الاثنين، 27 أبريل 2015

آه يادنيا عيال عم ولا يتعارفون - الجزء السابع عشر

حزين وليمتى تكتم وتطوي ما مضى لك أمس.......تكلم قول علمي وفضفض بالذي صابك.....عيونك توحي بضعفك كلامك والحواس الخمس.....شفاتك ترتعش رمشك سكوتك أتلف اعصابك.....ورفجة جسمك ازدادت أنا حسيتها باللمس.....كأنك صابتك حمى وشبت نار في ثيابك
من هذا اليوم بيبدا العد التنازلى لأيام حمد......قبل العملية...
اليوم الأحد4/1/2004....الساعة6 المغرب..
رد حمد من الحديقة سار صوب بيت قوم موزه..أففففففف يالبرد..الجو وااااااااايد كئيف.. قبل لا يدخل بيتهم ..خذ نفس عميق...البيت مظلم ..كأن ماحد في البيت ..تقول البيت مهجور....مشى لين الباب...وقف شوي جدام الباب البيت هاااااادي مافيه صوت ولا حركة...دق الباب...ماحد فتح..دق مرة ثانية......بعد ماحد فتح..ودق الثالثة..فتحت ميري..
حمد :وين حمدان وسلطان؟؟؟.....
ميري: نوم...
حمد:وين ماما ؟؟..
ميري:ماماه نوم.....
حمد حزن :وين موزه؟؟؟
ميري: في غرفة فوق..
حمد:زقريها......
ميري:قول موزه ما يريد حد يسوي إزعاج..
حمد:قولى حمد يريد يكلمج..
ميري:أوكية ...
دخل حمد البيت..آآآآآآآآه كل شىء مجهز للحفلة....ويلس يمشى في البيت والنفافيخ تحت ريوله ..البيت متروس من النفافيخ.. ويطالع كيف مرتبين الحفلة..الصراحة وايد حلو ترتيبهن.. وحليلج يا شموه ويا سارة خربت عليكن حفلتكن...بس إن شاء الله بحاول أقنعهم يسونها..وسار صوب المدفأه وعق جاكيتة ووشاحة وكابه على الكرسي ويلس جدام المدفأه يدفا لأنة الجو بااااااااااااارد لأنة يلس فترة برى البيت..لدرجة خدودة محمرات من البرد....يلس يتريا موزه لين ما إتى..
سارت ميري عند موزه.....دقت الباب ..مافتحت الباب...دقت مرة ثانية بعد مافتحت...
وبعدين سمعت حشرة في الغرفة جان تتكلم ......
ميري:موزه..............موزه.........
موزه وصوتها فيه صايح:نعم......شو تبين؟؟؟
ميري:موزه حمد تحت يريد أنتى........
موزه من سمعت أسم حمد نقزت من الشبرية تربع صوب الباب فتحت الباب:وينة؟؟؟؟
ميري:في الصاله........
موزه فرحااااااااااااانة أنها بتشوفة.....وتتمنى تشوفة وياها لين البيت :أوكية ...وسارت وشلت شيلتها ...ويوم بتظهر من الغرفة تذكرته...الحين شو بقوله؟؟..كيف أروم أشوف شكله.....آآآآآآآآآآآآه ..آآآآآآه يا حمد..يا ليت لو أنه كل إلى سمعت جذب...وصاحت...بس مسحت دموعها عشان ما يشوفها......ونزلت من الدري ....لين الصاله وكانت الصاله مظلمة والبيت أصلا كلة مظلم..ماحد يالس في الصاله ...كل واحد في غرفتة....شافت ضوء المدفأه وجدامها حمد..شافته جدام المدفأه يالس بروحة وماسك في إيدة كوب ....مشت صوبة وخطواتها تحسهن ثجااااااال..متردده تروح صوبة وهي وااااااايد خايفة.. تخاف لو جافها تصيح ولا تسكت جدامة وهى ما تريد يشوفها وهىتصيح....عشان يمكن يعصب منها...إنتبه لحد يمشى ومتبادي صوبة ..لف صوبه شاف موزه ياية عنده..قام وفي ويه إبتسامة..
حمد:هلا والله هلا...هلا ببنت عمى .......شحالج؟؟؟
موزه دموعها في عيونها ونزلت راسها عشان ما تصيح جدامه ويشوفها:بخير ..يعلك الخير...
حمد:سوري على المغثه..
موزه آآآآآآآآآه يا حمد يعلك كل يوم إتى ..فديت روحك ييتك راحة: لا والله لا مغثة ولا شىء ..كنت يالسة في الغرفة ..مب راقدة..
حمد إنتبه أنها مب موزه إلى يعرفها هذي موزه إنسانة غير..مب إلى كانت من كم من ساعة تهاد وياه..آآآآآه يا موزه أكيد تعرفين بالموضوع..ولا ما بتنزلين راسج ولا بتشوفينى.. وكلامج غير وياي مب معصبة: أمممممم..موزه شبلاج؟؟ليش ساكتة ...مب موزه إلى أحيدهاااااا...هاه منو مزعلنج؟؟ قولى وأنا بهد عليه؟؟؟؟
ما رامت موزه تسكت صاحت جدامة.. وخلت إيدينها على ويها..وتصيح.....

موزه لفت عنه ما قدرت تستحمل أكثر:أنت إلى مزعلنى.. (ونزلت إيدينها).. حمد ....حمد..........دخيلك قولى أنه كل شىء جذب........دخيلك قوووووولى.......وسكتت.....
حمد إنصدم ما توقع موزه تسوي جيه....سكت ولا قال إى كلمة..وبعدين يلس في الكرسي وشاف الضو..
حمد:موزه ....دخيلج لا صيحين........موزه .....لا صيحين....ما أحب حد يصيح..
موزه تتمالك عمرها وتمسح دموعها:حمد......حمد......يعنى صدق الكلام.....
حمد سار صوب المدفأه وخل إيدينة في فمخابيه ...ويشوف الضو: موزه.. صح إلى سمعتيه..
موزه:لالالالالالالالالالالالا...جذااااااابين..
حمد غمض عيونة:موزه .....دخيلج لا زيدين المواجع.......إلى فينى كافينى..
موزه سارت جدامة مسحت دموعها:حمد.........حمد........ليش ما خبرتنااااااا؟؟؟ ليش؟؟؟؟؟؟؟؟؟........أنت ما تحس فينا؟؟؟؟؟
حمد:موزه ..... آآآآسف..
موزه:شو تفيد هاي الكلمة الحين؟؟؟؟
حمد سار شوي بعيد عنها: موزه... ممكن تأجلين هذا الموضوع بعدين؟؟؟؟؟؟؟
موزه:شووووووووووو؟؟ بعدين؟؟؟؟؟؟؟
حمد:موزه ما ريد أتكلم عن هذا الموضوع...وخصيصا الحين....
موزه :أوكية على راحتك..
حمد صد صوبها وبتسم:موزه أريدج تكملين إلى سويتيه ..
موزه وهى متفاجئة:أكمل شووووووووو؟؟؟
حمد:الحفلة.........
موزه وعصبت:أنت والله متفيج..ما ريد ..ما حد ليه بارض لحفلة ولا لشىء..لو تبى حفلة سير دورلك على مكان ثانى..أنت ما تحس؟؟؟؟؟؟؟
حمد:موزه ...أنا أريدها ....أريد الحفلة ..واليوم بعد.....
موزه:سوري .......آي كانت...
حمد:ورفجة الغالى تكملينها..
موزه ربعت إيدينها:حمد ما أقدر ..ما فينى قوة لحفلة وخرابيط..
حمد:دخيلج يا موزه عن خاطري..هذا آخر طلب بطلبة منج......
من قال هذا الكلام صاحت موزه..ولفت تبى تروح صوب المطبخ...مسكها من إيدها......
حمد فج إيده عنها...:سوري.......موووووووووووووزه.......طالبنج ....لا تردينى.... دخيلج..
موزه وصيح.....:حمد ما أقدر......ما أقدر أفرح وأكمل الحفلة ..ما اقدر...
حمد:ترديييييييييييييينى؟؟؟؟؟؟؟؟؟؟
موزه ولفت ويها الصوب الثانى ......بعد فترة:أوكية بس بشرط.......
حمد:شو؟؟؟؟؟؟؟؟؟...وفالج طيب..
موزه:أنا ما بحضر الحفلة..
حمد سكت ونصدم من طلبها:ليش يا موزه؟؟؟؟؟؟؟؟أريكم كلكم ...ما ريد حد ناقص..
موزه:ما أقدر حمد..........ما أقدر.......دخيلك أفهم...
حمد:مصرة؟؟؟؟
موزه:هيه ........
حمد:أوكيه......بس بزعل منج...
موزه صاحت:شو المطلوب منى الحين؟؟؟
حمد بحزن :أريدج تقنعين أهلج بالحفلة وتقوليلهم أنها فكرتى..ومصر علي الحفلة..وأنا بقنع قوم عمى منصور وقوم سعيد.......أوكية...
موزه:فالك طيب...
حمد:فالج ما يخيب......
موزه:متى تباها؟؟؟
حمد:متى كنتن مخلينها ؟؟؟؟؟؟؟سونها....وكأنكن ما لغيتنها.....
موزه:إنزين ...على راحتك.........
حمد:مشكووووووووووورة.........ما بنسى هاي الخدمة..
موزه وشافتة ودموع محبوسة في عيونها:أوكية يعنى الساعة8 بتكون الحفلة وأنا الحين بسير أقولهم.....مع السلامة..وسيدة سارت عنة وكانت خطواتها سريعة......وحس حمد أنها تصيح وزعلااااااانة..بس ما يروم يغير القدر........
حمد فاهمنها بس شو يسوي ؟؟مابليد حيله....وهو بعد زعلان عشان ما بتكون موجودة وياه وويا أهلها...
الساعة6:45 المغرب....
سارت موزه غرفتها وسكرت الباب عليها..ويلست تصيح.......ويلست على هاي الحاله تقريبا ربع ساعة..وبعدين تذكرت كلامها ويا حمد وسارت الحمام وغسلت ويها....بقنعهم عن خاطرة وقالت أنها بتكلمهم...وظهرت من الغرفة وسارت عند أمها ...وأمها أول شىء هزبتها كانت تتحسب فكرة موزه وبعدين يوم قالتلها أن حمد هو إلى طالبنها ...بعد موت وافقة ..وسارت عند إخوانها وقالتلهم....ونفس الشىء بعد موت وافقو....بس كانو موافقين عن خاطر حمد بس ...حتى هم ما يريدون حتى يظهرون من الغرفة..ولا يسوون حفلة ولا شىء..وبعدين سارت عن أم وديع وقالتلها أن الحفلة ما بيلغونها ...وأنها بتكون في الساعة 8...وبعدين جهزت كل شىء وشافت أن كل شىء جاهز ولا ناقص شىء.. سارت سيدة غرفتها بندت الباب وبندت الليتات ....وفجت البلكونة ويلست عدالها وتصييييييح...وكان الجو باااااااارد بس كانت ما تحس بالبرودة ولا بشىء .....وكانت كل إلى تباه تيلس بروحها...وبسسس..ما تبى شىء غير.كرهت الدنيا وكرهت كل شىء..
حمد يوم ظهر من بيت قوم موزه..حس أن موزه مب هي متغيرة.... زعل واااااايد...على أنة كان واااااايد يغايضها ...ومتحسف على كلامة لهاوأنه كان يغايضها..ودوم يتهاد وياها..دخل بيت قوم سعيد.....شاف البيت مولع ليتاتة....يوم كان بدق الباب سمع حشرة في البيت.دق الباب ...وبعد شوي فتح محمد الباب..يوم دش البيت لقى ..كلهم في الصاله......حتى سارة وشمة..ما رقدن..شاف جو البيت شوي متكهرب....يبى يغير شوي جوه..
حمد ويبتسم:مرحبااااااااااااااااااااااااااااا..يا أغلى عيال عم في الدنياااااااااااااا..
كلهم ما عطوه ويه....
حمد مستغرب:شبلااااااااااااااااااااااكم؟؟؟؟؟؟؟بسم الله الرحمن الرحيم؟؟؟
محمد:ما فينا شىء...............
سعيد وعطاه بنظرة:سلامتك.....وسيدة سار غرفتة..
أم محمد:هلا وليدي......قرب...
حمد ويطالع سعيد يوم سار عنة:قريب عمتية ....شحالكم؟؟؟؟
محمد:حمد وين كنت؟؟؟؟
حمد:كنت في بيت عمى سالم...
محمد:حمد ما تبى عشا؟؟؟؟؟؟؟
حمد:لا مشكور...يشوف حمد أم محمد تصيح بس تمسح دموعها...وسلامة محمرة بس لو تكلمت خلاص بصيح........
حمد:عمتية...طالبنج........
أم محمد:فالك طيب .......ولدي...
حمد:فالج ما يخيب..عمتية.........الساعة8 في بيت عمى سالم بسون الحفلة.......
كلهم منصدمون: إي حفلة؟؟؟؟
حمد:عمتية.......فديت خشمج لا تقولين لا.........
أم محمد ساااااااكتة:................
حمد:محمد..........سلامى.....دخيلكم لا تقولون لا......
أم محمد:يا حمد.......مالينا خاطر لحفلات....
حمد:عمتية طلبتج......
محمد:حمد الله يهداك أي حفلة؟؟؟
حمد:حفلة عيد الميلاد.........مالت .......ويطالع شمة وسارة.....وبتسم..
محمد: الله هداك يا حمد كيف يكون لك بارض لحفلة وأنت بهاي الحالة وفيك هذا المرض.. الله يهداك..حمد ......
ويقاطعة حمد..أنا المهم خبرتكم.......الحين بروح عند عمى منصور وأمايا شيخة..الحفلة الساعة8....وإلى ما بيي بزعل عليه..سلامى الكلام لج بعد........أوكية
وسيدة ظهر ما يريد يعطيهم مجال عشان يرفضون...وسار عند سعيد.......في غرفتة......
الساعة 7:00 المغرب
دق الباب.........ماحد رد........دق مرة ثانية........
حمد :سعيييييييييييييييييد.........
سعيد:.........................................
حمد:بووووووووووووووووو عسكوووووووووووووووووووووووووووووووووووووووور....
سعيد:............................................. ................................
حمد:وغلات مى عندك تفج الباب...
سعيد:.....................................
حمد:أممممممممممممممممم....وغلات بوشهاب عندك تفج البااااااااااااااااااااب..
سعيد وفتح الباب وساند على الباب ومربع إيدينه:................................
حمد ويبتسم:...............................هاه سعيد....شبلاك؟؟ليش ما تبى تفتح الباب؟؟
سعيد دخل الغرفة:............................
حمد وسار عند التسريحة ويشوف العطورة:ههههههههههههه...سعيد..تذكر هذا العطر؟؟ يوم كنت تضارب ويا هاذيج البنت عشانة كان آخر واحد..وأنت كنت تباه وهي بعد كانت تباه؟؟ بس أنت خذته عشان ما عطتك ويه... ماحد يغلبك.....إلى تباه تاخذة
سعيد فج البلكونة :........................
حمد عرف أنة بعدة معصب منه سار صوبة .......وهو يغنى:عسا عامك سعادة وحب وتفرح بالهنا كله...وكل الدنيا تظحكلك وتسعد يا نظير العين....إذا قالو تحبة قلت كل العمر والله...أنا مخلوق لعيونه وهو بعيونى الثنتين......إذا ما أسمعك لحظة أحس القلب متوله...
سعيد:حمد بسسسسسسسسسس..
حمد:سعيد....شو بلاك؟؟؟؟؟تراك طفرتبى؟؟
سعيد:ما فينى شىء بس مضايج..
حمد:إنزين سعيد شو تبى أسوي؟؟؟؟؟؟؟ قولى ..وأنا حاضر..
سعيد:حمد ... ليش ما خبرتنى؟؟؟؟؟
حمد:والله سعيد ما توقعت يطور لهاي الدرجة...بروحى منصدم..
سعيد:حمد ليش ماخبرتنى؟؟؟؟وليش ما عالجتة؟؟لو عالجتة ما بيطور لهاي لدرجة صح ولا؟؟؟
حمد:والله سعيد إنشغلت....
سعيد :حمد شو إنشغلت؟؟؟؟؟؟بس قول كنت خايف....
حمد:أوكية خايف.....
سعيد:الحين شو إستفدت؟؟؟
حمد:حراااااااااااااااااااام عليك سعيد..والله بدال ما تهدينى وتواسينى.. تزيدنى؟؟؟ سعيد...تعرف أنى ما أعرف أنى مريض بسرطان إلا من قلت ...بس اليوم عرفت...وأنت يالس تزيدنى..حراااااام عليك يا سعيد حراااااااااااااااااااااااااام....أنا الحين ياي أبا أطلب منك طلب وأنا بروحى مالى بارض لشىء فهمنى بس ما أحب العائلة تزعل بسبتى وهاي أول مرة إنسير كل العائلة مع بعض ..تعرف أول مرة أعرف عن عائلتى زين وأول مرة أماريد أسير عنهم..تعرف أول مرة أتعمق وياهم..سعيد أول مرة أحس بالعائلة...كل حياتى بس في دراسة ومسافر ولا لو كنت في البلاد ما أيلس وياهم إلا ويا الربع..ماريد أخسر أيامى بزعل لأنة ما فيه فايدة ..وكل شىء مكتوب لا بييدي ولا بيدكم..حرااااام عليكم...حرااااااام عليكم......فهمونى..شو تحسبنى راضى ؟؟ تتحسبنى وايد فرحان؟؟؟ ماحد يقوله أنه بقلك أسبوع ويمكن تموت ويمكن لا ويكون فرحان؟؟ مستحيل بس أنا أكابر وأكااااااااااااااااابر عشانكم..ولا والله مالى خاطر حتى أظهر من غرفتى ولا أشوف حد..بس كلة عشانكم..ما ريد أخسر الأيام بعيد عن أهلى أريد كل وقتى أيلس وياكم..عشان هو بكون أحلى وقت في حياتى......فهمونى يا ناس فهمووونى.. بسسس والله بسس..بس من الملامة..أنا غلطان وآآآآآآسف..بسسسسسسسسس والله مليت...راسي يعورنى ما أعرف وأسوي ولا كيف أفكر.خلاااااااااااااااااص ..خلااااااااااص....
سعيد تلوم من كلامة لحمد .. :آسف حمد.....بس والله عصبت منك ومن حركتك........
حمد:إنزين..إلى إستوى إستوى وخلاص.......الحين ما علينا بإلى فات علينا بباجر....
سعيد: حمد متى آخر مرة مكلم الدكتور؟؟؟؟
حمد:أممممممم ..بدون زعل يوم ظهرت من المستشفى ما كلمتة ولا شفتة..
سعيد معصب:ليش يا حمد؟؟؟؟؟؟؟؟؟؟ليش ؟؟؟؟؟؟؟؟؟؟ليش ما راجعة الدكتور؟؟؟
حمد:قلت مرض عادي..
سعيد:شووووووووووووووووووو؟؟؟عادي؟؟؟؟؟
حمد:لأنة قالى نسبة 60بالمية يطور لسرطان....وعاطنى دوا .....وقالى لازم تاكلهن..بس ما قلت صدق بيطور..
سعيد:إنزين الدوا تاكله؟؟؟؟؟
حمد:تبى الصدق؟؟..بس يوم أمرض أكله ..يعنى يوم أحس عمري خلاص تعاب كلتهن..
سعيد ظرب بإيدة اليدار بقو:شفت النتيجة؟؟؟؟
حمد سكت ونزل راسة ......... وبعدين:سعيد بقولك........وأباك تقولى الصدق..........دخيلك..
سعيد تساند على اليدار.:.....................
حمد:دخيلك قولى بتقول الصدق.............
سعيد:................. إنزين بقول.............
حمد:سعيد....كم نسبة نجاح العملية؟؟؟؟
سعيد نزلت دموعة ولف ويه عن حمد:.....................
حمد:سعيد قولى عادي ....... وحزن من الخاطر..........
سعيد:.................................35بالمية.... .........
حمد حس ظيجة في صدرة وخذ نفس عميق:والله؟؟؟..........
سعيد:..........................هيه..............
حمد:الله كريم...............ومن الصدمة نزلن دموعة....بس عشان ما ينتبه سعيد ظهر من الغرفة وقبل لا يظهر...يكلم سعيد وعاطنة مقفاه.......سعيد طالبنك أباك تسير ويانا الحفلة وما ريدك تقول لا............طالبنك...........وظهر من الغرفة.........ونزل الصاله وشاف محمد وقاله نترياكم.....وظهر من البيت.......ويوم ظهر من البيت حس بضيجة.. 35بالمية.......آآآآآآآآآآآآآآآآآآآآآآه حرااااااااااااام....ويلس يمشى لين بيت عمة منصور بس يحس صدرة يعورة واااااااااايد..بس قاوم عشان ماحد يحس فيه ولا يسون الحفلة...
الساعة 7:20 فليل
دق باب بيت عمة منصور ولا لقا حد قالتلة البشكارة كل واحد في غرفتة..بس سار عند يدته.....دق الباب ولا توايبت.. فدش غرفتها..شافها تصلى.... يلس في الكرسي إلى في الغرفة يترياها لين ما تخلص..وبعدين يلس يشوفها.... آآآآآآآآآه يا أمايا شيخة فديتج...فديتج....كان يذكر يوم كانت تزورهم ويوم كانت تيلس وياه وتسولف...ويوم كان إيوديها العزبة....ويوم يعد القصيد كيف كانت تستانس..ويوم كانت تتنازع على الراعى يوم إيهن شى الهوش..وكيف كانت دومها تهاد ويا يده...ويظحك عليها...وكيف كانت دومها تعصب وإلا تهاد...حز في خاطرة..وبعدين شافها خلصت ويالسة تصيح وتدعي له....نزلن دموعة يوم شافها تدعيلة..سار عندها........
حمد:فديتج يا أماااااااايااااااااااااااا...لا صيحين.......دخيلج...
أم سالم:يا لله يا ولدي .... ما مصدقة..ويعل الله يشافيك...
حمد:أمايا ..مكتوب وماحد بغيرة..
أم سالم:يا ولدي بعدك شباب ..شو يباك هذا المرض الله يكافينا شره..
حمد:أمايا هذا المرض ما يعرف صغير ولا كبير..
أم سالم وصيح:شو يباك؟؟؟؟؟؟.......الله يشافيك...الله يشافيك...
حمد ما يبى يدتة تضايج لأنها بروحها مريضة يعنى بتتعب وااايد:أمايا بقولج شىء ..بس رفجة لا ترفضين..
أم سالم: فديت روحك .....قول إلى تباه ..وفالك طيب..
حمد ما يروم يقول ليدتة عن الحفلة لأنها بتعصب ..وهى ما تحب حفلات العيد ميلاد.. عشان ما نتشبة بالنصارى وماحد يسويهن غير النصارى:أماياااااااا ...شو رايج الحين إنسير عند عمى سالم....مسوي عزيمة وكلهم بيتيمعون خلينا نغير جو شوي..
أم سالم عصبت:صدق مسودين ويوه..كيف يسون عزايم؟؟
حمد ظحك على ردت فعل يدتة:ههههههه لا أماياااا ...أنا إلى طالبنهاا.
أم سالم:يا الله بستر.....أنت ولدي صاحى؟؟؟
حمد:ههههههه شو يعنى أمايا إلا عزيمة....
أم سالم:ولدي كيف لك بارض لعزايم؟؟؟؟
حمد:أمايا شو تبين أسوي مكتووووووووب..والعمر بيد رب العالمين مب بيدنااااااا.
أم سالم:أنا ما ريد أسير بقعة.....مافينى هبه..وصك الدعنة..
حمد:لا بسيرين والحين وياي..
أم سالم:بس ولدي..........
حمد:لا بس ولا شىء.........ورفجة شوقج........ههههههه
أم سالم:أووووووووووووه..عيل ولا أسير.......(يده مطلق يدته(
حمد:هههههه أمايا تذكرين كنا نتكلم عن الجنة وجان نقول أبويا محمد(يدة) في الجنة حرمتة تكون وياك..ههههههههه جان يقول لو الجنة فيها شيخة ما بغيتها وبعذر عنهااااا..
أم سالم:أوووووه لا تطريلى إياه..والله بختة..
حمد بخبث:أماياااااااا..ليش تطالقتو؟؟؟؟
أم سالم:خوووووووووووز عنى ...مسود ويه....والله إفتكيت من حشرتة..
حمد:ههههههههه أمايا ..حليله.....إنزين شو قلتى بسيري صح؟؟
أم سالم:والله ما أدري........
حمد:أماااااااياااااااااا..ورفجة يالله.
أم سالم:فالك طيب.......
حمد:إنزين..أمايا أباج تقولين لعمى منصور..وبنات عمى.....أووووه بعد عيال أختج(أهل بوظبي..(
أم سالم:إن شاء الله......
وسارت وقنعت ولدها بالعزيمة وكلهم قالو بسيرون عن خاطر حمد .......يعنى خلاص اليوم بتكون الحفلة في بيت سالم..(قوم موزه).......وكلهم بسيرون وبسونها..وبيحتفلون بعيد ميلاد شمة وسارة.... كان حمد فرحان أنة بيمع العائلة في هاي الحفلة وهو يعرف أنهم ما يريدون الحفلة بس عن خاطرة.....بس شو أقولكم شو بكون حال واحد يخبرونة أنة مريض بهذا المرض وعمليتة بعد أسبوع بالضبط من هذا اليوم؟؟..الله بعونة..بس شو يسوي ما يريد.يخرب حفلة قوم شموه..يريد يغير جو العائلة بعد الصدمة إلى سمعوها..
الساعة8:00 فليل في بيت قوم موزه....
الكل كان موجود في البيت .....بس الرياييل كانو يالسين في غرفة الزجاجية إلى برى في الحديقة ومورين الكوار والجو دافى....وكل الشباب موجودين وياهم يدتهم......بس الجو كئيف..شكلهم مثل حد يايبنهم بالغصب ..وهو صح يايين بالغصب ما يريدون إيون بس شو يسون بحمد..
حمد:لا حول......شبلاكم....أنا قلت عزيمة ومنتيمع ومنسولف مب ساكتين..
الجميع:.................
حمد:عن خاطري........ما تعرفون تجاملون؟؟؟؟
محمد:يعنى شو تبى إنسوي ؟؟؟؟
حمد يته فكرة:شو رايكم نرزف؟؟؟؟
سعيد بدون إرادي ظحك:هههههههههههههه ....كلهم إنصدمو من سعيد وحمد...
بو حميد (أهل بوظبي):ولدي أنت صاحى؟؟؟؟
حمد قام:ليش ؟؟؟؟؟؟......والله في خاطري أرزف يالله شو رايكم؟؟
سعيد ويطالعة وهو يبتسم:يالله....
حمد:عاااااااااااااااااااش بوعسكور..........
سعيد: محمد شل لنا شله ...
محمد مستغرب:أنتو صاحين؟؟؟؟؟؟
حمدان يعرف أنة سعيد ما يريد يكسر بخاطر حمد عشان جيه قال بسوي مثلهم جان هذا بفرح حمد:يالله محمد أنا وياك......
والشباب كانو كلهم لابسين كنادير وغتر..يعنى حلاتهم ...وكلهم بالفعل يلسو إيولون ويرزفون..والشواب عيبتهم السالفة ويلسو إيولون وياهم.....ومن سمعت يدتهم حس حشرة برى..ظهرت وشافت اليولة وسارت صوبهم......تراها تعيب بالرزفة.......ومن شاف حمدان يدتة ياية صوبة...تم إيبس عندها.....وهى مستانسة وعمهم قام وياهم..والربشة إستوة عند الشباب..وسار حمد سيارته وياب الكيمرا عشان الصراحة الموقف ما يتفوت..والحريم والبنات من سمعن الحشرة كلهن سارن عند الدرايش يشوفن شو السالفة..ومن شافن اليولة..ما فارجن الدرايش....لأنهم الشباب كانو في غرفة بس وسيعة وزجاجية يعنى كله ينبان..والبنات من خبالهن يلسن يغنن وياهم وإرتبشن وياهم .... والجو كان روووووووووعة...الكل فرحانين....وظحك والسوالف.......حمد إيبس جدام يدتة..
أم سالم:عاااااااااااااااااااش حمد....ويسير سعيد عندها ويبس هو بعد....
وتمت يدتهم تصفق...وفرحانة وعمهم بعد مستانس..وماء شاء الله واااايد شباب ..يعنى الجو روعة.......هاي حالتة الشباب برى..أما داخل.عند البنات.... اليهال كلهم متيمعين في الصاله...والمهرجه وياهم واليهال..... مستانسين أنه وياهم المهرجه لأنهم يحبون المهرجين وشكلهم.. وكل شوي يالس يظهر لهم لعبة .....وهم يظحكون وفرحانين..وماء شاء الله البيت إستوى تقول حضانة إنترس من اليهال.......ولا خلو شىء ما لعبو فيه.. واااااااااااااايد فرحانين ....ويلسو يلعبون وينقعون النفافيج ..وياكلون ..يااااااااااي شكلهم حلو....اليهال متيمعين ويلعبون ويظحكون...أما شمة وسارة حدث ولا حرج عاد يوم عرفن أنهم هاي الحفلة عشانهن.....ويوم دخلن فجو النفافيخ والحشرة وتنقيع..صدق تفاجئن ....بس الحفلة وايد عيبتهن.....ومتشققات من الفرحة......أما بالنسبة الحريم...فسارن بعيد عن الحشرة اليهال سارن في صاله عدال المطبخ...هيه صغيرة بس حلو وهادية...يلسن براحتهن عن حشرة اليهال وصدعتهم....ويلسن يسولفن..ومثل ما تعرفون سوالف الحريم ما تعبر...بس الحين في الأجواء مرض حمد يعنى هاي السالفة إلى أكثر شىء بيطرنها.......أما بالنسبة لسونيورات...إلى هن(سلامى-مى-نورة-الريم-ميره-اليازيه).......فبعد ما خلصت سلامة من التصوير اليهال والحفلة سارت فوق عند البنات... فيلسن في الصاله الفوقية...عشان بعيد عن حشرة اليهال ولا يريدون يخربون عليهم ويعطونهم راحتهم في اللعب والأكل.....فكانن يالسات في الصاله.. وساكتات...لأنهن ما يعرفن شو يقولن ولا شىء...بس كل وحدة مجابلة راس الثانية ويشربن الشاي ولو تكلمن تكلمن شوي ...ولا كلام بسيط..لأنهن ما ليهن بارض لشىء..
الريم وحطت كوب الشاي على الطاوله:سلامة........وينها موزه؟؟؟
سلامى وترفع كتوفها(مثل إلى تقول ما أعرف):علمى علمج..بس أمها قالت أنها تعبانة وسارت ترقد..
الريم:حليلج يا موزه..
سلامى:بنات تبن الحين تاكلن؟؟؟
نورة:بالنسبة لى ما ريد شى نفسي منسدة..
مى:أمممممممم..الصراحة يوعانة..
سلامة:أوكية ...بسير أقول للبشاكير...إييبن العشا هنيه..
وسارت سلامى عنهن.المطبخ..
الساعة8:54 فليل
خلصو الشباب من الرزفة .....ويلسو يسولفون ويا يدتهم..وعمهم وأبو حميد..ومثل ما تعرفون سوالفهم ما تخلص ولا تمل عشان يدتهم عندهم..وحلات العيايز يوم يسولفن ويا الشباب..كله يهادن..حليلهم..الحمد لله قدر حمد يغير الجو قدر أنة يفرحهم شوى..بس حمد كثر ما كان إيول ويظحك ويسولف تعب وااايد...فترخص منهم على أساس بسير المطبخ يشرب ماي وبرد..بس هو ساير ياكل دواه...لأنة وايد تعب.. كان حمد في المطبخ يشرب ماي...فدخلت عليه سلامة وشافتة يالس في الكرسي وجدامة دوا وكوب ماي وماسك راسة بإيدة وموخى تحت..
سلامة كانت تمشى بسرعة بس من شافت حمد وقفت..حمد رفع راسة حس أن حد ياي وفسيدة شل الدوا وخلاه في مخباه..
سلامة رفعت حياتها:ما يحتاي تيودة..
حمد:أنااااااااا ما أيودة.شىء...
سلامة شافتةبنظرة عتاب:..........
حمد:شحالج أم لسانين؟؟؟
سلامة:حالى ؟؟؟؟؟؟؟؟؟؟.......حالى بخير......شحالك أنت؟؟؟
حمد إبتسم:بخير يعلج الخير........
سلامة سحبت كرسي ويلست : حمد شو صحتك صدق؟؟؟؟
حمد تنهد:والله بخيييييييييرر..
سلامى: حمد .....لو تبى شىء قولى....وأنا حاظرة..
حمد:مشكوووووورة يا بنت العم ما تقصرين..
حمد حس بسلامة تحاتى فيبا يغير الجو عليها إبتسم ويطالع الكوب:سلااااااامى ما كنتى تقوليلى حمد أريدك تحوطنى في لندن؟؟؟؟؟؟؟ هاه ما تبين تتحطين؟؟؟
سلامى ظحكت:هههههههههههه.....لا مش ناسية......بتحوطنى.......
حمد:أوكية شو رايج باجر؟؟؟؟؟؟؟
سلامى ميستغربه:باااااااااجر؟؟؟؟؟
حمد:هيه ولا عندج شغل؟؟؟؟؟؟؟؟؟؟؟
سلامى:ههههههههههه..لابس أخاف تكون مشغول ما ريد أغثك....
حمد قام من الكرسي ساير يرد الكوب:ههههههههههه ... ويا ويهج....أنا ناوي باجر أودي قوم أمايا وأمايا شيخة الحديقة وأحوطن هنيه إلا في الحارة....فقلت لو تبين حياج الله..
سلامى رافعة حياتها:أمك!!!!!!!!!!!.......ليش متى بيون؟؟؟؟
حمد:هيه ....إن شاء الله بوصلون اليوم الساعة5 ولا4 بكونون في البيت.....
سلامى:بس بيتكم فيه صيانة.........
حمد:ههههههههه ..خلاص خلصو..
سلامى:أهااااااا.......
حمد تذكر:سلامى أقولج وينها موزه..
سلامى بحزن:أونها راقده..
حمد تذكر أنها قالتله أنها ما بتحضر الحفلة فحزن يعنى سوتها:راقدة!!!!!
سلامى:والله سرت غرفتها ودقيت الباب ولا فتحت الباب ..تعبت كثر ما أزقرها وهو عاطتنى بولباس..
حمد:تتوقعين راقدة؟؟؟
سلامى نزلت راسها:تبى الصدق؟؟؟
حمد:هيه........
سلامى:لالالالالا..ما أظن........مستحيل ترقد اليوم..
حمد:ليش؟؟؟؟
سلامى:بس..........
حمد يتة فكرة:سلامى وين غرفتها؟؟؟؟؟
سلامى بإستغراب:شووووووووووووو؟؟؟؟
حمد:هههههههه ويا راسج قصدي غرفتها هاي إلى فوق المطبخ؟؟؟
سلامى:هيه إشدراك؟؟؟؟
حمد:هههههههههه إحساس بس ...البلكونة مفجوجة .....بتبرد..
سلامى شهقت:هاي الهبلة شو ناويه على عمرها؟؟؟؟؟
حمد:سلامى بطلب طلب...
سلامى:هلا.........أطلب......حاظرين...
حمد :هي ما كلت شىء صح؟؟؟
سلامى:هيه..
حمد ظحك:سيري عند اليهال وهاتي كم من كافى...
سلامى:ههههههههه..بتعشيها كافى..
حمد:هههههههه....هذا المتوفر.........أحسن عن لاشىء صح ولا....؟؟؟
سلامى:صدقك والله...أوكية..
وسار حمد وقطع من الحديقة كم من وردة ....ورد المطبخ..
ولقى سلامى في المطبخ وياها الكافى.
سلامى وفاجة عيونها:شو تبى بالورد؟؟؟؟
حمد: هاتي شريطة .......
سلامى :أوكية....
ويابت سلامى الشريطة وربط حمد كل وردة ويا حبة كافي وخلا في كل وردة ورقة وكان كاتب فيها شىء.
حمد ويفر كل شوي الوردة وياها الكافى على بلكونة موزه.......وسلامى تظحك عليه...
سلامى:ههههههههه ...شو هاي الفكرة؟؟؟
حمد:الورد ما بيوصل لازم يكون فيه ثقل فقلت بخلى كافى..خخخخخخ حليلها عشان بعدين تاكله..
سلامى:هههههههههههه..وحليلج يا موزه.......حظج بعد تمطر عليج ورد وكافى.
حمد:يالله بسج بتبردين دخلى داخل.......ولا تنسين باجر..
سلامى:أوووووووووه صح متى تباهنا إنكون جاهزين؟؟؟
حمد:أممممممممم...الساعة 9 زين؟؟؟؟
سلامى:أوكية سير.....
حمد:يالله باااااااااااااااي........سي يو تومورو...
سلامى:تيك كير..
الساعة 9:02 فليل.
أما بالنسبة لموزه.......عااااااااااااايفة الدنيا كلهاااااااااااااااا..يالسة عدال البلكونة وتصيح....وكانت بس تفكر....وقطح حبل أفكارها هاي الشغلة إلى يتها فجأه......تفاجأه ورد!! ومربوطة بكافى!!!!!!!!ويوم شلت الوردة شافت ورقة..وبعد شوي ورد ثانية يتها..لين ما صارن كلهن 7 وردات ويا كافى وورقة في كل منهن...ويوم إنتبهت وركزت أنها ردت لعالمها..مسحت دموعها..عشان تتأكد أنها ما تحلم ..سمعت حمد يظحك وياه سلامة بس ما بغت تظهر لهم عشان ما يشوفونها..لمت الورد وشافت شو مكتوب في الورق..........أول وحدة.…# موزه مشكوووووورة على ترتيب الحفلة#.......وثانى وحدة.....# موزه الحفلة بلاج مب حلوة...#..وثالث وحدة.....# لا صيحين مصور كل شىء في كيمرا..#...ورابع وحدة......# ما بنسى هاي الخدمة طول حياتى...لأنها صدق فرحتنا وظحكت من الخاطر..ومن زمان ما ظحكت#........وخامس وحدة...# موزه ....قولى تم؟؟...قلتى..باجر منسير كلنا نتحوط في الحارة ومنشل أمايا شيخة...لو قلتى ما بسيرين والله ما بشبر..ولو قالو ليش بقول موزه ما تبي....#......سادس وحدة..........# موزه لا صيحين دموعج ما تهون علية..#....وسابع وحدة......# سيري ورقدي وتصبحين على ألف خير...ولا تنسين تغسلين أسنانج من الكافى......حمد...#......آخر وحدة ظحكتهااااااااا..آآآآآآآآآآآآه يا حمد فديتك..وفديت سوالفك..وحركاتك..آآآآآآآآه يا ربي والله ما يستاهل إلى ياية.....وصاحت وبعدين...ويلست فترة تصيح...خلاص عيونها تورمت من الصايح وغدن حمر وييها حااااااااار وراسها يعورها..سارت سيدة شبريتها ...ووطرت راسها لأنها ميتة من التعب ......ومن كثر التفكير من تركز بشى خلاص....آخر كلمة قالتها قبل لا ترقد......ياااااااااااااااارب تشافيه........ياااااااااارب..وبعدين من التعب ما حست بعمرها رقدة...
الساعة9:20 فليل...
خلاص وقت المغادرة اليهال......لعبو لين ماقالو بس.....وستانسو وقصو الكيك وحتفلو..وقبل لا إيون أهلهم ويشلونهم سارت سلامى ومى....عند الباب ويوزعون هداية صغيرة على كل ياهل مثل التذكار من عندهم...والأهالى وااااايد عيبتهم هاي الفكرة وعيبتهم بعد ترتيب الحفلة...وغدا البيت كشرة من الوصخ واللعب يعنى ياجر الصبح لين الظهر يالله يالله يخلصون تنظيفة...الله يعينكن يا ميري وجودي.....هههههه..لازم يهال..ولا وبعد سارة وشمة يقولن حق أمهاتن يبن باجر حفلة.ههههه الظاهر عيبتهن السالفة..
الساعة 9:52 فليل.......
كل المعازيم سارو.....وماحد بقى غير الأهل.......ويلسو شوية ويا شمة وسارة.. ويظحكون عليهن..ويلسو يسولفون وياهم...وبعدين عمهم منصور وحرمتة..وأمه والعيال كلهم سارو يرقدون...والبنات وياهم.....وبعدين سارو قوم سعيد وسار حمد....بيته عشان يتريا أمة وأبوه إيون من السفر.....وحمدان سار يا حمد لين بيته ويلس وياه شو وبعدين رد عنه البيت وقفل البيبان وسار يرقد..
الساعة 10:52فليل....
كل العائلة إستسلمت للنوووووووووووووم....عم الهدوء في الحارة الكل راقد...صوت الشير وهو يتحرك وتحركة المهب وضوء القمر يضىء المكان ...... سكر البلكونة وشاف الساعة ...تنهد..سار وشل الفوطة من الكبت وخذ شاور سريع...وظهر من الحمام ويلس في الكرسي ومسك كتاب ويلس يقراه ويترية أهلة يوصلون....بس حمد ماسك الكتاب وتفكيرة بعيييييييييييييييد عن الكتاب ...تفكيرة بالمصيبة إلى طاحت على راسة..فرد الكتاب فوق الطاولة سار مرة ثانية عند البلكونة ويلس يتأمل المكان...المكان كان ساحر..سحب الكرسي لين البلكون ومد ريولة....وشل دفتر وقلم وياه...ويلس يشوف القمر..ويحاكى القمر ويخبرة أساه وتعبة وضيقة حاله والقمر بالمثل يواسيه....ويحس بأساه وتعبة وصدرة الضايق... وعلى تحت ضوءه..والنسيم إلى يلاعب شعره..كتب حمد أبيات ..وسماهن ((ما أقسى الوداع((
إذا عدت ليالي العمر في غفله مع الأيام....يجي يوم الرحيل أسرع ويفرض معتم أوقاته..
نواجه واقع قاسي ونتصبر على الاسقام...ونتحدى الزمن لو قسى في كل غزواته....
رضينا بالذي نملك لقينا ملكنا ينسام...قضينا العمر بالمقسوم العمر بالمقسوم لو قلت مسراته...
عرفنا رزقنا يظهر على طول المدى قدام....ومهما يتعب الإنسان ما تكمل ملذاته..
وهذي دنيه الحاضر يراقبها الذي علام........كأن الكون يتحدث عن الواقع وبصماته...
نودع أعذب الأيام ونطويها مع الأحلام ...ترى الأحلام لو تذبل تجى للوقت بشاته....
ومهما يعتلى الإنسان في دنيا الحطام اوهام....تجى نفس الوفي أقوى من الواقع وضيقاته
ونفس تعتلي بالعز لها للملتقى ضرغام......عزيز المعدن الطيب تنير الكون لفياته....
وداع الله وعسى تكون أحلى أيام........عساه الفكر يجمعنا في أسعد محطاته.......
تحياتى وتقديري يسطرها حبر الأقلام.......بدهن العود مختومة لمن بالعز وقفاته......
حمد......الساعة11:30.....(ليله بيضا..(
وسكر الدفتر وقام وسكر البلكونة..بس النوم ما قارب عيونة...الفكر هالك..حمد أفكار إلى تشله وتوديه ما يعرف شو هاي الحاله تعوذ من بليس وسار وصلى ركعتين وقرا القران ويلس يدعى ودموعه على خده ويترجا الله على الصبر وقوه والشفا...ويلس تقريبا ساعة..... وبعدين توكل على الله ورقد......رقد حمد من التعب ومن تفكير وكل الخلق الله راقدة بس الله يصبرهم ويشفيه..وخلص أول يوم من الأسبوع...وبيبدا باجر اليوم الثانى ...الأيام تخطف وكلها من عمر بنى آدم..الله المستعان والمغفرة....اللله كريم ويرحم ويغفر للعبادة كلهم..
اليوم الأثنين 5/1/2004 ...الساعة 5 الفير..
فتحت عيونها وحست ببرودة تحت خدها...قامت وتهيست المخدة المخدة رطبة من الدموع أمس...آآآآآآآآآه قامت وعدلت يلستها...ويلست تتأمل الغرفة ....كيف حمد يكابر ويكابر ويخلى الأمر عادي ولا على باله ...ضمت ريولها لصدرها..وصاحت يحليلك يا حمد..والله أنك ما تستاهل هذا كله ..ليش ياربي؟؟؟ ليش؟؟؟...لفت عيونها على كبت الشبرية وشافت الساعة 5:20 أكيد أذن ..سارت وصلت الفير ويلست تتدعا لحمد وصيح....وقرت قران وتتدعا ...وبعدين سارت جان بيها رقاد..ونسدحت وبعدين يلست تفكر..لقت تفكيرها كلة لحمد..سكتت وحاولت توقف شوي تفكيرها.لالالالالا..لالاالالالالا مستحيل....أنااااااااا...أنااااااااااااا!!!!!!!!... معقوله حبيتة؟؟؟؟؟؟؟..لالالالا ما حبيتة بس عشان أنة مريض وأنا زعلانة عشان هو ولد عمى..وبس...تبعد أفكارها....بس هى تبى تخفى شعورها وتكااااااابر..بس الحقيقة هى تحبة وتموت فيه...بس تخااااااف من الحقيقة...قامن عشان تبعد هاي الفكرة وبلأحرى تبعدها عن فكرها وتحذفها من مخها لأنها ما تريد تحبة وتكابر ولا تبى شىء يقربها به..ومخلية بس تفكيرها على أسار ولد عمها مثل أخوها لا أكثر ولا أقل...بس موزه لين متى ؟؟..موزه كل شىء مكشوف؟؟؟؟..بس مشكلة إلى ما تعترف..بس لين متى ..إلا بيى يوم وبتعترفيبه....وسارت وتسبحت ...ولبست جلابية حمرا ولمت شعرها لورى ...وشعرها قصير فنزلن خصلات على ويها...ولبست شيلتها ونزلت..فكلعادة ماحد قام وإلا منو بقول الساعة خمس...هم بقومون وبصلون وبكملون رقادهم ما بنزلون أما موزة من أمس ما ياها رقاد وعافت الحجرة يعنى شو بسوي في الحجرية...بسير أشرب نسكافيه...وسارت المطبخ وشلت كوبها ويلست في الصاله المكشوفة والمطلة على الحديقة ويلست على الكرسي ومدة ريولها على الطاولة وتراقب شروق الشمس وتغريد العصافير.....وتقرا المجلة شوي وشوي تفكر....
الساعة6 الفير
حس بضيجة في صدرة قام وهو يكح...وربع الحمام بسرعة ويلس يكح في الحمام.. وطلع من الحمام وهو يمشى على ركبة ويزحف..لالالالالالالالالالا..مستحيل إلى شفته أكيد أحلم مارام يكمل زحفة ويلس ..مش ثمة بإيدة وشاف صدق فيها دم يعنى ما يتخيل..دمعن عيونة..وكح وسار بعد الحمام..حس صدرة يعورة ما يروم يكح ..تعبان وااايد..سار عند الكبت وشل غرشت ماي وشربها وبعدين سحب عمره وشل الدوا...وخذ دواه..وبعدين غسل ويهه بماي بااااارد عشان يخف عنة الكحة وتسبح بماي بارد...عشان يحس جسمة حار..ظهر من الحمام وتلبس وسار البلكونة ياخذ هوا منعش وبارد...ويلس في الكرسي..حس شوي تحسن بس بعدة يحس صدرة يعورة ...بسير أشرب شىء حار وأكيد بيتحسن..نزل تحت وتفاجأ..شاف شنط أبوه وأمة على المرر.. فرح وااااااااااايد ونسى كل إلى ياه وشافة..كان بس إلى يباه يشوفهم بس خاف أنه يغثهم ..أكيد يو من السفر متأخرين..بس فج باب الحجرة وشافهم من بعيد...إستانس وااااااايد أنهم موجودين..وياه..وبكونون عنده ولا يكونون بعيدين عنه..سكر الباب..ونزل الصاله وكانت مبندة ليتاتها سار وشغلهن..وشاف البشكارة تنضف في المطبخ..قالها إتيب له جاي وسويله أي شىء حار...ويلس في الصاله ويترياها بس ما قدر يلس في الصاله يحسها حارة ومعادة أنها مب حارة جوها حلو...ظهر برى في الحديقة ...حس بشوية راحه...لو أنه يكابر وهو تعبان بس عشان مايريد حد ينتبه له ولا عن يحشرونة ويخلونة يسير الدختر اليوم..يلس في الكرسي ويشوف الحديقة وكانت محلاتها وردها جنان.. شاف الساعة 6:45...إبتسم..وسار عن الورود ويالس يدور لين مالقاه...وشله وشغله..(فوز الماي)..ويلس يسقى الزراعة...يمضى وقت مل ماحد عندة..وبعدين يوم خلص من سقي الورود..بند الفوز...وسار وياب مقص...ويلس يقص الورود وقال للبشكارة إتيب مزهرية وخلاهن في المزهرية وخلاها فوق الطاولة وبعدين يلس ..ويطالع المزهرية ...ويلعب بتلفونة ولا خلا مسج ما طرشها ....أففففففف مليت متى هذا بيي وبييب الجريدة..شاف الساعة7 الصبح..أكيد الحين بيي..لف صوب القراجات ..وشاف سيارة ...لأنها سودة بسرعة تتوصخ...فقام وسار يغسلها...معاد أنها مغسله بس على قولتة السودة لازم تتغسل في اليوم مرتين ولا ثلاث..بس متعبل ما عندة شغلة شو من الشغلة عندة..ويالس يفرك بالصابون وماسك الفوز...ويظحك على عمرة...في حياتة ماغسل سيارة والحين يغسل سيارة ...لو حد شافه...بموت من الظحك عليه..شكله تقول هندي...
.....:
يالله بستر شو يالس تخدم؟؟؟؟؟
حمد نزل الفوز واليفة ومتشقق من الفرحة والإبتسامة شاقة ويهه: يا مرحباااااااااااااااااااااااااااااااا ...ملاييييييييين ولا يسدهم.......
أم حمد من شافتة متبادي صوبها وفاج إيدينه صاحت وسارت صوبه:يالللللللللله يعلنى ما أخلى منك.........ويحظنها وتصيح...ويحبها على راسها..
أم حمد:يالله يا ولدي أسمعنى مشتاقه لك..
حمد :فديييييتج أنا أكثر منج....عنبوه ما بغيتى إتين.
أم حمد:والله يا ولدي لو مش انت جان ما يت ..شباها بلاد الإنقليز؟؟
حمد سار ويا أمه ويلسو على الكراسي:أماااياااااا..تراها الدارة نورت الحين...وحتى شوفي الشمس ظهرت...ونورة من ظهرتى..
أم حمد:ههههههه..الله ينطب بليسك...(سألتة وهو خايفة ودموعة ينحدرن )..شو صحتك حمد...
حمد حس بأمه وأنها تحس بكل إلى يستويلة وبتعبة لأنة يروم يخدع الكل إلا أمه مستحيل يخدعها:أماااااااياااااااا بخير....وقام ورفع إيدة وأونة يراويها العضلات.....
أم حمد :ظحكت من حركتة...
حمد يكاااابر عشانها ماريد أنها تزعل ولا أنها تفكر ومن شكلها ينبان أنها مريضة وما ترقد : أمايا ما قلتى متى وصلتو؟؟؟
أم حمد:والله يا ولدي إلا من ساعتين...ولا ثلاث..
حمد فج عيونة:عيل ما رقتى؟؟؟
أم حمد:والله يا ولدي الرقاد ما يانى وأنا ما شفتك..أريد أشوفك وجحل عيونى بشوفتك بخير..
حمد :أمايا والله بخير وما فينى شىء...شوفي ويتقرب منها ويخلى عيونة جدام عيونها.. شوفي أمايا بخير...بخير...ويظحك
أم حمد:حمد..لا تقص علية ...سمعتك تكح من ساعة؟؟؟..والحين تقولى بخير؟؟؟
حمد وينتسم:أناااااااااااا بخير ولا فينى شىء...بس كحيت عادي كل الناس يكحون..
أم حمد خلاص هذا الولد بخبلبى مستحيل بقولى أنة شىء فيه..بس وين بسير عنى أنا بظهر كل إلى أريده منه:إنزين أجذب على وحدة غيري..
حمد ظحك لأنة مايروم يجذب أكثر خلاص لأنها بتفره بلمزهرية على راسة من الضيجة عليه:أمايا أقولج..الغالية...يعلنى ما أخلا من هذا الويه..أمايا شو إسوين جيه بويهج تقول بنت 14 خبرينى عشان أخبر الناس
أم حمد:لا أحسن بنت 12......أنا ما إييبنى دهان سيرك.
حمد:هههههههههه..لا والله مب دهان سير بس أقولج..أمايا ...ليش ما سيرين الحين ترقدين وبعدين ترانا مقرنين إنسير كلنا نتحوط..حتى أمايا شيخة..
أم حمد:والله....عمتية بسير وياكم؟؟؟؟
حمد:هيه..بسير ...أنا حشرتها..وعاد تعرفين ما ترفض لى طلب..
أم حمد :إنزين ما يخالف عندي إلا عاد متى بسيرون؟؟؟
حمد:أممممممممم..يمكن الساعة 10..يالله عزمي..
أم حمد:يصير خير.......إلا تعال ما قلت متى بسير الدختر؟؟؟
حمد:أمممممممم..بعد أسبوع الدكتور مواعدنى....
أم حمد صاحت:ولدي دخيلك خبرنى شو قالك الدكتور؟؟؟
حمد في مخة يدور جذبة عشان هو أصلا ما شافة ولا كلمة:أممممممم ..قالى الدكتور الفحوصات الأخير...إلى سويتهن..لازم أسوي عملية بعد أسبوع..ويالس يلعب بتلفون.
أم حمد:إنزين وشعنة يسويلك عملية يعطيك حبوب..
حمد:ههههههههه..أمايا عملية بسيطة عادي.....ليش مكبرة الموضوع؟؟
أم حمد:الله يهداك أي عملية بسيطة؟؟؟؟
حمد:أمايا صدقينى بخير ولا فينى شىء..والله..
أم حمد ..تشوف ولدها صح..هو بخير .مافيه شىء ..يعنى المرض إلى ينصاب فيه الناس يكونون تعبانين ..ولا ما يرومون يقومون من فراشهم ولا في المستشفى.بسم الله على ولدي..إستغربة من هذا الأمر....:حمد أنا مستغربة......
حمد:من شو؟؟
أم حمد: حمد أبوية أشوفك..ماء شاء الله عليك بخير .......
حمد: إنزين أمايا ترانى أقولج أنى أنا بخير....
أم حمد: حمد ..شوف لا يكون تجذب عليه...حمد شوف أنا أعرفك وأعرف ألاعيبك..أنت ما فيك هذا المرض..ولا الدكتور يجذب عليك.....
حمد إستغرب من أمه ويلس بالفعل يفكر ....صح كلامها...أنا ما أحس أنى مريض بالسرطان ولا أنى تعبان زود ...صح تعبان بس صدري وإلى أعرفة فينى إلتهاب وأهملتة .. بس مش أنة لدرجة سرطان: لا والله أمايا ما أجذب حتى سألى سعيد...هو بعد كلم الدكتور..
أم حمد ..تحس أنة ولدها بخير مستحيل هذا يستوى ..مستحيل...ولدي بخير ما فيه شىء..لو فيه بس مرض بسيط.........:حمد وين تلفونك؟؟؟
حمد خاف من أمة أنها بتقوله دق للدكتور ولا أنها هي بتكلمة وبعدين بخبرها عن نسبة نجاح العملية وبعدين كيف بتروم تستحمل الصدمة:أماااااااياااا..ليش ما صدقينى!!!!!!!!
أم حمد بعصبية:قم....قم...قم..قم سير هاتة لا الحين أسير أييبة..وأشوف أنا هذا الدكتور يا أنة مخرف يا أنة خبيل.شو مريض وزيغنا ..حمد أبوي أنت ما فيك شىء.....مافيك شىء..وهذا مخرف..ولا أقولك قوم ..ومنسير دختر ثانى...
حمد فكر صدقها أمى أنا ما أحس أن شىء فينى...وبعدين أنا ما كلمتة ...يمكن صدق الدكتور مخربط ..تفائل:أنزين الحين بسير..وسار حمد يتأكد وويثبت لأمة..وهي ماسكة على قلبها بتموت من الزيغة ..وأنها يمكن تظهر غلط وهو صح..بس الحلم إلى حلمتة يقول ولدها مافيه شىء ..وهو بخير وشكلة بخير..ويمكن مريض بس مش مريض بهذا المرض....وتوكلت على الله..ويالسة تطالع ولدها يوم يتكلم ..قلبها توقف مرة يهاد ومرة يحزن ومرة يتكلم بصوت عالى..خلاص أعصابها راحن..فوادها تحسة ينتفض من الزيغة وإيدينها....يااااااااااارب..تخليه الدختور مغلط..دخليلك يا رب تنجى الولدي الوحيد..دخيلك يا رب..وصيح..وتشوفة ياي صوبها وهو منزل راسة..ويه محمر وتقول مضارب ويا حد ..هى خلاص قلبها توقف من الزيغة..لالالالالالالالالالالالالالالالا..لالالالا لالالالالالالا...ولدي بخير..لا دخيلك يا رب...وياها.......
حمد دموعة نزل ومسك إيد أمه:...........أماياااااااااااا..و.........
أم حمد تحس أنه ما فيها قلب خلاص إيدها من كثر ما تنتفض ما تروم تسيطر عليها: قولى شو قالك؟؟؟؟
وقالها..من قالها يلست تصيح وصيح...وحمد يهديها ..أحلف أنه صدق وهذا إلا قالك؟؟.والله أمايا هذا إلى قالى........لا زدت في رمستة ولا قللت...وصاحت..وحمد يحاول يهديها...
شو تتوقعون قال الدكتور لحمد؟؟؟؟؟؟؟؟؟ شو بيستوى للقصة وأهل حمد يوم بعرفون بالخبر؟؟؟؟؟؟؟
وموزه لين متى بتكابر؟؟؟؟؟؟؟؟؟؟......وبسيرون يتحوطون ولا؟؟؟؟؟؟؟؟؟

ليست هناك تعليقات: