وقف فهد سيارته بعيد شوي عن الأستراحه ووقف معاه جراح
فهد:جراح وش جابك فيه خطر عليك
جراح:وين الفلوس منت معطيهم
فهد :شفت الي اتصلت علي ووصفت لي هالأستراحه وتقول ان بسمه مع واحد اسمه متعب فيها
الظابط ذكي كان يراقب كل شي من بعيد لأنه عارف ان فهد راح يوصلهم للمكان الصح كان يراقب بحذر مع دوريات الأمن
فهد وجراح يخططون خطه عشان يدخلون
متعب في الداخل افكاره خبيثه تدور براسه فتح الباب على بسمه الي كانت نايمه وعلى طول صحت وحست بالشر بعيونه
بسمه:ابعد عني
متعب:لا ياحبيبتي انا باستمتع بعذابك وعذاب حبيب القلب على بالك بارجعك له انا باستمتع بالجمال شوي وبعدها برميك
للكلاب تاكلك ويقرب منها وبسمه بااعلى صوت تصارخ كانت لابسه بيجامه ساتان واول ماحاول يفتح بلوزتها تفلت على وجهه
متعب يمسحها من وجهه ويضربها كف
فهد يدفر الباب برجله ويدخل انصدم من المنظر الي قدامه وجراح وراه على طول لأخته يغطيها بشماغه
طبعا فهد كل غضب الأيام والأنتظار وقوة روحه القتاليه بالكاراتيه حطها وصب جام الغضب على متعب الي
كان متسلح بس ماعرف يستخدم سلاحه وبسمه اغمى عليها ومتعب ماعاد يشوف من كثرة الدم الي على وجهه من الضرب
واول ماسحب المسدس ورمى عشوائي وجات في صدر فهد كانت الشرطه مطوقه المكان ومن سمعو صوت رصاص تاكدو
انه فيه شي ودخلو على طول
-----------------------------
رجع نواف وهو مره معصب من كثر اتصالات هنوف الي مايرد عليهن وبنفسه"وش تبي ذي المعله ازعجتني "وهو طالع على الدرج
يسمع صوت سنا تبكي كل الي جا في باله ان هنوف مهاوشتها لأن سنا ماذيه وحركه فتح الباب وسكره بهدوء وسمع سنا
سنا:ابغى بابا دقي اليه "عليه"ابغى بابا ودموعها تجري
هنوف وبدت تبكي وتمسح دموعها وتحضن سنا :ياعمري ياسنا بابا الحين يجي
ويجي فواز ويبكي مع اخته ويحضن خالته
نواف وهو يناظرهم مع المشهد الي يبكي الصخر نزلت دمعه مسحها حال نزولها وحس انه مهملهم كثير ورامي مسؤليتهم على هنوف
واول ماانتبهو راحو يركضون له ويحضنونه وهنوف وقفت وهي تناظرهم
سنا:بابا ليه ماترد ماما دق اليك "عليك"والله انا تبعانه "تعبانه "
نواف الي منحني وحاضنهم وبدت تذرف عيونه بعدها اخذهم ومشاهم لين نامو ورجعو للبيت
نواف:هنوف وين رايحه
هنوف:بروح انام مع العيال
نواف استحى من الي يسويه:تعالي نامي بغرفتك اريح لك
هنوف بحيا غريب عليها:لا اخاف اضايقك
نواف:لا ماتضايقيني ولا شي
بس هنوف ضلت تنام عند العيال كلامه الجارح في بالها مو بسهوله تنساه
------------
سلمان قاعد في الصاله بسويت الفندق ويقرا مذكرات رحاب كان خايف مووت ان رحاب تصحى بس الحمد الله انتهى من قرائة
الي يبي بدون التدخل ببعض الخصوصيات كان يضحك على المواقف الي جمعتهم وطريقة رحاب بالكتابه في المسبح والأسواره
والنخله ويوم العرس بس جاه الهم وزعل مره يوم قرا تعامله السي معها قبل وبعد العرس رجع الدفتر مكانه وراح توضى وصلى
وصحى رحاب علشان تصلي بعد ماصلت رحاب ناظرت سلمان الي كان بسابع نومه وباين عليه التعب والراحه النفسيه
-----------------
صحت بسمه واهلها حولها
جراح:يمه بسمه صحت
وعلى طول ام جراح جت تركض
ابو جراح:الحمد الله الحمد لله الله يبشرك بالخير
ام جراح:يمه بسمه انت بخير طمنيني عليك
بسمه تذكرت الي صار وتمسك يد جراح وترص عليها
جراح:عارف وش تبين فهد بخير ويسال عنك
جوري تبكي:خفت عليك
بسمه بابتسامه:يعني مااستاهل
طق الباب ودخلت هيام ومريم وام فيصل وسلمو على بسمه
ام فيصل:ابو فيصل برا يبي يسلم على بسمه
طلعو ابو جراح وجراح الي فرحان وجهه مبتسم ودخل ابو فيصل وباس بسمه في جبينها
ابو فيصل:الحمد الله على السلامه يابنيتي
بسمه بصوت تعبان:الله يسلمك ياعمي
فهد طلع من غرفة العمليات وللحين ماصحى اهله اطمانو عليه وبعدين مشو
-----------
بعيدا عن اوربا واسيا والسعوديه في المغرب العربي
امال:سبحان الله المنظر هنا كأنك في اوربا مو دوله عربيه
مشاري:انا اول مره اطلع من الخليج وقمزت مره وحده للمغرب
امال:موشرط الواحد يطلع المهم ذوقه بالطلعه
مشاري:تصدقين ويحط يده على خصرها ويمشون انا كل يوم اكتشف فيك شي انا معك احس اني اسعد انسان بالعالم
امال بحيا:وانا اسعد وحده لا تنسى
مشاري وامال:هههههههههه
-----------
نواف:هنوف وينك وينك هنوف
هنوف مشغوله دايم :طيب جايه لحظه
هنوف:هلا وشكلها مره يحزن ولابسه ثوب للبيت وشعرها مو مرتب
نواف:بكره نسافر بنروح جده بالطياره وبنستاجر سياره ونروح مكه ناخذ عمره وبعدها نتمشى شوي بالطايف
هنوف حست بنظرة نواف لها نظرة الشفقه الي ماتحبها ومن بين افكارها وفرحتها ضحكت ضحكة الفرحه الي ماعمر نواف شافها
نواف الي ضحك على ضحكتها:تصدقين اول مره اشوف ضروسك
جو سنا وفواز"النشبه"ولما عرفو انهم بيسافرون قامو ينطون ويصفقون "ياحول فرحانين
---------------
بعد مرور شهر الجميع بالشرقيه
معاملة سلمان صارت توب لرحاب الي مره فرحانه وطلع فهد من المستشفى
ارسلت هنوف رساله لسلمان تعترف بخطاها
الي طبعا سلمان فرح اكثر بها ومسخها من جواله على طول
متعب مات منتحر في سجنه الأنفرادي قبل صدور الحكم فيه
فرح الي اكتشفوا ان فيها "ايدز"الله يعافينا وحطوها بالعزل
عايشه ارجعت الشرقيه على انها تراجع للرياض كل 14 يوم تاخذ جرعتها
---------------
مشعل نايم وبشاير قاعده تناظر التلفزيون وبيدها دبدوب وتتذكر يوم ارجعو من اوربا ودخلت اول ومشعل ظل عند اهله يسولف
شوي نزلت عبايتها والشغاله دخلت وجابت شناطهم وطلعت
صارت تناظر بالغرفه حست انها فيه شي متغير ياي اشتقت لها مره مع اني ماعشت فيها كثير انتبهت على صندوق وسط
وشافت الكرت عليه اسمها من مشعل وبنفسها"وناسه "طرا في بالها كل شي الا هو اول ماشافته على طول شقتها ضحكه
الدبدوب الي شافته بالمحل بتركيا وبصوت عالي:ياعمري يامشعل
مشعل من وراها:الله يخليك عيديها بس مره لو بالكذب
بشاير وهي جالسه تعيد الذكريات طفت الكهرب وهي موتها الظلمى الحين وين تروح صارت تتلمس بالأشياء وتمشي لين وصلت باب
غرفتها
بشاير:مشعل مشعل قوم انا خايفه
طبعا بعد ذاك اليوم وهم كل يوم هواش نظراتهم بارده تموت الواحد موت لو انه ايش اي احد يسمع كلام مثل الي يتكلمونه
كان انتحر كله قهر وكره ونصه كذب
مشعل نومه خفيف مارد بس يسمعها بس ماتوقع هالقد تخاف من الظلمى
بشاير:مشعل الكهرب طفت وانا خايفه موت
وهو نايم مشعل:طيب نامي
بشاير عصبت انه مهمشها واستحت تصير معاه بنفس السرير وهي دايم تنام بره على الكنب فدست نفسها بالسرير وهي ترتجف
من الخوف
مشعل نذاله فيها:بشاير ليه مطفيه اللمبات مو زين البيت الي جنبنا يقولون مسكون
بشاير ضلت ساكته حسبها نامت رجع غطى وجهه ونام بعد شوي حس فيها انه تبكي فتح عيونه متثاقل وسط الظلام تعودت عيونه
كانت تكتم شهقاتها من كثر البكي مشعل اخترع عليها:وش فيك
بشاير:كله منك ماني قادره انام اقولك خايفه تنام وتخليني الكهرب طافيه وانت ولا همك
مشعل سحبها لعنده وطوقها بايدينه وقرا عليها المعوذات وبعض الرقيه الشرعيه وهدت شوي
مشعل حاس بفرحه وحزن كيف مايدري فرحه لأنها بحضنه وحزن لأنه مايبي يتعود على كذا مسح دموعها وبحركه تلقائيه
كان يلعب بخصلات شعرها وغصب عنه من التعب طاحت يده وغفى وراسه على راسها طبعا هي مانامت الا لمن نام
--------------
فهد وبسمه راحو لصلاله شهر عسل وانبسطوا مره بس ماطولو مره مو شهر كامل
-----------
هيام كانت مره فرحانه بولد اخوها مريم تلعب معاه مع انها اكبر بكثير
قربت الدراسه والناس تجهز للمدارس المهم
دخل مشعل لغرفته وشافها شاف بشاير منسدحه بفراشها وتبكي وبنفسه"هذي تبكي 24ساعه "بس حس ان هالمره غير انها
بحره"بقهر"قرب منها بهدوءه المعتاد:بشاير بس ماردت
مشعل:بشاير ليه تبكين شال البطانيه منها وهي تجرها
مشعل:بس عيونك بتنفقع من كثرة البكي
قامت بشاير بسرعه ووقفت قدامه:كله منك كله منك انا اكرهك اكرهك انت ليه ماتطلقني وترتاح وانا ارتاح
قام مشعل وصار قدامها وهي تبعد:انت ماتفهمين وش بنقول للناس مو بس الناس اهالينا وبعدين وشو الي كله مني
بشاير:حتى ريموه بنت عمتي نوره الفتاه الدلع تتمصخر علي اكيد امها مخبرتها
مشعل يدري ان ريم تموت عليه بس هو مو معبرها:ايه وش قالت كملي اخلصي علي
بشاير خنقتها العبره وماقدرت ونزلت راسها ودموعها صارت سيل وغطى شعرها وجهها
قرب منه مشعل ورفع راسها بس هي مو قادره رفع شعرها المنثور ورى اذنها ومسح دموعها حس انه بينفجر لو قدامه ريم كان ذبحها
بشاير:ريم اليوم هزئتني بس الحمد الله مافيه احد غيرنا تقولي اني وحده ضايعه وانك بتستر علي
مشعل طوقها بايدينه وهي تضرب صدره بكفوفها الصغيره بالنسبه له بس هو مارد يبي يخليها تبرد حرتها
بعدها قعدوا قدام بعض وظلو ساكتين بس فجاه قامت بشاير وبصوت جدي:مشعل الحين طلقني ابغى ارتاح رح خذ ريم حبيبت القلب
انا مااطيقك ولا اقدر اعيش معاك انت عذابي من يومي انت
قبل لاتكمل مشعل :ومن قال اني بطلقك انا بخليك عندي لا انت متزوجه ولا مطلقه
بشاير باندفاعيه:اصلا انت واحد حقير
بدون شعور مشعل اعطاها ذاك الكف الي ماراح تنساه طول عمرها
بشاير حتى دموع ماطلعت من هول الصدمه ماتوقعتها منه
هو راح الدور عليه ينام على الكنبه بالصاله وهي تركها ضايعه مشتته بغرفتها بعد صمت دام ساعه قطع عليها صمتها
صوت الجوال هذي ام مشعل:هلا خاله
مشاعل:يالخبله وينك ماشفناك اليوم
بشاير:مشاعلوه انت وين
مها:يعني وين تحت
بشاير:استغفر الله انت مشاعل ولا مها
مشاعل بالغصب تاخذ الجوال من اختها :تعالي تحت بسرعه خلنا نستانس قبل المدرسه
مها:يالله بسرعه
بشاير:يالله مع السلامه وطلعت بشويش علشان مشعل مايحس الي بصالون جناحهم ونزلت تركض تبغى تنسى شوي من همومها
مشاعل:شوي شوي لاتطيحين ويسويلنا مشعل قضيه
بشاير بنفسها"ايه مو داري عني"
مها:تعالو نقعد بيجي فلم يهبل وسويت فشار وكل وحده تاخذ لها علبة بيبسي وتنطم وتخلي تعليقاتها لنفسها
الكل:هههههههههههههههههههههههه
مشعل الي ماقدر ينام قعد يقرا
بعد ماخلص الفلم ودموع مها على خدها وتمسحهن :الله ياخذهم مات يهبل يخرب بيته على هالجمال
مشاعل وبشاير:ههههههههههه
بشاير:صدق هبله انتي مصدقه كله كذب
مها:يعني ماادري ادري بس والله تاثرت
بشاير تسمع صوت بطنها الي يفشلها دوم
الكل:ههههههههههههههه
مها:قلت لك كولي مارضيتي
بشاير تاشر على الفوشار:وهذا تسمينه اكل
مشاعل:يسد الجوع وعلى العموم انا مااعرف اسوي شي
بشاير:فيه اندومي
مها:ايه والله الشي الوحيد الذي تجيد كل البشر طبخه
الكل:ههههههههههه
البنات مصرقعات قال يبون يطبخون اندومي كل وحده جايبه شي الي ملح والي طنجره"قدر"والي كيس اندومي
بشاير فتحت الغاز ودور الكبريت واول ماجت تفتح الفرن ويطق عليها يعني مو ذيك الدرجه بس طلع صوت لأنها ماقربت منه
مشعل وهو نازل سمع الصوت وراح يركض جهة المطبخ وبشاير من الروعه والخوف انصدمت وخافت واول ماشافت مشعل
اغمى عليها مها ومشاعل ركضو للغاز وطفوه ومشعل شال بشاير برا المطبخ ويحاول يصحيها كان يناظر ملامحها البريئه
وعيونها النجلا شعرها الي على صدره حس بالخوف عليها مع انه عارف انه بس خايفه ومافيها شي حس بقلبه ينبض خوف عليها
وحب لها اول مره يناظرها من قرب رش على وجهها مويه وحست عليه كانت تناظره متفشله
بشاير:مشعل نزلني
مشعل بنفسه"صدق مو كفو "ونزلها
وعلى الصجه والصوت نزلت ام مشعل ويوم عرفت السالفه راحت تسوي اندومي وجلسوا كلهم على الطاوله بالمطبخ كانت جالسه
وتعدل بشعرها وتلمه ذيل حصان وغرتها المدرجه تشيلها ورى اذنها واترجع على وجهها
مشعل ماشال عينه منها وهو يناظر وهي منزله راسها مو منتبهه تفكر واول مارفعت راسها تلاقت عيونهم كان فيها حكي كثير بس مايوصل
مشعل وبشاير مثل الصخر والموج المتلاطم يضرب بعضه ولا يفهمه
قطع عليهم كلام امه:وانتن ليه مانمتن للحين وتحط لكل واحد صحنه وياكلون
مها:بشاير عمرك شفتي مزرعتنا
مشاعل:يالخبله هي عمرها ماجت بيتنا علشان تروح لمزرعتنا
النظرات تتلاقى من جديد لكنها نظرات الحزن مشعل حس بدمعة بشاير بتطلع بس تداركت الأمر ونزلت راسها
مشعل قام ودار ظهره:الحمد الله
ام مشعل:مشعل ياامي نبي نروح المزرعه قبل ماتبدا المدارس
مشاعل ومها وحتى بشاير:هييييييي
مشعل بقلبه فرح يوم شاف بعيونها الفرحه ويناظر لأمه ويغمز لها
مشعل:والله شوفو اذا "ويناظر بمكر"بشوره حياتي قالت نروح نروح مارضت مانروح
مها ومشاعل بعيون وصوت الترجي:يالله بشاير م
مادرن عن بشاير وقلبها الي بيطلع من تنفسها السريع ماتدري ليه وتناظره:اذا ماعليك امر
مشعل مستانس:خلاص جهزو حالكم بعد بكره بنروح بدري
مشاعل ومها:هيييي عاش مشعل
ام مشعل:الله يخليك لنا
يجي مشعل ويبوس راس امه :ويخليك لنا وطلع يبي ينام لأنه وصل حده من التعب
-----------------
طلال:بندر الله يخليك كلم ابوي ماني قادر اقنعه
بندر:ياخي ابوي صعب يتفهم سفرتك امريكا تدرس ابوي يخاف عليك
طلال:يناظر يما الثانكس انا اقولك جرب منت خسران
ابو طلال وهو نازل:وش يجرب ياطلال
الكل سكت
ابو طلال:انا فكرت واستخرت بس بشرط
طلال والفرحه طالعه من عيونه وصار ابوه قدامه وباس راس ابوه
ابو طلال:هي وصيه اكثر منها شرط يابوك انت رايح بلاد كفار مايخافون الله وحريمهم لاحيا ولا دين وانت واحد عزابي
وعيونه زايغه
طلال:افا يبه
ابو طلال:لاافا ولا غيره انتبه لنفسك وحط الله قدام عينك في كل مكان
وعد الي كانت بغرفتها وسمعت كل شي وبدت تبكي
طلال بجديه:لك وعد لا مو وعد لك قسم مني اني ماسوي شي يغضب رب العالمين
ام طلال:ياولدي تروح هناك وهنا اهلك وربعك وتتركني
طلال:يمه ماتبين يقولون هذا ولد ام طلال الي ماخذ شهاده من امريكا ورفع راس اهله وعرفو يربونه
بندر:احم احم وليه انا ولد البطه السوداء
الكل:ههههههههههههههههه
ام طلال:كلكم الخير والبركه
----------------
نواف قاعد بالصاله ويقرا الجريده وهنوف تراكض ورا فواز الي مو راضي يلبس بيجامة النوم واول ماناظرها وطربق طاحت
هنوف:ااااي رجلي والله لوريك يافواز و تعال هنا
ونواف ميت ضحك هنوف حست على حالها وتلم شعرها وجت تبي تقوم بس:ااااخ والله توجعني
نواف وهو يقرب منها :لاتتحركين اخاف تكون مكسوره لبسها عباتها وساعدها بالمشي ياربي يحس بنبضها مستحيه
فواز:ماما اثف ويبكي
نواف:حبيبي فواز الحين بنجي خلك عاقل ولا تروحون اي مكان افتحو سبيس تون واحنا جايين وبطريقهم وصو جارتهم ام طارق
على العيال
-----------
بندر دخل غرفته وهو يناظرها وجهها تعبان تو ماخذه جرعه نايمه ويعرفها اذا وجعها شي تنام وتظل لابسه شيلتها ليل نهار
جالسه ولا نايمه نزل شماغه وقعد على السرير بجنبها ويرفع عنها شيلتها ويبوس جبينها وكان مره تعبان نام جنبها
------------------
مشعل اليوم كله ماجا البيت مايبي يشوفها مايبي يتذكر نظرة الأسى بعيونها دخل بشويش اكيد نايمه بيروح يشوفها دخل وكله
امل انها تكون نايمه عشان مايتهاوشون
كانت واقفه على الشباك ماسكه الستاره بيد وشعرها الي حاطته على كتفها ومنسدل على صدرها بيدها الثانيه وسرحانه
جا مشعل من وراها ويحضنها بشاير بغى يوقف قلبها من الخوف حس مشعل بالهشي
بشاير:روعتني وتاخذ نفس حرام عليك تدري اني اتروع من كل شي
مشعل يقرب منها:يا حبيبتي انت
بشاير تبعد
مشعل بعصبيه:ليه قالولك فيني جرب
بشاير:انا بقربك احترق
مشعل وعيونه بتطلع "نظرته ترعب بشاير"ويقرب منها مره وباستحقار:انتي ماتفهمين انت وحده ماتاثرين فيني انا بعد
مليت من الحياه معك وانتظر الفرصه المناسبه وبطلقك وشوله اجيب لنفسي المغثه
جا بيطلع وهو مايدري كيف قال هالكلام
نادته بشاير:مشعل
مشعل:نعم فيه شي تبين تغثيني فيه بعد
بشاير:اكرهك كره العمى ولا تظن ان قلبي في يوم ينبض بحبك
مشعل:وانا ماطلبت حبك غيرك يموت فيني"ريم"ومو طايل وشكلي بغير رايي
بعد ماطلع وقفلت الباب قعدت تبكي
ومشعل يوم سمع القفل بنفسه من غير ماتقفلين الباب انت قفلت كل شي بيني وبينك
----------------
نزل نواف من سيارته وراح يفتح لها الباب وساعدها تطلع من السياره واول مادخلو باب العماره ووصلو الدرج
نواف:الحمد الله مو كسر بس التواء خفيف بالكاحل وتدلعين علينا
هنوف:لا والله يوجع
نواف:هههههههههههه ادري بس احب اناقرك
هنوف مستحيه مو دايم تتكلم معاه
الدرج صعب على هنوف ونواف يناظر يمين وشمال مافيه احد وشالها
هنوف :هيه هيه لااطيح "مستحيه ياحول "نزلني لااحد يشوفنا
نواف بسرعه دخلها ورجع يجيب العكازه واعطاها اياها
نظرة فرحه يلمحها بعيون هنوف مايشوفها كثير
هنوف:يعطيك العافيه
نواف:يوه عاد رجعنا للرسميات الله يعافيك
هنوف ضحكت من قلب
ام طارق تطلع من غرفة العيال
نواف:الله يعطيك العافيه تعبناك معانا
ام طارق جارتهم حبوبه مره قعدت عند العيال لين جو:عسى ماشر
هنوف:مايجيك الشر التواء خفيف
ام طارق:تعبني فواز يالله نام واما سنا وروز على طول نامن
هنوف:ياحياتي جزاك خير ماقصرت
--------------
الفجر قامت بشاير بتثاقل وراحت الحمام وتوضت
سمعت طق على الباب وبخوف:نعم مين
مشاعل:انا
بشاير فتحت الباب:هلا
مشاعل:صليت
بشاير:لا تو
مشاعل:صلي وبعدين تعالي فيه اجتماع مغلق
بشاير ابتسمت:طيب
بعد ماصلت راحت لجناح مشاعل وطقت الباب ودخلت
مشاعل:بشوره اسمعي جهزتي اغراضك
مها:لازم يكون كله اسبورتات وكشخه يمكن يجون ضيوف ترا دوم كذا
بشاير:ليه راح ننام هناك
مشاعل:ايه ماقالك مشعل
بشاير:لا انا ماسالت
مها:بشاير انت ومشعل وضعكم مو مرتاحين والله اخوي طيب بس عصبي قلبه ابيض وحده يخاف علينا زيه بس دايم مهموم
وسرحان مدري ليه انحس انه
مشاعل:مها
مها:لازم نقولها "هنا بشاير برد وجهها"
مشاعل:بشاير هذي سوالف بين خوات ماتطلع
بشاير:ياحياتي اكيد
مها:احس انه مسوي شي وخايف منه او مستحي بس والله حتى تلفزيون مايناظر ولا يسمع اغاني يعني لا فيديو كليب ولا خرابيط
حتى اسامي الفنانات ماادري ليش هذا الشعور فيني احس اني ظالمته وبانت دمعه تلمع على خدها تمسحها وتكمل بشاير
اكسبيه قبل لا يطوف عليك ترى ريم تموت عليه وتحاول بشتى الطرق علشان تكسبه
بشاير:وهو
مشاعل:اخس بدت الغيره
مها:الي مايغار حمار
الكل:هههههههههههه
بشاير:انا ابغى اروح اجهز اغراضي وننزل كلنا تحت بالمطبخ نفطر
مها:شكلك ماتبت من ذاك اليوم
الكل:ههههههههههههههههه
بشاير:لا اخلي الشغاله تسويلنا وحنا نساعدها بشي مايحتاج فرن
الكل:هههههههههههههههه
وعد بالمطبخ تشرب نسكافيه صلت الفجر وماقدرت تنام تذكرت بشاير وسهراتهم حطت راسها على الطاوله
طلال ياربي جوعان بطني صارت تطلع اصوات بنزل اكل شي وهو نازل يتذكر بشاير يوم تقوم تسويله ساندويش جبن وكوب شاي
وتسولف معاه كان مستانس معاها وبابتسامه دخل المطبخ وانصدم اكيد وعد ليه كذا حاطه راسها على الطاوله
وبصوت حنون:وعد
وعد على طول رفعت راسها ويوم شافته وتذكرت انه بيسافر تجمعت الدموع بعيونها
طلال:لا يالغاليه لا تبكين فيه شي صار شي وبخوف :امك فيها شي
وعد ترفع راسها ومسحت دموعها:لا كلنا بخير بس تذكرت بشاير كانت مونستني
طلال:وايش بعد
وعد ماتجرات تقوله فقامت تبي تطلع وقف قدامها على الباب وسده
طلال:مانت طالعه قبل ماتقولين
وعد:طلال ليه تبي تسافر
طلال بابتسامه وحنيه غير معهوده:ليه ماتبيني ادرس واحسن من مستواي
وعد:ادرس هنا بالسعوديه مو لازم برا ولا امريكا بعد انت هنا وعيونك من هنا وهناك اجل هناك شلون
طلال بضحكه رنانه:قولي انك تغارين علي
وعد:ومنو انت علشان اغار عليك
طلال:ايه زين فهمت
وعد:زين ابي اروح انام
طلال:وعد اقسم بالله ان يدي ماراح تحضن غير يدك وقلبي مايحب غيرك ولا اخونك وهذا قسم قسمته على نفسي
وناظرها بمكر :حتى لو كانت وحده احلى منك بس انها تاخذ مكانك معاذ الله انت كل دنيتي ومافيها محد ياخذ مكانك
وعد حمر وجهها
طلال:اخ ياقلبي
وعد:عيب طلال ابعد لا احد يشوفنا يفكر تفكير ثاني
طلال من قلب:هههههههههه
نسى طلال وش يبي من الوناسه وطلع ينام وبنص الدرج تذكر ورجع وهو يضحك على نفسه
ليست هناك تعليقات:
إرسال تعليق