الاثنين، 27 أبريل 2015

آه يادنيا عيال عم ولا يتعارفون - الجزء السادس والعشرون

الساعة...3:01.....
حمد عند الدري..ويكلم سعيد....
حمد:آآآآآآآآآه..الحمد لله.حلينا المشكلة الشرق الأوسط ..
سعيد عند الباب: ههههه ..ويا ويهك أقولك.......قوم عمى بطو..
حمد يشوف ساعتة.:لا توها ثلاث....
سعيد:شو جدولك اليوم؟؟؟
حمد إبتسم:أنا الحين بسير أسبح...عفت عمري من الصبح أنا جيه ما غيرت ملابسي.. وبعدين أممممممم..يمكن أسير أمشي في المزرعاااااا..ظايج..
سعيد:أهاااااااااااااا.
حمد:انت؟
سعيد:أنا مثلك بسبح......وسيدة رقاد..تعبان من الصبح قايم..
حمد: ههههههه..إلى يسمع ماشاء الله الساعة6 ولا 7الصبح قايم ....
سعيد: شو تتحسبنى شراتك؟؟ما أرقد..إلا أقولك ليش ما تحب ترقد؟؟...أنا أول مرة أسمع حد ما يحب يرقد...
حمد:أنااااااا..أرقد بس عاد مب مثلك..9ولا10 ساعات..بس 6 ولا 5 أحس خلاص شبعت
سعيد:غريب أنت ......يالله باي.......
حمد:ههههه.....
سار غرفتة..وبعدين يو قوم منصور ...وسارو بعد هم يرقدون ...جيه ساعة ولا ساعتين..
الساعة 3:11......الظهر...
يالسة مى وموزه يلعبن سوبر..وفلم ماريو..ويظحكن على عمارهن..ما عارفات يلعبن.. القلعة الأولى ما وصلنها......ظهرت سلامى...من غرفتها ..
سلامى مستغربة..معقولة إلى أشوفة؟؟؟؟...بعد إلى إستوى ..يالسات يلعب ولا كأن شىء إستوى: إيه شو سون؟؟؟؟؟
موزه:سلاااااااامى تعالى جان تعرفين....الوحش ما رمنى نغلبة..صعب......
مى ..مندمجة في اللعبة..وتناقز :لالالالالالالالالالا..مت....
موزه: هههههه..حليلج قيم أوفر...لا تقولين أعطيج دور ما بعطيج....
سلامى..تقربت منهن: إإيه أنتن شو سون؟؟
موزه:بعد شو إنسوي؟؟..نلعب قوم ماريو..هذا الموجود في المزرعة من الألعاب..
مستغربة من مى..كيف تلعب وتظحك..ولا كأنها مضاربة ويا سعيد..وموزه وياها..ولامر أكثر عن ساعتين من السالفة..شسالفة؟؟
سلامى:شو إستوى؟؟؟أنا أطرش في زفة؟؟
موزه..إطالعها وتظحك..على شكل سلامى:ماشىء ...تصالحو...وطالح الحطب....
سلامى ..ما مصدقه ورافعه حياتها ..وفاجة عيونها:صدق!!!!!!!!!!!!!
مى:هيه ليش ما صدقين؟؟؟؟
سلامى..إشتغل الفضول إلى عند سلامى..ويلست مجابلة موزوه..عشان تعرف السالفة:خبرنى من طأطأ لين السلام عليكم.....يالله ..
موزه:الله يسلمج يا سعيد وتأسف من مى.....وخلاص تراضو..
سلامى مستغربة: سعيد تأسف من مى؟؟؟؟؟..لالالالالالالالالا ما صدق...
مى:ههههههه..هيه ليش مستغربة؟؟؟
سلامى:ما صدق..قولى غير عن هالكلام..أنا من كنت صغيرة ولا مرة سعيد تأسف من حد..
موزه:والله.......خلاص......ولا كأنة شىء مستوى..
سلامى وتنقز عند مى تحظن مى: ياااااي..الحمد لله..قلت الحين قوم عمى بعرفون وبتستوي مشكلة كبيرة.......ياااااااااااي يعنى ما بتروحون......
مى:ههههههههههههه..سلامى شفيج؟؟؟؟؟
سلامى دمع عيونا:والله تعودت عليكم..ما ريدكم تزعلون ولا ريد حد يحقد على حد ولا يهاد حد..هاي اول مرة نسير كلنا مع بعض..والله ما تعرفين كيف شعوري (وتمسح دموعها) والله ما تعرفين كيف هاي السيرة غيرت أشياء ..إنتى ما تعرفين كيف أنا واااايد مستانسة من إلى سواه سعيد..أول مرة سعيد يسوى شىء وأستانس علية..أخيرا عرفت أهلى زين..وعرفت كيف صفاتهم وكيف شخصياتهم..كنا بس نسمع عنهم ولو شفناهم مب أكثر عن ربع ساعة وخلاص..عنبوه نسمع أخبارهم من الناس تيلفون ما يعرفونه إلا في مناسبات..أمايا شيخة كنا بس نسمع أنها عصبية وكنا ما نيلس وايد وياها ولا نعرف كيف هي بس أنها عصبية وكنا نخاف منها ولانعرف إلى تحبة وإلى ما تحبة..كنت والله دوم أغايض ويا سعيد يوم إتينا وكانت تهادنى تقولى البنت عيب تغايض الولد وكنت أعصب وأضايج..ما كنت أعرف أنها هاي طبعها ألحين أعرف كل شىء عنها.. ومن عرفتها ولا مرة قالتلى شىء..وعرفت قوم عمى..وعيال عمى وأنتن بعد ..يااااااااي.. بس ياليت لو.... (وطالعت موزه..موزه فهمت سلامى شو تقصد) ياليت لو حمد ما فيه هذا المرض.. عشان صدق بتكتمل فرحتناااا..
موزه نزلت عيونها..وسكتت..حست بضيجة..في صدرها..لأن هالشىء وايد يعذبهاااااا..
موزه..تبى تروح عنهن..عشان ما يلاحظنها: أنا بروح المطبخ..حد يبى شىء؟؟؟؟؟؟؟......
مى:لا.......مشكورة....
سارت موزه..بس مب المطبخ..ظهرت برى..تحس البيت من كبرة ضيج..وكل شىء في عينها ضايج..حمد كيف بستحمل الدنيا بلاك..حمد منو إلى يوم يشوفنى يبتسم..منو إلى بغايضنى بغمازتة؟؟..منو إلى بيغايضنى كل ما يشوفنى؟؟..منو إلى كل يوم تشوفة سلامى وإتى تخبرنا عنة وعن شكلة؟؟..منو إلى بسمعنى شعرة..ويغايضنى فيه.. سارت عند المسبح...يلست هناك...تشوف المسبح..وتفكر..
سلامى:خيبة..لايكون زعلت.....والله ما كان قصدي..
مى:ما عرف يمكن ضايجت وظهرت.
سلامى:الله ينطبنى شو سويت؟؟؟؟؟....يسير عندهااااا
مى:لا .....لا سيرين خليها بروحهاااااا..شوي..
سلامى:بس....
مى:خليها....هي ظهرت تبى تيلس بروحهااا..خليها .
سلامى:أوكية..
مى:يالله تعالى كملى اللعبة..
كانن جدام المسبح..الأرانب يناقزن وشمة وسارة ويهاهن ما طاعن يدخلن داخل بس ويا الأرانب..ومستانسات عليهن..إبتسمت على خبال اليهال..وبعدين سارن مكان بعيد عن موزوه وردت لذاكرتها..يحظج يا مى على الأقل ما كملتى أكثر عن ساعة ويا سعيد وإعتذر لج..وتصالحتو ..أنا ماحد عبرنى ولا قالى شىء..بالعكس اليوم الثانى ياي يغايض ولا كأنة مسوي شىء..بس والله ياحمد ماريد شىء في هالدنيا غير أنك تكون بصحة وعايفة..وبس ما يهمنى غير هذا..يارب تعطيه الصحة والعافية..وتخليه لنا أنا بموت لو ياه شىء..كيف بستحمل الدنيا بلاه..والله أحس أنى بموووت..ليش يا دنيا جيه تعاقبينى؟؟.. ياليتج لو ما عرفتينى عليه ولا عذبتينى هذا العذاب بس حمد ما أحسة يحس فينى كل ما يشوفنى بس يبتسم ويغايض ويروح ..غير عن سعيد ومى ولا سلامى وسلطان.. ليش؟؟جيه يعاملنى أنا بتخبل..مرات أحسة أنة يحبنى ومرات احسة لا..بس أخاف يحب حد غيري بس والله يااااااااااااااويلة..أموت ألف مرة على إنى اشوفة ويا وحدة ثانية.. لالالالالالالالالا مستحيل..حمد غير.. ما ظنى يحب حد ...وتمت افكار تشلها أفكار إتيبها.. لين ما حست إيدين غمضت عيونها وكانن باردات..شهقت من برودتهن: منوووووووو؟؟.. منوووووووو؟؟؟ (سارت ولمستهن) أمممممم يعنى مب سلامى ولا مى ولا نورة..هاي إيدين ريال..منووووووو؟؟؟؟ (ما تكلم) يعنى ما بتقول (راحت تحس ظفور إيدينة) أممممم ظفورك مب غريبة أممممم لابس شتوي منو اليوم لابس شتوي؟؟؟..صبر أشوف الساعة..هههههه ما عرفتها..صبر..أممممممم سلطان؟؟؟ (ما تكلم) يعنى لا.. أوكية.. إنزين ظهر ظحكتك عشان أميز لا تظحك جيه..ويا ويهك..اااااااااااااااا قول ما عرفت..ما حد غير سلطان هاي حركاته...صبر عرفتك.حمداااااااااااااااااااااان......
حمدان:هههههههههههه..شاطرة شدراج..
موزه:عنبوه أخوي ولازم أعرفة..
حمدان يلس عدالها:شو سوين؟؟؟؟؟
موزه:مليت قلت بظهر برى..
حمدان:أهاااااااااااا..بس كنتى سرحانة بمنووووووووو؟؟؟؟؟
موزه:هههههههههه..ماحد.......
حمدان: أهااااااااااااا ..إنزين شحالج اليوم ما شفتج.........وين كنتى مندسة؟؟؟
موزه:ههههههه كنت راقدة..
حمدان يقرصها على خدها:يا الكسولة..
موزه تتقرب من عندة..وبصوت واطى: لا تخبر سعيد أمس سهرانات لين الفير على فلم رعب..شلينا الدي في دي من سيارتة ورديناه الصبح..
حمدان:ههههههههههههه.....غربلاتكن.......
موزه:هههههه..أفكار سلامى...
حمدان يغمزلها: سلامى؟؟؟؟؟؟؟؟؟؟
موزه: أممممممم وأنا ومى..
حمدان: لو عرف سعيد بيجتلكن.....
موزه: شدراه......
حمدان: إنزين ..هاه شو رايج بالمزرعة؟؟؟؟؟؟
موزه: أممممممم روعة...بس ماحد عوطنا فيها بس في البيت .....
حمدان: يالله تبينى أحوطج.....
موزه: وقوم سلامى يبن بعد إيسيرن.....
حمدان: إنزين زقريهن.....
موزه: لا ما فينى الحين بعدين العصر.......
حمدان حس أنها شىء فيها ..هي مستحيل بترفض هالسيرة: إنزين يالحلوة ما خبرتينى شبلاج؟؟؟؟
موزه:أنااااااااااااا ..هههههه قتلك ماشىء..
حمدان:ما علية ..يعنى ما بتخبرينى بس يوم تبين تخبرينى قوليلى..
موزه:ههههه صدقنى والله ما فينى شىء..
حمدان نزل عيونة وسرح شوي...
موزه.....:حووووو وين سرت؟؟؟؟؟؟؟
حمدان:هاااااااا ..ماشىء..
موزه:الحين أنت عندك السالفة مب انااااا...شو فيك؟؟
حمدان قام ..ولبس نظارتة الشمسية:ماشىء..يالله باي..
موزه:وين ...إيلس..
حمدان:بسير البحر....ضايج..
موزه: أوكية باي..
الساعة 3:20 الظهر..
سلامى....فرت القير:أففففففففف مليت من اللعبة..
مى:أففففففف حتى أنا..
سلامى:هههههههه يوم عادة ما رمنا نقيم شىء اونا ملينا.
مى:هههههه ..ليش ما يخلون الألعاب سهلة...جيه وايد صعبة.....
سلامى ومربعة يلستها:أقول مى......وينها موزوه؟؟؟
مى:صدق والله وينها...من زمان سارت ولا ردت.
سلامى:إنسير نشوفها.....
مى:صبري .......وسارت عند الدريشة تشوفها هي برى ولا لا.......
مى:أكيه ..يالسة عند المسبح......
سلامى:حد وياها......؟؟؟؟
مى:لا..بس بروحها........
سلامى:إنسير عندها......
مى:خليهابروحها بعدين بتى عندنا....خليها الحين بروحها..
سلامى:بس وايد بطت...وسارت وفجت الدريشة......موزوه..
موزه لفت عند صوت سلامى:هلا...
سلامى:موزوه..ليش يالسة بروحج؟؟؟
موزه:الجو حلو .
سلامى:أها.....
موزه:تعالن برى.......
سلامى:أوكية منسير المطبخ ومنيب جاي ..تبين شىء غير؟؟؟؟؟
موزه:والله مشتهية كيك....
مى:أوكية منيبلج....شىء ثانى؟؟؟؟
موزه:هيه.....
سلامى:شو؟؟؟؟
موزه:أريد الكيك إنتن تسونة..
سلامى:شدرانى؟؟؟؟؟
مى: موزوه تعرفين أنا ما نعرف شىء في المطبخ..كيف نسويلج كيك؟؟؟
موزه:ما يبالها عبولة سهلة..
سلامى:تعالى إنتى وسويها نحن ما نعرف .....
موزه:إنزين خلنى أقولكن كيف ...حشة بالعات مكروفون..سكتن شوي..
سلامى:طالعو هاي تتأمر وبعد تهد..حمدي ربج بعد سألناج....ويا ويهج..
موزة:ويا ويهج..حمدي ربج بعد بتاكلين وياي..
مى: إنزين كيف كيكتج يالله خلينا نسوي شىء في حياتنا..بس لو مب حلوة والله يا ويلج..
موزه:أوكية..بتلقن كيك جاهز قطعنة مكعبات وبعدين غمسن كل قطعة في حليب مركز وبعدين رشن عليها جوز الهند....بس
سلامى:ههههههه..الحين هاي الكيكه مالتج؟؟؟
موزه:هيه..بعد شو ما عايبتنكن..
مى:ههههههه..تحسبت فيها طحين وشكر والبلاوي هاي..وآخر شىء تقطيع ونخليهن في الحليب مركز وجوز الهند وبس...
موزه:أنت يوم إسون هاي وايد عليكن..يالله جلدي كاروه........
سلامى:خوزي عنى بفرها بالجوتى.. مسودة ويه..
موزه:ماماه يالله بسرعة..أنا يريد بسرعة..
سلامى:خيبتج......
مى:يالله..
وسارن يسون إلى القالتلهن موزه وبعدين سارن عندها ويلسن يسولفن برى..
الساعة3:18 الظهر..
سارت جدام البيت وفي إيدها الحبل..وبعدين رفعت شوي تنورتها...ويلست تنفز بالحبل.....1-2-3-4-5-6...
أم خالد:يمة تعالى شو سوين برى؟؟؟
موضى:أمايا مليت صبري شوي الحين بخلص 12-13-14-15
أم خالد:يمة وين أختج؟
موضى:ما أدري يمكن هناك عند الشير تلعب..
أم خالد:يمة حبيبتى.....شوفي أختك أنا بدخل أنام..
موضى:إن شاء الله يمة....وكملت موضى القفز..موضى عمرها 18 سنة أولى جامعة كبر قوم موزه وعندها أخت أسمها هند..وهى شيطانة ما تحب تيلس وهي في كيجى تو..أكبر عن قوم سارة وشمة بسنة..بس ماشاء الله عقلها أكبر عن سنها..يعنى إلى يشوفها يقول جيه عمرها 7 ولا8 سنة..موضى شكلها ناعم وايد ..شخصيتها شوي مثل اليهال تحب تلعب وايد وهوايتها تسوي مغامرة مثل التلفزيون..يعنى تحب تتكتشف الأشياء وهوايتها بعد تغايض...فيها هفات هبالة وخبال..يعنى مب أحسن عن قوم موزه وربيعاتها..تحب تقلد الأشخاص وايد وتعرف تتقن هالشىء...بس طيوبة ....وتنحب بسرعة..
هند:موضى..تعالى...
موضنى شو تبى هاي بعد......:هاه..شو تبين؟؟؟؟؟؟؟
هند:تعالى...بسرعة شوفي شو لقيت.....
موضى:دقيقة.......90-91-92-93-94-95-96-97-98-99-100.....سارت عندها....
هند رافعه راسها فوق عند الشيرة:موضى..تعرفين شو شفت؟؟؟
موضى:شو؟؟؟؟؟؟؟
هند:سنجاب..مثل إلى عند بوليانا..
موضى ..إستانست لأنها ولا مرة شافت سنجاب في حياتها:صدق والله ...وينة؟؟؟؟؟؟
هند تأشر فوق عند الشيرة :هناك توه دخل..
موضى....تعطيها الحبل: مسكى..ورفعت تنورتها وعدلت شيلتها..تبى ترقى الشيرة..وتشوفة..
هند:موضى....أمايا لو شافتج بتهد عليج.....نزلى..
موضى:أصصصصصصصصصصص..أمايا سارت ترقد..أريد أمسكة..وصلت عند الحفرة....
هند:شفتيه؟؟؟؟
موضى..دخل إيدها في الحفرة إلى في الشيرة....:صبري...
الساعة 3:19.الظهر...
حمدان واقف جدام البحر ومخلى إيدينة في مخابي بنطلونة..ومخلى نظارتة على راسة..ونزلت دمعة على خدة..اآه في هاليوم ماتت..لو ما ماتت بكون عمرها 22 وبكون ماخذنها..ليش يا دنيا حرمتينى من أغلى إنسان..إنسان في القلب حبة متمكن.. إنسان مرت عليه السنوات والأيام وبتمر علية الدهور ولا حبة تغير ولا أختلف..إنسان طيوفة تمر في كل لحظة وتخاويني في كل مكان..إنسان شفتة بكل حالاتة..في صياحها في ظحكتها في مرضها في غياضها حتى في موته..تذكر يوم كانت تلعب وياهم بالسيكل برى البيت وكانو كلهم قوم موزوه وسلامى وسعيد وكلهم وهي وإخوانها وبعدين حمدان ما شافها ودعمها وطاحت من السيكل ويرحت إيدها وبعدين اليرح علم على إيدها وقالتله حمدان هذا اليرح بكون ذكرى منك..كانو صغار في الإبتدائية..وبعدين تذكر كيف ماتت.. موتها رسخ في قلبي وخلانى بلاقلب من بعدها..وتبرمج تفكيري بها وبقت طيوفها في البال تتجول.. رسمتها في خيالى حب غالى..أحبج يا خيال في خيالى..أحبج وإنتى عنى غايبة..غايبة والرب كاتبنة وقدري سرتى عنى وأنا عايش على ذكراج..أحبج لأنى شفت الحب فيج ..أحبج حتى أكثر من حياتى..أحبج وأموت فيج ولا أبالى في حالى..معى ذكراج لها ذوق وحلاتى..تشافى القلب والروح تحييها..أحبج كلمة ما توفي بحبي لج.. ذكراج أداويها جروح المخفياتى..جروح عيز الزمن إيشافيها ..ولا يقدر الطبيب يحيها ..إن كنتى خيال في خيال..أحب هالخيال وصاحبته ...قلبي وعقلى يتخيلج في كل لحظه...وخيالج بكون صديقى لين خبر الوفاتى.... ويصرخ فوادي فوق إحتمالى...هذا إلى قلبي من الشوق شاله .. ... عليه الحق لو مش الحرام جان خاويتج في مماتج....لولا الخوف وثرا العاجباتى..وخاف الناس تكثر في حجيها ..لكنت معج ولا يلست لحظة بدونج...لكن الخوف من الرب وعقابة (اآه ومسح دموعة) قرحت عينى من بجاها..من كثر الشوق يذرف ماها..ماشفت في حياتى حد يساويها..أرفع الشكوا لمولاها وتوسل عند باريها.. تاه فكري في محياها..لا نسيتها ولا بنساها..أختفت ما شفت روياها ما بجيلى غير طاريها..كم بتولع بذكراها ... ..قالو تهاذي بطرواها قلت أنا ما ظنى أنسيها...
مشى لين البحر وصل الماي لين ركبتة...ورفع راسة فوق ..وخذ نفس عميق.. يارب أرحم عبيدك وغفر لنا..إنا لله وإنا إلية راجعون..اللهم لا إعتراض في حكمتك..وغسل ويه بماي البحر ونزل النظارة على عيونة وسار يمشى ..
الساعة 3:40 الظهر......
موزوه عاطية ظهرها لسلامى وسلامى يالسة تعقصها ومى مادة ريولها ورادة إيدينها لورى ..وطالعهن..
مى: موزوه ذكرتينى يوم كنت في الروضة كنت أسوي قرنين ...
موزه: شكلهن حلو...
سلامى: ماء شاء الله ..حلو لون شعرج....كستنائى..وناعم...
موزوه: هههههه..مرسي.....
سلامى: خلصت.......
موزوه تمسك شعرها: الله حلو...من كنت صغيرة ما سويتة جيه....
مى: يالله بس غطى شعرج عن حد إيي....
سلامى: ماحد كلهم رقود....
موزه ردت شيلتها على راسها: أقول شو رايكن نروح نشوف المزرعة؟؟
سلامى:أنا الصراحة أبا حياتى...ما بايعتنها..
مى:خيييييييييييبة..ليش؟؟
سلامى: شو ليش؟؟.. لو شافنى سعيد بس سرت هناك بحش كراعينى..
موزه:صدق كلها عمال..
مى:ما عليكن منة ..
موزه: دخيلج ما فينا على المشاكل.......
مى: لا عادي...شو رايكن نسير ونقوله يحوطنا في المزرعة؟؟
سلامى:الحين راقد..
مى:عادي...منوعيه..
موزه فاجة عيونها: خييييبة..توعين الريال بس عشان يحوطج...
سلامى: لا والله .....بياكلنا ..سعيد ما يحب حد إيوعيه من رقادة..
مى قامت: تراهنن؟؟
سلامى: راهنى على حد بس سعيد لا..ما ريد..ولا ما أيسر...
مى: علية تعالن.. حشة حليلة مخلينة تقول وحش.. والله أن سعيد طيب..وفنان.....
سلامى طالع موزه: هههههه..موزه ..أشوف الطراق غير ناس...
مى: إيه..السبالة..لو سمحتى لا تطرين هالسالفة جدامى اوكية....
سلامى: السبالة إنتى مب انا..وشو تبينة أخوي..ها
مى: أنا؟؟..شباه بس اباه يحوطنا الحين الساعة بتى أربع ولاحد حوطنا في المزرعة..
سلامى:علينا؟؟
مى:سلامى..ما سمعتى هذا المثل؟؟......البقرة ما تشوف ذيلها تشوف ذيل ربيعتها؟؟
سلامى:خوزو عنى بفرها بهالجوتى..عنلاتج...شو تقصدين؟؟؟
مى...:ماشىء أهذرب بروحى..يالله...قومن...
موزه:صدقها مى..يالله ما بقول شىء.نروح..
سلامى:أنا بترياكن هنيه ..سيرن إنتن
موزه:سلامى يالله..عن خاطري
سلامى:أمممممممم..عن خاطرج بس..ولا هاي مسودة ويه ماتستاهل...
مى:ياي..
سلامى:إيييييييه..عن الدحاب ..أخوي ما يحب البنت الخبيل..
مى:أحم أحم....أنا ولا إنتى؟؟؟
موزوه: ستوب....يالله بسم الله..
دخلن قسمهم..ومى قلبها طبول..وسلامى خايفة سعيد يهد عليهن..وموزه تخاف سلطان يشوفها..

الساعة 3:35.الظهر
حمد تسبح وخلص وبعدين سار الصاله مالت غرفتة ويلس يقرا الجريدة..لأن الصبح ما قراها..سكر الجريدة..الحين أنا ليش ما احاول اكلمها..الحين في فرصة أكلمها اكثر عن قبل..وبقدر أحكم على كل الوضع..وأتفاهم معاها..أحسن عن يمر الوقت وإيي يوم إلى تعرف فيه عن مرضي..وبزيد الأمور ولا بقدر اتحكم فيها..بس أنا لين الحين ما فكرت كيف أخبرهم..ولا أعرف كيف بصرف عمري وكيف بفهمهم بس أنا ما عرف شو تفسير هذا الدم إلى من كم من يوم ياينى بس الحمد لله أشوف أحسن وحالتى أحسن من أخذ الدوا في وقتة..حتى الكحة خفت..وصدي ما يعورنى مثل قبل..الحمد لله حاس صحتى أحسن عن قبل بوايد...حتى الحين يوم أسوي رياضة ما اتعب مثل قبل..لو كنت من قبل ما خذ الدوا ما كان هذا بيستوي بس أنا أهملت عمري ولا قلت أنة مهم..بس الحين الحمد لله على كل حال..بس متى بيخطف هالأسبوع وبسير عند الدكتور وخلاص بفتك من كل شىء.. بس موزه يذكر نظراتها..لازم أكلمها..وأفهم السالفة..وسار الكبت وظهر جاكيتة..وظهر من الغرفة ..بينزل تحت..
الساعة 3:45 الظهر
أأأأأأأأأأأأأأأأي..نقز السنجاب ونزل من الشيرة..وربع ونزلت موضى وراه..تبى تمسكة وهو يربع عنها..
موضى تربع: هههههههه..عنلاتك..صبر ..
وتربع وراه وهو يربع وأختها وراها.....وظهر برى..
موضى: أأأأأأههههههههههههىء......فقتة ..ظهر برى..الحين كيف اروم ألحقة.......
هند:عادي خلينا نظهر وندورة..
موضى:ههاي..عشان خالد يكسر كراعينى..لا حبيبتى ما فينى..
هند:أنا بسير ادورة.
موضى:قري مكانج ماشىء ظهرة..
هند:إنزين خلينا نتترياه هنيه عند الباب..
موضى:أمممممم..يالله ..بموت حرام أخيرا لقيت ألعب في شىء وشرد يعلنى بلاه..بس حلو شكلة صح؟
هند:أييييييييه....وايد حلو..
ويلسن عند الباب يترين السنجاب يرد المزرعة لأن بيتة في الشيرة والشيرة في المزرعة وعدال الباب يعنى يوم برد بشوفنة..ومتحمسات على السنجاب..أول مرة يشوفنة ويالسات يترينة...ويبن يمسكنة..
حمدان يمشى ويشوف شىء يمشى عداله بس شوي بعيد..لف ويه شاف سنجاب بعيد رد لتفكيرة وسار عنة..ماله بارض لشىء وحمدان مب من النوع إلى يهتم بالهلأشياء.. وكمل مشية..ويشوف السنجاب بعدة قريب منة..إبتسم ..تذكر شموه تحب الحيوانات وتذكرها ويا الأرنب..بمسكة لشموه..بتستانس عليه..بس كيف بمسكة بيشرد عنى..بعدين ظهر ميداليتة مالت المفاتيح وفرها عند ريولة الميدالية ذهب ولونها ملفت.. وقف مكانة ولا تحرك..ويترياه..يلس السنجاب يتقرب شوي شوي..لين ما وصل عند الميدالية.. بعدين بسرعة مسكة..هههههههه ..أخيرا مسكة...وسار بوديه عند شموه..
هند :موضى..موضى..
موضى..يالسة تقص ورد:هاه شعندج؟؟؟
هند:تعالى بسرعة...
موضى:خير ليش؟؟
هند:السنجاب.......
موضى:وينة؟؟؟؟
هند:أكوه...
موضى ..سارت عند هند :وينة؟؟؟؟
هند:هذاك الريال شالنة......شفتيه؟؟؟
موضى:وين؟؟؟؟؟؟......هيييييييييه..
هند:لالالالالالالالالالالالا..ماريد ..ماريد..هذا مالنا..
موضى:يا غبية ..يمكن مش مالنا........واحد ثانى..
هند:صدق؟؟
موضى:هيه..
هند:متى بيرجع مالنا؟؟؟
موضى:يمكن بعدين ..يالله نروح داخل..عن يشوفنا خالد عند الباب يالسات بسرعة يالله..
هند...مادة البوز:إنزييييييييييييييييين...
دخلن داخل...حليلهن ما يعرف ان إللى عند حمدان مالهن..
الساعة 3:50 الظهر
داخلات شوي شوي..
موزوه بصوت واطى: أي وحدة غرفة سعيد؟؟
سلامى:سعيد..ما يقفل باب حجرتة ..دومة مفتوح..
مى:هييييييييه ..هذا ..
مى سارت شوي شوي .
سلامى:حو..وين تبين ..لا دخلين الغرفة أنا بدخل..
مى:ويا ويهج..أنا من بونى ما بدخل..كنت بس بوقف عند الباب..
موزوه:تعالن أسمعه يتكلم..
وكلهم عند الباب وسعيد ماءشاء الله صوتة واضح..وعاد فضول البنات يبن يسمعن شو يقول .. وكلهن مخليات روسهن عند الباب ......
سعيد:مرحبا ملاييييييييين ..ولا يسدهم..أنا..حرام عليج..ما نسيتج.....وكل وحدة تطالع الثانية....منو يكلم........؟؟
سلامى:أصصصصصصص..
سعيد:حياتى ...أفا زعلانة منى؟؟؟؟؟....ليش شو سويت حبيبتى؟؟؟..والله إنشغلت بس الحين كنت أفكر فيج ودقيتى..كلهن فهمن سعيد يكلم وحدة..وقلبهن طبول لو شافهن صدق بيجتلهن ولا بعد يالسات يسمعن كلامه..أما مى من الغيض دمعن عيونها ويها أحمر..وعصبت وفولت..
حمد نزل وشاف الساعة: بسير أوعي سعيد ..عشان منروح
ولف صوب قسم قوم موزه..بعدين بشوفها الحين ما شىء وقت..سار قسمهم قوم سعيد..ويوم دخل الصاله..شافهن كلهن عند باب سعيد بس هن ما منتبهات لحمد.. علامات إستفهام..شو يسون عند باب سعيد..وشكلهن يالسات يسمعن..وحدة عدال الثانية..وماسكة على ثمها..تقرب منهن..
حمد قرب راسة شوي عندهن:شو سون؟؟؟؟
من الزيغة طاحن انفج الباب وطاحن عن باب سعيد وشافهن..عاد حدث ولا حرج كيف شكل كل وحدة..سعيد يطالع شو مستوى......شو يسون ؟؟؟؟؟؟؟....
سعيد:مع السلامة ..
قامن .......يبن يظهرن..
حمد:سوري ....ما كان قصدي أزيغكن..
سعيد:صبرن ..صبرن...وين تبين؟؟؟؟؟
سلامى:أممممممممممم....منروح..
سعيد:وليش يالسات عند باب الغرفة؟؟؟؟؟؟؟؟؟......شو تبن؟؟؟
مى ما رامت تستحمل تيلس لأنها بصيح..من كلام سعيد وكانت تتوقع يحبها..فسارت بسرعة ولا ردت علية ولا عطتة ويه..
سعيد فهم ليش معصبة وسوت جيه لأنهن أكيد سمعن كلامة.. عصب على سلامى: إنتى......
سلامى:أنا؟؟؟؟
سعيد:شو سون عند الغرفة؟؟؟؟؟؟؟؟.........ها
سلامى بصيح تخاف منه يوم يعصب: أنا..كنا نريدك ..........
سعيد:هيييييييييييه ..شو تبن؟؟؟؟؟
سلامى.. لو قالت مى تباك تحوطنا بطيح كلة على راسها.. ومى بتمشكل: قلت يمكن فاضى وبتودينا...
وموزه ساكتة ومنزلة راسها ما رايمة تتكلم تخاف بعد سلطان يشوفها وبياكلها..
سعيد: ومن متى كنتن واقفات عند الباب؟؟؟؟؟
سلامى صاحت:والله تونا بس ينا ما وحالنا .
سعيد يطالع موزه: وإنتى؟؟؟.. مب عيب عليج تدخلين غرفة ولد عمج؟؟؟؟؟؟؟؟
موزه ماحد يهد عليها.. ولا مرة في حياتها حد يهد عليها..سلطان يوم يغايضها يهد عليه أبوها وحمدان.. كيف سعيد؟؟.. ما إستحملت وصاحت بعد هي..
حمد من شافها صاحت ..عورة قلبة عليها..
حمد معصب: إيييييييييييييه..أنت........ليش تهد عليها؟؟؟؟؟
سعيد:لا والله ....يعنى عايبنك إلى سوتة؟؟؟؟
حمد:سعيد ..مالك خص في موزه.. سلامى أنت أخوها وكيفك وياها.. إلا موزه ما يخصك فيها فهمت؟؟؟؟
سعيد:وأنا شو قلت؟؟؟؟؟؟...ما قلت شىء غلط....
حمد:سعيد ..لم ثمك.....ماسون شىء غلط........كان بس عند الباب ما دخلن..
سعيد: حمد.. ما يخصك.. أخبرك كلة عندك عادي؟؟؟.. لو عندك عادي أنا ما عندي عادي..
حمد ما يريد يكبر السالفة وياه.. ويعرف انة لو يلس وياه أكثر بتكبر السالفة.. وأن سعيد راسة يابس وسالفة شىء فيها..لأن السبب ما يرزى..بس هو ما يريد يقول..
حمد: أوكية آسفين..أنت الصح ونحن الغلط.. سلامى موزه يالله نروح..
سعيد: أنتى دواج بعدين.... بتشوفين؟؟؟؟؟؟؟.....
حمد:سعيد وبعدين؟؟؟
سارت سلامى وموزه ....ودخل حمد الغرفة سعيد وسكر الباب..
حمد:أخبرك أنت خبلة؟؟؟؟؟؟؟....شفيك على البنات؟؟؟؟؟
سعيد:لا والله ..يعنى داخلات الغرفة ..وتقولى شو فينى؟؟؟
حمد يبى ياخذ السالفة منة: إنزين شو إستوى؟؟؟.. أختك تباك توديها وياية تكلمك وتقولك.. عادي ليش الحين الخوات ما يدخلن غرف إخوانهن؟؟؟؟
سعيد: لا مب هذا قصدي..بس كان..شكلهن كانن يسمعن شو كنت أقول .....
حمد: أها ..هاي السالفة..قول جيه من الأول..مب عيب ما عيب..لأنى عرفت أن السالفة فيها إن..عشان جيه ما تكلمت وايد جدامهن..إنزين أكيد مى سمعتك تكلم وحدة؟؟
سعيد: هيه.........
حمد: أها...
سعيد: الله ينطبها ما رامت إدق إلا هالوقت.. كنت انا أدقلها إلا هاي المرة هي دقت..
حمد:إنزين ..سو وات؟؟؟
سعيد: شو سو وات؟؟؟؟؟؟......مى زعلت......
حمد خالى ريل على ريل: وليش زعلت؟؟.. ليش ما تعرف أنك أكبر مغازلجى ..ولعاب؟؟؟
سعيد:حمد ثمن رمستك..
حمد: ليش الحين الصدق يزعل؟؟؟؟.. وبعيدن شدراك أنا زعلت عشان كلمت وحدة؟؟
سعيد: لأنها زعلت وسارت......
حمد:لا يمكن سارت ..عشان ما تهد عليها........بس.........
سعيد: لالالالالالالالا..عشان سمعتنى......
حمد: أنت وايد مصدق عمرك...
سعيد: حمد..مستحيل ..مستحيل .........ما تحبنى أنا أحبها هي مستحيل ما تحبنى......
حمد: إنزين يتك وقالتلك سعيد أحبك؟؟؟؟؟؟......ولا بينت هالشىء .....
سعيد: لا والله....يعنى تباها إتى وتقولى سعيد ترانى أحبك؟؟؟؟..حمد أنت صاحى؟؟؟؟
حمد:لا بس لا تعيش في اوهام..يمكن البنت ما تحبك...وأنت تتوهم...
سعيد:لا ما اتوهم....
حمد: كيفك..بس إلى سويتة غلط..أنت ما تفهم..عنبوه اليوم مرتين مزعلنهن..الحين ما يخصنى فيك..وخلهن يخبرن عمى عليك..كل ما يسون شىء حليلهن تهد عليهن ولا بعد تفهم الموضوع غلط.. وتفسرة على كيفك.....
سعيد:أوهو...
حمد فج الباب: كيفك أنا ظاهر..بروح ..بتروح وياي تعال....ريال عازمنا كلنا..
سعيد:مبردك يا حمد
حمد: سعيد..مليتك ومليت مشاكلك..تعال نروح ما بخبرن..أعرفهن..بس خلهن بروحن الحين لو سرت عندهن بزيد الطين بله..خلهن بعدين بكلمهن..وهاي آخر مرة.. والله ثانى مرة...ما يخصنى فيك..
سعيد:أنت ليش جيه؟؟؟
حمد:تعال يالله ..خلنا نروح.....منكمل السالفة في السيارة...بسير اوعى قوم محمد.. أترياك..
سعيد:أففففففففففففففف....شهلحالة؟؟؟؟؟
الساعة 4:01..العصر
مى من الموقف دخلت غرفتها ولا ظهرت منها..وسلامى بعد..ومن الصايح إللى صاحت مى وسلامى خايفة يخبر قوم أمها ومحمد ..وتستوي سالفة وبتروح فيها..
موزه سارت برى عند المسبح ويلست تصيح.. كيف سعيدجيه يكلمها..
عنبوه شو جيه..سلطان إللى هو أخوي لا مرة قالى جيه ليش هو يقولى جيه؟؟؟..
واحد يظربنى وواحد يهد علية..والله لو درا أبوية براويهم شغلتهم..عنبوه أنا ياية بس عشان حد إلا يهد علية ويظربنى..مب عيال عم حشة..ولا أكثر ما قاهرنى بس شو قال..شو يخصك فيها؟؟.. مالت عليك (ومسحت دموعها) والله هالريايييييل ما يسووووووووون حمدان..يعلكم تسدون عوقة..فديتة وفديت طيبتة..رحيييييييم..صدقها رويضي يوم شافتة..قالت رحيم وشكلة طيب..عنبوه حمدان أول ما يشوفونة يحبونة..ولا مرة في حياتة حد إشتكى منة ولا حد إضايق منة.. فديتة عسل..فديتة الحين بعدة ما يى؟؟ متى بيي إشتقتله..فديتة ياربي..والله بسير عند قوم سلامى..ولا علينا منهم.. أصلا ما يستاهلون حد يصيحهم ولا حد يهتم فيهم..سارت عند قوم سلامى..فتحت الباب ..سارت عند غرفة مى وقومتها وظهرتها الصاله وسارت عند سلامى...
موزه:سمعن لا تكونن غبيات..
سلامى:موزه إنتى وايد متفيجة..
مى تصيح: أنا حيلى اليوم ..مرتين يهد علية ومرة يظربنى....
موزه: شفتن أقولكن غبيات..سمعن..الحين طز فيهم..والله ما يستاهلون ولا دمعة.. خليهم ينفدون بالنفاد إلى يشلهم..
سلامى:موزه صاحية..
موزه:هييييييييييه ..صاحية..100%...شوفن..تعرفن كل إلى إستوى كلة منا ..لأنا نحن إلى دزين لهم ويه..لو ما دزينا ويه ما بسوون جيه..صح ولا؟؟؟
مى:أهىء...
موزه:إيييييييه أقولج ..كلة منا..والله ما صيحهم ولا يستاهلون..الحين صدق أقولكن ..نحن غبيااااااااااااااااااااات..نحن إلى عاطينهم ويه..سمعن كلامى.....وبتشوفن شو النتيجة....
سلامى:شو نعلن عن الحرب؟؟؟
موزه:لا ..منعلن نفسنا عزيزة..ما ترتضى المذلة والحقران..ونردها عن من سعا لنا بذل....
سلامى:يا ويل حالى..
موزه:سمعن هذا البيت يجنن.
ولى أشوفة مرخص الود منان.. ما تليتة ومسحتة من سجلى
سلامى:الله ..على مطلع الشمس..يابت العوق..
موزه:نفسي عزيزة سامية فووووووووووووووووق يا فلاااااااااااااان..
مى: إنزين..
موزه:يالله قومن ..خلنا نظهر...
سلامى:الحين؟؟؟؟
موزه:والله ما حفلتهم..
مى:ما ريد..
موزه:ما ريد أسمع ماريد...وما عرف شو........قومن يالله ...ولا عليكن منهم..
سلامى:صدقها موزه..ليش نحن وايد دازين لهم ويه..خلينا نستمتع بسفرتنا..يعنى كل ما يسوون شىء نحن نزعل ونكتأب..
موزه ..تصفق:الحمد لله وحدة فهمت قصدي..
مى:أوكية...
سلامى:صبري......ولا وحدة تعطي ويه لحد.....منحقرهم..
موزه:صح جيه أباكن..سمعن لا تكلمونهم..لو كلموكن خلن عماركن ولا كأنكن تسمعنهم.. ولو يو ويلسو نفس المكان قومن وسيرن مكان ثانى..سمعتن؟؟
سلامى ومى:ييييييييييييس..
موزه:يالله ..ليتس قووووووووووو..
الساعة 4:10 العصر
حمد:يالله ..تأخرنا على الريال..
سعيد:منو هالريال ؟؟؟؟
حمد:بخلية مفاجأه.......
محمد:إنزين حمدان وينة ..من متى أدق على تيلفونة ولا يرد..
سلطان:أسمع تيلفون حمدان يدق في غرفتة...يعنى ما شالنة..
ولا وشوي يحدر عليهم حمدان......
حمد:حمد لله ..أخيرا وصلت..
حمدان:ليش؟؟؟؟؟
سعيد:يالله نروح.......على قولت حمد....ريال عازمنا كلنا ..
حمدان :إنزين لحظه...بسير أييب قفص..
سعيد:قفص؟؟؟؟؟؟؟.....حق شو؟؟؟؟
حمدان:لقيت سنجاب ومسكتة....وبعطيه قوم شموه وسارة..
محمد:إنزين وينة سنجابك؟؟
حمدان: خليتة عند سلامى...لين ما ييب قفص..
سعيد يطالع حمد.. سلامى؟؟؟!!...ليش عثرهن هن برى..ونحن قلنا الحين زعلانات وأكيد كل وحدة في غرفتها..
حمد: كوكلى..
حمدان:أوكيك..
سعيد بصوت واطى: ليش قوم سلامى ..مب توهن أونهن زعلانات؟؟؟؟
حمد:شدرانى..
سعيد:خلنا نروح برى.....نشوفهن ..يمكن مى وياهن؟؟؟
حمد:أوكيك......يالله أنا بترياكم في السيارة..
حمد وسعيد سارو برى عند السيايير..بس شافو قوم سلامى كلهن برى..يالسا عند الكراسي..
حمد:سعيد أكيه مى..
سعيد:يالله نسير عندهن..
حمد:أوكية..يالله..
سلامى:يااااااااااااااااي محلاتة يجنن..
موزه بصوت واطى: سمعن حمد وسعيد بيون عندنا..مثل ما قتلكن..
مى:أوكيه..
سعيد:سلام عليكم.....
البنات:.................
حمد:هلا شحالكن؟
البنات:............
حمد وسعيد يطالعون بعض...سعيد هد عليهن حمد ليش ما يكلمنه؟
حمد: شبلاكن؟؟؟؟؟.....أنا ما سويت شىء..
مى: أففففففففف ..بنات شو رايكن نروح مكان ثانى ..الصراحة في حشرتين مضايقاتنى.
موزه:صدق والله..فديت حمدان تأخر ..نسير هناك ...لين ما إيي..
حمد وسعيد ..يطالعون بعض...شياهن..منو الحشرتين؟؟
سارن عند المسبح......وهن يظحكن ..
سلامى:أشكركن....خخخخخخخخخخ..شفتن أشكالهم؟؟؟؟؟
مى:هههههههه..أحسن ..
موزه:جيه أباكن.........لا تعطونهم ويه..
حمد وسعيد يلسو مكانهن في الكراسي..
سعيد:حمد نحن الحشرتين صح؟؟
حمد:ههههههههه..عيل منو؟؟
سعيد:عنلاتهن.........وليش بعد مسمينا حشرتين؟؟؟
حمد:شدرانى..
سعيد:مسودات ويه..
يو قوم حمدان وسارو كلهم ..
حمد:محمد قلت لخالد؟؟
محمد:هيه ..يتريانا .
حمد:عيل يالله..نسير.........وسارو .....
الساعة 4:15............العصر
أم سالم:وينهم العيال؟؟؟؟؟
منصور:ما أدري...ماحد في الغرف....
أم حمد: بسير أشوف البنات.........
على:أمايا خلينا نتقهوي برى.......
سارو برى يتقهويون وشافو البنات يالسات عند المسبح..وعدالهن السنجاب في القفص..
أم سالم:ومن وين هذا مهظلينة؟؟؟
موزه:أمايا هذا حمدان يايبنة لشموه.وساره..
على:من وين؟؟؟؟
مى:شدرانا......يابة...وقالنا عطوه لشمة وسارة يوم يقومن..
أم سالم:حليلة طلقوه..
موزه:لا حق قوم شموه وسارة..
أم سالم:بسهن عندهن أرانب.....طلقوه..
منصور:بموت..حليله..
سلامى:لو سألنا حمدان وين الأرنب شو نقول؟؟؟
على:ما بقولكن شىء..طلقوه..
سلامى:فجت الباب........ومن فجة ربع السنجاب يربع
موزه:حرام شكلة حلو..
مى:شكلة حلو..من شوي منو يقول يخ..وما تحبين الحيوانات ولا تحبين تصكينهن؟؟؟
موزه:هههههه....بس شكلة حلو...
منصور:يالله نروح نيلس.......
وسارو كلهم يلسون عند الكراسي ..يتقهويون..
أم سالم:على تعرفة رقم يرانا؟؟؟؟
منصور:أنا أعرفة ..شو تبينة؟؟؟
أم سالم:نبا نسير عند حرمتة..ما سرنا نشو فها..
منصور:الحين تبينة؟؟؟؟
أم سالم:هيه......
منصور:مال البيت ....يمكن ماحد الحين..
أم نورة:وين بروحون إلا في البيت ما بروحون مكان ..
منصور:عيل هذا رقمهم..
أم سالم:يالله نروح ندق حقها...
سارت أم سالم ..ويا الحرمات يرمسنها ويلسو على ومنصور ويا البنات..وكلمنها وسلم عليها ..وقالت هي إلى بتيهم..فتفقو فليل هي وريلها بين عشان العشا عند قوم منصور اليوم..فبتى هي وبنتها موضى وهند لأنا ما بتخليهن بروحن في البيت وعشان تعرفها ببناتهم ..

ليست هناك تعليقات: