الثلاثاء، 7 مايو 2013

رواية القلب سلم لك امره - الجزء الرابع عشر‏



بسمه مقيده في استراحه تخص متعب صحت بعد المخدر تناظر حولها الا هي وسط رجال وحرمه واول مره تشوفهم

بسمه بصوت مهزوز:وين انا 
فرح بغيره:ماعليك كم يوم وبنرجعك 
متعب:وليه نرجعها نعذب حبيبها اول 
بسمه تبكي متعب يقرب منها ويمسح دموعها وهي تصد وجهها 
متعب:لالايانونو ياحلو ليه تبكي
فرح بانفعاليه تجر متعب وبصوت واطي:متعب ماتفقنا كذا
متعب:هههههههههه لاتغارين هذا من طرق التعذيب
------------
في المستشفى
فهد يصحى ويناظر يمين ويسار:يالله انا وين ويتذكر الي حصل 
دخلت الممرضه ومعها الدكتور 
فهد:مين جابني هنا
الممرضه:الفندق اتصلو على الأسعاف 
فهد:كم الساعه الحين ابي اطلع ضروري 
الدكتور:مايصير لازم تفحص
فهد قام :بعدين بعدين وطلع
والدكتور يتكلم ويمشي وراه وهو ماسمع ولا كلمه كل باله عند بسمه ركب تكسي ودخل الفندق وركض
على غرفته لقى الباب مردود رد يعني مفتوح شوي مو مسكر حس برعب ماعمره حس به ودخل وهو ينادي بصوت 
كئيب ومرعوب :بسمه بسمه على امل انها ترد او يلقاها فتش بكل مكان بكل ركن بالأخير لقى رساله قراها بسرعه وحرف حرف
والزبده انها مخطوفه ولازم هو يجي ينقذها ب3مليون ريال فهد طاح على الأرض بصرخه مزمجره من الغضب وعدم التصديق
------------------------
ام جراح:لا يمه بنيتي القاها وتضيع مني يارب وش هالمصيبه 
ابو جراح:وين فهد محد اتصل عليه
جراح:اطلبوه الشرطه يبون بعض التفاصيل
----------
في مطار بالمانيا 
سلطان:يالله مشينا جات سيارة الفندق 
فارس:ابتسام وين شنطتك يالله مشينا
ابتسام:هذي معي ويمسك يدها ويمشي وهو يسولف معها 
رحاب كانت تناظر لهم وهذا الشي انتبه له سلمان
سلمان اشر لرحاب براسه تمشي وانتظرها مسك ايدها ومشوا التعابير مبهمه والأفكار ضايعه ومشتته كل الي يعرفونه انه 
في شي يجمعهم مو حب ولا كره ولا اي وصف ثاني احساس جميل في وقت صعب على كل اثنين
------------
وعد طلعت من غرفتها وتناظر التلفزيون وامها وام طلال بعد
طلال نازل وهو لابس احسن شي عنده بنطلون جنز ابيض وبلوزه"تي شيرت"اسود وشعره مويه وهو نازل الكل يناظر له
ام طلال بحب وخوف:ياولدي شعرك كله مويه نشف شعرك 
طلال:يما مستعجل
ام طلال:يالله الله يهديك مافيني حيل تمرض
طلال:وعد باستشور بغرفتك
وعد وقفت تلاقت عيونهم 
طلال:ممكن ياابو الشباب 
وعد :عشان خالتي بس وجلست
دخل طلال والغرفه كانت على طول جنب الدرج والي بالصاله يشوفون طلال دخل الغرفه والأستشوار على التسريحه ومليان شعر
والغرفه مكركبه وحوسه وفيها اغراض كثير في نفسه"ذي مو غرفة بنت"
يشغل الأستشوار ومايرضى يشتغل ويناظر الصاله وينادي:يااخ بالله يالحبيب ممكن مساعده 
وعد تناظر وهي منقهره وبعصبيه :نعم 
ام طلال:طلال وجع وش هالكلام
طلال:زين اسف بس ممكن الأنسه تجي تشغل الأستشوار 
ام طلال:ياامي ياوعد هذا زي اخوك روحي شغليله الأستشوار اخاف يطلع وهو شعره مبلل ويمرض
وعد وهي ماهي داريه كيف شالتها رجولها تفكر ليه دايم يجرحها ولا يحس وصلت الغرفه وهي خانقتها عبره وبصوت مخنوق
ماتدري كيف طلع:نعم
طلال يناظرها وحس بالقليل مما فيها:لو سمحتي وياشر على الأستشوار
وعد وهي تناظر الأستشوار وتتطرد عنها نظراته:ثاني مره احترم نفسك وتكلم بادب وشغلت الأستشوار وعطته بس هو طفاه 
وناظرها:ليه انا وش قلت غير الحقيقه
وعد بنفسها "يادموعي لا تفضحيني مع العذال مع حبيبي ونزل على خدها دمعه واسرعت وراها دمعات ودموع :انا بنت غصب عنك وانا بنت عن عشر رجال
طلال:امحي هذا الكلام من بالك انت بنت وبس انا ابيك تكونين البنت وبس
وعد:انا مو على كيفك تفهم وطلعت
بلا تفكير ولا شعور طلال مسك ايدها ورجعها ونفضت ايدها من ايده
طلال:امسحي دموعك واعطاها مناديل من جيبه 
طلال:ترا مايهون على اشوف دموعك وكل دمعه تحرق فيها قلبي ويتبلد عندها اي احساس غير اني احبك وسكت وعينه على تعابير وجهها
 وعد انصدمت وبسرعه:ايه باين وطلعت بسرعه 
-----------------
الساعه 6 الصبح
ام فيصل:انت يايمه مانمت 
فهد:وانا اقدر يمه بسمه حلم حياتي مخطوفه وانا مااقدر اسوي شي بموت يمه لو صار لها شي
الكل محتاس على فقدان بسمه 
--------------------
بعـض الجروح لاجــت من أحبــاب عادي بس الجــرح مــوت الجـرح لاجاء من أحبـــاب ..
صعــب تحـب أنســـان مايحبــك لاا وليتــه بس مايحبك مصيبــه لوكان يكــرهك ,, الوضـع صعب أنك بــس أتصوره كيف لوكنت أنت ..

مشعل:يالله بشاير بسرعه بتروح علينا الطياره ويناظر الهندي يجر شنطهم وانت وجهك بسرعه جيب الشنط
بعد ماركبو الطياره وهم اخر من دخل وبعد الأقلاع بشاير شوي وتبكي من الخوف كل مافي بالها ان الطياره ممكن تطيح
مشعل جالس وكل فكره مو معه يفكر كيف يصلح الموقف الي بينهم حفرته الأيام على جدرانها 
مشعل:بشاير فيك شي
بشاير:مشعل خايفه
وفجاه الطياره بدت تتحرك والناس تربط الأحزمه وبشاير تبكي :مشعل وش صار
مشعل:بشاير مافيه شي مطبات هوائيه
بشاير:الا والله فيه شي وتمسك بيده ودس راسها بين الكرسي وكتف مشعل مشاعرها تناقضت تحس بشي من الأمان 
عند انسان كان الخوف منه مسيطر عليها بينما مشعل حس بفرحه عارمه وانفاسها تدفي ظهره بنفس الوقت كل واحد يبعد هذي الأفكار
الدافئه لأن كل واحد يحس بدنو اجل هذه العلاقه
---------------------
الظهر رجع نواف وجايب اغراض للبيت:هنوف
هنوف طلعت من المطبخ وايدينها كلها صابون رجعت غسلت ايدها وراحت تركض خذت الأغراض ودخلتهم الثلاجه تسمع صوته يلاعب عياله وتتذكر النقاش الي دار بينهم 
هنوف:نواف قوم نام بغرفتك وانا بنام عند العيال 
نواف:اظن انه مالك دخل فيني 
هنوف بعدم صبر:اجل ليه تزوجتني
نواف:تربين عيالي
هنوف:قصدك اربي عيال اختي وهذا مايمنع اني اكون زوجتك ولي حقوقي بالأحترام والعشره الحسنه
طبعا احتد النقاش وطالت الألسن وشي واحد انهاه الكف من نواف على وجه هنوف الي طيحها على الأرض رجعت لأفكارها
يعني انا خدامه كله لأجلك ياريم
نواف:هنوف اناديك ليه ماتردين انا ميت من الجوع 
هنوف ماردت وقعدت تحظر الغدى
نواف راح لغرفة الجلسه فيها تلفزيون وجلسه ارضيه فواز جاب السفره وسنا الملاعق وهنوف الأكل 
بعد الأكل نواف:تسلم يدك 
هنوف توكل فواز وسنا ولا تناظره:الله يسلمك
رسميات بين زوجين الظروف الي حدتهم والأقدار رسمت طريقهم 
نواف مو قادر ينام من الصداع هنوف دخلت الغرفه "بعد ما انتهت من شغلها ونومت العيال "تبي تاخذ ملابس لها
نواف:هنوف جيبيلي بندول بسرعه راحت جابت له
نواف:شكرا ممكن تدلكين راسي ماني قادر اشوف من الصداع
هنوف كسر خاطرها لأن فعلا منظره يكسر الخاطر يتعصر من الألم جلست تدلك له وهو يناظرها باسى وشفقه
دوم حضها خاينها يتذكر كلام ريم عنها وحالتها الي ماتسر مع اهلها وبنفسه"هنوف تحس بغربه وسط اهلها وكيف الحين معي 
قالها وهو عيونه تسكر واخر شي شافه هنوف
------------------
فيصل:صباح الخير ياروحي ونور عيني 
امل بابتسامه:هلا صباح النور
فيصل يناظرها ويقلد صوتها ويعيد كلامها ويسالها:ايش هذا مافي ملح بهارات
امل بحيا:فيصل وش بهاراته 
فيصل يجلس على السرير ويقرب لها :يعني على ذوقك
امل تبعد ويمسكها فيصل منتي قايمه قبل ماتقولين
امل:فيصل حبيبي وسكتت
فيصل:ليه ماتكملين متحسفه على شي وسوى نفسه زعلان 
امل:فيصل انت زعلت 
فيصل مايرد
امل:ياربي وتقرب لفيصل ويعطيك قلبك
فيصل:اول شي بوسيني وارضى 
امل بحيا:وشو
فيصل ينط في وجهها:غصب عنك بعد مو برضاك
----------------
بسمه:قلتلك ماابغى شي
فرح:احسن توفرين علينا 
متعب يدخل:لالا عيب يافرح مايصير وبنظرات خبث للأثنين هذي ضيفه ولازم نكون مؤدبين معها 
فرح:خلاص انت اطلع
متعب يتصل على فهد من رقم مو مسجل باسم 
فهد:نعم
متعب يغير صوته باله مركبها على السماعه :انت فهد
فهد:نعم 
متعب:اظن قريت الرساله وهذا يكفي اليومين الي فاتو انك تجهز المني وبدون شرطه نصير احباب وانا اعطيك القمر الي عندي وسكر
فهد:حيوان والله لو اعرفه بس كان قطعته 
------------------------
فيصل:يالله ياامل ياطول روحك اخلصي الحين بيروح احسن شي علينا 
امل:يالله خلصت ويمسك ايدها بابتسامه ويقفل الباب 
امل تضحك
فيصل:فديت هالضحكه
امل:فيصل اخاف لنا مره نتمشى بالسجن
فيصل:اف وليه
امل:يحسبونا ارهابيين 
فيصل يضحك:حرام عليك خوفتيني 
فيصل وهو ماشي اشترا عقد من الفل واهداه لأمل
امل:شكرا 
فيصل:ياربيه على ذا الحرمه متى بتتعلم الرومنسيه 
امل وفيصل:ههههههه
-----------
في ناحيه اخرى من المانيا 
سلطان:سميه شوفي هناك عند الشارع الثاني المبنى الي لونه بني تراه متحف بنزوره بعد شوي
فارس:اسمع في محلات لماركات عالميه قريبه منه بالشارع الخلفي بنروحله ياسلطان مو تقول محنا رايحين وتسوي نفسك 
مرشد سياحي 
الكل:ههههههههه
سلمان كان ماسك يد رحاب وراص عليها عشان ماتفلتها حاس انه ظالمها ومايدري ليه 
رحاب كانت حزينه جدا على الي يصير دايم بس حاسه بالأمان يوم تكون يدها بيد سلمان حبيبها وزوجها 
-------------
العائله مجتمعه
ابو سامي:لا احد يخبر احد من العرسان ان شاء الله تعدي على خير 
جراح:لا حرام نقطع عليهم فرحتهم ونروعهم 
ام جراح تبكي :ياحسرتي عليك يابنت ماتهنيتي
ابوجراح:اذكر الله ياام جراح وتعوذي من ابليس قضاء الله وقدره وادعيلها ترجع بالسلامه 
فهد متضايق مره كلمه زياده ويبكي مو مصدق الي صار جراح حاس بهالشي وهو بعد كان بيموت على اخته 
-----------------
بندر :يادكتور عايشه تعبانه مره من العلاج خفف الجرعات عليها
الدكتور:يابندر هذا تاثير طبيعي للكيماوي وهذا يعني تجاوب الجسم مع العلاج 
بندر:خلاص خفف الجرعات
الدكتور:انت ماتبها اخفف عليها
بندر:والله انك حيرتني 
الدكتور:توكل على الله وادعيلها
مشى بندر وفيه احزان متراكمه وقلبه يلهج بالدعاء دخل على عايشه لقاها نايمه جلس جنبها وهو يقرا عليها وينفث حست عليه
وفرحت يوم شافته بندر حس بهذي الفرحه من عيونها بعد ماانتهى من القرائه 
عايشه:يعطيك العافيه
بندر وهو يقرب كرسيه اكثر ويمسك يدها :وش سويت انا يابعد عمري انت الله يقومك لي بالسلامه ان شاء الله 
عايشه:ان شاء الله كان ودي نتزوج بوقت افضل من كذا 
بندر:ياسلام وش قصدك بتحرميني من هالوجه 
عايشه تضحك:الله يسامحك لو قايلها قبل كان صدقت بس الحين مااقول غير الله يسامحك 
بندر:ليه يابعد عمري وقعدوا يتكلمون ويضحكون بندر منتبه على عايشه الي اسمرت وطاح شعرها وضعفت كثير غير الوجه 
الذبلان والجسم الوهن 
------------------
مشعل:بشاير انا جوعان وين نتغدى 
بشاير:انا اقول بمطعم احلى من الفندق
مشعل:خلينا نروح مشي 
بشاير كانت تمشي مع استراق النظر لمشعل بن الفينه والأخرى كانت تبتسم لأفكارها ياي يهبل يمه عيونه العسلي تخوف الا تهبل
بشاير مابغت تمني نفسها كثير ياخبله لا تحبينه يومين وبيطلقك مو هذا الي تبينه ياربي انا ليه اكرهه لا انا مااكرهه لا تكرهينه
مشعل:بشاير اكلمك ليه ماتردين 
بشاير:نعم 
مشعل:اسالك ولا تردين وين سارحه
وقفو على الطريق ينتظرون السيارات تعدي وقف جنبهم رجال ضخم ومعاه كلب كبير بالنسبه لنا 
مشعل انتبه بس ماحب يخوف بشاير 
بشاير:لا ولا شي 
مشعل:فيه مطعم اتذكره في نهاية الشارع وجنبه في مجمع حلو وبعد بوريك شي بس بخليه مفاجاه لك 
بشاير في هالحضه حست بالكلب الي جنبها وصارت تصارخ والناس تناظرها ومشعل يحاول يهديها والكلب ينبح عليها 
وراعيه يبغى بس يهرب من هالموقف
مشعل:خلاص خلاص يابشاير اهدي وسمي بشاير الي بدت تبكي لين وصلوا للمطعم مشعل دخل المطعم واختار طاوله في مكان
مناسب لهم بعيد عن الأنضار تقريبا
مشعل:الله يهديك كلب هذا مو اسد
بشاير وهي تبكي:ايه مو انت الي واقف جنبه وترجع تبكي الله ياخذه 
مشعل بروعه:مين
بشاير:الكلب
مشعل يطلع من جيبه منديل ويناظر يمين وشمال مافيه احد قريب ويرفع برقعها ويمسح دموعها بشاير خذت المنديل وغطت برقعها
مشعل:ههههههههه الحمد لله اني ماني بنت اتروع من كل شي
بشاير:ايه اضحك وانت شعليك
جت النادله في المطعم طبعا تركيه وعاد شوف الجمال والبياض ولابسه طقم تنوره لحد نص الفخذ
وبلوزه كم كامل 
بشاير شافتها:مشعل بنطلع شكل اكلهم مو حلو
مشعل انتبه:لا والله شكل الأكل وكل شي هنا حلو 
بشاير انقهرت:مشعل قلت لك مانبي شي بنروح الفندق
مشعل:حرام عليك والله جوعان 
بشاير حست بالجوع:طيب خلاص
-------------------
في ماليزيا
الجوهره:سامي ناظر ياقلبي يازينه ياحلاته الولد الصغيرون 
سامي:لاعاد تراي اغار 
الجوهره:ياربي نفسي ابوسه
سامي:من صدقك يخرب بيتك وش لقيتي فيه هو وعيونه المنمطه اصلا من جينا ماليزيا وانا مافرق بينهم 
الجوهره:ههههههههه
الولد كان يمشي بالشارع وجات سياره مسرعه انتبهت لها الجوهره وراحت تركض تبي تبعده سامي انصدم خلاص بتصدمها السياره
لامحاله وبصرخه :لالا يالجوهره تعالي ابعدي عنها 
-----------------
مشعل وبشاير يتمشون في المجمع الي جنب المطعم 
مشعل:بشاير وش تبغين خوذي 
بشاير:لا مابغى شي تو شاريه بجهازي بشاير عينها على دبدوب ابيض ولابس نظاره وماسك كتاب صغيرون ولابس افرفون احمر
مشعل كان منتبه وبشاير مستحيه لأنها كبيره على هالسوالف المهم مشعل كان يتكلم مع صاحب المحل بالأنجلش وبعدين طلعو قريب المغيب 
وتوجهو عند البحر وركبو لحالهم في قارب خشبي المشهد رومنسي جدا السما تميل للبرتقالي والبحرى اصطبغ بلون السما
مع حركة الموج الهادئه وصوت طيور النورس 
مشعل:بشاير شوفي الشمس نصفها في السما ونصفها الثاني في البحر
بشاير:ياي دائما اتمنى اكون بالبحر بهالوقت بس بحرهم غير والمنظر هذا ماعاد تتكرر 
مشعل:بشاير شفت احنا مثلهم انت الشمس وانا البحر ويمسك يدها نكمل بعضنا بهذا المنظر 
بشاير استحت والحيا على البنات يزيدهم حلا 
-----------
صار لهم ساعه على فراشهم نايمين ومو نايمين كل واحد مايقدر يعرف اذا الثاني نايم ولا لا 
عيون سلمان بدت تغفي لمن حس على صوت هادىء جدا في وسط الظلام مع اضائه خافته دار وجهه على الجهه الثانيه وهو مسكر
عيونه على انه نايم صار على جنبه اليمين ورحاب من جنبه الأيمن كانت تبكي بصوت هادي فقط دموع تسيل كالأنهار كانت
نايمه على ظهرها تناظر السقف وفجاه يد امتدت تمسح دموعها والثانيه تسحبها كان هذا سلمان قربها لحضنه وماقدر الا
انه يحضنها لصدره ويسورها بايدينه وباس مابين عيونها مايقدر يسالها لأنه يعرف السبب ولأنها بدت بالنشيج 
بعد لحضات هدت رحاب ناظرها نامت كالمعتاد تبكي وبعدين تنام كان هذا المشهد بالنسبه لسلمان عذاب وشقاء يعرفها هذي حبيبته
يعرفها ليه تبكي ماقدر ينام مقهور على نفسه وعلى حاله الي وصلها مع نبض قلبه وسدها يده وحاول ينام 
------------
طلع مشعل من الحمام اخذ الشور بعد الفرفره واول ماطلع وشاف بشاير :بشاير وش فيك كنت تبكين
بشاير تناظر مشعل وبالفعل اكملت بكائها وهذا الشي صدم مشعل الي ضل يناظرها وساكت ولا حاول يقرب منها 
بشاير:مشعل لاتحاول لاتحاول تقرب مني اكثر انا بديت انهار مشاعري مثل القطبين الي يتنافرون ومايقتربون مثل السما والأرض
مايتشابكون اعذرني يامشعل اعذرني انت كنت بالنسبه لي جحيم وحش كابوس ينتظرني اعذرني ان حياتي الماضيه كلها اكرهك
هنا مشعل عيونه طلعت ايه اكرهك انت دمرتني كسرت ثقتي بنفسي بين البنات كرهت كل الرجال والسبب انت 
مشعل بعصبيه:انسي انسي انت وحده معقده 
بشاير:حاولت بس لقيت انك انت الي معقدني واطلبك انك طلقني
مشعل:مستحيل والحين مافيه طلاق ولارجعنا يحلها الف حلال
بشاير:مشعل والله انك طيب وماتوقعتك كذا انا ماستاهلك انت ملاك وسكتت وحضنته كانت واصله لصدره 
مشعل انصدم من مشاعرها المتضاده حس انها يوم حضنته طيرت كل افكاره وانزرع امل كبير انه ممكن يغيرها 
مشعل بجسمه الطويل انحنا وشالها وحطها على السرير وقعد على ركبه على الأرض ويمسح دموعها
مشعل:بشاير حياتي خلينا نفتح صفحه جديده
بشاير:ماقلت لك انك ملاك يمشي ويمسح كل اخطائه ويصححها انا مااستاهلك
مشعل:اوعديني انك تحاولين وبلاش هالكلام انا اكبر غلط بحياتي غلطته مع ابرء البشر غلط دايم يلاحقني واخاف احد يكشفه مو بس
انتي تاثرت حتى انا 
بشاير:الحل اننا نطلق 
قام مشعل ومارد عليها :انا رايح بكلم ادارة الفندق وجاي نزل لصالة الفندق وسلم على صديقه واعطاه كرتون صغير منظره حلو 
وقاله يسلمه لأمه وبعدها كلم امه وهو طالع 
---------------------
فرح:انت ماقلتلي كذا طولت عندنا 
متعب:وانت وش عليك قاعده على راسك
فرح:متعب وين تذاكرنا لازم نسافر فبل لاننكشف انا عايشه برعب 
متعب:ماعليك يالغبيه ماراح يصير شي سلم تستلم 
فرح:انا خايفه مو بس على نفسي وعلى ولدي
متعب بضحك:اي ولد وبعدها سكت واستوعب وبدا يخز فرح ومسكها من يدها ليه انت حامل؟
فرح:ليه معصب ماتبغاني احمل
متعب وبدا يضربها ويهاوشها:احنا اتفقنا بدون اطفال وعشانك غبيه وماتفهمين مافيه زواج وباعلى صوت مافيه زواج
فرح:ولدك وين اوديه
متعب:اجهضيه
فرح وهي يالله تمشي راحت لغرفتها وهي كل ماتفكر به راح تنفذه بكره الموعد تاخذ الفلوس وتروح وتخليه جلست تفكر شوي 
ممكن يخونها ومايعطيها شي 
------------------
بالفندق
سامي وهو مره معصب:شفتي بغينا نموت بسببك
الجوهره:جالسه وساكته وخانقتها العبره وفجاه قامت ورمت عبايتها ودخلت الحمام ولا طلعت الا بعد ربع ساعه
سامي انتبه لعيونها الي تبي تنط من الحمار حس ان حركته بايخه يهاوشها في شهر العسل بس تذكر انه لو مالحقها باخر لحظه كان 
السياره صدمتها مسك يدها بس اسرعت نفضت يدها وراحت تركض للغرفه تبكي بصوت مسموع مو عالي
سامي يتقطع يوم يشوفها تبكي وهو يعرف يتعامل مع البنات بحكم انه عنده خوات وعلاقات قديمه قطعها من زمان 
راح وجلس جنبها جت تبي تقوم بس هو ماخلاها وجلسها ودار وجهها له وبصوت رخيم تعبان :ياجوهرتي ياحياتي
خفت عليك حسيت انك بلحظه بفقدك وهو يمسح دموعها اسف يانور عيوني وبدلع اخ يدي
الجوهره بخوف وتمسح دموعها:وش فيها يدك 
سامي يرفع كمه "هو يدري ان فيه جرح من الطيحه"الجوهره شافت الجرح وتحضن سامي وتبكي 
الجوهره من بين بكائها:سامي انا اسفه خليتك تتعور
سامي:هههههههههه الحين ليش تبكين
الجوهره تضحك ودموعها على خدها :مقهوره من الي صار
سامي يبوسها الله لا يخليني منك يارب 
------------------
جراح:فهد دوختني نم شوي صارلك كم يوم ماتنام مو زين كذا
فهد:مااقدر بطق واموت صدقني انا شاك بواحد ان صدق ضني بذبحه بموته بعلمه شغل رب العالمين واخليه عبره لمن يعتبر
رن جوال فهد وبسرعه رد:نعم ايه ،والله،وش يثيت،ايه ايه اخلصي وبعدين طيب وين وياشر لجراح انه طالع وسكر الجوال
جراح:فهد لاتتهور تعال وين رايح وبسرعه لحقه بس فهد كان اسرع منه اخذ السياره ولحقه واتصل على الظابط الي
ماسك القضيه والي مناوب 
وقف فهد سيارته بعيد شوي عن الأستراحه ووقف معاه جراح

ليست هناك تعليقات: