفتح جواله اتصل يمكن للمره الميه
جراح:نعم من معي
طلال:الو السلام
جراح:وعليكم السلام
طلال:الأخ جراح ال
جراح:معك
طلال:ممكن اذا سمحت نتقابل بكوفي او مطعم او حتى عند البحر
جراح:منهو حضرتك
طلال:اوه اسف انا طلال اخو بندر
جراح:هلا والله والنعم ببندر واخوه
طلال:ماعليك زود
-----------
فيصل:يايمه حرام عليك ترا البنت ماتنغصب على شي وخاصه الزواج
فجاه سمعو صوت تكسير من فوق
فيصل بسرعه طلع فوق ودور في كل مكان مافيه وبسرعه راح لغرفة هيام بس مقفله ويطق الباب بقوه بس بدون فايده
فيصل:هيام هيام افتحي الباب
سمع صوت القفل ينفتح وعلى طول دخل
هيام مرميه على الأرض وكل شي حولها منكسر ويدها تنزف شالها ويركض للمستشفى ووراه مريم
بالمستشفى
مريم تبكي:هيام هيام ليه ياهيام
فيصل:مريم لا تقلقيني اكثر
جا ابو فيصل ومعاه ام فيصل
ابو فيصل:وش فيها هيام
فيصل:مافيها شي ان شاء الله الدكتور لسا ماطلع منها
الدكتور:انتو اهل المريضه
ابو فيصل:ايه يادكتور
الدكتور:للأسف انهيار عصبي ومحاولة انتحار
مريم جلست تبكي وام فيصل بصدمه
ابو فيصل:لاحول ولاقوة الا بالله
ام فيصل جلست على الأرض وفهد يحاول يقومها وهي تبكي انصدمت ان بنتها تحاول تنتحر
الدكتور اخذ ابو فيصل وفيصل على جنب
الدكتور:ابيكم تتكلمون بصراحه ايش الي ادى ببنت بعمر الزهور تحاول تنتحر هل فيها مرض نفسي او احد ميت او مشاكل
وما اتصور انها بسيطه انا مااشك بشي لكل انسان ظروفه بس الصراحه اول مره اواجه مشكله كذا
فيصل:ولا شي من هذا يادكتور هي فجاه صارت حزينه وكئيبه وماتاكل وصار الي صار
الدكتور:اسمع اذا تبون تعرفون لازم تهدأ وتفكرون بالشي الي مزعجها وحاليا لازم تبعدوا عنها الضغوط ولا تكلمونها كثير
فيصل:مشكور يادكتور
الدكتور: على كلا احنا سوينا لها عمليه وخيطنا فيها العرق وادعو لها اهي بحاجه لكم وبما انا نقلنا لها دم يعني اتوقع تصحى
بعد كم ساعه واحمدوا ربكم جبتوها بسرعه لهنا
ليست هناك تعليقات:
إرسال تعليق