في اليوم التالي
ابو فيصل:اقول صارلي ساعه انتظر وين ضيفكم
فيصل:اصبر يبه ان شاء الله على وصول
دق الجرس
فهد قام:اها هذا هو
فيصل:يبه بعدين افهمك كل شي انت سو الي اقولك
دخل فهد ومعاه ضيف ثاني وهو يأشر بمعنى مايدري فيصل انصدم
قعد الرجال وعرفهم بنفسه هذ الدكتور الي عالج هيام
دخل جراح وابوه وقعدو
الدكتور ماجد:انا يشرفني اني اخطب يد كريمتكم
جراح يناظر بدهشه وفهد وفيصل خافو
فيصل يبي ينقذ الموقف:بس هي مخطوبه واليوم ملكتها
الدكتور انصدم:اسف ماعندي علم انا سألت وقالو انها مو مرتبطه وقام اسف مره ثانيه لو كنت اعرف ماحطيتكم بموقف محرج
ابو فيصل عصب على عياله:اقعد ياولدي تقهو
الدكتور ماجد:لالالا انا ماشي اتركم شكلكم مشغولين وطلع
ابو فيصل قام ونادا فيصل وراه:ابفهم شلي سويته انت واخوك ومخطوبه لمين
فيصل:يبه اهدا جراح وابوه قاعدين بالمجلس جايين يخطبون هيام وهي موافقه ضل يكلم ابوه ويعلمه بسوالف اورنس والاعيبه
ابو فيصل:وش حبه وش خرابيطه احنا وين
فيصل:يبه الحب ماله مكان ولا زمان يبه انا اعرف شعورهم انا حبيت امل من اول نضره وتزوجنا
الأب منصدم من كلام ولده
جا فهد:وش فيكم
دخلو المجلس
ابو فيصل:والحين وش الحل لازم نخبر الشرطه
فيصل:وش نقولهم
فهد:انا عندي حل نزوجهم وبدون عرس ويسافرون مكه
الكل:ههههههههههههه
ابو فيصل:لالا بنت زي البنات تحلم بالثوب الأبيض والزفه حرام نحرمها منها
فهد:بعد مايرجعون ويصيرون بأمان نسويلها احلى عرس بالشرقيه كلها الحين سكيتي ولا احد يدري
----------------------
سلمان:حبيبتي رحاب تتذكرين يوم احنا صغار شكثر نتهاوش
رحاب بضحكه:ياي دايم تهاوشني احيانا تضربني ويوم ابكي ترضيني وتبوسيني صدق ماصخ
سلمان:هههههههههههههههههه طيب انا الماصخ الا صدق وين الأسواره الي سرقتيها من غرفتي؟
رحاب شهقت بأنكار :متى؟
سلمان:اها مو علي انا ادري انك ماخذتها
رحاب راحت درجها ودورت بصندوقها وطلعتها ولبستها
سلمان:تدرين مثل هاليوم طبيتي علي بالمسبح
رحاب:ههههههههههههه كنت بموت من الخوف والحيا
سلمان:دوم مو يوم يارب هالضحكه الحلوه
---------------------------
مشاري:ناصر جبت الأخبار
ناصر:ياخي طولت علي قلت لأبوي وهو يفكر ويارب يوافق يبني اتزوج بنت عمي
مشاري:اسمع ياطويل العمر اسمها جوري وعمرها 16 سنه والباقي انت شفته حبوبه وفرفوشه واخلاق عاليه
ناصر:وبيرضون يزوجوني اياها وعمرها بس 16 سنه
مشاري:ااااااااااااااااا ما اتوقع
------------------
فيصل طق الباب ودخل:اهلا بعروستنا الحلوه
هيام بضحكه ساخره:ياشيخ امش انا قلبي مثل الطبل من الي اورنس هذا الله ياخذه وانت فاضي
فيصل:طيب طيب ماتنعطون وجه زوجك يبي يشوفك
هيام مي فاهمه شي:يوه فيصل شفيك فيوزك طاقه
طق الباب وفتح
جراح:ممكن ادخل
هيام مااستوعبت بس تناظر
فيصل:هههههههههه
جراح:ممكن ادخل حياتي
فيصل:تفضل ياحياتها معكم خمس دقايق وبعدها اجي اشوتك برا هيام جراح زوجك ملكتوا قبل شوي وبكرا بتسافرون
جراح عليك الباقي وطلع وسكر الباب وراه
جراح جا ومد يده وصافحها قعدوا على السرير جنب بعض
جراح:شخبارك هيام
هيام تبلع ريقها وتناظره:معاك بخير
جراح يمسك ايدها:ياه اخيرا مابغيت عذبتيني ياهيام النوم مجافيني ويتحسس وجهها نضرتك وعيونك ورسمك مايغيب عني
هيام نزلت دموعها:لأني خايفه عليك
جراح يمسح دموعها:لاتبكين ياعيوني وقت البكى انتهى
هيام:انت الحين فهمتني خلاص مسامحني
جراح:وليه انا اقدر ازعل عليك علشان اسامحك
هيام تناظره وجراح باس جبينها:احبك هيام
هيام خدودها حمرا
جراح:هههههههههه تدرين انك اجمل بخدودك الحمرا
فيصل طق الباب ودخل:يالله خلاص اطلع برا وهيام تجهزي فهد يوديك السوق تجهزين كم شغله كذا حق كم يوم واذا رجعتي
ان شاء الله يصير خير
جراح قام ويدف فيصل بشويش على برا ويقفل الباب
فيصل من برا:والله لعلم ابوي
جراح فتح الباب وحط رجله علشان مايدخل:انقلع بقولها شي واطلع
هيام تضحك عليهم وفيصل ناقع ضحك على شكل جراح وهو عاقد النونه وشاد على اسنانه ويتكلم
سكر الباب ودخل باسها:وعدنا بكره بنروح مكه ويشاورها وهو يسمع نبضها احبك احبك احبك ولا اقدر اعيش من غيرك
مشى خطوات بطيئه وعند الباب دار وجهه عطرك حلو ليتك تاخذينه معنا ويغمز لها الي على بيجامتي واثاره على شماغي
هيام فتحت عيونها وجراح ضحك وطلع
---------
بالسوق
مريم وفهد وهيام يجهزون بعض الأشياء المهمه لسفرة هيام وجراح بكره
في مكان اخر
الجوهره:والله منت بسيط ياخوي
جراح:طبعا ،شرايك بهذي
الجوهره:لا هذي احلا
سامي:جراح شوف هذا حلو يصلح لك
جراح:ايه احلى من الي معي
-------------------
مشاري:الف مبروك موافقة ابوي وياويلك من موافقة اهلها
ناصر:والله انتظرها العمر كله بس يوافقون
مشاري يبي يخوف ناصر:طيب يمكن تحب
ناصر :هاه وناضر مشاري ياخي انت وكلامك قل شي يفرح
مشاري:ههههههههههههه
ناصر يتنهد:الأنوثه والبرائه والطفوله في كيان واحد ماادري شلون بس مايلوق على غيرها اه يامشاري خذت عقلي صرت
اهوجس بها حتى وانا نايم
مشاري:حاس فيك وانا اخوك لاتتعلق بها اكثر انت ماتدري وش يصير
ناصر:هو على كيفي نضره قلبت كياني وهزت براكين الشوق نضره سوت كذا اجل لو
مشاري:خلك متفائل ياناصر
ناصر:مالي حيله غير الصبر
-------------------
في اليوم التالي
الكل ودع هيام وجراح اقلعت الطائره من الدمام الى جده وهم اخذو سيارة استأجروها من جده لمكه
بالطريق
جراح:وش تبين من الكوفي
هيام:ماابي شي مشكور
جراح:لازم يالله بسرعه بطلب
هيام:موكا
جراح:لو سمحت 2 موكا
بعد مامشوا وهم يشربون
جراح:الحين وش تبين اناديك هيام ولا هيومتي ويناظرها ولا معذبتي
هيام:جراااح
جراح:ياعيونه
هيام بحيا:الله يخليك لي
جراح:ويخليك لي حبيبتي
حطو سيارتهم بالمواقف وطلعو للمسجد الحرام واعتمروا بعدها راحو للفندق الي حاجزين فيه ويطل على الحرم
جراح:حياتي هيام يالله تجهزي نروح نتعشى
هيام:باخذ شور بالأول
جراح:اكيد حتى انا
بعد الشور
جراح:انتضر عامل الصيانه علشان التكييف واطي مره وبعدها نطلع خليك لابسه عباتك
هيام اتصلت على الرسبشن
فتح جراح الباب لعامل الصيانه وفجاه طلع مسدسه وهو مشهره بوجه جراح
اورنس بصوت واطي:ادخل ولا كلمه ولا بتشوف شي عند الله خبره
دخل جراح يبي يتكلم يقول شي وده يصرخ ويحذر هيام بس خايف عليها
دخل اورنس وسكر الباب وراه
هيام للحين تكلم الرسبشن:لحضه شوي لو سمحت وتنادي جراح وراحت تشوفه واول ماشافت المنضر شهقت وبدت
تنزل دموعها:اورنس خله الله يخليك
اورنس يتفحصها بنضرات غريبه:وانت ياحلوه ماعليش بعذب حبيبك شوي
جراح ماتحمل اكثر وبكوعه ضرب اورنس وانحنى شوي واخذ الفرصه جراح بس اورنس ضربه ضربه قويه وطاح على الأرض
وجت هيام تركض وهي تبكي:جراح جراح
اورنس:عشان تتعلم الدرس ياحقير
قام جراح وحضن هيام عشان مايأذيها بس القدر مكتوب
اورنس وهو مشهر مسدسه:صراحه مايهون علي ياهيام اني اعذبك لأنك بنت خالتي بس هذا"ويأشر على جراح"
لازم يتعذب لأنه خطفك مني"ضل واقف شوي يحرق اعصابهم" هاه شرايكم نسوي قرعه ولا اسوي الي ببالي
هيام تبكي وجراح يهديها
اورنس:بدا يستهدف وهيام موووت خايفه ومغمضه عيونها عشان ماتشوف الي يصير ومع ضربة الرصاص
دخلت الشرطه وامن الفندق وامسكوا اورنس بعد مقاومه هيام اغمى عليها من الخوف والأصابه لأن اورنس صوبها
بالمستشفى
فيصل وفهد لما عرفوا على طول احجزو جو
صحت هيام وهي تناظر حولها فيصل وفهد يتكلمون
فهد:فيصل تتوقع متى بتصحى
فيصل:تدري امي لو تدري يمكن يصير لها شي
هيام تذكرت الي حصل وقمزت وبصرخه:اااخ
فهد خايف عليها:هيام اهدي ارتاحي انت مجروحه
هيام انسدحت وبألم:جراح وينه
فتح جراح الباب:هلا ياعيون جراح ومعاه اكياس
هيام بحيا:انت بخير
جا جراح وقعد جنبها:بخير ياحياتي
فهد:الله لنا ،جراح عيب عليك وهو يمشي وياخذ فيصل معاه عيب عليك تطردنا ياخي قل انك تصرف صدق ماتستحي
الكل:ههههههههههههه
طلعو
جراح يبوس جبين هيام:سلامتك يابعد عمري
هيام:انت مافيك شي انت بخير
جراح:لا ياحياتي مافيني شي
هيام ودموعها على خدها:طول العمره وانا ادعي ان الله يحميك ويبعد عنا اورنس
جراح بفرحه :هههههههههههههههه وهو يحضنها احبك هيام احبك
هيام تمسح دموعها:وانا بعد
جراح يقلدها:وانا بعد يناظرها المفروض تعوضيني عن عذاب الأيام الي راحت بدونك
هيام:ههههههههه
طقوا الباب ودخلو
فهد:والله الصراحه ماودنا نزعجكم بس احنا جبنا لكم العشى
جراح:مشكورين وهذي الأكياس فيها كل شي نبيه
بعد مرور اسبوع
ابو مشاري:هلا فيك ياابو جراح الصراحه سعدت بمعرفتك ناصر صدع راسي من كثر مايحكي عنك
ناصر:يبه لا تطلع فضايحي
الكل:هههههههههههههههه
جراح صب القهوه وابو مشاري نزل فنجاله والكل انصدم
ابو مشاري:انا جلي وعندي طلب ياابو جراح وهقوتي كبيره
ابو جراح:اشرب قهوتك ولك الي اقدر عليه
ابو مشاري:انا جاي اخطب بنتي جوري لولدك ناصر
ابو جراح:بس هي صغيره لسا عليها
ابو مشاري:الصغيره تكبر والرسول دخل بعائشه على تسع سنوات
ناصر:ياعمي انا مستعد انتضرها لين تخلص الثانويه
ابو جراح:ياجماعه صلو على النبي السوالف هاذي تلهي البناتن عن الدراسه لو نأجل الموضوع لحد ماتنتهي من الثانويه على الأقل
ابو مشاري:حنا تزوجنا حريمنا واعمارهم اصغر
ابو جراح:هههههههه والله وذكرتني وبعدين بنات الحين مو مثل بنات اول
ابو مشاري:انا ماودي اضغط عليك اكثر انتم تشاوروا وردوا لنا الخبر
جراح ساكت ويناضر لناصر الي وده يبكي لمن سمع كلام ابو جراح
ابو مشاري وهو طالع :ياليت ياابو جراح تفرحني بناصر قبل اموت بسافر لندن اسوي عمليه ماادري ارجع ولا لا
مشاري:بعد الشر يبه
ابتسم ابو مشاري وهو يمسح دموعه بفرحته بعياله وطلع
الكل متأثر
مشاري طلع ورا ابوه وجراح يناظر وهو ساكت
ناصر وهو واقف :صدق ياعمي براعيها مثل عيني واراعي ضروفها وانتضرها لين تخلص الثانويه وبعدين نتزوج وبحطها بعيوني
ابو جراح بحس فكاهي:اف اف من الحين عمي ومثل عيوني
ناصر ابتسم:مشكور على ضيافتك وطلع ضايق خلقه
لحقه جراح:ناصر
ناصر:هلا
جراح:تعال خلنا نجلس بالحديقه ابي اكلمك
قعدوا بالحديقه
جراح:ناصر انت ليه مصر على خطبتك لأختي؟
ناصر انصدم:من كثر مااسمع عنها صرت ابي اعيش مع هالأنسانه هذي
جراح:ابوي يبي شوية زن بس وان شاء الله بيرضى ان شاء الله ترا غلاتك من غلا مشاري
ناصر:تسلم جراح
-----------------
باليل
مشعل وبشاير صايرين يتهاوشون على كل شي واسباب تافهه
جا مشعل تعبان ومهدود ونعسان دخل غرفته وبشاير عملت حالها نايمه زعلانه ومنقهره منه
مشعل:السلام
بشاير ماردت يعني نايمه ولا ماتبي ترد
مشعل شافها نايمه وشاف ولده ياسر بعد نايم باسه علق ثوبه وشماغه ولبس بيجامته واانسدح بفراشه وبشاير صاير وجهها
على الجهه الثانيه حضنها وهو يمسح على شعرها باسها حس انه مشتاق لها
بشاير لسا مطبقه دور النايمه صدت عليه وهو للحين يحسبها نايمه بس يوم شاف دموعها عرف الحيله
مشعل:بشاير انت صاحيه
بشاير حضنته وقعدت تبكي
مشعل يمسح على شعرها:اسف روحي والله مشتاقلك مشتاق لبشاير الي تحبني
بشاير:اسفه وربي تعبت
مشعل:حياتي خلاص لاتبكين
بشاير تناظره:مشعل سامحني انا ماقدرت انك تتعب علشان الناس الي تحبهم كنت متضايقه اني صرت مااشوفك كثير انا محتاجه لك
مشعل:معك حق انا صرت انسى حتى مواعيد الأكل يادوب اروح الصلاه وارجع خلاص اليوم انهيت كل شي وبقعد لك ويمسح دموعها
بشاير:اشوف
مشعل وهو يغمض عيونه:ضميني ابي اسمع نبضك واشم ريحتك ابي انام مرتاح
ليست هناك تعليقات:
إرسال تعليق