آه يادنيا عيال عم ولا يتعارفون - الجزء الثالث عشر

الساعة 7 الصبح ... الشمس مخطتنها الغيوم ...والهواء تلاعب أغصان الشير ... بدى اليوم... العصافير في الشير يغردن بصوتهن الحلو.. والجوى برى روعة...الناس قامو من رقادهم .إلى ساير الشغل ....وإلى يسوي رياضة.. وإلى في الحديقةوإلى يسقى زراعة وإلى يعدلها ويقصص الشير.. وإلى يالسين في الحديقة يتريقون... واليهال يتريون الباص عشان يروحون المدارس... بس في بيت أهل موزه غير ..العرب بعدهم رقود لأنهم كلهم كانو سهرانين لين الفير...وحليلها حتى يدتهم مسهرينها..بس السهره إفتقدت موزه وحمد..لأنهم كانو في حاله ما يحسدون عليها.. فما سارو وياهم عند بيت عمهم منصور لأنها كانت هناك السهر عند يدتهم ..فيوم سألت عندهم يدتهم..قالولها أنهم راقدين..
من حشرت العصافير إلى يالسات على دريشتها قامت موزه...لقت عمرها راقدة على الأرض.. قامت..وسارت ونسدحت على شبريتها..ورد شريط ذكرياتها بالى إستوالها أمس..ويلست تصيح..وصيح...وتتحسف ..وبعد شوي... قامت وعدلت يلستها....ليش ما يكون هو يالس يقص علية؟؟.ومن الصبح يلعب علية؟؟؟.والله يستوى ليش لا؟؟..وأنا ما أستبعد هالأمر..لا أنا لازم ما أصيح..ليش أصيح؟؟..شو بفيدنى الصايح؟؟..بس أنا لازم أراويه؟..وأخليه يعرف منو موزه بنت سالم...ولا منو هي بنت عمة؟؟..عشان ثانى مرة ما يلعب علية ..ويخلينى آخر من يعلم أنة ولد عمى..وحركة كانت بايخة؟؟..وبعد أنتة يا سعيد.. والطراق إلى عطانى إياه بردة بطراقين..وماعلية والأيام جدامنا يا حمد..وخصيصا الحين بتكون ويانا 24 ساعة..وبيوتنا جريبة من بعض...يعنى أقدر أشوفك لو مش في اليوم 4أو3مرات ..وليش ما تكون أمس إللى سواه حركة منه؟؟...هو يمكن ما فيه شىء.. بس يريد يلعب بأعصابى ...ويخبرنى بطريقة غير مباشرة أنة ولد عمى..وكان يلعب علية كل هاذيج المدة...بس يمكن هو صدق مريض.معقوله يكون يمثل!!.. لالالالالالالا. بليس ما يكسر وعايينة...والله عاد أنا الحين براويك..وبتشوف؟؟؟؟؟.. خلاص أنا لازم ما أصيح..لازم أواجه الأمر..وأعرف شو تحت راسة؟؟؟؟.....خلاص ما أريد أفكر فيه.... مسحت دموعها ..وسارت الحمام عشان تاخذ شاور...وبعدين سارت وصلت الصبح.. ولبست تنورة بيج وقميص أسود سبورت..عشان تبى شىء بسيط لأنها اليوم عندهم حفلة..وبعدين بتتكشخ..وترتيب الحفلة بكون عليها وعلى سلامى..ورفعة شعرها بشباصه ..وظهرت من الحجرة..وكل عادة الأهل بعدهم راقدين وهى أول وحدة تقوم... سارت سيدة حجره أمها..
موزه وتحب راس أمها: صباح الخير ..أمايا..
أم موزه تقوم وهى زايغة:هاه موزوه شىء فيج؟؟شىء يعورج؟؟؟
موزه:هههههه لا أمايا ما فينى شىء....
أم موزه: عيل شبلاج؟؟
موزه: أمايا بسير أنا وأم وديع السوق إلى عدالنا عشان نشتري أغراض للحفلة..
أم موزه:لا يا بنتى ما أروم أخليج بروحج تروحين...وماحد وياج..
موزه :أمايا وين بروحي؟؟تراها أم وديع بتروح وياي وميري بعد...وبعدين إلا فرت حصاه مش من بعدة ولا منتأخر...
أم موزه:لا بوج ما أروم على صدع أخوج...
موزه:أمايا حرام والله ما بتأخر..ومش بروحي..
أم موزه :بس ما تبطين..
موزه وهي فرحانة:أوكية ما بتأخر..
أم موزه:الله يحفظج..
طلعت موزه من حجرة أمها وسارت المطبخ..لقت أم وديع يالسة تسوي الريوق...
موزه:صباح الخير أم وديع..
أم وديع:صباج النور...
موزه: شحالج أم وديع؟؟
أم وديع:بخير..أنتى كيفك؟؟
موزه متحمسة:بخير ..الحمد لله..أم وديع أباج تسيرين وياي السوق عشان الحفلة ..
أم وديع:حاضر حبيبتى بروح معاكى..
موزه:عيل الحين أبا أروح..
أم وديع: أوكية بطفى إلى على النار وجايه..
موزه: خلاص أنا بروح ألبس عباتى وبييج..
أم وديع: أوكيه..
سارت موزه بسرعة تلبس عباتها وشيلتها وشلت شنطتها..ونزلت تحت ولقت ميري..
موزه: ميري يالله منروح...
ميري :وين ؟؟
موزه: السوق...
ميري: أوكية..
وسارن موزه وأم وديع وميري...
أما في يران قوم موزه.. حالتة مثل حالتة بيت قوم موزه هادي محد قايم من رقادة..كان سعيد راقد ويا حمد في نفس الحجرة ما قدر يودر حمد بهاي الحالة بروحة ..فرقد وياه .. حمد فوق الشبرية وسعيد فرشله فراش ورقد تحت..عشان خايف على حمد يرقد بروحة لو كان شىء يبى... سعيد سمع صوت في الحمام...قام زايغ لف صوب الشبرية ما لقى حمد..سار يربع صوب الحمام...يدق الباب..
سعيد:حمد...حمد...حمد شبلاك؟؟
حمد:...............
سعيد خلاص زايغ شى فيه:حمد.....حمد...
حمد يفتح الباب الحمام وفرشات الأسنان في ثمة ويظحك على سعيد ويالس يغنى: (دقايق وقفتى يمك دقايق..تساوي العمر مع ماضى سنينى...حقايق أكتشفت أجمل حقايق...شعورك وقلبك الطيب يبينى)..
سعيد:حمد..أنت صاحى..ويشل إيدة ويخليها على يبهت حمد....لا أبوك ما فيك حمى.. حمد شو بلاك؟؟؟
حمد دخل الحمام:هههههههههه ما فينى شىء يعنى حرام حد يغنى الصبح.. ومتانس؟؟
سعيد:بس إلى يشوفك أمس ما يقول أنت هذ اليوم؟؟؟
حمد ويعدل المزهرية: عادي ما دام بتيلس وياي تعود..أقول سعيد..سوري إنكسرت المزهرية...ههههههه ماشفتها..
سعيد ويطالعة بإستغراب:حمد....أنت بخير؟؟
حمد سار عند الكبت :سعيد هيه والله بخير..الحمد لله مافينى شى...سعيد...شو ألبس؟؟؟هذا ولا هذا؟؟؟
سعيد متعيب منة:حمد..بقولك شىء..
حمد يتهرب لأن حمد يدري أنةسعيد بيسأله عن أمس:سعيد شو رايك..ألبس أسود وبيج...تراه الموضه هاي السنة سبورت..
سعيد يمسك إيد حمد:تعال لاتشرد..أبا أكلمك..
حمد:أنا أشرد؟؟؟بس دقيقة بتلبس ..وبييك..
سعيد:أوكية بس بسرعة..
حمد شل المشط وعطر ونظارة الشمسة: فالك طيب..
وبعدين تلبس ولا شافت العين..ظهر برى..
أدري أنة ما يريد يقولى بس الحين تعبان وبرد وبعدين بتفاهم وياه..وسار وكمل رقادة...
أما حمد نزل تحت...ماشاء الله العرب بعدهم رقود؟؟..الحمد لله إفتكيت من حشرت سعيد..وسار الصالة يدور على الجريدة.. وشل الجريدة..وسار المطبخ..وقال حق البشكارة أنة إيتيبلة الريوق برى في الحديقة..وسار الحديقة ويلس يقرى الجريدة.. أوه أمايا ما دقيت لها تيلفون..أكيد الحين بتم تحاتي..والوالد بعد..شو هالحالة؟؟.. سار فوق الحجرة بشوي شوي عشان سعيد ما يقوم..دور التيلفون ما لقاه..لقى التيلفون الثانى..مش مال أمس فشلة..الله ينطبة وين سار تيلفون الأولى؟؟.. يمكن في السيارة نسيتة.... ظهر من الغرف بسرعة..نزل الصاله..وسار عند السيارة وما خلا مكان ما دورة ولا لقاه..أففففففففف وبعدين وين سار؟؟؟؟...ظهر من السيارة وخلا إيدينه على خصرة ..

الحين وين زال؟؟..ويلس يفكر؟؟..أنا أمس وين سرت؟؟..ولا وشوي ثلاث حريم خاطفات جدام البيت..يسولفن ويظحكن...وكل وحدة شالة أكياس في إيدينهن.. وحدة ماسكة مجموعة نفافيخ إلى يطيرن بإيدها.. حمد يلس يطالعهن بإستخلاب هذيلة وين يبن؟؟..أوه صح اليوم الحفلة... وكانت الماسكة موزه النفافيخ ويالسة تسولف وتظحك..ربع إيدينه وساند على السيارة...الله يا الدنيا جان هاذيج البنت هيه بنت عمى؟؟.. بس ماعلية ياموزه؟؟عثرج بنت عمى ولا دريتبج؟؟

ماعلية؟؟وأونج مخلية عمرج ما تعرفينى؟؟براويج منو حمد بن على.. ماخليتج تندمين على هاي الحركة؟؟بس والله دواج يوم عطيتج كف..والله إلا أراويج.. وما خليتج تصيحين؟؟.. اوه صح أمس كنت عندهم..أكيد التيلفون طاح عندهم..يوم كنت في المطبخ..صح عاد أونها يوم شافتنى تأثرت..مالت عليها...أمحق تأثر؟؟.. حتى ماي ما ناولتنى إياه..شاف الساعة...الحين الساعة 8..بسير عندها وبشوف شو بسوي يوم تشوفنى جدامها...ههههههه ...يالله غايته..
موزه:الحمد لله ما تأخرنا...
أم وديع:الحمد لله .. لأن ست نايمة...يعنى ما تأخرنا..
موزه:أنا بسير الحين أرتب الزينة وأكتب البطايق..
أم وديع: رح أعمل الحلويات..
موزه: الله يعينج..
أم وديع:ههههههه..أنا بحب أعمل الحلويات..
موزه ودور البطايق:أقول أم وديع يوم بخلص كتابت البطايق..أباج توزعينهن..أوكية..
أم وديع:من عيونى..
موزه:تسلم عيونج..مشكورة..وسارت أم وديع ويا ميري المطبخ..عشان يالله يكفيهن الوقت...وبعد شوي...............
دق الباب...ماحد فتح..دق الباب مرة ثانية...
موزه ويالسة على الأرض تكتب البطايق حق إلى بتعزمهم من اليران..ماحد فتح الباب..يعنى أنا لازم أفتح الباب...أفففففففف منو الحين ياي عندنا الساعة 8 الناس رقود..وتنش وسير تفتح الباب..شافت حمد يالس يلعب بريولة يتريا حد يفتح الباب...من يوم شافت قلبها دق بقو يلست تتنافض من الروعة أول مرة تشوفة فيس تو فيس.. تذكرت شو سوابها... عدلة شيلتها...وهي مخلية عمرها مفوله من الغيظ هذا شو يايبنة الحين؟؟الله ينطبة؟؟؟وينطب الساعة إلى شفتها فيه...
حمد رفع نظارتة الشمسية وخلاها فوق راسة:عنبوه سنة لين ما تفتحون الباب..
موزه:نعم خييييييييييييييييييييييير شو تبى؟؟؟ما شفت الساعة قبل لا إتى؟؟
حمد وربع إيده:كيفى بيت عمى وأيي متى ما أريد....شو يخصج؟؟؟
موزه: وما تعرف أن عمك مش موجود؟؟
حمد:أعرف بس أريد عيال عمى....شخصج أنتى رازة بالوية؟؟
موزه وربعت إيدها وطالعة من فوق لتحت:أنا رازة بالوية ولا أنت؟؟
حمد:يا بوية فكينى من صدعتج تراج لوعتى بجبدي..
موزه :تعرف أنك............
حمد: أنى شو؟؟؟؟؟
موزه وطالعة معصبة: سلامتك..
حمد: ههههههههه تحسبت شىء بعد؟؟
موزه: أوكية ما حد الحين في البيت كلهم رقود..
حمد يبى يطفربها: أوكية بترياهم..
موزه: أوكية سير بيتكم ...ويوم بقومون بقولهم يدقولك تيلفون..
حمد:ماريد...أريد أترياهم.
موزه خلاص فولت منة:أففففففففف تراك طفرتنى شبلاك..
حمد:ههههههههههه ..سلامتج...أنا من بونى ما ياي لج أريد تيلفونى..
موزه: أي تيلفون؟؟؟ما عندنا تيلفونات لك..
حمد ويحك راسة: أنا أمس نسيت تيلفونى عندكم..وعلى ما أظن في المطبخ..
موزه وتفكر:أوكية ..برايك جان قلت جيه من الصبح ..يالس تطفرنى..
ودخل حمد البيت..
موزه بصوت واطى:صدق والله بليس ما يكسر وعايينة..عنبوه إحصان إلى يشوفة أمس ما يقول هو هذا..
حمد:سوري شىء قلتى..
موزه: لا ماشىء..
سار حمد المطبخ....ويلست موزه تكمل البطايق...الله ينطبة والله طفربي.. أفففففف يحركاتة...غلسة مثله...الله يعين منة.. أكرهه.. أأأأأأأأأأأأأأأأأأأأأأأأأأأأأأكرهه.. حماااااار.. تيييييييييييييس..عنلاته...خااااااااااااااام..أنا مفوله وهو ببرودة يكلمنى.. وتسمع في المطبخ حمد وأم وديع يسولفون ويظحكون..وهى ميتة من الغيظ تبى تسمع شو يقولون وليش يظحكون؟؟..وتريد تيلس وياهم؟؟ حمد من زمان ما شاف أم وديع وهي وايد كانت تحب حمد لأنة يوم إيي الريف هيه إلى تطبخلة وهى عيوز يعنى من كان صغير هى وياهم..وهو بعد قاصد هاي الحركة عشان يغايض موزه...حمد وموزه كل واحد غرضة يغايض الثانى بس وين بوصلون ويا هذا الغياض؟؟ وبعد ربع ساعة..ظهر حمد من المطبخ.. وهو يظحك ويا أم وديع..ويالسة أم وديع تقنعة أنة ييلس وياهم..ويتريق..بس هو ما طاع..وكانو في الصالة...وموزه تطالعهم وهي مستغربة؟؟شو تباه إيلس خليه يزول نفتك من حشرتة..
أم وديع: حمد ما بدك فطور ألنا ما عليه.. بس شو رايك بسويلك نسكافيه ؟؟
حمد ويطالع موزه وموزه صدت عنة وأونها ما عاطتنة ويه يبى يغايظها:أوكية..
أم وديع :دئايق وبكون عندك..
حمد:مشكورة..ترانى تعبتج..
أم وديع:تعبك راحة..
يوم سارت أم وديع....المطبخ..
حمد: ناس عندهم ذوق ويطالع موزه...موزه أونها ما تسمعة..
كان حمد يالس في نفس الصالة إلى يالسة فيها موزه..بس حمد في الكراسي.. وجدامة موزه يالسة على الأرض عدال المدفأه وتكتب البطايق...
حمد:أحم ..أحم...أقول بنت عمى الجو مب جنه حار؟؟
موزه ولا عاطتنة ويه:................
حمد:أقول بنت عمى....في أي صف أنتى؟؟
موزه فولت أي صف شو يستهبل هذا ولا عاطتنة ويه ويالسة تكتب:..................
حمد شل الجريدة وأونة يطالعها:إنزين ما بتقولين أي صف؟؟أوكية كم عمرج؟؟؟
موزه :........................
حمد: أممممممممممم ...شكلج صف الثالث الإعدادي...لا شو ثالث الإعدادي كبيرة..يمكن ثانى ثانوي...
موزه ماسكة أعصابها:.....................
حمد اليوم إلى بخليها تتكلم: اليوم فديتها سلامى..تبانى أشلها السوق وأحوطها..(من سمعت موزه كلامة حست بالغيرة..وبعدين أنا شو يخصنى فيه الله ينطبة)..وهو يشوف حركاتها..بس عاد ما أعرف وين أوديها وايد أماكن..وبعد أريد إسير ويانا أمايا شيخة..لو طاعت وبعد الشباب بسيرون ويانا وعمى..أووووه أنتى تبين إسيرين ولا لا؟؟
موزه وهى وشوية من الغيظ بصيح:الله الغنى..
حمد مستانس أخيرا تكلمت :ليش؟؟؟والله أنتى الخسرانة..
حمد قال هذا الكلام يشوفها شو بكون ردت فعها..وهى الذكية ما نتبهت أن اليوم حفلة يعنى كيف بروحون واليوم حفلة؟؟...ولا بعد يالسة تكتب البطايق لهدرجة من الغيظ ما نتبهت؟؟
موزه الحين هو شو يبى منى؟؟: لا ما أريد أسير وياكم..ما دام أنتا بسير أنا ما ريد أسير..
حمد: والله ..أحسن ..أنا كنت خايف أنج بسيرين..بس الحين الحمد لله منستانس ما دام ما بسيرين..
موزه:جب..
حمد وأونة معصب:شووووووووووو؟؟ما سمعت عيدي إلى قلتيه؟؟
موزه وعدلت يالستها وكلمتة فيس تو فيس:قلت جب...سمعت..
حمد ما عاطتنها إهتمام: أفففففففف اليلسه في هذا البيت ممله خصيصا ويا ناس.. أففففففف أعوذ بالله..
موزه ووقفت وخلت إيدها في خصرها:وبعدييييييييييييييييييييييييييييين؟؟؟؟؟؟
حمد أونة ما يشوفها:أم وديع.. وينج؟؟ ترانى يالس ملان..حرام عليج تخلينى ويا يهال..
موزه شلت البطايق وسارت شوي بعيد عنة..
حمد بصوت عالى:والله الفكة....الحين فتكيت من الحشرة..
موزه..الله ينطبة هذا ليش جيه؟؟؟والله حمار.. أففففففففففف حشة غلس....
حمد مستانس أنة طفربها...يت أم وديع عند حمد..
أم وديع:آسفة تأخرت..
حمد:لا والله عادي..بلعكس يلسو عندي ناس وظهرنا لهم قرون..
أم وديع وهى مستغربة:شو بتقول لك أبنى؟؟
حمد:هاه ماشىء...سلامتج..
أم وديع:لالالالالالالالا..
حمد: إشبلاج؟؟
أم وديع:نسيت القاتو؟؟
سمعتها موزه....فيت عندهم..
موزه: صدق والله نسينا نطلب ..
أم وديع:موزه لك تأبرينى سيري أنتى وميري وجودي..وأوليلهم يعملوها..
موزه:لا ما أقدر أمايا بتنازعنى عشان ما حد بسير وياي والبشاكير ما بتخليهم..إسيرون وياي.
حمد بخبث:أنا بسير وياج..
موزه:لا........ قبل لا تكمل قطعتها أم وديع...:لك تأبرنى...مشكور كتير..
موزه:بس..
أم ويع:موزه مافي وقت..
موزه:أوكية سير أنت ويا أم وديع..
أم وديع:لا أنا ما عندي وقت الوقت ما بكفى لازم أخلص الحلويات..وحمد شو بعرفو بالقاتو؟؟
حمد وهو متشقق من الفرح:هيه والله أنا شدرانى بالى تبونة؟؟
موزه وهى ما تبى سير وياه :أوكية..بس قولى حق أمايا.يوم بتقوم.
أم وديع:أمك ما بتقول شى عشان ولد عمك معاكى..
موزه بصوت واطى:أمحق ولد عم..الله يعينى منة..
حمد :يالله بسرعة سيري..
موزه تطالعة معصبة:أوكية لا تاكلنى..
يلس حمد يترايها تحت في الصالة ..هي سارت إتيب عبارتها..فيوم نزلت من الدري.. شافها حمد.. يالله ماشاء الله كيف محلاتها..وكان مبتسم..وهو يطالعها..من شافتة يطالعها نزلت عيونها وحمرن خدودها....حمد فهم حركتها..
حمد ويطالع الساعة:سنة لين ما تتلبسين؟؟
موزه وطالع فوق:أففففففففف..منك..
حمد قام:يالله بسرعة..أنا مش فاضى بس لج عندي أشغال..
موزه:إنزين ماحد ظربك على إيدك وقالك سير وياي..
حمد ويلبس نظارة الشمسة: شو أسوي عن خاطر أم وديع..وإلا لو إنتى ما سرت وياج.. وع وع حد إيسير وياج؟؟؟
موزه كانت ساكتة لأنها صدق حمد كلامة وايد جرحها:..........
حمد: مشى ..مشى..
موزه تطالعة...:حمد صبر...صبر..دقيقة...
حمد ويلف روى:خير شبلاج؟؟
موزه:ليش؟؟منسير نمشى؟؟؟؟
حمد وحطى إيده على خصرة:لا منسير بطيارة.. (يبى يغايظها هو فهم قصدها بس يبى يطفربها ويباها إسير وياه مشس.. مش في سيارة)..الجو حلو...وبعدين السوق مش بعيد...وسيارتى خربانة..
موزه وشكلها والله ترحمونة: حمد حرام تونى ياية مناك ما روم أمشى مرة ثانية..
حمد وهو يمشى: ماشىء يالله سوي رياضة..ويطالع ورى.. هههه حمدي ربج بسويلج رجيم..ببلاش..
موزه خلاص عرفت أنة يبى بس يغايظها:على راحتك..
حمد ما علية ما طفرتبج:يالله بسرعة ليش وايد متأخرة؟؟
موزه وتمشى بسرعة:سوري..
حمد:يالله أباج تكونين رياضية..مثلى..
حمد وموزه يمشون في نفس المستوى....بس دام السكوت بينهم....

الحين أنا شو سويتله عشان جيه يعاملنى؟؟لازم أنا إلى أزعل مش هو...وبعدين هو إلى كان يلعب علية ولا قالى أنة ولد عمى..يعنى أنا كلت المقلب...والله أحس أنى أمشى وريولى ما يشلنى وااااااايد تعبانة..بس والله بتشوف..ما رديتها لك...إلتفتت شوي شوي لليسار عشان ما يلاحظها..هو كان يالس يقرا مسجاته..بس كيف ياب التيلفون؟؟مش هو قال أنة ضايع ويدورة؟؟الله ينطبة كيف يعرف يدور له أعذار وجذبة متناسق...لفت مرة ثانية..الله محلاتة ..صدقها سلامى يوم تقول ملك جمال...محلاتة..ومحلاتة بنظارات.. وحتى شعرة حلو مخلنة شو طويل..وحيتة مخففنها..وأحلى شىء فيه يوم يظحك فيه غمازة وحدة بس وايد تنبان يوم يظحك..ولون عيونة عسلى فاتح..وأحلى شىء فيهن أنهن ناعسات..الله يغربلك محلاتك..لو مش المستحى بيلس اليوم بس أطالعك...الله ينطبة لابس مثلى أسود وبيج..صدقها سلامى يوم تقول مثل عارض أزياء في أناقتة.. ويلست تتذكر وصف سلامى يوم كانت توصف حمد.الله ينطبج يا سلامى كيف صدق ما خليتى شىء ما قلتلى إياه..ما شاء الله عليها..كيف تعرف توصف الواحد..وكل إلى وصفة صح.....وتبتسم على وصف سلامى..شافها حمد تبتسم...
حمد وهو يطالع تيلفونة: شبلاج تظحكين؟؟؟
موزه :أنا ما ظحكت أبتسم..
حمد: أوكية..ليش؟؟؟شىء في يظحك ولا إنتبهتله..
موزه وتلف ليسارها: عيل أنت من الصبح تظحك وتتبسم ولا سألتك..
حمد بخبث: أوكية أنا عندي شىء عشان أظحكلة..إنتى ليش تظحكين؟؟و إلا من الهوا تظحكين..
موزه:أففففففف أنا من الهوا أظحك.... وأنت ليش حظرتك تظحك..
حمد ويطالعها بخبث:ناس غالين عيونهم سود مطرشيلى مسجات ..
موزه ربعت إيدينها:الله يخليكم..
حمد نقع من الظحك: شوووووووو قلتى؟؟؟
موزه :قلت الله يخليكم ليش؟؟شىء فيها؟؟
حمد:هههههه لا يسير تفكيرج بعيد..
موزه بكبرياء:وأنا شو يخصنى...إنزين أنا ما ممتحنة منك..
حمد:أهااااااااااا
سكتو.... خطفو على بيت الورد مالة وايد حلو..
حمد سار صوب البيت:صبري شوي..
موزه مستغربة:هذا وين يبى؟؟
حمد سار وقطع وردة حمرا....وعطاها موزه..
موزه بسم الله هذا شو عنده:ليش؟؟
حمد:حمدي ربج عاطنج وردة...ناس يتمنون أعطيهم ويه..مش وردة
موزه :إنزين أنا ما قلت أريد ورد..مشكور...
حمد:إنزين خذيها إنتى..
موزه وشلت الوردة:مشكور..
حمد وهو مبتسم:تعرفين ليش عطيتج الوردة؟؟؟
موزه يمكن عشان الكلام إلى قالة:ليش؟؟
حمد:لأنه هذا البيت بيت عيوز وما تحب حد ينتف وردها..ومن كثر ما تحب وردها لو حد نتف ورودها حاكمتة..ودخلة السجن.
موزه من سمعت حمد يقول جيه فرت الوردة وشردت:لالالالالا ..أنا ما يخصنى.. حمااااااااااااااااااار...آآآآآآآآآآآآآآآآآي أريد أمايا..
حمد من كثر ما ظحك على ردة فعل موزه يلس على الرصوف يظحك عليها...
موزه:حماااااااااااااااااااااااار..أكرهككككككك..عنل اتك...ما ريد أسير وياك أريد أمايا..
حمد قام وسار صوبها: يا بنت الحلال كنت أجذب عليج.. شبلاج...
موزه وخلاص دموعها بنزلن: لا ما ريد أنا ما أصدقك...روح بروحك ما بروح وياك..
حمد:يا بنت الحلال والله أجذب عليج..خلاص السموووووووووووووووحة..
موزه:لا خلاص ما ريد أسير وياك..مااااااااااااااااااااااااااااااااااريييييييي ييييييد
حمد ومشى عنها :سمعى هاي الحارة فيها مجرم وذيج المرة إستوت جريمة...
موزه:جذاااااااااااااااااااااااااااااااب..
حمد:أوكية...برايج تبين إتين تعالى ما تبين برايج..على هواج..ترا المجرمين يحبون الحلوات..
إنصدم من قال هاي الكلمة كيف قالها..ويته الجرأه..
موزه هيه أصلا كانت مضايجة من كلام حمد وبعد حركتة البايخة..فيلست على الرصيف وتصيح..
حمد وقف ولف ورى..وشافها تصيح..
حمد حرام أنا صدق وايد زوتها....سار عندها..ووقف جدامها..
حمد:موزه السمووووووووووووووووحة...
موزه :..................
حمد يلس على ركبه ورفع نظارتة: موزه سوري ما كان قصدي أصيحج...والله..
موزه عصبت منة ومسحت دموعها: ما حد يريد أسفك..وبعدين أنا ما صيح عليك.....يالله نروح بسرعة..أريد أرد البيت بسرعة..ما ريد أشوف شكلك بعد هاي المرة..
قامت ومشت..مسكها حمد من إيدها...
حمد :صبري...وين تبين؟؟
موزه وطالع إيده إلى ماسكه إيدها:شل إيدك...لين الحين ترانى حاشمتنك...
حمد شل إيدة:صبري منتفاهم..
موزه:أنا ما ريد........ غصب؟؟
حمد عصب منها:أوكية على راحتج..يالله نروح بسرعة..
سار حمد وياها...ولا واحد يكلم الثانى..حمد متلوم من إلى سواه..وموزه مضيجة من حمد وحركاتة البايخه..بس حمد ما كان يتوقع أنها بصيح..بس كان يغايض...ما قصده شىء ثانى...وموزه زعلت عشان صدمة أمس وكلامة لها..
في بيت عمهم منصور..
قامت أم سالم...ونزلت تحت....لقت مى يالسة في الصالة....سارت عندها..
مى من شافت يدتها ياية صوبها قامت وحبتها على راسها:صباح الخير أمايا..شحالج؟؟
أم سالم:بخير يعلج الخير...
مى:أمايا اليوم ما نشيتى من وقت؟؟
أم سالم:يالله يالله صليت الفير ورقدت أهلج ما خلونى أمس أرقد من وقت حشرورنى حتى ما قمت من وقت..
مى:أمايا شو تبين ريوق؟؟
أم سالم:بشكارتى هيه إلى إسويلى ريوق..ريوقكم ما ريدة..
مى:ههههههه ..ليش أمايا؟؟
أم سالم:أنا ما أعرف غير ريوقي...أما ريوق الإنقليز ما ريدة..
مى:إنزين يالله أمايا إنسير نتريق..
أم سالم:أوووووه وتبينى أسير أكل على طاولة.. بتبطين لين ما تشوفينى أكل على طاولة.
مى :عيل أمايا وين تبين تيلسين؟؟؟؟
أم سالم:قولى حق البشكارة تفرشلى برى..بتقهوي برى...
مى:إن شاء الله..
سارت مى تقول حق البشاكارة يفرشن برى...وسارت ويا يدتها برى..
أم سالم:هنيه ..فرشى تحت هاي الشيرة...يحافظ على شيرتهم غاوية...
مى:ههههه أمايا كل شى في لندن غاوي..
أم سالم:مين ياها الغوى؟؟
يلست أم سالم...وسارت مى إتيب ويا البشاكير القهوى والريوق...وإلا وشوية حادر عليهم سعيد..
أم سالم:يا مرحباااااااااااااا...يامرحبااااااااا بوليدي..
سار سعيد وحبها على راسها.
سعيد:شحالج أمايا؟؟شخبارج؟؟
أم سالم:بخير وسهالة بشوفتكم يا الغالين...قرب..
سعيد:جريب..قلت بسير أشوف أمايا شصبحت..ويلس ويا يدتة..
أم سالم:يعنى ما خلا منك...عيل وينة هذاك الثانى؟؟؟مسود ويه حتى سلام ما سلم..جنة إلا يبى الفكة منى؟؟
سعيد:ههههههههه..والله أمايا ما أدري وين سار من غبشة ناشر مدري وين يبى؟؟
أم سالم:يالله بستر وين يبى؟؟؟
سعيد:شدرانى به؟؟؟ يمكن عندة شغل؟؟؟
أم سالم:عنبوه ما أيي ويسلم علية؟لا حق على الشغل؟
سعيد يبى يغير الموضوع: ياحافظ عليج يا أمايا أسميج نقينى مكان فنان..
أم سالم:ووووووه عيل شو تبانى أكل في كراسي..يالله بستر..هاي هب سنتنا...
سعيد:أشكر فنج ...
أم سالم: بطت مى ما يت..
سعيد من سمع طاري مى ..تشقق من الفرح..إلى ياي مشانة الحين بشوفة ..يتحرقص من الصبح يبى يشوفها...والحين بتى عندة....يا ويل حالى...عليها..وعلى طاريها..
خطفت جدام بيتهم إنقليزية عيوز ويا ريلها..ويلسو إيشوفون أم سالم وسعيد..وبعد شوي..تقربو منهم..
أم سالم:أووووووووه هذيلة شو يبون؟
سعيد:ههههههه أمايا مستغربين ؟؟
أم سالم:يالله بستر من شو مستغربين؟؟
سعيد:منج ومنى..
أم سالم:واااابووووويااااااااا وبعد شوفينا؟؟
سعيد:أمايا تراج لابسة كندورة وبرقع وبعد متحنية..وأنا لابس كندورة وغترة..هم ما متعودين على هذا اللبس..
أم سالم:عيل شو يبونا نلبس شراتهم؟؟
سعيد:حليلهم أول مرة يشوفون هالشىء..
أم سالم:يا لله بستر..جيه شو شايفين ين؟؟
سعيد:هههههههه أمايا...هم عاد جيه؟؟
قالت الإنقليزية هى وريلها كانو واقفين قرب يدار بيتهم:هاااااااااااااااااااي..
سعيد:هاااااااااااااي ..قود مورنق..
ردت الإنقليزية:قود مورنق..
سعيد:هاو دو يو دو؟
الإنقليزية:فان ثانك يو...أوكية باااااااي
سعيد:بااااااااي
أم سالم:ولدي جان بتيلس ترطن وياها أنا بدخل داخل..
سعيد:هههههههه سارو..حليلهم..
أم سالم:حلهم حلول.
سعيد:ليش أمايا؟؟
أم سالم:ليش ما تعرف ؟؟يقولك..يالس الجلب ولا تيالس قاطع الصلاه..
سعيد:الله يهديج..
أم سالم:يالله بستر جيه شو فينى...قول الله يهديهم..
حدرت عليهم مى وهى يايبة القهوة ..ومن شافت سعيد قلبها طاح..الله شو هذا الصبح.. محلاتة ومحلاة إلى يالس في بيتنا..آآآآآآآآآآآآآآآآآآه فديته...وفديت شكلة..يحافظ علية.. بيجتلنى لابس كندورة وغترة...الللللللللللللللللللله محلاتها علية أحلا من البدلات..وفديت هاي الظحكة...بموووووووووووووووت علية...
مى:السلام عليكم...
سعيد يا محلا هاي الشوفة..يحافظ عليها لابسه كندورة عربية.:وعليكم السلام..شحالج مى؟؟
مى بصوت واطى:بخير يعلك الخير..
ووراها البشاكاره..يايبة الريوق..وشلت الريوق من عندها وقربته..
مى:الحين برخصتكم..
أم سالم:يالله....وين بسيرين؟؟
مى:بسير داخل..
أم سالم: يالله بستر..لا تستحين هذا إلا ولد عمج...مب غريب..
سعيد وميت من الفرح:يلسى وين تبين؟؟؟الحين بروح أنا..
أم سالم:ولا بزر...وين تبى ..تريق ويانا..
سعيد ويطالع مى:فالج طيب..
مى يالسة عدال يدتها .والطرف الثانى سعيد....وهى مستحية من سعيد ونظراته.. يلست تغرف وتقربه..وكل حركة إسويها..تحس بسعيد يطالعها..بعدين يلست تلعب بصبوعا..
أم سالم وهي تتقهوي:شعنة ما تهبشين؟؟
مى:أمايا ترانى كلت..
أم سالم:شو أكله هذا..كلتى حلاتها البنت مازرة مب يابسة..
مى أستحت من رمست يدتها...فكلت شوية..وسعيد يظحك عليها..
أم سالم:إلا ولدي ما قتلى رد الدختر عليكم؟؟
سعيد:لا امايا ما رد علينا...بعدهم..
أم سالم:حشة ذبحونى..متى بردون..
سعيد:إن شاء الله جريب..
ونسدح وخلا راسةعلى ريول يدتة.. ويطالع مى ..ويسولف ويا يدته ويظحك وياها ويطالعها.. ويدته يالسة وتمسح على راسة.. ومى تشوف سعيد يوم يظحك ويا يدته ويسولف..بس مارايمة ترفع عيونها في عيون سعيد يوم تحسة يشوفها..الله عذاب هالريال...وحركاتة...وسوالفة.
سعيد يبى مى تنتبهلة: أمايا ما سمعتج القصيدة اليديدة؟؟
أم سالم:لا والله ..ما عديتها علية..
إلتفتت مى لسعيد...ويت عيونة ويا عيونها وحست بعيونة أن هاي القصيدة لها..
سعيد وعدل يلسة وطوى الغترة على راسة: طال عمرج تقول القصيدة:
بسمتك يا زين تسوى ألف بسمه****والعيون السود والرمش الطويل
مهرجان العيد في نظرة عيونك****والشفاة الحمر نبع السلسبيل
يا جلال الحسن طرزك الجمال****با العذوبه والملاحه يا جميل
يبهر الآرام مزيونك وحسنك****والسحر لي فيك والطرف الكحيل
النسايم في السحر تحمل أريجك****دهن عود وياسمين وريح هيل
أنتشي وأطرب وأغني للنسايم****لانها مرسال للحلو الجميل
تعجز الشعار عن توصيف جمالك****لا حاضرنا ولا فأول رعيل
تشخص الابصار لو شافت خيالك****بس أقدر ولو هو مستحيل
محتفظ لك في فوادي بالف صوره****واندفاعي في محبتكم دليل
يا منى نفسي ويا بهجة فؤادي****يا غذى يا بلسم لقلبي العليل
فيك يا سوام يا روض الغرام****مرتع ألآرام في وقت الاصيل
شو شتني ذكرياتي والخواطر****وابتديت الشعر في وصف الخليل
وسلامتكم..
أم سالم:صح لسانك...إلا حق منو عادنها؟؟؟
سعيد:هههههه مب حق حد.ويطالع مى..مى خلاص بطير ..الله حد عد فينى القصيد.. فديتك يا سعيد....يعنى مب أنا بس أحبة حتى هو يحبنى...يااااااااااااي فديتك يا ربي.. بس ما بخليه يحس فينى..عشان ما يقول ما صدقت من الله..وحدر عليهم أبوها...وسلم عليهم..ووايه أمه
منصور:هاه أسمع قصيد من الصبح؟؟؟
سعيد:هههههه لا بس أسمع أمايا آخر إنتاجاتى الشعرية..
منصور:هههههههه إنتاجات بعد سميتهن؟؟
سعيد:هيه طال عمرك..إنتاجات..
وشوية يت أم مى ويلست وياهم ويلسو يسولفون ...
ودق تيلفون سعيد..
سلامى:هاااااااااااي براذر..
سعيد:هلا شعندج؟؟؟أم لسانين؟؟
سلامى:أصبحا وأصبح الملك لله..
سعيد:خير شعندج من الصبح داقة ؟؟؟تونى ظاهر من البيت ما وحالى؟؟
سلامى:ويا ويهك؟؟أمايا تقولك وين أنت؟؟
سعيد:أنا في بيت عمى منصور..
أم سالم:قولها إتيب أمها وأخوها وتقول حق قوم سالم أنه الريوق عندي اليوم..
سعيد:سمعتى شو قالت أمايا ؟؟
سلامى:هيه سمعت..
سعيد:يا لله جلبي ويهج..
سلامى:باااااااااااااااي.
سعيد:مع السلامة..
دقت سلامى لموزه بس ما حد يشلة.. موزه نست تيلفونها في البيت...ما شلتة...فدقت على تيلفون أمها وقالتلها ..
سلامى:أمايا يدوه تقولكم الريوق عندها..
أم سلامى:يالله بشل ريوقى بعد أنا..
سلامى:يالله محمد منروح عند يدوه..
محمد:أوكية ياي..
وسارو كلهم بيت عمهم منصور..عند يدتهم..

حمد وموزه..دام الهدوء بينهم..لا كلام ولا حس..يمشون بس كل واحد في وادي..موزه معصبة ومتندمة أنها سارت وياه..حمد متلوم ويريد يراضيها.. وصلو المحل الحلويات.. دخلت موزه ووراها حمد..
حمد:موزه..
موزه بلانفس: نعم...
حمد منزل راسة:كم كيك تبون؟؟
موزه ودور في شنطتها: أووووووه تيلفونى نسيتة.....الحين كيف بدق حق أم وديع؟؟
حمد يظهر من مخباه تيلفونة: أدوج تيلفونى...
موزه بنظرة معصبة:لا مشكور..
حمد بنظرة تندم: موزه..دخيلج ..خلاص كافي..خلينا نخلص بسرعة ونرد..
موزه صدة الصوب الثانى وتشل تيلفونة :أوكية...عشان نرد بسرعة..
حمد: أنا بسير أشوف أنواع الكيك إلى عندهم..إنتى سيري قعدي في الكراسي..ويوم تخلصين بييج..
موزه وعاطتنة ظهرها:أوكية..
يلست موزه في الكراسي...وطالع حمد إللى كان عند راعى المحل ويستفسر عن أنواع الكيك..كان شكلة صدق متلوم..بس هو إلى بدى..أنا لازم ما أعاملة غير جيه..شكلة لعاب..ماعندة إحساس...دقت البيت..ماحد شلة..دقت مرة ثانية..بعدين ردت أم وديع..
موزه:هلا أم وديع..
أم وديع:أهلين..
موزه:أم وديع كم كيكة إلى تبونة؟؟
أم وديع:والله بدنا... 6 قاتو..
موزه:شو الأنواع إلى تبونة؟؟
أم وديع:أي شى بس أهم شى الشوكلاتة..لأن الأطفال بحبونة..
موزه:أوكية ..شىء ناقص بعد؟؟
أم وديع:أمممممممم ..لا ما أعتأد..
موزه:أوكية باي..
وبعد شوي يات مسج في تلفون حمد.. فضول موزه خلاها تقراها..بس أول شى شافت حمد مندمج وياهم...ففتحت المسج..
(بو شهاب ...عنبوه وينك...كل هذا شغل؟؟؟(
منو إلى مطرش هاي المسج؟؟؟؟أفففففففف وأنا شو يخصنى؟؟؟؟..بس بعد فضولها خلاها تقرا المسجات إلى قبلها..
(صباح الخير...يا أغلى الناس...وينك؟؟(
لا أكيد هالمسجات من بنات...يالله موقحهن كيف إتيهن الجرأه ويكلمن شباب..بس هو بعد خايس ولا شو يباهن؟؟؟..وقرت إلى وراها..
(حمد..........الله يحفظك(
(بو شهاب...عنبوه تسافر ولا تقولنا؟؟؟(
(إنزين جان قلت أنك مسافر....ويا ويهك(
(والله أنك ذليتنا...وينك...عنلاتك؟؟(
(طويل العمر..ممكن تشرف...وإتى بيت خالد(
(بو شهاب أترياك في المطعم..بليز لا تتأخر(
(حمد...أفااااااااااااا...ليش ما يت؟؟(
)حمد الشباب زعلانين..............(
(بو شهاب..خلاص الغزال بكنسلة...لا دقيت ولا يت؟؟(
وحليلة...ظلمتة...هاي المسجات من عند ربعة..وأنا كنت أتحسبهن عند بنات.. وحليله.. وشافت حمد ياي صوبها..بندت كل شىء بسرع...
حمد:هاه موزه ..شو قالولج؟؟
موزه وتناولة التيلفون:يبون 6 قاتو...بس أهم شىء يبون الكافي..
حمد وشل التلفون:أوكية ..منشتري 4 بالكافي..و5 في أنواع بعد حلوة منشكل منهن..
موزه:بس هم يبون بس 6..
حمد:عادي زيادة الخير خيرين..
موزه:أوكية وين إيحاسبون..
حمد:أفاااااا يا بنت العم ..جان واقف جدامج وتقولين وين يحاسبون..
موزه:بس الحفلة حفلتنا؟؟
حمد:أوكية شو يعنى؟؟
موزه:أوكية خلاص ..ما فينى أناقشك..مشكور..
حمد ويلبس النظارة:لا شكر على واجب وإبتسم..
ظهروا من المحل..
موزه:وين الكيك؟؟
حمد ويبتسم: ما يكون تبينى أشلة طول الدرب؟؟
موزه :عيل؟؟
حمد:لا بويه ما روم بعدين منطرش الدريول إييبة..
موزه بصوت واطى: قتلك شل السيارة بس أنت ما طعت..
حمد وهو يمشى: كيفى؟؟
موزه:أفففففففف..
حمد:سوري..
موزه مستغربة غريبة شعندة؟؟:........
حمد يمشى على مستوى موزه:موزه..أممممممممم ..أقولج؟؟
موزه وطالعه:خيييييييييييييييييييييييير؟؟
حمد:بسم الله..شىء تبين ..من السوق؟؟
موزه وتفكر:أووووووووووه ..صح نسيت أشتري حقهن هدايا..
حمد:حتى أنا ما شتريتلهن هدايا..
موزه :تعرف محل هدايا؟؟
حمد بوديج محل مال هدايا بس الهدايا إلى فيه يخبلن...والمحل كبير..
موزه:والله؟؟
حمد:وايد بيعيبج
موزه:أمممممممممم ...كم مرة سرت هذا المحل؟؟
حمد سكتت ولا تكلم:...........
موزه إستغربت منة:شبلاك؟؟سوري..
حمد:لا عادي..
موزه:عيل ليش سكتت؟؟
حمد:أنا من كنت صغير عايش في لندن..لين ما كبت..وكنت أشتري حق عمري ألعاب.. وأتمنى حد من أهلى يكون هو إلى يايبلى هاي الألعاب..
موزه بحزن:ليش؟؟
حمد:لأنى درست في لندن من الإبتدائى لين الجامعة..وما كنت أشوف أهلى بس في الإجازة..
موزه:بروحك؟؟
حمد:يوم كنت صغير كان أمايا وأبوية وياي..بس بعدين بروحى..
موزه:حرااااااااااااااااام...ليش؟؟جيه عمى؟؟
حمد يبتسم ويريد يغير الموضوع:عادي تعودت...أوكية يالله وصلنا..
موزه:الللللللللللللللللللله المحل وايد حلو من برى..
حمد: ما شفتى داخل..
موزه: الله هاي الشيرة وايد حلو بشلها البيت..
حمد: ههههههههه شو تبينها..بعدة الكرسمس..
موزه: كلها حلو..
حمد: موزه تعالى هذا المكان..
موزه: الله كلة دببه..
حمد: يا حبكن حق الدببه..
موزه ما خلت مكان في المحل ما شافتة وإشترتة..وحاطتة كلة..وكان المحل الطابقين...وما شترت حق إختها بس حتى حق عمرها..
حمد:أقول موزه...هذا حقج ولا حق شمة وسارة؟؟
موزه وهى مستحية:والله الصراحة كل شىء عيبنى ..قلت بشتري حقى وحق ربيعاتى مرة وحدة..
حمد:هههههههه بعدج ..ما سرتى مكان..
موزه:عادي بعد بشترى..
حمد:يا حبكن حق المتشرى..
موزه: ههههههههه ..هاي هوايتى..
حمد: الله يعين ريلج
موزه: بختة..يحب إيدة من جدام وقفى..
حمد: هههههههههه ...الله يعين.. هاه شىء بعد تبين؟؟
موزه:أمممممممممممم..
حمد:لا ماشىء..أمممممممممم..
موزه:أوكية بس بتشلنى مرة ثانية..
حمد:فالج طيب..
موزه:يااااااااااااي..
هاي البنت صدق تقول ياهل..بس الصراحة روحها حلوة..وأحلى شىء فيها ما تزعل وما تخلى في خاطرها..لو أنها شوي طفرة..بس حليلها..طيبة..
حمد:يالله ركبي..
موزه:هههههههه أول مرة في حياتى أركب تاكسي..لو درت أمايا شيخة يا ويلى..
حمد:هاي عاد أول مرة وآخر مرة..
وصلو البيت..دخلت موزه البيت وزقرت أمها ولا حد من إخوانها بس ما حد في البيت..وبعد شوي دخل حمد..
موزه:للأسف ما حد في البيت..
حمد:ليش وين سارو؟؟
موزه:تقول أم وديع..سارو عند أمايا شيخة..
حمد:عيل مع السلامة..بسير أسبح..وأرتاح..تعبتينى اليوم..
موزه:لا إيلس وياي..حرام ما حد وياي في البيت ...شو بتخلينى بروحى؟؟
حمد بخبث: تراج تقولين ما تبين تشوفينى بعد اليوم..
موزه :أممممممممم..تراك والله طفرتنى...وبعدين الصراحة كلامك يظايج بالواحد...
حمد:ههههههه ..أوكية بيلس بس بشرط؟؟؟
موزه مستانسة: آمر..
حمد:ما يامر عليج عدو..أريد ماي..
موزه:أوكية ..ثوانى..
من ظهرت موزه..حمد خلاص ما يروم يستحمل أكثر..يلس يكح ويكح..كان يريد موزه ..تروح عنه عشان يكح..بس ظهر برى..عشان ما تسمعة..سار الغرفة الزجاجية..
ظهرت موزه من المطبخ..يلست تدورة ما لقته..بس شافتة من الصالة أنة يالس في الغرفة الزجاجية..سارت عندة..بس سمعته...يلست تمشى شوي شوي..خافت..
حمد من شافها خلا عمرة مافيه شىء:هلا كح..كح..موزه..
موزه تعطيه الماي وهى خايفة: حمد شىء فيك؟؟
حمد وأونة يبتسم:لا ما فينى شىء..
موزه:حمد ليش تجذب..أنا سمعتك تكح..
حمد يغير الموضوع:أقول موزه؟؟
موزه:نعم
حمد:أنتى إلى كاتبة القصيدة في هذا الدفتر؟؟
موزه وهى زعلانة لأنة يغير الموضوع ولا يبى يجاوبها: هيه أنا..
حمد:قصيدتج حلوة..
موزه وهى متفاجأه:وأنت شدراك؟؟
حمد:بس قريتها صدفة وكتبت شىء لج..
موزه وتبى تشل الدفتر وحمد مطة عنها..
حمد:لا..مش الحين يوم بروح..
حمد خلاص ما يروم يصبر لازم ياكل دواه..
حمد :موزه الحين لازم أسير...
موزه:تو الناس..
حمد:ما علية اليوم فليل في الحفلة بكون موجود..
موزه:على راحتك..
سار حمد..موزة شلت الدفتر وياها..وسارت توايج عليه من الدريشة..شافت يربع البيت وماسك على صدرة..أكيد سار ياكل دواه..يعنى هو صدق مريض..بس سلامى ما قالتلى.. ويلست في الكرسي...وقرت شو كاتب...وتفاجئ يوم شافتة....كان كاتب..
الحب كلمة وضعها دوم سامي********** كلمة وفا ما بين خل وخله
الحب ما هو عيب والقلب ضامي********* ما دام نبض العشق للقلب ظله
الحب نعمه ما تباع او تامي*********** يبرى الجروح وهو دوى كل عله
وبعد شوي دخلو أهلها..ويلسو يساعدونها في الترتيب..بس شموه ما يابوها خلوها عند عمهم منصور عشان تكون مفاجأ لها..
شو رايكم؟؟؟ و بستوي لحمد؟؟؟وموزه شو بستويلها ؟؟؟