امال:هلا فبصل
فيصل:وينك ليه طولتي شغلتي بالي
امال:انا امال امل عند المحاسب وعطتني شنطتها
فيصل:اسف لاخلصتو انا الي بجي اخذكم خليها تدق علي
امال:ان شاء الله
طلال داخل البيت وجهه احمر من الضحك
بشاير:يما انا اذا شفتك كذا اخاف اكيد مسويلك شي
وعد:يما خوفتيني اخوك مجرم
طلال:بو
وعد:ياي مامي روعتني
طلال:تدروووووون وش سويت
بشاير:ايه
طلال:سلامتك كنت قاعد في المقهى مع الشله الا واحد وراي يكلم حبيبة الألب ويعطيها
رقم بطاقة شحن سوا قمت انا رقشتها(حفضتها)وعبيت جوالي ووزعت عشر عشره على الشله
وشوي ودقت عليه ورزلته رزاله انما ايه
وعد تناظر له:طلال احيانا اخاف منك
طلال ومتاثر من كلمتها وهو يناظرلها بحنيه غير معهوده:ليه كل هالقد اخوف
بشاير:ههههههه مره ماثرين ايش هذا ولا فلم كلاسيكي
بندر وهو داخل ومسرع:بسرعه حطوه على العربيه يقولون شافو المسيح الدجال
طلال طلعت عيونه وحطوه على العربية ينتظرون
وعد:بندروه تضحك علينا تخوفنا
بندر :لاوالله تو قريته بالأنترنت عاجل
طلال:يضحكون علينا بس قومو قومو نلعب بلايستيشن
وعد:اول
طلال:اف منك دايم غشاشه
في اليوم التالي
سامي:هلا سلمان شخبارك ماعاد شفناك
سلمان عشان مين اجي:تخبر الدراسه والأختبارات قربت ومشاغل
سامي يغمز له:امس رحاب محتاسه باليل شفتها نزلت شربت مي وباين عليها البكي انتم متهاوشين
سلمان لا شعوريا:لا والله تقوله صادق
سامي:هههههه اجل اكذب
سلمان:ليه تضحك يالخايس وبنفسه يابعد عمري كله مني بس تذكر خليها احسن
سامي:هيه يالحبيب وين رحت
سلمان:معك يالله مع السلامه تبغى شي
سامي:سلمان سلمان
سلمان:خير وش عندك بعد
سامي:ليه يدك ملفوفه وش فيها
سلمان:تعورت بقزاز
سامي:سلامات
سلمان:الله يسلمك
في الشركه
فيصل:يبه انت واثق من الي اسمه جو والله اني خايف منه
ابو فيصل:ياولدي شلك بكل عوار الراس كل شي موقع
طق الباب
ابو فيصل:تفضل
فهد:السلام عليكم
الكل:وعليكم السلام
ابو فيصل:اف مره وحده فهد في مكتبي اجل اكيد غيرت رايك وبتشتغل معي
فيصل:هههههههه ويناظر لفهد تصرف وطلع
فهد:يبا
ابوفيصل:اجلس ياولدي يافهد
فهد بعد ماجلس:الصراحه يبا انا قلت لأمي بس مارضت وقلت لها تقولك بس مارضت
ابو فيصل:فهيدان اخلص وش عندك
فهد يضحك:يبه انا ابي اقولك باخطب وانت تقول فهيدان
ابو فيصل:هههههه حتى لو صرت جد بقولك فهيدان انت بنظري صغير
فهد:لاعز الله فلحت وبعدين انت تقول جد وخوياي يقولون شايب حطمتوني
ابو فيصل:ومن سعيدة الحظ الي تبيني اخطبها لك
مشاري:اليوم ضايق خلقه بالمره متحلم باابوه انه مومسامحه على انه يعرف مكانه ولا يروح له
مشاري يمشي على البحر دق جواله
مشاري:هلا فهد
فهد:وينك يالقاطع صار لي كم ماشفتك
مشاري:المهم قلت لأمك تخطبها لك
فهد:ايه بس مارضت ورحت لأبوي وقال بيخطبها لي
مشاري:طيب تعالي عند البحر مكاني الي دايم اجلس فيه
شوي الا فهد جا عند مشاري
فهد:الجو روعه البحر وقت الغروب وبالشرقيه ويناظر لمشاري صحيح انت للحين على رايك ماتبي تطلق العزوبيه
وتتزوج
مشاري يتذكر امال ويبتسم:اه يافهد اه ومنو بيخطبها لي
فهد:مشاريون من هي
مشاري:خلنا من هالسالفه وخلينا بالي احنا فيه انا متضايق يافهد متضايق ودي اصرخ ودي ابكي زي الأطفال ودي سكت
فهد:سم الله عليك ذاك اليوم وش زينك وش قلب حالك اخلص لا تجلسني على نار
مشاري يناظر فهد:الحين كل هالأسئله اصبر علي بعد مااجلسو :فهد صار لي كم يوم احلم نفس الحلم اشوف ابوي الي
يعاتبني ويقولي انه مو مسامحني اني ما ازوره ولا اروح له
فهد:انا اقولك الحل روح له بالشركه وبعدين تعال هو ليه طلق امك
مشاري:اسمع هم عيال عم وجدي قالهم انه مايرضى عليكم اذا ماتزوجتو الي هو ابو ابوي وامي ماكانت عندها مشكله
هي صدق مو راضيه تتزوج ابوي لأنه يحب بنت خاله بس بالأخير تزوجوا بس عشان جدي وعلى فكره امي يتيمه
وتربت بيت عمها الي هو جدي وبعد اربع سنين من الزواج والعذاب امي كانت تحاول ترضيه في شتى الطرق
لدرجة انها يوم يضربها 00000 وسكت خنقته العبره للذكرى الأليمه شوي وكمل يوم يضربها تسكت طبعا هذا من غير الأهانات
وبعد مامات جدي الله يرحمه وراحت معاه الحنيه بعدها باشهر ابوي تزوج وماصار يسال عنا وبعدها بسنتين ارسل ورقة طلاق امي
امي الحنونه الطاهره انهارت مالها احد بعد الله الا ابوي ضلينا كم سنه عايشين على اهل الخير لين توضفت امي واجرنا بيت
يتكون من غرفه وحمام (الله يكرمكم)ومطبخ فقط وكملت دراستها بالجامعه الي ابوي منعها منها هذا بالصبح وبالليل تشتغل
ولسان الناس يطعنها والوان الأهانات في المدرسه كل يوم الطلاب يعايروني بامي واحيانا يقولون ان ماعندي اب تخيل
هالكلمه وشوف عاد الخناقات وبعدها يستدعون ولي امري ومنو ولي امري امي اموووووت من القهر يوم اشوفها
تدخل المدرسه علشان توقع على تعهد
مشاري سكت ودموعه بعينه المهم نقلنا وصرنا بحيكم وتعدلت امورنا وامي صارت
مدرسه وبعدين اداريه وانت تعرف الباقي عشنا مكرمين بس امي ماتت بقهرها وفجاه قام مشاري ويناظر فهد ودموعه متحجر
بمحاجر عيونه :اكرهه اكرهه
فهد متعجب:تكره مين
مشاري بصوت عالي:اكره ابوي اكرهه
فهد:مشاري اهدا اهدا هذا ابوك مايجوز تقول كذا وتعوذ من ابليس واجلس
مشاري جلس:اعوذ بالله من الشيطان الرجيم استغفر الله يارب استغفر الله
فهد:قم خلينا نصلي المغرب وبعدها نشوف حل
سلمان قاعد في غرفته ورن جواله
سلمان:خير نعم وش تبين
هنوف:سلامتك اشوف اخبارك
سلمان:ياقليلة الأدب ياحيوانه ان دقيتي ثاني مره بتشوفين شي ماترضينه وسكر بوجهها
سلمان:انا ناقص والله لوريك يارحاب مااطلقك لو ايش سلمان يكلم حاله اطلقها وتصير مع غيري لالالالا مااقدر
اشوفها لغيري
شوي وجته رساله من هنوف"ياسلمان رحاب تبكي على اخوي وتبيه حرام عليك ماتبيك غصب
سلمان:حرمت عيشتك انا لو بس اعرفك انت واخوك لأرتكب فيكم جريمه
ريم:هنوف شقاعده تسوين
هنوف خايفه بس مابينت:العب بالجوال
ريم:تعالي ساعديني ابي احمم عيالي اليوم بنام عندكم
هنوف قمزت بفرحه:صادقه قولي والله
ريم:اجل امزح
هنوف تبوس اختها:ياحياتي انت
مشاري:خلنا من سالفة ابوي بعدين اروح له
فهد:يعني اتفقنا
مشاري:ايه بس انا
فهد:شفيك بس انت ايش
مشاري:ابجي اخطب بنت عمك
فهد:شدراك ان بنت عمي ساكنه معنا
مشاري:افا تشك فيني مو كنك انت الي سارد لي قصتها وانا متبرع لها بالدم
فهد:اسف فهمتني غلط انا مااشك فيك بس استغربت انا اليوم من فرحتي ان ابوي وافق ناسي اسمي بعد
مشاري:ياحلو ايش اسمك
فهد:اسمي مشاري
الكل:ههههههههههههههههههههههه
وعد قاعده بالصاله في بيت عمها وقاعده تدرس وبشاير بيدها كتاب وتطالع التلفزيون
وبندر قاعد يلبس شرابه وهو يمشي متاخر على الدوام
وعد ماطافها ابد تضحك عليه
ام طلال تخيط ازارير ثوب طلال:على مهلك ياولدي الله يوفقك ويحميك
بندر وهو ماسك يدة الباب :امييين يارب واخذ الي ابيها وطلع وهو يركض
طلال:اف اف والله انك مو هين يابندروه
ام طلال:بسم الله روعتني ياولدي ليه ماتسلم عشان نحس انك موجود
طلال:ايه طبعا انا الجني وولدك الصغيرون هو ملك من الملائكه وكل الدعاوي الزينه له
ام طلال:الحين الغلط مني ولا منك
وعد وبشاير مندمجات مع المحاوره
ام طلال:وبعدين انت الكبير وغلاك غير
طلال:اضحكي علي بهالسوالف
بشاير:ههاي طلال يبيلك تهزيئه عشان تنمدح
طلال:انت انطم ويقلدها
وعد:0000000000
طلال:اول مره وعد ماتتكلم
وعد:شي مايخصني هو يحب ويبغى يتزوج مافيها شي والغيره لصغيرونين مو للكبار
طلال وهو منقهر ويبي يشوف ردة فعلها:يارب يارب اتزوج الي ابغاها انا بعد ونزل ايدينه وجلس على الكنب الي قبال وعد
ويسوي نفسه سرحان ويفكر اه يابعد عمري وبنفسه"اه ياقلبي كله حسرات ينتظرها اه ياعيوني تنتظر ابتسمتها وبصوت عالي
لاكنه فعلا سرحان :ياجنون الليل غرني هواها واعجبني غرورها كسرت غروري لغرامها وابتسمت لأفكارها
وبكل الأحوال ماادري اناعن رضاها حس طلال على نفسه وكان متاثر جدا بالي قاله وعلى طول ناظر وعد
وعد كانت خانقتها العبره ودموعها بعيونها وكانت تناظر عيون طلال السرحانه وموجهه للسقف وفجاه طلال ناظرها
وصارت العيون بالعيون وعد قمزت وراحت فوق طلال كان يناظرها بجميع حركاتها وفجاه تذكر بشاير الجالسه معهم
وناظرها مستحي من الي صار
بشاير :ياحيوان ياحقير
طلال:وجع بشايروه
بشاير:مو انت الي بالفلم
طلال ارتاح انها ماانتبهت وطلع من البيت بين الراضي والزعلان على نفسه
ام سلطان :ابو سلطان وين عيالك بياذن العصر وهم ماجو
ابو سلطان باهتمام وهو طالع من مكتبه الي بالبيت:ايه صدق انا نسيتهم
رن جوال ابو سلطان سوا نفسه مو مهتم ويدخل مكتبه وسكر الباب ويرد بسرعه:الو وينكم
سلطان:يبه احنا في مركز الشرطه
بااحد المجمعات بعد صلاة المغرب
ريم:فواز تعال لاتروح هناك
طبعا فواز روحه المعاند على طول راح يركض ويدخل احد المقاهي الصغيره ولحقه ابوه ومسكه من يده وقام يبكي
فواز:بروح عند خاله
نواف زوج ريم:خلاص بوديك بس امش
بس فواز تفلت من ابوه وانطلق نواف رفع عينه وشاف هنوف مع صديقاتها
بس فواز تفلت من ابوه وانطلق نواف رفع عينه وشاف هنوف مع صديقاتها
وجالسه تشيش ريم شهقت ونواف راح طاير لهنوف وبصوت واطي:قومي بسرعه قبل مااسوي شي اندم عليه
ريم استحت مره وركبو السياره
نواف:ياحقيره والله والله لو اعلم ابوك او واحد من اخوانك وش بيسوون هاه وبصوت عالي هااااه انت ماتفهمين
لو احد شافك شبيقول فضحتينا سودتي وجيهنا انا رجال ماسويتها
هنوف وهي تبكي:انتم كل شي تسووون
فجاه التفت عليها نواف ووقف السياره وناظرها وعطاها ذاك الكف:بعد تتكلمين اف لو اقدر امسك شعرك
كان ماخليت شعره ثابته ياحقيره
ام سلطان جالسه بالصاله شوي تمشي وشوي تجلس وشوي تناظر الساعه
دخلوا عيالها ووراهم ابوهم والي مبين انه معصب
ابو سلطان:فشلتوني فضحتوني رجال طول بعرض وتهاوشون خلق الله
سلطان:يبه هم الي بدو
ابو سلطان:ماشاء الله ولدي الكبير يقول كذا ولا انا قلت عيالي كبار وعاقلين وبزوجهم بس لاتفضحونا معهن
فارس:يما شمسويه غدا
ام سلطان:عقاب لكم مافيه غدا
سلمان:افا افا بس كل هذا انا علمناهم درس خلاص مانعيدها يالغاليه
سلطان:مامي انا جوعان
ام جراح:جوري وين الجوهره
جوري:الجوهره بغرفتها ومقفله ومارضت تفتحلي الباب شكلها تبكي
ام جراح:يما بنيتي وراحت تركض
جوري تعلق على كلام امها:ههههههههه امي عندها ام بس ماادري وينها خخخخخخخخخخ
ام جراح طق الباب على الجوهره :الجوهره ياامي افتحي الباب
الجوهره ماترد
ام جراح:يالله يما عاد خلاص
الجوهره فتحت الباب وعيونها حمرا من البكي
ام جراح تروعت على بنتها :وش فيك ليه عيونك كذا الجوهره على طول دموعها سابقتها وحضنت امها ودخلتها وسكرت الباب
الجوهره:يما مابيه ماابيه
ام جراح:منو الي ماتبينه
الجوهره:سامي ما ماابيه
ام جراح:يايما وش هالكلام الله يهديك عرسك مابقاله شي وجهازك خلصناه الا شوي وش هالخرابيط
الجوهره:يما سامي مغصوب علي انا ادري ولا من الباب للطاقه يخطبني ويملك علي ولا حتى يجي يسلم علي ولا حتى يكلمني
ومن بين دموعها والله تعبت خلاص ذبحني التفكير بانجن
ام جراح :ايه اشوفك تهذرين واجد وكلامك مخبص اثرك انجنيتي
الجوهره تمسح دموعها وتبتسم:انا مااهذر انا صادقه
ام جراح :يصير خير
مشاري وهو طالع من مجلس ابو فيصل ومعاه فهد:فهيدان فهودي
فهد:ياي يازينك عند المصالح
مشاري:امش زين لايكبر راسك بس
الكل:هههههههههههههههههه
في اليوم التالي البنات متجمعات عند الجوهره يشوفون شريط البر حق الشباب
هيام:يالله كل وحده تقول وين زوجها
سميه:انا زوجي دوري على احلى واحد وهو زوجي وتاشر عليه
فجاه نطت ابتسام:لاوالله فارس احلى شوفي هيام وانت احكم
رحاب:لحضه لحضه خلها تشوف سلمي حبيبي وبعدين تحكم
هيام:وانت الجوهره وينه
الجوهره:هاه ماسمعت
امل:من قال هاه سمع وبعدين حبيباتي انتم لاتفكرون فصولي حياتي الأحلى
هيام:الصراحه الصراحه هم واحد احلى من الثاني بس
الكل نط عليها:بس ايش
هيام:لاخلاص ماني قايله اخاف اصير عشاكم
الكل:هههههههههههههههههههه
بسمه كانت تناظر وتسمع بدقه واهتمام وتلاحظ كل حركات فهد ابوها صارله كم يوم قايل لها وماردت عليه
امال الي كانت بعالم ثاني كانت تناظر على الشريط بدون ماتسمع لأنها تكلم نفسها "يعني معقوله هذا مشاري ماتوقعت شكله كذا
الجوهره:امالو امالو وصمخ ليه ماتردين
امال:نعم وش تبين صاجتني
الجوهره:اولا خلص الشريط وثانيا البنت المعجبه فيك وش عطتك اليوم
امال:ايه صح جبت الكرت معي للحين ماقريته
هيام:لو انا من ادخل السياه اقراه حتى ماانتظر للبيت
الكل:ههههههههههه
امال:وتدرون بعد جابت لي هديه بس مارضيت اخذها
رحاب:شف الخبله ليه مااخذتيها
امال:الا والله شف الخبله وش كاتبه حبيبتي امال0000000000000000000000
وكملو قرايه وهن ناقعات ضحك
بسمه:صدق خبله
الكل:هههههههههههههه
بسمه شوي خذت على خاطرها انها تتكلم سعودي ويضحكون عليها والكل انتبه
سميه:بسمه انت زعلت احنا مانقصد
بسمه بدون نفس:لالا مازعلت
الجوهره تغمز لبسمه وتشاورها "هاه وش رايك"
بسمه ابتسمت وماردت عليها
رحاب:هيه انتم بسرعه قولو وش السالفه
بعد مارجعو للبيت دخلت امل وبعدها امال
امال وهي وقربت من سلة الزباله تبي تقطع كرت المعجبه وفجاه دخل ابو فيصل وهو مره معصب وبدون مايتكلم ضرب امال
كف على وجهها وهو يناظر لها باحتقار :ايش هذا يابنت اخوي يالمتربيه وكل ماله يرتفع صوته وراها كرت مشاري
امال طاحت على الأرض وهي تبكي وعمها يضربها هيام فتحت الباب وهي تبعد ابوها :يبه وش فيه وبدت دموعها تنزل
ابو فيصل بعصبيه:اطلعي برا
هيام طلعت وهي تبكي
هيام طلعت وهي تبكي
ابو فيصل :امسك هذا الكرت الحين بتقطعينه
امال نزلت شعرها على وجهها وحطت الكرت بكمها وقطعت كرت المعجبه ورمته بالزباله
ناظرها بكره ملكتك قبل ماتنزلين راسي ماعاش من ينزله فاهمه وطلع شاف سلمى :علي الطلاق ان طلعت السالفه والله والله
ماتشوفين طيب
امال من الصدمه ماقدرت تتكلم ناظرت امل وصارت تضحك وتبكي
امل شافتها كذا قامت تبكي معها
قامت امال وقفلت الباب وناظرت امل وهي تبتسم
امل تناظر لأختها مستغربه خايفه صارلها شي
امال طلعت الكرت الي من مشاري من كم بلوزتها :قطعت كرت المعجبه ودموعها على خدها ههههههههه وحضنتها امل وصارن يبكن
جوري:جوهرو ااااااااا
ابوجراح وهو نازل :وجعوه ياقليلة الأدب
جوري شافت ابوها وركض عند امها
ام جراح:ها يانص نصيص وش مسويه بعد اف منك
ام جراح:ها يانص نصيص وش مسويه بعد اف منك
جوري تسوي حالها تبكي :ماني مسويه شي كل شي فوق راسي
ابو جراح:خلي الحياله والكذب عنك انا كم مره قلت لك لاتنادين احد كذا
جوري تضيع السالفه:ايه صح يبه جراح مو جاي الا لمن تخلص الأختبارات
ام جراح:يوه من هالولد مطوله الأختبارات يعني مانشوفه من الحين
الجوهره:ايه ايه انا تبوني اتزوج وتفتكون مني وجراح تبونه يجي كل يوم وكل عطله وكل اسبوع
ابو جراح:الحيالات جوري والجوهره جلسن انا باطلع منها
واذا جت بسمه خل تجيني ودخل المكتب
ام جراح:عقبال جوري
جوري:يارب وتتحلم بصوت واطي
بسمه دخلت تو راجعه من الدوام وشكلها مره تعبانه :السلام عليكم
الكل:وعليكم السلام
نطت جوري كالمعتاد:بسمه ابوي يبيك بمكتبه
الجوهره :اف يالقفك بسوالف ماتخصك
جوري مدة لسانها للجوهره وركض لغرفتها
الجوهره اسرع منها ومسكتها وصارت تدغدغ بطنها
جوري:هههههههههههههههههههههههه يما ههه بطني هههههههه ترا اسويها
الجوهره على طول تركتها :يامامي ماسكه بزر انا وراحت وهي تركض
بسمه طقت الباب ودخلت
ابو جراح:هلا هلا ببنيتي هلا تعالي اجلسي هنا بس ثواني واخلص الي بيدي
ابو فيصل:هلا والله باابو جراح شخبارك وشلونك ،عساك بخير ،اجل على بركة الله نخليها اليوم مع ملكة بنت اخوي
لالا بس ملكه
رحاب حاطه راسها بين رجولها وايدينها على راسها مو عارفه وش تسوي وبنفسها"ايه اكيد تحسف انه اخذني هو يبغى حبيبته
الي اتصلت علي وانا غبيه صدقت انها كذابه بمجرد انها كلمت ابتسام اكيد هي بتخرب بيتي وبيت الي احبهم ودموعها صارت
على خدودها يارب يارب وش اسوي
رحاب بين شكوكها وافكارها نغمة رنين الرسائل مسكت الجوال وفتحته
رحاب بين شكوكها وافكارها نغمة رنين الرسائل مسكت الجوال وفتحته
هذي رساله من سلمان انه مو فاضي واذا فضى يكلمها والأفضل انهم مايتكلمون كثير لين يتزوجون
الرساله ماجت بوقتها زادت الهم همين
هم امال مو اكبر من هم رحاب عمها بيزوجها غير الي في بالها تفكيرها خلاص وقف كيف بتعيش مع واحد وقلبها مو معه اكيد بيطلقها
سلمان 24ساعه فاتح الكتاب عشان مايفكر كثير
طلال محتار بالي سواه وقرر يروح لوعد وطق باب غرفة بشاير ودخل بشاير نايمه ووعد تغني وتجمع اغراضها ورجع
وطق الباب انتبهت وعد
وعد:نعم وش تبي شايفني لابسه شماغ هذي غرفة بنات ايش تبغى
طلال ماعصب بالعكس فرح وكل الي سواه رفع حاجب وابتسم لأنه متوقع الهجوم :وين على خير
وعد:بروح اطلع امي ووديها البيت
طلال دخل وجلس على طرف السرير :تصدقين اليوم قاعد افكر اقول انا للحين ماتزوجت
عند هالكلمه انقلب وجه وعد تجمد وكمل طلال وهو مايناظرها :ومالقيت الي ابيها ياليت عندي بنت خال عشان اتزوجها
وعد صارت تجمع اغراضها بسرعه :والله انك صادق حتى انا ياليت عندي ولد خال يفكني من التنقل
طلال ماتوقع ردها ودمه بدى يغلي بعروقه وطلع وسكر الباب بقوه
بسمه:يما خالتي مره تعبانه واليوم دقت على بنتها وتبي تطلع
ام جراح:وش فيها الأسبوع الي طاف وهي عندنا هي لو تسمع الكلام وتقعد عندي
جوري وتسوي حالها ميته :عشان تغثنا وعدوووه
الجوهره:وجع جوري عيب هذي بنت خالتنا
في الليل ابو طلال:ياوعد ياوعد
بشاير:يبه وعد راحت بيتهم
ابو طلال:متى
طلال وهو نازل:اليوم وش تبي فيها
ابو طلال :ابيها بموضوع خاص ابي رايها في واحد خاطبها
طلال جن جنونه وطلعت عيونه وضاق خلقه وطلع برا
ابو طلال:وش فيه هذا بعد
ام طلال:مدري
طلال عند البحر يمشي ويحذف الحجر برجليه وايدينه بجيبه وبنفسه"يالله هذي وعد بطير مني والله لو احد غيري تزوجها
لالالالا كيف حبيبتي وعد حلمي وحياتي تروح لغيري كيف مااخليها ابدا لو ايش يصير
وبحركه لا شعوريه دق على جوالها
ام وعد:يابنتي ياوعد جوالك يرن تعالي
جت وعد وخذت الجوال:ازعجك يمه اسفه وشافت الجوال مكالمات لم يرد عليها طلال وش يبي
وفجاه رن الجوال وطلعت من الغرفه
وعد:هلا
طلال:وعد انتي وعد"اف وش اقول"
وعد:ايه لتكون غلطان
طلال:لاماني غلطان
وعد:وش فيه صوتك كذا صاير شي تكلم تراك روعتني
طلال:ايه صاير شي انا منهار وسكت شوي
وعد:طلال طلال
طلال:ياعيون طلال
وعد مصدومه:طلال عن قلة الأدب وش فيك انجنيت صاير لأهلك شي طمني
طلال:انا فعلا جنيت وانت الي جننتيني حرام عليك خلاص افهميني انت الي طمنيني
وعد:00000
طلال:وعد انت تحبيني
وعد:00000000000
طلال:وعد انا امووووت فيك ارحميني عاد خلاص ماعاد اتحمل وقفل الخط
وعد مصدومه مو مصدقه الي صار معقوله طلال يقول هالكلام لالا مو صدق اكيد شارب شي انا بحلم ولا علم
دخل سامي وعيونه حمرا وبيده درع ترك الدرع طلع فوق على طول
رحاب بسرعه راحت تقرا الي على الدرع:الدرع لوائل الله يرحمه انه حافظ القران الكريم ليه يعطونه لسامي
سامي نزل اخذ الدرع وجلس :يما الدرع لوائل
رحاب:ندري
سميه:انت اسكتي
سامي:اخوانه وابوه بحفل التكريم لوائل على حفظه القران قالوا قدام كل الناس :اني احق منهم بالهديه دموع سامي ماعاد تقاوم
وبدت تنزل كانه طفل صغير وحضن الدرع وكانه حاظن وائل الكل يناظر له ماقدر يتحمل النظرات وماعرف نوعها شفقه
ولا حزن ولا ايش طلع وهو مايدري وين يروح احسن شي للمسجد الكبير الي جنب البحر
بعد ماطلع
رحاب:لدموع الرجال هيبه وقعدت تبكي
ابتسام:وجع رحابوه وتمسح دموعها
ابو جراح:اقول ياام جراح بعد حفلة الملكه نروح للبر كلنا نخيم
جوري:ايه يبا والله اني اقول دايم الأفكار الزينه ماتجي الا من الرجال الزين انا احلى فكره يبا الله الله يخليك قبل الأختبارات
ام جراح:اذا جا جراح
الجوهره:يما الحين جراح مو قايل انه مو جاي
ام جراح:نقوله على الطلعه بيجي خميس وجمعه مو ماثره وخاصه انا يمكن نروح الأستراحه
ابو جراح:الا بسمه وينها
الجوهره:مستحيه ههههههههه
جوري:احسن من وجه بن فهره
الجوهره:اقول انت مالك دخل
ابو جراح:افا تهاوشون وقدامي بعد
وعد:هلا والله بخالتي تفضلي
ام جراح:هلا فيك شلونك وش اخبارك ماعاد شفناك ياوعد
وعد:تعرفين ياخاله الجامعه والدراسه وامي
ام جراح:الله يعين الله يعين
في اليوم التالي
فهد يناظر نفسه في المرايه ويغني "ياسعدي وهناي دا اليوم دا اليوم دا حلمنا اه اه اه "
فيصل:خخخخخخخخ وش هالخرابيط ويناظر له ليتك دوم بهالمزاج
فهد:قل ماشاءالله لاتنضلني
فيصل:من زين هالخشه عاد انضلك
فهد :لو مو اخوي الكبير كان عرفت ارد عليك
فيصل :على هامان يافرعون الا تعال صحيح اخذ راي امال بزواجها
فهد:يعني شرايك اكيد
فيصل:يعني الحين بروح معك انت وهالخشه علشان تلبس المحروسه وبعدين مشاري
فهد وهو طالع:ورجلك فوق راسك
فيصل:وين بتروح مني مصيرك لي
امال وهي تبكي:شفت عمك وش سوى فيني حتى المعرس مدري عنه شي حتى اسمه باعني برخيص عمك باعني يا امل
باعني ولا حتى سوالي حفله
امل من بين دموعها:خلاص الي صار صار عيونك بتنفقع من البكي اليوم بيجي يلبسك وش بيقول عنك وعمي مايزوجك الا اذا
كان رجال ماعليه كلام
امال:بس القلب ومايهوى الي يبينا عيت النفس تبغيه والي نبيه عيا البخت يجيبه
امل:قومي قومي تحممي عشان يخف الحمار والحين بتجي الكوافير
امال:ومن قال اني ابيها وماني حاطه مكياج
امل:امشي امشي شكلك بتفضحينا اليوم
الجوهره:يالله بسمه المعرس جا
بسمه:وين هيام
الجوهره:قولي كذا من الأول من الحين بعد وماعاد تسألين عنا
بسمه:لامااقصد بس ابها تمشي معي
الجوهره:خخخخخخخخخخ امزح معك
دخلت بسمه على الحريم وجوا سلمو عليها
بسمه لابسه ثوب فضي بلاسيه من ورا وعند الصدر
سلمى تخزها بنص عين وبنفسها :مدري وش لاقي بها كان خلاني اخطب له احسن
فهد دخل لابس غتره وعقال وماهو قادر يخفي الأبتسامه الي تصنع دورها بأخفاء الربكه
سلمى تمشي جنبه:هلا هلا بولدي وبصوت واطي بالله هذا اختيار فهد قطع كلامها بابتسامه:لاتفضحينا الله يسلمك
سلم على بسمه وجلسوا شوي ولبسها كان يناظرها ومو قادر يحرك نظره عنها مسك ايدها بيد ووقفها بيده الثانيه
ومشو لداخل وجلس متعمد على الكنب الي يكفي شخصين فقط علشان ماتبعد عنه بسمه كانت محررجه جدا من حركات فهد
فهد حط يده على يدها يبي يعرف اذا مرتبكه ولا لا ايد بسمه كانت تنبض لحالها هو يبتسم فهد رومانس وله نظره غريبه
فهد:بسمه
بسمه بعيونها الساحره ترفع راسها وتناظر له وبابتسامه هاديه بينت غمازاتها
فهد:هههههههه ويناظر لبسمه المستغربه انا عارف وش بتقولين اكيد انهبل ولا مجنون لا يابعد عمري ودنيتي وكل ناسي
انا بس مو مصدق اني الحين ماسك يدك شهور وانا انتظر اللحضه هاذي
ابو فيصل:تفضل ياولدي تقدر الحين تشوف حرمتك وتلبسها
مشاري اخذ بخاطره شوي بس مابين
مشاري اخذ بخاطره شوي بس مابين
لأنه لاحض الفرق بين ملكته وملكت فهد
امال جالسه بالمجلس دخل عمها ودخل زوجها سلم بس ماردت طلع ابو فيصل عشان ياخذون راحتهم
امال حتى ماناظرت منزله راسها ودموعها خلاص بتطلع ومي قادره بيخرب كل شي وبدت تبكي بدون صوت
مشاري لاحظ انها حتى ماقامت له وبنفسه:اف وش فيها ذي ليكون مو راضيه لالا مااعتقد اكيد مرتبكه وانه يتيمه
ليست هناك تعليقات:
إرسال تعليق