في بيت ابو طلال عشى على سلامة عايشه
عايشه مره فرحانه
وعد:الله وناسه ليتنا على الأقل كل شهر نجتمع لو بأستراحه
الجوهره:والله انك صادقه
ابتسام:لا والله بالبيت اونس
بشاير:تدرون اول انا مااحب اطلع من البيت بس بعد ماتعرفت عليكم صرت اشتاق لكم ولجمعتكم
وعد:اف اف مشعل معلمك الكلام الكلاسيك والرومنس
بشاير:وليه مشعل واناليه مااعرف اقول
الكل:هههههههههه
مها:اها انا اشم ريحة غيره
رحاب بمزح:كلا يرا الناس بعين طبعه
مها حساسه جدا جدا
هيام:مهاااا اعترفي تغارين على مين
مها وخدودها حمرا:وجع هيام
مشاعل:مها يمزحون معك
مها وبعيونها دموع:لاعادي وبسرعه قامت وطلعت برا وقعدت تبكي
ثامر كلم عايشه علشان يودعها لأنه مسافر بعد شوي عنده شغل
جا ثامر وشاف عايشه تبكي خاف احد مزعلها قعد جنبها وحط يده على ظهرها:عايشه ليه تبكين
مها نقزت بصرخه وخوف ويوم شافت ثامر راحت تبكي وهي تركض وثامر مندهش هو يحسبها اخته ياه يالفشيله لاتعلم اهلها
وش يقولون عني
عايشه واجهت مها وهي طالعه ومها داخله وشافتها عيونها حمرا ومتضايقه استغربت اكثر
عايشه:هلا ثامر
ثامر سرحان مايرد
عايشه:ثامر ثامر
ثامر انتبه:هلا ليه طولتي
عايشه:ثامر شفيك انا صارلي ساعه اناديك وانت ماترد
ثامر:انا بسلم عليك لأني مسافر مع زملائي بالعمل للرياض بس انا
عايشه:لا اليوم انت مو طبيعي شصاير
ثامر:مين الي تو راحت تبكي اكيد شفتيها
عايشه:ايه شفتها ليه تسأل
ثامر:حسبتها انت وقعدت جنبها وحطيت يدي عليها الحين وش بتقول عني واذا قالت لأهلها
عايشه:تطمن ماراح تقول تستحي وبعدين انت مو قاصد
ثامر:طيب تأسفيلي منها والله اني ماادري
عايشه:هههههههه خلاص فهمت وبقولها
ثامر:طيب ماتدرين ليه تبكي كسرت خاطري
--------------------
دخلت وعد على مها وقعدت جنبها:اسفه مها وربي مااقصد حنا بنات ونمزح ونحب نتناقر لو تشوفيني انا وهنوف بالمزح يحسبوننا
بهوشه جد وكله مزح
مها:انا زعلانه من نفسي ماادري ليه اتحسس من كل شي
وعد:يعني منت زعلانه علينا الكل ندمان عشانك وترا هم مايقصدون
مها:ماصار شي بس انا حساسه اكثر من اللزوم ومااقدر امسك اعصابي تعبت من هالشي
وعد:ولا تاكلين هم مع الزمن بتتغيرين
طقت الباب ودخلت عايشه:ممكن ادخل
ابتسمت مها:تفضلي
وعد:هيه هيه هذي غرفتي انا الي اقول وتناظر عايشه:اتفضلي استازا عايشه
مها:هههههههههه
عايشه قعدت:ايه ورينا سنونك ورينا الضحكه الحلوه
وعد طلعت بغمزه من عايشه
مها:عايشه انا مو مزعوجه منكم انا زعلانه على نفسي اني ماأسيطر على مشاعري وحساسيتي الزايسده
عايشه:طيب قصرتي علي المهمه
مها:وش مهمته؟
عايشه:اخوي ثامر يتأسف منك
مها:وليه شله دخل
عايشه:هو يحسبك انا وعشان كذا صار سوء تفاهم وقعد جنبك
مها:هذا اخوك
عايشه:ايه وهو يعتذر ومستحي منك
مها:تصدقين روعني كان بيوقف قلبي بس الحمد الله انه اخوك ومحد شافنا ولا يقول بمشهد غرامي
مها وعايشه:هههههههههههههههههههههه
--------------------
ثامر بالسياره مع زملائه وباله بعيييييييييد وبنفسه"ياي بس كذا خلاها تبكي معقوله تكون مثلا تحب احد وانا شلي دخل:
سيف:ثامر شفيك ساعه اناديك ليه ماترد
ثامر يضحك وبنفسه"وش سوت به هالبنت كل ماناناداه واحد مايسمعه يفكر فيها":نعم
سيف:تو الناس مابغيت
-------------------
ابو جراح قاعد بالمجلس كان سرحان برد ام جراح ويتذكر ام جراح شقالت عن جوري بنته الصغيره المدلله ماتوقع ردها
"الي تشوفونه بصالحي سووه"وبنفسه حس ان بنته كبيره ايه كبيره تفكيرها اكبر من عمرها
جراح:يبه شفيك
ابو جراح:اه وانا ابوك الصغير يكبر وناظر مشاري ياولدي يامشاري
مشاري بخوف:هلا عمي
ابو جراح:خل ابوك وناصر يجون بكره
مشاري بفرحه:ان شاء الله
---------
مشعل:واحد اونو
بشاير:يوه مشعل هاذي ثالث مره تفوز شكلك تغش
مشعل:هههههههههه هذا انتم يالبنات ماتحبون تخسرون على طول تحطونه على العيال ويقلدها غشاش
بشاير:مشعل صارت عيال وبنات اجل انادي خالتي ومها ومشاعل ونعلمك منو البنات
مشعل يلحقها:وين رايحه انا الي فزت
بشاير:ايه يعني
مشعل:لا ياماما لازم تنفذين سؤال ولا طلب
بشاير:سؤال لا انت اسألتك محرجه يالله طلب عشان انا جوعانه اسويلك معي شي تاكله
مشعل:لا انا ابي شي ثاني
بشاير:مشعل لاتفكر تحرجني
مشعل:انا الفايز
بشاير تمد لسانها:ادري
مشعل:اذا يامعذبتي افتحي الباب ولا الشباك ويناظرها لك الأختيار واصرخي وقولي احبك
بشاير:لاه يامصخي وعمي يسمعني واهلك
مشعل يسوي نفسه زعلان:وليه عادي ماتحبيني
بشاير تمسك يده وتحط راسها علو صدره:اه يامشعل لا انا مااحبك انا اتنفس هواك حبك هو نبضي تذكر يوم سويت حادث كان
بيصير فيني شي ونزلت دموعها
مشعل:ههههههههههه طيب ليه تبكين
بشاير:تخيلت الدنيا من غيرك
مشعل يحضنها:نور عيوني انت ويمسح دموعها تتذكرين بداية زواجنا كنت تصديني بشراسه وتهجريني وتجرحيني ماقدرت
اكرهك الي استغربت منه اني صرت احبك واتمسك فيك اكثر وانت تبينين لي كرهك ياه عذاب فعلا الحب عذاب
عمرك مابينت انك تحبيني
بشاير:الا مره وحده وبحيا يوم العيد هههه هذا دليل
مشعل:اها قلتيلي طيب لا تضيعين السالفه يالله بسرعه التنفيذ
بشاير:يوه مشعل خلاص عديها
--------------------
مشاري وناصر طلعو من بيت ابو جراح
مشاري:مبروك نويصر
ناصر:يامصخك ياشيخ نويصر عاد وبهاليوم
مشاري وناصر:هههههههههههههههه
ناصر:كان ودي اشوفها
مشاري:احمد ربك وافق عاد الزواج اصبر لين تخلص الثانويه
ناصر:على الأقل نملك اكلمها واشوفها يعني تصبيره
مشاري:هههههههههههههه
ناصر:الي رجوله بالمي مو مثل الي رجوله بالنار
رن جوال ناصر:هلا يبه لا انا برا مع مشاري وقطب حواجبه ايه ليه بخوف يالله داخل
مشاري:وش فيه
ناصر:الله يستر ابوي يبيني ادخل
دخل ناصر ومشاري وعلى ملامحهم الخوف
ناصر:هلا يبه
جراح:ههههههههه شفيك
ابو مشاري:تعال ياولدي ابو جراح وافق تشوفها بس هالمره يعني نضره شرعيه
ناصر هدت اعصابه :خوفتني
ابو جراح:انا عند كلمتي وماتغير طول ماانا حي جراح قم خل اختك تتجهز
ابو مشاري قام ومعاه مشاري وطلعوا
شويييييييييي
دخل جراح:شف لا تحرجها تراها تستحي
ناصر:يوه هي بس خل تجي
جراح راح وبعدها رجع ومعاه جوري وهي وراه
جراح:تعالي جوري قدمي لخطيبك العصير
ناصر بنفسه"اف مااشوفها زين الله يهديك ياجراح ابعد شوي"
كانت طبيعيه جدا شعرها الأسود محرر وحاطه كحل وقلوس كانت اسره بمعنى الكلمه جمال طبيعي مع حيا البنات يصنع المعجزات
لا تسألون عن ناصر وهو يناظر جوري مو مصدق يحس انه بحلم
ناصر ياخذ العصير وهو يناظرها
جراح بصوت واطي:بشويش لا تنضلها
جوري حطت الصينيه على الطاوله وجت تبي تروح انكب العصير على ثوب ناصر
جوري بالعاده ماتمسك حالها كانت بتنفجر ضحك بس الله ستر بسرعه طلعت وراحت تركض لغرفتها وهي ناقعه ضحك
جراح ناقع ضحك:وش فيك الله يغربل عدوينك اول مره تشوف بنت
ناصر :ههههههههههههههههههههه ياخي شتبي انت وخشتك اكب العصير على نفسي انا حر
جراح:بلاك مخك الي مو معك
ناصر:اه وانت الصادق
جراح بنفسه"غريبه جوري مسكت نفسها مانقعت ضحك"
---------
سافر ابو مشاري ومشاري الى لندن محد يعرف عن حالته شي بس عياله مشاري وناصر
-----------
سلمان ورحاب بدو العلاج فعلا والأمل بالله كبير
---------------
ثامر دايم يفكر بمها الي مايعرف الا اهلها واسمها بس يمسح فكره تطري في باله لمجرد انه يشتغل في شركة ابو مشعل
---------------
دخل نواف وام هنوف على هنوف بعد مارتاحت بعد الولاده نواف يبوس هنوف :شخبارك حبيبتي
هنوف بتعب :الحمد الله
نواف:تعبك الفصعون انا اوريه"يقصد البيبي"
هنوف بابتسامه:عنيد مثل ابوه
نواف:مسرع عرفتي
ام هنوف:ابن البط عوام
الكل:هههههههههه
-------------------
امال ومشاري يبنون حياتهم طوبه طوبه
----------
طلال ووعد مايتقابلون ابد بطلب من وعد
----------
عايشه بدت تسترد عافيتها بفضل من الله ثم زوجها الي مدها معنويا ونفسيا لتخطي صعوبة المرض
--------------
بعد مرور شهر
حفلة رجوع ابو مشاري ونجاح العمليه
جوري وامها قاعدات جنب بعض والحريم خز
جت حنان:جوري امش معي
جوري:وين
حنان:البنات كلهم هناك بالحديقه
عند البنات سوالف وضحك وفرفشه الا هند الي تخز جوري لأنها تحب ناصر
جوري بصوت واطي:امال شفيها هذي نضراتها روعتني
امال:هذي بنت عمهم
جوري:طيب ليه تخزني كذا
امال:لأنهم كانو يضنون ناصر بيتزوج هند بس ماصار الي يبونه
جوري:الله يستر
هند:شعندكم تتكلمون بصوت واطي ولا محنى قد المقام
امال:ولا شي سوالف شخصيه
هند:مايصير تتكلمون اثنين بدون الباقي
حنان عارفه هند:هند خلاص
هند:ولا ماترضين على حريم اخوانك
حنان:اكيد وفيه احلا واحسن من حريم اخواني
جوري ابتسمت بغرور وامال رفعت حاجبها
امال:مشكوره يااحلى حنونه
هند:كان قدامه ملاك وراح لناس ماتستاهله
جوري:استغفرالله
حنان:هند وش هالكلام
هند:اكيد اخذك علشان فلوس ابوك مو ميت عليك خربت علينا عادات عايلتنا
امال:هند اسكتي
هند:انت مالك دخل والعقربه الي جنبك"جوري"تتصنع البرائه والطفوليه وهي عقربه
قامت جوري:اخذني انا وانا بجمالي ودلالي ودلعي بس حبيبي ناصر وعدني بس نتزوج بنروح جنيف واسبانيا تجون مهنا اموله
امال:جوري اقعدي
جوري:لالا انا رايحه وبطريقه استفزازيه وتأشر على هند شخصي مايقدر يقعد مع الاشياطين وراحت عنهم قريب باب
المطبخ وبعيد عن انضار البنات وقعدت تبكي لازم ترجع البيت بس ماتقدر تطلع جراح من الرجال
حنان:اسفه جوري هند ماتقصد
ناصر جاي يبي يروح غرفته ووقف يوم سمع صوت وجا بيرجع للرجال بس ضل يسمع
جوري وهي تبكي:شوي وتاكلني بعيونها وكلامها مثل السم
حنان:والله لوريها الخايسه هندوه بس انت لا تزعلين هي من يومها حقود انا بنت عمها احيانا الا دوم تزعلني
جوري ساكته
حنان:يالله جوري ادخلي ترا فيه كلب
جوري:اقابل الكلب ولا اقابل هند
حنان:خلاص لا تبكين ارتاحي شوي وادخلي اوكي
جوري:اوكي
دخلت حنان
جوري وهي تبكي:ليه ياناصر ليه تخطبني وانت تحبها الله ياخذها هي وعيونها الي تروع
ناصر قطب حواجبه وزم شفايفه وبنفسه"ياحياتي ياجوري كلامك زي الأطفال اخاف اكون غلطت يوم خطبتها
سمع صوت صراخ جوري ونباح الكلب اف وش جابه هذا وبسرعه راح يلحق الكلب
ناصر يأشر للكلب وجوري متخبيه ورا ناصر وماسكه ثوبه الكلب ابتعد شوي
ناصر:جوري يله روحي بسرعه
راحت جوري وهي تركض عثرت بكعب صندلها وصاحت:ااااخ
ناصر راح يركض:وش فيه
جت تقوم وصرخت:رجلي تعورني مااقدر امشي
ناصر بدون تفكير شالها وحطها على درج المطبخ
ناصر وهو لاف ووراه جوري:جوري اسف انا سمعت كلامك انت وحنان كنت جاي بدخل من المطبخ ابي اروح غرفتي
وسمعت كلامك انا خطبتك لأني حبيتك وراح يمشي بخطوات سريعه
جوري طقت الباب ودخلوها الخدامات
------------
في اليوم التالي مشعل وبشاير بالسوق
مشعل:بشاير شوفي هذا القميص راح يصير عليك روعه
بشاير:ياي يجنن مشكور مشعل على ذوقك الروعه
مشعل:ههههههه ياحبكم يالبنات للمشترا
جا بيدخل المحل وبشاير شافت شوفه ودها لو ماشافتها:لا خلاص مشعل ماابيه
مشعل:عاد انا ابيه ان سعره غالي ماتبينه الغالي يرخص للغالي
ريم تتمشى مع صديقها رائد
مشعل دخل وبشاير تدعي انه مايشوف ريم
مشعل بابتسامه يدفع للكاشير ويوم جا بيطلع انتبه لريم وبدت نضراته تحتد
قرب منها:ياقليلة الأدب امشي قدامي
ريم تكلم صديقها:ابعد عني ياقليل الأدب"تبري نفسها"
صارت هوشه كبيره باكلام وجت الهيئه وخذت رائد ومشعل اخذ ريم
عند بيت عمته ام بدر وريم
مشعل بعصبيه طق الباب ودخل وهو ماسك ريم من شعرها وهي تصارخ
ام بدر"عمته":مشعل وش تسوي اترك بنتي
ريم انتهزت الفرصه وانطلقت لأمها
مشعل:عمتي ربي بنتك لا اكسر رجليها وراسها تتمختر مع الرجال بالمجمعات قليلة الأدب والحيا ويناظرها مااحترمت اسم عايلتها
ولا دينها نزلي عيونك لاترفعينها انا لو مثلك انتحر احسن
ام بدر:خير ليش كل هذا
مشعل وهو شاد على اسنانه:اقولك تتمشى مع رجال وكنهم بشهر العسل
ريم:كذاب هو كان يغازلني وانا هاوشته وهو سحبني مثل المجرمين
مشعل:اسمعي اقسم بالله ان ماعقلتي لكون متصل على اخوك الي يدرس باامريكا وتعبان عشان يجي مع رسالة الدكتوراه
وانت عارفه بدر زين يمكن يربطك بوحده من الشجر ويدعسك بالسياره هذا اقل شي يسويه
دخل ابو بدر:ليه صوتكم طالع وناضر مشعل اهلا مشعل عندنا
مشعل:شف بنتك وربها ولا انا اربيها بدل ماتمشي مع الرجال
في اليوم التالي
سلمان:هاه يادكتوره كيف الحين
الدكتوره بابتسامه:الصراحه ادهشتني التحاليل ماشاء الله انت متحسن كثير
سلمان:الفضل لله ثم لزوجتي
الدكتوره:اهنيك على روحك وروحها الرياضيه
---------------
بشاير:مشعل ياللله قوم
مشعل:ماني رايح مالي خلق ويناظرها بغمزه شرايك نروح الشاليهات بس انا وانت وياسر
بشاير بفرحه:والله من زمان وناسه
سمعو طق على الباب بقوه
قام مشعل بسرعه وفتح الباب:هلا يبه
ابو مشعل:البس والحقني وبعصبيه المصايب ماتجي الا منك
مشعل سكر الباب
بشاير:شفيه عمي
مشعل:مدري لاتاكلين هم تجهزي بنقعد يومين
نزل مشعل شاف ابو بدر وبنته ريم بنفسه"الله لا يجيبكم"
ابو مشعل:تكلم ياابو بدر
ابو بدر:مشعل بعد الي سويته ببنتي لازم تتزوجها
مشعل:نعم خير ان شاء الله وليه انا شسويت
ابو بدر:انت امس وصلتها وهي تبكي وحالتها حاله سويت الي سويته يامجرم لو صار لبنتي شي ياويلك طيب لو احد خطبها
وش نقوله نقوله ولد خالها وسكت
مشعل سكت وبعدين:قليلة ادب اقسم
ابو مشعل:لا تقسم لا تقسم
ابو بدر:لازم تتزوجها وتصلح غلطك
مشعل:اقول لو تطربق السما على الأرض ماتزوجها قليلة الأدب
ابو بدر:انت الي خليتها قليلة ادب بالي سويته فيها
مشعل:لاترمي بلاك وبلا بنتك علي انت واحد نصاب ابي دليل على كذا
ابو بدر:والي صار امس
نزلت بشاير وهي واثقه:الدليل معي انا وقفت جنب عمها ابو مشعل انا امس معاه وشفناها مع حبيب القلب
ريم:انخرسي
مشعل قطع كلامها:انخرسي انت ياقليلة الأدب
ابو بدر:طبعا تبي تشهد مع زوجها
ابو مشعل:انت سويتها من اول ومو بعيد عنك تسويها مره ثانيه
مشعل:يبه انت مصدق ومسك يد بشاير وكاني غلطت مره مايعني اني اغلط مره ثانيه انا تعلمت من الغلط وبعدين حبيبتي بشاير
يالله مشينا وينادي الشغاله :يالله شيلي الشناط
ابو بدر بعصبيه:وين رايح وتخلينا بالمصيبه الي سويتها
بشاير جت عند عمها:عمي انا شقرب لولدك مشعل
ابو مشعل باستغراب:زوجك وولد عمك
بشاير:يعني حلاله صح عمي انا مرته مالمسني الا برضاي وبعد شهور طويله من زواجنا انا ومشعل متفقين مانخلي احد يعرف
عن حياتنا بس ياليته يسامحني وهذا ضرف خاص
جا مشعل واخذ بشاير من يدها وباس يدها:يالله امشي ويناظرهم الله على الظالم
بالسياره
مشعل:بشاير انت مصدقتني صح
بشاير:مشعل انا ادري ان ابو بدر يتبلا ويرمي بلاه عليك
مشعل بتنهيده:اه يابشاير ليت ابوي يفهمني ليته يعرف انه هو السبب بغلطي الأول
بشاير:ماعليه حبيبي ماعليك بتبان الحقيقه
------------
طبعا رائد ولد العز ماراح يخلي ريم بحالها لأنها اهانته والهيئه سجنته كم يوم بس يطلع بيعلمها درس ماتنساه والي
يرشه بالمي يرشه بالدم
-----------
ثامر:سيف قلي وش اسوي
سيف:الفقر مو عيب والرجال تشتري الرجال
ثامر بسخريه:هذا الكلام لنا بس ياسيف بهالزمن الناس الأكابر واصحاب المعالي والهاي هاي هم البشر بس اما حنا
ماعليش يدوسون علينا مو من حقنا نحب بناتهم او حتى عيالهم على طول بيقولون طمعانين
سيف:انت ليه متشائم
ثامر:عاد تدري مشعل يتعامل مع الكل بتواضع واخلاق ويحترمني خاصه
سيف:حلو جميل جدا ابدأمن هنا
ثامر:يالله ماتغيب عن بالي صوتها ورسمها وبنفسه"عيونها اه ياعيونها"
سيف:ثامر وين رحت
---------------
بالشاليه
مشعل قاعد ومتضايق بالحيل وبشاير جنبه تحاول تهدي عليه
بشاير:حبيبي لا تشيل هم
مشعل قام وبضيقه:اه وين مااشيل هم وابوي مصدق وش يقولن خواتي وامي اخ يابشاير اخ ويناظرها ماتوقعتك بدافعين عني
خفت كثير مو على نفسي عليك انك تصدقين انا صدق غلطت مره بس تعلمت الدرس زين وانا الحين انسان ثاني وواعي
بشاير:غلطتك افضل شي حصل بحياتي خلتني اتزوج انبل انسان اعرفه
مشعل يحضنها:ليت ابوي يفهمني زيك ليته
بشاير:قوم توضا وصل ركعتين بترتاح
------------------
الكل يفطر
امل:فيصل ليه ماتاكل
فيصل:هاه ويناظرها بابتسامه ماني مشتهي وقام مع السلامه عندي شغل كثير وطلع
مريم:شفيه زوجك
امل ترفع كتوفها بمعنى مدري:صار له كم يوم احسه مو على بعضه اسأله يقول مافيه شي
مريم:الله يعينك على غثى الرجال اف
ام فيصل:يمكن سالفة الأولاد مضايقته ولازم تعرفين زوجك شفيه الرجال يحب المره تعرف الي مضايقه
مريم:يماااا
ام فيصل:انا صادقه
قامت امل وطلعت غرفتها وهي متضايقه مره وقعدت تبكي دخل فيصل نسى نظارته وشاف امل تبكي
امل تمسح دموعها:هلا فيصل
فيصل:ليه تبكين توني تاركك مافيك شي
امل:شوي متضايقه وبابتسامه انت ليه رجعت
فيصل قعد جنبها:نسيت نضارتي وماني رايح لين تقولين لي ليه متضايقه
امل:مافيني شي
فيصل:مو علي امل انا اعرفك اكثر من نفسي
امل:بصراحه وتناظره انت ليه متضايق الصبح خالتي سألتني وماجاوبت عليها عطتني محاضره بس كانت ولأول مره لصالحي
ولصالحك
فيصل:يالله يايمه
امل:هي صادقه ،فيصل
فيصل:هلا ياعيون فيصل
امل:تسلم عيونك بس ابي اسألك انت صارلك كم يوم تفكر انا لحد الحين ماصار عندنا اولاد
فيصل:هالشي من الله
امل:فيصل تكلم بصراحه وجديه
فيصل:اذا حياتي انت بكره جهزي حالك بنروح الدكتوره نكشف انا وانت تدرين وش الي مضايقني انت خايف عليك على احساسك
ومشاعرك انت دائما احسك تتحسسين من هالشي
امل تحضنه:مشكور حبيبي دايم تفكر فيني
فيصل:ههه حياتي انت اذا ماافكر فيك افكر بمنو
امل تضحك
فيصل:ايه اضحكي مابي اشوف دموعك ابي اشوف ضحكتك الحلوه
-------------------
جراح:هيام هيومتي حبيبتي وينك يناظر حوله المكان كله شموع ريحة البخور والعطور فجأه طلعت هيام باسو بعض كانهم
من زمان عن بعض جراح قدم لهيام ورود حمرا بباقه جميله عليها كرت
هيام ضحكت
جراح:وش الي يضحكك
هيام:لأن القلوب عند بعضها وطلعت ورده بيضا وكاتبه بالأحمر على شتلات الورده "احبك"
----------------
رائد صديق ريم الي يحاول ينتقم منها لأنه بنضره دخوله السجن يومين بسببها جريمه بحقه
رائد:انا اوريها الحيوانه بفضحها بس بالأول بخليها تاكل علقه من اهلها
ليست هناك تعليقات:
إرسال تعليق