الأربعاء، 23 أكتوبر 2013

توأم و لكن أغراب في جامعة أمريكية - الجزء 70‏

(( بالجامعـــــــــــــــه ...
فيصــــل توه داخل من البوابه ....
سمع صوت وراه يناديه ...
-(فهد وبرهوم :~ فصووووول ...
((لما التفت عليهم طير عيونه والضحكه طلعت منه بالغصب ....
فهد وبرهوم لما وصلو له وهم يلهثون من التعب ...
-(فهد يطالعه بحقد :~ اي اي اضحك مالت عليك ...
-(فيصل :~ هههه منو اللي مساوي فيكم جذي هههههههـ ...
-(برهوم :~ اقول فهود امش امش بس ... هذا الظاهر بيقعد يتريق علينا لين مايقول ربي
الله ...
-(فيصل مسك يدينهم وهو لازال يضحك :~ هههه لا لا خلاص بس صج منو اللي عفسكم جذي ..
-(فهد بحقد :~ الله ياخذ ويهه واحد بغى يصدمنا ... من القهر انا وبرهوم
قعدنا نهاوش عليه بس ماحسينا الا بتكروني اللي نزل لنا وهو معصب ... 
مسكني انا وهالغبي وحلتنا على الشارع اللي كله مويه ووسخ حسبي الله عليه ...
-(فيصل :~ هههههههههههههههههاااااااي ... ؤمااااااااااا .... زين عيل اللي مافقع وييهكم ...
-(برهوم مسوي نفسه :~ يخسى الا هو ... 
-(فهد :~ اتحداه مايقدر .... بس احنا سلكنا له ولا بغينى نستعمل وياه العنف وتركناه يروح ..
-(فيصل :~ هههه طيب وانتو بتدخلون جذي بالجامعه ... لا لا اذا بتدخلون جذي قولو لي
عشان اتبرى منكم بهاليوم ولا كأني اعرفكم ...
-(برهوم وفهد لزقو فيه قاصدين يوسخونه ... فيصل بهواش :~ لعنه انت وياه بعدو عني ...
-(من وراهم أميره قالت بخشه محترمه :~ لعنه تلعنك ... لا تلعن فاهم ....استغفر الله ياربي ..
((الثلاثه التفتو عليها بصدمه ... من وين جت هذي ...
-(فهد انقلب وجهه وبسرعه تخبى ورى برهوم عشان ماتشوف ملابسه اللي رايحه فيها ...
فيصل :~ نعم نعم نعم .... عيدي بالله شقلتي تو ..!!!
-(أميره تتكتف بملل :~ قلت لعنه تلعن ابليس ... ماتسمع انت ...
استغفر الله ... ياخي انت ماتعرف ان العن حرااام .... مالت على هالويه ....
-(فيصل مسك ابتسامته لما صرفت الوضع عشان كذا قال :~ وعلى ويهج ...
وانت وياه بعدو عني الله يقرفكم ...
-(أميره وهي ماره من جمبه :~ ويقرفك ...
-(فيصل وهو يطالعها :~ ياربيه على هالبنت ... متى ناويه تعتقيني لوجه الله ...
((الثلاثه راحو عنها وهي كانت تطالع جوالها تصرف الموضوع ....
ماحست الا بنارا اللي مرت من جمبها وهي ماسكه بيدها ميما بنت فيصل ...
عقدت حواجبها وش السالفه ...
((بالكفتريا ....
نارا دخلت وبيدها ميما لين ماوصلت عند شلتها الإيمو ثم تركت ميما وجلست تضيع وقتها
بجوالها ...
-(لميا بستغراب :~ نارو منو هاي ..!!
-(نارا بملل :~ وانتي شكو فيها ..!!
-(مهاوي :~ لا صج غريبه اول مره نشوفها ... وبعدين منو متى تحبين اطفال انتي ..!!..
-(نارا تطالعهم بملل :~ ومنو قال لكم اني احبها ... شفتها تبجي بالشارع ويبتها هني عند ابوها
اللي مدري من وين ياب هالمزعجه ... ؤففف وانا ناقصه بزران ...
-(مهاوي :~ منو ابوها ...
-(لميا بسرعه قالت :~ يؤ يؤ لا تقولين انه اخوج فيصل ..!!!
-(مهاوي شهقت :~ لا لا عاد صج ... اخووووج فيصل هاي بنته ...
نارو عفيه عليج خليني الروح اعطيه بنته بنفسي ...
-(نارا وهي تطالعها بنص عين :~ وانتي للحين ماتأدبتي من آخر مره رحتي له ..؟؟
-(مهاوي وهي تمسك قلبها :~ آآآه ... الحب عذاااب ... صج صج ماخطر ببالي يوم انه
بيكون اخوج لا وتوأمج بعد ...
-(لميا بسرعه نطت :~ لا لا عفيه انا اللي بوديها للفيصل ...
-(مهاوي بقهر :~ هيه هيه انتي .. انا قلت قبلج .. والله فراغه .. وخري بس عني ...
ماقلتي لي نارا شنو اسمها ..
-(نارا :~ ؤفففف صج سخيفات انتي وياها .... اذا للهدرجه طايرين فيها خذوها وودوها
له ... يكون سويتو لي معروف ... 
-(لميا :~ اكيد اكيد فيصل بيكون في نفس مكانهم المعتاد ..
-(مهاوي :~ أي صح قدام باب المبنى ... بس ماقلتي شنو اسمها ...
-(نارا وهي توقف بتروح تطلب لها فطور :~ ميما ... بس اسمها الصجي ..
ماأدري ... لأني ماأسمعه يناديها غير بهالأسم وانا مافكرت اسأله عنها ...
((كملت طريقها وراحت تطلب ...
-(مهاوي ولميا بحماس :~ ميما تعالي ...
-(ميما كشرت بوجيههم ثم جلست بعناد ماتبيهم ...
بس مهاوي مسكتها بالغصب ...
ميما صارت تصارخ بوجهها للدرجة انو مهاوي تركتها منحرجه من اللي يطالعونهم ...
ميما شافت من بعيد أميره واقفه ...
بسرعه اختفت من قدامهم رايحه صوب أميره ...
-(مهاوي :~ لميا وين البنت ..!!! ..
-(لميا شهقت :~ تو كانت هني ... شلون اختفت هاي...!!
-(مهاوي :~ ياحسره والله بتذبحنا نارا ...
-(بهاللحظه جت نارا ...لميا برتباااك :~ نارا ... 
-(نارا بدون ماتلتفت عليهم جلست وهي تقول :~ خير ...
-(مهاوي بتوتر :~ ميما اختفت .. ماندري وينها ...؟؟
-(نارا ولا كأنو شي صاير ... نطقت ببروود :~ طيب وبعدين ..؟؟
-(لميا ومهاوي رفعو حواجبهم :~ شلون يعني ..؟؟
-(نارا سفهتهم وكملت تاكل بعدم اهتمام لا لهم ولا للبنت اخوها ...)
"""""""""""""""""""""""""
-(أميره لما جلست بالكراسي اللي برا الكفتريا حست بأحد ينغزها من رجلها ...
نزلت عيونها وتفاجئت بوجود ميما بنت فيصل ...
كشرت بنرفزه ثم سحبت رجلها عن ميما ...
بس اللي طفشها انو ميما الا مصره تكلمها وهي تنغزها وتقول بإصرار :~
انتي ... ابي عصير ...
-(أميره توهقت فيها ... التفتت عليها ثم قالت :~ ميما شاطره ضفي ويهج عند ابوج ...
-(ميما بإصرار :~ ابي عصيييييييييييييير ...
-(أميره شهقت وبسرعه حطت يدها على فم ميما وهي تقول :~ لسنه .. فضحتينا ..
بالله انتي وين ابوج عنج ... ؤفففف منه ... بالله هاي حاله يضيع البنت جذي ...
ؤففف لا ومن تكون بعد .. بنت فيصل مااااالت ...
ؤف روحي عني انتي ...
-مابي ... ابيج انتي تشترين عصير ...
-ؤففف ويعوه شفيها هاي ماتفهم .... 
-(بدت تتعبر والدموع تغرق عيونها :~ بــآآآآآآآآبآآآآآآآ...
-(أميره بسرعه شالتها وهي تقول :~ خلاااص خلاااص وويعوه سكتي فضحتيني ...
((لما طلعت برآ بالحديقه تدور ابوها بس ماحصلته ولا حتى شلته ...
استغربت بالعاده مايتعدون مكانهم المعتاد ...
أول مره ماتلاقيهم فيه ...
قررت تروح تشتري لها عصير علبال ماتلاقي ابوها أو أي احد تعرفه ...
((من جهه ثانيه فيصل واقف قدام قاعته يطالع جواله ...
مرت من قدامه وتين بتدخل القاعه نفسها ...
وقفت تنتظر فيصل يبعد شوي عشان تقدر تدخل ...
بتوتر :~ ممكن شوي ...
-(بعد عن طريقها بدون مايرفع عيونه عن جواله وهو مو عارف انها وتين ...
وتين حست بقهر منه عشان كذا قالت مره ثانيه :~ ممكن شوي ..
-(فيصل بطفش رفع عيونه وهو يقول :~ ؤهوووه خلاص بعدت شفيـ...
((قطع كلامه لما شافها وتين ...
اختبص شوي ثم نزل عيونه يحاول يصرف الوضع ...
-(وتين ابتسمت وهي تحس انه للحين يحبها عشان كذا قالت بثقه :~ ممكن 
شوي من وقتك ..!!
-(فيصل رفع عيونه عليها بستغراب ثم قال :~ أكيد تفضلي ...
-(وتين :~ الحقيقه بغيت اقول لك عن السالفه اللي صارت آخر مره ....
لما اعترفت لك بـ... بحبي لك .... ماأدري ليش حسيت اني ندمانه وانا اشوف بويهك
العكس ... اذا ماتحبني قول وأنا ماراح اضايقك مره ثانيه ...
لما حبيت عبادي اكتشفت انه انسان مايستاهل الواحد حتى يفكر فيه ...
بس لما دريت انك انت اللي تحبني .. ماأدري ليش حسيت بالسعاده وقتها وصار كل تفكيري
فيك ... اتمنى انك تفهمني ... بس الحين صرت اشك انك موب مثل قبل ..
يعني صحيح من بعد سالفة جينفر اللي الكل عرف عنها وعن بنتكم ...
بس انتو الحين منفصلين ... يعني هي مالها وجود بحياتك ...
عشان جذي ابي افتح صفحه يديده لك اكون انا موجوده بحياتك ...
-(فيصل حس بتوتر كبييير ... وأخيرا قال :~ شوفي وتين ...
اذا على جينفر .. فهي مالها وجود اصلا بحياتي لا من قبل ولا من بعد ...
والبنت اللي تتحجين عنها بنتي وجينفر مالها علاقه فيها ...
بس اذا على اللي قلتيه بالنهايه .... الحقيقه ..آآآ...
-(وتين بسرعه قالت :~ لا ترد الحين ... تقدر تفكر وبعدين ترد لي خبر ...
بعطيك رقم جوالي وانت قرر بعدين وكلمني او الرسل لي مسج عن ردك ...
بس تذكر اني ندمانه على كل الأيام اللي ضيعتها بدون ماأكون وياك ...
وبدون ماأبادلك نفس الشعور ...
((بهاللحظه قاطعتهم مهاوي وهي تقول بتردد :~ آآ فيصل ممكن دقيقه من وقتك شوي ...
-(فيصل ووتين التفتو عليها بستغراب ...
فيصل :~ آآآآ بـ ... بس أنا الحيـ...
-(وتين قاطعته :~ لا خلاص انا بدخل اصلا ماعاد عندي شي اقوله ...
بس لا سجل رقمي عندك ...
((لما سجل رقمها عنده قالت ببتسامه :~ يالله عن أذنك بدخل القاعه ...
-(فيصل وهو يطالعها ولا شال عينه عنها :~ اذنج معج ...
((مهاوي كانت تنتظره يعطيها وجه بس حست ان الولد قاعد يطالع وتين حتى وهي ملقيته ظهرها داخل القاعه ...
حست بقهر بداخلها عشان كذا قالت بدفاشه :~ الحين انت تطالع هالبنت وماتدري وين بنتك..!!
-(فيصل التفت عليها وهو معقد حواجبه :~ نعم شبغيتي اختي ..!!!...مافهمت عليج ...
-(مهاوي لما طالعها فيصل حست برعشه من فوقها للأسفلها ...
ابتسمت بتوتر ونست القهر وهي تقول بخجل :~ لا بس يعني اقصد ..
انو بنتك ... يعني ..آآآ... هو انت لا تخاف يعني اكيد هي موجوده
بالجامعه ... بس فجأه اختفت وانا ماأدري وينها ...
-(فيصل رفع حاجب :~ منو تقصدين .!!
-(مهاوي :~ آآآآ.... ببـ.... بنتك ميما ... ضايعه بالجامعه ...
-(فيصل عدل وقفته للجد ثم قال :~ بنتي ..!!! شتقولين انتي ... اصلا شيابها للجامعه .!!
-(مهاوي بتوتر :~ انا مالي دخل .. نارا هي اللي يابتها ...كانت تبي تعطيك بنتك لأنها تقول
لقتها بالشارع جدام عمارتكم ... اكيد كانت طالعه من بيتكم وانتو مانتبهتو لها ...
عشان جذي نارا يابتها هني كانت تبي تعطيك بنتك ...
بس ماندري شلون فجأه اختفت بالجامعه ولا لقيناها ...
انشالله بنلاقيها بس حبيت يكون معك خبر عـ...
((فيصل مشى وطنشها وهو يركض بخووووف يدور بنته ...
رفع جواله ودق على متعب :~
آلو متعب الله يخليك ماشفت ميما على طريجك ..؟؟
-(متعب مستغرب :~ لا والله ليه شصاير ... انت يايب ميما بالجامعه ..
-(فيصل بخووووف :~ متعب يعطيك العافيه اذا لقيتها قول لي لأني قاعد ادورها
الحين وماأدري وين اختفت البنيه ...
قول للشباب لأني موب قادر ادق عليهم ... خايف لا يكون صار شي لها والله اموت 
لو يصير شي للبنتي ... 
-(متعب بخوف :~ فصول قول لا اله الا الله .. تعوذ من الشيطان انشالله بنلاقيها ..
وانا والشباب بندور عليها لا تخاف بس انت ريح ولا ينشغل بالك ...
((فيصل ماقدر ينطق بأي شي لأن يدينه ترتجفففف عشان كذا سكر الخط 
وهو موب قادر يوقف على رجوله من الخوف ...
ياربيه وينها ... عسى مايكون صار لها شي ...
ميما وينج ... ياربيه احمها من كل شر يارب ...
((بلع ريقه اللي جففففف .. يتلتفت يمين يسار وهو يدعي ربه انه يحفظ بنته ...
((نـــــــــــــــــرجع للأميره وميما ...
بالحديقـــــــــــــــه ... أميره جالسه قدام ميما ..
-(أميره بضحك :~ هههه صج مينونه ... نلعب غميمه مره وحده ...
-(بوزت بزعل ثم قالت :~ نلعب ميمه ...
-هههه طيب انا عندي لج لعبه احسن من لعبتج اللي بتفشلني جدام الطلاب ..
شرايج نلعب ألو ألو ألو ... شراااب برتقال ... هاه شرااايج ..!!
-(عقدت حواجبها موب فاهمه شي ...)
-(أميره بعد ماعلمتها كيف باليدين أخيرا قالت :~
سلاام سلام سلااام ...
تحيـــــــــــة الإسلاام ...
ألـــــــو ألــو ... ألــــــــو ...
شرااااب برتقال ...
واحــــد ثنينن ..الخ
........
وهذآآآآآآآآآآآآآآآ.البوكــــس ..
((ميما ضربت أميره على راسها بقووووه وهي ميييته ضحك ...
أميره صرخت بألم :~ ويعووووه ... بالله جذي اللعب ... 
ماعليج شرهه بنت ابوج ... شبيطلع منج يعني ماااالت بلا ماااالت ...
أح راااسي ...
تضحكين هاااه تضحكيييين ...
((بعد مانتهو من العب والضحك شالتها أميره وهي تقول :~ يالله ندور ابوج ..
-(ميما :~ ناء مابي .. (لا مابي ..)
-(أميره :~ لا يكون تبين عصير بعد .... بالله انتي جم عندج من بطن ...
سبحان الله على ابوها ...
-(ميما هزت راسها بـ.(نعم)...)
((لما اتجهو للباب المبنى بيروحون للكافتريا ...
سمعت واحد وراها ينادي بصوت عالي :~ أميــــــــره ...
((لما التفتت لقته متعب وفهد ...
-(متعب لما وصل عندها :~ الحمدالله انها معج ...
-(فهد :~ وين لقيتيها ..!! ابوها مره خايف عليها المسجين ...
-(أميره :~ هذا اصلا المفروض مايصير أب اذا هو موب قد المسؤليه ...
تارك البنت تدور بالجامعه لحالها ...
-(متعب :~ دقيقه أدق على فيصل اكيد هو الحين يحاااتي ...
آلو فيصل ... لقينا بنتك مع أميره .... احنا جدام باب المبنى ... تعال نترياك ..
-(فهد :~ أكيد تعبتج ...
-(أميره ببتسامه :~ صغيره أكيد بتتعب الواحد .. بس عادي عندي أنا اصلا احب الأطفال ..
((وهي بقلبها تقول ......اي هين ..)
-(متعب :~ مشكوره انج اهتميتي فيها ..
-(فهد :~ هاتيها عنج ...
-(أميره :~ لا عادي مافي أي تعب ولا شي بس المره اليايه قولو للأبوها ياينتبه حق بنته
عدل ولا يقعد ويجابل بنته بالبيـ....
((ماحست الا باللي جاي معصب وسحب منها ميما وبقوه ...
رفعت عيونها بصدمه على فيصل اللي ضم بنته بقوه وبخووووف ...
-(فهد حس بالوضع متوتر عشان كذا قال :~ الحمدالله انها مع أميـ...
-(فيصل قطع عليه كلامه لما صرخ بوجه أميره وهو يقول بعيون كلها غضب وحقد :~
انتي هيـــــــــــه ... تستعبطييين ..!!! ... جذي تاخذين بنتي بدون ماتقولين لي ..!!
ومنو اصلا سمح لج تلمسينها ..!! ... انتي شنو ناويه عليه فيني ..!!
ابي افهم أنا ... للهدرجه انتي حقوده تخوفيني على بنتي ..!! ..
بالله وين كنتي ناويه تاخذينها ....!! ... انتي صج القافه والحقد والغباء ياي 
من راسج الى أسفلج ..!! ... جم مره بعيد وأكرر لا تتدخلين بأي شي يخصني .!!
بس الا هالمره ... بنتي لا تلمسينها ..!! فاهمه ...
آآآخ لو انج موب بنيه ... جان علمتج شلون تحرمين تدخلين بحياتي ..!!..
الظاهر انتي موب ناويه تطلعين من حياتي كلش ...
ناشبتلي بحلجي ... بس انا اللي بطلع من حياتج ...
اذا ماراح تبتعدين عن طريجي ... أنا اللي ببتعد بنفسي ...
لأني ماأطيق اشوف ويهج ... ويهج صار شؤم علي ...
زهقتيني ... طفشتيني ..!! طلعتيني من طوري يابنت ..!!...
((ثم عطاها نظره خلتها تكره روحها أكثر .... لف بيروح بس 
المفاجــــــــــــأه لما سمعو أميره تصارخ بوجه فيصل وبغضب أكبر منه :~
لا يوووومآآآآآآآآآه ... صج صج خوفتني ...
هييييييييه انت ... ترى أنا اللي عطيتك ويه ...
أقرفتني .. كل يوم اطلعي من حياتي اطلعي من حياتي ..
من زين حياتك اللي شايف روحك فيها ...
المتخلف اللي يفكر يشاركك بحياتك ...
انت على شنو شايف روحك ..!!
لا أخلاق ... ولا حتى احترام ... ولا عالأقل دراهم ...
تشتغل بورشه مدري محطه وبالويل تكسب رزقك ..
بالله على شنو شايف روحك ...
لا وفوووق كل هذا مغازلجي للدرجة الحرام ...
بالله هالبنت اللي مساوي لي مصدق روحك فيها شلون يات .!!!
بالحرام ولا بشنو ماشالله ... تبي تقنعني انها ؤه غلطه ..
ياربييييه كلش مسجيييين ...
وشنو يعني بتبعد ..!! احد ماسكك ... ابعد وبستين داهيه ...
ياربيه شايفني ماقدر اعيش بدونك ولا شلون ...
ترى انتا مره ماخذ مقلب بعمرك ...
ومن اليوم ورايح بتشوف أميره ثانيه ...
صدقت عمرك اني ميته فيك ...
جذبه وصدقتها بكل ثقه .... المينون اصلا اللي يحبك ...
مابعت نفسي انا عشان احبك ولا اهتم ببنتك ...
مالت عليك انت وبنتك ...
باللي مايحفظكم ...
((متعب وفهـــــــــــد بتطيح خششهم من اللي يشوفونه ويسمعونه ..
أميره وحده ثانيه اليوم قدام فيصل ...
أميـــــــــــره لفت عنهم والنار تشتعل بقلبها ...
((فيصل يطااااالعها بنظرات جاااااامده ...
ســـــــــــــــــــاااكت ... مانطق بأي كلمه ..
فهد ومتعب التفتو عليه يطالعونه وهم متحرين شي يصير من ردة فعله ...
بس تفاجئو من ردة فعله الصاااامته ...
-(متعب بتوتر :~ فيصل ...
-(فهد :~ فصول ...
((فيصل لف عنهم بدون أي كلمه ...
بس ماتطمنو من ملامح وجهه رغم انه ساكت ...
حسو انو فيه شي من بعد اللي قالته له ...
أول مره يتوترون من ردة فعله الغريبه ...
حتى انهم ماتجرأو يلحقونه ويطيبون خاطره أو يستهبلون كعادتهم ...
((من جهه ثانيــــــــــــه ...
أميره وهي تمشي طالعه من الجامعه ...
عبرتها خااانقتها وهي تردد بداخلها وبغضب :~
لا تبجيـــــــــــــن ياأميره .... لا تبجيــــــــــن ...
مايستاهل دمعه من دموعج ... لا تبجيــــــن

$$ الجـــــــــــامعه ...
الجـــــــــــــــــــامعه الأمريكيـــــــــــه ..$$
جامعــــــــــة ابطالنـــــــــــــــــا وتوأمنـــــــــــــا ..$$
لمت شملهم بدون مايحســـــــــــــــون ..$$

((بآخر الدوام ....
جت رساله لكل توأمنا ...
لما قروها بستغراب ...
واللي هي :~
عالبوابه .....
((نارا عقدت حواجبها مافهمت شلون عالبوابه ...
لما انتبهت عالأسم صاحب الرقم واللي هو عمهم بندر ...
معقوله يكون ينتظرنا عند البوابه ...
بس هو بالسعوديه ...
كيف ..!!
((كملت طريقها للبوابه ...
أما فيصل وصلته الرساله وهو واقف بالحديقه التفت عالبوابه بيروح لها الا 
ولحقوه اخوياه كلهم لأنهم بيطلعون ...
((تولين كانت اصلا متجهه للبوابه بتروح للسايقها ...
أما ليان تمشي متجهه للبوابه مثل ماقرت برسالة عمها لها ...
بس حست بأحد يناديها ..
التفتت على صقر اللي متجه صوبها ..
لما وصل :~
عازمج على كافي برآ الجامعه ... شرايج ..؟؟
-(ليان بعدت عيونها عنه وسكتت بدون أي كلمه وهي تتذكر موقفهم اللي امس...
وهي اصلا صارت تتهرب منه بسبب اللي صار امس باللفت ...
صقر استغرب شفيها تتهرب منه ولا تحط عيونها بعيونه ...
-(صقر ببرائه :~ ليان شفيج ...!!
-(نزلت راسها أكثر وهي تكمل طريقها للبوابه ...
-(صقر :~ مزعلج بشي وانا مدري ..؟؟
-(هزت راسها بالنفي ثم قالت بسرعه وبصوت قصير كعادتها :~ 
عمي الرسل لي رساله يقول فيها روحي للبوابه ... 
-ليش ..؟؟
-مدري بروح اشوف شصاير ...
((بهاللحظه التوأم كلهم تقابلو مع بعض وهم متجهين للبوابه ...
-(متعب لما شاف تولين بسرعه قال :~ الله الله شنو هالصدفه الحلوه 
بينكم ...
-(تولين طالعته من فوق للتحت وحقرته بالتطنيش ..)
-(فهد مسك ضحكته ثم قال بصوت قصير للمتعب :~ ريح واستريح ياريال ..
هاي بالذات بين خواتها شايفه روحها بشكل موب طبيعي ...
يعني لو بتتحجى من اليوم لين باجر ماراح ترد ...
-(متعب بقهر :~ وانت شكو .... 
-(فهد :~ اللهم اني بلغت ... وانت براحتك ...
-(صقر بصوت قصير لليان :~ اقول ليان شسالفه كلكم تجمعتو مع بعض وشكلكم
رايحين صوب شي محدد ...
-(ليان هزت كتوفها يعني ماتدري ..)
-(أما فيصل التفت على خواته اللي يمشون جمبه :~ اقول رسالة عمي وصلتكم ..؟؟
-(ليان اللي رفعت راسها :~ ليه وصلتك بعد انت ...
-(فيصل :~ آها عشان جذي كلنا متلاقين ....
((لما وصلو للبوابه وقفو كلهم جمب بعض ومعاهم صقر وقروب فيصل ...
-(برهوم يصفر بنبهار :~ ؤللللللله .. ودك من يلطش هالسياره ...
-(فهد :~ مالت عليك اللي يسمعك يقول ماشاف خير ...
((بس تفاجئو كلهم لما نزل السايق الأسمرررر ...
وقف قدام التوأم وهو يقول بحترام :~
العم فيصل ..؟؟
-(فيصل رفع حاجب :~ شنو ..!!
-(تولين كشرت بوجه فيصل بغرور وهي تقول بصوت واضح الكل يسمعه :~
مالت عليك ماشفت خير صج ... 
أنت من طرف عمي بندر ..؟؟
-(الأسمر بهاللحظه عرف انهم هذولي اللي وصاه بندر عليهم ..
نزل راسه بحترام ثم قال :~ العم بندر الله يطول بعمره موصيني 
آخذكم للمشوار ...
-(صقر عقد حواجبه :~ شنو مشواره ...
-(الأسمر مارد على صقر ... )
-(فيصل :~ شنو مشواره ..؟؟
-(الأسمر :~ تفضل وبتعرف لوين ... 
-(فهد :~ ماينفع نروح وياكم ...
-(برهوم :~ أي صح ريلنا على ريل رفيجنا مايصلح نهده بروحه وياك ...
-(متعب ضرب على راس فهد وبرهوم :~ والله من الطفاقه فيكم ...
((الأسمر راح وفتح الباب للتوأم ...
تولين تقدمت بغرور وركبت السياره ...
أما ليان لما تقدمت مسك كتفها صقر وهو يقول :~ على وين ...؟؟
-(ليان بلعت ريقها بتوتر :~ بروح ويى اخواني ..
-(صقر عقد حواجبه :~ شنو شنو ... وانا وين رحت ... بالطوفه ..!!
بعدين انا توني قايل لج عازمنج على كافي ... تروحين جذي بدون لا احم ولا دستور ..
((بس المصيبه لما سحبت يدها نارا وكأنها تقول طنشي صقر ...
ليان توترت من الوضع أكثر وهي ماكان تبي يصير كذا لأنها بغت تقول ؤكي ماراح الروح بس نارا تدخلت ...
رغم انو نارا توقعت ليان ماتبي صقر من بعد موقف العرس ...
صقر حس بقهررررررر بس ضبط اعصابه وهو يطالع السياره الفخمه ...
نارا دخلت ليان ثم ركبت بعدها ...
أما فيصل بين يدينه ميما نايمه ...
واقف مايدري يدخل ولا لا ...
-(عبادي :~ فصول ليش واقف ..؟؟
-(مساعد :~ والله وصرت ولد عز واحنا ماندري ...
-(برهوم :~ الله يخلف علينا عيل ...
((فيصل مارد عليهم وركب بهدوء رغم انه متردد مايدري ليه ..))
وهم بطريقهم ...
ليان التفتت على فيصل ثم قالت :~ منو هاي ..؟؟
-(فيصل ببتسامه :~ هاي بنتي .. منى ...
-(تولين بدون ماتطالعهم كالعاده الغرور له دور بحياتها :~
منى ... شمعنى منى عاد ... ووين أمها ماتمسكها عنك ؟؟
-(فيصل توتر شوي ثم قال :~ منى على اختي اللي تربيت عندهم ...
((بس سكت لأنه ماعرف شلون يشرح سالفة بنته اللي متبنيها .. ففضل الصمت على 
الكلام اللي مايدري كيف بيقوله لأنه احرااااج عليه ...
بس حمد ربه انو خواته ماوصلت لهم الإشاعات اللي انتشرت عنه وعن جينفر ...
-(نارا ببرووود :~ اليوم لقيت بنتك بالشارع ... يبتها للجامعه أدورك بس 
اختفت بنتك .. أحمد ربك انها راحت بنفسها للأميره موب حد ثاني مايخاف ربه ..
((التفت عليها فيصل معقد حواجبه ثم قال :~ ميما راحت بنفسها للأميره ..؟؟
-(نارا :~ اي ... اشوفها تلعبها بالحديقه وبنتك مستانسه للآخر حد ...
أحمد ربك انها راحت للأميره ...
هذا اذا ماكانت بعد سحبت على محاظرتها عشان بنتك ...
((فيصل سكت وكلمات نارا تتردد بأذانه ...
تذكر الكلمات اللي قالها لها ...
ضغط على كفه بقوووه يعاتب نفسه على كل كلمه قالها بحق أميره اليوم ...
صحيح خذت حقها وزود ...
بس برضو ندم عالكلام القاسي اللي قاله ...
((قطع عليه تفكيره لما قال لهم السايق :~
تفضلو .. البيت بيتكم ...
((لما نزلو من السياره ...
شافو البيت فخم ...
بمكان جدا جدا راقي ...
-(فيصل عقد حواجبه :~ شلون يعني البيت بيتنا ..
-(الأسمر :~ العم بندر وصاني أوصلكم للبيتكم ...
من اليوم ورايح هذا بيتكم وأنا بوصلكم للأي مجان تبونه ...
والخدم داخل بخدمتكم ...
لحد ماتنتهي جامعتكم وبعدها تردون للسعوديه ...
-(ليان توترت :~ أنا ماأقدر عندي زوجي يترياني بالبيت ...
((شويات الا ولاحظت الكلمه اللي قالتها ...
زوجــــــــــــــــي ..!! ... يترياني بالبيت ..!!
للهدرجه مهتمه ..!!
من متى ... شنو اللي تغير ..
((نارا التفتت عليها بستغراب :~ بس انتي بتطلقين منه ..!!
-(ليان بصدمه :~ ليه منو قال ..!!
-(نارا رفعت حواجبها :~ شفيج اخترعتي ..!! ... مو انتي ماتبينه ...؟؟
شنو اللي تغير ...
-(ليان نزلت راسها برتباك ولا ردت بأي شي ...
نارا استغربت اختها ...
تولين بطفش :~ ؤهوووه وأنا بقعد واقفه لين تنتهون حظرتكم من سوالفكم ...
((ثم كملت طريقها للداخل المبنى ...
طلعت جوالها ثم دقت على أمها ...
لما قالت لها السالفه ...
-(أم تولين بضيقه :~ شلون يعني بتعيشين بعيده عني حتى وانتي بالإمارات ..؟؟
-(توترت شوي ثم قالت :~ ماما بسكر الحين يالله انتبهي للعمرج ...
باي ...
((ثم سكرت ويدينها بردت من التوتر ...
حست بضيييقه من اللي سوته ...
ماتدري شنو بالضبط المشاعر المتخربطه بداخلها ...
تحس انها تبي تعيش بين اخوانها وتتعرف عليهم أكثر ويتعودون على بعض أكثر
لأانهم للحين وكأنهم اغراب كل واحد يتكلم بطريقه رسميه ...
وبنفس الوقت ماتبي تترك أمها ...
احتاااارت ماتدري وش تسوي ...
للحظه جت فكره ببالها ...
دقت على امها بسرعه ثم قالت :~ ماما شرايج تيين تعيشين وياي انا واخواني ...
-(أم تولين ضاق صدرها لأنها تاملت من بنتها هونت وبترجع للبيت ...
بس بالاخير قالت بضيقه :~ لا خليج انتي وياهم انا ماأقدر اترك بيتي ...
الله يوفقج يابنتي بس طمنيني عليج وانتبهي للروحج وللصحتج ...
((تولين حست بحبااااااط ....
ماتبي تترك أمها ... وماتبي تترك اخوانها ..
كافي انها انحرمت منهم ثلاثه وعشرين سنه تقريبا ...
ماردت على أمها بس ماحست الا بصوت قطع الإتصال ...
نزلت دمعه من عينها ...
دمعه فيها الحيره والألم والحزن ...
محتراه بين اخوانها وبين أمها ...
أمها اللي عندها أغلى من كل شي حتى على روحها ...

باليوم الثاني ...
بالجامعه ...
((أميره أرسلت للفيصل بلوتوث أغنيــــــــه ..
وهو جالس بين اخوياه ...
وأنواع الضحك ...
بس قطعت عليه اميره بصوت قبول أو رفض للبلوتوث اللي وصله ...
قبل بدون أي تفكير ...
لما فتح معه ...
استغرب الموضوع واللي هو ...
 

}} اهداء خاص مني لكـ ..{{
))عقد حواجبه شسالفه ...
لما شغل الأغنيـــــــــه ..
واللي هي ...
((أغنيـــة أسيل عمران ... حبيبي التزم حدكـ ...))

حبيبـــــــي التزم حدكـ...
مدام انكـ كلامــــــــــــكـ جد ...
حبيبــــــــــــي التزم حــــــــــــــدكـ ...
تهددنـــــــــــي تبي تبعـــــــــــــد ..
أبعــــــــد الله لا يــــــــــــردكـ ..
ترى بينيــــــــــــي وبينك حــــد ..
ومن هاليوم أنا ضدكـ...
تهددنــــــــي وانا أهدد ...
وخله ينفعــــــــــــك صدكـ...
حبيبـــــــــــي التزم حــــــــــدكـ...
"""""""
اذا تخطـــــــــــــي بيجيكـ الرد ...
ولانــــــــــي ميت في بعــــــــــــدكـ ...
واذا تجرحنــــــــــي متعمد ..
أبجرح كيفـــــــــــــي وش عنــــــدكـ ...
حبيبـــــــــــــي التزم حدكـ ...
"""""""""
((كان المقطـــــــع موقف لين هنا بس ...
فيصل رفع راسه بسرعه يدور بعيونه من اللي الرسل له البلوتوث ...
بس الصدمه عليه لما طاحت عينه على أميره اللي واقفه تطالعه 
وكأنها تقول ترى أنا اللي الرسلت البلوتوث ...
عطته نظره من فوق للتحت ثم لفت عنه بثقه ..
((فيصل ماقدر يشيل عيونه عنها ...
حس انها موب أميره اللي يعرفها ...
هذي البنت قويه وكأنها تتحداه بقوه ...
بس أميره اللي يعرفها ماتعرف غير الضحك وماخذه الدنيا بطيبه وسهاله ..
((توه بيوقف ويلحقها بس تردد ثم جلس ...
ماهي الا لحظات ونسى موضوعها بالسوالف مع أخوياه وهبالهم ...
"""""""""""""""
$$بكـــــــــــذا ... مرت الأيــــــــــــام والأسابيــــــــع ..$$
وكل يوم توأمنا يتعرفون أكثر وأكثر على بعض ...$$
ينسجمون أكثر وأكثر مع بعض ..$$
كل يوم يتعلقون ببعض أكثر وأكثر ..$$
مافيــــــــــه أحلى من الأخوان ... وخصوصا لو يكونون توأم بنفس العمر ..$$
((الله لا يحرمكم من أخوانكم وأهلكم ..))

((بيوم من الأيام بالترم الثاني ...
بعد مانتهو من الترم الاول واختباراته بنجاح ...
((طبعا ليان مارجعت للصقر وجلست مع اخوانها ...
وبرضو تولين ...
الأربعه جلسو ببيتهم مع بعض مثل ماقلت لكم ...
صارو متعودين على بعض وبقوه ...
............
بالصبـــــــــــــــاح ...
صقر فتح عيونه ...
بنعااااااس ...
التفت على جمب السرير كعادته كل يوم يتحرى رجعة ليان بالبيت ...
حس بحباط مثل كل يوم مايلاقيها جمبه نايمه ...
تنهد بقهر وهو تاركها على راحتها ولا دق عليها أو أزعجها ...
بس مكتفي بالإنتظار لين ربي يهديها وترجع بنفسها ...
مايبي يحرمها من اخوانها ...
بس برضو مايقدر انو ماينتظرها كل يوم ...
حالته صعبه مع نفسه وبالحب اللي بداخله ...
لبس بطفش ثم طلع للجامعه ...
((أمـــــــــــــــــــا أم تولين اللي بنفس وضع صقر ...
تنتظر بنتها ترجع لها ...
بس ماتقدر انو ماتدق عليها كل دقيقه وكل ثانيه تطمن على بنتها ...
بس ماقد قالت لها ارجعي ... تنتظر بنتها ترجع بنفسها 
بدون ماتحرمها من اخوانها بنفسها لو تطلب من تولين ترجع ...
بس الإحباط بكل يوم انو تولين للحين مارجعت لها بالبيت وكانها استاانست مع اخوانها ونستها ..
((ميشــــــــــــــــــــو ...
عايشه حياتها بدون معنى ...
24 ساعه تفكر براكان ...
تحاول تنساه من بعد حركته الأخيره ...
بس ماقدرت ...
والمصيبــــــــــــــه راح تعرفونها الحين ...
((دق جوالها ...
لما رفعته تطالع مين المتصل ...
تنهدت شوي ثم ردت :~
هلا وغـــــــــــــلا ...
-(ابتسم :~ هلا بهالصوت ... وحشتيني يالغاليه ...
-(ميشو انسدحت عالسرير :~ أهــــا .. 
-شنو اللي آهـــآ .. اقول لج وحشتيني تقولين آها ..؟؟
-(عدلت جلستها ثم قالت :~ شتبيني اقول يعني ... 
-مثلا وحشتني انت أكثر ... مثلا يابعد قلبي انـ....
-(قاطعته بملل :~ اقول أنا رايحه للجامعه ... تبي شي ...
-سلامتج ياقلبي ...
-ؤكي يالله باي ...
-باي ياعمري ...
((ميشو سكرت وهي تحس بروحها متقرررررررفه من نفسها ومن هالغريب اللي
صارت تعطيه وجه بس عشان تنسى راكان ...
بس ماقدرت ..
مافي أمل تنسى راكان وتحب غيره ...
تكره هذا بشكل عدواني بس تتحمله على أمل انها تنسى راكان وتحب هذا ...
بس بالنهايه بدت تفقد الأمل من نفسها ...
لأن راكان ماغاب عن تفكيرها ولا لحظه ...
وتتحمل هذا الغريب بقرف ...
وهي اللي عمرها ماعطت وجه للشباب ...
((لبست شنطتها ثم طلعت ...
وهي بالبوابه توها داخله شافت من بعيد ليان جالسه بالحديقه لحالها ...
ابتسمت بالخفيف بس علطول راحت ابتسامتها لما شافت ليان وضعها غريب وكأنها تبكي ..
بسرعه ركضت متجهه لها ...
-(ميشو بخوف:~ ليون شفيج ..؟؟
-(ليان رفعت عيونها على ميشو وزادت دموعها اكثر ...
ميشو جلست جمبها وهي متوتره ماتدري شلون تهديها ...
خاصتا انهم صارو بعاد عن بعض بسبب صقر اللي يمنعهم عن بعض ...
مدت يدها على ظهر ليان :~ ليون من اللي مزعلنج ..؟؟
-(ليان بحركه سريعه ضمت ميشو وصارت تبكي أكثر وأكثر ...
مشاعل جمدت مكانها ... 
فاجئتها ليان من غير سابق انذار خاصتا انهم من زمان ماشافو بعض الا بالصدف ..
بس ليان تتجاهل ميشو ...
((ميشـــــو ساكته ...
ماتدري وش تقول ...
-(ليان وهي تبكي :~ مشاعل ساعديني ... انا صرت حامل من صقر ...
مابي الطفل مابيه ... بس مادري شسوات ...
((ميشو عقدت حواجبها بنرفزه من اسم صقر ...
تكره هالولد بشكل كبير ...
اللي حرمها من أعز صاحباتها ...
بعدت ليان عنها ثم قالت بعطف :~ طيب انتي لا تبجين وخلينا نتحجى عدل ...
ونفهم شسالفه بالضبط ...
يعني انتي متأكده انج حامل ..؟؟
-(ليان مدت يدها ليد ميشو ثم حطتها على بطنها وهي تقول بين دموعها :~
والحين شرايج ..؟؟ ...
-(ميشو زادت دقات قلبها لما حست بانتفاخ بسيييييييط ....
بسرعه قالت بعدم اقتناع :~ يمكن موب حمل ... انتي رحتي للطبيب ..؟؟
-(هزت راسها بـ(نعم)... وصارت تبكي أكثر :~ انا اصلا من زمان
حاسه بالأعراض ... بس كنت اتجاهل وأقول هاي بس تعب بسيط وبيروح ...
بس بالأخير ماقدرت اتحمل الأعراض ورحت بنفسي للطبيب وتأكدت ...
ياربي يامشاعل قولي لي شنو اساوي الحين ..
أنا مابي طفل من صقر .... 
-(ميشو بتردد :~ يعني انتي للحين ماتحبينه ..؟؟
-(نزلت راسها بدون أي كلمه .... ماتدري تقول أي أو لا ...)
-(مشاعل مسكت يد ليان ثم قالت ببتسامه :~ ماعلينا ... عموما هذا طفلج وياي بالطريج ..
سواء من صقر ولا من غيره ...
هذا الواقع ... ولدج ببطنج ... يعني مافي أي اختيار لج ثاني ...
وبعدين صدقيني بتحبين طفلج اذا يبتيه ...
حتى لو انفصلتي عن اللي ماينتسمى ... يظل هالطفل طفلج وبتحبينه ..
صدقيني ... كل شي بيتغير مع الوقت ...
بس انتي الحين امسحي دموعج ..
ولا تخلين أي احد ينزل لج دموعج ...
تدرين انتي شكثر غاليه على قلبي ...
ولا أرضى للأحد يزعلج ..
((وقفتها ميشو ثم قالت ببتسامه مصطنعه بس عشان تطمن ليان :~
والحين روحي وبشري ..... بشري ريلج ... لازم يدري ...
صحيح يمكن أنا اكرهه اكثر منج ...
بس ولو هذا ريلج ولازم يدري عن ولده اللي ياي بالطريج ..
-(ليان مسحت دموعها بعد ماهدت من كلام ميشو اللي ريحها وأقنعها بالواقع ...
-(ميشو نزلت راسها ثم قالت :~ عيل ماودي أزعجج أكثر من جذي ..
أنا بسير للمحاظرتي .... اهتمي بروحج وقولي لي اذا حد زعلج ...
يالله باي ياحلو ...
((لما لفت بتروح ليان نادتها بضيقه :~ مشاعل ... مشاعل أنا ...
أنا آسفه ...
-(التفتت عليها :~على شنو الله يهداج ... مابينا أعتذارات ...
-(ليان :~ أنا أقصد بسالفة صـ ... صقر لما منعني منج ...
صج انا آسفه لأني تجاهلتج ولا حاكيتج بسبب صقر ...
من اليوم ورايح أنا مالي خص فيه وبصير احاكيج متى مابغينا ...
ماراح اسمح للأحد يفرق بيني وبينج ..
-(ميشو :~ لا ياليان .... دامج على ذمة صقر ...
صدقيني راح تتمشكلين وياه كثير بسببي ... ماأبي أأذيج أو أي شي ...
بس انتي تعرفين رقمي أكيد ... اتصلي فيني متى ماحتجتيني ...
صدقيني أنا أول وحده راح اكون يمج ...
((ابتسمت ابتسامه تطمن ليان ثم راحت ...
ليان حست بضيقه ...
ميشو اقرب وحده لها يفرق بينهم صقر ...
((تنهدت ثم رفعت جوالها لما دقت على صقر ...
-ألو ...
-(صقر برتباك :~ ليان ...!!! ...
-(ليان بضيقه :~ ابي اشوفك بالجامعه ... عندي شي راح اقوله لك ضروري ..
-(صقر ابتسم بفرحه وهو على باله انو ليان تبي ترجع معاه :~
ؤكي ؤكي وين تبين نتقابل ...
-بالحديقه ...
-ثواني ياعمري وانا عندج ...
((ماهي الا لحظات وجاها صقر ...
بعد صمت بينهم طويل ...
-(ليان بتوتر :~ أنا .... بدخل بالموضوع علطول ...
أنا ....(بلعت ريقها اللي جف :~ أنا ححـ.... حا.... (تنهدت بتوتر لأنها ماقدرت تنطق الكلمه :~ 
أنا .. حامـ... حامل .... أنا حامل ...
-(صقر عقد حواجبه بدون استيعاب :~ شنو ..!! مافهمت عيدي شقلتي ...
-قلت لك انا حامل ...
-(صقر فتح عيونه :~ مني أنا ...
-(ليان رفعت راسها بصدمه .. شيقصد هذا ..!!!
صقر لاحظ نفسه ثم قال بضحكه واضح عليه موب مستوعب :~
ههه لا لا لا ... يعني انا متفاجئ ماأدري شلون اتحجى ...
بس انتي متأكده حامل ولا يتهيئ لي انج تقولين جذي ...
-(تنهدت بضيقه :~ قلت لك انا حامل ...
-(صقر في داخله شعور فرحـــــــــــــــــــه موب طبيعيه ....
حتى الإبتسامه ماقدرت ترتسم على وجهه من الصدمه ...
وقف ثم جلس ...
ضحك ثم سكت ...
رفع يدينه على شعره وهو يبتسم بدون استيعاب للي سمعه ...
التفت عليها ثم قال :~ كرري شقلتي ...
-(نزلت راسها ولا ردت عليه ...)
-(صقر مسك يدها ثم قال :~ ليون عيدي شقلتي .... صج انا موب قادر استوعب ..
-(سحبت يدها بهدوء ثم قالت :~ اللي سمعته .... 
-(وقف بفرحه كبيـــــــــــــــــــــــــــــــــــــــــــــــ ــــره ...
:~ ياألللآآآآآآآآآآآآآآه .... والله موب قادر استوعب ...
حبيبتي انتي حاسه فيني ...
صج صج الفرحه موب واسعتني ...
ماأدري شأقول ماأدري شساوي ...
مختبص معتفس صج صج صج ...
((بهاللحظه جى في باله عبدالمحسن اخوه ...
ابتسم بنتصار وخبث ... وهو يقول :~ أي عرفت شساوي ...
((ليان رفعت عيونها عليه بستغراب ...
شافته وهو يدق على رقم بس ماتدري من ناوي يتصل فيه ...
لما رد اخوه عبدالمحسن قال له صقر يجي للجامعه ضروري ...
بس عبدالمحسن قال انه مشغول 
علطول قال له صقر ان الموضوع يخص ليان ...
بكذا قال عبدالمحسن ؤكي دقايق وجايك ....
التفت على ليان وسحبها مع يدها للداخل بالمبنى ...
شوي الا وقال :~ يؤ انا اسف ... لا يكون تعورتي ...
-(ليان ساكته ماتدري هذا شصار عليه..
انفصل عقله مره وحده ....
بعد ربع ساعه ....
ليان التفتت على صقر ثم قالت بتوتر :~ شسالفه ممكن افهم ...
-(ابتسم بخبث ثم قال :~ بتعرفين الحين ...
(دق جواله :~
الو وينك انت الحين ... آها خلاص انا يايك الحين ...
((مسك يد ليان ثم كمل طريقه للدرج ... وهو نازل للصاله 
بنص الدرج وقفت ليان ...
لما طاحت عينها على عبدالمحسن ...
صقر التفت عليها ثم قال :~ شفيج وقفتي ... خلينا ننزل وتقابلين اخوي ...
-(عبدالمحسن بلع ريقه بتوتر وهو ماشال عينه عن ليان ...
حس بنبضات قلبه تزداد ...
بكل لحظه يشتاق لها ... يحبها بشكل كبيـــــــــــر ...
أما ليان اللي للحين تطالع عبدالمحسن بخوف ورتباااك ...
التفتت على صقر شناوي عليه هالمجنون ..
-(ليان بخوف :~ صقر شتبي بالضبط ...
-(صقر ابتسم بخبث وانتصااااار لما لف عيونه على اخوه عبدالمحسن ثم قال بكل ثقه :~
حرام الواحد يبشر أخوه الوحيد ... اخوي اللي رباني ودللني ...
مايقصر اخوي ابد عشان جذي لازم يكون هو أول واحد يدري شسالفه ...
عبدالمحسن ياخوي ..... زوجتــــــــــــــي ليان حـ....
-(ليان قاطعته من بين دموعها :~ لا ياصقر لا تقولها .... 
-(صقر فتح عيونه وهو يطالعها كيف تمسكن عليه بقوه وكأنها تتوسل له مايتكلم ...
حس بحقد من حركتها ثم قال بضبط اعصاب الغيره والغضب :~ ليش ماتبيني اقول له ..
-(ليان بين دموعها اللي نزلت بسرعه :~ مممـ ..
مو وقته اليوم .... بعدين نقول له ... عفيه لا تقول شي ...
اصلا انا موب متأكده من السالفه .... عفيه صقر لا تقول شي الحين لين مانتأكد ...
-(صقر بقهر وغضب وبنفاذ صبر :~ شلون يعني تجذبين علي ...؟؟
-(هزت راسها بالنفي والخوف واضح عليها :~ لللـ... لا لا .. ابدا ...
بس موب وقته الحين ... عفيه صقر عفيه ...
-(عبدالمحسن برتباك من الوضع :~ شسالفتكم انتم .... ماتتحجون ...
-(صقر يطالع ليان بحقد والغضب واضح على عيونه ....
سحب يده منها ثم التفت على عبدالمحسن وقال بكل ثقه رغم النار اللي بداخله 
من ليان والسبب عبدالمحسن :~ ليان حامل ...
-(ليان وهي تصارخ بتوسل :~ لا ياصقر لا تكفى لا تقول له تكفى ...
-(صقر ماعاد يتحمل الوضع وهي متمسكه فيه بقوه وتتوسل له ...
دفها عنه من غير قصد والنار بداخله تشتعل أكثر وأكثر ...
((ليان ماقدرت تمسك روحها قبل لا تطيح ...
بس فعلا طـــــــــــاحت قبل لا تلحق على روحها ...
طاحت من على الدرج للأسفل بقوه ...
عبـــــــــــدالمحسن هو اصلا كان يحاول يستوعب كلمة ليان حامل ...
وفجأه طاحت قدامه عالأرض ...
انتفضت رجوله من الروعه ....
بسرعه جلس عندها بخوف :~ ليان ... ليان تسمعيني ليــــــــــــــــــــان ..
((صقـــــــــــــــــر واقف فوق الدرج يطالعهم بصدمــــــــــه ..
وجموووووود ...
رجوله ماقدرت تتحرك من مكانها ...
بس لما شاف عبدالمحسن رفع ليان بين يدينه ماقدر يتحمل الحقد اللي بداخله والغيره
العميا ...بسرعه نزل للاخوه ودفه بقوه عن ليان وهو يصارخ بحقد :~
لا تلمسهــــــــــــــــا ... جم مره بقول لك هاي زوجتي وماأسمح لك تمد يدك عليها ..
كل هذا بسببك ... 
-(عبدالمحسن ماقدر يستحمل وقاحة اخوه عشان كذا عطاه كف محتــــــرم :~
انت مينون ... عز الله ان مخك ضرب للآخر ...
انت لو تدري شساويت يالمينون جان ماصار اللي صار ...
انت تدري ليش ماأبيك تتزوج حتى من قبل لا أعرف انها ليان ...
انت ياصقر عندك ولد .... من مايا ...
تدري شمعنى هذا ياللي ماتستحي ...
انت تقربت من مايا وهي كانت زوجتي بوقتها ...
محسن هذا اللي تشوفه ... هذا ولدك يالمينون ولدك ...
دللتك وربيتك وبالأخير تساوي فيني جذي ...
والحين تاخذ مني أغلى وحده على حياتي ...
اخذت مني مايا وبعد تبي تاخذ مني ليان ...
يكفي ياصقر يكفي اللي يصير بسببك ...
ماذقت طعم السعاده بسببك ..
ربيتك وكرست حياتي لك ...
ولما لقيت انا اللي احبها جيتها وبكل بساطه وانت موب بعقلك ...
كنت شارب حسبي الله عليـ....
((ماهان عليه يدعي على اخوه الصغير ثم كمل بألم والعبره اللي خنقته من القهر 
والملل اللي بداخله من اخوه :~
والمصيبه بعد ان مايا تخوني باخوي ...
وين احنا فيه ..!! وين .... بدوله مسلمه ولا وين ..
اخو يخون اخوه بزوجته ...
بس انا ياصقر نفذ صبري منك نفـــــــــــــذ ...
مايا وقلنا معليه يالله ...
الردى موب بس فيه ... الردى في زوجتي مايا اللي وثقت فيها وحبيتها
وهي بنفسها سلمتك نفسها ...
وخانتني رغم انها بكامل عقلها ...
ربيتك وبالأخير تشرب ... تشــــــــــــــــــــرب حراام ...
لا وبعد تخوني بزوجتي ...
وولدك انا اللي اربيه الحين ...
صدقني ماكنت ابي اقول لك هذا بس انت اللي جبرتني من بعد ماتزوجت لأني عارف انك
موب قد المسؤليه وبتعذب بنت الناس ...
انت الدلال خربك .... لما دللتك خربت ...
والحين شف شصار في ليان ..
ليان اللي حبيتها أكثر من نفسي أخذتها بسهوله برضو مني وعذبتها ...
رفضتنــــــــــــــــــــــــي بسببــــــــــــــك ...
مثل ماطلبت مايا اطلاق مني بسببــــــــــــــــــــــــــــك ...
حسافـــــــــــه تربيتي وتعبي فيك ياحسافه بس ...
((ثم لف وهو بيشيل ليان بس الصدمه لما شاف الدم ينزف منها ...
شهق بصدمــــــــــــه .. معقوله الجنيـــــــــــــــــــن طــــــاح ...
صقر مجمد مكانه مصدووووم ...
من الكلام اللي قاله اخوه له ....
لما طاحت عينه على ليان اللي تنزف دم حس ان الدنيا تظلم بوجهه ...
كلام اخوه شي ماينتصدق ...
عشـــــــــــــــــــان كذا اخوي مايبيني اتزوج ...
حتى من قبل لا يعرف انها ليان اللي يبيها ...
ماكان يبيني اتزوج...
معــــــــــــــــــــــاه حق بكل اللي قاله ...
انا واحد ماأستاهل حتى أعيش ....
حقارتي وصلت اني اعتدي على زوجة اخوي وانا موب بعقلي ...
((تذكر هذيك الليله المشوشه بعقله لما كان مع مايا لحالهم ...
صحيح كان خايف من عواقبها بس توقع انو كل شي مر على خير وسلام ...
كان يدري ان مايا طلبت من اخوه الطلاق بسببه بس ماكان يدري انها كانت
حامل منه ...
الدنيا تدور قدامه ..
جلس بحباااط وصدمه وتفكير مشوش ...
((الصالــــــــــــــــــــــه صارت فاضيــــــــــــــــــــه ...
مافيه احد غيره ...
عبدالمحسن راح بليان للمستشفى ...
ميشو لما شافت عبدالمحسن شايل بين يدينه ليان لحقته بسرعه وركبت معاه السياره حتى 
من غير لا تشاور عبدالمحسن ...
بس عبدالمحسن ماقال لها شي لأنه عرف انها صاحبت ليان ...
خاصتا انو وجهها موب غريب عليه ...
بس ماتذكرها ...
((بعـــــــــــــــــــــــــــــــد أسبــــــــــــــــوع ...
كــــــــــــــــــــــل شي صار أحسن من قبل ...
ماعدا صقر اللي اختفى عنهم ...
أمـــــــــــــــــا الجنين طاح ...
بالمعنى سقطته ...
بس ليان للحين تعبانه ...
اخوانها حواليها خايفين عليها ...
وميشو ماتركتها ابدا ...
أما عبدالمحسن كان له علاقه مع الدكاتره ...
بكذا قدر يتواصل بحالتها ويتطمن عليها بكل دقيقه وثانيه ...
-(تولين ببتسامه لطيفه :~ خوفتينا عليج ..
-(ليان ماتطالعهم وهي لافه وجهها للجه الثانيه ...
-(نارا مسكت يد ليان :~ ليون حبيبتي ليش ماتقولين شي ...
-(فيصل ببتاسمه :~ حرام عليج لا تحرمينا من احلى صوت ... يالله عاد 
ترى فقدنا صوتج الحلو ...
-(ميشو وهي واقفه عند الباب تطالع ليان والنار تشتعل بداخلها من صقر ...
ياناس هالولد تكرهه بشكل جنوني ...
بلعت ريقها بغصه وهي تشوف الحزن اللي ليان فيه ...

ليست هناك تعليقات: